في حايل
نوره::اخيرا انسه ريم بتصير مدام,,
ريم::توني ماصرت مدام مو الحين,,
نوره::صحيح هو كم مدة دورته ,,
ريم:: تقريبا سنه..
نوره::يعني بعد سنه بتكون الملكه...
ريم::ايه ملكه وزواج الحين بس خطبه ومانبغى احد يدري الابعد الملكه,,,
نوره::اها ,,الله يكتب الي فيه الخير بس مشاءالله الكل يمدح فيه...............................
صحت من نومها وهي تمسك ظهرها ..ناظرت الساعه ,,اف وحده وطلعت للحمام غسلت وجهها ,,وفتحت الدولاب ناظرت وش تلبس ,,جاء عينها على غميص النوم ,,مدت يدها بتلبسه بعدين غيرت رايها ,واخذت لها غميص قطني الى حد الركبه لونه اصفر,,حست بألم براسها من بكلة الشعر فكتها ,,وتركته مفتوح ,,وراحت للصاله شافته على نفس الوضع ,,ياربي نايم ,,وانا جوعانه,,رجعت للغرفه فتحت الثلاجه ,,شافت اشياء ماتنوكل على جوع,,بس مشت نفسها فيهم ..
خالد فتح عيونه ناظر الساعه وعلى نفس وضعيته مد يده للريموت وشغل التلفزيون ,,
نوف سمعت صوت تلفزيون ,,فرحت ,,اكيد صحى ,,وتقدمت للصاله وطلت براسها بحركه طفوليه وبأبتسامه::صباح الخير,,,
خالد بلم على شكلها بهالبس طالعه كانها اصغر من رهف اخته رد بأرتباك::هلا صباح النور نمتي ,,
نوف::ايه نمت توني صاحيه..
خالد:طيب تعشيتي!!!!!!!
نوف يستهبل هذا:لا ماتعشيت...
خالد حس ان سؤاله سخيف وعلى طول راح طلب واخذ له دش وشكلها وهي تبتسم بعيونه ولبس البجامه ودقايق الا الكل واصل,,
خالد::يالله سمي ,,قعدوا ياكلون هو يناظر الفلم ومندمج معه,,
نوف كلت وبعد ماكتفت::الحمدالله,,
خالد يناظر صحنها::ماكليتي شي,,
نوف::الا شبعت الحمدالله يعطيك العافيه.
خالد::الله يعافيك,,
قامت غسلت ورجعت جلست,,,, وخلص خالد اكله ورجع يتابع بالفلم ,,ياربي شلون يعني بنقعد ساكتين وبيتابع بهالفلم ملت صارلها تقريبا ساعه على الحال بدون ولاكلمه طفشت وراحت للغرفه ,,,
خالد هو بنص متابعته للفلم فقدها و استغرب حس انها تاخرت يمكن رجعت تنام,, قام و تقدم للغرفه وسمعها تكلم بالجوال وهي تضحك وتقول::الله يرجك لاحبيبتيي انا احسن منك انا حرم خالد......اكيد بيكون يسواه ويسوى عشرين من زوجك ,,وكملت الف مبروك والله يوفقك ياساره وعقبال الزواج الكبير ’’
خالد رجع للصاله وجلس على الكنب.. وكلمتها وصوتها وهي تضحك وتقول انا حرم خالد بأذنه ,,حس لها تاثير عليه ,,بس ماسرع ما حاول يقنع نفسه اكيد وين بتلقى واحد مو متزوج ,,وياخذ وحده عندها بنت ,,,,,,
بهالوقت دخلت نوف وجلست ,,طبعا هدوء مافيه الاصوت التلفزيون ,,نوف بداخلها تصرخ ,,احسس ملل مايسولف مايتكلم انا عروس قول شي ودها تقوم تنام بس قالت لنفسها مايصير يابنت عيب,,,,,,,,,,
خالد حس بنوف ياما نزلت يدها وياما رفعتها واضح انها ماله ,,طنش وكمل متابعته للتلفزيون,,
نوف قررت تقطع الصمت::حلو هذا الفلم اذكر تابعته...
