محمد طالع من البيت و لما سمعت ضربة الباب القويه نقزت و قامت بسرعة اخذت اغراضها و اتصلت عليه اجيها و لما جا السواق ركبت السيارة و اول ما وصلت البيت ما وقفت عشان تكلم احد على طول دخلت الغرفة و قفلت الباب
(ام نور)تضرب الباب بخوف: فاطمة ايش فيكي؟ افتحي الباب
(فاطمة): اماه اتركيني بحالي ما ابي اكلم احد
(ابو نور): خلاص اتركيها تهدء اشوي .. انا بتصل على محمد ..
(فاطمة)ابوها ما كمل جملته الا هي تصارخ: لا حد يتصل فيه .. لا تتصلو فيه سامعين
(ابو نور)اهديها: طيب طيب اهدي ما بنتصل فيه
و نزلو وهم قاعدين على اعصابهم دخل نور و لما شاف حالتهم خاف
(نور)بخوف: ايش صاير؟
(ابو نور)ما يبي يكبر الموضوع: مافيه شي .. ايوه تعلم فارس على الشغل اشوي؟
(نور)ما اقتنع: ايوه تعلم خليته يشتغل اشوي بحاله .. ايش صاير؟
(ام نور)ما تحملت و بدت تبكي: نور روح شوف فاطمة دخلت فجأة و قفلت عليها باب الغرفة ولا هي راضيه تطلع
(نور)عصب: ليه ما قالت لكم شي؟
(ابو نور): لا
راح بسرعة و دق باب الغرفة
(نور)بخوف: فاطمة حبيبتي افتحي الباب خلينا نتكلم
(فاطمة)من ورا الباب: ما قلت لكم ما ابي اكلم احد
(نور): فاطمة لا تخوفينا عليكي افتحي الباب قولي متهاوشه مع محمد
(فاطمة)قامت تصارخ بقوه: قلت ما ابي اكلم احد ولا ابي اسمع اسم محمد و لو كان غلط
نور اخترع من صراخها و نزل وهو معصب يبي يتصل عليه لكن قطع عليه دخلته من الباب و هو معصب مسكه نور من بلوزته بعصبيه
(نور): ايش سويت في اختي؟
محمد بعد عنه و ركب للغرفة بسرعة و عصبية و قام يضرب الباب
(محمد)بصراخ: افتحي الباب
(فاطمة): انقلع من هنا ما ابي اشوفك او اكلمك
ركب نور
(نور)ابعده عن الباب: ايش سويت لها؟
(محمد): ما سويت لها شي بس اختك هذي قليلة الادب طلعت من البيت بدون اذني
(فاطمة)تصارخ: اسمع من يتكلم اذا اني قليلة ادب انت ايش تطلع
محمد قام يضرب الباب و صارخ عليها و نور يباعده و صارخ عليه ركب ابو نور
(ابو نور)يباعدهم عن بعض و صرخ: خلاص كفايه
نزلهم تحت في المجلس
(ابو نور): ايش هل التصرف؟ .. و انت يا نور بدال ما تهدي محمد تزيده
(نور): اسف
(ابو نور): ايوه يا محمد ايش السالفة؟
(محمد)ارتبك: .........
(نور)بهدوء: ليه ساكت؟ .. قول ايش الي صار؟
(محمد)يصرف: هذي المشكلة لازم نحلها بينا
(ابو نور): طيب انت خليها تهدا هنا اشوي بعدين تعال كلمها
(محمد)ما يبي يضغط: طيب (قام): مع السلامة
(الكل): مع السلامة
بعد ما راح
(نور): صدقني يا ابوي مسوي شي كبير
(ابو نور): خلهم يحلوها بحالهم واذا سائت الاوضاع بندخل
(نور): على راحتك

في المجمع
(تغريد)يشوفو فستان الزواج: شوفيه والله حلو
(هديل): لالا دفش .. ابي واحد ناعم
(تغريد): يعني حاطه في بالك الفستان الي شفتيه اول مرة
(هديل): لا بفر بعد و لا و ابي ادخل المجمع الي جنب هذا
(تغريد): طيب
طلعو من المحل و دخلو محل ثاني و ثالث و رابع الخ.. هديل في المحل و تغريد برا قاعده ترتاح قرب لها
(...): ضايعه بعد
(تغريد)طالعته و لفت وجها عنه: .......
(...): لحين زعلانه مني؟
(تغريد): صالح ايش تبي؟
(صالح): وين ابو صلوح
(تغريد): ايش تبي؟
(صالح): ابيكي ترضي
(تغريد): ليه شاغله بالك الى هذي الدرجة؟
(صالح): ما احب احد يزعل مني
(تغريد)طالعته: مو زعلانه
(صالح): لا لين احين زعلانة باين عليكي
(تغريد): حركتك الي سويتها مره بايخه
(صالح): والله اسف خلاص عاد ارضي
(تغريد): اشتري لي حلاوه و ارضى
(صالح)ابتسم: طيب دقايق مو تتحركي
و راح و لما رجع ما لقاها عصب و دق عليها
(تغريد)ردت: ههه وحده بوحده
(صالح): انا الغلطان الي ابي اراضيكي
ما حس الا احد يسحب كيس الحلاوه
(تغريد)تقفل الخط: شكراً على الحلاوه
(صالح)بين على وجهه انه متضايق: العفو
(تغريد)عرفت انه متضايق بدون احساس حطت ايدها على خده وقالت بحنيه: لا تتضايق
(صالح)ابعد خده عن ايدها و عقد حواجبه:........
