الــــــــــــــــــــورده الثــــــــــانيــــــــــــــه عشـــــــــر
غلا\يلى عن أذنكم بروح غرفتي انام
ام نواف\بنتي ماتبين عشاء
غلا\لا
وطلعت من يمهم ومشيت وتبعني حامد وحتى سحر لحقتنا وفتحت باب الغرفه وحطيت الشنطه على السرير وفتحتها وبديت اصف ملابسي بدلاب وهو واقف يم الباب يراقبني
غلا\شفيك أطالعني اول مره تشوف وحده
حامد\موبس اي وحده
غلا\ممكن تطلع ببدل
حامد\شفيها بدلي ماحد ماسك والا مستحيه أنك تبدلين يمي
غلا\انا نعسانه وزوجتك تستناك
حامد\انا ماعندي زوجه ثانيه
غلا\تبي اثبتلك انها زوجتك لحظه
وطلعت وناديت عليها وقلت لها مافي داعي توقفين وتتجسسين علينا اخذي زوجك
سحر\لاانا مو واقفه اتصنط بس ماره
حامد وهو رافع ايده وقابضها\انتي شنوا مصنوعه
غلا\اذكرك بلكلام والا مافيه داعي
سحر\اهي ماتبيدك يلى تعال
وانا حطيت ايده في ايدها وسكرت لباب وحطيت راسي ع لباب
غلا\آآآآآآآآه ماأقدر أخليك جنبي لمن أتاكد انك فعلآ تحبني
سحر\يلى تعال نام يمي
حامد وهو يمسك شعرها وحاط ركبته على السرير\منو انتي عشان تقولين كذا
سحر\انا زوجتك
حامد\تهبين منتي زوجتي ٌٌٌٌٌٌٌٌٌٌٌٌٌٌٌٌٌٌٌٌٌٌٌٌٌٌٌٌٌٌٌٌٌٌٌٌٌٌٌٌٌٌٌٌ ٌٌٌٌٌٌٌٌٌٌٌٌٌٌٌ ٌ ٌوطلع من يمها ٌٌٌٌ ٌ ٌ
غلا جالسه أتقلب على ذاك السرير والافكار تروح وتجي معقوله حامد يخوني بس هاذي زوجته مو خيانه وين حبه لي وينه يوم قالي اني حبيتش من اول نظره ونمت ماحسيت وجلست لصلاة الساعه 5لفجر ودخلت لتواليت وبعده صليت وأجهزة لروحتي لدوام
حامد\انتوا جننتوني انا ماأعرفكم ولا أحس بتجاهكم أي مشاعر انا ماأعرف الا غلا وينهى أهي ليكون راحت وخلتني بروحي
غلا\كاني مارحت اي مكان
حامد\طيب انتي وين بتروحين
غلا\لمستشفى لدوام
حامد\وتخليني بروحي معاهم
غلا\هاذلي أهلك مو بروحك او روح لشريكه حقتك
حامد\انا ماأعرف شي فيها ولا أدل طريجها
غلا\يلى مع السلامه
حامد\خليني أوصلك
غلا\انت ماتدل لمستشفى وين
حامد\خلاص أركب مع الي بيوديك بس ماأتم معاهم
ونزلت تحت الي كان ينتظرني صلاح وركبت السياره وهم كذالك حامد وسئلني منوا ذى قلت له أخوي صلاح وهو يشتغل عندك بالشريكه وجلس يتكلم معاه بس أعيونه على الطريق كأن يبي يحفظ الطريق عدل وصلت لمستشفى ونزلت وهم مشوا مع بعض ماعندي أي فكره اذا بيوصله للبيت او بيروح لشريكه معاه
حامد\شنوا كنا نشتغل
صلاح\نبني مصانع ومجمعات تجاريه
حامد\طيب انت تعرف مين مصادق
صلاح\الصديق لوحيد الي كنت معاه حيل أهو سلطام
حامد\كثرت عليك اسأيله بس تحملني
صلاح\مو مشكله
حامد\علاقتي فيه قوي والا لا
صلاح\ديمآ كنتوا مع بعض طيب أوصلك لبيت ولا تروح معاي الشريكه
حامد\لا لبيت ودني
صلاح\ان شاء الله
حازم\مقتنع ان زوج اختك متزوج عليها
تهاني\لا بس مثل مايقلون يامى تحت السواهي دواهي
حازم\يلى تبين شي رايح
تهاني\لا سلامتك
حازم\يلى مع السلامه
تهاني\الله يسلمك يلى صاحب افتح فمك أم شاطر
صاحب\ماما
