منتديات قصايد ليل - عرض مشاركة واحدة - غراميات مجنونه :: قصه عن البويات :: سعوديه .. جريئه .. واقعيه ومميزه

07-07-2011

الفصل الحادي عشر

((ضعـت مني بثــواني والله دنـيا ما تسوى))

بـــعــد مــرور أســبــوع .. علاقــه جـنا بـ هشوم رسميه جداا ... للحين هشوم ماقرر شنو يبي وجنا ماحبت تضغط عليه .. مرت الاختبارات النهائيه

سريعه على الجميـع وبــأخــر يوم من الاختبارات ...

راح هشوم لجـنا اللي كانت توها طالعه من قاعه الاختبارات

هشوم: هااه وشسويتي ؟

جنا\ بأيش

هشوم ويحط يديه ع جبين جنا : بسم الله عليك .. انتي من وين طالعه الحين

جنا : اي من قاعه الاختبار .. حليت الحمدلله

هشوم: يعني ناجحه بكل المواد

جنا: امااا كل المواد انا سويت اللي علي وماادري الله يعين

هشوم: طيب حبيبي تعالي

جنا واستغربت كلمه حبيبي من زمااان ماسمعتها .. (( راحت معها للسـاحـه الخارجيـه وكانوا البنات مسوين احتفااال واغاااني ورقص واستهبال بمناسبه اخر يوم ))

روعه: قاااايز (شـله ) نبي تحدي بالراب

البنات : واووووووووو

زينه: يلا التحدي بيننا وبين شـله جوجو

البنات: واوووو

جوجو : طيب انا بأخذ بويا من شلتي وبويا من شلتكم مين ترشحون من عندكم

البنات: هشوووووم

جوجو : هااه هشوم .. وش رايك

هشوم: اعجبكم بالراب

جوجو: طيب وانا من عندي بناخذ عزوز

شله جوجو : عزوووووزززززز

( ويحطون احدى اغااااني مايـكل جاكـسون .. وكالعاده فاز هشوم بالتحدي )

شله هشوم : اووووواوووو

( وانتهوا من الاغاني والرقص وجلسـوا يـاكلـون )

هشوم وهو جالس جنب جنا :مارح تسافرون بهالاجازه القصيره ؟

جنا: لا مااتوقع .. بس رح توحشني ..

هشوم ابتسم بدون تعليق

جنا: هشوم فيك شي ؟

هشوم: لاعادي

جنا قالت بعد خوف وتردد: احسك بعد اللي صار صاير تتجنبني .. انت ماتبيني ؟

هشوم: لا مين قال
جنا: تصرفاتك اللي قالت لي .. اذا انت ماتبيني قولي عشان اخليك براحتك انا ماابيك تضل معاي لانك تحس بالذنب

هشوم: جنا أنـا احبـك والله احبـك وانتي شي مهم بحيـاتي ومااتصور حياتي بدونك

جنا: اسمع كلامك اصدقك اشوف تصرفاتك استعجب

هشوم وحس بالذنب لانها صادقه بكل كلمه تقولها : طيب تعالي معي شوي ماني قادر اخذ راحتي بالكلام هـنا .. (ويقومون لاحد الزوايا ويجلسون لحـالهم ..

هشوم وماسك يد جنا ويطالع بعيونها : انا احبك بس هاليومين تفكيري مشوش

جنا: عشان اللي صـار

هشوم: لا عشـان كل شـي .. جـنا ابيك تتكلمين معي بصدق وماتخبين علي شي .. ابي اعرف انتي زعلتي مني بسبب اللي سويته

جنا: لا .. بالعكس انت بعد اللي سويتيه بينت لي انك تبيني وماسويت كذا الا لانك تحبني وتبيني لك وبس

هشوم: يعني

جنا: يعني انا لك ومارح اكون لغيرك واللي صـار بيينا شي طبيعي مواحـنا نـحب بعض (( تفكير سطحي وسخيف ))

هشوم وارتاح: احبك (وتضمـها )

جنا وهي حاضنتها : خليني بحـضنك اكثـر حبيبي .. احس بحضـنـك بالامـاااان ..
هشوم : حبيبي .. تقدرين تجين بيتنا اليوم ؟

جنا: اليوم .. مدري مااتوقع اهلي يخلوني الدراسه وخلصت

هشوم: طيب اجيك انا

جنا بدون شعور: لالا

هشوم: ليش

جنا: هااه بصراحه امي شافتك ذيك المره وسوت لي قلق عشان ستايلك

هشوم: لاني بويا يعني ؟

جنا: اي عجوز وتفكيرها مخرف وقديم وش تتوقع منها يعني ؟

هشوم: طيب انا مشتاق لك مووت .. واليوم بيتنا فاضي مافيه حد ياليتك تكونين عندي ...

