(ابو نور): اه من هل الولد.. بروح اشوفه
(نور)بخوف: لا لا لا .. خليه براحته
(ابو نور): انت رايك كذا؟
(نور): ايوه
وليد طالع في نور بشك نور اشر له بأيده بعدين و بعد الغدا الساعة 2 الظهر انقلب البيت فوق تحت بصريخ و صياح
(ابو نور)معصب و خايف في نفس الوقت: ليه ما قلت لي ؟
(نور): يعني اقولك و احنا على الغدا
(ابو عيسى)بعصبيه: كان يمكن نحقله
(عيسى): هاه وليد رد؟
(وليد)متضايق: اوه قفل جواله
(ام نور)و الدموع على وجها: يعني وين راح؟ وليه راح؟
(نور)يهدي امه: خلاص لا تبكي .. اكيد بيرجع
(وليد): امممممم .. اتصل على تغريد يمكن راح لهم
(عيسى): لا لا لا مو تغريد بتكركب الوضع اكثر اتصل على محمد
(نور): صح
(وليد)اتصل على محمد و رد بسرعة و بخوف: الو محمد
(محمد)لما سمع نبرة صوته اخترع: ايش صاير؟
(وليد): اتصل فيك فارس؟او جا لك؟ او حتى شفته؟
(محمد)خاف: لا ليه ؟
(وليد):مو موجود في البيت و ما يرد على الجوال
(محمد): طيب يمكن راح مكان او شي
(وليد): بالهي عليك يا محمد واحد بيطلع و بيرجع ما بقفل جواله
(محمد): طيب طيب .. انا بتصل بفهد و سعد اسأل عنه
(وليد): طيب باي
(محمد): باي
(ابو كوثر): خير ان شاء الله .. ايش صاير؟
(محمد)انحرج: ...........
(ابو ورده)خاف: لا تسكت محمد ايش صاير؟
(محمد): ولد عمي فارس طلع من البيت و لا هم لاقيينه
(ابو كوثر): اوف طيب من متى طلع؟
(محمد): مدري
(ابو ورده): اتصل على اخوتك و روح اسأل فاطمة .. و اذا ما احد لقاه نروح ندور عليه
بعد دقايق حتى بيت فاطمة انقلب فوق تحت
(محمد): فاطمة خلاص لا تبكي .. بنلاقيه
(فاطمة)وهي تبكي: يعني وين راح؟
(ابو كوثر): محمد يلا وصل زوجتك و اختها و اختك بيتهم و احنا نروح ندور عليه
(كوثر): اني بعد بروح معاهم
(ورده): اني بروح البيت
(هديل): احسن خففتي
راح الكل بيت ابو نور ام سعد و ام كوثر و كوثر و ام ورده راحت مع بنتها البيت عشان ما تبقى بحالها
الكل قاعد وحاط ايده على قلبه

عبد العزيز في المجمع ينتظر زهراء
و لما شافها تدخل طار قلبه من الفرحة و قعد يمشي وراها وهي كل دقية لافه وجها عشان تشوفه
(نوف): زهوره شوفي هذا الفستان حلو
(زهراء)لافه وجها في عالم ثاني:........
(نوف): زهراء
(زهراء): هلا
(نوف): وين رحتي؟
(زهراء): جنبك
(نوف): بس عقلك في مكان ثاني .. شوفي هذا حلو
(زهراء): ايوه حلو
وقعدو افرفرو و هي تكلم عبد العزيز بالرسايل (زهراء)تكتب رسالة: غني لي ابي اسمع صوتك
(عبد العزيز)رد: طيب بس اسمعي عدل طيب
و بعدها اختفى قعدت تتلفت ما شافته و بعد ثواني سمعت صوت من المكرفونات الموجودة يقول
في انسانة غاليه علي جداً .. ليه اكذب بعد احبها طلبت مني اغنية فسمحو لي بغني لها
عمرك سمعت بطير ويحب سجانه
من شافك انت نسى وش تعني جنحانه
انا تراني طيرك اللي يحبك موت
لو حب قلبي غيرك بدعي عليه يموت
في قربك انت نسى انه ياعمري طير
ماتشد عينه السما ولا يريد يطير
هذا الغلا و الحب من الله سبحانه
عمرك سمعت بطير ويحب سجانه ؟
انت الوحيد الذي احيا علشانه
انت زرعت الوفا و امسيت هدانه
انت زرعت الوفا اومسيت هدانه
انت وانت الوحيد الذي احيا علشانه
ما اقدر اعيش بدونك يادنيتي والكون
والله وغلات عيونك ما انساك مهما يكون
قربك لقيت الدفا لأنك يا حبي غير
كل ماحلمت بوفا القاك له تفسير
هذا الغلا والحب من الله سبحانه
عمرك سمعت بطير ويحب سجانه؟
قبلك فؤادي انا غرق في احزانه
واليوم حبك ترى نساه حرمانه
يا تاج راسي محبك يا تاج فوق الراس
تحلا الحياة في قربك يا سيد الإحساس
ما عمر قلبي شكى في دنيتك تقصير
مهما يا ذخري حكا يعجز عن التعبير
هذا الغلا والحب من الله سبحانه
عمرك سمعت بطير ويحب سجانه؟
و ان شاء الله تعجبك حبيبتي
طبعاً هنا زهراء اشوي و يغمى عليها
(نوف): سمعتي صوته .. حلو .. يا بخت حبيبته
(زهراء)مايته فرح: هذا عزوز فديته
(نوف)معصبة: خيــــــــــــــــــــــــــــــــــــــــــر؟
(زهراء): اترجاكي لا تخربي الجو خليني فرحانه
(نوف)ضحكت على اختها: هههههه .. طيب و اني ليه ما اعرف
(زهراء): خفت منك
(نوف): هههههه طيب ابي اشوف هل الطير
زهراء اتصلت عليه
(زهراء): حبيبي كنت تجنن .. والله انك انسان مو طبيعي .. والله احبك
(عبد العزيز): ههه فديتك بس .. وين انتي ضيعتك؟
(زهراء): احنا عند المطاعم تعال
(عبد العزيز): و اختك
(زهراء): لا عادي تعال
(عبد العزيز): دقايق و انا عندك
وصل عندهم و سلم عليهم
(نوف): ما شاء الله عليك صوتك يجنن
(عبد العزيز): احم احم ترى بستغر
(زهراء): اني طايره من الفرحة
(عبد العزيز): اوكي انا ما شريت لكم هدية فبعزمكم على غدا
(نوف-زهراء): طيب
وقعدو و شرو لهم وجبات و قعدو ياكلو

