<< البـــــــــارت الــ 30 >>
نزلت جوانا ورى طلال وجلست معاهم بعد العشاء .............
فيصل يتثاوب ويتمطط : تصبحون على خير ,, والله تعباااااااااااان
وقف وباس راس ابوه وطالع بالجوري المنسدحة على كتف خزامى وضحك
طالعت فيه خزامى مستغربة وطالعت جنبها لقت الجوري نايمة
ضحكت معه ودقت الجوري بخفيف
خزامى : جوووري .. اصحي ,, روحي نامي بغرفتك
جوري وهي نايمة : لا يمة مابي
سكتوا كلهم بألم وابو طلال طالع بالارض بحزن
خزامى : جوووري اصحي
صحت الجوري وهي تفرك عيونها بشكل طفولي .. وقفت وراحت غرفتها بدون ولا كلمة
خزامى رن جوالها ...
طالعت لقت رقم خالد طالعت بالشاشة بصمت
خزامى : بالاذن
وقفت بتروح .....
طلال : مين ؟
التفتت عليه مستغربة
خزامى : لازم تعرف ؟
طلال : اذا كان خالد اعطيني اياه لا تردين
خزامى وهي معقدة حواجبها : ليه ؟
طلال : ما معي رقمه ,, وابيه بسالفة .. هاتي الجوال
وقف واخذه منها بعد ما مدته له
طلال : الو
خالد : الو ؟؟ هذا جوال خزامى صح ؟
طلال : انا طلال .. ايه هذا جوالها
خالد : هلا طلال .. شخبارك ؟
طلال : ماعلي الحمدلله ... المهم ,, انت متصالح مع سعود ؟
استغرب خالد السؤال
...............
خزامى كانت تتسمع عليهم بدون ما يحس طلال
خالد : يعني ... تقريبا تقدر تقول اني نسيت اللي صار واحاول افتح صفحة جديدة
طلال : انت تدري باللي سواه بخزامى
خالد : ايه ادري ,, بس هو الحين ندمان وتايب .. وغير كذا مريض
طلال : مريض ؟؟
خالد : ايه
طلال : وش عنده ؟ سخونة مثلا ؟؟ هه >> يتمسخر
خالد : لاوالله ,,, معاه سرطان الرئة
صدمة قوية بالنسبة لطلال
ضاعت فيها كلماته وجوه تبعثر
طلال بصدمة : سرطااان الرئة ؟
انصدمت خزامى بقوووووة وجاها الخبر مثل الصااااااااعقة تذكرت هالجملة ....
خزامى : سعووووووود ... الله يبليك بمرض يعذبك مثل ما عذبتني الله لا يوفقك
وطّى راسه بسرعة وطلع يركض ............ الله لا يسااااااااااااامحك يا سعود الله لا يسامحك))),,,,,,,,,,
يا ربي .. انا دعيت عليه ,,, صابه مرض
كله مني ,, يا رب اشفيه يا رب
طلعت تركض لغرفته وهي تبكي تبكي وما تدري ليه
انسدحت على سريرها ووجهها بالمخدة ... كل الذكريات الحين المسيطرة عليها كانت لها هي وسعود
وقفت عن التفكير شوي ... تعدلت بجلستها
فتحت درج الكومدينة تبي تحط السلسال حقها فيه لقت علبة صغيرة
يووووه فقدتها هالعلبة كثير هي واللي داخلها
هي الذكرى الوحيدة الباقية اللي ما قدرت اتخلى عنها منك
اخذت العلبة وفتحتها وهي تبكي
شافت صورة سعود جوة العلبة والدبلة اللي هي اختارتها معه
سعووووود انت رحت لكن ذكراك لسة موجودة
.............................
