منتديات قصايد ليل - عرض مشاركة واحدة

06-19-2011

بارت ثلاثين

((يوم ملكة ريان ))*
محمد : احلى يا عريس .
ريان : هههههه اعيونك الحلوه .
محمد : خير شفيك ليه هذي النظره الحزينه .
ريان : كان ودي امي تكون موجوده معاي اليوم .
محمد : الله كريم .
ريان : انت يوم ملكتك كانت امك موجوده يمك تبخرك وتعطرك ... بس أنا ..؟؟
الا في دخلت أم محمد وسمعت كلام ريان : أفااا وانا وين رحت .
قام يبوس راسها .
ريان : الله يخليك لنا يايمه .
ام محمد : يلا عجل ياولدي .
ريان : ان شاء الله .
وتروح ام محمد ليارا في الملحق وكانوا البنات عندها .
جود : ياربي على اليستحون .
الجوري : اي خالتي خلصت .
ام محمد : على خير ان شالله .
--------------------
((ريان في غرفته ))*
جالس سرحان يتمني تكون امه في هالحظة معاه ودمعت عينه بس حاول يخفيها عن الكل شوي واحد يضرب باب غرفتة .
ريان : ادخل .
: اهلين وسهلين يا عريس .
ريان مذهول اخر شخص توقع يشوفه في عالحظة وتجمد في مكانه .
: شو ما بدك تسلم عالماما ؟
ريان بلهفه وحب قام يسلم على امه وضمها وباس راسها : اشتقت لك يالغاليه " دمعت عيونه " .
أم ريان : وأنا كما أشتأت لأيلك كتير لألأ شو هيدا اليوم كتب كتابك مابدي اشوف هي الدموع .
ريان : حاضر .
أم ريان : يلا أنا رايحه أشوف عروستك .
ريان : طيب يالغاليه .
ترك ايدها وهو مو مصدق ان شاف امه .
-------------------------
((عند يارا ))*
أم ريان : مرحبا .
الكل استغرب وما عرفها ...
ام محمد : شفيكم نسيتوا ام ريان .
الكل سلم عليها .
نوره : سعد من شافك يا خالتي .
أم ريان : أنا أسعد حبيبتي .. كيفك العروسه .
يارا بخجلها المعتاد : بخير ... انتي شخبارك يا خالتي .
أم ريان :أنا منيحه وعال العال ... يخزي العين حوللك وحوليكي ... نيالك ياريان على هيك عروس .
يار احمرت خدودها ونزلت راسها .
أم محمد : يلا أم ريان تعالي أرتاحي توك جايه من سفر .
وتروح أم ريان مع أم محمد للصالة وجلسون يسالفون ...
-------------------
((بعد ما ملك الشيخ ))*...
أم ريان كانت مع ريان في الممر .
أم ريان : الف الف مبروك .
ريان : الله يبارك فيك يالغالية ... الا وينها .
أم ريان : مين .
ريان : يارا .
أم ريان " حبت تلعب باعصابه شوي " : اهااا ... يارا راحت تنام المسكينه تعبت كتير اليوم .
ريان : شنووووووووووووو نامت ليه ... تروحون تجلسونها الحين .
أم ريان : هههههه ... شوفيك مستعجل كتير هلأ رايح تشوفها ... يلا تعال معي ...
ويروحون ليارا ...
ريان : الف مبروك حبيبتي ...
يارا " بخجل " : الله يبارك فيك .
أم ريان : يلا يابنات نترك العرسان لوحدهم .
ويطلعون ... ويجلسون يارا وياريان يسالفون او بالاحرا ريان يتكلم ويار مستمعه ...
-------------------
((اليوم الثاني في المستشفى ))*
فهد يكلم ليان ...
فهد : هااا فهمتي .
ليان : مشكور وما تقصر دكتور فهد .
فهد : ما سويت شي ... أنتي بسرعه تفهمين ما شاء الله عليك ... علشان كذا احب اشرحلك ...
