جوانا : وش تبي ياخسيييييييييس ؟
وهو مااسكها من كتفها على جنب ووجهه مقابل وجهها
ناصر : انتي لو تدرين وش ابغى قتلتيني ,, بس انا احب البنت القوية
جوانا وهي تحاول تحرر نفسها منه : والله لأورييييييييييييك .. بتندم على لمسك لي يالكللللب بتشوووف ماني بنت ابوي ان ما طلعتها من عيونك
راكان كان يدور عليها ولمح ناصر جااااء يركض
راكان بمنظر المنصدم الرافض يصدق الواقع : ناصر وخر عنها
التفت ناصر بقوووة
ناصر ترك جوانا اللي بدت تضرب فيه بس هو ما حس بضربها
ناصر منصدم : راكان ؟؟؟
راكان : ما هقيتها منك
قرب ناصر منه ودف جوانا : راكان ؟؟؟ وطى راسه شوي ,, مو مصدق اللي اشوفه
راكان : الحين انت بنظري مثلك مثلهم ,,, شغلك بتشووفه معهم كنت شي وصرت شي ثاني اخر شي توقعته منك
ناصر : الدنيا يا راكان
راكان : لا تتعذّر ... ما يغفر لك بنظري ولا شي
ناصر : راكان .. وشلوون بتنسى ايامنا سوا ؟ شلوون .. وذكريات الطفووولة
راكان : كنا ورعان يالحبيب ... وكبرنا وتغيرنا بس شووف الفرق بيني وبينك
انت مثل الكلاب ريان وعمه وسعود ... وانا شووف مثل مين
تمنيت اشوفك مرة ثانية واتطمن على احوالك وكنت خايف تكون ميت او شي .. لكن الحين تمنيت لو انك صدق ميت
ولا اشوفك بهالمنظر ومع هالكلاب
جوانا مبلمة من اللي تسمعه ... تحاول تفهم >> مثلكم خخخخ
راكان التفت على جوانا ... وطلعت الجوري من دورة المياه وشافتهم وشافت جوانا واقفة قربهم
الجوري : جوانا .. يللا عشان لا نتأخر
راكان وخر ناصر المنصدم من قدامه بايده بدون اي اهتمام له : لا .. لا تروحين .. اصبري
التفتت عليه جوانا وجوري حيرانة وش يبي من جوانا
جوانا : نعم ؟
راكان : في موضوع لازم تسمعينه
طالعته بضيق بمعنى مو قدام الجوري
فهمها راكان
راكان سوّى نفسه غلطان : انتي جميلة ؟ مالقى غير هالاسم
جوانا بضيق : لا
راكان : اسف .. كنت مشبه عليك
جوانا : مو مشكلة
مشت واعطته ظهرها وراحوا للكوفي شوب
جلسوا عالطاولة ومعهم الكوفي والشكولاتة
جوانا لمحت راكان من بعيد يأشر لها
جوانا : جوري .. بروح اكلّم جوال شوي وارجع
الجوري بخوف: ليه ؟؟ لا تتركيني لحالي يمكن يطلع لي ريان
جوانا : لا تخافين .... ما راح اروح بعيد ..
وقفت جوانا وبيدها الكوفي ومشت شوي بعيد عن مكان طاولتهم بحيث ما تشوفها جوري
جوانا بضيق : نعم ؟؟
تو راكان بيتكلم
جوانا : لحظة .. اذا كان عن جميلة ,, لا تتعب نفسك وتتكلم ما راح اسامحها مهما كان عذرها كان بالامكان تاخذني معها
ما اقدر اسامحها يا ....
راكان ابتسم : راكان .. اسمي راكان
جوانا ببرود : what ever >> أياً كان ,, المهم الحين تبي شي ثاني ؟
راكان : ايه ... شوفي ابسألك انتي ......