عند جوانا وابوها بالصالة
ابو طلال : يقول طلال انك ما كنتي على طبيعتك بالايام اللي راحت
وش صاير لك يا بنتي ؟
جوانا وعيونها مركزة بالارض : يبة ليه ما قلت لي اني بنت جميلة ؟
سكت ابو طلال منصدم
ابو طلال : ايه هي امك لكن اللي ربتك ام طلال مو هي
جوانا : يبة حرااااام عليك ,,, عالاقل كنت اعرف انها امي
بس كنت اعرف ,,,
ابوطلال : عالعموم ,, يا بنتي اعتذر بس شفت انه الافضل لك
وبعدين جميلة ماتت الله يرحمها ... انسيها
جوانا : انت نسيتها ؟
سكت ابوطلال بحزن
جوانا : يبة جااوبني .. نسيتها ؟
ابوطلال : لا ... ما قدرت انساها
امك كانت اروع انسانة شفتها بحياتي .. احبها كثير واغليها
جوانا : طيب ما زعلت ام طلال يوم تزوجت امي عليها ؟
ضحك ابو طلال : هههه انا تزوجت ام طلال على امك يا بنتي
عقدت جوانا حواجبها : بس ليش ؟ مو انت تحبها
ابو طلال : ايه .. وكنت مستعد اعيش العمر كله وياها بدون اطفال
لكن ابوي رفض هالشي وكنت وقتها عشرين سنة ... قال : يا تتزوج بنت عمك او انسى ان عندك اب
كان دايم يبيني اتزوجها لكن كنت ارفض قالولي مافي زواج من غيرها قلت اووكي
ومشيت معهم طبعا كنت صغير وقتها قالولي عمرك عشرين ولسة ما تزوجت ومصرين يزوجوني
خصوصا بعد ما تزوج عمك الفرنسية ام ياسر ويوسف ويارا
خافوا اسوي مثله ... قالوا اللي تبيها اخترت امك وقعدت انا وياها سنتين وهي ما جابت اطفال ولا حملت
زعل علي ابوي و غصبني اتزوج بنت عمي وطعته لعيون امك
امك رفضت اننا نهرب منهم مثل ما اقترحت عليها .. قالت ابوك بيغضب عليك بسببي تزوج بس لا تظلمنا
سكت وهو يرجع راسه لورى عالكنبة
جوانا تحمست مع القصة : ايوة ؟؟ كمّل يبة
ابتسم لها يوم شاف حماسها
ابو طلال : وشو بعد ؟؟ وبس تزوجت ام طلال وجابت اخوانك طلال وفيصل وخزامى
بعدين امك حملت وجابتك لي .. وبعدها ام طلال جابت جوري وبس
جوانا : وشلون كانت علاقتهم مع بعض ؟ اقصد امي وبنت عمك ؟
ابو طلال : هههههههه امك كانت عاقلة صحيح عنيدة ومثلك كذا ياويل اللي يأذيها بكلمة
بس كانت تسكت بكثير احيان احتراما لي عكس ام طلال اذا عصبت ما تحاسب على كلامها
جوانا : مين الشريرة ؟
ضحك بقوووووة ,, كان بيقول : امك
لكن سكت ....
ابو طلال : ثنتينهم ,, كلهم كانوا قويات وصعب التعامل معهم لكن امك تتفاهم مع الشخص وتاخذ وتعطي بالكلام
اما ام طلال لا ,,, بس كان رايي يمشي فوق الكل بما اني الرجّال
امك تقتنع وسهل اقناعها لكن ام طلال مشتغل وياها تهديييييييييد تمشي مسطرة
جوانا : هههههههههههههههههههههه اجل ام طلال عذبتك
ابو طلال : ههههههههههه كلهم عذبووني ,, كل وحدة من جهة وبشكل عذاب غير
جوانا : يبة تصبح على خير بقووم انام ,, وانت بعد نام مرتاح مافي عذاااب
ابوطلال : ههههههههههههه طيب
...............................
