منتديات قصايد ليل - عرض مشاركة واحدة

06-19-2011

البارت الثالث والعشرون

(( بعد ما سكر جــواد من ليان راح ينام ومارح مع
اهله الجبل .. لأنه عصب كثير من ليان ومو محتمل
يكلم او يشوف اي احد
.. اما الباقي لما وصلوا لجبل القاره وصاروا يدخلون
المقاره جود خافت وبدأ جسمها يرجف وما قدرت تتحرك
...وحست
وكأن رجليها مثبته في الأرض .. وصارت تبكي
... محمد سلمان مادخل معهم لآنه راح يدور موقف
لسيارته .. اما جود فا كانت
واقفه في مكانها وترجف من الخوف .. شافت
مجموعه من الشباب يناظرونها وبكذا زاد خوفها اكثر ..
صارت تطالع كل الموجودين
لعلى وعسى تشوف حد تعرفه .. لمحت واحد منهم
وحست انها تعرفه زين ووجهه مألوف لها .. حست
ان رجليها يقودونها
له لآ شعورياً .. لما وصلت عنده تمسكت فيه مثل
مايتمسك الغريق بحبل النجاة ..محمد استغرب من البنت
اللي مسكته
بس لما شاف عيونها عرفها .. ومستحيل هذي العيون
تغيب عن تفكيره ))..*
محمد سلمان : جود ايش فيك ؟ّ!
جود : .............
محمد سلمان : ليه تبكين .. ردي علي .. وين
الباقي عنك .... جووود
(( جود مو عارفه تتكلم ... هي منحرجه من
محمد اولاًَ و خايفه ان محمد يتركها لوحدها ثانياً ..
ومنزعجه من نظرات الشباب
اللي حواليها .. محمد تضايق كثييير من حالة جود مو
عارف ليه تبكي .. واستغرب كيف اخوانها يتركونها
ويدخلون من دون
محد يبقى معها .. عصب منهم كثير لأن بسببهم نزلت
دموع اغلى انسانه عنده ... جود ... اللي
طول عمره مخلص في حبه
لها .. حب صادق يحميها من العالم كله حتى من نفسه
.. جود انتبهت لنفسها ولازم تترك محمد الحين ..
توهج وجهها وصار جسمها
حار .. سحبت ايدينها منه .. محمد ارتاح لما
شافها هدأت شوي .. اخذها وجلسها ))..*
محمد سلمان : هااا .. الحين تقدرين تقولين لي وش
فيك ؟
جود " ودها الأرض تنشق وتبلعها ": خفت ادخل
المغاره .. وكلهم دخلوا وماحسوا اني مادخلت !
محمد : طيب ليه خايفه من المغاره ..؟
جود : تخوف .. احس ان الجبل راح يطيح علي
..
محمد : طيب انتي ارتاحي الحين ولما يطلعون راح
اقتلهم كلهم .. " وقام "
جود : وين رايح ؟!
محمد : بروح اجيب المسدس من السياره ..علشان
اقتلهم ..
جود : هاااااا
محمد : ههههههههه .. ايش فيكي صدقتي
.... رايح اجيب لك شي تشربينه ..
(( لما راح صار قلبها يدق بقوه .. وودها
مايتركها ابد ... شعور ماحست فيه من قبل ..
شعور حلوو .. اول مره تحس
بأن حد يحميها لشخصها ))..*
: الحلو سرحان .. فيني
ما اتحمل انا اموووت على العيون القتاله .. ذبحني
سهام عيونك مدري ايش راح يصير لي
لما اشوف وجه القمر كلــه ..
" جود انصدمت ومو عارفه شنو تسوي .. دورت
على محمد ماشافته .. رجع الخوف يملي قلبها وجسمها
تسمر في الكرسي
ولسانها صار ثقيل .. جلس جنبها حاولت تبتعد عنه
بس مسكها "
: وين بيروح الحلوو ويخليني
.. الآ اذا ودك نروح مكان ثاني انا حاضر " وغمز
لها "
جود " بصوت مبحوح كاد يظهر ": اتر ..
