منتديات قصايد ليل - عرض مشاركة واحدة - غراميات مجنونه :: قصه عن البويات :: سعوديه .. جريئه .. واقعيه ومميزه

07-07-2011

طلعت من جناح صديقتها تبكي بحراره وهي لابسـه عبايتها وطرحتها ع كتفها وتررركض ... مرت للصـاله وفتحت الباب الرئيسي وطلعت من القصـر وهي خاااايفه ..

وكانت تركض بسرعه ومااهتمت بالمتواجدين بالصـاله ولااهتـمـت بنظراتهم لها كان كل اهتمامها انهاا تطلع من هالقصر بــأقـصـى ســرعـة ..

شافتها ام صديقتها وعصـبت و بنفس الوقت انحرجت قدام خواتها المتواجدات عندها بالبيت ... وماعرفت وش تقول او حتى وش تبرر لخواتها ..

اختها1 : شسالفه وشفيها هالبنت طالعه من القصر وتبكي ؟

اختها 2 : اوووه الظاهر فيه كثير بنات يطلعون من القصر بهالشكل .. الحين لو الجيران شافوها وش يقولون عننا .. يوووه بصراحه انا ماصرت

احب ادخل بيتك من هالسوالف

اختها 1 : انتي لازم تعدلين نظام بيتك وقبل ماتعديلين نظامه تعديل المتواجدين فيه

حست بالاحراج اكثر من كلامهم واللي ازعجها انها ماعرفت ترد عليهم او بالاحرى ماقدرت لان كل اللي يقولونه صدق .. اكثر شي قدرت تسويه

انها تقوم وتتركهم وتشوف لها حل بمصيتها وتأكدت ان بنتها تمادت كثيررر ولازم تتدخل .. توجهت بكل عصبيه وراحت لبنتها اللي جالسه

بغرفتها ودخلت بدون ماتدق الباب ..

نصور واول ماشاف امه رمى السجاير اللي بيده وقال: ماما ليه ماتدقين الباب قبل ماتدخلين

ام نوره: انا رح ادق عضامك موالباب

نصور بأستنكار : خير ؟

ام نوره: اي خير وانتي على هالحـال يانوره .. اقصد نصور

نصور وعصب وفكر ان امه جايه تلومه لانها بويه: اوووه رجعنا على ياطير يااللي يمه انا ستايلي كذا وبع

ام نوره: ستايلك مايهمني وشكلك الشاذ المقزز مالي دخل فيه بس خلاص كل شي وله حد وانا مااقدر اتحمل سخافتك اكثر من كذا

نصور بعربجه وضخمت صوتها وقالت بوقاحه: وش تبين طيب دام ستايلي مايهمك وشكلي يقززك وش جايه تقولين ؟

ام نوره: نوره سمعيني زين انا امك واكثر وحده اعرفك طلعي من دور نصور وسمعيني عدل .. انا ادري انك شاذه وحركاتك الوسخـه مع صديقاتك البنات

كلها ادري عنـها .. لكن انا مطنشتها بكيفي وبمـزاجي .. لكنك مسختيها هالبنات هذولي اللي تخاوينهم بنات نااس ووراهم اهل واهلهم مارح يسكتون

لو صـار ببناتهم شي اللي شفته اليوم مع هاجر ماابيه يتكرر فاهمه

نوره واستغربت من كلام امها وتفاجأت بنفس الوقت تبلعمت وماتدري وش تقول وقالت بتردد : والله انا ماضربتها ع يدها هي اللي تلاحقني من مكان لمكان وهي اللي جات هنا يكيفها

ام نوره: ولك عين تواقحين بعد .. فوق شينك قواه عينك .. سمعيني يانوره يكفي اني ساكته على شكلك المقزز اللي يحرجني قدام الناس

وسلوكك الشاذ المحرج وساكته عن بارتيتك السخيفه كل مره بالقصر و
نوره تقاطعها: اووووه ماما انا حره طيب .. محد يتدخل بشكلي ولاستايلي ولابارتياتي انتي خلك بمجتعمك المخملي الراقي .. وبسفراتك لميلانو وباريس و

قاطعتها امها بنبره حاده وبعصبيه وحمق : نوره .. لاخر مره اقولك اللي شفته اليوم ماابيه يتكرر ولو تكرر وقتـها رح يصير لي تصرف ثاني معك وانتي عارفه وش اقصد

( وطالعتها بأحتقار ومشت )

نصور وعصبت من حركه هاجر الغبيه وحست ان امـها هالمره غير كل مره ماعرفت شتسوي فتحت باكيت دخان وقعدت تدخن بشراهه

(( ام نوره تدري انها تدخن وهذا شي عادي لان الام تدخن والاب واخوانها بعد .. ونوره كانت تفكر امها ماتدري عن حركاتها

وشذوذها لكن الحين تأكـدت ان امـها عارفه البير وغطـاه .. ماقدرت تتحمل اكثـر وراحت تتكلم مع امـها وتتحاور معها بهالموضوع))

اليــوم التـــالي بالكليه .. كان هشوم يتمشى مع احد بنات الشـلـه ويجي نصور لعنده ..