ليان : تسلم " لاحظة أن الدكتور فهد بيدخل غرفه " شكراً ... شكلي عطلتك عن شغلك أخليك .
فهد : لا ما عطلتيني أنا هنا في زياره بس .
ليان تطالع الغرفه اللي بيدخلها كانت غرفة 222 ...
ليان بستغراب : زياره .
فهد : اي زياره جاي ازور اخوي ... بس نقدر نكمل نقاشنا داخل .
ليان ارتبكت : لا ما يحتاج ما ابي ازعجك وانتمع اخوك .
فهد ابتسم : ما في اي ازعاج ... " ودخل الغرفه " .
وقفت ليان محتاره تدخل ولا لا ... في الاخير قررة تدخل ... ستجمعت قواها وتحركة ... لما صارت داخل الغرفه ... ركذت نظرها على الدكتور فهد ... ما قدرت تنزل عيونها وطالع الشخص اللي يحتل جسمه السرير اللي قبالها .
فهد : شفيك قربي .
قربت وعيونها مركزه على الدكتور فهد ... استغربت ارتجاف جسمها ...
توها بتمدله الدفتر ... طاح الدفتر من يدها اللي ترتجف ... انحنت علشان تشيله ... لما جات بتقوم حطت يدها تلقائياً على السرير ... حست أن يدها لا مست شي غير عن ملمس السرير الابيض ارفعت عيونها علشان تشوف هي شنو لمست ... كان يد ... ارتعشت يدها بس ما تدري ليه تجمد جسمها ولا قدرة تحرك يدها أو حتى تبعدها ... رفعت عيونها على اللي منبطح على السرير ... ما قدرت تتنفس ... حست ان قلبها بيطلع من مكانه ... كان نايم بكل هدوء ... شكلها مختلف عن الصوره ... شكله ضعيف وهزيل والمرض باين على وجها ... والاجهزه متصله فيه ... فهد يراقبها وهو مستغرب منها ... فجأه حست ليان بيدها تتحرك بس هي ما حركتها ... طالعت يدها ... ورجعت تطالع فيه ... هذا هو الشخص اللي كانت دايم تتمني تقابله ... هذا هو الشخص اللي خدعها وكذب عليها وكان بيدمر حياتها ... هذا هو الشخص اللي لطالما حلمة او تخيلت انه يكون فارس احلامها ... رجعت تحس بنفس الحركه في يدها بس هالمره حست فيها اقوى ... اخيرا استوعبت الي يصير .. يتحرك ... هو اللي يتحرك ...
ليان " لا شعوريا " : حرك يده ... حرك يده ... دكتور فهد حرك يده .
فهد : أنتي شنو تقولين .
ليان : أقولك حرك يده .
فهد : مستحيل ... أخوي في غيبوبه مستحيل يجلس منها .
ليان : شوفه ماسك ايدي .
فهد لاحظ ان دقات قلب جواد بدت تتسارع وطالع يده كان ماسك يد ليان : جواد إذا تسمعني طلبتك فتح عيونك ...
هنا بدأ يسمع مثل صوت الانين من جواد ... ووسط دهشت فهد جواد فتح اعيونه بصعوبه ... كان كل تركيز جواد على ليان ... فهد على طول حضن اخوه من الفرح ... هذا الشي خل جواد يترك يد ليان ... وعلى طول ليان ما تحملت توقف لجنبه اكثر ... جرت بأسرع مايمكن علشان تبتعد عنه طلعت من المستشفى ما تبي تضعف ... هي وعدة نفسها انها تنساه ...
-----------------------
جود كانت نايمه لانها تعبت كثير في ملكة ريان ماحست بنفسه الا وهي تفز من النوم وتصرخ : جواد .
صرختها جلست محمد سلمان اللي كان نايم يمها : جود شفيك .
جود : جواد فيه شي .
محمد : أنتي جالسه تحلمين شكلك .
جود : اقول جواد فيه شي حاسني قلبي انه فيه شي .
محمد : شي مثل شنوا .
جود : مدري ... مدري ... محمد الله يخليك ودني له ابي اشوفه .
