البارت السابع والعشرين
جواد جلس يطالع التلفزيون .. و محمد الصغير نايم على الكنب .. رن جوال جواد وجلس يكلم صديقه اسامه .. ولان صوت جواد كان عالي جلس حمودي .. جواد شافه انه جلس بس ما قام يشيله عن يطيح .. وكمل سوالف مع اسامه .. وهو يطالعه وهو يلعب .. بمجرد ما شال عينه عنه سمع صوت طيحه قويه وتلاها صياح حمودي .. رمى الجوال وشال حمودي شاف وجهه عليه دم لانه لما طاح ضرب راسه في حافت الطاوله القريبه منه .. حط جواد يده على الجرح وراح يركض علشان يوديه المستشفى .. شاف في وجها شجون ..
شجون : شنو صار ؟؟
جواد : تعالي مع بسرعه خلنا نوديه المستشفى ..
شجون : خلنا نقول لامي ..
جواد : تعالي وانتي ساكته بسرعه ..
---------------------
((بعد ساعه))*
رجعوا من المستشفى ..
أم محمد : جواد وين كنت رايح ؟؟ " الا نتبهت في حمودي اللي نايم عليه وراسه ملفوف " يمه ولدي شفيه شنو صار له ؟؟
جواد : مافيه شي ..
أم فهد : شنو مافيه شي طالع شكله .. شكله مموت روحه من الصياح شنو صار له ؟؟
جواد : اللي صار انه طاح على الطاوله وشق راسه ..
أم محمد : وانت شنو يدريك انه طاح ؟؟
جواد : لانى كنت يمه ..
أم محمد : وليه ما شلته قبل ما يطيح ؟؟
جواد : ماجي على بالي انه ممكن يطيح ..
أم محمد : ماجي على بالك انت مافي شي يجي على بالك كل شي تبغيه جاهز ماتفكر في احد ؟؟
جواد : الحين انا شنو سويت هذا جزاي اني وديته المستشفى ؟؟
أم محمد : لا ليكون وديته كان خليته يموت .. ترى هذا ولدك تراك مسؤول عنه فاهم !!
جواد : ............
أم محمد : من اليوم ورايح ماحد بيهتم فيه غيرك أنت ابوه وانت اللي راح تربيه ..
جواد : يمه !!!
أم محمد : ولا كلمه خل ولدك عندك يمكن تتعلم المسؤوليه ..
جواد صعدت غرفته وهو معصب ..
أم فهد : مو كأنك قسيت عليه اشوي هو ما يعرف يتعامل مع الولد الصغير ..
أم محمد : يتعلم ..
وبكذا صار جواد هو اللي يعتني بحمودي ..
---------------------
((بعد اسبوع ))*
عند جواد
ليان : آووووووف ابي افهم ليه مجلستني من صباح الله خير ابي اناااااااام .
جواد : مافي ..
ليان : ليييييييه ؟؟؟؟؟؟؟
جواد : نذالــــــــــه !!
ليان : انتي النذاله تمشي في دمك ..
جواد : ههههههههههههههه
ليان : ليه تضحكين ؟؟
جواد : ذكرت اما كنت في الروضه كان في ولد دايم يضربني وكل يوم اجي اصيح لامي وتروح امي تشتكي بس ما في فايده وكل يوم وكان جواد معي وكان الكل ما يقرب منه ولا عنده أصدقاء ..
ليان : ليه ؟؟
جواد : من كثر الغرور ما يتنزل يكلم احد ..
ليان : عسى اخوك بعد مغرور مثلك ..
جواد : وازيد ..
ليان : كملي ..
جواد : مره جا لي جواد وقالي اذا جى صربك فصخي الجزمه وضربيه ابها وبعدها جلسي في الارض وصيحي وصارخي وحتى اذا سكتوكي لا تسكتين ..
ليان : وسويتي اللي قالك ؟؟
جواد : يس .. وضليت اصيح ساعه كامله حتى مديرة الروضه جات تسكتني وكل ما جاوا يقلون لجواد بيكتني يأشر للي اني اصيح اكثر ولما اصروا عليه يسكتني تدرين شنو سوى ؟؟
ليان : شنو ؟؟؟
جواد : قال انتوا تصاخون عليه انا شنو سويت وسوا روحه خايف وجلس يمي يصيح بعد ..