جـنا وفـكرت: اممم بحـاول بكلم ابوي وبشوف مااوعدك بس بحـاول ..

هشـوم: طيب حاولي وربي مشتاق لك ..

جنا: طيب حبيبي .. كم باقي ع نهايه الدوام

هشوم: يمكن سـاعه

جنا: طيب خلينا نروح لكـلاس ونبعد عن البنات و.. (تغمر له ) مشتاقه لك

هشوم بأبتسامه صفراء : وانــا اكــثــر .. (( ويقومون ويدخلون لاقرب كلاس يشوفونه قدامـهم ))

ببيــت جــنا .. كانت تــوهــا داخلــه البيت بس استغربت يوم شـافت حريـم وطنشتهم ومشت فوق ونادتها اختـها عبير

عبير: جناا تعالي سلمي ع الحريم

جنا: وانا وش دخلني فيهم ..؟
عبير: فشله تعالي سلمي وبعدين روحي لفوق

جنا: ووييييه مالي خلق توني راجعه من الجامعه وحالتي حاله

عبير: ولو سلمي وروحي الناس يسألون عنك

جنا: يسألون عني خيرر وش يبون ذولي .. كلهم هالعجر ماهموني

عبير: عشاني جنا تكفين لاتفشلينا انا وامي قدامهـم ..

جنا: امي ماهمتني بس عشانك هالمره ياعبور .. (وترمي شنطتها وعبايتها وتروح تسلم ع الحريم بكل غرور ومالها خلقهم وتطلع لغرفتـها .. واول ماجاء ابوها

كلمته عشان تروح بيت صديقتها بس رفض رفضاااا تااامــااا .. عصبت وراحت لغرفتــها وهي مقـهوره ومسكت جوالها السري وجلست تكلم )

جنا: الو هلا حبيبي .. لا مااقدر .. هالشيبه مدري وشفيه قلب علي .. واصلا انا مااطلع من البيت ابدا ولاعندي شي اسمه بيت صديقاتي

.. اووووف متى ترجع الكليه واطلع يوميا وافتك من هالسجـن .. ههههههههه (( ويدق باب غرفتـها ))

جنا وتبعد الجوال عن اذنها : ميييين .. (وترجع تكلم : حبيبي شوي واكلمك _ وتسـكر وتفتح الباب _)

جنا: خير

عبير\ افااا ماتبين تسولفين معي

جنا: لا وش دعوى تفضلي (وتدخل

جنا: معليه بس اخلاقي تجاريه وربي بسبب الوالد الله يخليه

عبير: ههههههههه هدي اعصابك اصلا المفروض ماتسألينه وتتعبين نفسك انتي عارفه عقليته وبعدين حمدي ربك انتي احسن مني وربي

على ايامي قعده بالبيت 24 ساعه لادراسه ولاهم

جنا: انتي اللي ماكملتي دراستك .. وبعدين لاتفكريني دفره ماعندي ماعند جدي بس احب اغير جو واشوف البنات واطلع من هالاربع حيطان اللي انجبرت على مقابلهم

عبير: والله الحمدلله تزوجت وافتكيت من هالاربع حيطان وهذا انا اطلع وادخل على راحتي

جنا: الله يخليك الله والزواج عاد ماخذه واحد متزوج مرتين وانتي الثالثه ولا اعياله كبرك واكبر منك بعد .. وين قاعدين بس .. بذمتك هذا زواج

عبير: والله انا المرتاحه الحمدلله اطلع واجي ع كيفي واعيالي عندي يغنوني عن الناس كلـها وزوجي مودايما عندي متى مابغيت شفته

بالادوار علينا كلنا ,, وكل صيف نسافر واخر دلع تصدقين اول ماتزوجت كنت مكتئبه وحالتي حاله بس الحين اقول الحمدلله افتكيت من السجن الاجباري وصرت حره نفسي

جنا: اي والله اقلها تلبسين عبايه كتف وبنطلونات وتطلعين ع كيفك وتسافرين براحتك

عبير: وانتي الزواج عندك بس حق الهياته ( الطلعات)

جنا: اي ..

