منتديات قصايد ليل - عرض مشاركة واحدة

06-26-2011

ياهيـه ياللـي تنتظـر رد الاخبـار
اسمع كلام اللي صدق فـي معانيـه
هرج الصراحه مايجي فوقـه اغبـار
مللتنـي ومليـت حبـك وطـاريـه
اذكـر نهـارٍ فيـه تامـر وتختـار
ولامن ومـرت اقـول لاقلـت لبيـه
امشي معك بالطيـب مانيـب بـوّار
وتمشي معي بالعكس والقلب تكويـه
وطاوعت فيني يالغضي شور من شار
شور الذي ما أهتم فـي مـا تعانيـه
وتخطي علي دايم ولا تقـدم اعـذار
وتجني الخطا وسامحك وانت جانيـه
غرك جمـالٍ دونـه تبـاع الاعمـار
مثل الطماعـه مـن كسبهـا بتغنيـه
طمعة عقيـد القـوم لاشافهـا غـار
اللي علـى الطمعـه بعيـدٍ مغازيـه
وتلعب بحالي لعب صفرٍ لهـا ذكـار
محسود من يقضـب رسنهـا بياديـه
ركّابها يارد علـى المـوت مـا ذار
لا مـن لكزهـا للمعـارك تـوديـه
ارفق بحالي جـارك الله مـن النـار
لولاك دمع العيـن مـا والله اسخيـه
الله بلاني فيـك واشغلـت الافكـار
فكري معك من بدت البيـض مشقيـه
وانا اعرف ان البيض في كل الاقطار
لكن وصفـك ويـن يوجـد محاليـه
لك وصف مدهش يوم اركز بالانظار
سبحان من بامـره جمالـك مسويـه
شقـر الذوايـب ريحهاطيـب تجـار
اللـي تجيبـه مـن مغنـه وتشريـه
مايلقـى بالسـوق مـع كـل عطـار
طيبٍ ثميـن فـي جديلـك وزاهيـه
وريح الخزامى والنفل غب الامطـار
لاهب ريحه مثـل ريحـك يشاديـه
وحجان سودٍ بينها سـاس الاخطـار
فيها الخطـر بيـن لعينـي مواريـه
والعين عين اللي على كـف صقـار
حـرٍ هـداده يفتخـر فيـه قانـيـه
والخشـم كنـه سلـة السيـف بتّـار
عـزالله ان الملـح والزيـن غاشيـه
يابـو ثمـانٍ كنهـا الؤلـؤ صغـار
لك مبسمٍ طعم العسـل بيـن اشافيـه
والخد لونـه لا كشـف كلـه انـوار
‌‌‌‌‌‌‌‌‌‌‌‌ يشبه قمر (خمسة عشر) في مباديـه
والعنق عنق الريم في نبـت الاقفـار
لامـن تذّيـر لامـحٍ زول رامـيـه
ونهـود حاجزهـا بسّحـاب وزرار
بيض الحمام لبـارز الثـوب محفيـه
وتذبح بكتف وردف والسـاق منـدار
من ناظـرك ماصـد كنـك تحاكيـه
والعود عود البـان تسقيـه الانهـار
لاهـزه النسنـاس لانـت مثانـيـه
وباقي وصوفك دونه احجاب وستـار
شفت القليـل وواجـد اللـي مخبيـه
ارحم رحمـك الله عّـلام الاسـرار
لاتتـرك المشتـاق تكثـر بـلاويـه
قصدك غلا ماحب غيرك ولا صـار
والصدر ماغيرك سكن فـي محانيـه
ولك بالصدر قيمه وحشمـه ومقـدار
وكثـر التغلـي والمماطـل مادانيـه
ياللي على هجري مواصل بمشـوار
الهجـر منـي لابتـدا منـت قاويـه
وكانك تقول انك على البعـد صّبـار
الصبـر عنـدي والعزايـم تبـاريـه
حكيـم راي ودوم مانـي بمحـتـار
محتار في الامرين والصـح بامشيـه
روّح مراح الطير لاتـاق ثـم طـار
طير وحـش ماهـو اليـف لراعيـه
متمسك بـك ليـن ساقتـك الاقـدار
ماكنـك الا مقيـط وارشـاه قافـيـه
مالك مشاريـه علـي وانـت غّـدار
راعي الحساني بكـل سيـه تجازيـه
اللـي بقلبـك كنـه بعينـك شعـار
عينـك اترجـم مابقلـبـك مخفّـيـه
لاعـاد ترجينـي مـع كــل زوّار
والوصل بعد اليـوم لاعـاد ترجيـه
انسـى عناوينـي مـع كـل تذكـار
وانـا بعـد عنوانـك الحيـن ناسيـه
لو منت قد الحب ماقلـت الاشعـار
في حبك اللي طـاح شامـخ مبانيـه
والخاتمـه يابنـت وافيـن الاشبـار
كلاّ علـى مـا قيـل يتبـع مشاهيـه