الجـــــزء الثاني...
بـــدأت الدوامات والكل أنشغل ألي بالجامعه وألي في المدارس
جــنى:صـــــــباح الخــير
الأب والأم:هلا والله صباااااااااح الورد
نجلى بلمت من لبستها تقول في خاطرها...ياويلي بتطلع بكتف خيييييير
:تبوس راس أبوها وخالتها
شربت نسكافيه وقامت وناظرت في نجلى:وش فيك
وتوها تنتبه على نفسها:ولا شي بس شكلك طالع رهييب بالتنوره:::لأن عبايتها مفتوحه:::
:أوكيه بابا خالي بندر برى يستناني مع البنات تامرني شي
:لا سلامتك بس أنتيهي على نفسك
:مع السلامه
ولما طلعت على طول ناظرت في أبوهم ألي عارف وش بتقول
:هاه قولي ألي في خاطرك
نجلى لأنها في نفس العمر الغيره شغاله عندها
نجلى:بابا ليه سامح لها أنها تلبس الكتف وأنا لا لــــــــيـــه
:والله وش أقولك يابنتي هذي من طلعت من بطن أمها وهي المدلعه وأهي
رابيه مع بنات خيلانها وهم هذيه لبستها وإذا تبغين تلبسين ألبسي بس واسع مثلها
نجلى وهي معصبه من تقلب أبوها:أقول يالله مع السلامه قومو السواق
أنبطت كبده وأهو يستنانا
قامو والكل توجه للدوامه
في سياره بندر خال جنى مع بنات أخته وأخوه هو معودهم كل بدايه سنه
ياخذهم الصبح ويمشيهم ثم يوديهم للمقهى
جنى:صبااااااااااااح الخييييييييييير
جميعا:صبااااااااااااح النوووووور
مرام:كان تأخرتي أكثر يادووبا
:آآهـ بس
بندر:سلامتك من الأهاه وش فيك يابنت
:ولا شي أبد أحس نفسي مخنوقه أبي أروح لمكان مافيه أي حاجه أبي أروح للفضااااااء
بندر:يالله ولا يهمك بروح البر
سوسن:ياااااااااسلام ونااااااااااااااسه
مشاعل:عاد الجو من حظنا يهبببببببببل
غصون:ولا أقول وش رايكم نروح البحرر
عروب:يالللللللللللللللللللللللللللللله مفيييييش مشكله
بندر أستناهم لما خلصوا:هاه وش رايك جنو
جنى وهي مب في حالها:أي شي بس أهم شي يوسع الصدر
أعرفو البنات أنها مرررررره متضايقه من شي لأنهم كلهم تؤوم بعض
فعشاان كذا حاولو يفرفشونها
همس:أحم أحم يالله أنا بغني
كاااان صوت همس هو ألي يروقهم:يالله سمعيينا
هلي وان جارت الدنيـــــ ـ ـ ـ ـــا عليّا
اوصيكم على روحي وصيّـــــة ...
انا مسااااافر وخلّوا قليبي عندكم
غصب عني ترا لا مو بيديا
عذروني اذا سالت دمعتي
وذكروني اذا طالت غربتي ..
يادنيا لعبة الشاطر لعبتي ..
صرت للناس حمال الأسية ..
هلي دمعااااات عيني بطرف رمشي ..
