اصبحنا الصبح وكرفنا في البيت .. وعقبها يوم اذن المغرب وانااللي اتصل على شلتي نبي نروح للصالون .. نتكشخ حق الحف والاستشوار والنقش والصبغ والقص كلن ومراده ..؟..
المهم ونركب هالمره سوبرنا الازرق اللي بيبانه مهرقله يعني البيبان تتجود فيك مو انت تتجود فيهاا واللي يقهرك كاتبين ورى السوبر .. ماشاء الله
يختكم على شنو والله لو ان بس عيني حاره كان هبدته هاك العين اللي تخليه فحمه اجل ماشالله ..
تحاشرنا بالسوبر ورحنا للصالون الاول قفل الباب في وجهنا ورحنا للثاني كذالك بالاخير رسينا لنا على صالون مروح داج مافيه غير 4 اللي يشغلون ولا فوق هذا زحمه بس شنسوي هم اللي رضوا يستقبلوناا
انا: وانطر دور الحف لاني ناويه احف واستشور .. والباقيات يبن يقصون شعورهن وانا وعهد متحطمات نبي نقصه.. المراد وانا ماسكه لي دور
ولا تجي عهد وعيونها متغورقه .. تفكين بقص شعري
انا: عشان الوالده تقرعك على الصفر
عهد: أأأأأأأأأأأأأأأأ اجل بصبغه
انا: يابنت تعوذي من بليس
عهد: بس بصبغه ماني قاصته
انا: يحووول كيفك
عهد: اااااااااااااااااااااا
انا: علامك روحي اصبغي
عهد: تمد فلوسها : ماتكفيني الفلوس
انا: وش اسوي لك
عهد: عطيني فلوسك
انا: وانا ابي احف واستشور
عهد: تكفن مو لازم حف ملابسنا كمومها طوال انا احفك بالبيت واستشورك بس الصبغ مانعرف له
المراد ماطولت معي إلا وانا اقتنع وتروح تصبغ لكم شعرهاا نحاسي بس وربي ان لوونه قمممممه
انا يوم اشوف عهد عقب الصبغ والاستشوار .. وربي ماعرفتها طلعت اختي حلوه وانا مدري.. لا الحمد لله في امل نصير حلوات .. ونرجع لبيت وانا مغير عيوني ناقزه على اختي .. من الفرحه اخيرا وحده تجرأت فينا وغيرت بشكلهاا ..؟..
دخلنا البيت ومكان فيه احد ورحنا ركض ..لغرفتنا ناا ؟؟
ولا كانت عذاري جالسه بالغرفه وتلعب بالهيس الاربد (قصدها الاب توب )
انا.. مستغربه : علامك مارحتي للصالون تحورفين بعمرك مثل كل عيد
عذاري: حابه لوكي الجديد ومابي اغيره بالوقت الحالي ..
وتوها عهد تدخل الغرفه وتفصخ عباتهاا .. ولا تصيح لكم عذاري صيحه ولا صيحه ام عواد يوم تشوف فلم المرعب
انا: علامك
عذاري.. وتأشر على عهد : أأ عهـــــــد صابغه شعرهاا
انا.. وبنتصار: وش فيهاا
عذاري: ليش ماقلتوا لي انكم بتغيرون اشكالكم كان غيرت من شكلي
تقوم تتصل بصالونه اسمها شهيناز تجي تغير لها لوكهاا الحسوده ..؟..
انا: يالله نزلنا تحت نفاجئ جدتي وامي
عهد: هم جوو
انا: يقولون
عهد: وتفتح شعرها على طوله يالله
انا: واركض وراهاا .. وننزلنا تحت ..
واول مادخلنا المجلس على امي وجدتي .. ويوم امي شافت عهد واعرفت انها عهد .. قامت تصيح : ياااااااااااااااااافضحي فضحاااه صابغتن شعرررك
عهد:يما صبغته ماقصيته
امي: أنا الغلطانه اللي خليتكم تروحون بروحكم للصالون
عهد: يما والله اخر مره والله وربي
امي: ليه كنتي ناويتن غيرهاا
عهد: أي كنت ناويه اشقر
وتمسك امي عهد من شعرها وتروح للمغسله حق المطبخ وتفرك شعر عهد بفيري .. صحيح انه يبض يا امي العزيزه بس ماقالوا انه يطير الصبغه
امي: عذبييه جيبي لي قااااااز بنوخر الصبغه
عهد.. وترفس : التوبه التوبه يمااااااااا
انا..واركض احب راس امي وميته بكي على اختي : تكفين لا تحرقينها ترى كلها صبغه الله يخليك اتركيها الله يخليك
وجدتي.. تركض ورى امي .. ياملحه تعوذي من ابليس ماصار شي اتركيهاا يابنت ..
