منتديات قصايد ليل - عرض مشاركة واحدة

06-19-2011

البارت الثامن والعشرين

السيارة تقترب منه أكثر تقترب حامله معها الحزن والألم ... تقترب لتنهي كل شي .......... طراخ
--------------------------------
((بيت بو فهد ))*
الكل متوتر بسبب تأخر جواد ... بو فهد معصب حيل ... ويتوعد جواد ... الكل يراقب الباب ويتمنى أن جواد يدخل ... بس جواد ما رجع الوقت يمر بسرعة ولا حس لجواد .
بو فهد : وينه ... وينه ...
أم فهد : هدي ... الحين بيجي .
أم محمد : أنا كلمة قبل أشوي وقال بيجي .
بو فهد : وينه اجل ليه ماجي إلي الحين .
محمد : يبه أنا بعد كلمته وقل هو في الطريق الحين بيرجع .
بو فهد : ما اعتقد انه راح يرجع .
محمد : يبه جواد مستحيل يهرب هو اللي قالي .
-----------------------------------
صار الاصتدام توقفت السيارات الكل نزل يساعد ويحاول ينقذ اللي في السيارات .... تجمع حشد كبير توقفت حركة السير ... المنظر مريع ......
: اتصلوا بالإسعاف .
: استدعوا الشرطة .
: ما اعتقد أن صاحب السيارة عايش .
: اللي في هذي السيارة يتحرك .
: وين الإسعاف الرجال بيموت .
: شوف سيارتة كيف صارت ما اعتقد انه حي .
: يا أخي أنت فاضي تصور .
: يا ناس بعدوا اشوي .
: احد يستدعي الشرطة .
يا أخي هذا ميت .
--------------------------
((بيت بو فهد))*
بو فهد : ما في أمل ما راح يرجع ...
محمد : يبه ....
بو فهد : خلاص اسكت ما يحتاج تدافع عنه .
الكل ساكت ويتمني يرجع جواد في اقرب وقت .... إلا شخص واحد يتمني انه ما يرجع بس مع هذا كان يتمني يرجع علشان ما يشوف أبوه وهو منكسر كذا ....
--------------------------------
أخيراً وصلت سيارة الإسعاف مع الشرطة ... فور وصولهم بعدوا الحشد المتجمع حول الحادث ....
الشرطي 1 : حولوا تطلعون اللي في السياره السودة .
الشرطي 2 : بس أصابت اللي في السيارة الثانية واضح أنها اخطر .
الشرطي 1 : تقدرون تطلعونه .
الشرطي 2 : بنحاول نطلعه من الباب الثاني .
---------------------------
((بيت بو فهد ))*
الكل فقد الأمل من رجعت جواد ... وكان الصمت سيد الموقف .... أخيراً رن التلفون .
بو فهد : الوووووووو
بو فيصل : شفيكم تأخرتوا
بوفهد " رتبك ما عرف شنو يقول ": .....................
بو فيصل : شفيك صاير لكم شي .
بو فهد " تدارك الموضوع " : لا ما في شي بس صار شي أقولك عنه إذا جينا الحين .
بو فيصل : خير إن شاء الله ننتظركم .
بو فهد : مع السلامة .
ويسكر ويلف بعصبيه على أم محمد ويقول : شفتي أخرت دلعك لولدك وين وصلنا فشلنا قدام خلق الله الحين أنا شنو أسوي ... أحمد ..
أحمد " فز من مكانه " : سم يبه ....
بو فهد : اسمع ادري أنى مقصر بحقك كثير بس أنا محتاج لك لا تردني وتنزل راسي قدام الناس .
أحمد ما عاش من ينزل راسك .
بو فهد : أخوك نزل راسي ...
أم محمد حز في خاطرها ... ومحمد كان وده يرد على أبوه بس تراجع إلى في أبوه يكفيه وبعدين يمكن صحيح جواد هرب ولا ليه جواله مغفل ...
أحمد : أمرني يا يبه أنا من يدك هذي إلى هذي .
بو فهد : هذا عشمي فيك ... أبغيك تروح معي وتملك على كوثر .