خالد::اها تبين اغيره,,
نوف::لاعادي اشوفه مره ثانيه,,
خالد بدون مبالاه ولاتفكير بكلامه ويقولها برود ::اجل ليش قاعده تابعينه وانت شفتيه قبل,,
نوف ضايقها رده وحست انها مو مرغوبه ونفس الوقت بأحرج ردت بصوت مقطع::امم لا ع عادي عندي اشوف مرتين,,
وجلست شوي حاولت تقعد اكثر ماتبي تبين شي بس حست النفس ضاق عندها بالمكان حست انها مخنوقه واستاذنت وطلعت,,
اما خالد ماحط براسه شي ولا فكر بالي قاله,,,,,
دخلت الغرفه وعلى طول انسدحت على السرير ,,طلعت الي كابتته عنده ونزلت دموعها بكت وبكت ,,لحد ماغفت عينها,,
بعد ماخلص الفلم ,,قام ودخل للغرفه ,ووشافها واستغرب شلون نايمه كذا وبدون غطى والتكيف بارد مره,والانوار مفتوحه,,جلس على طرف السرير ,,جلس يتأملها ,,كانت متكوره على نفسها ونايمه شوي بالعرض ,,ناظر عيونها كانت مفتوحه شوي مأكانها نايمه..ونزلت عينه على فمها ,,وخانته يده على فمها ومرر على خدها بس سرعان ماوخر يده و هو يتعوذ من ابليس,,وشو ياخالد ليش تتعوذ هذي زوجتك,,
ويبي يبعد راتباكه هزها مع كتفها يصيحها ماحست فيه زاد من هزه وهو يقول::نوف
فزت نوف وهي مخترعه ::هلا هلا خالد ,, تبي شي..
خالد شسويت انا خوفتها::لابس بغيت اقولك انتي تبين تنوميني برى ولا وش السالفه,,
نوف براءه تامه::انـــــــــــا؟؟؟!!
خالد استانس على برائتها وكمل::ايه انتي !!!!
نوف صارت ترمش من الخوف::ليش ؟؟
خالد هو يناظر السرير::شوفي نفسك شلون نايمه كأنك تقولين ياخالد لاتنام هنا!!
نوف شوي وتبكي::لاوالله ماقصد خلاص وهي تاشر بيدها انا بنام هنا ,,
خالد قرب منها شوي وبصوت هادي:وين ماراح ترتاحين هذا بضايقك!!!!
نوف حست نظراته ماطمن::لا اقصد الي هناك وبلمح البصرا لي هي بالصاله,,
خالد جلس يتأفف استاهل هذا طريقه خوفتها ,,بس وينها هذي من جدها راحت تنام هناك,,براحتها هي الي بتندم,,دخل داخل البطانيه ونام
نوف مسكينه جالسه بالكنب وتحس برجفه خفيفه ,,اف ياربي لعب بأعصابي ,,بعد ماهدت شوي ,,انسدحت على الكنب ونامت ونظراته الي كانت بتاكلها اكل بعيونها,,,,,,,,,,,,,,,,
صحت من نومها ودخلت الغرفه بهدوء بس شافته صاحي ومريح راسه على السرير وتحاشت انها تناظره للحين مانست نظراته امس تحس خدودها ولعت يوم قال:مافيه صباح الخير,
نوف وهي تسوي انها مشغوله و تحوس بالدولاب::صباح الخير..
خالد ابتسم::صباح النور,,, وكمل بأستهزاء :شلون نومتك..
نوف بدون لاتلتفت::زينه..
خالد نزل من السرير وقف وتقدم لها وقف وراها بالضبط نوف تحس الدم وقف بجسمها حست انفاسه تحرقها حرق من قربه دنق عليها وهمس بأذنها::ليش تركتني ونمتي بالصاله,,!!..
نوف بحركه سريعه بعدت وهي تقول::اوكيه خلاص مانام بالصاله مره ثانيه ,,مع توترهادخلت للحمام وهي تقول مع السلامه,,
خالد فقع من الضحك من كلمة مع السلامه وقال بصوت عالي::وين طالعه برى الشارع ....................
