تراها ما حرقتك دمعاتي؟


تراها ما تعبتك أناتي؟


تراها ما وصلتك نبضاتي؟


معقولة ما وجعتك آهاتي؟


إنت إلي قبل لأحكي كنت تفهم كلماتي؟


وقبل لأشتاق تهجر الناس وتحب قعداتي


كل ذا فيني ولطيفك سكنت شفاتي


ودمعت عيوني ونزفت جراحاتي


لو ما أحبك ليه لأجلك أجهض سعاداتي؟!


تبي إثبات زود تسمع خفوقاتي؟!




حاكي القمر تراه يونسني ليلاتي


اسأله عن حالي وش فيها سهراتي


وليه أشعل قناديلي وأطفي لهفاتي


لو تدري بعدي عنك أقصى عذاباتي


ويمكن لأني بعدت هذه معك أول غلطاتي


ما تدري ليه..رجيتك .لا تظلم قسواتي


لأجلك ضميت الجرح وبعت أنا فرحاتي


لأجل ما تنجرح إنت..أموت أنا يوماتي


تكفى..نار البعد ورماد الشوق كفاياتي


هذه قصتي وما دريت حكاياتي ورواياتي



لا تعذبني وتقول هجرت وما حست غراماتي


لو على عمرك عمرين ما توصل لهفاتي


أنا إلي بيك العشق صار أحلى مهماتي




بيوم الزمن يكشف المستور من قسواتي


وتحت الجليد تدري وش كثر لأجلك تضحياتي


وتشوف القسوة بدمعتك شلون أهدتك ضحكاتي


بتدري ليش عنك بعدت وبتعذر قسواتي


وقتها تطيب نفسي وأنسى جراحاتي


ما إنت بقربي صحيح لكن يكفيني تحس أناتي


وإني لأجلك بالعمر فديت وما اهتميت يا حياتي


وبحروف اسمك وش كثر زانت شفاتي


وبطيفك رغم البعد وش سعدت همساتي


وبحبك رغم الشقى وش عمرت حياتي


إذا القلب ما فدى وش اسمه بعالم غراماتي


لأجلك كله يهون يا أجمل من له حنت نبضاتي



مما لامس ذائقتي وراقني

• ورقه ومحبره وريشه
• فضلاً .. لا اريد شكراً على الطرح .. أريد خرفشة وكتابه !!
• لمذا تتداعين لي بالغباء,,,!!/بقلمي