--،,النـــزف الســابع،,--
في بيت أم العنود=بعد المغرب/
بعد ماطلعوا أم عمر وأم فارس وبناتهم من بيت أم العنود وعزوا جوري البنات..جلست جوري في الصاله تفكر فيهم..(شكلهم طيبين و ينحبون بس المهم هم بيحبوني؟ خالاتي يحبوني عشان الشبه اللي بيني و بين أمي لكن البنات لازم يحبوني عشان نفسي)
ياسمين: جوري وين رحتي صار لي ساعه واقفه فوق رأسك ماحسيتي!
جوري: كنت أفكر
ياسمين: بأيش؟
جوري: بالبنات ماجلسوا كثير ما مداني اتعرف عليهم
ياسمين: يوم الخميس الجاي بنروح لمزرعة أبوفارس و تتعرفين على الكل
جوري تتنهد: أخاف مايحبوني
ياسمين تضحك: وأنت مين يقدر يكرهك وليه؟
جوري: بنات عمي كانوا يقولون إني ممله و كئيبه
ياسمين: انسيهم يا جوري هم أصلا ما كان عندهم استعداد يعرفونك وحكموا عليك من نفسهم وصدقوا اللي يبون
جوري: ياسمين كنت أبي اسألك عن شي محيرني
ياسمين: اسألي
جوري: أنت قد قلتي لي إنك فرحتي يوم لقيتيني لأنك وحيده بهالدنيا بس أنا شايفه إن الكل يحبك و لك عائله كبيره
ياسمين بشرود: صح يحبوني و أنا بعد احبهم كثير و أقدرهم بس فيه شي واحد هو اللي يقهرني و يحسسني إني هم عندهم
جوري: وشو؟
ياسمين: احساسهم بالواجب ناحيتي أمي وصتهم علي قبل تتوفى لان ابوي ما كان له احد و هم يحسون انهم لازم يحموني من أي شي و لازم يصلحون لي أي شي و يعطوني كل شي و اللي خفت منه صار تدرين انهم يبون يزوجوني واحد من عيالهم بالغصب مع إني احسهم كلهم مثل اخواني ومتأكده انهم كلهم مايفكرون فيني....أتمنى لو بس ينسون هالسالفه و يخلوني على راحتي أنا اعتمد على نفسي لأني مستحيل أرضى بهالشفقه منهم ماراح أضيع بدونهم ليتهم يفهمون هالشي
سكتت شوي..بعدين التفتت على جوري اللي كانت سرحانه بعيد..
ياسمين: جوري وين رحتي؟
جوري انتبهت: أفكر في كلامك
ياسمين: كلهم يقولون إني حساسه زياده عن اللازم وأبالغ أنت وش رأيك؟
جوري: أنا اشوف إنه معك حق لأني جربت شعور إن أحد يستحملك بس عشان الواجب تدرين ياسمين أنا من يوم شفتك و كلمتك اعجبتني قوة شخصيتك واعتزازك بنفسك تمنيت تكون عندي هالقوه كان ماضطريت أدور أي أحد اتعلق فيه بس عشان أقدر أعيش أنا ما أعرف اسوي أي شي لحالي أخاف..أمي كانت دائما معي كنت أسوي كل شي معها و يوم تركتني ضعت بعدها....بس تدرين أمي كانت عندها عزة النفس اللي عندك يمكن هالسبب اللي خلاها ماترجع لكم بعد ما صار لها كل هذا ماكانت تبي تغير صورتها عندهم لأنه من كلام أمي حصه عنها مالقيت أي شبه بين أمي اللي عرفتها وأمي اللي كانت قبل..آه مليت من هالشعور أبي اعيش مثل باقي هالبنات بدون خوف بدون هم..أبي الناس إذا حبتني تحبني لنفسي مابي أحس إني حمل على أحد أو مفروضه عليه
سكتوا لحظه..و كل وحده تفكر في هالحال اللي هم فيه..و فجأه تذكرت ياسمين..
