قصيدة : فــراق
فــراق .. وكـانـك تبـيـه فــراق بـفــراق
بـس احتـرم لحظـة الفرقـى .. ومـعـذور
(مـاجـيــتــك ادور دروس بـــالاخـــلاق
ان زنت لي زنت .. وان مازنت مشكور )
لا تتهمـنـي .. وخــل الـلــي بـالاعـمـاق
يبقـى بالاعمـاق .. والمسـتـور مسـتـور
ياصاحـبـي والـهـوى لــو فـيـه مـيـثـاق
ماعشـت فـي عـالـم الحـرمـان مقـهـور
حـنـا انتهيـنـا .. وهـــذي كـــل الاوراق
قــم شقـهـا .. مابـقـى لـلـحـب دسـتــور
مثـلـت دور الحبـيـب وعـشـت الاشـــواق
فـي مسرحيـه هـزل .. وابدعـت بالـدور
ماكـنـت مخـلـص لمحبـوبـك ومشـتـاق
بالعكـس .. كنـت متجاهلنـي ومغـرور
عرضتـنـي للـهـبـوب ونـشــف الاريـــاق
وقصـرت فينـي وانـا ماجـيـت بقـصـور
والحـيـن ذق لـوعـة الفـرقـى والاخـفـاق
وجـرب شعـور النـدم لا صــرت مهـجـور
النفـس طابـت ونـامـت حـمـر الاحــداق
الـلـي سهـرهـا مخاويـهـا مــن شـهـور
كـرامـتـي بـالـلـيـال الــســود تــريــاق
والـعــز يـبـقـى لـقـلـب الـعــز دكــتــور
والصبـر .. لـو كــان طعـمـه مــر يـنـذاق
طـعـم الـمــراره ولا الـحـقـران والـجــور
والضيـق مهـمـا كـبـر بالـصـدر ينـطـاق
للـضـيـق ربـــي خـلــق للـعـالـم صـــدور
والدمـع لـو كــان وســط العـيـن حــراق
يغسـل عيونـي .. ويـبـري مـشـة الــزور
والهجـر لـو كـان دربــه يتـعـب الـسـاق
مانـيـب مـيـت ضـمـى والـقـاع ممـطـور
والصدق لو ينعرض في وسـط الاسـواق
كـل شـرى لــه ضمـيـر وقـلـب وشـعـور
والحـب مهمـا انطعـن .. مـازال عـمـلاق
يضـحـك عـلـى طعـنـة الاقــزام والــزور
والشـعـر يبـقـى نـديـم القـلـب لا ضـــاق
مـاهـو مـجـرد حــروف وعــدة سـطـور
شفني وانـا اقطـف مـن الاعـذار مـا لاق
مـا قلـت فرقـاك عـيـد .. وبـارقـة نــور
اقـــول فـرقــاك مـــن تـرتـيـب الارزاق
وارتـــب الـعــذر لــــو الــعــذر مـنـثــور
ويامرحـبـا بالـفـراق ان كـــان بـفــراق
فـرقـى بفـرقـى ومـعــذوره ومـعــذور
|