ليان : شلون سكتو..
جواد : ما سكتنا الا لمن جات امي ومرت ابوي وهزئوا الروضه كلها وطلعوا ومن بعدها كل ما يسوي لنا احد شي المدرسات يدافعون عنا حتى لو احنا الغلطانين ..
ليان : لالا طلع اخوك جواد اكثر نذاله منك ..
جواد : تدرين من بعدها امي ما قامت تدافع عنا ..
ليان : ليه ؟؟
جواد : لاني اول مارجعت البيت وسالوني شنو صار قلت اخوي جواد قال لي اضربه بلجزبمه واجلس اصيح فخلاص امي اعرفت ان عيالها يعرفون ياخذون حقهم وزياده ..
ليان : والله انكم شياطين !!
جواد : اجل تبغين احد يغلط علينا ومانردها له ترى مو هذي اول مره يسويها ياما سويناها من قبل ..
ليان : اجل اخوك ماعنده اصدقاء على اسلوبه هذا ..
جواد : في ابتدائي لا كان ديم لوحده وحتى اذا كلمه احد مايعطيه وجه ودايم في الفصل .. تدرين مره صار عنهم مجلس اولياء الأمور وحضر ابوي وكانوا المعلمين مسوين مسابقات الي يجاوب يعطونه هديه وكل متحمس يشارك بس وقع الاختيار على جواد وسئل المدرس سوال .. جواد عرف جواب السوال بس مارضي يجاوب .. اسئله المدرس تعرف الاجابه قال اعرفها قاله طيب جاوب .. قال ماابي فستدعى المدرس ابوي وساله المدرس ليه ولدك مو راضي يجاوب .. تدري شنو قال جواد ؟؟
ليان : شنو ؟؟
جواد : قال تبغيني اجاوب ويقومون يعطوني جائزه بريالين واتفشل اخذها ليه شايفيني طرار ماعندي اشتري لنفسي ... شرايك ؟؟
ليان : بصراحه فيه غرور مرضي .
جواد : هههههههههههههههههههه ..
---------------------
((في غرفت أم محمد))*
بو فهد : الى متى بنأجل الموضوع ؟؟
أم محمد : بس قلبي ناقزني من هذا الموضوع ..
بو فهد : طيب ليش ؟؟
أم محمد : ماادري !!
بو فهد : بصراحه انا ماراح مو مأجل الموضوع اكثر ..
أم محمد : بو فهد خلنا نفكر عدل ..
بو فهد : خلصنا من التفكير ..
أم محمد : .......
يو فهد : انا اليوم راح اكلمه ولحين بعد ..
---------------------
((عند جواد))*
ليان : شخبار ولد جواد ؟؟
جواد : بخير ..
ليان : يهتم فيه جواد ؟؟
جواد : يعني ..
ليان : الله يهديه
الا يدق الباب ..
جواد : مين ؟؟
بو فهد : افتح ..
جواد : ليان اكلمك بعدين بااااي " ويسكر بدون ما يسمع ردها ويفتح الباب "
بو فهد : ساعه على ماتفتح الباب ؟؟ " ويدخل " تعال ابي اكلمك في موضوع سكر الباب وراك .
جواد : امر ؟؟
بو فهد : انا ماراح اسوي اي مقدمات للموضوع وبقوله على طول ..
جواد : قول انا اسمعك ..
بو فهد : اليوم بعد ملكت اخوك بتكلم مع بو فيصل علشان بخطب بنته كوثر لك ؟
جواد يوقف: شنـــــــــــــــــــو...
بو فهد : الي سمعته وانا جاي اخبرك بس مااخذ رايك ..
جواد : بس انا ماابغي اتزوج ..