نصور: ابيك تعال ضروري ..

هشوم: اممم الحين

نصور: اي الحين انا اليوم جاي ومداوم عشانك

هشوم: طيب (ويلتفت ع البنت: حنان معليه اخليك

حنان: طيب عادي

هشوم: عن اذنك .. باي ..

نصور وهو يتمشى مع نصور: هااه وش صار بخطتنا

هشوم: كل شي صار حسب ماخططنا له

نصور ويضحك ضحكه خبيثثثثه : يالبيييييه .. واخيرا كسرت خشمها ..

هشوم : اي

نصور: وشفيك تقولها ومالك خلق .. احس انك زعلان عليهاا

هشوم وتنهد بهم : نصور احس اني تسرعت

نصور: من جدك انت .. تسرعت بعد ماشفتها تخونك بعينك و

هشوم يقاطعه: جنا اعترفت لي بـكل شـي ..وقالت لي عن خيانتها وهي ندمانه على هالشي

نصور: طيب

هشوم: نصور انا موعارف شسوي .. احيانا احس بالذنب واحيانا احس انها تستاهل

نصور: تسـتاهل وتستـاهل اقلهاا رح تكون لك لحـالك .. ولارح تتجرئ تتركك بعد اللي صار ..

هشوم: انا فكرت فيها من هالناحيه بعد ..

نصور: المهم الحين تبي تتركها

هشوم: مدري

نصور: هشوم حبيبي انت .. فكر زين وفكر بكرامتك اللي جرحتها لك

هشوم: نصور بس انا كسرت خشمـها ..

نصور: انت ندمان عللي سويته

هشوم: مدري تفكيري مشوش
نصور: انت مره غريب احنا كنا نبي نتقم منها وصار اللي خططنا له ليش متضايق ؟

هشوم: ماني متضايق .. مين قال اني متضايق ؟

نصور: تصرفاتك .. كلامك ..

هشوم: قلت لك مشوش مومتضايق .. نصور فيها شي لو استمر معها بعد اللي صار

نصور: انت تحبها صح ؟

هشوم: مدري احيانا احس اني احبها واشتاق لها .. واحيانا احس اني ابي انتقم منها واكسر خشمها وبين هنا وهناك انا تعلقت فيها وماابي اتركـها

نصور: والله مشكلتك موكبيره .. عادي لاتكبر الموضوع .. خلك مستمر معها ومع غيرها

هشوم: غيــرهــا ؟!

نصور: اي .. دامك متعلق فيها لاتحرم نفسك منها وبنفس الوقت لاتحرم الغير منك .. وان كان لها معزه وغلا بقلبك خلها هي الاساس بالقلب

والباقي مجرد ضيوف وزوار .. اهم شي انك كسرت خشمـها ..بس نصيحه حاول تنساها ماتستاهلك خلها معك لين تمل منها وارميـها وانسـاها ..

هشوم استغرب تفكير نصور وحس انه سوى غلطه كبيره وماعجبه تفكير نصور اللي اعتبر تفكيره حقيررر بس هو تفكيره كان مشوش موعارف هو شنو يبي او وش يحس فيــه ؟!

بــمــكــان الشــلــه المعتــاد ... كانت جـنا روعه مع اشـواق .. ويسولفون ..

روعه: غريبه جنا مادوامت اليوم مع ان هشوم مداوم

اشواق: يمكن تعبانه .. عاد تصدقين اتصلت فيـها وماترد اكييييد نااايمه الحين

روعه: نيااالها نايمه بالبيت واحـنا هـنا جالسين وزهقانين

اشواق: كل واحد يتكلم عن نفسه انا اليوم خويتي بتجيني البيت ومررره مستانسه

روعه: شواقه بسألك بصراحه بس ماتزعلين

اشواق: امري

روعه: انتي ليش صرتي شاذه ؟!

اشواق بضحـكـه سخريه: ههههههه انا موشاذه

روعه: واللي تسوينه مع بويتك

اشواق: هييي هييي خليني اوضح لك اوكي .. احنا موشذوذ بس بوسات وصدر مو شذوذ .. الشذوذ هو الجنس كامل .. وبعدين انا مراهقه وعندي مشاعر

ابي اطلعها وابي ..ومااقدر اطلع مع شباب ولااحب اصلا .. اقلها مع البنت اقدر اروح معها لكل مكان وتجي بيتـنا واروح بيتـهم وتدخل غرفتي ونسكر الباب

بعد بدون مااحد يتدخل ويقول شـي عادي يعني .. لكن الولد لا الطلعه رح تكون صعبه وبعدين لو اهلي يسمعوني اكلم صديقتي وبنص الليل ماحد رح

يتدخل لكن الولد غير .. بالعربي البنت تحبني وتهتم فيني مثل الولد واكثر وبالمره تعوضني عن حاجتي للرجاجيل .. وبعدين بويتي تجــنن رجــال

بمعنى الكلمـه وتغنيني عن الرجال وتعطيني اللي ابيه واخذ اللي ابيــه ..