---------------------------
طلعت الشرطة سائق السيارة السودة كان يعاني من بعض الكسور والخدوش ... أما جواد ما قدروا يطلعونه .....
الشرطي 2 : ما نقدر نطلعه من الباب الثاني .
الشرطي 1 : ليه شنو المشكلة .
الشرطي 2 : ما نقدر نطلع رجولة ونخاف نحركه أكثر وهو ينزف حيل ....
الشرطي 1 : والحل .
الشرطي 2 : نحتاج منشار نقص الحديد اللي حاكر رجولة .
الشرطي 1 : تحركوا بسرعة الرجل بيموت .
------------------------

((بيت بو فهد))*
الهدوء الذي يسبق العاصفة ... الكل في حالة صدمة حتى أحمد ما قدر يقول شي ...
: لا
بو فهد : ليه يمه
الجدة أم جاسم : لا ما تبيع ولدي أنا اللي ربيته
بو فهد : يمه بس إذا ما ملك عليه أنا وين أودي وجهي من الناس بعدين إذا عرفوا أن ولدي هرب في يوم ملكته
الجدة : ما قدر أخليك تصلح غلط بغلط ثاني .... أنت جبرت ولدك عليها وانحاش والحين بتجبر الثاني
أحمد " بهدوء " : يبه أنا موافق .
الجدة : أنت شنو تقول .
أحمد : أنا موافق املك على كوثر .
بو فهد : هذا عشمي فيك .
الجدة: بس أنا مو راضية .
يقرب منها أحمد ويبوس رأسها : يمه إذا تعزيني وتقدريني وافقي علشان خاطي أنا موافق والله العظيم ابغي كوثر .
الجدة : دمعة عينها " : بس
أحمد : علشان خاطري يالغالية .
الجدة : الله يوفقك .
---------------------------
بعد جهد جبار من الشرطة اقدروا يقصون الحديد بس ما انتبهوا إلى تسرب البنزين وطلعت شراره ...... فجأة ...... بووووووووووووووووووووووووووووووووم .... أنفجرة السيارة .
اقدروا يطلعون جواد في الثواني الاخيره قبل الانفجار ...
الشرطي 1: المصاب ينزف حيل ...بسرعة خلو الإسعاف يشوفه .
ويجون المسعفين ويشيلون جواد ويدخلونه سيارة الإسعاف ...
---------------------------------
((بيت بو فهد))*
بو فهد : يلا خلنا نروح
أم فهد : خلنا ننتظر أشوي يمكن يجي .
بو فهد : يجي أنتي تشوفين كم الساعة .. يلا الكل يركب السيارات .. " يلاحظ أن الكل راح يركب السيارات إلا محمد كان بيصعد فوق : محمد على وين ؟
محمد : ماني رايح .
بو فهد : إذا ما رحت لانت ولد ولا أنا أعرفك .
أم محمد أمسكت يد ولدها وطالعته وبانت الدمعة إلى حاوله تخفيها ... محمد ما تحمل يشوف أمه في هذا الحالة .... لام جواد على دموع أمه ... مسك يدها وطلع معها .... وركب الكل السيارات ....
-------------------------
((في سيارة الإسعاف ))*...
المسعف 1 يتصل على المستشفى : الووو عندنا حالة طارئة جهزوا غرفة العمليات .
: شنو الحالة ومتى راح توصلون .
المسعف 1 : باقي ربع ساعة ونوصل والحالة خطره حيل .
: اشرح لي الحالة .
المسعف 1 : كسور متعددة وجروح وهناك شظية بجانب القلب في احتمال أنها اخترقته .
المسعف 2 : توقف القلب .
المسعف1: يسكر ويروح علشان يساعد المسعف 2 لإنعاش القلب .
المسعف 2 : أشحن الجهاز .
المسعف 1: شحنته ...
وبعد عدة صدمات رجع نبض القلب مع وصول سيارة الإسعاف للمستشفى ...
------------------------------
((بيت بو فيصل ))*
وصلت عائلة بو فهد ... وشافتهم كوثر وهم يدخلون ...