بو فهد : هذا انا قلتلك بس علشان تستعد .. اذا بتعصي شوري هذا الباب تاخذ ولدك ولا عاد اشوفك مره ثانيه لا انت ولدي وانا انا اعرفك .. " ويطلع "
---------------------
((في الليل ))*
محمد فراحان حده انه ملك على حب حياته وجالس معاها يكلمها وتكلمه يناظرها وتناظره ..
في الجها الثانيه جواد كان جالس على اعصابه وهو يشوف ابوه يقرر ويخطط لحياته على كيفه وهو ماله راي في الموضوع ..
بو فيصل : والله البنت بنتكم انا موافق ولو تبغون انملك الحين ..
بو فهد : هذا عشمي فيك .. اجل نستنى موافقت البنت ..
بو فيصل : اقولك البنت بنتكم وانا ابوها وادرى بمصلحتها ..
بو فهد : بس لازم نسمع رايها ؟؟
بو فيصل : انا اعرف بنتي مستحيل تقول لا وانا عند كلمتي ..
بو فهد : اجل على بركت الله ... والشهر الجاي الملكه .
---------------------
أحمد يساسر جواد : شنو يقول ابوي لابو فيصل ؟؟
جواد : اووووه مالك دخل صج ملقوف !!
أحمد : يلي ماتسحي على وجهك !! يلا قول اخلص تعرف قول ما تعرف اسكت ..
جواد : اعرف ..
أحمد : عن شنو يتكلمون ؟؟
جواد : ابوي خطب كوثر لي وعمي بو فيصل وافق ..
أحمد بصدمه : شنو ؟؟؟؟؟
جواد : الي سمعته .
أحمد : بسس شلون ومتى قررت انك تخلي ابوي يخطبها ؟؟
جواد : اليوم عندك اعتراض ؟؟
أحمد انشل تفكيره حس ان احد رمى عليه جبل .. شلون اخوه يخطب حبيبته شلون .. لا هو اكيد يحلم .. احد يصحيه من الي هو فيه ..
---------------------
((في اليوم الثاني ))*
جواد : يمه هذي مو حاله تزوجوني غصب عني .. احنا مو في ايام الجاهليه !!
أم محمد : وليه ماتبغي تتزوج كوثر فيها شي ؟؟
جواد : انا ماقلت فيها شي .
أم محمد : خلاص انتهى الموضوع ..
جواد : يمه انا ماابغيها ..
أم محمد : ابوك خطبها وانتهى الموضوع " وتقوم عنه وتطلع " .
جواد : فهموني مااابغيها .. حرام عليكم !!
---------------------
((في بيت بو فيصل ))*
كوثر : شنـــــــــــــــــو ؟
أم فيصل : شفيك جواد خطبك وابوك وافق والملكه بعد الشهر الجاي وخير البر عاجل ..
كوثر : اي ملكه واي بر ؟؟ الحين انتوا خذتوا رايي ؟؟ شاورتوني ؟؟توافقون على طول !!
أم فيصل : وليه يعني كنتي ماراح توافقين ..
كوثر : اكييييييييد ..
أم فيصل : انا قلتلك وجهزي نفسك ابوك عطى كلمته ومستحيل يتراجع عنها ..
كوثر : شفيكم انتوا ترى الزواج مو غصب !!
بس راح كلامها على الفاضي لان امها طلعت من الغرفه وخلتها ..
---------------------
((خلونا نترك اجواك الدمام ونروح لرياض ))*
تركي ماتغير حاله ابد لازال يعيش مع امطياف الماضي يتنقل مابين ذكرى الي ذكرى رافض الواقع رافض الحياه يتمنا الموت ياخذه ويوديه لحب حياته .. كل يوم ينام علشان يحب بعبير اصبح النوم احلا شي في حياته .. بس هل المره الحلم غير كانت عبير جالسه في حديقه ولابسه ملابس بيضاء اللون طالعه ملاك لما شافها تركي ركض لعندها .. بس لما رفعت راسها له نصدم ووقف مكانه .. كانت ادموع حبيبته تنهمر على خدينها ..
تركي : عبير شفيك ليه تبكين ؟؟
عبير : .......
وقرب منها بس هي بعدت عنه اكثر واكثر ..