روعه وماعجبها ردها وقالت: الله يوفقكم .. (( هــذا تفــكيــر اغلــب البنــات اليــوم ))

هشوم كان يتمشى مع نصور وتجي بنت معها رسـاله لنصـور ويفتـحها ويقرى ( انا اسفه ) رمى الرساله بأقرب زبالة وضحك ضحكه سخريه ..

هشوم: خير ليش رميتـها ؟

نصور: لانها ماتهمني

هشوم: ومن مين هالرساله

نصور: من هجور

هشوم: هاجر بس موكانت خويتك ؟
نصور: لااتخسى .. ماتستاهلني امس جاتني البيت وصـارت لي فضيحـه مع الوالده وشافتها طالعه من غرفتي وهي تبكي وحالتها حاله

هشوم وخاف: تبكي .. ليه وش صار؟

نصور: هههههه لايروح بالك بعيد توني حتى ماسويت شي جيت بعطيها بوسه بس خافت وطلعت من الغرفه تركض وتبكي

هشوم: ههههههههه الحمدلله والشـكر .. وشفيها ذي

نصور: مدري عنها الحيوانه

هشوم: دامها ماتحب هالحركات ليش جايه لبيتك تستهبل والا شسالفتها ؟

نصور: مسويه لي فيها شريفه وماادري شنو وشافتها امي وكملت السـالفه

هشوم: اوووف وش قالت لك امك ؟

نصور: درت باللي صار وهددتني ان لو تكرر اللي شافته مع هاجر بيصير شي ثاني

هشوم: يعني امك درت باللي صار مع هاجر ؟ درت انك ...

نصور قاطعه: هشوم كل شي واضح ماله داعي امي تشوف بعيونها يعني البنت طلعت من عندي خايفه وتبكي وحالتها حاله شنو يعني بتظن اني طقيتها (ضربتها) مثلا ؟

هشوم وهو لسى مش مستعوب حط يده ع راسه وقال : طيب لمى طلعت وشافتها امك وجات عندك وكلمتك وش قالت لك ؟

نصور : كلمتني عن هاجر الزفت وجات تناقشني باللي صار وشافته ... بس انا ماخليتها تكلمت وتحاورت معها بهالموضوع ؟

هشوم: من جدك .. طيب انت الحين رح وتحاورت معها ع اي اساس وش قلت لها ؟

نصور: ماقلت لها شي امي فاهمه كل شي ,, امي تدري اني شاذه وتشوف اني اخربها مع بنات احسن من اني اخربها مع شباب .. بس عتبها
وخوفها الوحيد ع بنات الناس مو علي

هشوم ومستغرب من كلامها: يعني عادي عندها انك شاذه وبويه وماتقول شي بس خايفه ع البنات وش هالتناقض نصور موقادر افهمك

نصور : ياهووووه هشوم كبرها تكبر وصغرها تصغر .. اغبى مخلوق بالكون بيشوف شكلي وتصرفاتي بيعرف اني بويا مايبلها مفهوميه ..

وبعدين امي ماتتدخل لان هذي حريتي الشخصيه ومالها اي علاقه و خوفها ع بنات الناس اللي من شكل هاجر وانت ماشي يعني هاجر حلوه وخقق ( جميله )

بس مشكلتها تبيني على طريقتها تبي حب وبس وانا هالشي مايمشي معي وش فايده العلاقه اذا مااستمعت فيهاا ... ماما تقول احسن لي ادور

لي وحده من ثوبي يعني وحده شاذه مثلي مو وحده تعشقني بس مسويه لي مؤدبه ..

هشوم وقاعده تستوعب كلام نصور شوي شوي : يعني امك عادي عندها شذوذك

__ للأسـف هـالشـي صـار عادي عند بعض اوليـاء الامور هذي احد الاشياء اللي اكتب عنها بكـل اسـئ ..

انو احنا وصلنا لهالمرحـله من التفكيـر ليييييش ؟؟ اذا الاهل هذا تفكيرها فـ كيف البنات __

نصور: عادي .. احنـا بالالفيه الثـالثـه .. ezzy... واحنا عايلتنا مررره فري

هشوم: يالبى الفري (وبخاطره: الحمدلله والشـكر ) ..

انتـــهــى هالبـــارت بســلام ولكـن نهـايتـه بدايتــه النـهايه ... وشرايكم بهــنا وشلون رح تتوقعين تكون علاقتها

بجنا عقب اللي صــار ..