كني
: اتركك ! ليه انا
مجنون ... مارح يحصل لي ملآك مثلك جالسه
لوحدها تنتظرني ... هاا ايش رايك نروح مكان
ثاني علشان ناخذ راحتنا زين .. وراح
آعاملك مثل الملــكه ..
(( جود صارت تبكي بس هالمره اشد من قبل ..
حالولت تصارخ تستنجد بأحد .. بس صوتها خانها
.. الدنيا بدأت تدور حواليها
ورجليها ماعادت تحس فيهم شوي وتطيح الا بحضن يلمها
ويحميها من الخطر اللي حواليها .. ايدين مسكتها بكل
حنان
وحسستها بالأحساس الحلوو اللي حسته قبل ماتشوف اشر
خلق الله .. رفعت راسها تشوف مين اللي حسسها
بكل هذا الحنان
.. محمد ... ))..*
: ياهووو .. انا شفت
القمر قبلك اذا تبغى اعطيك ايها بكره
" محمد بكل غضب الدنيا .. عطاه كف نزله
للأرض .. وجلس يضرب فيه وكان ناوي يخلص
عليه .. بس مسكته جود
ومافي فايده .. وفي هذا الوقت ... طلع محمد
عبدالعزيز اخو جود .. بعد ما انتبهوا ان جود مو معهم
في المغاره .. لما طلع
شاف ناس متجمعه والزحمه .. قرب منهم سمع صوت
محمد سلمان .. راح يسرع له وشاف جود تمسك في
محمد سلمان
اللي راح يخلص على الولد .. جود اول ماشافته
راحت له "
جود " تبكي": محمد راح يقتله يا محمد
محمد عبدالعزيز : شنو السالفه ؟!
محمد سلمان " سمعه ": هذا ابن ××× يتحرش
بأختك
"ماخلص كلامه الا محمد عبدالعزيز مسكه وصاروا
يتضاربون .. واثنينهم يضربون في الولد ..
ويادووب فرقوهم عن بعض
قبل لا يموت في ايديهم "
ــــــــــــــــــــــــــــــــــــــــــ
(( في المزرعه ))..*
بوفهد : ليه مارحت معهم .؟!
جــواد : بس كذا .. مالي نفس للطلعه ..
بوفهد : غريــبه ..!!
جــواد : عن آذنكم رايح انام ..
بوفهد : تنام ..؟ .. من شوي صاحي من النوم
..
بوحسن : لآ تضغط عليه يمكن الولد تعبان ..
ـــــــــــــــــــــــــــــــــــــــــ
(( عند الشباب ))..*
حسن : خير ليه كل هالهوشه !!
محمد سلمان : واحد سخيف تحرش بجود ..
حسن : حصل خير ... خلونا نمشي ..
محمد عبدالعزيز : كان ودي اقتله السخيف ..
حسن : وانت الكل تبغى تقتله .. وخروا عني
ياسفاحين بروح اشوف بنت اختي المسكينه خوفوتها
" وراح لعند جود يهدئها "
حسن : بس .. لآ تبكين تبغيني اصير سفاح
واروح اقتله مع محمد آس تربيع
كوثر : شنو آس تربيع
حسن : اوهوو .. جات الملقوفه ..
كوثر : انت خال انت ..!!
حسن : انا خال الحلوين بس ... صح جود
" جود ضحكت لخالها "
حسن : اي كذا اضحكي .. ها تبغين آخذك مكان
تتونسين فيه و لآ اوديك المزرعه
جود : لآ .. نروح المزرعه ..
حسن : على هالخشم ..
ـــــــــــــــــــــــــــــــــــ
(( عند يارا ))..*
(( من وقت طويل .. ماحست بمثل هذي الراحه
اللي تحسها اليوم .. كل شي متوفر لها .. ومحمد
الصغير الحين في مكان
آمن .. ماعد تخاف عليه من البرد آو الجوع او تتركه
لوحده .. مافكرت في يوم من الآيام ان في هذي الدنيا
حد يساعد
من دوون آي مقابل .. ))..*
ــــــــــــــــــــــــــــــــ
(( ليان كانت متضايقه كثير لآنها تخانقت مع جود
.. ودها تتصل عليها وتتأسف منها بس كبريائها
يمنعها .. ولآن جود خطأت في حقها
وهي عصبت على جود لآنها مو راضيه انهم يتقابلون..
