رن جوال محمد مرة ثانية
(فاطمة)طالعته: نفس الرقم الغريب
(محمد)تورط:...................
(فاطمة): رد عليه شوف ايش يبي
(محمد)قفل الجوال: خله ينقلع خرب علي الجو
(فاطمة)ضمته: هههههه


في بيت ابو نور
الساعه 11 الليل الكل في غرفهم
يندق باب غرفة وليد
(وليد)قاعد يقرا كتاب: تفضل
(...): هايو
(وليد)معصب: انا كم مرة قلت لك لا تجي غرفتي بهل اليل
(...): يلا عاد بدينا بالتهزيء .. كنت ابي اتكلم معاك الكل نايم و مشغول
(وليد): روحي الصالة لاحقك
(...): لا ابي اكلمك على انفراد
(وليد): هديل بعدنا ما نخطب على فكره
(هديل): وليد لا تصير متعصب كثير
(وليد): طيب دخلي بس خلي الباب مفتوح
(هديل): اوف زين
دخلت
(هديل): ايش تسوي؟
(وليد): اقرا كتاب
(هديل): لا عميا ما اشوف
(وليد): اخلصي علي
(هديل): ايش الي غير رايك؟
(وليد)مستغرب: نعم؟
(هديل): ما كنت تبيني و كنت تشوفني فاشله
(وليد)يفكر و ساكت:................
(هديل): هيه نحن هنا
(وليد): بس غيرت رايي
(هديل)عرفت ان السالفة وراها ان: والله احلف .. قول الحقيقة
(وليد): هديل لا تضغطي علي
(هديل)بحزن: غاصبينك علي؟
(وليد)طالعها: قومي اطلعي برا
(هديل): اول جاوبني
(وليد)مسكها من ايدها و طلعها: اسمعي الخطبة يوم الخميس الجاي و صرفي نفسك تجهزي لذاك اليوم
وسكر الباب في وجها
هي راحت غرفتها تبكي حست انها ذليله له
(هديل)تكلم نفسها: بقول اني ما ابيه .. بس لا اني قلت ابيه فشله ارجع بكلامي .. يا ربي
اليوم الثاني
الساعه 2 الظهر
بعد ما جا
نور و وليد و ابو عيسى و عيسى و ابو نور من الشركة اجتمعو كلهم
في الصالة
(ابو نور): هاه وليد متى الخطبة؟
(وليد): يوم الخميس الاسبوع الجاي
(تغريد): بل بسرعة ما يمدي اجهز شي
(ابو عيسى): اخذت هذا القرار بحالك او اخذت رايها اول
(وليد)اطالع في هديل: اخذت رايها طبعاً
(هديل): ايوه قررنا الخطبة الاسبوع الجاي
(ابو عيسى): دام كذا زين
(تغريد): يعني اليوم على المجمع صح
(هديل)ببرود: اكيد
(تغريد): ولود انت ودينا
(وليد): انا مو فاهم جايبين سواق ليه؟
(نور): نتمنظر فيه
(تغريد): خلاص لا تعصبو
(ابو نور): عيسى نور يلا حتى انتو تصرفو
(نور): يبه ما خلصنا من السالفة
(ابو نور): لا ماخلصنا اوه نسيت حتى انت خالد
(ابو عيسى): يا ابو نور
(ابو نور): اسمعو انتو الثلاثه ما برتاح الا لما ازوجكم
(عيسى): متحلف فينا
(تغريد): لحظة بابا خلنا نتفاهم
(ابو نور): بنت سكتي كلام الكبار ما يدخلو فيه الصغار
(نور): دام السالفة موصله حدها انا ابي اخطب
(تغريد): من؟
(ابو نور): سكتي احسن لك .. من هي؟
(نور): اخت صديقي طلال
(ابو نور)اكلم ولده بخفيف: نور هل البنت ما ابي اسمع سيرتها على اللسانك تدري سببت مشاكل لختك في الجامعة
(نور)ما يدري عن السالفة: ليه ايش صار؟
(ابو نور): مدري والله .. بس على كلام امك انها انسانة مغرورة و ما قلت لك عشان ما تخرب علاقتك مع طلال
(وليد): هاه .. ايش السالفة؟
(نور): بخطب صديقت تغريد نوف
(تغريد): بالله عن جد؟
(نور): لا عن مزح اكيد عن جد
(تغريد): بقوم اخبرها
(ابو نور)معصب: يا بنت استحي
(تغريد): زين ما بخبرها
و كل الانظار الى عيسى
(عيسى): بسم الله الرحمن الرحيم .. لا تطالعوا فيني ما ابي اتزوج
(تغريد): وليه؟
(عيسى): ما تضحكو
(الكل): ههههههههههههههههه
(عيسى): مالت
(وليد): شكلك يضحك .. خايف؟
(عيسى): ايوه خايف
(ابو عيسى)يضرب راس ولده بخفيف: الله يقطع بليسك
(تغريد): عندي بقت وحدة ما نخطبت من صديقاتي تبيها؟
(عيسى): لا يا حبيبت ماما انا عندي بنت تنتظرني
(ابو عيسى):تبي جود؟
(عيسى): لا تذكر اسمها و الله اتعب
(نور): هي انت لا تموت علينا
(تغريد): هديل شوفي اخوكي
(هديل): يروح يخطبها بعد ايش مستني
(عيسى): خلاص يبه اخطبها لي
(ابو عيسى): طيب
(ابو نور): ومن جود هذي؟
(عيسى): بنت خالي
(ابو عيسى): بنت عبد الله
(ابو نور): اها و الله والنعم فيهم
(تغريد)تقوم و تمسك جوالها: بخبر فطوم و عشان تروح معانا نجهز
(ابو عيسى)بشك: بابا هديل ايش فيكي؟
(هديل)تصرف و بأبتسامة مغصوبة: ادور لك عروس
(ابو نور): هههههه لا تشغلي بالك اهتمي انتي بنفسك و ام نور و ام سعد تتولى الموضوع
(عيسى): الا ما شفت عمي عبد الكريم
(ابو عيسى)نزل راسه بحزن: ماعليك منه صار لنا كثير هنا ولا جا يزور
(ابو نور)ااشر لنور و وليد عشان يغيرو الموضوع: احم
(نور): هاه عيسى بكره تعال الشركة عشان اعلمك الشغل
(عيسى): طيب بس انا اقولكم من احين بشتغل معكم بعدين بسوي لي مشروع بحالي
(وليد): زين زين اعصابك يا اخي


(فاطمة)تكلم تغريد و مستانسه: اول شي احلفي
(تغريد): ايش قصدك؟ اني كذابه يعني؟
(فاطمة): مدري يمكن كل العادة تستهبلي
(تغريد): ما استهبل
(فاطمة): دام كذا انتو اليوم روحو بحالكم و اني اليوم بروح مع محمد يمكن بكره اروح معاكم
(تغريد): رجعنا على محمد الي ما يخلص .. يلا يلا بتصل على ليون ..(بتردد): ف