خلصت نوف وطلعت وهي منزله راسها ودخل خالد هو يبتسم ,,وبعد ماطلع::انا بصلي وارجع القاك جاهزه بنطلع نتغدى برى,,
نوف::طيب..وراحت صلت وبعد ماخلصت كلمت امها: يمه والله اشتقتلكم,,و سمعت صوت لامار تبكي لانها عرفت ان الي بالجوال امها قالت نوف يمه عطيني اكلمها:الو لامار حبيبتي ليش تبكين..
لامار::متى تدين(تجين)
نوف الي ماتقدر تقاوم دموعها على بنتها: شويه بس وبجي وبعدين ماروح,,
لامار كانت بالبدايه يوم حاكت امها تتعبر وبعدين على صوت صياحها::ماما وينك ابي ادي عندك,,(اجي)
نوف وهي تمسح دموعها::لامار انتي تحبيني صح,,
لامار::ايه,,
نوف ::خلاص اجل لاتصيحين علشان مازعل طيب,,
لامار هنا عطت السماعه جدتها::هلا نوف لاتحاتين سكتت ,,
نوف::يمه اله يخليك حاولوا تلهونها عني هالفتره ,,
:انشاءالله ,.,
:طيب يالله مع السلامه,,انشاءالها يوصل,,
بعد دقايق دخل خالد حصلها جاهزه يالله مشينا وطلع وطلعت وراه وراحوا على مطعم ايطالي حلو وراقي وطلبوا وكانت القعده خاليه من أي كلام ,,وبعد ماخلصوا طلعوا على مجمع واخذت لها هدايا لاهلها ودخلت محل الالعاب للصغار وكان بهالوقت خالد واقف برى المحل رفعت عيونها وشافت بنت واقفه عنده هي نفسها الي كانت بالمحل الي قبل شوي كانت تحوس وعيونها مانزلت من خالد,,حست النار تحرقها وهي واقفه بدلع وغنج,,بس خالد اشر بيده دلالة روحي عني ,,نوف ماستحملت اكثر وطلعت لبرى المحل وسمعت البنت تقول لخالد كل هذا ثقل يعني..نوف دخلت يدها بذراع خالد ودخلته معها للمحل ..خالد بعد يدها وعطاها نظره حست انه معصب وقال بصوت حاد::خلصتي من المحل..
نوف::ايه خلصت..
وحاسبوا وعلى طول رجعوا الفندق وبدون لاينطق كلمه بالسياره,,
اول مادخلوا للفندق ومامداها تفصخ عبايتها الابصوته يوقفها وهو معصب ::وش هالحركه البايخه الي سويتها بالمجمع مدام نوف,,
نوف بلمت شوي تناظره,,
::تكلمي وش على بالك طرطور انا تجين تسحبيني ولا على بالك لامارواصغر عيالك انا,, ردي ليش ساكته,,
نوف تجمعت الدموع بعيونها ماتعودت احد يصرخ عليها وصوت مرتجف::انا مو قصدي ,,
وكمل كلامه ::اسمعي يانوف حركات بايخه مابغى انشاءالله لو تشوفيني اسولف معها مالك شغل فيني ,,
نوف ماقدرت تمسك نفسها ونزلت دموعها من كلامه وعلى طول طلعت راحت للغرفه,,
خالد جلس بالصاله وهو متوتر ,,موقفي كان بايخ وهي تسحبني الناس صارت تطالع فيني .سحب نفس وشغل التلفزيون,,,,,,,,,,,,,,,,,,,,,,,,,,
نوف حالتها يرثى لها من كثر البكى ,,حاطه راسها على المخده ودموعها تنزل وهي ملتمه على نفسها,, ليش يعاملني كذا,,مره بارد,,ومره يعصب على اتفه شي ويرفع صوته علي ,,حتى كلام حلو مثل أي عروس تسمعه من زوجها اول ايام زواجهم ماسمعت,,يايزاعق ,,ولايـتامر ,والحين بس علشان سحبته سوى هذا كله ,,طيب مايفهم ان جن جنوني يوم شفتها واقفه عنده,,؛؛؛,,,,,,..................................
نهاية الجز السادس