منتديات قصايد ليل - عرض مشاركة واحدة

06-19-2011

البارت الواحد والثلاثون

ليان جالسه تعدل عبايتها ... الا يطلع في وجها ... ويصدم فيها ... توها بطيح لانها لابسه كعب عالي والصدمه كانت قويه ... بس جواد مسكها ولمها ... لواحد سأل جواد في هلوقت شنو يفكر فيه لقال ... ان العالم صار بين يدينه في هذا الوقت .
جواد : ليان
ليان أنتبهت انها تمسك فيه ... على طول تركته .. وناظرته نظرات تملاها الحقد ... ليه يصير فيها كذا من كل العالم لازم تصادفه هو في كل مكان تروحه وانه القدر يحاول يجمعهم مع بعض مهم هي تقاومه وتحاول تبتعد عنه .
جواد : ليان .
ليان : لو سمحت بعد عني .
جواد : ليان !!!
ليان : وخر عني عمري ما كرهت نفسي مثل ما كرها الحين لما تعرفت عليك .
جواد: ......
غلا : ليان وينك ليه تأخرتي .
ليان : جايه ...انقلع عن وجهي .
---------------------
بعد ما طلعوا جلس جواد بقلب محطم معصور من الالم الي حاول ينساه من وقت طويل بس مكتوب عليه يعيش بحسره وبالم على طول ... هو اللي دمر كل شي بينه وبين ليان هو يستاهل كل اللي يجيله ...
حسن : شنو فيك ..
جواد : ما فيني شي بروح اجيب ماي للغثيث اللي في المجلس .
حسن : محمد ؟؟
جواد : في احد غيره .
ويدخلون ..
حسن : دنيا
دنيا : نعم
حسن : عطيتي أم خسه البرجر مالتها .
دنيا : اقول اعقل عنها .
حسن : شنو قلت أنا .
دنيا : ولا شي ... اقول خالي .
حسن : ايوووووه اذا قالت خالي معناها في مصيبه جايه على الابواب .
دنيا : لا مصيبه ولا شي بس شرايك تتزوج .
حسن : على يدك دوريلي البنت اللي ترضي تتزوجني وانا اتزوج من بكره .
دنيا : في بنت ... شرايك أخطبلك أم خسه .
حسن : موافق .
أم محمد : على طول موافق يمكن أمي ما تبغيها .
حسن : أهم شي أنا ابغيها .
أم محمد : تعرفها انت .
حسن : لا ... بس ابي اعرف قصة هذي الخسه .
جواد : مين هذي أم خسه .
دنيا : هذي وحده من اللي طلعوا قبل اشوي .
جواد : شنو " هو يفكرها ليان " حسن أنت متأكد انك تبغي وحده ما تعرفها .
حسن : اذا وافقت امي ليش لا .
أم حسن وهي داخله : وانا موافقه دام دنيا تعرفها هذي الساعه الامباركه الي ازوج فيها ولدي الوحيد وافرح فيه .
جواد : بس يمكن ما تصلح له .
دنيا : شفيها دلال بنت ما في احسن منها ولا ليكون تعرف شي احنا ما نعرفه .
جواد : دلال.
حسن : يا سلام اسمها دلال يمه قلبي قلبي يمه لحقوا علي بموت .
أم حسن : شفيك ؟؟؟
حسن : اسمها جلطني ... وحبها طعجني .
جواد ارتاح لما عرف انها مو ليان : اجل انا ابي اتزوج بعد .
حسن : اقول عن التقليد الاعمي .
أم حسن : ليش لا ونزوجكم في يوم واحد ونفتك منكم .
دنيا : أجل بدور لك وحده .
جواد : لالالا أنا ابي وحده تصير لأم خسه .
حسن : لا والله بس انا الي اسميها أم خسه .
أم محمد : خلاص انزوجك أم خياره .
دنيا : أي صح دلال عندها بنت عمه قمر ..
جواد ينط : شنو اسمها ...
دنيا : ليان
جواد : موافق .
أم محمد : اركد ياولد لا تصير مثل خالك .
جواد : زوجوني ولا ترى بنحرف .
أم حسن تمسك أذن جواد : شنو شنو شنو قلت ؟؟ عيد ما سمعت ؟؟؟
جواد : آي آي اقول خلوني اتزوج واكمل نص ديني .