مع انها عطتها صورها وخلتها تشوفها ..ليه هي ماتثق
فيها !!
ليان تبغى سبب واحد يمنع مقابلتهم .. جود تقول انها
راح تخطبها لآخوها ... ليان بس تذكرت جــواد بدأ
قلبها يدق بسرعه
ووجهها أحمر .. ماتدري ليه هالأنسان دخل قلبها من
دوون مايدق بابه من دون ماتشوفه معقوله في يوم من الأيام
راح
تشوفه وتتكلم معاه ويكون لها لوحدها .. صارت تطالع
نفسها في المرايا .. شكلها عادي مافيه آي شي يميزها
عن باقي البنات
ممكن في شخص بوسامة جــواد ينعجب فيها !!
))..*
ـــــــــــــــــــــــــــــ
في المزرعه
رجعوا الشباب مع البنات وتفقوا انهم مايقلون لاحد عن اي
شي صار ..
جواد وده يكلم ليان بس يكابر .. صار يتمشى في
المزرعه علشان ينسى وصل لقفص الحمام وجلس يطالع
فيهم سمع صوت وراه لف شاف بنتين يتمشون تحنحن
علشان يعرفون ان في احد .. لاحظ ان البنتين جاوا
لعنده عرف انها اخته ريم معاها وحده متغطيه ..
جواد : ريم شنو تسوين هنا ؟؟
: أنت شنو يدخلك ؟؟
جواد : اوووووه أنتي كويتر ماعرفتك .. وبعدين
أنا ما كلمتك كلمت أختي ..
كوثر : روح بس اذلف عن وجهنا مااعرف اخذ راحتي
وانت مو جود ..
جواد : لا وطردني .. آآآي يالي ما تستحين على
وجهك لوانك مو بنت كان توطيت في بطنك ..
كوثر : جرب وشوف شنو راح يصير لك !!
جواد : ريم روحي داخل وأخذي توابعك معاك "
ويأشر على كوثر "
ريم : يلا كوثر خلينا ندخل .
كوثر كتفت يدينها : ماني متحركه من مكاني .
ريم وهي تمشي : كيفك بس انا بدخل وأنتي لا تتحركين
من مكانك ..
جواد : أنتي الحين ما تستحين مثل اي بنت طبيعيه !!
لالا تجاوبين انتي اصلاً مو بنت طبيعيه ..
كوثر اسفهته وجلست تطالع الحمام ..
جواد وقف يمها وستغرب من سكوتها مو من عادت كوثر
تسكت ..
كوثر : جواد طلبتك امسك لي وحده ..
جواد : وحده ؟؟؟؟؟؟؟
كوثر : ابغي حمامه .
جواد نصدم من الرقه الى حسها في صوتها لا شعورين منه
دخل لقفص الحمام علشان يمسك لها وحده .
كوثر : ابغي البيضه .
جواد : مااقدر اوصل لها .
كوثر : مالي دخل ابغي البيضه .
جواد مسك حمامه بس مو الي تبغيها توه بيطلع أقفلت عليه
كوثر ..
جواد بصدمه : يامجنونه فتحي الباب !!!
كوثر : قلتلك ابغي البيضه ماابغي هذي ..
جواد : مااعرف امسكها فهمي ..
كوثر : أجل ضل في القفص الي ان تعرف تمسكها
..
جواد بستغراب وهو يضرب على باب القفص : وين
بتروحين ؟؟
كوثر ببرأه متصانعه : داخل مثل ماقلت لي !!
جواد يصارخ لانها بعدت : كوثر تعاااااااالي فتحي
الباااااااااااااب .
بس كوثر اختفت ودخلت قسم الحريم .
كوثر دخلت عند البنات وهي تضحك .
شجون : بسرعه قولي شنو المصيبه المسويتها اعترفي
..
كوثر : ماااسويت شي !!
جود : أجل ليه الضحكه شاقه وجهك ؟؟
كوثر : كذا مستانسه .