جوانا : انا وشو ؟
راكان : امممم .. انتي خبرتي احد باللي صار ؟ او ان امك حية
جوانا : لا .. لاتخااف انا عند كلمتي ما راح اعلم احد
راكان : ليه ؟
جوانا : وشلون ليه ؟
راكان : اقصد ليه ما علمتي دامك تكرهين امك ؟
جوانا بحيرة : ما ادري ,, رجعت بصوتها الجاد ,, بس مهما كان السبب ماودي اعرفه
راكان : انتي انسانة طيبة ... لكن تحاولين تخفين هالشي وهو واضح وضوح الشمس
جوانا لا تضيعين الوقت اللي يمشي من عمرك ,,, امك الحين فيه وتتعذب من سنين وهي بعيدة عنك
عالأقل عشان خاطر أغلى انسان عندك روحي زوريها وجامليها هي تحبك وتغليك انتي عندها بالدنيا
ما تشوفينها وهي تتكلم عنك شلون كانت قبل لا تشوفك .. ويوم شافتك ومن حركتك الاخيرة
تأثرت كثير وحتى الاكل ما تاكل .... لا تظلمينها
جوانا : اظلمها ؟؟؟ بحدة وعصبية .. اظلمها ؟؟ هي اللي ظلمتني
راكان باستعطاف : طيب معليييش ,, اعطيها فرصة
لا تصيرين قاسية .. ادري ورى ملامحك هذي في قلب دافي يحن ويحس باللي حوله
طلبتك ... لا ترديني هذا اول وآخر طلب يا بنت الناس عشان خاطر اغلى انسان عندك لا تتركينها وهي بهالحالة
جوانا بدت تتأثر : وانت وش دخلك بيننا ؟؟ ليه تدافع عنها وتساعدها ؟؟ هي دافعة لك
ضحك راكان بسخرية : ههههه .. مو كل شي بالفلوس يا بنت
جوانا .. انا امك ربتني
جوانا : مااااااااا شاء الله .. فيها الخييير والله تربي عيال الناس وتاركة بنتها
انت عمرك ما بتحس بهالشي اللي انا الحين احس فيه ,,, امي تخلت عني تدري وش معنى هالاحساس ؟
راكان بضيق : ايه ادري ..
جوانا : لا ماتدري
راكان : انا امك ربتني بعد ما طردني ابووووي من البيت فهمتي ؟
انصدمت جوانا وهي تشوف آثار الحزن اللي وضح بقووووة على وجه راكان وهو معصب
راكان : ابووووي .. ابوي طردني بالشاااااااارع الساعة 1 بالليل تتخيلين ؟؟
عالاقل امك شاريتك وما راحت الا بسبب وخلتك عند ابوك نايمة في بيت داافي يسترك وكله كان لمصلحتك انتي وابووك
ضحّت بمصلحتها عشاااااانكم وهذا جزاها من بنتها اللي كانت طووول عمرها تحلم تقابلها وتضمها
انتي ابوك ما طردك عشان مصلحته الشخصية وحياته وشغله ....انتي اللي عمرك ما راح تحسين بالاحساااس اللي انا احس فيه
وضرب صدره بقوة
بضيق ومسح عيونه اللي بدت تدمع وجوانا دموعها على خدها تنزل بصمت
رفع راسه وشاف دموعها
راكان وهو يتنفس بسررعة : آسف .. ما كان المفروض اتكلم عن نفسي ,, او عنك بهالشكل اعذريني
انا ماشي
جوانا : لا وهي تمسح دموعها ,, خذني لأمي
لف عليها بابتسامة : والله ؟
جوانا : طلبتك .. ابيها
وكملت تصيح ...
راكان : اهدي شوي .... الحين ما تقدرين اختك معاك
سجلي العنوان عندك ومتى ما قدرتي روحي لها
جوانا : طيب
طلعت دفتر صغير من شنطتها
جوانا : معك قلم ؟
راكان بابتسامة : وهذا القلم يا آنسة .. طلع القلم من جيبه وعطاها اياه
اخذته وكتبت العنوان ورقم جميلة
جوانا وهي ترجع القلم بابتسامة ناعمة : شكرا ,, يعطيك العافية ما قصرت
راكان وهو يدخل القلم بجيبه : ما سوينا شي والله ,, عالعموم اشوفك على خير
جوانا : اوكي
مشت بسرعة لجهة الجوري : يللا يللا قوومي بروح البيت
جوري بملل : لسة ما خلصت قهوتي
جوانا : يللا عالبيت بس
جوري رفعت عيونها لوجه جوانا عقدت حواجبها : وش هذا ؟؟ ليش باين على وجهك دموع ؟
جوانا وهي تمسح وجهها : لا ابدا بس الظاهر بدورة المياه جات على وجهي نقط موية ... يللا مشينا
طلعوا وراحوا للبيت ................