كوثر " تصيح " : ما اقدر ما أبيه
هبه " صديقة كوثر " : خلاص يا كوثر تأخر الوقت ما تقدرين الحين تتراجعين .
كوثر : ما أحبه .....
هبه : مع الوقت راح تحبينه .....
كوثر : وأحمد ....
هبه : راح تنسينه ...
كوثر " تصارخ " : مستحيل مستحل ...
---------------------------------------
((عند الرجال))* ..
بو فيصل : أنت شنو تقول ..
بو فهد : يا خوي .. أحمد يبغي كوثر علشان كذا ما رضي جواد يملك عليها .
بو فيصل : هي لعبة ...
بو فهد: محشوم وبنتك بنتي مستحيل أضرها وأنا مصر أخذ بنتك لولدي ...
بو فيصل : بس ....
بو فهد : طلبتك يا خوي لا تردني على الأقل أسئل البنت إذا ما وافق .. أنا من يدك هذي إلى هذي والي تآمر فيه أنا حاضر بس لا تردني .
بو فيصل " أنحرج وما قدر يقول لا " : أنا بروح أخذ رأي البنت وبعدين لكل حادث حديث .
ويروح بو فيصل ينادي أم فيصل اللي قالت لها أم محمد نفس الكلام اللي قاله بو فهد .
بو فيصل : شنو نسوي الحين .
أم فيصل : حلنا نسأل البنت وأن شاء الله خير .
----------------------------
((في المستشفى ))*
دخلوا جواد المستشفي تجمعوا عليه الدكاترة والممرضين .
المسعف : نزف دم كثير وفي شظية بجنب القلب ما قدرنا نطلعها
الدكتور كشف عليه وانتبه على ضربه في رأسه
الدكتور : أعتقد أن أصابه الرأس خطيرة .
ويدخلون غرفته العمليات ويتسكر الباب ..
-----------------------------
((بيت بو فيصل ))*
أم فيصل : هااااا شنو قلتي ... ترى أحمد مثل جواد ما احسن من هذا إلا هذا وهو شاريك ..
كوثر مو مصدقه اللي تقوله لها أمها .. أكيد هي في حلم ... راح تتزوج أحمد .
أم فيصل : إذا مو موافقين قولي من الحين .
كوثر إلى الحين في صدمة هي تعتقد أن أمها جاية تقولها أي شي إلا هذا ...
أم فيصل : شنو قلتي ..
كوثر " بخجل " : موافقة .
أم فيصل " بفرح " ألف مبروك .
وتروح تبشر بو فيصل
أما كوثر كانت طايره من الفرح ...
كوثر : سمعتي بتزوج أحمد .. أنا بتزوج أحمد .
هبه : ألف ألف مبروك .
كوثر : مو صدق ...أما فرحانه لالا أنا طايره من الفرح .
-------------------------------
((عند الرجال ))*
بو فيصل : البنت وافقت
بو فهد الله يبشرك بالخير .
أحمد يحب رأس بو فيصل : كوثر في عيوني
بو فيصل : الله يوافقكم .
ويبدأ الشيخ يملك
الشيخ : خلو البنت توقع هنا
يأخذ محمد فيصل الدفتر ويودية لأخته علشان توقع عليه
محمد سلمان : يلا خلصينا وقعي هنا .
كوثر : هاااا ... وين .
محمد : هنا يا عميه .
كوثر : هنا .
محمد : أي هنا خلصينا .
وتوقع ....
----------------------------------
((في غرفة العمليات ))*...
الدكتور : عرفتوا هوية المصاب .
الممرضة : لا
الدكتور : شنو تنتظرين فتشي أغراضه واتصلوا على أهلة .
الممرضة تفتش أغراض جواد ودخل يدها في جيبه وتطلع إلى فيه وتطيح الدبلة إلى كان المفروض يلبسها جواد على الأرض وضلت دبلة كوثر في يد الممرضة .... فجأة يتوقف قلب جواد عن النبض ....
v~?'^?V'~-?V'^~--------------------------
---------------------------

((بيت بو فيصل ))*
بو فيصل : هااا أحمد ما ودك تشوف حرمتك .
