في بيت ابوخالد
طلعوا العيال مابقى الا رهف وامها
رهف::يمه طفشانه خلينا نطلع ؟؟
ام خالد:ولايهمك بكره انشاءالله بروح لبيت عمك؟؟؟
رهف وهي تفتح عيونها على الاخر::أي عم؟؟؟؟
ام خالد::مين غيره كله واحد ابوفهد....
رهف وهي مبسوطه::والله يمه من جد تتكلمين بروح لهم
ام خالد::انشاءالله
رهف::تصدقين يمه اسمع البنات يسولفون بنات عمهم وتجيني غصه انا كلها وحده وماشوفها,,
ام خالد::انشاءالله تشوفينها بكره وتستانسين معها
رهف::ايه الحين اقدر اسولف معها اول كنت صغيره مع البزران
ام خالد::وانتي للحين صغيره,,
رهف::لايمه اقصد اول العب مع البزران وهي اكبر مني وبعدين ليش تقولين صغيره وهي يوم تزوجت كانت كبري
ام خالد::صحيح كبرك بس بعد كانت صغيره وابوها ظلمها يوم زوجها ولا لواحد كبير!!!!!!!!!!!
رهف::يعني ماكانت راضيه
ام خالد::ماعتقد الي اعرفه ان عمك الي يسويه هو على باله صح,,
رهف::طيب بنتها كم عمرها الحين ؟
ام خالد::تقريبا 3سنوات,ووابوك يقول انهم مايقصرون معها اخوان البنت فيهم خيرو كل شهر يعطونهم حقهم ويزرونها باستمرار
رهف::حرام ارمله وهي توها صغيره
ام خالد::لاتقولين حرام هذا نصيبها وهذا شي من الله
رهف:: يمه ابوي شلون يعرف عن اخبار نوف وهو مايزورهم
ام خالد::يتعمد يصادف فهد ولد عمك ويسأله عن اخبارهم ويطمن عليهم....
رهف::ياحياتي يايبه قلبه منشغل بأخوه............................................
في بيت ابو فهدالساعه
11باليل
:والله يبكي الفلم
ساره::يعني انتي لازم تبكين كل بعد فلم
نوف:: لو ماحطوا البطله تنجن بألاخير حرام كذا
ساااره::نوف ترى بالاخير فيلم يعني كذب
نوف::انتي ماعندك مشاعر ابد
ساره::ايه عندي يالله انا بطلع اخوي جسوم تلقينه ينتظربرى تدرين وش يقولي قبل لأجيك
نوف وهي تضحك::وشو
ساره وهي تلبس عبايتها و تقلدكلام اخوها::اسمعي اذا جيتي تطلعين انا تلقيني بالشارع مو تمشين لحالك ماتحركين الا اذا جيت عندك سامعه ماعندنا بنات يمشون لحالهم باليل وكملت::حركات عيال المتوسط
نوف::والله اخوك هذا نكته من الحين يسوي كبيير
ساره وهي بتطلع ::شفتي كيييف يالله مع السلامه
نوف::مع الف سلامه
اليوم الثاني(يوم الخميس))
في بيت ابو خالد بعد الغدا
خالد::يمه متى بتكلمين خالتي؟؟؟؟؟؟؟
ام خالد::اليوم ماقدر اكلمها لان الخميس يكونون مشغولين وانت تدري كل خميس بحايل يجتمعون كلهم في استراحه من الظهر الى الليل
خالد::يعني شلون بعد بستنى لبكره؟؟؟؟
ام خالد::كل تاخيره فيها خيره ياولدي,,,ايه ترى اليوم بنروح لعمك ابوك يقول تحضرون كلكم
خالد::عطتني خبر رهف اكيد بجي يالله يمه تامرين شي بروح اريح شوي
ام خالد::سلامتك
في بيت ابو فهد
الساعه
6:30
كان كل شي مجهز ومضبط :كل شي اوكيه بس وين فهد ياخذ القهوه والشاي للمجلس
:هذا انا هنا وياخذ لامار ويرفعها فوووووق هو يضحك فديتها على خالها مزيونه
نوف::فهد تكفى نزلها لاتطيح من يدك
لامار شوي وبتصيح::ماما توفيه بتيح(ماما شوفيه بطيح)
فهد::هاه نزلتك يالخوافه..وكملت نوف::هذي القهوه والشاهي خذها للمجلس
خذاها فهد وهو يغني ::من هالعين ومن العين............................