محمد : بس انتي تعبانه لازم ترتاحين .
جود : لا ابي اشوفه ودني له .
محمد احتار شنو يسوي خاف عليها يصير فيها شي : خلاص قومي لبسي .
جود على طول قبل ما يخلص محمد كلامه راحت تغير ملابسها ... بعد نص ساعه كانوا في المستشفي ... وكل ما قربت من غرفت أخوها زادت دقات قلبها أكثر ... بس مو خوف ... تقدر توصف هذا الشعور بأي شي الا الخوف ... وصلوا للغرفه ولاحظة حركه غريبه في غرفته ... توها بتدخل الا طلع لها فهد معاه مجموعه من الاطباء والممرضات ... حطت جود يدها على قلبها ... انتبه لها فهد ابتسم في وجها ... وقرب منها وقال : توني كنت راح اتصل عليكم ... بس انتي سبقتيني ... روحي له ترى ينتظرك ...
اركضت جود بكل قوتها لداخل الغرفه وشافت أخوها منسدح على نفس السرير بس اليوم غير ... اليوم جواد جالس ... صحيح ان علامات التعب باينه عليه ... بسهو صاحي تقدر تكلمه ويسمع لها ... على طول راحت له ورتمت على صدره وصارت تصيح ... مسح جواد على راسها .
فهد : جود ليه هذي الدموع خلاص المفروض الجين تفرحين لانه جلس .
محمد : حمد الله على السلامه .
جواد طالع محمد وهز راسه ...
فهد كان قايل لجواد انه كان في غيبوبه مدة سنتين ... بس جواد ما عرف عن التغيرات اللي صارت بس فهم من دخلت محمد مع جود انهم تزوجوا ...
فهد : يلا نخليك ترتاح الحين .
جود : اي يرتاح ما في مستحيل اتحرك من مكاني اليوم .
فهد : بس كذا تعب عليه .
جود : ماراح اخليه يتعب ... بس الحين انت دقيت على امي وقلت لها .
فهد : يووووه ... نسيتيني بروح ادق عليهم ... محمد ترى مو بس جواد الي محتاج يرتاح حتى زوجتك شكلها تعبانه .
محمد : من عيوني ... جود خلينا نمشي الحين وبعدين نرجع .
جود : تحلم ...
محمد : جواد يرضيك اختك تتعب ولدي .
جواد تفاجئ ولف على أخته .
جود : ماودك تبارك لي .." واشرت على بطنها " .
بتسم لها جوا د وهو في نفسه يقول : فاتتني اشياء كثيييييره .
-------------------
بعد ما طلع فهد من الغرفه دق على أبوه ...
بو فهد : الووووو .
فهد : السلام
بو فهد : وعليكم السلام ... غريبه داق في هذا الوقت ...
فهد احتار كيف يقول لابوه الخبر : انت وين الحين ..
بو فهد : انا في الشركه ... تكلم في شي ... لا تقولي جواد صار له شي ..
فهد : يبه جواد جلس .
بو فهد : شنو ..
فهد : جواد صحى من الغيبوبه .
بو فهد دمعت عينه : انت متاكد .
فهد : اي توني طالع من غرفته حتى جود الحين عنده .
بو فهد : الله يبشرك بالخير ... نص ساعه وانا عندك ... يلا مع السلامه .
ويسكر بوفهد وهو مو مصدق الخبر الي جاله الحين على طول طلع من الشركه راح البيت ...
------------------
((بيت بو فهد ))*
ام فهد : ياولد استح على وجهك واطلع من المطبخ .
ريان : ابي اساعدكم .
ام محمد : اطلع خل البنت تتنفس ...
ريان من جلس الصبح وهو جالس مع يارا مو مخليها تتنفس ...
ريان : يارا شرايك نطلع اليوم ..
يارا : .....
ريان : تكلمي ابي اسمع صوتك من زمان ماسمعته .
الا تقوم عليه جدته ام جاسم : بتوخر عن البنت ولا بالعصا على راسك .