بيت ابو نور
لين احين الوضع متوتر وصلت الساعة 8 اليل رجعو الرجال
(ام نور): هاه لقيتوه؟
(وليد)وهو يقعد: لا
(نور)تذكر: وليد اتصل على عبد العزيز
(وليد): ايوه صح
قام عشان يتصل
(نور): وانتي تغريد اتصلي بسمر
(تغريد): طيب
اتصلت
(سمر)بصوت حزين: هلا
(تغريد): اهلين سموره كلمتي فارس اليوم او شفتيه؟
(سمر)بدت تبكي: اهئ اهئ اهئ
(تغريد)بخوف: ايش صاير تكلمي
(سمر): اليوم كلمته و تهاوشنا و بعدين رسل لي رسالة كاتب فيها انا احبك بس انتظريني بس كم سنة انا مسافر و برجع والله برجع انا احبك والله العظيم احبك بس لازم تصبري شوي
ورجعت تبكي و بدت تغريد تبكي سكرت التلفون جا وليد
(وليد): عبد العزيز ما يعرف عنه شي و بيسأل اصحابه
(نور): تغريد ايش قالت سمر؟
قالت لهم السالفة
(ابو نور)معصب: يعني ايش قصده بهل الحركة .. كأنه يقول لي يا تخليني اكلمها او ما ارجع
(ام نور): ليه ايش صار؟
ابو نور قال الي صار و قعد الكل بتعب و الكل راح بيته و حتى فاطمة ما رضى محمد تبقى في بيت اهلها و يسوء الوضع اكثر

عند فاطمة
(فاطمة)تبكي: مدري ايش الحكمة انك ما رضيت ابقى هناك؟
(محمد): فاطمة لا تحني فوق راسي لو بقيتي انتي بتبقي تبكي و امك بتبكي و اختك بتبكي حرام عليكم امك من الظهر وهي تبكي
(فاطمة)تتصل بفارس: اوف
(محمد): ما رد؟
(فاطمة): قافل الجوال

ارن الجرس
دخل بخوف
(...): هاه ما وصلكم خبر عنه
(نور): لا .. و انت؟
(عبد العزيز): مافي احد يعرف عنه شي .. حتى انا ما اتصل لي
(وليد): وين ممكن فارس يقدر يسافر و كمل الجامعة هناك؟
(عبد العزيز): ليه هو سافر؟
(نور): ايوه بس مدري وين
(عبد العزيز): طيب سألتو عنه في المطار
(نور): لا
(عبد العزيز): طيب انا بروح اسأل عنه و بظل اتصل عليه
(نور): طيب جاي معاك .. وليد انت ابقى هنا و اذا جا خبر اتصل
(وليد): اوك
راحو المطار و صارت سالفه هناك و عفسه عشان يدورو عليه بعدين عرفو وين راح و رجع نور البيت و عبد العزيز راح بيتهم
(وليد): وين راح؟
(نور): سافر الامارات