تهاني\ياروح أمك انت
ام نواف\تعال أجلس معاي
حامد\انا تعبان ماأبي أحد فيكم
سحر\ذي مو حاله مو عيشه كلا بس غلا مافي احد بقلبك الا أهي
حامد رفع ايده وهفها كف\لا تحشرين نفسك
سحر\هين أوريك
ام نواف\روح غرفتك
حامد\شنوا كان يربطني فيش بهالغرفه حب ولا شي ثاني
سمر\طمنيني عن أحوالك
غلا\انا بخير ورديت لحامد
سمر\زين ماسويتي ومن تصرفاته انه يحبك ومانسى شي يتعلق فيك أهله ونساهم وانتي لا
غلا\وأهي شنوا تسمينها
سمر\انسيها انها موجوده بحياتك
غلا\شلون انساها وأهي معاي بنفس لبيت
حامد\يسلم قلبها هالبنت جالسه بروحها وتلعب
ام نواف\هاجلست من نامك
حامد\اي بروح أجيب غلا منو ذي بنته
ام نواف\بنت أختك خلود
حامد\ليه عندي اخت وعندي أخو بعد
ام نواف\اي بس اخوك مسافر مع زوجته
غلا\هلا خلود شخبارك
خلود\بخير وانتي طمنيني
غلا\نص نص
حامد\مين معاه جيتي
غلا\مع الي وداني وين رايح
حامد\بجيش بس انتي جيتي
خلود\شخبارك حامد
حامد\لا تقون ان ذي بعد زوجتي ترى والله أقتلها
غلا\لا ماعرفتها ذي اختك خلود
حامد\يعني الي فوق بنتها
خلود\اي وعندي بنت ثاني هند عرفتها
حامد\اي تعرفت عليها بالمستشفى مع بشير خطيبها
غلا\يلى بروح أبدل على مايجهز لغدا
حامد\بجي معاك
غلا\مو طايره عنك هذا انا يمك
حامد\خلاص ماني جاي ولا تزعلين
خلود\هذا أول مره اشوف حب بهالطريقه معنك فاقد الذاكره
سحر\تدرين انش بس تولدين بناخذ ولدك منك
غلا\هذا بحلمك
سحر\انا وياى حامد متفقين من زمان
غلا\انتي وحده كذابه ومستحيل حامد يسوي معاي كذا
سحر\اذا مو مصدقتني سئليه بيقولك
غلا\طيب طلعي بره من غرفتي
سحر\انا طالعه وبكره باخذ كلشي وانتي بره بتكونين
وطلعت وسكت لباب وانا بدلت وطلعت لصاله ولكل كان مجمع على طاولة الأكل وجيت بس شفت حامد يتخانق مع سحر أهي تبي تجلس يمه وهوا مو راضي يقول ماحد يجلس يمي غير غلا ويوم شفت كذا قلت
غلا\لا خلها تجلس انا بجلس يم هند مشتاقه لها وابي اسوالف معاها
حامد وهو يطالعني بنظرات تاكل\وانا بجلس مبينكم
وفعلآ جلس قرب كرسين يم بعض وانا خلاني بالوسط أمبينه أهو وياى هند شنوا نسميه حب ولاتملك احترت مع هاريال وتغدينا وبعدها انا رحت غرفتي عندي ملف لمريض أبي أقيم حالته وكل عاده ماأمداني جلست على مكتبي الا طق لباب
غلا\تفضل
حامد\شنوا تسوين
غلا\شنوا شايف
حامد\قاعده تقراين ملف
غلا\شاطر ممكن أسألك سؤال ~قلت ابي اتأكد من كلام سحر~
حامد\انتي مو تستئذنين انتي تقولين على طول
غلا\سحر تقول انك بتاخذ ولدي مني وبتربيه انت وأهي
حامد\لا تصدقينها مستحيل اني أخليها تربي ولدي هالحقيره
وانا هناء فرحت ودي أقوله اني احبه بس قلت لازم أتأكد أكثر وجلس يمي وهو مانزل أعيونه مني ومارفعت أنظري الا وهو نايم وقمت وحطيت عليه لحاف وجلست المس خده والله أحبـــــــــــــــك