رجع طلال للصالة
طلال : يبة ,,, تكلمت مع جوانا ؟
ابو طلال : ايه ... بس شلون درت انها بنت جميلة مو عارف بس يللا يعني قلت لها انها ماتت
عشان لا تدور عليها وتتعب المسكينة مثلنا
طلال : احس ان جوانا تدري عن جميلة
لحظة ... يبة جوانا قالت ما راح اسامحها هي راحت وتركتني شلون عرفت ان امها راحت وخلتها ؟
ابو طلال : شلوووون ؟؟؟ متى قالت لك كذا ؟
طلال : وانت مسافر يبة
ابو طلال سكت وهو يفرك ايديه ببعض : بطلع اكلمها
وقف ابوطلال بيروح لجوانا
طلال : لا يبة وقف ,, يمكن هي تقصد انها ماتت وتركتها
ابو طلال : ما ادري ... يا رب يكون كذا
ما ودي تكره امها عشانها راحت وتركتها عندي
طلال بابتسامة : لسة تحبها يبة ؟
ابو طلال لاحظ انه زودها وهو يحكي عن جميلة اللي بنظره هجرته وراحت
ابو طلال : انت ما وراك دوام بكرة ؟
ضحك طلال درى ان ابوه يصرف
طلال : الا ... يبة ؟؟ بكرة بخلّي خطوبتي على بنت الصقر رسمية
وودي لو اخليها ملكة مرة وحدة
ضحك ابو طلال : هههههههه وش فيك مستعجل ؟؟ اركد خليك ثقيل
طلال بابتسامة مكر : انا ثقيييل يبة .. لكن براسي شي ,, ومنها نتعرف على بعض اكثر
تعرف لين الزواج خيييير
ابو طلال : الله يستر منك .. طيب بتفق مع ابوها
طلال : لا انا خلصت واتفقت وابوها موافق ,, كل شي ماشي تمام بس يالغالي ناقص وجودك
ابو طلال : ما شاء الله .. طيب من عيوني
.........................
بيت الصقر ابو راكان جالس بالمكتب عند اوراقه وشغله
ماري : نعم مستر عبدالرحمن ؟
ابو راكان : نادي لي توليب
جات توليب تركض بعد ما خبرتها الخدامة
توليب طقت الباب ودخلت
توليب : نعم يبة ؟؟ بغيت شي
ابو راكان : ايه بس اخبرك ترى ملكتك بكرة
توليب وهي مفتحة عيونها عالاخر : من متى ؟؟ وبأمر مين ؟
ابو راكان عرف انها بتعصب
قال بدون اهتمام وعينه بالورق : بأمري أنا ... ومن اليوم الموضوع
توليب : اووف لهالدرجة مضايقتك يعني ؟؟؟ عالعموم يبة ما يمديني اجهز
ابو راكان : اغراضك سبق وطلبتها ويتوصل بكرة الساعة 7 الصباح يعني كل شي جاهز
وفستانك اللي اخترتيه من يومين هو اللي طلبته لك
توليب بزمة شفايف : طيب
راحت لغرفة تولين اللي جالسة تقرأ ومنسجمة
توليب : اووووووف
وجلست عالسرير بقوووة
تعدلت تولين بجلستها : وش عندك تتأففين ؟
توليب : ابوي قال ملكتي بكرررة .. شفتي شلوون يبي يتخلص مني بأسرع وقت ممكن ؟
تولين : ههههههههههه كله منك طلعتيه من طوووره لين قال يا شيخ خليني افتك من هالنشبة اللي واقفة في بلعووومي
وياااحظي .. مين ماخذة ؟؟ طلال الراسي الله يعينكم على بعض ما تنفعوووون
توليب : هههههههههههه الله يعيني بأتحمل غثاااااه بس هين أنا بوريه هالمغرووووور
تولين : تكفييييين اللي يسمعك يقول متواضعة
توليب : هههههههههه ايه الغرور يليق على بعض ناس بس البعض الثاني ما يليق عليهم ابد
تولين : يااااااااااااااااربي عالثقة ... ما اقووول الا الله يعينك يا طلال
توليب : شوووف كيف .. وطقتها .. قولي الله يعينك يا توليب عالنشبة هذا
تولين : ههههههههههه طيب طيب ,, روحي على غرفتك ولا اجلسي وانتي ساكتة ابغى اخلص
هالكتاب
ورجعت انسدحت وكملت قرائتها
توليب بطفش : يااااااااا شينك جيت عشان اسولف وياك والاقيك مو فاضية لي
قامت وراحت لغرفتها .................
..............................................