واذا غمضت عيني دموعي تمشي
اذا رحتوا من ايديا راح كل شي
تروح الروح لو رحتوا من ايديا
بلاكم كيف انا أتحمل بلاكم
وانا ورده وسط صحرا بلاكم
هوااااااااااكم دمر قليبي هوااااااكم .. شيصير أكثر من اللي صاااار فيا
الكل يصفق لها بحماس:ووووووووووووواااااااااااا عاااااااااااشت
بندروهو متحمس:الصراااحه يبغالك تدخليين ستاااار سعودي
همس:ويه ويه أخجلتو تواضعي
سوسن:أقول خلااااااص كبرنا راسها
ناظر بندر المرايه عشان يشوف جنى كيف صارت طبعا نصهم فاتش
والنص متلثم لأنهم باأساس مايتغطوون عايله مره فريي وكان يقول في خاطره:أشكركم
من كل قلبي آآهـ بس الله يعينك يابنت أختي
مشوا لحد ماوصلو لبحر الشرقيه:يلللللللللللله أنزلو
نزلو وراحو يركضون للبحر وهم مستانسين نزل بندر القهوة والعصايرو الشوكولاته
فسخو تنانيرهم لأنهم لابسين تحتها بناطيل
جلسو وتقهوو وحلووو وجلسو يسولفووون وضحك وأستهبال
بندر:وش رايك نقوم نتمشى
جنى:ياللله
جلسو يتمشون ويسولفون وكان الملجأ الأول والأخير لها بندر
وفي نفس الوقت كان يتمشى مع صديقه حامد على البحر
تركي:أقول أهجد عني بس والله مالي خلق للدواام نهاااائي
حامد:وليه كله بسبت بنت والله وكبر
تركي:طيب طيب قفل عالموضوع
:تصدق ياخالي بتاكلني بعيونها طيب لييه وقال أيش حلوه التنوره عليك
:طيب أنتي توك معها لازم تتأقلمين على أي شي يجي مفاجئ منها
:يوه تصدق كأني أعرف ذا
:مين؟؟
:ألي لابس شيرت أزرق وبنطلون أبيض
:منهو ذا؟
:هذا كأنه ولد عمتي خلود هو هنا يداوم
:أها طيب نروح نسلم عليه
:لا لا خله هذا قاهرني لما كنا في الأستراحه لما سلم حشا مابغى بفك يدي صدق
ناس ماشافو خير
بندر وهم مستغربها:براحتك
:والله هي والله هي
:ياأبن الحلال أذكر الله
:لاإله ألا الله.. بس من ذا ألي معها وش جابها لهنا..تعال خل نروح لهم
تركي:السلام عليكم
بندر وجنى:وعليكم السلام ورحمة الله وبركاته
تركي ساول بندروهو مايعرف منهو وساول جنى وهويناظر فيها بنظرات شك
جنى تلاحقت نفسها قبل مايصير شي:أعرفكم على بعض هذا خالي بندر
وهذا تركي ولد عمتي
تركي بعد ماأرتاح راحه جزئيه:تشرفنا وهذا صديقي وأخوي حامد
بندر:ياهلا والله
تركي وهو يناظر في جنى:طيب أنتي ماعندك جامعه وش جابك الشرقيه
جنى بكل ثقه:أبد حابه أشم هوى الشرقيه ألي ماسكك ومب مخليك تعدي منها
تركي وهو بدى يعصب من طوله لسانها:والله أنا مب الهوى ألي ماسكني ألي
ماسكني هو شغلي
ها ياأبو...
بندر ألي حس بتوتر تركي:أبو سطام
تركي ألي بدت تخف عصبيته وقال وهويبتسم:والنعم
بندر:ينعم بحالك ماعلييك زود
تركي:أجل أنا عازمكم على كوفي في ذاك الكوفي
بندر:تسلم والله ماتقصر بس والله معي البنات وماأقدر أخليهم
في هذا الوقت جنى حست نفسها مالها داعي واقفه بين رياجييل وراحت للبنات
وكان يتابعها بنظره
تركي:مافيه مشكله نطلب طاوله عوائل
بندر:أجل إذا كذا ماعندك مشكله أنتو روحو أسبقوني وأحنا بنلحقكم
راحو الشباب وبندرلحقهم ويا البنات ألي ذابحهم الحيــــا المصطنع
نجلى أول مادخلت الجامعه وقابلت بنات عمانها وصديقاتها سلمت عليهم
وجلسوا لما خلصو السؤال عن الحال
سألت أحلام نجلى
:أقول نجول هاه وش أخبار أختك
:الحمدلله بس مرره مرره دلوعه يعني أبدا مب مثل مودنا
:ليش لايكون غاثتكم
:لا بس أبوي مخليها على كيفها
:أيه إذا كذا محلوله المشكله
:الله يعين بس المهم خلونا نتمشى عشان نعرف قاعاتنا
:ألا أقول وش دخلت
:وش توقعيين دخلت؟
:أممم أكيد وبما أنها مدلعه علأخر قانون
:لا لا لا داخله ياحبيبتي طـــــــــــب
:ياحركتتات والله أختك ذي فــلــــــه أقول عرفيني عليها
:أقووول أمشي مشي بس
:هههههـ أبو الغيره ألي كذا بـــس
جلسو على الطاوله والكل مسك المنيو وجلس يحدد على الطلبات ألي يبيها
كان ترتيبهم بندر قبال حامد وجنى قبال تركي والبنات سوسن ومرام
