<< البـــــــــــــــارت التـــــــــاسع >>
وقفت الجوري قدام المرايا .. لمحت على طرف التسريحة العلبة الحمراء الصغيرة ابتسمت وهي تتذكره
يا ترى هل تفكر فيني مثل ما انا الحين افكر فيك ؟؟؟؟
<< ذكريات حب برئ >>
يوسف كان بالمجلس لحاله ... جاء يزورهم وطلال مسافر وفيصل جاي للبيت بالطريق
دخلت عليه الجوري بطرحتها وعبايتها عالكتف وقدمتله العصير
جوري : تفضل يا ولد العم
يوسف : تسلم ايدينك .. زاد فضلك
جوري باستهبال : تراني انا اللي مسويته .. عاد لا صار مو زين ما علي .. مااالي دخل
يوسف : ههههه لا تخافي عااادي انا يارا دايم تجرب فيني يعني مو مشكلة اشرب اي شي ,, بعدين كله من يدك حلو
على طول وردوا خدودها .. انحرج يوسف من كلمته اللي ما قصد منها شي
يوسف : آسف .. ترى مو القصد يا جيجي ( الوحيد اللي يناديها بهالاسم )
جوري : عادي .. يللا اتركك ترتاح شوي من رجتي ... وهي رايحة
يوسف : جيجي وقفي شوي
جوري : هلا ؟؟ بغيت شي؟
يوسف : ايه .. جايب لك هدية .. اتمنى تعجبك
قربت الجوري وهي مبتسمة
طلع يوسف من جيبه علبة حمراء صغيرة وحطها عالطاولة
يوسف : تفضلي
جوري : الله .. لون العلبة مرررة حلو
يوسف : هههههه من زمان وانتي تحبي الاحمر .. عشان كذا العلبة حمراء
جوري : شكرا يووووسف يعطيك العااافية
يوسف : الله يعافيك
اخذت العلبة وراحت غرفتها فتحتها لقت جوتها شريط مسجل واوراق ورد مجفف احمر
حطت الشريط بالستيريو ..اشتغلت اغنية ( كل عام وانت الحب ) عبدالمجيد عبدالله
ابتسمت توها تتذكر اليوم يوم ميلادها .. بعدين بصوته : كل سنة وانتي طيبة جوري عساك دووم مبسوطة
... ولد عمك : يوسف ,, ااا امم جوري اعرفي بس اني احبك
صحت الجوري من ذكرياتها على صوت رنة جوالها
جوري : ألو ؟
: جوووري .. يا قلبي كيفك ؟
جوري : انا تمام .. انت مين ؟
: كل سنة وانتي طيبة حبي .. اليوم دخلتي السن القانوني صح ههههههههه
جوري : هههههه ايوة اليوم 18 .. حلوة السن القانوني .. بس مييين انت ؟
: أفاااا قلبوو .. نسيتي صوتي؟ بس مو مشكلة كيف حال اختك خزوم؟
جوري بضيق : أووووف .. بتقول مين انت ولاّ اقفل بوجهك ؟
: هههه عصبتي ؟؟ .. خلاص خلاص .. انا ريان يا عسل
انفجعت جوري بقووووة : رياااان ؟؟ وش تبي انت؟؟
ريان : هههههه وش فيك انفجعتي ؟ ,., لهالدرجة صوتي يخوف ؟
جوري : وش تبي ؟؟ ليش متصل .. شلووون جبت رقمي
ريان : يؤ يؤ .. كل هذي اسئلة .. هع هع طيب طيب اتصلت لانك وحشتيني يا قلبي
اما شلون جبته .. فبطريقتي الخااااصة
جوري : وججججججع ان شاااء الله .. يا ويلك اذا اتصلت مرة ثااانية بعلّم عليك طلال سااااامع
زففففففت .... وقفلت بوجهه
ريان : هههههههههههههههههه يعجبني لما انرفزها
ماهر : ههههههه صكّت بوجهك ؟؟
ريان : كالعاااادة ...بس ايييه طيب وراها وراها
ماهر : سيب البنت في حالها مدامها مو طايقتك
ريان : مووو على كيفها الشغلة ... اجل تعلقني فيها وبعدين تروح وتتركني
