تكملة البارت التاسع يا حبايب ....
راحت توليب للشركة ...
توليب : مرحبا
حمد : اهلا وسهلا .. تفضلي يا آنسة توليب
توليب : حمد وين ابووي؟؟
حمد : ابوك بمكتبه .. توه بيكمل كلامه مشت وتركته
دخلت عليه في المكتب بقوووة وثقة : يبة مووو من حقك ابدا اللي سووويته
سكت ابوها مستحي من طريقة دخولها كذا قدام الرجال اللي عنده
التفتت له توليب وخشمها فوووق عندها كثير كلام لازم تخلصه وياه
انفجعت بمنظر الرجال الموجودين ... سكتت وهي تناظر
ابتسم طلال على منظرها المنصدم والتفت بضحكة مكتوومة لسكرتيره مشعل
ابو راكان : تفضلي يا توليب ( ماله حل الا انه يدعوها معهم )
ابو راكان : هذي بنتي توليب ..
توليب بحرج : مرحبا .. اعذروني على دخلتي بهالطريقة
مشعل : لا ابد .. معذورة يا بنت عبدالرحمن
جلست توليب جنب ابوها وتوها تدقق بملامح طلال ناظرته بحقد تكرهه ما دخل مزاجها مغرووور وشايف نفسه >> سبحانك يا رب
ابتسم لها طلال ببرود ينرفز
طلال : طيب يا ابو راكان .. نجيك مرة ثانية ... طالع توليب ورجع عيونه لابوها .. مبين عندك شغل اهم من شغلنا
يللا مشعل >> هذي نغزة لتوليب عشان يقهرها
توليب : لا خليكم انا طالعة .. >> تبي الفكة من وجهه انقهرت
طلال : لا يا بنت الصقر اساسا انا المفروض اكون الحين بالبيت
توليب باستهزاء عشان ترد النغزة : ليش االوالد محدد لك وقت اذا تأخرت بيعاقبك ؟؟؟
رفع طلال حاجبه : هههههه حلوة ... لا مو كذا بس كرامتي ما تسمح لي أظل هنا معكم وأضايقكم مبين اللي عندك لأبوك كبير
وخااااص ولاّ ما كان دخلتي بهالشكل
ولّعت توليب ردها لي مرتييين دبل النغزة
طلال بابتسامة انتصار عارف انها ما راح ترد بوقاحة قدام ابوها
طلال : شغلتنا تنتظر يا ابو راكان ... بالاذن يللا مشعل مشينا
وطلع وهو تارك وراه توليب تغلللللي من القهر هي احرجته وهو فشّلها
ابو راكان بحدة : وش هاللي سويتيه ؟؟ ليش دخلتي كذا
توليب : على بالي انك لحالك انت من متى عندك اجتماعات بالليل ؟؟
ابو راكان : ولو .. ما يحق لك تدخلين بهالطريقة
توليب : ما علينا من هالموضوع .. غلطة مني ااااسفين
ابو راكان : وش عندك يا بنت امك ؟
ابتسمت توليب على جنب : والله يا أبو توليب ليش الى الان ما اعترفت بزواجك من عذاري علني ؟؟
وان عندك بنت منها ؟
ابو راكان : وانتي ايش دخلك بالموضوع ؟
توليب : جاوبني بأجاوبك ... يبة خايف من كلام الناااس ؟؟؟
ابو راكان : أنا مدري انتي من وين طلعتي لي
توليب : طلعت من بطن امي ... وانا تربيتك ,,, عالعموووم يا ابو راكان من بكرررة ... كل العالم تدري ان تولين بنتك
واختي ,, واذا شفت او حسيت ان محد درى ترى انا اللي بتصرف
ابو راكان مصدووم : هذ تهديد يا بنت ولاّ ايش ؟
توليب : احسبه على كيفك يبة ... حرام البنت امها ميته وانت راميها بذاك البيت لحالها ولا تسأل عنها ولا شي
وفوووووق كذا محد يدري هي بنت مين بعد
ابو راكان : مو انتي تكرهين امها ؟
توليب : امها ماااالها دخل .. البنت تصير اختي بالاخير ومالها احد غيري ... سلام , انا ماااشية ومثل ما قلت لك يبة لا تنسى
وطلعت من عنده
ابو راكان في نفسه : هالبنت مثل امها بالضبط .. ويمكن ألعن .. يمكن ؟؟؟ لا والله انها ذيبة ما ينخاف عليها
لكن مااا غيرها واقف في بلعوووومي الله يرحمك يالمها وينك تشوفين بناتك
في بيت راشد الراسي .................
منار : بس بس حبيبي بس ... الحين بابا يتلطف علينا ويجي يااااخذك مني
يارا : ههههههههههههه تلمييييح
ياسر : منوووري تكفين عيوووني روحي نوميه .. مافيني حيل لازعاج المبزرة
منار : يا سلام والله ... أقووول امسك ولدك وتصرف معه أنا مصدعة
ياسر : منااااااااااااااااار
منار : امسك بس امسك .. تصبح على خييير
وراحت وخلته حايس مع ابنه
ياسر صرخ بضيق : معاااااااااااااااذ الكلب انطم
سكت معاذ بخوف ورجع صاااح بأقوى من قبل
يارا : ياااااسر .. خذ ابنك واطلع من هنا ابغى اتابع المسلسل
دخل يوسف : سلام ... وكشّر بوجهه ... وش هالازعااااج
يارا : ولد اخووووك
يوسف : اقوووول ياسر خذ ابنك وتوكل على بيتك لا تأذينا
ياسر : طيب انتي وياه اوريييكم
دخلت امه : وش فيه حبيبي يصيح ؟؟
ياسر : ياااا لبيه يا يمة ... تكفين امسكيه عني منار راحت تنام وابلشتني فيه
ام ياسر : انا قايلة لك .. هذي ما منها فااايدة ما تنفع ام
اخذت معاذ وطلعت لغرفتها
يارا : هههههههههههه عليك زوجة ... جحدة
يوسف : والله لو انها جوانا كان اختلف الوضع
سكتوا كلهم
يوسف يرقع : آسف ياسر ... ما قصدت طلعت كذا
يارا : وليش تعتذر ؟؟ انت ما اخطيت ...
ياسر : لا تسمعكم منار ... اسكتوا
يارا : انا مووو خايفة منها .. يوسف صااادق , لو انها جوانا كانك الحين مروق ,, وانا للحين مووو راضية عاللي سويته يا ياسر
ياسر : واللي سواه طلال فيك ؟؟ يا يارا انتي مو شوية عندي
يارا : ادري فيك .. بس اللي سواه طلال ماله دخل بجوانا ,, احنا ما حصل بيننا نصيب , بس انت وجوانا تحبوون بعض
اللي سويته غلط
يوسف : يارا عيب هالكلام الحين ... ياسر متزوج
يارا : اوووووف .. القعدة معكم تضيق الصدر
..... ياسر : اقول يوووسف , ما ودك تتزوج ؟
يوسف : مو الحين
ياسر : ليه ؟
يوسف : وبما انك تتكلم .. مين بتزوجني حضرتك ؟
ياسر : مروة اخت منار >> يستهبل
يوسف : لالالا واللي يرحم واااالديك اللي شفته من حركات زوجتك كفااااني .. من هالعااايلة مابي
ياسر : ووش شاايف على زوجتي ؟
يوسف : ولا شي اللهم ما تنفع زوجة ولا ام .. معليش يعني
ياسر : اسكت بس اسكت
.................................
نهااااااااااية البارت
|