البارت التاسع والعشرين
: هذا بيت جواد عبد العزيز (..........) .
جود بدأ الخوف يتسلل إلى قلبها : أي مين معي .
: الأخ جواد مسوي حادث ياريت تجون مستشفي (..........) لأمر ضروري .
صوت سقوط سماعة التلفون وصرخة رعب .
لااااااااااااااااااااااااااااااااااااااااااااااااا ااااااا.
----------------------------------------
((بعد مرور سنتين))*
ليان جلسه مع خالها ....
ليان : يا خالي طلبتك .
بو مشعل : ليه تبغين تشتغلين محتاجه شي ناقصك شي .
ليان : لا يا خالي أنت مو مخليني احتاج شي بس شغلي في المستشفى راح يساعدني في دراستي .
بو مشعل : وشلون راح يساعدك وأنتي راح تشتغلين في رسبشن .
ليان : علشان اتعود على جو المستشفى علشان إذا جات سنة اللي راح اطبق فيها اكون متعودة على الوضع .
بو مشعل : ما اقدر اقول لك لا سوي اللي تشفينه لمصلحتك .
ليان : يعني موافق .
بو مشعل : موافق .
---------------------------------------
ليان بعد اللي سوه فيها جواد وبعد وفاة أمها انعزلت على نفسها مدة طويلة وحتاجة وقت طويل لين ما طلعت من عزلتها ... كانت ندمانه على أنها وثقت بشخص تعرفت عليه عن طريق النت .. حتى لو قال لها أنه بنت هي كانت تعرف أن أغلب اللي في النت ما يكشفون عن هويتهم ... كانت تلوم نفسها على طول ... وبعدين هي كيف تحب شخص شافت بس صورته وسمعت عنه ... لا هي ما حبته هي بس انعجبت بالكلام اللي كان يقوله عن نفسه ... بس لما عرفت الحقيقة كرهته ... كانت خايفه تفتح النت وتلقى صورها منتشرة ... كانت تنتظر في أي وقت يكشف أمرها ... بس مع الوقت قدرت تشغل نفسها عن التفكير ونست جواد ومسحته من حياتها .... والحين هي قررت تبدأ حياتها من جديد بس هلمره صح ... لذا قررت تشتغل وتعتمد على نفسها من الحين ....
---------------------------------
غلا : يعني إلا سوتي اللي في رأسك .
ليان : والله كذا اريح لي .
غلا : كيفك أنتي تعرفين مصلحتك بس الشغل ما راح يشغلك عن الدراسة .
ليان : لا
غلا : طيب متى تبدئين شغل .
ليان : بكرة .
غلا : بهذي السرعة .
ليان : خير البر عاجلاٌ .
-----------------------------------
بدأت ليان شغلها في المستشفي .... في البداية لاقت صعوبة بس مع تعاون الموظفات معها صار الموضوع سهل ... ومن أول يوم حبة شغلها .. خاصة أن كل إلى يشتغلون كانوا طيبين ومحترمين ... ومع الوقت قدرت توفق بين شغلها ودراستها .. و الأطباء بعد ما عرفوا أنها طالبة طب صاروا يهتموا فيها أكثر وما يبخلون عليها بأي معلومة تطلبها ... وأي وقت تحتاج أجازة لدراستها يعطونها ... ومر شهر على شغلها وهي مرتاحة حيل في شغلها ....
----------------------------------------
ليان : لو سمحت دكتور فهد ...
فهد : نعم ..
ليان بخجل : أنا أدري أني أخذت أجازات كثيرة بس أنا محتاجة لأجازه اليوم بعد .
فهد يبتسم : أنتي من الحين عندك أجازه يلا روحي بيتكم قبل ما أغير رائي .
ليان : شكراً يا دكتور .
فهد : لا شكر على واجب .
وتروح ليان .... ويرن جوال فهد ..
فهد : يا هلا بالغالية .
أم فهد : لو أنا غالية كان جيت زرتني .
فهد : تدرين عن الشغل .
أم فهد : لالالالالا تتحجج لي بشغل اليوم تجي عندنا .
فهد : اليوم ؟؟؟
أم فهد : أي اليوم ولا تقول مشغول ترى كل أخوانك بيجون .
فهد : حاضر ولا يهمك يالغاليه اليوم نجي عندكم .
أم فهد : يلا أنا بسكر الحين بروح لأختك زاعجتني .
فهد : أي أخت فيهم .
