(فاطمة)طالعته و نصدمت: مستحيل مستحيل




(تغريد): لا حبيبتي بتدخليه غصب عنك




(فاطمة): لا لا لا لا




جروها غصب و دخلوها المحل طبعاً المحل محل ملابس داخليه




(ليان)وهي ترفع الفستان: فطوم هذا اكيد بيطلع حلو عليكي




(فاطمة)بقهر: يناسبك اكثر خذيه انتي




(تغريد)رفعت فستان ثاني: هههههه ليون هذا احلى




(فاطمة): ما تتستحو انتو




(ليان): لا جد الفستان حلو




(فاطمة): حلو في وجهك مو شايفته عريان




(تغريد): مو هذا المطلوب




(فاطمة)عصبت: خير انتي وياها لا تستهبلو علي مو ناقصتكم




(ليان): تغريد اشتريه اشتريه خلها عنك




و قعدو ادورو في المحل و اعرا الملابس يشتروها لفاطمة على ذوقهم و بعدها طلعو من المحل




(تغريد): فطوم ما بتشتري عطور و شموع (و تغمز )الى الرومانسيات




(ليان): من حق تسأليها بعد بتشتري اكيد




(فاطمة): اف اف منكم




وقعدو افرو لين اليل و بعدين رجعو البيت




(ليان)وهي تقعد على الكنبة في الصالة و قامت تصارخ: منهاااااااااااااااااااااااااااااااااااااااارة




(تغريد)قعدت جنبها: صاقعه هذا صوت




(فاطمة): تصبحو على خير




(محمد): وانتي بخير يا عروس




(ليان): لا تتحمس




(محمد)طالع فيها: قوليها مرة ثانية و بقول الى ابوكي




(ليان): طيب خلاص اسفين




(ام سعد)وهي تنزل على الدرج و فاطمة راكبه: هاه حبيبتي خلصتي تجهيز؟




(تغريد): لا بقى ما شرت الا ثوبين نوم بس يبي لها اكثر




(فاطمة)حطت راسها على صدر ام سعد: شوفيهم يتمسخرو علي




(ام سعد)وهي تمسح على شعرها: خلاص حبيبتي ولما ينخطبو وريهم انجوم الظهر




(فاطمة)طالعت فيهم بحقد: الا نجوم الصباح بعد .. بس ماعليه الايام جايه .. الله يمهل ولا يهمل




(ام سعد): هههههه متحلفة فيكم




(ليان): اماه عزمتي الكل؟




(ام سعد): اكيد




(فاطمة): اني على بالي انها حفلة عائلية




(محمد)وهو اقلب القنوات: لا عرس كبير و في افخم الصالات و بعدين هو عرس مو حفلة




(فاطمة): طيب ليه ما اخذتو رايي




(محمد)طالعها بنظرات حاده: لان رايك ما يهم .. و بعدين لين احين ما خلصتي تجهيز فرينا السوق فر و بعدك ما تخلصي




(فاطمة)تبي تقهره: لا ما خلصت بقت اشياء كثير و اذا المصاريف كثيره عليك .. ما احد قالك تزوج فاطمة سليمان ال.......




(محمد)يبي يقهرها زياده: من قالك ما اتحمل المصاريف عادي.. و بعدين من فاطمة سليمان ال.... ولا شي




(فاطمة)بعصبية: اذا على كذا يا عريس محمد بكره اقعد من الصباح ابي ديكور بيتي من هنا .. و بفرفر بعد في السوق