*همس وغصون*غروب وحياه*مشاعل وجوهره*ريوف وديمه*نجود
كانت جنب ديمه
جنى ألي متحمسه وهي تقرا ألي عندهم في المنيو
:بنات هاه وش أخترتو
:أنا أخترت كابتشينو مكياتو وكروسون بالجبن
:وأنا أخترت قهوه ودونات وأنا أخـ... طلب الكل طلب له وجابه لهم الجرسون
كــان يناظرها بصمت وهي تاكل بهدوؤ لاحط عليه بندر وقله عشان
ينتبه على نفسه:هاه ياتركي كيف الكروسون
تركي وهو ماطب في فمه شي من يوم جاه الأكل:هاه أيه والله أحس
نفسي شبعان بس يلله عشان الجلسه الحلوه هذي راح آكل
حامد ألي جالس جنبه كان يساسره:لا ماشالله من طلعنا وأنت ماكليت
شي ولا خلتك تفهي
صقعه على بطنه بكوعه..أوه يالنذل كله عشانها وصقعه مره ثانيه
بس أقوى من الأولى يعني أسكت ترى صوتك واضح..آآآووه خلاص مااالت عليييك
تركي وهو قايم معصب وهو ماكلى ألا بدايه الكروسون ورشفه من
الكوفي وكان يناظر في حامد وجنى:الحمــدلله ::راح يغسل في نفس
الوقت سأل بندر حامد عنه نطت تجاوب:مافيه شي ياخالي بس انا
أعرف هذي النوعيه مايعجبها العجب خلك خلك منه بس أنا أروح أتفاهم معه
قامت وهي تنفظ عبايتها من الكروسون ألي مابقى منه ألى الفتافيت<<الجوع كافر
وحامد كان يناظر فيها بستغراب ..حشى والله باين عليها ملقوفه وزياده على كذا شخصيتها قويه
كان يغسل وجات جنبه:أشبك ماأكلت لايكون جلستنا معك ثقيله على قلبك
تركي وهو يتأمل الجرأه ألي فيها:والله هذي حاجه تخصني على ماأعتقد
وهي بتروح:ويه لايغرك ترى أنا مب مهتمه بس محسوب علي ولد عمتي
وراحت وكان وده يلحقها ويصفقها..يالله أنا ألي في الكون كله ماأحد
يمون علي تجي ذي في يو وليله تقولي كذا
حامد:هي هي وش فيك وجهك محمر وتهذر مع نفسك يقول كأنك
مهبول وش فيك..لايكون
ناظر فيه بعصبيه:أففففف روح بس من وجهي لأحط حرتي فيك
راح للكونتر عشان يحاسب وخلص ثم راح جلس على الطاوله
كان يحتري منها أي نظره عشان يبين لها أنه معصب عليها عشان
ماتتجاوز حدودها مره ثانيه معه
:ترى أنا خلاص حاسبت وجعله في العافيه
بندر وهو متنرفز:ليه الله يهديك كان أنا ألي بيحاسب الأغلب كان معي و
:لاتقول شي ياأبو سطام الجيب واحد الله يهديك
:الله يسلمك ويعطيك العافيه ومره ثانيه لاتعودها أنشالله أنا ألي بيكون علي الحساب
جلس حامد وسمع آخر حديثهم:والله ماتقولون شي أنا علي الحساب
بندر وهو يبتسم:خلاص أنت المره الثالثه
حامد وهو مندهش:ليه أندفع الحساب؟
تركي:أيه الله يسلمك
همست جنى لخالها:خالي يالله خلنا نرجع الرياض والله لو درى أبوي أن ينحرني
تركي ألي كان ذاب أذنه:ماشاالله طالعه ولا مسافره بعد وبدون مايدري خالي
بندر:هههههههههـ يالله أنكفشتي وبعدين من متى وأنتي تخافين؟
جنى وبكل ثقه:أنا ماخفت بس لأني عارفه بابا راح يفقدني وماراح يقدر يتغدى ألا وأنا عنده
تركي:عجييييييييييييييييييييييييب أقول يالله قومي أوديك وبأذنك بعد عند خالي
جنى وهي منقهره من جوه ..خير هذا بأي أحقيه يكلمني كذا:والله ياشيخ
تركي يالله يالله مشينا
تركي ..بنت اللذين تستخف فيني سفهها وكلم بندر:أقول بندر تشرفنا
بمعرفتك وبعض الناس حسابهم عند خالي
بندر ألي يحااااول يلطف الجو:ههههههههههـ الله يصلحك بس مايحتاج هذا كله
جنى وبغت تصفق تركي وتطب في بطن خالها:وه وه وه أقول بس ترى
والله ماتنعطون وجه
قبل أسبوعين في بيت ناصر بالمجلس يحب يجلس فيه ويقهوى قهوه العصريه
دخلت هند عليه بالقهوه وهو ماصدق أنه يجلس لوحدهم عشان يكلمها
بالموضوع:السلام عليكم يبه
ناصر:هلا والله هلا بنتي هلا بأكبر وأعقل بناتي
أستحت ودرت أن ورى هالكلام حاجه:تسلم يبه .. سم يبه
خذا الفنجان وسألها بدون أي مقدمات:ها يبنيتي وش قلتي في الموضوع ألي كلمتك فيه؟
نزلت راسها بحيا يقطع العالم كله:والله أأ أم أم..ألي تشوفه يبه
فرح الأب:يعني موافقه يبنيتي؟؟..