ماهر : هههههههههه انت تكذب الكذبة وتصدقها ... خلي عنك باااقي السواليف انت اللي تبيها هي ما حبتك
ولا عطتك وجه يللا عاااااااااااااااد
ريان : هههههه ايه بس هي خلتني احبها ... ياخي مووو ذنبي اني حبيت الذنب ذنبها اعجبتني وحبيتها
ماهر : ههههه لا عيوووني انت ما حبيت ولا عمرك بتحب ... كل ما شفت وحدة صااادة عنك قلت احبها وبعد ما تسوي اللي براسك
تجحدها
ريان : ياخي هالبنت ماااا قدرت فيها ... كل البنات تعلقوا فيني وخقوا علي الا هي يااااخي عجزت بكل الطرق حاااولت اجيبها عجزت
ماهر : هههههههههههههههههه مو عشانك حلو تفلها ... بعدين يمكن انها تحب؟
ريان : قولتك تحب؟؟؟ بس مين ..... مين هووو هذا
في بيت الراسي .......... طلال جالس بغرفته يصيح من القهر
انا سبب مووت امي .. وضياع اخوااني ,, مدري وش هي سوالفهم ولا حركاتهم مين اصحابهم
الحين توني جيت ومسوي شخصية واتحكم فيهم .. اكيد ما راح يقبلوووني ولا يحترموني
احس اني بنفجرررررررررررررر ... اااااه يا يمة وينك
في بيت تولين الصقر .... جالسة لحالها من بعد العزاء ما شافت ابوها
ابوها قااااسي مهما حاول يسوي طيب ,,, ما يدري عنها ولا شي ,,, اول مرة تشوف حنيته بالمستشفى
ليه انت كذا يبة ليييه ؟؟؟
رن جرس الباب ...
تولين : سااااااااااااارة ( الخدامة ).... افتحي الباب
راحت تفتح وجات ...
تولين : مين يا سارة ؟
توليب : انا
وقفت تولين بصدمة : توووووليب ؟
توليب : ايه .. ليش ما تبغيني ؟
تولين : افا عليك بس .. بس ما توقعت شوفتك ,, حياك تفضلي ,, سارة جيبي العصير
جلست توليب وحطت رجل على رجل بدلع كعادتها
توليب : بيتك نايس .. ما عليه
تولين : عاجبني الحمد لله ..واهم شي مرتاحة فيه ,, وبحزن ,, وفيه ريحة امي
انقهرت توليب من طاري عذاري ... لكنها لاحظت الغصة باختها
توليب : الله يرحمها ... انا مدري ليش جيتك
سكتت تولين ....
توليب : وش فيك ؟؟ كأنك مو مرتاحة لوجودي
تولين : بالعكس .. انا مرررة مبسوطة لزيارتك ,, لعل وعسى تتعدل علاقتنا ببعض
توليب : انا ... ودي اعرف عنك اكثر
تولين ابتسمت : الكل يقول عنك مغرورة .. الا انا , اول ما شفتك عرفت ان بداخلك طيبة حتى لو انك ما تظهريها
ضحكت توليب بضحكتها الدلوعة المعروفة
توليب : احسك كذا على نياتك .. بس تدرين .. انتي الطيبة مو انا
تولين : ليه كذا تنقصين من قيمة نفسك ؟
توليب : لاني واقعية .. انا يا عيوني بجهة والطيبة بجهة , انا يا تولين مكروووهة من الكل
ظلمت كثير ناس .... سكتت شوي وهي تستوعب منظرها وهي تشتكي لانسانة توها تعرفها ,,,رجعت تكمل كلامها
بعدين .. احنا ليش نتكلم بهالموضوع الحين ؟؟ احم ايوة ؟؟.... انتي تدرسين ؟
تولين : ايوة ادرس واشتغل
توليب : وليه تشتغلين ؟ انتي محتاجة فلوس مثلا؟ ابوي ما يصرف عليك ؟
تولين : لا مو كذا ... لكني ما احب اطلب من ابوي .. لا صرت اشتغل اي شي ابيه بجيبه لنفسي ما اضطر اطلب منه
ما احب اذل نفسي لاحد حتى لو كان ... وقالها بألم .. ابوووي
