(.....)بصوت حاد جداً و معصب: ايش صاير؟.. ليه فاطمة تبكي؟
لفو للصوت و تجمدو
(...): ليه ساكتين؟.. من مزعل فيكم فاطمة؟.. تكلمو
(تغريد)بخوف: كـ .. كنا طالعين ...
فتحت فاطمة الباب و دموعها على خدها و رمت نفسها في حضنه مثل الاطفال و قعدت تبكي
(فاطمة)بصوت مبحوح: نور شوفهم طلعوني عشان يستهبلو علي
(نور)معصب و صارت عيونه حمرا لانه احب فاطمة كثيـــــــــــــر و ما يرضى احد يستهبل عليها: هي انتي وياها ليه تستهبلو عليها ... مفكرينها عربجيه مثلكم
(ليان)بستغراب: احنا عربجيات
(نور): ايوه عربجيات عندكم مانع
(تغريد)بخوف: تورطنا ... ايوه احنا الي تبيه
(نور)اكلم فاطمة و يمسح على شعرها: خلاص حبيبي لا تزعلي الا اجلدهم و اخليهم يندمو بس انتي مو تزعلي
(ليان)خايفه: توصل للجلد
(نور): لو بيدي سلختكم بعد
(فاطمة): خلاص نور خلهم الايام جايه بطلعها من عيونهم الي ما يستحو
(نور): الي تبيه اصير .. بس لا تبكي
(فاطمة)بعدت عن نور: بتروح الشركة؟
(نور): ايوه .. تبي شي؟
(فاطمة): سلامتك
(تغريد): ولا اني ابي شي
(نور): ما سألتك .. بس عشان ما افشلك .. تبي شي؟
(تغريد): سلامتك
(نور): و انتي ليون
(ليان): سلامتك
(نور): الحمد لله والشكر حتى في الكلام تقلدو فاطمة .. طيب الله اسلمكم .. بايو
(الكل): بايات
بعد ما راح نور
(تغريد): فضحتينا
(ليان): ما صارت .. كنا نبي نسوي فيكم خير
(فاطمة)بعصبية: تسوي فينا خير هاه .. احمدو ربكم اني ما قلت له الحقيقة كان احين انتو في المقبره و معاكم محمد بعد
(تغريد): ما صارت عاد خلاص بلا دلع
(فاطمة)عصبت زياده: دلع في وجهك مع وجهك
(ليان): بل بل معصبة جد ذي
(فاطمة): شوفي قلت ادب اخوكي و انتو الثنتين معاه بعدين تعالو تكلمو
(ليان): خلاص فطوم ما صارت خلاص لا تزعلي
(فاطمة)وهي تدخل الغرفة: اقول روحو جهزو شنطكم من احين لان ادري لما اجي وقت السفر كل وحدة ناسيه شي
(تغريد): ان شاء الله عمتي

الساعة 8 في بيت ابو نور
الكل في الصالة الي عنده الاب و قاعد على النت و الي اشاهد التلفزيون
(فاطمة)و الاب على رجلها: خلاص تغريد ازعجتيني على المسن ... مو كأنك معاي في نفس المكان
(تغريد)و الاب على ارجولها و وجها احمر من الضحك: هههههههههههههه
(فاطمة)معصبة: بابا شوف تغريد تعاندني على المسن ... الي اشوفنا كأنا مو في مكان واحد
(ابو نور)وهو اشاهد: تغريد عيب خلي اختك في حالها
(تغريد): خلها تنقلع الدلوعة
(فاطمة)معصبة: تغريد خلاص خليني اكلم صديقاتي على راحتي
(نور): خلاص سكتو خلونا نسمع الاخبار
(وليد): خلونا نركز ياربي مافي احد يقعد في هل البيت
(فارس)حاط السماعات: بلا حب بلا وجع قلب
(نور)وهو يسحب السماعات من اذنه: وجع قلبك يلا خلاص بلا هل الاغاني و قفل فمك
(فارس)رجع حط السماعات: طيب ما بتكلم
(تغريد)بنذاله: فطوم خذي هذا ايميل محمد انتي مو عندك
(فاطمة)بدون ما تحس: ما ابيه
(وليد): ليه؟ الكل عندك ايش معنه هو
(فاطمة)حست على نفسها فحبت تصرف: لا بس مغرور هل الكريه
