يامدعين الفصاحه والوفاء والكبور
خلو جمآهير خلق الله على فالهآ
مايبلغ المجد هافي فعل ولا مهبول
ماياصلة غير من يسعى ويرقالهآ
تآريخ يغني اولي الالبآب وآهل العقول
اللي تقدر لحى الابطال واسبآلهآ
من يعترف بالرجآل وبينآت الفعول
ماترخص النآس وقفآته ومنزآلهآ
واللي مع الخيل ياشقرا وقرع الطبول
يذوق النفس حسرتها واذلالهآ
من يرفع ايديه فوق ويحسب انه يطول
هاماتنا لو نّقّص ايدية ماطالها
لو جمّع إيدين جمهورة يدور حلول
الشمس تلهب وجيه النآس فظلآلهآ
وش عآد لو عرضتك لقيضهآ وش تقول
ماظن تبقى ملآمحهآ على اشكآلهآ
العشق يسريبنآ يسرح يصول يجول
نتركلة الكون مسرح ينعش امآلهآ
العشق مايوم خلآنآ نصد ونحول
لو يطلب الليل لمحة عشق لهلآلها
بآكر يجينآ الصبآح وشمسنا ماتزول
تغيب من غرب لكن تشرق قبآلها
الشمس نعمه ضرورية في كل الفصول
لو غآبت الشمس عظم النآس ماشالهآ
حرآرة الشمس تحي الارض عقب الهطول
إثبآت علمي يبين قوة افعآلهآ
ماهو كلآم التعنصر والهوى والميول
متخصصين الطبيعية هذي اقوآلها
مافيهم اللي سعودي أصل او من اصول
من الغرب وبنيتة مايعرف اخوآلهآ
رسآلتي قلت اوصلهآ لعقل الجهول
وياليت للي معاه يعيد إرسالهآ
ياسيدي طرت فالعجة وسقت الذلول
ونسيت لا ألبسك فالمطلع إجزآلهآ
هذا لآني جنوني والجنوني عجول
يشوش وتحدة الغيرة على رجآلهآ
ولا أنت لولا الحمول رجآل شلت الحمول
ماغير فيصل ولد تركي بيشتآلهآ
ما اهتزت ارض النصر ما دامك جبآلها
باقي معك نخوة الشجعآن يوم الفحول
تشوف وقع الهنآدي تصرم ابطآلها
ربآك تركي حفيد المجد رآعي الاصول
والجد سلطآن حاميها ومدهالها
اسمك لو أقراه عرض وفي طلوع ونزول
سلاليل الملوك عرش الامن في جآلها
منت بحآجه قصيدة واعتبرها فضول
لكن لزوم النشامه نحكي افضالها
ابحربنآ وانت ربآن السفينة ونول
بيدينآ خذ عصى موسى وزلزالها
|