تركي : عبييير شفيك قوليلي انا حبيبك ؟؟
عبير : انا زعلانه !!
تركي قرب منه بس هي بعدت اكثر : ليه زعلانه ؟؟
عبير : لا تقرب منى انا زعلانه منك ..
تركي : مني انا ؟؟
عبير : اي منك انت ؟؟ انت خلاص ما تحبني !! أنت تكرهني !!
تركي : انا اكرهك انا اموووووت في التراب الي تمشين عليه انا اعشق الهوى الي تتنفسينه انا انا اذوب في صوتك تقولين اكرهك !!
عبير : اي تكرهني لانك مانفذت وعدك لي وهملت اغلا شي يجمعنا ..
تركي يركض لها : عبييييييير تعالي لي ياعبيييير ..
عبير تبعد عنه الي ان اختفت عن انظاره .
تركي جلس من النوم ودموعه تملي عيونه وقلبه ينبض بقوه يحس من الجسم بيطلع وهو يتذكر صوت عبير وهي تقوله انا زعلانه منك انت تكرهني ..
تركي : لا ياعبير انا مااكرهك ..
---------------------
((في الدمام ))*
جواد يدور من مكان الي مكان وتفكيره كله ليان .. من دون مايشعر شاف نفسه قدام بيتها هذا اول مره يروح بيتها مع انها قالت له عنه اكثر من مره وحفظ موقع بس مامره تجرئ وراح .. جلس يطالع فيه خلاص اذا ملكة ماراح اقدر اسمع صورتها مره ثانيه .. لازم يتركها الحين .. دق عليها ..
ليان : الووو هلا عمري شفيكي ماتردين ؟؟
جواد : ليان ..
ليان : جود شفيكي ؟؟ حصل شي ؟؟
جواد : من اليوم ورايح مااقدر اكلمك .
ليان : شنووووووووووووو ؟؟ ليه شنو صار ؟؟
جواد : صدقيني هذا لمصلحتك .
ليان : اي مصلحه انتي شنو تقولين ؟؟
جواد : خلاص ياليان انسيني .
ليان : لالا اول قوليلي ليش ؟؟
جواد : ماراح تتحملين الحقيقه .
ليان تصيح : بتحملها بس انت قول لي .
جواد : ماابغيكي تكرهيني .
ليان بصراخ : قول لي وخلصيني حرام عليكي .
جواد : ليان ... انا .....
ليان : انتي شنو .
جواد : انا كذبت عليك .
ليان : في شنو ؟؟
جواد : انا مو اسمي جود .
ليان : .........
جواد : ليان انتي معاي ؟؟
ليان : اجل شنو اسمك ؟؟
جواد : اسمي انتي تعرفينه عدل ... اسمي جواد .
ليان : شنو عن المزح الثقيل شنو اسمك جواد ههههههههه انتي شنو قاعده تقولين ؟؟
جواد : الحقيقه .
ليان : كذابه تبغين تلعبين بعصابي صح .
جواد : ........
ليان : قولي انك تكذبين ... انتي بنت صح .. جود خلاص بلا هلمزح الثقيل !!
جواد شغل الابتوب وشغل الايميل
جواد : ليان انتي شغلي ايميلك
ليان : ليش ؟؟
جواد : شغليه وانتي تعرفين ..
وشغلته وطلبها جواد كام .. بس اول ماشافته صرخت ماتحملت رمت الجوال من يدها .. مستحيل هذا الشي يصير فيها هي طول هل المده تكلم ولد وخلته يشوفها وعطته صورها .. لالالالالا مستحيل طفت الابتوب وهي تصيح ..
أحساس المؤسف..
ان تبحث عن ((الوفا ))
في عصر ))الخيانه((
وتبحث عن ((الحب ))
في قوب ))جبانه((
جواد : ليان ..... ليان ردي علي ... ليان انا احبك والله العظيم احبك .. ليان انتي سمعيني ؟؟ ليان سامحيني .. ردي علي قولي شي .. لا تخليني كذا ..