(محمد)فرحان بعصبيتها: من عيوني يا عروس




ركبت فاطمة الدرج بقهر وهي تتحلف فيه




(ليان): يا حليلها استحت




(محمد): طويلة اللسان ذي تستحي .. ما اتوقع




(تغريد):هي هي اني موجودة لا تتكلمو على اختي




(محمد): خير ان شاء الله




في غرفة فاطمة




(فاطمة)تكلم جوال: اقولك مجنون يبيني اتزوجه مع الي سويته فيه




(رغد)مايته ضحك: ههههههههههههه




(فاطمة)عصبت: اني جايه اشكي لك تقومي تضحكي




(رغد):هههه .. ايش اسوي ما اقدر صراحة هل المحمد عنيد شكله اجنن




(فاطمة): لا والله صحيح عجل خذيه انتي




(رغد):هههههه .. مو ناويه تعزميني على العرس




(فاطمة): لا




(رغد): ههههه احسن وفرتي




(فاطمة)تغير صوتها الى نبرة حزن: الا اكيد لازم تجي ما اقدر اتحمل بدونك




(رغد): وي على قلبي .. خلاص حبيبتي (تبي تغير السالفة): عندي لك خبر حلو




(فاطمة): فرحينا




(رغد): اني ان شاء الله .. بقدرة واحد احد .. بكره بكون في فرنسا




(فاطمة)فرحانه: والله .. احلى خبر




(رغد): ادري بنور فرنسا




(فاطمة): هههه ماخذه في نفسك مقلب .. على الاقل تجهزي معاي مو المهابيل الي عندي




(رغد): هههه شكلهم وروكي الويل




(فاطمة): تخيلي ما يدخلوا لا المحلات الي فيها ملابس داخليه لوعو كبدي




(رغد): ههههه




(فاطمة): اني ناويه اكسر ظهره من المصاريف




(رغد): دام السالفة كذا .. حتى المكياج اشتري




(فاطمة): وهذا الي بسويه




اليوم الثاني الساعة 9 الصباح




(محمد)اصارخ: يلا عاد خلصو ما صارت بتروحو حفلة او السوق




(فاطمة)وهي تنزل: انتظر ايش وراك






في السوق فاطمة هل المرة راحت مع محمد بحالها لان البقايا نايمين




(فاطمة)تسأل محمد: ايش رايك نحط مثل هل الورد في الصالة؟




(محمد)بملل: سوي الي تبيه




(فاطمة): طيب .. احنا جينا محل اثاث ليه ما وديتني اول اكمل جهازي




(محمد): قلت في طريقي .. و بعدين ايش فيها يعني




(فاطمة): خلاص خلاص لا تعصب




(....): هلا فاطمة




(فاطمة)لفت على الصوت و عصبت قالت بملل: اهلين




(...): اشوفك هنا .. بتأثثي غرفتك؟




(فاطمة): لا بأثث بيتي .. و بعدين انت شكو




(محمد)عصب: من ذا؟




(فاطمة): مازن اخو صديقتي رغد




(محمد)يكلم مازن: خير في شي تبيه؟




(مازن): لا ابد حبيت اسلم




(محمد): و عليكم السلام




(مازن): الا انت من؟




(فاطمة): و انت شكو؟




(محمد)بصوت حاد: انا الي اذا قربت من وحدة من بنات عمي مرة ثانية بقطع لك راسك




(مازن): اشوف الكل عرف بالسالفة




(فاطمة): طبعاً احمي نفسي .. و بعدين احمد ربك ما قلنا الى اهلك .. كان احين انت في خبر كان




(محمد): يلا فارقنا




و مشو عنه قصة فاطمة و مازن هي التالي


مازن حاول يتحرش في فاطمة بس حصل جزاه من البدي قارد وما قدر يلمسها و وقتها نور كان يبي يشتكي عليه و يسجنه و سفره بعد لكن رحمو حال ابوه الي ما يتحمل و ما في احد درا من اهله حتى رغد


نرجع الى المحور الاساسي


داخل محل المجوهرات




(فاطمة)تكلم محمد: مو هذا حلو؟




(محمد): حلو و بيطلع عليكي احلى




(فاطمة)بحيا: شكراً




(محمد): انا قلت الحقيقة (وهو اأشر): شوفي هذا الخاتم بكون حلو عليكي




اخذه و دخل الخاتم داخل اصبع فاطمة و لما مسك ايد فاطمة حس بأحساس يجنن فسحب ايده بسرعة عشان يهرب من هل الاحساس




(محمد)وهو لاف وجهه: اذا عجبك خذيه




(فاطمة): أي اجنن ابيه




(محمد)وهو اياخذ الخاتم و يعطيه البياع:طيب




(فاطمة)قالت وهي مستحيه و عيونها في الارض: اني ما ابي جهازي من هنا بس اني سويت كذا عشان اقهرك .. بس ما فيه فايده فيك




(محمد)طالعها كانت كأنها طفلة مستحيه وفجرها ضحك عليها: ههههههههههه .. اساساً ما عندك وقت عشان تجهزي من السعودية




(فاطمة): بس ما قلت اني ابي اجهز من السعودية




(محمد): من وين تبي؟




(فاطمة): من أي مكان بس ناقش معاي الموضوع مو تقولي الي تبيه سويه




(محمد)رحمها وقال ببتسامة: طيب




(فاطمة)مسكت دبلة رجالية: محمد هذي الدبلة حلوه




(محمد)خذها: اشوف ... حلوه بس ما ابيها اكيد فيه احلى




(فاطمة)وعيونها تدور تفاجأت بدبلة قدمها: ههههه محمد




(محمد): فزعتك؟




(فاطمة): ايوه




(محمد): اسف .. ايش رايك فيها؟




(فاطمة): تجنن .. انت ذوقك صعب ابي اشوف شي يعجبك




(محمد)قال ببتسامة: كل شي منك يعجبني << انتبه الى نفسه و ختفت الابتسامة و كأنه تذكر شي و ضايقه




(فاطمة)بخوف: ليه وجهك تغير ؟فيك شي؟




(محمد)ببرود: لا ما فيني شي .. هاه قررتي تبي هذي الدبلة




(فاطمة)اتضايقت: لا بقت دبلتك




(محمد)اخذ الدبلة الي شافتها فاطمة: خلاص بخذ هذي




(فاطمة): بس هي ما عجبتك




(محمد): احين عجبتني




شرا الدبل و الشبكة و طلعو من المحل طول ما هم يمشو كانو ساكتين قاطع الهدوء صوت جوال محمد طالع الجوال و عقد حواجبه و خلاه سايلنت




(فاطمة): اشوفك تضايقت




(محمد): مالك دخل