هند وهي تحس فيه أحد ألى أحدددداااات:أنا أستخرت وأحس أني مرتاحه
وقاااامت بسرعه على زغاااااااريييط خواتها ألي توهم صاحين وكششهم
طايره تقول داريه بالخبر وفرحانه معهم و طلال ألي سمع الزغاريط
وشاف وجه همد عرف أنها وافقت ودخل عليهم سعود وهو يحك يده
وشعره ووجهه وهو لسى مغمض عينه بس طبعه من النوم الخفيف
ونايم في الصاله على التلفزيون بعد الغدى>>الشعب السعودي لأحد يعلق
:::وش عندكم أحد مااااات
نـاصر:فـــــــــــــال الله ولا فـٍـــــــــــالك يأبن الذيين أمنوا
طلال وهو يطقه على رقبته:لا يالدب هند أختك أنخطبت؟
ومسووووي نفسه متفاجئ وفرحاااان:أه والله أنخطبت
ولللللللللللللللووووووووووششششششششش
يعني وأنا وش أسوي صدق ناس فاضيه طيب هذي سنه الحياه
أقولك خل أروح أنام أحسن ماتجيبون لي خبر أسخف
راح وأبوه معصب عليه:صدق قليل أدب بس والله مانلومه قايم
على أصواتنا أجل منا ملاقيين من لسانه الخيير
أجل تذكرون يوم ماتت أمكم الله يرحمها ويغمد روحها الجنه وهو
قام على أصواتنا وأصوات خواتك كيف قال وقام طلال يقلده وهو
يحك شعره.:.:..عاادي عاادي كلنا بنموووت صدق ماعنكم سٍــــالفه
الكل يضحك رغم الحزن والفرح ألي فيهم::هههههههههههههههههههههههههههههههــ
نــاصر:الله يوفقها يارب
الجميع:آآآآآآمـــيـــن
لما رجعوا الرياض في السياره كٍـــــانت في قمه الصمت وإذا ثقلت
على عمرها وجاوبت هزت راسها بأيه أو لا
وكانت تهرج في خاطرها::ياربييه والله صدق عالم غريب دخلت معه
وبعدييين هذا الإنسااااان ليش كذا ينااظر فيني أنا لازم أعرف وش سالفته
وعلـــى أيش متكبر وشايف حاله صدق مغـــرووور
والله لأكسر شوكتك آآآآه بس والله يجننننننن هذا أحلى واحد شفته من عياال
عماني وعماتي طبعا بعد عمي فيصل أقول من متى وأنتي تهرجين هذي
الهرجه أهجدي أحسلك ياويلك لو عطيتيه وجه ناس ماتستحي على وجهها
نزلت عند بيتها ورقت على طول ودخلت لغرفتها بدون أي نقاش وحتى السلام
غيرت ملابسها ودقت على هنادي
جنى وهي مرتبكه من ألي بتسويه:ألوووو
هنادي ألي مستغربه أتصالها:هلاااااا والله ببنت عمي كيف الحال وش
أخبارك لا لا لا صاير في الدنيا شي جنى متصله فيني
جنى وهي تحاول تلاحق على هذا كله:أنا الحمدلله بخير والله يسلمك يارب
وبعدين ليش النعت هذا سستيني أني إنسانه متكبره وولووو الله يهديك
بس تعرفين ظروف يعني بعدين راح أغثكم بأنصالاتي راح تقولون
ليتنا ماعرفناها غثاااااااا :/:/:وكانت تقولها بصوت عالي وهي تبتسم
هنادي:لاااايادووووباااااا والله لو 27 ســـــــــــاعه أقسم بالله عسل على
قلبي خذي راحتك ترانا خوات يااادوبااا
جنى:وتكررينهااااااا بعد يااااااامجرمه اللمهم ماعلينا أأأأأأأأأأ...
