<< البـــــــــــــارت الـ17 >>
مر اسبوع على سعود وهو بألمانيا ..... ضعف وشحب لونه
......................
في السعودية ... بيت الراسي
خزامى واقت على خالد واعلنت خطوبتهم رسمي
...................... بعد يومين رجع سعود للرياض
في بيت ابراهيم الرائد
ريان : سعود الحين انا شسوي ؟؟
سعود : ليه تحتك فيه من الاساس ( قالها بتعب بالشدة الكلام يطلع منه )
ريان : هو اللي تلقف ..... انا ما احتكيت فيه
تصدق انه قال لي : قول لعمك ماجد اني رجعت وناوي اندمه.. بعدين مين جميلة؟
انصدم سعود : جميلة ؟؟ انت وش عرفك بجميلة ؟؟
ريان : وش فيك سعوووود ؟؟ راكان قال حق خالتي جميلة ما راح يضيع
سعود : يعني قال لك هي حية او لا ؟؟؟
ريان : وش يدريني هو ما قال ... بعدين تعال مين هي؟
سعود وهو شوي ويبكي : وحدة انت ما تعرفها ....
ريان : سعود وش سالفة سفراتك لألمانيا ؟؟ وش عندك هناك
سعود : اروح كذا تغيير جو
ريان : اشوفك كذا نحفت وش عندك مسوي ريجيم ؟؟
سعود : ريان وبعدين ؟؟ تراني تعبان ومو خلقك
ريان : طيب .... اييييه سعود دريت ؟
سعود بملل وتعب : وشووو؟
ريان : خالد خويك القديم .. خطب خزامى الراسي وخطوبتهم رسمية من يومين
جاء الخبر مثل الصاااااااااعقة على سعود ........ خلاص نسيتي ياا خزامى
وليييييه ليه كذا ,, انا احبك وربي احبك ,, اعشقك انا لا تتخلين عني
خاااااااااااالد بتصيرين لخااالد
قام لا شعوريا ومشى برة البيت بالسيارة قعد يلف فيها بالشوارع اخر شي وقف على جنب
وهو مشغل السي دي على اغنية اذا ناوي تروح
اذا ناوي تروح ...... ابفهم وين اروح
تخليني اعيش بعدك .... بالم وجرووح
واذا عني مشيت .... واذا غيري لقيت
منو غيرك انا بلقى ... ياروح الروح
يعني ترضاها علي ... تترك ايدينك ايدي
تنسى من عايش عشانك .. ان كان ميت او حي
واذا نويت تعشق تحب ثاااني .. امانة لا تنساني
اني احبك مووووووووت
صاح بقووة انهااااااااار سمع صوت الاذان لصلاة المغرب طفى الاغنية كان قريب من المسجد
نزل وهو يبكي ويمسح دموعه دخل وتوضى ووقف يصلي مع الجماعة هو ناسي شلون يصلي بس يقلد اللي جنبه ..
طلع بعد الصلاة وجلس بسيارته وظل يبكي ويبكي بحررررقة
<< ذكريات نوايا غدر >>
عدّت ايام بعد الملكة على سعود وخزامى فيها تعلقت خزوم فيه كثير
بالشاليه .........
ناصر : ياااخي وبعدين معاك لين متى يعني ؟؟
سعود جلس بضعف : حرام يا ناصر .... احس اني حبيتها
ضحك ناصر بقوة : ههههههه اول مرة اسمعك تقول حرام .. حبيبي بلا حب
بلا خرابيط .. انت قايل ان زواجك منها مجرد خطوة لتنفيذ المهمة انت ما تزوجتها عشان تحبها
وبعدين يللا هذا كلام عمك
سعود : الله يلعنه هالعم دمرني
راح سعود بذيك الليلة لبيت الراسي
خزامى : هلا حبيبي
سعود : يا عيووون حبيبك انتي .. اخوانك فيه ؟
خزامى : لا .. بس فيه جوانا وابوي نايم
سعود : تعالي معي
خزامى : وين ؟
سعود : للحديقة ... يعني جو اهدى
خزامى : لالا .. بعدين يجينا فيصل ويعلق علي موو ناقصته انا
سعود : هههههههه يا قلبي معذبك فصييل مثل ما هو معذبني
طيب .. خزوم ,, ودي اشوف غرفتك
خزامى : هههههه ليه ؟
سعود : انتي دايم تحكين لي عنها وانها احسن غرفة بالبيت واحلى مكان عندك يعني شوقتيني
عاادي؟
خزامى : ايه يا قلبي اكيد عادي ... تصدق سعودي
هالغرفة بعيد عنهم كلهم حتى اني احيانا اصارخ هناك ومحد يسمعني خخخ
سعود بنفسه : هذا المطلوووب
دخلت ويّاه غرفتها ...