أم فهد : بعد مين الجوري من ولدت وهي زاعجه البيت كله على بنتها .
فهد : الله يعينك عليها ومشاعل شخبارها .
أم فهد : بخير بس ولدها طول الليل ما نام ما ادري شنو فيه .
فهد : الله يكون في عونك عاد ثنتينهم ولدوا في نفس الوقت .
أم فهد : الله كريم المرة الثانية إذا ولدوا مع بعض بطردهم ما ابيهم .
فهد : هههههههه
أم فهد تسمع الجوري تنادي : يلا مع السلامة .
فهد : الله يسلمك من كل شر يالغاليه .
وتسكر أم فهد وتروح للجوري ..
الجوري : يمه .... يمه ....
أم فهد : نعم ....
الجوري : شوفي مي أزعجت بنتي لمار مو راضية تعطيني إياها .
أم فهد : مي عطيها بنتها لا تموت علينا الحين .
مي وهي تبوس خدود لمار : مابي تجنن هالبنت .
الجوري : يمه لحقي بنتي لا تاكلها هالمتوحشة .
مي : أنا ملكة جمال العالم اصير متوحشه هين لا تحلمين تشوفين بنتك .
وتدخل جود وهي حاملة ولد محمد " جواد " ويدخلون وراها رغد مع ولدها الثاني " هشام " وكوثر مع بنتها " ريناد "
جود : عطيها بنتها لا تذلين نفسك وأن شاء الله إذا انا ولدت عطيتك بنتي .
مي : يحيا العدل ، خذي بنتك خلاص ما ابيها .
الجوري : يحصل لك تاخذينها بس .
مشاعل : تراكم ازعجتوني ابغي انام .
الجوري : روحي نامي مكان ثاني مو كافي ولدك امس ازعجنا بصياحه .
مشاعل : والله هذي غرفتي انتي الجاية وبنتك فيها .
الجوري : هذا جزاتي اونسك بدل ما تصيرين لوحدك مع العله ولدك .
مشاعل : غلا تقلدين على شفتيني ولدت ولدتي .
الجوري : اي اقلدك عندك مانع .
مشاعل : انا اللي مستغربه منه كيف قدرتي يارغد على عيالك الناس تجيب واحد وانتي أثنين مره وحدة .
مي : هذا امي جابت اثنين مره وحده .
الكل سكت
رغد حبت تغير الموضوع : ياقلبي على محمد دايم يساعدني عليهم .
جود ابتسمت : كيد اخوي ما في احلا منه .
رغد : الا انتي في اي شهر الحين .
جود : في الشهر الرابع .
رغد : الله يكون في عونك .
الجوري : اقول اسكتوا أو قوموا طلعوا بره .
جود : ليه .
الجوري : بنتي نامت ما ابيها تجلس .
الا تصيح بنت كوثر " رناد "
الجوري : اقول سكتي بنتك ترى ان جلست بنتي باخذها وانحرها .
كوثر : والله انتي بس لمسيها وشوفي شنو راح يسوي فيك أحمد .
تدخل عليهم ريم : لالا ما اقدر اعيش في هذا البيت .
مشاعل : ليه شنو فيك .
ريم : مو عيشه هذي كانه عايشين في حضانه ما يقدر الواحد ياخذ راحت ولا يركز في هالبيت .
شجون : لا وزيدك من الشعر بيت كلها كم شهر ودنيا تولد وتشرف عندنا وبعدها بكم شهر تجي الاخت جود .
جود : انتي ما يحقلك تتكلمين اصلا لانك بعد شهرين بتتزوجين منصور وتفكينا .
شجون : ترى انا في زواجي بكتب ممنوع احضار الاطفال .
رغد : اجل ما في احد بيجيك .
شجون : احسن علشان يخلالنا الجو .
مي : لا تخافين انا بكون موجوده .
شجون : اصلا انا بكتب بلخط العريض ممنوع دخول ذات الجمال الساطع .
لجوري تصارخ : يمه ... يمه .
ام فهد : شفيك الحين بعد .
الجوري : خليهم يطلعون بيجلسون بنتي .
ام فهد : شوفي اذا ما سكتي بخلي زوجك ياخذك وافتك منك .
مشاعل : اي يمه خليها تروح وتفكنا هي وبنتها .
الجوري : واهون عليكم .
جود : اكيد تهونين .
ام محمد : رغد كوثر تغطوا بيدخل الرجال .
