تغيب ... وادري متقصد غيابكـ

تبيني اتعود غيابكـ
مثل قلبكـ ... تعود عني غيابه
تبيني انسى محبوبي
مثل نبضكـ ... نسى ياخذ معه قلبي
السموحه ... وربي ماقدرت أنساكـ
ومين أنسى ... جروحكـ ... وإلا طعناتكـ
... حبكـ ... وإلا غيباتكـ
كيف أبنسى .... من سكن قلبي وعروقي .. وقلب غيري يسكنه
كيف أبنسى .... من وهبته كل عمري .. وبعمر غيري ضيعه
كيف أبنسى .... بس قلي .. كيف أبنسى
كل لحظة في غيابكـ .. احتضر مليون مره
كل ليله من غيابكـ .. أنتظر لحظة وصالكـ
كل دمعه في غيابكـ .. تحفر بقلبي سهام
كيف أبنسى ... لو نسيت
دخيلكـ لا تجاوبني ... ولا تسأل بعد عني
يتيم وكفلته دنياه ... وخانت فيه أقداره
يعيش بوحدته مطعون ... وتصفع فيه أيامه
هذي أنا....من غيابكـ
مابقى فيني خليه ... مااشتكت نزف الجراح
تحسبني في غيابكـ ... اشعل أشموعي بليلي
وأهتني في منامي ... وأرسم الضحكة بشفاتي
وإلا في لحظة فرح ... أحس الفرحة تملاني
بلا دمعه تشوه طعم أيامي ...؟
أنا وين أبتعد عنكـ ... وعيوني ما يبروزها
سوا صورة ... بملامح وجهكـ أزينها ...؟
أنا وين أبتعد عنكـ ... و إيديني ما يغطيها
سوا حلم ... بحضن إيديكـ أدفيها ...؟
أنا وين أبتعد عنكـ ... ونفسي ما يسليها
سوا طيفٍ ... بشوقكـ لي .. اصبرها ...؟
أنا وين أبتعد عنكـ .... دخيل الدنيا واسكوتكـ
ترى صمتكـ بنى فيني ... خلايا الحزن بعروقي
وحطم مابقى فيني ... من آمالٍ بنتها طفلة الحرمان
تعبت أشوف بعيوني ... عمى قلبكـ عن وجودي
تعبت أركض ورا قلبٍ ... ركض نبضه ورا حبه
تعبت أنتظر شوقٍ ... رماني بقمة أشواقي
تعبت وزاد فيني البعد ... عذاب طفلةٍ ماتت
ياليت الموت يا خذني ... ويجيك الخبر بسكات
وتحس بحرقة أنفاسي ... وصدى صوتي وصرخاتي
بس الخوف ... ماتدري ... ولا تحس أبد فيني
وهذا حال من ينسى ... ياقلبي بس لا تقسى
أعيش بحبي لكـ وحدي ... ويكفيني ... وفيت بعهدي بحبكـ
ولا خنت العهد في يوم ... ولا قلبي ارتعش إلا... بصوت أنفاسكـ بإذني
يكفيني .. أعيش بعبرتي مخنوقه ... لا جابت النسمة بقايا حنينكـ
وأصبر نفسي بجرحٍ ... مداواته على إيدينكـ
وإذا اشتاقت عيوني لكـ ... غمضت الجفون ونمت
وإذا قلبي يبي حسكـ ... سمعته نبض قلبي
وإذا إذني حنت لهمسكـ ... تنهدت بطرف إيدي
ولكن العذاب إللي تأصل في شراييني
إذا اشتقت أنا كلي ... وين ألقاكـ علمني؟
أذوق الموت في شوقي ... ولا أقدر أرد بصوت
وغصب عني .... عيوني تذرف الدمعات
بكت عيني من غيابكـ ...
وفي غيابكـ ... تجرعت الألم حسرات
ذقت المُر بجفاتكـ ... وضيم القلب ببعادكـ ..!
أنا ما أكتب عشان أرضيكـ ... ولا ترجع لأيامي
وقالها راشد :( أنا من باعني بعته .. ولا دربه يجي دربي )
أنا أكتب عشان أعيش ... بذكرى حبنا في يوم ..
أنا أكتب قهر قلبي ... على أوراق خطت معاناتي
أنا أكتب عشان أذكر ... لغير الله ما أذل نفسي
لأن الحب ياقلبي .. إذا منبعه صادق ...
تموت الناس ولا تقدر ... تغير صدق نياتي ...
أمانه يا حبيب جروح ... إذا باقي لغلاي وجود
أمانه تذكر اللي بيوم ... شرت قربكـ لجل ترضيكـ
وإلا ها اليوم تبيع الكل ... لجل تبقى بجنبكـ يوم
أمانه لا طرت ذكراي ... بكل الخير تذكرني
ولا تحزن لجل دمعي ... لأن الدمع سكن عيني
ولا تحزن لجل جرحي ... يا زين الجرح من إيدينكـ
تعلمت بجروحي درس ... إن الحب يبقى حب ..
ولو خان الحبيب العهد ... أقابل خيانته بوفاي العهد
أمانه عيش بأيامكـ ... ولا يكدر خاطركـ همٍ
لأن الهم ما يسكن ... قلب صادق مثل قلبكـ
خل الهم يعيشه قلب ... مثل قلبي تعودها
ولكن يا حبيب جروح ... إذا في يوم طرت ذكراي
تطمني عن أحوالكـ ... وعن آخر حب سكن داركـ
تطمن قلبي بكلمة ... وتسأل عني لو غلطة
لأن قلبي عجز ينساكـ ... واخذت العهد على نفسي
إذا الموت قبض روحي ... ساعتها ... أبي للأبد أنساكـ
.........................................أبي للأبد أنساكـ
..................................................أبي للأبد أنساكـ
.
.

• ورقه ومحبره وريشه
• فضلاً .. لا اريد شكراً على الطرح .. أريد خرفشة وكتابه !!
• لمذا تتداعين لي بالغباء,,,!!/بقلمي