خزامى : هاه وش رايك ؟
سعود : مدام انتي اللي مرتبتها ومزينتها كذا اكيد حلوووو يا قلبي
قرب منها سعود وحضنها من ورى ..
سعود : احبك خزوم
خزامى بحياء : مي تو .. سعود وخر عني
وخر شوي وهو لسة ماسكها من خصرها
سعود : خزوم انا كذبت عليك .. انا مو مريض .. ولا معي سرطان , بس كنت ابي اكسر خاطرك عشان ترضين فيني
خزامى : وليش تكذب يا سعود ؟؟
سعود : مدري ... بس .. خزوم انا بس احبك
قرب منها مرررة صار فيسه مقابل فيسها
سعود : خزوم تحبيني ؟
رجعت خزامى على ورى وطاحت على سريرها
خزامى : وش فيك سعود ؟؟ ترى بديت اخاف منك
سعود : خزومي .................. >> كلام مشفر
خزامى ووجهها صابغ احمر : لا سعود ... ما ينفع ,,, ما يصير كذا الا بعد العرس الحين ما ينفع
سعود : وليه ما ينفع ؟؟ انا عاقد عليك يعني حلال
خزامى : لا سعود ... بعدين الناس وش تقول ... لالالا
سعود : خزوم لا تخليني استخدم القوة
خزامى : سعوووود قلت لا ... ياخي حس فيني حرااام عليك
سعود : يللا بس ... بالطيب بالغصب بيصير اللي ابغى .. بطلي دلع
خزامى : لا سعود طلبتك
و........................................
خزامى : خاف ربك . سعووود خاف ربك ,,,, وتطق فيه وتطق فيه بالاخير ما قدرت هو رجّال وهي ضعيفة
صار اللي صار
خزامى تصيح وترتجف وتبكي صوتها انبح من كثر الصياح والصراخ
سعود وهو يلبس ثيابه : اعذريني خزوم ... هذا سبب خطوبتي لك بالاساس
انتي مجرد مهمة وتحدي وانا نفذت .... خزامى انا ما انكر حسيت معك باجمل احساس بالكون
بس انا من الاول كذا يعني مو حق مسؤولية وزواج .. قولي لابوك : لا تلعب بالنار .. ماجد مثل ما قال لك ما يرحم
لف ظهره وهو خلاص بيطلع فتح باب الغرفة وهي تصيح بقوة
خزامى : سعووووووود ... الله يبليك بمرض يعذبك مثل ما عذبتني الله لا يوفقك
وطّى راسه بسرعة وطلع يركض ............ الله لا يسااااااااااااامحك يا سعود الله لا يسامحك
نرجع للواقع ..... سعود وهو يزيد كل شوي بكاء ... تذكر اخر جملة سمعها منها ( الله لا يسامحك يا سعود الله لا يسامحك
الله يبليك بمرض يعذبك مثل ما عذبتني )
استجيبت دعوتك خزووووم استجيبت انا مريض بسرطان الرئة ومتعذب من يوم تركتك من 4 سنين
مافي دواء يعالجني بس يريحني من الالم ويهديه ولاّ انا خلاص ايامي بالدنيا معدووووودة الله يلعنك يا ماااااجد شوف وين وصلتني ببلاويك شووووف..... رن جواله وسط شهقاته .. طالع لقى رقم ماجد قفل بوجهه وعدّل الكرسي وانسدح بالسيارة وهو يصيح ............
في مكتب ابو طلال بجدة ............
رن التلفون ...