هنادي وحست أنها تبغى شي:أسمعيني ترى أحنا إذا بغينا من بعضنا شي
آآآآآآآآآخر شي نفكر فيه هو التردد فهماااااااااني
جنى وهي تطلع هوى نشف ريقها:أوكيه أوكيه راح أقولك بس بليز أولا
لاتفهميني غلط وثااانيا والأهم أبغى هذا الشي بيني وبينك طيب
هنادي وهي في قمه الأستغراب:أأأمري وهذا وعد أنه راح يبقى بيني
وبينك
جنى وهي مرتاحه كثيير لهنادي:طيب إذا كذا راح أقول أأأأأأ أنا أبغى
رقم ولد عمتي خلود تركي إذا عندك
هنادي..لا لا لا الدنيا صاير فيها شي وقالت بدون أي نقاش:أوكيه
خلاص راح أرسله لك
جنى:مشكوره ياقلبي
هنادي:ولو مابينا شي
جنى:أوكيه تامرين شي
هنادي وأنا أقول وش عندك متصله:سلامتك سلميلي على أهل
البيت باااااااااايوو
جنى:بااااااااااياااااااااااات
بعد لحطات أستلمت المسج وفتحته
:أدق لا أدق أدق لا أدق أدق لا أدق أدق لا أدق أيه راح أدق وأشوف وش سالفته
في بيت الجده جلسه ومعها بنتها مرام توها جايه من الدوام:هلا والله
بنور البيت هلا وغلا
مرام وتبوس راس أمها:هلا بالغاليه النور نورك ياست الحبااااااااااايب
يااااحبيبي حبييبا وهي تلحنها
الجده:هههههههـ الله يقطع بليسك يابنيتي .,. يانور يالله تعالي حطي الغدى
مرام وهي واقفه ومعها جوالها ألي يدق:خلاص يمه أنا برقى أغير وأجي
نحكي عن فيصل جالس في سيارته وهو يزفر من الطفش
:طيب يعني وش فيها وين المشكله في الموضوع أقول يالله أنا برى أستناك
:وين أنت أقول خلها مره ثانيه أنا بنزل ألحين عند أمي تستناني على الغدى أنزل تغدى
قالها وهو معصب:أقول أمشي يالله أنا ماأقدر أتحمل أكثر من كذا
مرام وهي تزفر بتعب:أأأأأفف أقول خلها مره ثانيه عشااااني
أبتسم رغم الضيقه ألي جواه:المشكله أنك عارفه وش نقطة ضعفي أوكيه أنا جاي مع السلامه
أبتسمت:حياااك
جا المغرب وفي هالوقت أصحاب المدارس والجامعات والمدرسات
يقومون عشاان يشوفون أشغالهم
طبعا معروف قهوه المغرب عند أغلب العوائل السعوديه
تجمعت العائله كلها بااقي جنى ألي لسى ماتفكر أنها تقوم ألحين لأنها
ماتعودت على كذا
رقت لها نجلى وطقت الباب لامجيب ناادت عليها لاإجابه دخلت عليها
لقت الغرفه في قمه البهذله كلها ملابس
وجوالها منطول على الأرض والشنطه منكته يعني حااااااااله
نجلى متفاجئه وبشده:أااااااااااااااه هذي مستحيل تكون غرفه جنى..جنى جنى
جنى ويالله يطلع صوتها:همم
نجلى:يالله بسرعه قومي كااافي نوم عشان تنامين في الليل
جنى وهي مب في حالها:طيب طيب
:::شالت منها لحااااافها قوميييييييي
جنى فتحت عين والثانيه مسكره وهي معصبه:أأأأأأأأأأأأأأأأأأأأأأأأأأأأأأأأأف
جيبي اللحاااف وأطلعي برى
راحت نجلى وشغلت النوروطفت المكيف ونزلت تحت
جنى وهي معصبه على الأخر:ياحييييييييييييووووووووووووووواااااااااااااا ااااااااااااانه
تعااااااااالي عدلي ألي سويتيه
نزلت وهي تضحك من قلب سألها أبوها:أنت وش سويتي لها خليتها تعصب كذا
نجلى:أبد شلت لحافها وطفيت المكيف وفتحت النور