في هالوقت وصلوا بيت ابوخالد
دخلوا بعد ماسلموا على بعض سلام اخو مشتاق لاخوه كان سلامهم حار شلون مايكون كذا (واخوي اربع سنوات مادخل بيتي )والعيال مو اقل منهم
:والله تو مانور البيت يابوخالد
:منور باهله وشحالك يافهد
:والله الحمدالله
ابوخالد::هاه وش ناوي تدخل بعد الثانوي
فهد::انشاءالله طب
ابوخالد::مشاءالله شد حيلك وجيب النسبه
نايف::لا اله الاالله عندنا دافورين بالعايله نواف لقيت الي مثلك
نواف::الله واكبرفهد خذ احتياطك ولا احلم بالجامعه
فهد::ابشر بس قبل لاتروح تعال اعطيك منه اخاف انت بعد تروح فيها
وضحكوا على سوالفهم واستمروا الحكي بينهم شوي بالشغل وشوي بلاخبار........................................... ...............................
في الجهه الثانيه عند الحريم
رهف::ياقلبي عليها والله تجنن شكلي باخذها معنا اليوم...
ام خالد::ماعليك منها بتمل بسرعه
رهف::خليها تجرب !!!!!!!!!!
نوف ::طيب بس بشرط
رهف صدقت::وشو؟؟
نوف::انا اروح مع بنتي؟
رهف::بس تامرين امر تعالي نامي معي بالغرفه؟؟
ام فهد بمزح::ياسلام بنتي تروح ورى بنتها وانا بعد مع بنتي ....
رهف::خلاص تعالوا حياكم الله الغرفه كلها لكم
نوف::بس انا ضيفه ماقرب بنتي يعني اذا توصخت ملابسها تغيرنها واذا قامت باليل تقعدين معها لان لامار تقوم بأي وقت وتقولي مابي انام واجلس معها فانتي لازم تسوين كذا و
قاطعتها رهف::لا لا خلاص الا النوم خليها عندك يارب تخليكم لبعض
ضحكوا على رهف بذات انها صدقت حكيهم بالبدايه
نرجع للرجال
وصل خالد بيت عمه ودخل وبعد سلم على عمه وعلى فهد
:والله ماشي الشغل انا مرتاح فيه
ابو فهد::اهم شي انك تكون مرتاح لان اذا ارتحت في شي خلاص تحبه...
الا على دخلت لامارواقفه عند الباب ومستحيه تدخل فهد::تعالي لاماروشفيك ؟
مامدى عطاها الاشاره الاركض عنده,,
ابو خالد::مشاءاللله هذي بنت نوف كبرت....
فهد::روحي سلمي على عمي وراحت سلمت عليه واخذها خالد سلم عليها وجلسها بحضنه::تروحين معنا البيت لامارهناك فيه العاب كثيره تجين؟
لامار::ايه ابي ادي وبس ماما تلوح(ايه ابي اجي بس ماما تروح)
ضحك خالد::خلاص قولي لامك وتعالي عندنا,,,,,,.
شوي الا على صوت نغمة جوال فهد::هلا نوف..اها طيب استني شوي وسكر منها
:شباب امشو بننطرد شوي البنات بيدخلون يسلمون ,,وفعلا قاموا الشباب وطلعوا,,,,
دقايق الا نوف ورهف دخلوا ..
تقدمت نوف وسلمت على عمها وباست راسه ورهف نفس الشي وبعد ماسلموا وطلعوا
بس ابو خالد هنا بعد ماشاف نوف ابتسم بداخله هو يشوفها ولمعت فكره في راسه وقال لنفسه ليش لا انشاءالله هذا الي بيصير...........................
نهاية الجزء الثاني,,
|