ريان على طول يقوم ينحاش قبل ما تضربه جدته ..
في الصاله الجوري جالسه مع مشاعل .
مشاعل : غريبه مخليه بنتك وجالسه في الصاله .
الجوري : علشان تعرفون اني ما اهتم فيها حيل مثل ما تدعون .
مشاعل : اي مبين ... كأني اسمعها تصيح .
الجوري تفز من مكانها : يمه بنتي ..
مشاعل : ههههههههههههااااااااااااااااي .
الا على دخلت محمد ورغد ..
محمد : شفيك تضحكين يالهبله .
رغد : السلام ...
مشاعل الجوري : وعليكم السلام .
مشاعل : شفت الناس الي تسلم ول مو تقول شفيك تضحكين يا الهبله .
محمد : لا يكثر اقول ... وين امي ؟
الجوري : في المطبخ بس لا تروح يارا هناك .
مشاعل : وانا اقول ريان من صباح الله في المطبخ اثاري الحبيبه هناك .
محمد : اجل روحي خربي عليهم الجو .
مشاعل : طيران ...
رغد : ههههه والله انك خبله .
محمد : لا تخلين جواد وهشام يطالعونها لا يتخلفون مثلها .
الا يدخل بو فهد عليهم : لسى ما تجهزتوا الي الحين .
محمد : نجهزا حق شنو .
بو فهد : علشان نروح لاخوكم ما قال لكم فهد .
أم محمد : يقول لنا شنو .
بو فهد دمعت عينه : جواد .
أم محمد : لا لا تقول صار فيه شي لالا تقول .
بو فهد : جواد صحى يأم محمد صحى .
---------------

اول الواصلين للمستشفى هم أم محمد وابو فهد وام فهد ومحمد ورغد ....
اول ما دخلت ام محمد وشافت جود وجواد قامت تصيح فرحانه ابهم وضمت جواد ... ومحمد مو عارف يعبر عن سعادته بأخوه ... وبعدها اتشر الخبر عن العائله كلها ... الكل جى يزور جواد وفرحانين ...
حسن : بس ينقصك الامير الوسيم اللي يجي يقبلك قبل ما تصحى وتصير الجميله النائمه .
فهد : اجل ابشرك هو الحين الجميله النائمه بس بدون البوسه .
فهم جواد ان فهد يقصد ليان ... في الزاويه أحمد ماسك كوثر وواقفين ... كأنهم ينتظرون أحمد يعطيهم الضور الاخضر ...
جواد : الا وين ... كو..ثر ... ما اشوفها الا هي ولا احمد ... ليه ماجوا معاكم ...
الكل سكت ...
كوثر شدة على يد أحمد : أنا هنا .
جواد : أووووه ... سوري ما شفتك ... بس غريبه ... ساكتة في العاده لسانك ... ما يتعب من الكلام ... ولا يعني ... كبرتي ... وين بنتك هههه ... أكيد لسانها طويل مثلك ...
جود : اووووه وازيد .
كوثر : حدكم عاد الا بنتي لا تتكلمون عنها .
محمد سلمان : ان الله وان اليه راجعون يعني لازم تشغلون الراديوا .
جواد : كوثر ... بذمتك ... ما شتقتي لي .
كوثر : .........
جواد : ول ... كل هذا غيرك أحمدوه علي ... خلاص يا أحمد اتركها ... ما راح تضيع ...
أحمد : أقول لو ترجع تنام احسن .
جواد : الحمد لله ... أنا حسبتك ... لما جيت بتتكلم ... بذلني على كليتك .
أحمد : اي ذكرتني مدامك جلست يلا ادفع .
جواد : شنو ...
أحمد : ثمن الكليه أجل كليه بلاش .
الكل : ههههههههههههههههههههه
----------------------------
بعد شهر من العلاج طلع جواد من المستشفى ... وليان تركت الشغل علشان تبتعد عنه ... وولدت دنيا وجابت الولد اللي دايم يحلمون فيه هي وطلال ...
----------------------------
((بيت بو فهد ))*
حمودي : بابا ..