راكان راح لبيته وهو طااااااااااااير من الوناسة
دخل البيت وهو مبسووووووط شغل اللمبة ورفع الكاب عن راسه ووقف قدام المراية ولعب بشعره وهو مبتسم
دخل المطبخ واخذ له تسالي وبيبسي مايحبهم بس جاء على باله اليوم ياكلهم
نط عالكنبة وشغل التي في واسترخى بجلسته
رن جواله بعد نص ساعة وهو منسجم عالفيلم
اخذ الجوال
راكان : الوو ؟
فواز : سلاااااااام ... وينك انت مو قايل بتجيني؟ وبتتصرف مع ولد الرائد ؟
راكان عقد حواجبه ومسك شعره : يؤ ... والله اني نسيت
فواز وهو يضحك : هههههه اكيد بتنسى مدام بنت جميلة موجودة
راكان : طيب ضف وجهك ,, وش سويت عالزفت ؟
فواز : ماعليك حبسته عندنا وخليت رشيد يحرسه وانت وينك الحين ؟
راكان : بالبيت
فواز : جااااااااااااايك الحين
راكان : الله يعيننا على غثااااك بس ... هههههههههههه اوكي يللا بانتظارك
فواز : قااااااااااعد على قلبك هههههههههههههه
............................
ابو طلال رجع من جدة وجالس مع خزامى و فيصل بالصالة
دخلت جوانا ومعها الجوري وهم يضحكون لأن الجوري زلقت عند الباب وطاحت وهي متحمسة
اول ما شافوا ابوهم ركضت الجوري وهي تعرج على مكان طيحتها برجلها
اما جوانا كانت واقفة وهي متضااااااااايقة
هو كذب علي وما قال لي اني بنت جميلة
بس اكيد عنده سبب خليني ما اوضح له شي واسلم عليه عادي
قطع حبل افكارها صوت ابوها
ابو طلال : ما اشتقتيلي يا جوانا ؟
مشت جوانا بوتيرة سريعة وسلمت عليه باست راسه وخده
وهو ضمها بقوووة
ابو طلال : وحشتيني حبيبتي
جوانا بصوت عادي : انت اكثر يبة
اشر لها تجلس جنبه ووخّر فيصل من المكان
فيصل ضحك وقام
جلست جوانا وهي عاااااادية
ابو طلال : هله شخبار بناتي الحلوات ؟
الجوري : تمااااااااااااام بس قبل شوي احلى وحدة فيهم طاحت والتوت رجلها
خزامى : خييييييييير ان شااااء الله ؟؟ ام الثقة بس ,,,
ابو طلال : هههههههههه عساها تعورك ؟
جوري : شوي بس
ابو طلال : ما تشوفين شر يالغلا .... ايه والحلوة الساكتة ؟
جوانا : بخير الحمدلله ... طالعت بجوالها تذكرت رقم جميلة
اعذرني يبة بطلع ابدل عبايتي وثيابي
ابو طلال : طيب لا تتأخرين ارجعي مشتاق اجلس معاكم كلكم
جوانا : طيب
قامت وراحت بسرعة لغرفتها
جوانا نطت على سريرها ومسكت جوالها واتصلت على رقم جميلة وهي مغمضة
جميلة : الو ؟
جوانا سكتت : ............
