منتديات قصايد ليل - عرض مشاركة واحدة

06-26-2011

ألا يـا قلـب لاتحـزن ألا ياعيـن لاتبكـيـن
على من صد دون أسباب والصدّه هي الصـدّه
يقربنـي ويبعدنـي معذبنـي ثـلاث سنـيـن
كفى ياقلبي وعيني ترى صبري وصـل حـدّه
وقال القلب كيف أنسى وكيف أسلا مع السالين
وأنا المسحور في اللي شالني من جوفك بيـدّه
وعيني قالت إنّه نورها وأغـلا مـن الغاليـن
قمر خمسة عشر لامن ظهر يشبه سنـى خـدّه
ألا ياقلبي وعيني عسـى ربّـي عليـه يعيـن
عسى رب الملا يهدي حبيب الـروح ويـردّه
تكبّـر شايـفٍ نفسـه تغيّـر ناعـم الخديـن
غريب الوصف لاسلهم عيونـه حيـل مسـودّه
وصوفه سبّة جروحي عذابي من كحيل العيـن
إلا منّه طرا لي صـارت أيّـام الرخـا شـدّه
أعيف الزاد والمشروب وأسهر والعرب ممسين
وتفكيري مع اللي قاسي وحبـل الشقـى مـدّه
وهو عارف معي حبه يزود بكل وقت وحيـن
ويحق له الغلا كلّه حبيبـي مـن يجـي قـدّه
ولو يقسى وينسى مانسيت اللي مضى للزيـن
جمايل صاحبي تمحى خطاه اللي طلـع ضـدّه
ليالي ماضيـه تشفـع لخلّـي نابـي الردفيـن
على عهده زمانٍ فيه علمه بـي علـى عهـده
وعلمي به وعلمه بي وليفي في سنـة ال2000
نهار السبت عنّي صد والصـدّه هـي الصـدّه

</b></i>