ودخلنا بشهرين على فقدان حامد ذاكرته وانا دخلت الشهر السابع وحامد رد يدير شريكته بعد الجهد الي أبذله عشان يعرف لطبيعة شغله ولفضل يرجع الله ومن ثم صلاح وصاحبه سلطام الي ضلوا فوق راسه عشان يعرف أوضاع لعمل ودايمآ يتصل على أمه يطمن علي وعلى لحمل لان عارف اذا اتصل علي ماراح أرد عليه لو شوا ماصار
حامد\مثل مالك حق بالغرفه ترى لي فيها نص مالك فيها
غلا\الحين انت شتبي
حامد\ابي انام معاك بالغرفه
غلا\ماحزرت
حامد\اوكي خلينا نتفق
غلا\على شنوا نتفق
حامد\اني انا انا على الارض وانتي على لسرير
غلا\انا اعرف شنوا قصدك بس انا الي بنام على الارض والسرير كله لك ارتحت الحين
حامد\ اي تمام
ورتبنا وحطيت لي مخده وبطنيه على الارض وتسطحت ونمت وتدرون أهو شسوى قام وشالني وحطني على السرير وأهو الي نام على الارض وجلست الصبح وشفت نفسي نايمه على لسرير ولتفت بس ماشفته مكانه وماحسيت الا بفتح لباب
حامد\صباح لخير
غلا\صباح النور شنوا جايب
حامد\لفطور عشان تفطرين
غلا\اهنا بالغرفه
حامد\اي مافيها شي غلط
غلا\طيب أغسل وجهي وأجيلك وانا فرحانه ان حامد ماتغير علي وزاد في حبه لي وطلعت وفطرنا مع بعض وعقب ماخلصنا وصلني على الدوام رجعنا مثل قبل وهو راح لدوامه
سلطام\هايابو مرتين شلون تتعامل معاهم
حامد\خلها تولي الله يرحمك انا ماعندي الا غلا صج انت صديقي قلتلك انا مره خبرتك اني متزوج وحده ثاني
سلطام\لا مامره انا شلون طافني هاشي
حامد\تسدي لي معروف
سلطام\شنوا قول
حامد\تقدر تجمعلي معلومات عنها
سلطام\ابشر
وخلصنا لدوام ورجعنا لبيت وتغدينا ومرت الساعات وجاء ليل وليله أهو عندها حقها مو أهي زوجته
غلا\الساعه 1بس شالعطش ولكاس فاضي ياي شنوا يقومني أنزل وأشرب
وطلعت وانا أمشي وبنزل شفت ضوء يشتعل من غرفه الي جهزهى حامد لطفل ورحت وشفت واكتشفت ان حامد يوم الي ماينام عندي ماينام معاهى بغرفه ينام بغرفه ثاني يعني حتى أبهاذي وفى معاي وانا قررت اقوله مازلت أحبــــــــك ورحت شربت ماي ورجعت لغرفتي ونمت بس تدرون شنوا صار دخل علي حامد وجلس على حافة التخت وبدا يلمس ايده على جسمي ولمني وبهالحظه انا أنتبهت ولفيت عليه بس أهوى كان ماسك أيدي
غلا\حامد شنوا تسوي أهناء
حامد\مشـــــــــــــــــــتاق لــــــــــــك
غلا\بعد عني شفيك جنيت
حامد وهو توا مستوعب شنوا صار\آســـــــف ماكان قصدي خلاص ردي نامي ماراح اسوي لك شي وانا بجلس مني ومابقرب عليك
غلا وانا نكمشت على نفسي رغم ان بطني بارز ولفيت لصوب حامد وشفته جالس يم زاويا ودموعه تنزل وطالع شكله حلوا وجذاب وخصوصآ كان لابس فنيله سير عريض أسود مع سبور لونه رصاصي وحاط رجوله بحضنه وقمت أتسحلب من السرير وخصوصآ كان منزل راسه بس للأسف انتبهى ومسكني من ايدي
حامد\وين رايحه
غلا\لتواليت
حامد\انا أدري انك تبين تهربين مني
ونزلت وجلست يمه وحطيت ايدي على وجهه وبعدها مالقيت نفسي الا لمته وقلت له حامد انا بريح قلبك واقولك
غلا\اني أحبـــــــــــــــــك وماأقدر استقني عنك
حامد\وآخيرآ قلتيها وريحتيني
|