الجــــــــــــــــــــزء الرابــــــــــــــع
يــــــوم الزواج
تحديـــــــدا في غرفة العروس
:مشاءالله تبارك الله تهبيلين بتطيرين عقله,,
:ساره لاتبالغين تو ماسويت التسريحه..
ساره:شلون لو سويتها بتهبلين بعقل الرجال,,
نوف:تكفين ساره لاتجيبين طاريه وربي اني خايفه
ساره:اكيد أي وحده مكانك لازم تخاف !
نوف وهي تذكر زيارته له وشلون كانت معاملته تحسها غريبه وفوق هذاكله مايتصل عليها:انا خايفه من حياتي معه؟؟
ساره:لاتفكيرين يانوف ولاتخافين اليوم ليلتك خليك مبسوطه ياقلبي وتوكلي على ربك..
نوف وهي تسحب نفس خفيف:ساره طيب الله يخليك شوفي بنتي لامار ماشفتها من صحينا الصباح؟؟
ساره ::تامرين امر بروح اشوفها ..
الكوفيره::ايه من الاول هيك لاخبطتولي شغلي؟
ساره وهي تقلد كلامها::بتامري امرلك هلأ طالعه......................................
في نفس المكان
في الجهه الثانيه عند الرجال
كان جالس وعيونه على ابوه واخوانه الي مبسوطين له وعلى الي رايح والي جاي والي يسلم
عليه والي يناظرونه ويبتسمون ويبتسم لهم مجامله ابتسامه خارجيه بس داخليا قلبه محروق
يتمنى يموت ولا يكون هاليوم حقيقه وقف وبالبشت الابيض الي لابسه معطيه هيبه مع طوله
ابتسم لزميل معه بالشغل: هلا والله ,,الله يبارك فيك حياك ,,
جلس هو يتذمر بداخله من كلمة مبروك ,,سمع ابوه يهمس بأذنه::ياولدي ابتسم من اليوم وانت عاقد هالحواجب ماكأنك معرس ؟؟؟
التتفت له خالد وبخاطره والله عشانك اليوم انا معرس بس مسرع مانفكت عقدة حواجبه وانشقت الابتسامه هو يوقف ويتقدم للشخص الي بيسلم عليه:هلا وغلا هلا راكان(اخو ريم)
:هلا فيك مبروك ياخالد منك المال ومنها العيال
خالد ليتك تبارك لي وانا نسيبك:الله يبارك فيك ,,والله تو مانورت الرياض.......................................
في القاعه
الساعه 30
وقت الزفه
طفت انوار القاعه واشتغلت انوار خفيفه وتركزت الاضاءه على الباب ,,الكل كانت انظاره مركزه مع الاضاءه,,كانوا يترقبون طلوعها,,
نوف كانت بكامل روعتها طالعه بنت ولا اجمل البنات واقفه من ورى الباب وتحس برجفه
بجسمها ,,اشتغل شريط الزفه الي هي ماتعرف عنه شي..وزاد توترها ورجفتها صوت الموسيقى الي عمت المكان ,,ومع خوفها قطع تفكيرها ,,
صوت هي تعرفه ,,شلون ماتعرفه ,,صوت هي تحبه,,صوت عزوتها ,,صوت اخوها,,وبلحظه غرقت عيونها وانفتح الباب ,,ودخلت نوف تمشي بنعومه بخطواتها ,,(على صوت فـــــــهـــــــــد.).
يوم أقبلت أحلى عروس صابت الصاله سكون
عم اهدوء كل المكان والكل يناظر زينها
الناس من كثر الجمال ماهي مصدقه العيون
يحسبون أنها ملاك يوم رمشت في عينها
لولا خوفها على الحضور يصيبهم عشق الجنون
كآن ضحكت بشفاتها أو أشرت بيدينها
حرف النون بداية أسمها معطر بعطر الدخون
يزيدها روعه وحيا ونور وسط جبينها
والواو ثاني حروفها معطيها بهجه مع شجون
و زودها حلات وزود حلا لسنينها
وافاء اخر حروفها يعطيها فن من الفنون
وهذا ختام لأسمها نوف الله شزينها
الخير طير بقدومها غرد على كل الغصون
الخير كله ياملا في قلبها وفي أيدينها
الورد خدر في كفها من لمسه الكف الحنون
يذوب من لمسه أيدها وعطرها وحنينها
ومالوم أنا الصاله اذا صابها صمت وسكون
مادام نوف هي العروس بنسكت ونطالع زينه
وختام قولي عسى الفرح حياتها وسعدها
وادعوا الخالق ربي يسعدها ويهنيها
اخوك فهد
بعد مانتهت القصيده وصلت نوف للكوشه وكان الكل منبهر من شكلها تقدمـت لها امها تعدل
فستانها والعبره بحلقها ,,تحس بغصه شلون ترجع البيت وبنتها مو معها,,رفعت راسها وحاولت ام
فهد قد ماتقدر ماتحط عينها بعين نوف علشان ماتخونها دموعها ,,ضمت بنتها ودعت لها ربي
يوفقها ,,تقدمت لها ام خالد ورهف وبعض المعازيم سلموا عليها ,,هي ترد عليهم بس عيونها
تدورعلى الي حولها,,تستفقد نور عينها بنتها ماشافتها ,, عصبت منها المصوره لانها مو معها كانت رهف جنبها تصورمعها ميلت نوف راسها:رهف وين لامار مأشوفها؟؟؟
|
|
|
|
|