أم محمد : ما في زواج هونا .
حسن : نعم نعم وانا
أم محمد : حتى انت .
حسن : اجل ستني اقتل ولدك " وينط على جواد "
أم محمد : يمه ولدي تركه .
حسن : بتزوجوني ولا شلون .
أم محمد : خلاص اعقل عن ولدي نروح نخطب لكم اسبوع الجاي .
حسن : لالالا انت تبغيني اقتل ولدك .
أم محمد : قلنالك بنخطبها لك .
جواد : بكره ..
أم محمد : حسن قتله .
حسن : اسبوع الجاي اسبوع الجاي امرنا لله .
------------------
((بعد اسبوع ))*
مشعل : يبه لازلت مصر تخليني اتزوج ليان .
بو مشعل : وليه ما تتزوجها .
مشعل : ما ابغيها ليان مثل اختي انت عمرك شفت أخو يتزوج اخته .
بو مشعل : ليان مو اختك .
مشعل : بس أنا احبها مثل اختي بس بس .
بو مشعل : انا ابغي اطمئن عليها قبل ما اموت افهمني .
مشعل : بعد عمراً طويل .
بو مشعل : ما بغى من العمر كثر ما مضي ... وانا واعد المرحومه امها اني احميها .
أم مشعل : وطو صوتكم شنو بتسون لو ليان سمعت كلامكم .
ورى الباب المغلق ليان واقفه مصدومه من اللي سمعته تحركة من مكانها وهي تجر الالم والحزن اللي اعتصر قلبها كل شي تقرب منه يدمر هي ما تجيب الا لم والحزن للكل..
-----------------------
((اليوم الثاني في العصر ))*
أم مشعل : حي الله من جانا تو ما نور البيت .
أم حسن : الله يحيك .
أم مشعل : شخبارك يأم محمد وأخبار دنيا .
أم محمد : بخير تسلم عليك .
أم حسن : بصراحه يأم مشعل احنا جاين نخطب بنتك دلال لولدي حسن .
أم مشعل : هذي الساعه المباركه .
أم محمد : ونخطب ليان لولدي جواد .
أم مشعل : أنا اسأل بو مشعل والبنات ورد لكم خبر .
--------------------
((في الليل ))*
أم مشعل : هاااا شنو قلت ؟
بو مشعل : بنسبه لدلال أنا موافق بس ليان .
أم مشعل : شفيها ليان .
بو مشعل : ودي يتزوجها مشعل .
أم مشعل : بس مشعل ما يبغيها .
بو مشعل : خلا نسأل البنت والي تبغيه ليان هو اللي يصير .
----------------
((في اليوم الثاني ))*
بو مشعل جامع ليان ودلال علشان يخذ رايهم ... ليان أول ما عرفت أن احد خاطبها غير مشعل فرحت لان بكذا ماراح يغصبون مشعل علشان يتزوجها بس لما عرفت ان جواد هو اللي خطبها تحطم كل امل لها انها تتخلص منه .
بو مشعل : هااا شنو قلتوا .
دلال بخجل : اللي تشوفه يبه .
بو مشعل : افهم من كذا انك موافقه .
دلال هزت براسها .
بو مشعل : وانتي ياليان .
ليان : أنا موافقه .
بو مشعل : اجل توكلنا على الله .
---------------
((في بيت بو فهد ))*
حسن : وافقت ...لالالالالالا مستحيل قلبي " ويمثل انه اغمى عليه "
أم حسن : متى انت بتعقل .
حسن : مستحيل الحدوث " يرجع يغمى عليه "
أم حسن : اعقل ولا ترى ما نزوجك .
حسن :اصلا انتي ما تحبيني تدورين حفره وتلوحيني .
جواد : اللهم لا تعاقبنا بما فعل السفهاء منى يارب العالمين .
حسن : الاهي ليس للعشاق ذنباً بل انت الذي تبلونهم .
جواد : الحمد والشكر لك يارب .
جواد كان مو مصدق انها وافقت يحس انه في حلم ما وده يجلس منه .