ويتغطون ويدخل ريان وخالد وزوجة " مها " واحمد ومحمد وهو ماسك محمد ولد جواد .
جود : حمودي حبيبي تعال .
ويروح حمودي بسرعه لعمتة .
محمد : رغد وين جواد .
رغد : شوفه عن جود .
محمد : جود جيبي ولدي احسن لك .
جود : امسك اخذه ما ابغاه عندي اللي احسن منه .
حمودي : عمه .
جود : اعيون عمه .
حمودي : ابغي حواوه .
جود : الحين اخلا حلاوه تجيك .
وتاخذه وتطلع
ام فهد : الحين ليه تاركين المجلس وجاين هنا .
خالد : جاين نشوفكم .
ام فهد : يلا هذا شفتونا قوموا طلعوا .
أحمد : خالتي ام فهد معاها حق يلا يقوموا طلعوا خلو الحريم ياخذون راحتهم .
محمد : ترى انت اول واحد بيطلع .
أحمد : ليه انا ما سويت شي .
خالد : يلا استحوا على وجهكم وقوموا .
ريان : انا ماني قايم عاجبتني الجلسه هنا .
محمد : خلك لا تقوم بس اذا نمت اليوم في المستشفى لاتقول ليه .
ويطلعون الشباب ويروح ريان لعند ام محمد ويقول لها : وين يارا ما اشوفها يمكم اليوم .
ام محمد : استح على وجهك مايصير تشوفها الا بعد الزواج .
ريان : حرام عليكم بعد الزواج مره وحده مو بعد الملكه لا والزوج بعد سنتين .
ام محمد : احمد ربك المفروض بعد 3 سنوات .
ريان : سنتين حرام عليك .
ام محمد : اجل اطلع لا اخليهم يزوجونك بعد اربع سنوات .
ريان : يلا مع السلامه .
ويطلع وتدخل جود : شفيه ريان طلع وهو يسرع ؟؟
ام محمد : خليه عنك ما عنده سالفه .
جود : يلا انا بمشي الحين اشوفكم في الليل .
ام فهد : وين بتروحين ؟؟
جود : عندي مراجعه في المستشفي .
ام فهد : اهااا .
جود : يمه ترى باخذ حمودي معاي .
ام محمد : ما يزعجكم !!
جود : لا ما يزعجنا .
ام محمد : كيفك اخذية بس ما اوصيك عليه ترى هذا ولد الغالي .
جود : ما يحتاج توصين هذا في عيوني .
------------------
((في المستشفي بعد نص ساعه ))*
فهد شاف أخته مع زوجها طالعين من الدكتوره
فهد : اشوف مسوين لنا زياره شعندكم .
جود : عندي موعد .
فهد : اهااا . طيب ليه جايبة حمودي .
جود : ولد أخوي وكيفي .
فهد : طيب كيفك ما قلنا شي " ويلف على محمد زوج جود " الله يعينك عليها .
محمد : الا يا بختي فيها مستحيل تلقى مثلها .
جود : أنا كنت برد عليك بس الحين ما يحتاج .
محمد : أنتي بس ارتاحي وخلي كل شي علي انا .
فهد اجل انا بمشي بكرامتي يلا اشوفكم في الليل على خير .
ويروح وتمشي هي هي وزوجها لين وصلوت تاي غرفه 222 ويوقفون عند باب الغرفه .
محمد : انا راح انتظرك في السيارة لين ما تخلصين .
جود : طيب .
ويمشي محمد وتدخل جود الغرفه ونجلس على الكرسي اللي بجنب السرير وتفتح شنطتها وتطلع مجموعه من الصور وتقربهم من السرير .
جود : شوف هذي بنت الجوري لامار الحين صار عمرها أسبوع الجوري زاعجتنا كل خايفه عليها ولا تبي احد يلمسها ... وهذا ولد مشاعل سيف عمره اسبوعين صياح حيل ومجنن مشاعل ولا مخليها تنام ...شوف الحين اعيال محمد ورغد كيف كبروا الحين دخلو في الشهر الثالث ... وهذي الحلوه رناد بنت احمد وكوثر طبعا انا حبت اورك صورتها علشان انا حاسه انك خلاص سامحتهم ترى عمر بنتهم الحين اربع اشهور ... اما اخر صوره ترى ماحد شافها الا انا ومحمد توها الدكتوره معطيتنا اياها هذي صورة بنتنا او ولدنا الي بيجي محمد كان وده يعرف جنس المولود بس انا حبت انها تكون مفاجئة بس الصراحه انا ودي ببنوته مثل بنوتة الجوري بنتها تهبل وتجنن ... هاااا ما قلتلي شنو رايك في ولدي اكيد يهبل ياويلك تتطنز عليه ترى ازعل ...