لما شاف مافي رد سكر خلاص هو خسر ليان الي الابد .. ضل يدق عليها بس مافي فايده في البدايه كان يرن بعدين تغفل الجوال ضل واقف قدام بيتها لساعه كامه بس مافي اي حركه .. في الاخير مشي ..
ليان حارت في حالت صدمه تصيح من غير توقف حاولوا اخوانها يعرفون اشفيها بس مافي فايده حتى امها خافت عليها .. في النهايه قفلت على روحها الغرفه ..
جواد ماعرف وين يروح راح يشكي همومه ويعترف باخطأ للبحر لعلى وعسى يجاوبه البحر ..
أحساس مؤلم
ان يعيشوا بك كالدم
ويلتصقوا بك كأظافر يديك
وتكون لهم كالواحه المريحه
ويكون لك كالوطن الجميل
ثم تغادرهم .. كالغريب
---------------------
مع الايام زاد حزن ليان وخوفها .. حزنها على حبها الي مات قبل ماينولد .. على ثقتها العمياء باحد ماتعرفه .. وحزنها على نفسها الحين هي تدمرت حياتها فضحت نفسها وعيلتها .. طاحت ضحيت افعالها .. مستحيل تغفر لنفسها .. امها كانت خايفه عليها حيل هذا الشي دهور صحتها كثير ماتدري ليش بنتها تصيح ولا تقدر تواسيها ولا تطبطب على ظهرها ولا تقدر تشيل اهمومها تمنت الموت ولا تشوف بنتها تذبل قدامها ولا تقدر تسوي لها شي .. وتحققت امنيتها بعد كم يوم فارقت الحياه بسبب سكته قلبيه ماقدر تنجوا منها من خوفها على بنتها .. وبكذا طاحت المصايب على راس ليان مثل زخات المطر .. ونتقلت لتعيش عند خالها ليفقد جواد كل وسيها انه يصل لها ..
أحساس بشع ..
أن تهبهم كل مساحات الثقه البيضاء
وتمنحهم كل الارضي الخضراء المليء بداخلك
وتضع باقات الحمراء عند بابهم
وتسهر لتقرأ أخبارهم فوق جبين القمر
ثم تكتشف انهم وضعوا اسمك في قائمة
الاغبياء بلا حدود
---------------------
اما احمد وكوثر كان لا ليلهم ليل ولا نهارهم نهار .. رسايل كوثر تنهمر على احمد بس ما يقدر يرد عليها هي صارت الحين لاخوه مو له لازم ينساها وهي لازم تنساه
أحساس مخيف جداً
أن تكتشف موت لسانك
عند حاجتك للكلام
أن تكتشف موت قلبك
عند حاجتك للحب و الحياه
وتكتشف أنك وحدك
كأقصان الخريف
عند حاجتك للأخرين
---------------------
((اليوم المشئوم يوم ملكة جواد وكوثر ))*
الكل فرحان ومبسوط .... ماعدا ثلاثة .... الأول ... كان في عالم ثاني عالم ليان كان يتمنى أنها هي اللي يعشقها بكل جنون العالم ... بس للأسف صارت حلم صعب المنال بعد اللي سواه فيها ...
أحساس قاسي
ان تشتاق إليهم بجنون
وتحن الى وجودهم
واصواتهم بالجنون ذاته
وتزور اطلالهم في الخفاء
وتتمنى ان يعود الزمن ليله واحده
كي تتذوق طعم الفرح في حضورهم
لكنك تتراجع كالملسوع بعقرب الحنين
حين تتذكر ان الزمن لن يعود ... أبداً
أما الثاني ... فكان ضايع ... حبه بيروح منه اليوم كل أحلامه راح يأخذها شخص ثاني ... راح يأخذها أخوه حس انه مو قادر يتنفس يبغي يهرب من هالواقع بس للأسف مجبور يمثل دور السعيد قدام الكل ...
والثالثة هي اللي ملكتها الليلة .... كانت تتمني الموت ولا تكون ملك لأحد غير أحمد ... أحمد اللي ساكن في قلبها ومستحيل تقدر تنساه مهما حاولت هذا شي صعب .... صعب وفي نفس الوقت قاسي على قلبها ...