توليب : انا دايم كنت اشوف ابوي شلون يمديه يجيكم ؟
انقهرت تولين وهي تتذكر طريقة ابوها البارد معهم
تولين : ما يجينا كثير .. عن نفسي تمر اسابيع وما اشوفه ... بعدين انا وقتي كله مشغول يعني حتى لو جاء ما راح اشوفه
توليب : اممم ... تولين عندي سؤال بس يمكن يضايقك
تولين : عاادي اسألي .. تموونين
ابتسمت توليب من اسلوب تولين الذووق
توليب : اااااا .. امك و ........ ابوي كيف كانت طريقة تعاملهم مع بعض اقصد
تولين بضيق : ابشرك .. علاقتهم ما كانت حلوة ... جدا رسمية
اصلا مدري ليه ابووك اخذ امي وهو ما يعزها ولا يغليها ... ادري ان خالي قال له وطلبه لكن المفروض كان يدور لها وااحد
كفو يحبها ويغليها مو بس يجرحها طووول الوقت ... توليب انا اكره عبدالرحمن الصقر ما احبه يااااما جرح امي وجرحني
هو ما يكلمني انا .. لكنه يجرحها ولما اشوفها انا انجرح انساااااان بااااااااااااااارد ما عنده احساس ابدا
وبكت بقهررر وهي تتكلم قامت توليب وجلست جنبها وحطت ايدها على كتف تولين
توليب : وربي ما قصدت اجرحك ... بس كان قصدي من السؤال اشوفه هو يعاملها مثل ما كان يعامل امي ولاّ لا؟
تولين : وشلوون شفتيه ؟
توليب : ما يعاملها كويس .. امي كان يعشقها .. لكن انقهرررت لما دريت انه متزوج عليها يحق لي ولاّ؟
تولين : الا يحق لك .. زي ما يحق لي ولأمي انها تطلب منه اعلان زواجه منها وانه يعترف فيني قداام العالم
من زمان تطلبه هالشي لكنه ما اعترف
حتى الحييين يا توليب ماتت وهو ما اعترف يقول يكفيني اني شايلة اسمه بس
وقفت توليب منقهرة من هالكلام اللي تسمعه ابوها الحنون شلووون يظلم ...
قالت بطريقتها القوية الوااااااثقة : اخليه يعترف ولا يهمك ... كل العالم بتدري انك اختي يا توووولين
تولين ابتسمت على كل الحزن اللي فيها .. هي عرفت سااابقا ان توليب طيبة مهما حاولت تظهر العكس
مع الجوانب السيئة في شخصيتها الا انها بالاخير انسان فيها خير مثل ما فيها شر
توليب بحنية : انا ماشية حبيبتي .. توصي على شي ؟
تولين : لا توليب .. لا تروحين خليك معي
توليب : معليش .. يا عيوني ,, بأرجع لك مرة ثانية بس الحين عندي شغلة لازم اخلصها عشان ارتاح
تولين : اوكي .. براحتك ,, الله معك
راحت توليب للشركة ...
توليب : مرحبا
حمد : اهلا وسهلا .. تفضلي يا آنسة توليب
توليب : حمد وين ابووي؟؟
حمد : ابوك بمكتبه .. توه بيكمل كلامه مشت وتركته
دخلت عليه في المكتب بقوووة وثقة : يبة مووو من حقك ابدا اللي سووويته
سكت ابوها مستحي من طريقة دخولها كذا قدام الرجال اللي عنده
التفتت له توليب وخشمها فوووق عندها كثير كلام لازم تخلصه وياه
انفجعت بمنظر الرجال الموجودين ... سكتت وهي تناظر
ابتسم طلال على منظرها المنصدم والتفت بضحكة مكتوومة لسكرتيره مشعل
ابو راكان : تفضلي يا توليب ( ماله حل الا انه يدعوها معهم )
هذي جزئية باقي شوي اذا فضيت نزلته بعد شوياات
|