--------------
((يوم الملكه))*
جواد الي الحين مو مصدق أن ليان وافقت عليه كان طاير من الفرح حتى وهو يوقع حس انه يوقع على كنز عظيم اخيراً حصل عليه ... حتى حسن كان فرحان مع هذا متوتر من اللي بيصير بعدين كيف بيشوفها شنو بيسوي لو ما نعجبت فيه ... بس كل توتره راح لما دخلوه عليها كانت آيه في الحسن والجمال .. جالسه على عرشها مثل ملكه في الحياء والخجل والنعومه والرقه .. لو قاله أحد من قبل عن الحب من أول نظره لضحك وتمصخر عليه بس الحين بدأ يصدق هذا الشي ..
حسن : مبروك .
دلال : .....
حسن : قلنا مبروك ليكون ما تعرفين تتكلمين .
أم فيصل : الله ياخذك قول امين خوفت البنت .
حسن : ابغي اسمع صوتها مو راضيه تتكلم .
دلال : ههههههههـ
حسن : أفااااااا تضحكين علي بس ما علي بسامحك هذي المره بس
----------------

((في الغرفه الثانيه ))*
بعد ما خلوهم الحريم علشان ياخذون راحتهم
جواد : ليان .
ليان : وفر كلامك ماابي اسمع شي منك .
جواد انصدم هو كان يحسب انها سامحته وازوجته حباً فيه بس الظاهر هي ما تبغيه خلاص الحين جلس من الحلم ليدخل في كابوس ...
جواد : اجل ليه تزوجتيني .
ليان : عندي اسبابي الخاصه .
جواد : ممكن اعرف شن هذي الاسباب .
ليان : لا
-------------------
طول فترت الخطوبه وليان مو معطيه جواد اي فرصه يعبر علا عن شي اما حسن فعايش احلى جوا مع دلال صحيح هو ما يدل الرمنسيه وين بس دلال ميته عليه تعشق الهوا اللي يتنفسه ...
-------------------
((في بيت بو مشعل))*
ليان جالسه مع دلال اللي تكلم تلفون
دلال : حسن اعقل .
حسن : خلاص اخر لي مره .
دلال : هههههههههههههه
حسن : اتوب .
ليان : ابي افهم ليه تضحكين .
حسن سمعها : قولي لها مالك دخل .
دلال : يقولك مالك دخل اذا غيرانا منا روحي كلمي خطيبك .
ليان : مالت عليكم " ويرن جوالهاوتشوف المتصل جواد " ليان في قلبها لو طارين المليون احسن : الوووووو
جواد : زين رديتي .
ليان : ليان : نعم .
جواد : امي عازمتك فتجهزي اليوم الساعه 1 بجي اخذك .
ليان : أووووووووف .
جواد : ليان بلا هذره وتجهزي .
ليان : طيب " وتسكر الجوال في وجهه"
-----------------
((الساعه 1 ونص في بيت بو فهد ))*
ليان جالسه جنب جواد اللي ماسك يدها ...
جواد : عقابك بعدين .
ليان : ليه أنا شنو سويت الحين .
جواد : أجل أنا تسكرين الجوال في وجهي .
ليان : ما فيها شي .
جواد : طيب .
ليان في نفسها أنا شلون وافقت اجي معاه ... مااقدر اعامله عدل ... بس لازم اعدل اسلوبي على الاقل قدام أهله بتخيل نفسي أني نخطوبه لواحد وسيم وحلو كل البنات يتمنون واحد مثله وهو فارس احلامي اللي دايم احلم فيه انه يجيني على حصانه الابيض ويخطفني من احزان الماضي ويوديني الي المستقبل المشرق ... صحيح جواد فيه كل هذي لصفات بس مااقدر اسامحه " الا تضحك مي بقوه " ماادري كيف بتخيل في هذا الازعاج .
رفعت راسها تطالع جواد شافته يبتسم ... هذي اول مره تشوفه يبتسم فيها ... تفاجئت انه يكون احلا مليون مره ...
جواد : شفيك تطالعيني كذا ... لا تقولين انك قمتي تحبيني .
ليان : هاااا ... كيد لا .
مي : شنو تقولون .
جواد اسحبها من اذنها ووخرها : اقول ذلفي .
ليان سحبت يدها عنه ... رجع مسكها مره ثانيه .
جواد : ترى بقتلك لو يحس احد من اهلي بشي .