جود حست بحمودي يمسك يدها لفت عليه ...
حمودي : عمه بابا نايم ما يسوف " هنا دمعت عين جود " خلاص لا تسيحين انا اسوفهم وبعدين بابا يسوفهم اذا جلس من النوم .
وخذا الصور من يدها وجلس يطالع فيهم بفرح
حمودي : بابا سوف هدى حلوه ... لالا بابا هدي احلى ... بابا سوف هدا تيف انا ما حبه لانه كل يسيح اذا حديته ... شين ما حلو ...
وستمر يعلق على كل صوره هنا ما تحملت جود اكثر حضنته ودموعها تنهمر على خدها بكل ألم وحسره ... ورجعت ذكرياتها الي قبل سنتين ... لم رجعوا من بيت خالتهم ...
وصلوا البيت بعد ما تعبوا من الضحك والسوالف والرقص ونسوا أو تناسوا موضوع جواد ... ادخلوا البيت وهم يسمعون صوت التلفون يرن ...
بو فهد : هذا رجعنا ولدك ما رجع ..." ويسمع صوت التلفون اللي رجع يرن مره ثانيه " أحد يرد عليه .
أم محمد وقلبها مقبوض : مين اللي راح يدق هالوقت .
جود : أنا بروح أرد . ..... الووووو .
: هذا بيت جواد عبد العزيز (..........) .
جود بدأ الخوف يتسلل إلى قلبها : أي مين معي .
: الأخ جواد مسوي حادث ياريت تجون مستشفي (..........) لأمر ضروري .
طاحت السماعه من يدها وصارت تصارخ وتصيح ... تجمعوا حولها كل اهلها حاولوا يفهمون شنو صار بس جاوبتهم بدموعها .. مسك اخوها محمد السماعه علشان يتلقى نفس الخبر ويزفه للكل ...
محمد : شفتوا قلت لكم ان جواد مستحيل يهرب بس ما صدقتوني ... حرام عليكم ظلمتوه ...شفت يبه جواد بيروح منا كل منكم انت السبب ...
ورجعوا يركبون السيارات اللي نزلوا منها بكل فرح بس هالمره ركبوها والالم والخوف يعصف بقلوبهم ...وصلوا المستشفى وقابلهم الدكتور ...
الدكتور : انا ما ابي اكذب عليكم حالته حيل خطيره وهو الحين محتاج لزرع للكليه ..
بو فهد استبعد البنات وخذا الاولاد معاه ... دخل بوفهد ماتطابق معاه ... دخل محمد ما تطابق ... دخل ريان ما تطابق ... بقى أحمد الي كان يحس بذنب لانه كان يتمنى انه يروح ولا يرجع ... وفرح لما مارجع ... بس هو ما تمني يصير فيه كذا ... لما جى بيدخل علشان الفحص ... جى له محمد وقال له : لازم تطلع مطابق له لازم ... لازم
وفعلاً طلعت انسجة أحمد مطابقة لجواد ودخلوه غرفة العمليات ... وراح بوفهد يسأل عن تفاصيل حاله جواد ...
الدكتوره : ما اخبي عنك الاصابات الي تعرض لها خطيره المريض توقف قلبه مرتين ... بسبب شظيره مرة جنب القلب لو انها انحرفت لو بمقدار شعره كان اخترقت القلب ... هذا غير الكسور وجروح المتعدده ... وتضرر كليتينه ... بس الي مخوفنا اصابه الرأس ...
بو فهد : انا مستعد اسفر الي اي مكان بس ما يصير له شي .
الدكتور : صح تقدر بس ما اعتقد هذا شي بيفيده .
بوفهد : يعني شنو نقدر نسوي له الحين .
الدكتور : ادعو له .
مرت الساعات كانها سنين على الكل فيها انتشر الخبر الكل يبي يتطمن عليه بس الزياره ممنوعه عنه ... ماحد قدر يشوفه مر ثلاثه ايام على حادث جواد وهو ما بعد يصحى ... بو فهد كان الندم معذبه لانه ظلم ولده وأم محمد عزائها الوحيد كان ادموعها الي ما وقفت عن الانهمار ...