امي: وتترك عهد : والله ان سمعت انك صبغتي شعرك مره ثانيه والله اني للعن ماترسك ..؟..
...................................
ترن ترن ترن <<صوت جرس الباب
انا: يا جوهره قومي شوفي من على الباب
جوهره بنتي : يماا تكفين كملي القصه اندمجت معاها حيل
انا: روحي يالله افتحي شوفي من على الباب يمكن ضيوف
بندر : يمـــه اخلصي كملي السالفه وش صار بعدين على خالتي عهد
انا: والله ماكمل لكم قصة حياتي إلا لين تفتحون الباب
بندر: سعود روح افتح الباب
سعود: كله انا كله انا
عهد: أي اصغر القوم مندابهم ..
يقوم سعود بتثاقل البطيطه ويمشي يتدربح فتح الباب حتى ماشاف منو .. وقام يركض يبي يلحق على القصه ..
انا: هااه منو
سعود: ويحك شعره.. مدري
مادرينا إلاوداخله عهد اختي علينا وكرشها متر قدامهاا .. وبيدها عيالهاا خالد وسيف ..
انا: يالله حيها ارحبي
عهد: وتجلس المهلي مايولي ..
انا: الله يسهل عليك ياوخيتك
عهد: اجمعين يابعيدي عهـــــد عهــــد
عهد بنتي: خير خاله وش تبين
عهد: روحي تكفين غسلي ولدي مسفر طايح بالطين
عهد: يؤ خاله بسمع السالفه
عهد: صحيح بنت عذبيه تحب الهرووج اخصي اغسليه
عهد.. وتمسك مسفر .. يؤؤؤؤؤه
عهد.. يؤؤؤه بعينك والله ان حرام فيك اسم عهد والطقمين الذهب اللي جبته لمك يوم سمتك علي
انا: ذليتينا على ذهب يمال الدجه ..
عهد بنتي وتجلس : أي كملي يمه
عهد: وشتهرجين فيه
انا: اسولف لهم عن امي وعلومها فينا قبل
عهد: ههههههههههههههههههههههههههههههههههه امي ياهي كفرت فيناا
انا: وتتوقعين وين واصله بالسالفه
عهد: وين
انا: يوم تصبغين شعرك
عهد:وهي اللي ترفس ضحك : هههههههههه كاااانت مأساااة أي كملي السالفه
انا: الله يسلمكم وتروح امي عن عهد
ونجلس اناوياها انتحــــاضن ونبكي ولا راجوا على فلم محبتهيه
++++++++++++++++++++++++++++++++++++++++++++


..~..الجزء الخامس ~..~
انا : يانعنبو ذا الزول هلحين انا منقذتك من امي انها تحرق شعرك وجالسه تمصعين أيدي
عهد.. عيونها تشختر دموع :لاتلوميني من الهم اللي فيني
انا: طيب شوي شوي على يدي ترى يقولون انها يد أدمي
عهد: لا تحنين على راسي لا هلحين بالشيره على شعرك
انا: وانحاش منها : تسوينها ايها الارمله الحسود تبين اصلع وانا ازين مافيني شعري
عهد: ههههههههههههه تعالي ماني مسويه لك شي
المراد عقبها تسنعت وضبطت شعري وسنعت روحي
..................
صباحية العيد
انا ..وارقص : بنصلي بنصلي ..
ناصر : وهو يضبط الغتره عليه .. ليه توك تسلمين ..
انا: لا صلاة العيد غيررر وناسه وناااسه
مشاري .. واقف على الباب ويبكي كنه ورع غاصبينه على المدرسه :مابي مابي اداوم ابي اعيد مثل الناس أأأأأأأأأأأأأأأأأأأ
امي: وتمسك جنطته : يالله طس للمعسكر مابقى غير اسبوع ووتخرج وتطلع بلتلفزيون وعقبها عيد مثل ماتبي
مشاري: يمسك شنطته ويروح لخويه فارس اللي دايمن يتخاوون للمعسكر ... بس عقب ماسوينا له انا وناصر حركات نحره فيها .. مثل حره حريره ومثل نطلع لسانه ومثل نرقص من غير صوت عشان الوالده ماتشوفنا وأذا لفت علينا الوالده اسوي نفسي أضبط غتره اخوي ..؟..
راح مشاري للمعسكر مثل ماقلت وكان حده ضايق صدره ..
اول مادخل مع البوابه ولا العساكر مشكلين وخالصن ..