أحمد : إلا ودي ونص .
بو فيصل : محمد .
محمد سلمان : سم يبه .
بو فيصل : قول حق الحريم أن أحمد بيدخل .
محمد : ابشر يبه بس ودي أقولك شي .
بو فيصل : قول .
محمد : بيني وبينك .
بو فيصل : أخلص قول شنو عندك .
محمد : شرايك يبه دام الشيخ هنا أملك أنا بعد على جود ونخلص ترى خير البر عاجلاً .
بو فيصل : ما تروح تذلف تسوي الي قلتلك عنه أحسن .
محمد : أن شاء لله .
ويدخل أحمد على كوثر ويشوفها وهي كلها خجل وأنوثة .. بثوبها الزهري .. كأنها ورده توها تتفتح ..
أحمد : مبروك يا حياتي .
كوثر بخجل وعيونها بالأرض : الله يبارك فيك .
أحمد : تصدقين هذا أول مره أشوفك وأنتي مستحيه .. تصدقين أنتي كذا أحلا .
كوثر : لا والله ليه يعني أنا أول مو حلوه .
أحمد : هههههههههههههه .... أي هذي كوثر إلي أعرفها .
كوثر حست على عمره وصار وجها أحمر من الفشيله .
أحمد : هااا ... شرايك فيني اجنن صح .
كوثر : لا .
أحمد : يعني متى بتركين نذالتك .
كوثر : يعني أنا نذله يلا روح عني أنا زعليت .
أحمد : يا عمري على زعليت .
كوثر : كرررريه .
أحمد : أدري انك تموتي على هذا الكريه .
كوثر : واثق الأخ .
أحمد : لا أنا الحين مو أخ أنا الحين حبيبك وقلبك وروحك صح .
كوثر : ..........
أحمد : قولي أنك تحبيني .
كوثر بهمس غير مسموع : أحبك ..
أحمد : شنو ما سمعت .
إلا تدخل عليهم الجدة معها الحريم والبنات .
الجدة وهي تبوس كوثر : مبروك يا بنتي .
كوثر : الله يبارك فيك .
مي لاحظت دمعه في عيون جدتها : جدتي المفروض تفرحين مو تصيحين .
الجدة هذي الدموع الفرح ... أن شاء الله أشوفك أنتي بعد عروس .
مي بفرح : أمين .
جود : حرام عيك يا جدتي ليه تدعين على ولد الناس .
الكل صار يضحك
وتقرب منهم أم محمد وهي ماسكه الشبكة إلي كانت المفروض جواد يلبسها كوثر ..
أم محمد : ألف مبروك عقبال ما نفرح بعيالكم .
أحمد : الله يبارك فيك .
أم محمد : يلا يا ولدي خذ الشبكة ولبسها كوثر .
أحمد : بس هذي ......
أم محمد : أحمد على شان خاطري خذها .
ويأخذها ولبسها كوثر وأم محمد تساعده وجلسوا يمهم اشوي بعدين اطلعوا .
--------------------------------
((في بيت بو فهد))*
وصلوا البيت بعد ما تعبوا من الضحك والسوالف والرقص ونسوا أو تناسوا موضوع جواد ... ادخلوا البيت وهم يسمعون صوت التلفون يرن ...
بو فهد : هذا رجعنا ولدك ما رجع ..." ويسمع صوت التلفون اللي رجع يرن مره ثانيه " أحد يرد عليه .
أم محمد وقلبها مقبوض : مين اللي راح يدق هالوقت .
جود : أنا بروح أرد . ..... الووووو .
: هذا بيت جواد عبد العزيز (..........) .
جود بدأ الخوف يتسلل إلى قلبها : أي مين معي .
: الأخ جواد مسوي حادث ياريت تجون مستشفي (..........) لأمر ضروري .
صوت سقوط سماعة التلفون وصرخة رعب .
لااااااااااااااااااااااااااااااااااااااااااااااااا ااااااا.
----------------------------------------
نهاية البارت