حمودي : بابا .
ليان على طول لفت وشافت نسخت جواد المصغره أخيراً شافت ولده ...
جواد : نعم .
حمودي : مين هدي .
ليان لا شعورين : أنا ماما ليان .
حمودي : ماما .
ليان : أي ماما ... " حملته " ياقلبي عليك مستحيل احد يشوفك ما يحبك .
جواد كان منصدم مستخرب منه ما تحبه بس تقبلت ولده بسرعه .
-----------------
((في اليوم الثاني ))*
راح جواد شركت ابوه اللي صار يشتغل فيها وفاجئ اللكل بأفكاره وذكائه وسرعه بدهيته وتعلمه لطبيعة الشغل ... بس اليوم جاي معصب فدخل مكتب اخوه محمد ..
محمد : هي اشوي اشوي على الباب شفيك معصب .
جواد : من ايوك حدد وقت الزواج في وقت بعييييييد .
محمد : متى خلاه .
جواد : بعد شهر .
محمد : الحين شهر بعيد .
جواد : الشهر هذا احسه سنه .
محمد : اقول روح لشغلك احسن لك هذا حسن ما راح يتزوج الا بعد اربع اشهر .
جواد : احسن لي انا اروح اجيب ليان من الكليه .
----------------
((في الكليه ))*
نوره : متى تبدأ محاضرتك .
ليان : بعد نص ساعه .
لارا : الا ليان شخبار الحبيب .
ليان : اي حبيب .
لارا : الخطيب .
ليان بدون نفس : بخير .
نوره : ليه ما تجيبين لنا صوره له خلينا نشوفه .
ليان بعصبيه : هو مو فرجه علشان اوريك اياه بعدين شتشوفين فيه عمره 50 سنه ومتين وقزم واصلع وعنده 7 اعيال .
نوره : كل هذا فيه وماخذته شكلك تموتين عليه علشان ما تشوفين كل هذي العيوب .
لارا : ما تشوفينا ما تبغي تجيب حتى صورته تغار عليه .
ليان : ماراح ارد عليكم انتوا ناس فاضين .
يرن جوال ليان
لارا تغمز لها : اكيد هو .
نوره : خلينا نسمع صوته .
ليان : اصلا ماراح ارد عليه .
الا تاخذ نوره جوالها : اذا ماراح تردين انا راح ارد .
ليان : هاتي الجوال .
نوره : رديت .
تسحب ليان الجوال من عندها وترد: الووو
جواد : ثعلبتي الصغيره شنو فيها .
ليان : من ثعلبتك الصغيره .
جواد : انتي انا قررت اسميك ثعلبتي اذا كنتي زاعجتني واسميك اميرتي اذا صرتي عاقله .
ليان : لا والله والحين شنو سويتلك أنا .
جواد : ما قلتيلي متى تخلص محاضراتك .
ليان : ليه تبغي تعرف .
جواد : لاني انا الحين يم باب الكليه جاي اخذك .
ليان تفكر : يم البوابه .
جواد : يس ودنيا مووووت حر .
ليان : ليه سيارتك ما فيها مكيف .
جواد : الا فيها بس ما حبيت اجلس فيها واتبرد وانتي تحترقين في هالحر .
ليان : اجل دقايق واكون يمك " وتسكر " .
نوره : الحين مو قلتي عندك محاضره .
ليان : لا تخافين بجي .
وتلبس عباتها وتطلع وتشوفه بكامل رجوليته بثوبه ونظراته الحاده اللي تفتش عنها ... اول ما شافتها فتح لها باب السياره وعلى طول دخلت وجلست قبل ما يركب سحبت مفاتيح السياره بعد ما طفتها ونزلت من السياره .
جواد منصدم ومستغرب من الي سوته :ليان شنو تسوين .
ليان : تذكرت ان عندي محاضره بعد ربع ساعه .
جواد : طيب جيبي الفاتيح .
ليان : لا " وتدخل الكليه "
لارا : شنو سويتي ليه طلعتي .
ليان تبتسم : ولا شي ...
-------------

((بعد ساعتين))*
خلصت ليان محاضراتها ... ونست كل شي عن جواد ... وطلعت علشان ترح البيت الا تشوف البنات يطالعون في واحد وهم خاقين عليه .