----------------------------------
جواد حاس انه ناسي شي بس ما يدري شنو
أم محمد : جواد خلك جاهز كلها ساعة ونروح بيت خالتك بس لا تنسي الدبل ترى الشبكة عندي .
جواد نط من مكانه : الدبل
أم محمد : بسم الله الرحمن الرحيم ... شفيك ليكون ضيعتهم
جواد : هااااا .... لا لا موجودين
جواد كان ناسي الدبل في سيارته اللي موديها الورشة علشان يعدلون البريك الخربان ... هنا جواد تورط كيف يوح يجيبهم وابوه مانعه عن الطلعه ... أخيراً قرر يتحايل على ريان ويأخذ سيارته ... وراح لريان وبطلعت الروح رضي يعطيه السياره ... وهو ماشي شافه أحمد اللي طالعه بكل حقد
وقال في نفسه : باريت تروح ولا ترجع ابد .
راح جواد وهو يسرع للورشة ... بعد نص ساعة وصل وجلس يدور الدبل وأخيراً شافهم وحطهم في جيبه وركب السيارة علشان يرجع البيت ... اشوي إلا تدق عليه أمه .
أم محمد : وينك مو باقي شي ونروح بيت خالتك ... وبعدين كيف تطلع بدون ما تقول .
جواد : والله العظيم ناسي شغله مهمة رحت أجيبها وهذا أنا في الطريق .
أم محمد : بسرعة ترى أبوك وصل ويسأل عنك .
جواد : هذا أنا جاي الحين
أم محمد : كم يبغيلك وتوصل .
جواد : ربع ساعة .
أم محمد : بسرعة ولا ترى بنتأخر .
جواد : طيب يلا مع السلامة .
ويسكر من أمه ألا يدق محمد
جواد : الوووووووووو .
محمد : يا أخي وينك أبوي معصب حده عليك .
جواد هذا أنا جاي بس كنت ناسي الدبل في سيارتي .
محمد : جبتهم .
جواد : أي
محمد : طيب بسرعة تعال ترى أبوي جالس يتوعد فيك ... ترى الابو يفكر انك بتهرب .
جواد : أنا مستحيل اهرب حتى لو كان مو راضي على هذا شي بس ما راح اكسر كلمة الوالد العزيز مهما يكون .
محمد : طيب لا تتأخر يا مطيع .
جواد : ههههه .... حاضر يا أخي العزيز .
ويسكر من محمد ويوقف عند ؟أشارة ويفكر في ليان ويتمنى انه ما تعرف عليها كان راح يكون اليوم أسعد يوم في حياته بدل هذا صار هذا اليوم أسوء يوم .... وتفتح الإشارة ويمشي .....
في الجهة اليسار .... سيارة سوده تسرع إلى حد الجنون ... وتقطع الإشارة ... توصل لنص التقاطع ....
جواد كان في وسط التقاطع ... يلمح السيارة ... ويراقبها تقترب منه حاول يتفاداها بس هذا شي مستحيل ... صار الوقت يمشي ببطء بنسبه لجواد وهو يشوف موته يقترب منه .... صار يشوف شريط حياته يمر قدامه .... تذكر أهله أمه أبوه أخوانه .... ولـــــــــده ... اللي ظلمه تمنى الوقت يرجع ويصلح غلطة على الأقل يعوض ولده الحنان إلي فقده .... تذكر ليان .... تذكر ضحكتها إلى صارت موسيقى عذبه ما يمل من سماعها ... ولا عيونها إلى إذا شافهم يسرح فيهم في سحرهم .... تذكر كلامها همساتها ... تمنى انه يشوفه لو مره وحد بس يقولها انه أسف وانه ما عمره حب احد كثر ما حبها .... وهي الوحيدة إلى كان يحس معها كأنه مالك الكون وما فيه .... بس مستحيل الوقت يرجع ولا يتوقف .... الثواني صارت ساعات عليه ... السيارة تقترب منه أكثر تقترب حامله معها الحزن والألم ... تقترب لتنهي كل شي .......... طراخ
--------------------------------
نهاية البارت
|