احساس مرعب
ان تقف اما الغرفه الزجاجيه
تنظر الي عزيز يتوسد جراحه
تحصي دقات قلبه
وتنتظر قرار الحياه به
اما بدايه تمنحك الفرح
او نهايه تصيبك بالذهول
بو فهد : يادكتور ليه ما صحه الي الحين .
الدكتور : ما ادري شنو اقولك بس احنا سوينا كل الي علينا علشان نصحيه بس كل محاولاتنا فشلت .
بو فهد : شنو تقصد يعني ولدي ماراح يجلس .
الدكتور : للاسف الشي الوحيد الي معيشه الي الحين هي الاجهزه .
بو فهد : يعني لو تشيلون الاجهزه عنه راح يموت .
الدكتور : للاسف اي ... الي مثل حالت ولدك املهم انهم يصحون من الغيبوبه ضعيف وواحد من مليون يصحه منهم يعيني الاحتمال عندكم ضئيل حيل .
بو فهد : والمطلوب مني الحين .
الدكتور : علي تقرر يا تخلي ولدك عايش طول حياته على الاجهزه او توقف الاجهزه وتخليه يموت .
بو فهد ما تحمل الصدمه فقد كل امل ان ولده يرجع له ... شنو يسوي الحين طلع من عند الدكتور قابلته ام محمد احتار شنو يقول لها كيف يقول لها ان ولدها ما راح يرجع لها ... ولدها في غيبوبه ماراح يجلس منها ... طالع في جود الي من اعرفت ان اخوها مسوي حادث وهي حالتها حاله لا تاكل ولا تشرب ولا تكلم احد ... ومحمد الي ما يدري شنو يسوي غير انه يلوم الكل على الي في اخوه ...
ام محمد وهي حاطه يدها على قلبها : بو فهد قول لنا شنو قال لك الدكتور .
بو فهد : ......
ام محمد : بو فهد ارحم حالي وتكلم .
بو فهد : الدكتور يقول ان جواد ماراح يجلس من الغيبوبه ...
ام محمد : لالالالا قول كلام غير كذا ... لالالالا ولدي راح يجلس ....
بوفهد : ويقول ان علينا انقرر اذا نبقيه يعيش على الاجهزه بس او نخليه يموت .
ام محمد طاحت على الارض جى لها محمد يسرعه وشالها وصارت تبكي وتصارخ ...
جود : اذا مات جواد ترى اموت حال سمعتوا ماحد يلمس جواد لانه راح يجلس بس انتوا صبروا عليه الحين ... احنا نولدنا مع بعض وبنموت مع بعض ...
محمد : مااحد اصلا راح يلمسه لا تخافين ماراح اخلي احد يلمسه .
بعدها بو فهد نقل جواد الي مستشفى فهد ... على امل انه يصحه يوم من الايام ...
وجود صارت تروح للمستشفى يومين علشان تشوف جواد ... حتى لما منعوها انه تروح علشان صحتها ... انهارت وصارت مريضه فخافوا عليها وخلوها على كيفها ... حتى لما جي موعد زواجها رفضت تتزوج بس لان محمد اوعدها انه راح يجيبها تشوف اخوها يومين اذا تزوجته ... فوافقت في النهايه وصارت تعيش على امل انه يجي يوم ويجلس ....
-------------------
انتبهت جود لدخول الممرضة عليها ... ابتسمت الممرضه لجود ... فمسحت جود دموعها ...
جود : يلا بااااي اجيلك بكره ان شاء الله ..
--------------
((في بيت بوفهد ))*
الكل متجمع ... حتى تركي كان موجود
-------------
تركي رجع بعد شهر من حادث جواد ... ذاك اليوم كان الكل متجمع ... فجأه اندق جرس الباب وراح عبدالله يشوف مين الي جاي ... ثواني الا يسمعون صراخ عبد الله : بابا ... بابا ...
اجتمع الكل حولهم .. وهم فرحانين برجعت تركي ... رجع تركي بس بعد ما قدر يتمالك نفسه ويتأقلم مع موت عبير ... اول شي سواه باع بيتهم اللي في الرياض ونقل الدمام علشان يصيرون عياله بجنب جدتهم وخالاتهم اللي يقدرون يعوضونهم ولو جزء بسيط من الحنان الفقدوه ...
---------------------
((عن الحريم ))*
ام فهد : اووه من زمان ما تجمعنا مثل هالجمعه الحلوه .
ام محمد : اي والله صدقك عساها دوم ظز
الجوري : وين بنتي ؟؟
مها " وهي تغمز بعينها لنور " أنا شفتها عند مي .