(تغريد)نزلت راسها و قالت بحيا: اسفة ما كان قصدي
(صالح): والي يرحم والديك روحي
(تغريد): زعلان مني؟
(صالح): يهمك؟
(تغريد): صالح انت مو عارف ايش تبي تجي لي و تتصل بس تهرب لما تجيك فرصة تكلمني فيها عدل
(صالح): ايش قصدك؟
(تغريد): الفرصة تجي مرة وحدة و انت جتك فرص كثير و ضيعتها انتبه يمكن ما تجيك فرص ثانيه
و مشت و تركته يغرق بتفكيره
(صالح)يكلم نفسه: انا الي سويته صح؟.. مو كان لازم اقول لها اني احبها.. لالالا .. دام انا احبها مفروض على الاقل اخطبها .. لا انا ما اعرفها عشان اخطبها او احبها .. بس انا احبها
(معاذ)يصارخ: صلوووووووح
(صالح)نقز: نعم
(معاذ): صار لي ساعه اناديك .. وين رحت؟
(صالح): هنا .. هاه ما خلصو؟
(معاذ): بنات وين يخلصو
(صالح): احمد ربي انك جيت معاي و الا سويت لهم هدرة
(معاذ): طيب يلا نمشي
(صالح): يلا
تغريد و هديل كانو في المحل و جنبهم بنات
(البنت الاولى <<رهف): ريما شوفي هذا يناسبك كثير و ناعم والله حلو حق عروس
(ريما)تشوف فستان العرس: ايوه حلو .. اوف كلهم حلوين مدري ايش اختار
(هديل): تغريد شوفي هذا
(تغريد): هذا اجنن حتى قماشه حلو
(رهف)تتقرب لهديل: مرحباً
(هديل): اهلين
(رهف): عندي عروس غبيه ممكن تقنعيها
(ريما)تضربها على راسها: ما عليكي منها .. اسفة ازعجتك
(هديل): لا لا اني بعد عروس و محتاره و عندي وحدة نذلة مثل الي عندك
(تغريد)مسكت رهف: عجل كذا هاه قعدو انتو هنا (تكلم رهف): يلا نطلع عنهم
(رهف): ايوه خلكم هنا
و طلعو
(رهف): اني رهف
(تغريد): و اني تغريد .. الي معك اختك؟
(رهف): ايوه .. وانتي؟
(تغريد): بنت عمي و خطيبة اخوي
(رهف): اها
(تغريد): اكيد احين لف راسهم من الفساتين
(رهف): يستاهلو
(...)قرب: رهف وين اختك؟
(رهف): هلا صوصو ريما داخل
(تغريد)لفت و توسعت عيونها: هذا اخوكي؟
(رهف): ايوه صالح
(صالح)ببرود: ليه تركتيها بحالها؟
(رهف): لانها تستاهل .. (انتبهت الى اخوها الي يطالع في تغريد): هذي بنت تعرفت عليها في المحل كانت مع بنت عمها
(صالح)يبي يبين لتغريد انه جريئ: عرس من؟ وليد؟
(تغريد)حطت عيونها في عيونه و تكتفت وقالت بصوت عالي: ايوه
(رهف)مستغربه: تعرفها؟
(صالح): ايوه هذي الي ضاعت من اهلها .. اذا خلصتو دقو احنا في الكوفي
(رهف): طيب
بعد ما راح
(رهف)مسكت تغريد: ايش السالفة؟
(تغريد): أي سالفة؟
(رهف): ترى والله اساعدك
(تغريد)ابتسمت: جد؟
(رهف): مو جد واحد جدين بعد
(تغريد): هذا اخوكي يحبني بس مو راضي يعترف
(رهف): وانتي؟
(تغريد): اااااااااه اموت فيه
(رهف): زين زين اعصابك ... اني بساعدك .. اني ما اصدق امسك عليه شي
(تغريد): يعني من شلتي النذله هههههه
(رهف): هههههههه اسمعي اخذي هذا رقمه .. اعطيني رقمك اذا رجعت البيت بعطيكي الايميل حقه
(تغريد): طيب سجليه ....
و قعدو يستهبلو على الكل حتى الي ما يعرفوهم و قامو يستهبلو على هديل و ريما لين تعبو و قررو ان هم يستهبلو على صالح و معاذ
(رهف): انتي اتصلي على معاذ و اني اكمل الباقي