ماأمداها تخلص آخر جملتها ألا وجنى جايتها وساحبه شعرها
:مره ثانيه لاتقوميني وإذا قومتيني والله أطلع عينك من مكانها أنت فاهمه
تقولها وهي تقاوم الآلام وضحك:ههههههآآآآآآآآه طيب طيب خلاااااااص بعدي
فكتها وراحت لغرفتها تتقلب وتتقلب عشان تنام مره ثانيه:أأأأففف خلاص
راح النوم الله يلعن العدو فيك يانجلوه والله أوريك في يوم من الأيام
قامت وغسلت وجهها ونزلت عندهم وجلست وهي في قمت عصبيتها وتناظر
في نجلى بكل حقد
نجلى:أنا مااااااالي دخل أبوي هو ألي قالي أصحيك
محمد:أيه أنا قلت لك قوميها بس مب بهذي الطريقه
أسماء وهي مبتسمه:يالله بس فكيها من عصبيه وأنتي رابطه خشمك تبغين فنجال قهوه يروقك
جنى:أوكيه خلنا نتقهوى وبعدين نتفاااهم::::وكانت تناظرفي نجلى
طبعا من تداخلت معهم والقهوه هي الأساسيه عندهم فصارت تشربها مثلهم..!!
نروح لمكان ثاني وبال أبدا ماهدا ولا أرتاح من بعد المكالمه ألي غيرت كثييييير أشياء في باله
حامد صحى وطلع من الغرفه ولقى تركي نفس مكانه ماتغير
:أب أب أب مب صاحي لحد ألحين صاااحي وش فيك عسى ماشر
تركي ألي أبدا ماكااااان معه
حامد حس أن فيه شي:ترووووك وش فيك الله يهديك تروك تريك ....وكان يهزه
تركي ألي توه يستوعب:ههااااااااااااااااااااه وش تبغى ياخي بعد عني والله ماني فاضيلك
حامد ألي أستغرب هذا كله يطلع من صديقه:خيير وش فيك ياأبو الشباب
تركي وهو قايم:مافيني شي أنا بروح أنام ولا تصحيني
حامد وهو يتابعه لحد مادخل الغرفه وصك الباب زفر:أففففففف
وش فيه ذا كله من بنت خاله ماقول ألا الله يهديك بس
يوم الثلاثاء يوم كئيب عند سامي لأنه شاف منظر لايحسد عليه في
بيتهم وفي غرفه أخوه بالتحديد كان يتذكر الأحداث ألي صارت
وهو في السياره بعد مانزل >>الضحيه<<
كان داخل البيت ومره مستانس عشانه شايف أغلى الحبايب لما مر
على عمه عشان يسلم عليه هو بعد يومين يمر على عمانه وعماته يسلم عليهم
سمع صوت صراخ في غرفه أخوه حسام راح يركض وفتح الباب
أنصعق لما شاف الكارثه ألي قدامه
راح بسرعه ودفع حسام على ورى بأقوى ماعنده لدرجه أن حسام
من الدهشه ماقدر يتحكم بنفسه وطاح على فازا وأنكسرت وجرحت راسه
:لهدرجه الحقاره توصلك أنك تسوي قذارتك هنا عندنا في البيت
وكان يسمع شهقات البنت وصياحها وهي تحاول تغطي أجزاء
جسمها بعبايتها المرميه ألي بصعوبه خذتها
حسام:مالك شغل فيني أطلع برى
سامي:أقول أنطم يالخسيس لحد وين بتوصل وأنتي تعالي معاي
قام حسام متوجه لسامي وهو يمسك راسه من الألم:أتركها يالكلب
مسك سامي البنت وطلع برى البيت وركبها السياره وبسرعه راح
يمشي وهو مايدري وين يروح
ويمشي بسرعه أكثر عشان مايسمع شهقات البنت ألي معاه وما يدري
وش سالفتها ولا وش صار لها من أخوه الحقيير وقف على جنب
بعيد عن بيتهم ولف لورا ثم رجع طالع لقدام وقال بعصبيه يحاول يمسك
أعصابه:وش بينك وبين حسام؟
جلست تصيح زياااده لأنه فاهم الموضوع غلط ولا ردت عليه...
:أنا أسألك وش بينك وبينه ردي بسرعه...