ياسمين: اسمعي يا جوري كل هذا انتهى..اللحين حنا مع بعض و عندنا أهلنا اللي يحبوننا لكن ماراح نسمح لأحد يتحكم في حياتنا أو يفرضنا على أحد
جوري: ياليت كانت عندي هالثقه و القوه اللي فيك
ياسمين: أكيد فيك هالقوه بس أنت لازم تعطين نفسك الفرصه...جوري بأسألك أنت ليه وافقت على فارس؟
جوري: عشان اطلع من بيت عمي
ياسمين: و ماسألتي نفسك هو يبي هالزواج أو لا أو انتم تناسبون بعض؟
جوري: لا ما كان عندي خيار غير إني أوافق
ياسمين: بس اللحين تقدرين تختارين
جوري مافهمت: وش قصدك؟
ياسمين: السبب اللي اجبرك توافقين على فارس بدون ما يكون لك الحق ترضين أو ترفضين خلاص انتهى و أنت اللحين بيننا
جوري انصدمت: ما طرأ هالشي في بالي...بس أنا ماقدر أرفض اللحين بعد ماوافقت
ياسمين: ليه ماتقدرين اللي بينكم خطبه بس
جوري: بس صعبه
ياسمين: جوري أنت تبين فارس؟
جوري: لا!....مادري؟
ياسمين: جوري أنا أول كان كل همي إنك تتركين بيت عمك بعد ماشفت كيف يعاملونك لكن بصراحه أنا من أول شي رافضه فكرة زواجك من فارس
جوري بإستغراب: ليه؟
ياسمين: ما يناسبك فارس مغرور بنفسه وكل حياته في شغله أهله و هم أهله مايعرفونه زين..من قل مايجلس معهم و مايهتم بالمشاعر والعواطف و بعد كبير عليك
جوري انصدمت..أول مره تسمع شي عنه..بس اللي تقوله ياسمين ينطبق كله عليه..و بدت تفكر إنها صدق ما تصلح له..
ياسمين: جوري حبيبتي أنا عارفه إن الكلام اللي بأقوله يمكن يضايقك بس أهم شي مصلحتك..ترى فارس كان رافض فكرة الزواج لدرجة إن خالتي أم فارس ماقدرت عليه والكل استغرب يوم وافق على الزواج وخطبك و أنا عرفت السبب
جوري: عشان خالك ناصر
ياسمين: مو بس هالسبب..فارس دائما كان يبي يأسس له شركه لحاله و هالشي اللي خلاه يرفض فكرة الزواج لين يحقق اللي يبيه بس فجأه بعد ما خطبك هالشركه بدت تطلع
جوري: يعني تقصدين إن خالك ناصر ساعده عشان يخطبني
ياسمين: جوري لاتزعلين..خالي كان كل همه يجمعنا مع بعض و يتطمن عليك ومثل ما تعرفين هاذي كانت الطريقه الوحيده
جوري: بس لو رفضت فارس كيف أعيش بينكم؟ كيف بأقابل خالتي أم فارس؟
ياسمين: أنا بأكلم خالي ناصر وأخليه يسأل فارس إن كان يبيك صدق ماتفسخون الخطبه ولو كان موافق بس عشان خالي هاذي فرصتكم عشان ترتاحون من زواج انفرض عليكم..وش رأيك؟
جوري: مادري؟ بكيفك
ياسمين: وش اللي بكيفي! هاذي حياتك مقتنعه باللي قلته أو تبين تكملين هالخطبه؟ تدرين بأتركك تفكرين إلى بكره وأي قرار تأخذينه أنا بأوقف معك فيه
في بيت أم عمر/
طلع عمر من غرفة لينا..و نزل تحت و شاف أمه و شوق في الصاله..
عمر: مساء الخير
كلهم: مساء النور
عمر: وين كنتم؟
أم عمر: رحت مع شوق للسوق...عمر وش فيك شكلك متضايق؟
عمر: شوق روحي لحلا اجلسي عندها
قامت شوق مع إنها حست بتصريفه..عشان كذا وقفت ورى الباب تبي تسمع هالموضوع اللي صرفها عشانه..
عمر: شوق أنا قلت غرفتك مو ورى الباب
أول ماسمعته شوق..ركضت لغرفتها قبل يعصب عليها..
أم عمر: خير يا عمر وش فيك؟
عمر: لينا رفضت خالد
أم عمر: هالبنت مادري وش تبي مارضت تكمل دراستها ومو راضيه تتزوج!
عمر: مو هذا اللي مضايقني يمه لينا ألف واحد يتمناها بس...
أم عمر: أجل وش اللي مضايقك؟
عمر: أنا خايف إنها للحين مو قادره تنسى يوسف
أم عمر انصدمت: يوسف! بس يوسف مر على وفاته ثلاث سنين
عمر: الظاهر هالثلاث سنين ماغيرت شي في قلب لينا
أم عمر بحزن: الله يرحمك يايوسف خطفك الموت مننا وأنت توك صغير..الله يعينك يابنتي
عمر: يمه لاتجيبين لها هالسالفه ولا تكلمينها فيها مابي نفتح جروحها من جديد
أم عمر: الظاهر إن هالجروح للحين مفتوحه ياولدي بس مايصير اشوفها كذا و أوقف اتفرج
عمر: يعني بتكلمينها؟؟
أم عمر: ماراح أخليها تدفن نفسها باللي راح
و قامت عنه..و عمر ندم انه قال لها..
في بيت أم فارس/
|