عبير: طيب وانتي مستعده تتزوجين بهالفتره

جنا: الحين ماافكر بالموضوع بصـراحه

عبير: ولو جاك عريس زين رح تردينه ؟

جنا: اي برده ماابي اتزوج الحين

عبير: امرك عجيب توك تقولين مليتي من السجن

جنا: اي وانا كذا والا كذا بتزوج بس موالحين

عبير: نصيحه ياجنون لو يجيبك العريس الزين لا تردينه يمكن هالفرصه ماتتكرر مره ثانيه وماتلاقين مثله

جنا بدون اهتمام : يصير خير

عبير: طيب اجل انا اخليك حبيت اهذر معك شوي الحين بجي السواق وبودي اعيالي للملاهي بمشيهم

جنا وفكرت : عبور الله يخليك بروح معك

عبير: انا ماعندي مانع بس ابوي

جنا: تكفين كلمي امي تكلمه الله يخليك ابي اطلع تكفيييين

عبير: من جدك كل هذا ملهوفه ع الملاهي

جنا وتوهقت وراحت وجلست جنبها: اختي حبيبي اختي الوحيده وياحيااااتي .. انا ابي اطلع من البيت معك وبروح بيت

صديقتي وانتي ودي اعيالك ومشيهم ومري علي بعدين وش رايك؟

عبير: يوه يوه والله ان دورا ابوي واخواني لـ

جنا: الله يخليك مارح يدورن تكفيييين تكفيييين لا انا ولا انتي بنعلمهم وش دراهم؟

عبيروهي متردده بس كسرت خاطرها اختها: شوفي انا رح اكلم امي تكلم ابوي وان رفضوا مالي دخل

جنا: والله حيااتي انتييي
عبير: طيب صديقتك هذي مين

جنا و تورطت بس صرفتها وقالت : هااه روعه روعه ماغيرها عرفتيها

عبير: اي عرفتها .. انا بكلم امي وبشوف ..

(( وكلمـت امـها وامـها كلمـت ابوهـا ووافق بس بشــرط انـها ماتتأخـــر ))

( بالسـيـاره ..))

عبير: يوو جنا هذا موطريق بيت روعه

جنا: اي ادري انا وروعه بتقابل عند وحده من البنات ( ويوصلها السواق للبيت وتنزل و تروح لبيت هناء ع طول )

هنا وتفتح الباب : هلا والله (ويسلمون ع بعض )

هنا : تعالي غرفتي ( ويروحون للغرفه )

هنا: عاد تصدقين كنت بروح للنادي .. طفشت لحـالي

جنا : حتى انا فقدت الامل اني اجي بس سبحان الله ابوي وافق ماادري شلون .. وحشتيني (وتروح تضمها من ظهرها )

هنا وتوخر عنها شوي وتروح للدرج وتطلع كاميرا تصوير : وش رايك نتصور ؟

جنا: نتصـور .. وش الطاري ؟

هنا: توني شاريه هالكاميرا وبخاطري نتصور فيها .. الصور اللي بالجوال ماتعجبني
جنا : اوكي مثل ماتحب بس دقايق ( وتفسخ عبايتها وكانت لابسه شورت قصيررر جدااا تحت التنوره الجينز الميدي وفسخت التنوره

وضلت بالشورت وبلوزه كات وهناء اول ماشافتها شهقت ..

هنا : واوووووو اول مره اشوفك بهاللبس

جنا ومسويه مستحيه: اممم وان شاء الله ماتـكـون اخـر مره .. اعطيني الكاميرا ( وتاخذ الكاميرا وتصور نفسها وتصور هي وهنا صور كثيره

هناء: مامليتي من التصوير

جنا : انا مجنونه التصـوير ..

هناء: وانا مجنونه فيك

جنا : اممم والله

هناء وتقرب منـها وتاخذ منها الكاميرا وترميها وتقرب اكثر واكثر (( وتعرفون البــاقــي ))

(( جنا وهناء يعتقدون انهم يحبون بعض ومايقدرون يستغنون عن بعض ولكن للأسف ترجموا حبهم واحساسيهم بطريقه غلط ومحد عارضهم

او وضح لهم الغلط الكل شجعهم ومع ان الغلط مو محتاج لاحد يبرره ويقول انه غلط الغلط غلط ولـكن بهالوقت صار الغلط صح واللي يفكر صح معقد ..

هل ياترى يحبون بعض او يعيشون فراغ عاطفي .. وهل الحب يطلب منهم انهم يثبتونه بهالطريقه .. وهالعلاقه المجنونه بين بنت وبنت .. اووه اقصد

بين بويا وبنت شنو نهايتها ولين متى رح تستمر ... هذا اللي رح توضحه لنا هالروايه ))