قالت وهي تحاول تداري شهقاتها:سامي أنا بنت فهاد صديق أبوك
أنا بنت جيرانكم
أنا صديقه عبير وجوري
بلم سامي كأن أحد صاب عليه مويه بارده ألتفت عليها بكل جسمه من
الدهشه:أنتي غيداء...لا مستحيل وكيف وصلتي لغرفه حسام؟؟!!!
قالت وهي تحاول أنها ماتصيح:أنا مارحت له ولا فكرت فيه يوم من
الأيام الموضوع ومافيه أ،ا البنات قالو لي أنهم في البيت وطفشانين
وأنا بعد طفشانه فقلت أجي عندهم لما دخلت البيت مالقيت أحد
وسمعت أصوات في غرفه حسام توقعت أنهم فيها كالعاده يجون
يفتشون غرفته بس...أهئ أهئ أهئ
:وبعدين كملي بسرعه وش صار؟؟..
:دخلت لأني ماشفت أحد قدامي قلت أكيد متخبيين ألا والباب ينصك
ألتفت ألا ولقيت واحد حاولت أقاومه بس ماقدرت كان أقوى مني بس
الحمدلله ألي ربي أرسلك لي ولا كان أهئ أهئ أهئ
أنا ألحين لازم أرجع البيت...
سامي وكان منصدم من أخوه بزياده ومنقهر:حسبي الله ونعم الوكييل...أنا بوديك لبيتكم
بس أهم شي هذا الموضوع مايدري فيه أحد حتى خواتي أما حسام خليه علي والله
لأربيه عديم الأدب ولااخلاق والدين
مشى ووصلها لبيتها وتحرك ومايدري وين يروح...
دخلت غيداء البيت وحمدت ربها أن أمها مب قدامها صكت باب
الغرفه وبسرعه جلست تصيح وبأقوى
مافيها وتطلع حرتها:آآآآآآآآآآآآآآآآآآآآآهـ ياربي ليش صار لي كذا..أستغفرالله
أستغفرالله الحمدالله..
وفي مطان ثاني غير الأضواء هذي في بيت جاسم:هاه ياأبو طلال متىالملكه أنشاالله
ناصر:أنشاالله يوم الخميس الجاي والزواج وائل وهند هم ألي يحددونه تعرف
البنت تجهز عمرها يبغلها وقت
جاسم:على بركه الله
ناصر:أجل أنا أستأذن تعرف البيت مافيه ألا البنات وجتى أمي لازم أمر
عليها يالله تامرني شي
جاسم:لا سلامتك..سلملي عليهم ماتشوف شر
ناصر:الشر مايجيك مع السلامه
طلع ناصر من بيت أخوه وراح لبيت أمه وخبر الكل أن الملكه يوم الخميس في الأستراحه
جا يوم الأربعاء بعد المغرب نزلت من الدرج راحت المجلس لقت الكل
جالسين كالعاده على القهوه
:بابا أبغى أروح لخوالي من زمان عنهم
محمد:طيب ألبسي عشان أنزلك وأنزل أخوانك عند جدتهم
راحت ومعها نجلى لبسوا وجهزوا نفسهم نزلوا وركبوا السياره ومشو
وبدت النقاشات
محمد:أكيد جاكم خبرأن بكره ملكه هند وائل
الجميع:أيه الله يوفقها
محمد:وعارفين أنها في الأستراحه والكل بيجتمع بعني أنتم مجهزين
نفسكم عندكم شي تلبسونه
ماشفتكم طلبتوا تروحون السوق
جنى نطت كالعاده:أنا عندي فساتين كثيره
نجلى:حتى أنا آخر مره دخلت السوق شريت كذا فستان عامله حساب
أي مناسبه مفاجئه
محمد:أها كويس طيب ياجنى بتنامين عند جدتك ولا أمر عليك أوديك
عند جدتك الثانيه
وتطلعون من هناك للأستراحه
جنى:لا بابا أنا ماخذه أشيائي وإذا على الروحه أنا بروح مع بنات خالي
سلطان
وقف عند باب الفله الكبير ألي وسط حوش أكبر ومزرعه على جنب
وأحواض ورود وجلسات وكراسي
المكااان في قمه الروعه أشبه بالخيال سلمت جنى على أبوها وخالتها:
مع السلامه أشوفكم بكره على خير
نزلت وجت العامله تشيل شنطنها
دخلت البيت وبسرعه راحت عند جدتها والبيت كان هادي عرفت أن
