كَمِّلي من غيري يومك
لايموت اليوم فجأه ..
أو تضيع اللحظه صدْفَه ..
وسْطْ صَمتي..
أوهُمُومك.
كَمِّلي من غيري يومك
ماني عاتب
ولاّ ياعمري بَلُومِك .
رَتّْبي مكياج صبْحك
كَحّْلي بالحب ليْلِك
مَشّْطِي شَعْر الدقايق
عَطّْري حضْن المكان
والْبِسي أَحْلى هدُومك
صالحي وقتك وعيشي..
لاتموت فيك الأماني
إفتحي صدر النوافذ..
للأغاني..
خلّي ألوان الفرح
ترْسِم النَّبْض بْرُسومِك
ليش عمرك فيك يذْبَل ؟
ليش يصير الليل أَطْوَل؟
ليش وانتي ..الفَيّْ قلبك
يحترق وَرْد الأمل ..
من هَجيْرك..أو سمومك ؟
كَمِّلي من غيري يومك.
إنسِي إني في حياتك
إنسي إني لك حبيب
أنا مثل ماتشوفين..يائس
والفَرَح فيني كَئيب
ماني قادر..
أرفع عيونك سما
أو أصَحّي فيك فجرك
وانثر العطر بقدومك
المَلَل يشْرَبْني كِلّي
مِثْل مانَفْس الملل..
يسْكِن عْيونك ..وياخذ..
من حكي قلبك عْلومك
الملل ظَلَّلْ هوانا..
مابقى في صوتي قَمْرَه
وانطفى الضَّيْ بْنجُومك
المشاعر فيْنا جَفَّتْ..
لاربيع ايديني ينْفَع
لا.. ولاماطر غيومك
كَمِّلي من غيري يومك
|