نور : لالا انا اعتقد انى مرام هي الي خذتها .
جود : لا مو عندها اصلاً انا ما شفتها .
الجوري " وشوي وتصيح " : يمه وين بنتي .
مها : ليكون خطفوها .
نور : قوموا دوروا عنها ليكون يصير كلام مها صحيح .
الجوري : طلعوا بنتي الحين اهئ اهئ ... ابي بنتي وين سلطان يجيب لي بنتي .
مشاعل بصوت عالي : الجوري .
الجوري : اهئ اهئ نعم .
مشاعل : شوفي بنتك الي ما تستحي على وجها شنو تسوي .
الجوري : شفيها وينها .
مشاعل : بتنك الحلوه في سرير ولد قاعده تغازله .
الجوري : لالا بنتي ما تسوي كذا البلاوي هذي ما تطلع الا من ولدك سيفوووه .
رغد : لالا تبرأين بنتك أنا قبل كم يوم لقيتها تتحرش بعيالي جواد وهشام أثنين مو واحد .
كوثر : لحقي عليها وزوجيها من الحين .
الكل : هههههههههه
مي : هااا اكلم الخطابه ؟؟
الجوري : سكتي انتي بس .
الكل : هههههههه
------------------
((عند الرجال ))*
بو فهد : وشخبار الشغل معاك يا تركي .
تركي : الحمد لله كل شي على اكمل وجه
بو فهد : الحمد لله .
سلطان : هااا يامحمد كم باقي لك وتخلص دراسه .
محمد عبد العزيز: باقي لي سنتين واخلص .
محمد سلمان : بل عليك تدرس وتشتغل وعندك عيال . <<<<<<<<<<<< لتذكير هذا زوج جود .
محمد عبد العزيز: قول ما شاء الله .
محمد سلمان : هههههه ماشاء الله ... ماشاء الله اللهم لا حسد .
ريان : هااا يابو فهد ماودك تستعجل بزواجي .
بو فهد : وليه مستعجل ياولد لاحقعلى الزواج لا تصير مثل اخوانك كل عجلين .
ريان : بعد هم اخواني وانا اقتدي ابهم .
بو فهد : ولا يهمك الملكه الاسبوع الجاي .
ريان : والله اجل الزواج متى .
بو فهد : الزوج مثل ما تفقنا بعد سنتين .
ربان : يبه بدل غير ... يمين يسار ... خله بعد شهر .
بو فهد : اجل هونا الملكه مع الزواج .
ريان : افاااااا ... خلاص الملكه بعد اسبوع والله يصبرنا على الزواج .
بو فهد : عايدي نأجلها اذا ما تبي .
ريان : لالالالالالالالالالالالالالالا.
الكل : هههههههههههههههه
--------------------------
((بعد يومين في المستشفى ))*
ليان كانت تتمشى في ممرات المستشفى ... وصادفت غرفة 222 ... حست بشعور غريب وقلبها قام ينبض بشكل مو طبيعي وجلست تطالع في باب الغرفه ... كل مره تمر من هنا يجيها نفس الشعور ... ماتدري ليه بس ودها لو تدخل هالغرفه وتشوف مين في داخلها ... الا تلاحظ ان وحده طلعت من الغرفه ... كل يوم تشوف تشوفها تجي لهذي الغرفه وتجلس ساعه وبهدين تطلع ... مع ان يجون لهل غرفه ناس كثير يزورونها بس هذا الوحده غير ... زاد فضول ليان لمعرفة سر هذي الغرفه ، فسألت الممرضة عنها : الحين المريض الي في غرفه 222 شفيه .
الممرضه : ليه تسألين ؟؟؟
ليان : بس فضول .
الممرضه : هذى في غيبوبه صارله سنتين .
ليان : لا حول ولا قوه لا بالله العلي العظيم ... طيب مين هذي الي كل يوم تجيله وتجلس ساعه بعدين تطلع .
الممرضه : انتي اكيد تقصدين اخته ... هذي اخته التوأم حاولوا أهلها يمنعونها عن لاتجي بس ما قدروا ... هي تجي على امل انه يجلس بس ماحد يعتقد انه يجلس لانه بس عايش على الاجهزه ...بس اهله ما راضوا يشيلون الاجهزه عنه علشان اخته ...
ليان : الله يشفيه ويقومه بالسلامة .
---------------------
نهاية البارت
|