البنات راحو يصلون وأن خوالها في المسجد وقفت جنب جدتها وصلت
لما خلصوا لفت جنى على جدتها والجده فتحت يدها وضمتها:هلا والله
بالغاليه بنت الغاليين هلا بريحه الغاليه وش فيك يمه قطعتينا وش أخبارك
وعلومك بشرينا عن وضعك
جنى ألي أختصرت هذا كله:أنا بخير وبراحه..أنتي وش أخبارك ياجده والله
أني مشتاقه لك حيييل و..توها بتكمل كلامها ألا وتسمع أصوات البنات ركض
لها قامت بسرعه عشان مايطيحون على جدتهم وضموا بعض
....:وش أخبارك....:وينك يالقاطعه....:وحشتيييييني حيلاااااات>>كأنهم
ماشافوا بعض في الجامعه
جلسوا على جنب الغرفه لأنه في جلسه عشان إذا جاها أحد وعشان عيالها
والبنات إذا أجتمعوا عندها كالعاده
:أخباركم والله لكم فقده في حياتي يالداجات
سوسن:والله أنتي أكثر يادوووبا نحفانه ياحياااتي شكلهم مايخلوك تاكلين
<<كانت تقولها بشكل جدي
جنى وهي تضحك:هههههههههههاي بالله في أي مسلسل متأثره
لا حبيبتي الموضوع ومافيه أنا حبيت أنحف شوي تعرفين الجامعه وش
بسوي كلها أكل في أكل فقلت...
مرام:هي هي هي تشرحين أحياء وأنا ماأدري
ألا أقول أختك مسويه عزل ماتبغى تشوفنا ؟؟
غصون:والله أنها صادقه ليش مانعزمها الخميس الجاي
جنى وهي فرحانه:والله فكره راح تحبونها وهي راح تحبكم..أنا بقولها بكره إذا تقابلنا
حياه:ليش ماراح تنامين عندما بكره؟
جنى:لا عندنا مل..وقف كلامها دخول خوالها
سلطان:حيا الله جنو تو مانور البيت بعد نورأمي
بسرعه نطت عنده وضمته:الله يحيك هذا نوركم
وراحت تسلم على خالها عبدالرحمن
بندر:حياالله أغلى جني أأقصد جنى
كانت تماظره بعصبيه:هلا ولله بالبندوره الخضراء
الكل يضك على اللقب الجديد وألي راح يمسكونه عليه إلى أن يصدر لقب آخرأقوى:
هههههههههههههههههههههه
هههههههههههههههههههههههههههههههههههههههههههههههههه هههههههههههههههه
هههههههههههههههههههههههههههههههههههههههههههههههههه ههههه
ههههههههههههههههههـ
بدو بالسواليف والضحك والقهوه والشاهي والحلى والشوكولاته والمكسرات وخير من الله.
في جيتي لك تسرعت
آسف أنا في جيتي لك تسرعت
ظنيت ألاقي فيك شيٍ فقدته
كنت أحسبك مجروح مثلي تولعت
جربت فرقى شخص قلبك وهبته
كنت أحسبك من مر جرحك تجرعت
حبيت فيك احساس طفلٍ لمحته
لوقلت آآآه بوسط روحي توجعت
ولو شفت دمعاتك شعوري سكبته
ولو تطلب عيوني أبد ما تمنعت
وأعطيك قلبي لو بعد ماطلبته
وصلت بك أعلى مكان وتربعت
وفي قلب غيري ياالغضي ماوصلته
وأصبر على صدك وأشوفك تدلعت
وأعطيك ود وما أظنك حسبته
أذهلتني بطباعك اللي تطبـّعت
حتى قصيدي فيك أبد ما فهمته
لو كان غاياتك حروفي فأنا بعت
وأفرح بجرح المشاعر اللي جرحته
وأرجوك من صدك تراني تشبـّعت
خلك مع اللي عاجبك أو عجبته
يكفي قهر في جيتي لك تواضعت
تركت غيرك لأجل عينك وبعته
ياليتني عن حب مثلك ترفـّعت
ياليت قلبي قبل أعرفك دفنته
لكن ببعد دامني بك توهقت
الـلـه يرحـم حبـنا اللي ذبحـته
أنا شريت الود والحين أنا بعت
وأنا عطيتك قلبي اللي قهرته
في يوم جيتك أطلبك ود وأقنعت
نفسي بإنك شخص عادي عرفته
كمّــل حياتك مثل ما أنا توقـّعت
|