مشاري: لالالا مابي اتعاقب ويقوم يركض يبي يصف معهم إلا الضابط ماسكه مع علباه
الضابط .. مثل العاده يامشاري يالله يالله الميدان دوره عشر مرات ..
مشاري: أأأأأأع لا عيد وهم متعاقب
الضابط: عشرين
مشاري: لالا تكفا السموحه وهذا راسك ابوسه
الضابط: لا تحب راسي ممنوع والله ازيد العقاب ..
مشاري: ويصيح من القهر
الضابط : اركض لا ازيد
ومشاري اللي ينطلق بأقوى ماعنده وعقب ما نفذ العقاب وهو خلاص بيموت من التعب
الضابط: يالله روح للمهجع بسرعه
مشاري .. وهو يلهث ويحاويل يركض : والله اركض
الضابط .. بصراخ : بسرررررعه لا نحرمك من النومه مبكر
مشاري: تكفااا لالالالا
الضابط: بسرررررررررعه
مشاري: ويصيح .. وقام يزحف من الخوف يبي يلحق قبل لا الضابط يعاقبه ..؟..
مشاري وتوه داخل المهجع وحاقد على ربعه اللي منسدحين وماتوا ضحك من شافوا مشاري
داخل وهو يزحف ..
فارس: هههههههههههههههههههههههه علامك تزحف
مشاري: الضابط وراي
الكل: ههههههههههههههههههههههههههه
يجلس مشاري والهم كاسيه يتخيل لو انه طالع يتمشى معيد على ربعه وجماعته بدل هالجلسه الي تسم البدن ..
عزوز رفيق لهم يوم شاف مشاري كاسيه الهم الحزن ..؟..
قام يغني لطميه
أخاف من اعوفك بعد ما اشوفك ... أذا ماتجيني أقدر ضروفك
طويله رحلتي .. واخاف برجعتي .. بعد مااشوفك
ماوعى ألا ومشاري وربعه صفق بصدورهم ..
عزوز: أووووف طلع العرق طلع
فارس: أي عرق لطميه معروفه
عزوز: مشااري شنو شعورك لو جاء الضابط وقال لك تشـــــكيل
مشاري.. توه بيتكلم : ألا صيااح تشكييييل
مشاري: وده يقوم يخنق عزوز
راحوا ركض يشكلون بالساحه .. وقام مدربهم يدور بين صفوفهم يشوف الوقفه ..
فارس .. الله يخلي له عقله فصل في هذيك اللحظه وقام يغني : صبوحه خطبها نصيب
ومشاري.. يهز مع النغمه ؟؟
طبعا اللي جنبهم فاصلين ضحك وهم يدحوون والمدرب عصب وعقاب لهم يدكون المميدان كله بمساحه أي يمسحون الميدان اللي عباره عن 10 كيلو بمساحه وهم 20 رجال ..
وكل واحد معاه المساحه ويكنسون الميدان << نوع من انواع عقاب العساكر
قاموا العيال عشان يهيضون بعضهم .. ويونسون بعضهم يغنون ..؟..
من شيلات العساكر ..
** ياهنوف الريم ليتك عسكريه .. تنزعين البلسوت ثمن تلبسينه
...والعبيط منه تهرولينه
وبعدها طلعوا العيال وقفوا عقاب لهم تحت الشمس ساعه وكان في بعضهم ينصرع ويجي الضابط مع الاسعاف يشيلونه ..؟
مشاري .. يكلم فارس : فارس فارس خمس دقايق وانصرع كود يفكونا من الوقفه
ماوعى إلا وفارس منصرع :
مشاري: يهبـــا اللي ضبطهاا والله تقل ميت
جاء الضابط وشال له مع الاسعاف
واخوي مشاري البديهيه يعني صايد الحركه بعد عشر دقايق إلاهو منصرع
طول الضابط ولا جاء شال مشاري..
مشاري.. عزوز عزوز قول للضابط مشاري منصرع
عزوز .. سيدي مشاري منصرع
الضابط ويقرب من مشاري .. موتت كلب
ومشاري.. مقتمس الدور
الضابط,, ويرفسه برجله : مشاري قوم
مشاري.. مصدق نفسه الاخ شفيكم منصرع
الضابط: منت قايم هاه اجل محروم من الغدااء ومن نومة الساعه عشر
ولا مشاري يقوم ويطق تحيه للضابط :: نعـــــــم سيدي .
الكل: هههههههههههههههههههههههههههههههههههههههاي
الضابط : تستعبط هاه .. الميدان يالله الميدان
مشاري: تكفـــــــــــــــــــا
الضابط: عشر
مشاري: ياااااااااااااااااااااااااااااااااااااو
ويقوم يركض ..
.................................................