06-26-2011
|
#5
|
•√♥ بقاياحلم ♥√•
ولّي خلوجٍ هجرعـت مـن ولدهـا
طـاح وتكسّـر غيدهـا بالمظامـي
ظمانـةٍ والحـزن بـيّـد جهـدهـا
واحد يكفّي وإن حصـل جالهيامـي
واحد من الإثنيـن لاجـاء حصدهـا
وأصبح بهاحزن وظمى القيض حامي
مم مارد المـاء حبّهـا لـه قردهـا
وأمّاتهـا للمـاء تقافـت ظـوامـي
على الـذي عزّيـل حالـي بعدهـا
كنّي الخلوج اللي وصفهـا كلامـي
ياليـت قلبـي لابغـاهـا وجـدهـا
لاكـن حظّـي غـارقٍ بالمنـامـي
والله ثــم والله منـسـى عهـدهـا
الجـادل اللـي ريحهـاورد شامـي
وإلى طرالي زولهـا فـي وعدهـا
ونّيت أنـا ونّـت كسيـر العظامـي
تحت الخطر والموت زمّـة نهدهـا
وخدٍّ كما البـرّاق يجلـى الظلامـي
ونشافهـا سيـد العـذارى حسدهـا
مثل المهـاه اللـي تقـود الأدامـي
وإن زان مرماهـا ومـرّت وحدهـا
صدّيت عنهـا والفشـق بالحزامـي
مبغي علـومٍ مـن سمعهـا نقدهـا
أخشى مناقيـد الرجـال الأحشامـي
وأهـل النمايـم قلّـل الله عـددهـا
اللي تخرّب سمعت أهـل الغرامـي
نقّالـت النمّـات مـحـدٍ نشـدهـا
وتفرح بتحطيمـة عزيـز المقامـي
وكـلا يحـب وقصتـه لاسـردهـا
ماحب مثلي حول عشريـن عامـي
</b></i>
|
|
|
|
|