(وليد): لا اخذيه عشان ما تصير سالفة يعني عندك الكل الا هو
(فاطمة)بقهر: جيبيه
(تغريد)تضحك بنتصار: برسله
ضافته فاطمة
اول المحادثة
(محمد): سلام
(فاطمة): وعليكم السلام
(محمد): ممكن اعرف من انت/ي
(فاطمة): اني فاطمة سلمان***** .. بنت عمك
(محمد): اها .. اهلين .. بس ما اذكر اني عطيتك ايميلي
(فاطمة): ايوه تغريد عطتني الايميل
(محمد): على الاقل يمكن الكلام يصير اسهل على المسن
(فاطمة): لا تفتح الموضوع مرة ثانية ... صدقني بسوي لك بلوك
(محمد): ما تقدري اقدر بكل بساطة ازعجك على الجوال و وقتها اخوتك بقولو من الي كل دقيقه داق
(فاطمة):بقول لهم انه انت
(محمد): ما بتسويها لانك ما تبي يصير شي في العايلة
(فاطمة): انت شنو تبي؟
(محمد): جاوبيني .. تحبيني؟
(فاطمة): مو كأنه سؤال جريء الى بنت ... ما تحس اني بنحرج
(محمد): ما نحرجتي لما قلتيها وانا معاكي
(فاطمة): كانت بدون قصد
(محمد)بأصرار: جاوبي
(فاطمة)بعناد: سوري بعتبره شي خاص فيني
(محمد): يعني اعتبر هذا الكلام انك تحبني
(فاطمة):......................
محمد رسل اشارة تنبيه و فاطمة لازالت ساكته و لما ما ردت دق على الجوال و كان جنب تغريد
(تغريد)وهي تمسك الجوال: فاطمة محمد يدق
(فاطمة)معصبة: وانتي من قال لك تطالعي المتصل والله لقافه
اخذته و ردت بسرعة
(فاطمة): الو
(محمد)بصوت حاد: تحبيني؟
(فاطمة)تصرف: ايوه اني بخير سوري ما كان قصدي اخوفك ... باي
سكرت السماعة في وجهه و مرت 4 ايام و جا وقت السفر و محمد من ذاك اليوم ما كلم ولا قابل فاطمة الا في المطار
(ليان)تكلم تغريد: كأن فاطمة ما تكلم محمد
(تغريد): الا ما يطلعو في وجه بعض بعد
(ليان)بضيق: شكلنا سوئنا الامور ما حسناها
(تغريد): يب
ركبو الطيارة و بدا الستهبال من تغريد و ليان و فارس و فهد و محمد الا فاطمة كانت هادئة
(فهد): الا ايش فيها الاميرة النائمة هادئة؟
(تغريد): ههههههههه تقصد فطوم
(فارس)قرب من فاطمة: ايش فيها وجه البوم ساكته؟
(تغريد): خلوها بحالها .. امس ما نامت من التفكير
(ليان): افا تفكري و اني موجودة .. خليني افكر بدالك
(فهد): تفكريها ما عندها عقل مثلك
(محمد)قرب من اذون فاطمة و قال بصوت عالي: خير .. ايش فيكي ساكته؟
(فاطمة)وهي تحط ايدها على اذنها: المت اذوني .. خلاص ما عندكم احد غيري تهبلو فيه
(محمد)وهو اطالع في كل مكان: لا مافيه غيرك
(فاطمة): اتركوني بحالي مالي خلق
(فهد)الابتسامة على وجهه: بقول لكم شي
(الكل)بحماس: قول
(فهد): في مفاجأة تنتظر محمد و فاطمة لما نوصل
(محمد)مرتبك: شنو هي؟
(فهد): لا تبي ابوك يذبحني لاني قلت .. خلاص انتظرو
(فاطمة)خايفه: طيب لمح
(فهد): ولا تلميح
(تغريد): طيب قول لنا احنا
(فهد): لا
(فارس)يضم فهد: يا صديقي الصدوق ... بتقولي انا
(فهد): هههههه العب غيرها
(ليان): اكيد بيخطبو الى محمد و خاطبين فاطمة صح
(فهد): قربتي
(فاطمة)بخوف: من خاطبني
(فهد)لف عنهم: لما نوصل تعرفو
(فاطمة)لفت لمحمد الي كان وراها: شنو تتوقع الموضوع؟
(محمد)ببرود: مدري
(فاطمة): اني خايفه