جواد : نعم .
حمودي : سوف عمه تدلبني .
جواد : اي عمه .
حمودي : عمه ... مي .
جواد : وليه تضربك .
حمودي : مدلي يمكن ماتحبني .
جواد : مي ... يا مي .
مي : نعم خير شتبغون الكل يبغي مي .
جواد : لا تحسبين نفسك شخصيه مهمه .
مي : انا اصلا شخصيه مهمه من غير لا تقول .
جواد : طيب يا الشخصيه المهمه ليه ضربتي حمودي .
مي : لانه يخرب في أغراضي .
جواد : ما يحقلك تضربينه مره ثانيه راح اقص يدك فاهمه
مي : فاهمه فاهمه .
أم محمد : جواد شفيك تصارخ في حريم عن أختك قصر صوتك .
جواد : كل يوم في حريم يعني هذا شي جديد .
أم محمد : شفيك أنت اليوم معصب .
جواد : مدري بس متضايق .
أم محمد : ليه ماتطلع اشوي .
جواد : وين اروح قولي لي .
أم فهد : ليه ماتروح الشركه وتشتغل مع ابوك .
أم محمد : وبدأ حياتك من أول وجديد بس هل مره ابديها صح .
أم فهد : يلا قوم روح من الحين .
جواد : مدري شنو اسوي هناك .
جود : إذا رحت بتعرف .
أم محمد : متى جيتي الحين أنتي .
جود : توني الحين ...
أم فهد : زوجك راح .
جود : لا دخل المجلس .
أم محمد : جواد روح الحين اجلس مع محمد وفكر في الي قلناه لك .
جواد : يصير خير ... " يقوم ويلحقه حمودي " وين بتروح أنت .
حمودي : معاك .
جواد : اجلس هنا بس .
حمودي : لا .
جواد : شنو لا .
حمودي : اروح معاك .
جود : ياربي يا جواد لا تصير بزر واخذه معاك .
جواد : بل تصارخين علي علشان هنتفه .
جود : ياقلبي على هنتفه تعال حمودي .
توها بتحمله خذه جواد من عندها
جواد : نرى هو كبير يعرف يمشي مو زين لك تحملينه .
جود : أنا دايم احمله شنو تغير الحين .
جواد : اللي تغير الكوره اللي في بطنك كبرت .
جود وهي ترفع يدها : جواااااد .
جواد : بعد للحين مو مستوعب انك حامل .
جود : لا والله
جواد : خلوني امشي احسن " ويروح المجلس مع حمودي "
جود : يمه مين عند دنيا .
أم محمد : مدري وحده من ربعها يوم هي في المدرسه .
جود : من ايام المدرسه ولا نسوا بعض .
أم فهد : هذا صديقتها من اول بتدائي .
جود : شكلهم اصدقاء حبل بروح اسلم عليهم اجل .
--------------------
((عند دنيا ))*
دنيا : والله تغيرتي يا غلا .
غلا : حتى انتي .
دنيا : كبرنا ... الا شنو اسم بنتك .
غلا : كم مره اقولك اسمها دلع .
دنيا : انسى ...
غلا : واااااال .... اخر مره جيت بيتكم متى .
دنيا : يمكن ثالث متوسط قبل ما انقل مدرسه ثانيه .
غلا: صح .
دنيا : الا وين اختك حلا ليه ماجات .
غلا : مسافره هي وزوجها ايطايا زوجها مبتعث هناك .
دنيا : الله يرجعهم بسلامه .. مين فيكم دلال .
دلال : تعرفيني .
دنيا : ارفكم كلكم بس شكلك انتي اللي نسيتيني .
دلال : يعني كنتي تجين بيتنا .
دنيا : اكيييد .
دلال : اهااا .
دنيا : بس ما عرفت هذي اللي معاكم .
غلا : هذي بنت عمتي ليان .
دنيا : اي تذكرتها شفتها مره او مرتين بس ... شخبارك ليان ز
ليان : الحمد لله .