جميلة : الوو مين معي ؟
جوانا بصوت هادي : انا جوانا
انصدمت جميلة وابتسمت ونزلت دموعها على طوووول : جوانا ؟؟ حبيبتي
كيفك يا بعد عمري ؟
جوانا اللي تسمع شهقات امها : بخير .. حبيت اسلّم عليك بس
جميلة : انا بس ودي اضمك ,, سامحيني يا بعد عمري والله آسفة
جوانا : بس يمة لا تترجين ,,, مسامحتك الغلط من ابوي يومه ماعلمني عنك
انتي كان عندك سبب وهو وش سببه ؟؟؟ يمة امنيتي انام وتمسحين على راسي
ياما تمنيت تصير لي
جميلة اللي تبكي بصوت مسموع : بتصير مليوون مرة مو بس وحدة ,, بتنامين بحضني
وبمسح على راسك وابوس خدودك واغطيك زين وانام جنبك
جوانا : اسفة يمة
جميلة : تكفيني منك هالكلمة يا يمة ما اقدر ازعل عليك ياحبي
جوانا : يقولون ما تاكلين .. اذا ما اكلتي زين بزعل ,, ترضينها ؟
جميلة : لا ياعيوني ,, اكيد ما ارضاها ,, وخلاص لعيوونك باكل
جوانا : قريب القى فرصة واجيك يمة
جميلة : بيتي وقلبي مفتوحين لك بأي وقت يا عمري لو بنص اليل
دخل طلال : جوانا ابوي جاء دريتي ؟
جوانا مسكت الجوال بايديها : ايه ادري
طلال : يسأل عنك
جوانا : جاية الحين ,, ليش ما تطق الباب قبللا تدخل
طلال : طقيته بس انتي بالك مو هنا ,, يللا انزلي وراي
راح وخلّاها .......
جوانا : يمة ,, بروح اشوف وش يبي ابوي واحاول اكلمك مرة ثانية
تصبحين على خير
جميلة : وانتي من اهله يا عمري .. الله معاك
قفلت الخط جميلة وهي فرحااااااااااااانة واخيرا
ما شاء الله عليك يا راكان شلون قدرت تغير افكارها
اتصلت على راكان
في بيت راكان ............
فواز : راكااااااااااااانوووووه جوالك يرن ما صارت تبدل بلوزة ؟
نزل راكان بالدرج يركض : ياخي احترت البس الخضراء ولا السوداء ؟
فواز : وكالعاااااااادة لبست الخضراء
ضحك راكان : احبها
فواز : مين بنت جميلة ؟
مسك راكان راس فواز وطقه : اصلا مو منك ,, هات جوالي
مسك الجوال
راكان : الووو ؟
جميلة : ريكوو حبيبي اخبارك؟
راكان : يا هلا والله بالغلا .. اخبارك انتي عساك مبسوطة ؟
جميلة : صوتك مبين مبسووووط ,, ايه انا فرحانة
راكان : هههههه عساه دوم يا رب ... انا متنرفز من واحد غثيث والله مو مبسوط
جميلة : هههههههههه كالعادة وانا مغمضة اقولها فواز
راكان : هههههههههههههههه في غيره ؟؟ ايه فواز
جميلة : سلم لي عليه
راكان : خالة جميلة تسلم على خشتك
فواز : الله يسلمك يا ام جوانا هههههههههههه
ونقز يركض بسررعة عشان لا يمسكه راكان
جميلة : هههه وش فيه هذا ؟
راكان بتصريف : انهبل .. ما عليك شكله مهستر اليوم
جميلة : جوانا كلمتني
راكان : والله ؟ شي حلو .. توقعتها تسويها
جميلة : وش سويت لها ؟
راكان : كسرت خاطرها هههههههههه ماعليك اهم شي كلمتك
جميلة : هههههه يا بعد عمري الله لا يحرمني منك ياااااارب
راكان : امين .. ولا يحرمك من بنتك مرة ثانية
فواز بالمطبخ : ااااااااااااااااامين ولا يحرمك منها
جميلة : وش يقول ؟
راكان : يقول اااااااااامين هالخبل
جميلة : ههههههههههههههه يللا ما اطول عليك تصبح على خير
راكان : وانتي من اهله
قفل الجوال وراح يركض لفواز ناااااااااااااوي عليه نية شريييييييييييرة ههههههههههههه
نهاااااااااااية البارت توقعاتكم يا حبايب