ابو طلال : الو ؟
: سلام عزوزي شخبارك ؟ ههههههههههههههههه وشخبار خزومي عساها طيبة
ابو طلال اللي ما نسى هالصوت ولا بينساااه صوت عدوه
ابو طلال : اطلع يااااااااااا ماجد .. اطلع لي لو انك رجّال ,, متخبي مثل الحريم في رااااس امك خير اطلع لي
يا كلللب
ماجد : ههههههههههههههههههههههههه لا تنسى اللي سويته يا قلبي .. وحركة سعود مع خزوم ولا شي
على قولتهم مجرد لسعة بسيطة والباقي قرييييب تاخذه يا حلو ,,, سلام
طووووووووووووط طوووط قفل الخط
قفل ابو طلال السماعة بقووووة وحقد ااااااااااااه يا ابن الكلللللب ,,, كله منك يا جميلة انتي السبب
انتي وييينك ميته ولاّ حية وش قصتك بالضبط ؟؟؟؟؟ ودي اعرف ليه اختفيتي فجأة معقووولة خايفة منه وانتي اللي طول عمرك قوية
................................
راكان بالمكتب : فوااااز ... شفت الملف اللي اعطيتك اياه ؟
فواز : ايه شفته ..... ملعووووون هالماجد والله ملعوون شلون ينصاااد ما ني عااارف
راكان : اصلا بس لو امسك عليه طرف خيط والله مااا يعيش ابن الحرام ,,,,
وتنهد بضيييق .. ورجع راسه لورى عالكرسي وهو يدخل اطراف اصابعه في شعره
فواز : وعبدالرحمن ؟
راكان غمّض عيونه كنه يبي يطلع من هالعالم
راكان : مدري ... مدري ,,, اللي ودي اعرفه الحين وين بيت عذاري ؟ لازم القى تووولين لازم القى اختي
فواز : انا قايل لرشيد يبحث لنا بالموضوع اللي فينا مكفينا هو يتولى البحث واحنا نجيبها
دخل رشيد : استاذ راكان
راكان : نعم رشيد ؟
رشيد : عندي اخبار جديدة عن عذاري
وقف راكان بسرعة وقرّب لرشيد : وش هي ؟
رشيد : عذاري متوفية ..
انصدم راكان : ماااااااااااااتت ؟؟
رشيد : ايه يا طويل العمر
راكان : وتووولين ؟؟ وينها تولين ؟
والله واللي خلق السماء والارض لو يطلع عبدالرحمن مسويلها شي والله ما اخلييييه
رشيد : مافي احد بالبيت ... البيت فاضي ومكتوب باسم شخص ثاني توّه شاريه ...
راكان جلس عالارض : وتووولين .... وينها وين بتكووووون ؟؟
وقف فواز وقرّب لراكان : اهدى يا رجّال اهدى ... بنلقاها ,, مصيرنا نلقاها
واشّر لرشيد يطلع ويخليهم ... طلع رشيد
فواز : قوم نصلي العشاء ما تسمع الاذان ؟
وقف راكان وهو يمسح وجهه ويستغفر : الا .. يللا مشينا للمسجد
................
في بيت الراسي ....
طلال توه راجع البيت من ربع ساعة ومنسدح عالكنب بالصالة حتى ما بدّل ثوبه
دخل فيصل وهو يغني
وقف طلال وصار يعدل ثوبه : فصوول لا تجلس قوم معي للمسجد .. وبعدين تعال ما تسمع الاذان ؟
استغرب فيصل من طلال اول مرة يقول مشينا للمسجد
فيصل : الا اسمعه
طلال : وتغني بعد ؟
فيصل : اسف
طلال : استغفر ربك لا تتاسف .. امشي للمسجد ,,, جواااانا
التفتت له جوانا : نعم ؟
طلال : روحي قولي للبنات الصلاة ,, ذكريهم
جوانا : خزوم تصلي سبقتنا .... انا رايحة للجوري اعلمها
وهو رايح : طلووول
التفت طلال : هاه ؟؟ سريع عشان الحق عالصلاة
جوانا ابتسمت : الله يجزاك خيير .. ويوفقك
ضحك طلال وطلع من البيت وهو يقول : ويااااكم
.................................................. .......
نهااااااااااااااية البارت
|