: يا قلبي شكله ميت من الحر .
: ياربي ياحلوه .
: شكله معصب حده .
: شكلي بروح له واصير خادمه له طول العمر .
ليان شافت نوره معاهم .
ليان : نوره مين تطاعون .
نوره : نطالع القمر الهناك طالعيه مو يهبل .
ليان اول مالفت على الجهه اللي اشرت عليها نوره شفته ... كان واقف بجن السياره والعصبيه باينه على ملامحه وشكله مبهدل مه هذا وسامته مايقدر احد ينكرها حتى وهوفي هذا الموقف .. كان يطالع كل البنات بغرور وتعالي ... تقدمت نحوه اول ما شافها جى لها والبنات مستغربين يبغون يعرفون مين سعيده الحظ اللي تعرف مثل هذا الشخص الوسيم واللي الكل خاق عليه ... جواد لما صار قدامها مد يده لها ... هي خافت ورجعت على ورا .
جواد : لالا مو مره ثانيه ... ليان قلتلك تعالي .
ليان في نفسها : شكله بيقتلني " حاولت تهرب بس هو اسرع منها ومسكها " .
ليان دمعت عينها : والله العظيم أنا اسفه ماادري شنو صارلي ارجوك جواد لا تسوي فيني شي .
جواد : انتي شنو تقولين ... اقول انتي بس جيبي المفتاح .
طلعت له المفاتيح من الشنطه وعطته ايهم .
جواد : يلا لحقيني .
ليان : شنو ماني جايه معاك بروح مع السواق .
جواد : والله العظيم اذا ما جيتي وركبتي السياره الحين بحملك قدام الكل واركبك .
ليان بعصبيه لحقته وركبت .
ليان : وين بنروح .
جواد : الحين بتعرفين يا ثعلبتي المخادعه .
------------
((في بيت بو فهد ))*
أم فهد : جواد بعد ما قام من الغيبوبه تغير كثير .
أم محمد : صار يعتمد عليه ويتحمل المسؤليه .
أم فهد : الله يوفقه .
أم محمد : امين .
---------------
((عند جواد وليان ))*
جواد : يلا نزلي .
ليان : وين انزل .
جواد : شقتنا بعد شهر زواجنا وانتي الي الحين ما شفتيها .
ليان : ماابي انزل .
جواد بعصبيه : نزلي .
ليان خافت ونزلت ... لم دخلت الشقه شهقت .
جواد : ادري انها مو كبيره حيل ومابعد تخلص تأثيتها بس تحملي كلها سنه وابوي يخلص بني جناحنا وجناح ريانوه وننتقل فيها .
ليان : هذي شقه صغيره لو اني متأكده ان احنا في عماره لقلت ان هذا قصر .
جواد : ههههه ... تفرجي على الشقه على راحتك انا بروح اخذ لي شور واجي ..
--------------
((في بيت أحمد وكوثر))*
أحمد يلعب مع بنته رناد ... انتبه ان كوثر سرحانه .
أحمد : كوثورتي شفيك .
كوثر : ولا شي .
أحمد : متأكده .
كوثر تتنهد : اي .
أحمد : كوثر .
كوثر : بصراحه في شي ز
أحمد : شنو .
كوثر : مو لازم تعرف اخاف تزعل .
أحمد : ماراح ازعل قولي .
كوثر : بصراحه يأحمد ... لالا ما اقدر اقولك اكيد بتزعل وبتجلس تصارخ علي .
أحمد : ماراااااح اصاااارخ .
كوثر : هذا الحين انت جالس تصارخ اجل لو اقولك اني حامل شنو راح تسوي .
أحمد فتح فمه : شنو قلتي .
كوثر بدلع : أنا حامل .
أحمد بفرح : والله مو مصدق .
كوثر : صدق اللي يشوفك يقول اول مره احمل .
أحمد بحنان يحضنها : أحبك .
كوثر : حتى انا .
---------------
جواد خلص شور فلبس روب الحمام وطلع ... ولقى ليان جالسه في الصاله تقراء في مجله ... مو منتبها عليه .
جواد : شنو هالموضوع اللي شادك كذا .
ليان ارتاعت : الله ياخــ ......
----------------
نهاية البارت