تدخل جود : السلام عليكم .
الكل : وعليكم السلام .
دنيا : اتحداك تعررفين مين هذي .
غلا : سهله أختك .
دنيا : هه هه هه هه ما يضحك .
غلا : وانا قلتلك ضحكي .
دنيا : هذي جود .
ليان بس سمعت اسم جود انقبض قلبها وصارت تطالعها كأنها تدور جواد فيها ...
--------------------------

((في المطبخ ))*
حسن يتسلل ورا أم محمد ....
حسن : بوووووو .
أم محمد : بسم الله الرحمن الرحيم ... جسبي الله عليك من ولد تبغي تموتني .
حسن : هههههههه ... والله شكلك نكته .
دنيا : شفيك يمه تصارخين .
أم محمد : خالك يبغي يموتني .
حسن يبوس راسها : جعل يومي قبل يومك .
أم محمد : اي قام يتميلح ... وأنتي قايمه روحي انبطحي مو زين لك الحركه .
دنيا : مليت كل منسدحه قلت خل اتحرك .
أم محمد : الحين صديقتك طلعت .
دنيا : لا .
أم محمد : ليه تاركتهم وجايه ؟؟؟
دنيا : جود يمهم ... يمه شنو تسوين .
أم محمد : اسوي لاخوك شي ياكله .
حسن : يا سلام حتى أنا ابغي برجر .
دنيا : عطيني وحده .
أم محمد : ليه .
دنيا : ابغيها " وتاخذ وحده وتحط فيها خسه صغيره حيييييييل " .
حسن : ياهوووو ليه حاطه هلخسه اللي ما ترى بالعين المجرده .
دنيا : هذي لوحده دايم واحنا صغار تسوي هلحركه .
حسن يفتح الثلاجه ويطلع خسه كامله ويحطها لدنيا : ياغبيه يمكن أم خسه ما عندها خس فهي توفر الخس الاخضر لليوم الاسود فحطي هذي كلها لها .
دنيا : يا غبي هي اصلا ما تحب الخس .
حسن : اجل ليه تحط لها خسه مجهريه .
دنيا : مدري عنها ز
حسن : سلمي على أم خسه قولي لها حسن يقولك ترا عقلك زاحف .
دنيا : هههههههه ان شااالله ... " وتروح "
غلا : وين رحتي .
دنيا : رحت أجيب شي .
غلا : شنو .
دنيا : دلال مسكي .
دلال : شنو هذا .
دنيا : برجر .
دلال : هاااااااااااا
غلا : ههههههههه ولا نسيتي .
دنيا : مستحيل انسي ... برجر دلال مع خسه صغيره كبر النمله .
دلال : الله يسامحكم .
دنيا : ليكون زعلتي .
دلال : أي زعلت ... جيبي البرجر .
ليان : الحين انتي زعلان .
دلال : كيفي .
غلا : يلا احنا نستأذن الحين .
دنيا : لسى بدري .
غلا : حمد دق .
دنيا : أهاااا بس ترى ما اعتبرها جي هذي .
غلا : يصير خير .. المره الجايه في بيتنا .
دنيا : يصير خير .
غلا : يلا مع السلامه .
دنيا : دلال لا تزعلين امزح بس ابغيك تعرفين اني اتذكرك .
دلال : لا والله ما زعلت .
-------------------
((في المجلس))*
محمد سلمان : ياخي ارحم حالي وروح جيب لي ماي .
جواد : خدام أبو اللي جابك .
محمد سلمان : عطشان .
جواد : خلاص كسرت خاطري بروح اجيبلك .
محمد سلمان : أخيراً
--------------------
ليان جالسه تعدل عبايتها ... الا يطلع في وجها ... ويصدم فيها ... توها بطيح لانها لابسه كعب عالي والصدمه كانت قويه ... بس جواد مسكها ولمها ... لواحد سأل جواد في هلوقت شنو يفكر فيه لقال ... ان العالم صار بين يدينه في هذا الوقت .
جواد : ليان
----------------------------------
نهاية البارت