ريم : شنو سويتي ؟؟
كوثر : ريم تعالي اكلمك " وتاخذها وتمشي علشان
ماتخليها تتكلم "
نرجع لعند جواد الي كسر القفص بس مافي احد سامعه
وجواله لسوء الحظ طافي مخلص الشحن .. بعد فتره
تعب من الصراخ على الفاضي وجلس ضل على هلحاله
ساعتين مافي احد جاله وكوثر فكرته انه دق على احد وفتح
له
---------------------
((عند الرجال))*
بوفهد : الحين وين راح جواد ؟؟
حسن : صح ذكرتني بجويد الدب ليه ماراح معانا ؟؟
محمد سلمان : يقول انه تعبان !!
حسن : بس الحين وينه حتى جواله مغلق !!
بو فهد : دقوا على الحريم يمكن يمهم .
أحمد : خلوه يرتاح ..
حسن : أنت مالك دخل بدق عليه وازعجه كبفي . "
ويدق على جود "
جود : الووووو هلا خالي العزيز
حسن : اهلين .. وينه ؟؟ وين اخوك التعبان ؟؟
جواد : أي اخو ؟؟
حسن: جواد في احد غير ؟؟
جود : ماادري !! مو يمكم ؟؟
حسن : لا مو يمنا روحي شوفي يمكن يم امك .
جود : هذا امي يمي مو موجود .
حسن : اجل شكله طلع يلا باااي .
جود : باااي اذا شفته قولي " وتسكر " .
الجوري : مين الي داق عليك ؟؟
جود : حسن .
كوثر : شنو يبغي الخلاله ؟؟
جود : يدورون على جواد !!
كوثر انفجعت : مارجع ؟؟
جود : شفيك ؟؟
كوثر : ......
جود : تكلمي تعرفين شي ما نعرفه ؟؟
كوثر راحت تسرع مكان قفص الحمام والبنات وراها .. لما وصلت شافت جواد جالس حست انه بركان يغلي من الغضب .. قربت من القفص بس ما تحرك .. فتحت له وسط صدمت البنات وقف بكل برود ومد يده لها هي خافت ورجعت على ورى بس لما طالعت يده شافت الحمامه البيضه اللي كانت تبغيها .. خذتها من عنده وتوها بتفتح فمها بتتكلم تفاجئت بكف علم على خدها ..
جواد : هذا درس ابغيك ما تنسينه " ومشى عنها " ..
اسعدوا البنات لصراخ كوثر بس طول انتظارهم وضلت ساكته .. قرب منها شجون وحطت يدها على كتفها .. هنا جلست كوثر على الارض تصيح مثل طفل صغير ماعرفوا البنات شنو يسون هذي اول مره يشوفون كوثر في هذي الحاله .. هي كانت ندمانه على اللي سوته فيه .. في نفس الوقت منقهره منه هذي اول مره احد يضربها في حياتها .. حست بكبر غلطتها .. كنت ماسكه الحمامه وتتذكر كف جواد ومو عارفه توقف صياح .
---------------------
وصل جواد عن الشباب وهو معصب حده على كوثر بس حس انه الي سواه غلط هي صحيح غلطانه بس مو لدرجة انه يعطيها كف قدام البنات .. تمنى الوقت يرجع ويصلح الغلطه الي رتكبها في حقها .
حسن يقاطع تفكيره : اخيراً شرف السيد المحترم !!
محمد سلمان : وين كنت يا اخي " ويقرب منه " اوووووووف شنو هذي الريحه وشفيك كذا متبهدل ؟؟
حسن : ريحتك حمام .
أحمد : شكله نايم عند الحمام .
محمد سلمان : جواد شفيك تكلم شنو صاير لك .
جواد بعصبيه : اسأل أختك المصون ؟؟
محمد سلمان : كوثر!!
جواد : اي كوثر في احد غيرها بسخافتها ؟؟
محمد سلمان : احترم نفسك .
جواد : وخر عني بس " ويمشي عنهم ويروح يسبح " .
أحمد :تعتقدون شنو سوت له كروثر علشان يعصب كذا ؟؟
حسن ماادري بس اعتقد شي كبير لاني احسه انه بينفجر من العصبيه !!
محمد عبد العزيز : ما عليكم منه اكيد شي تافه هو من قبل ما نطلع وهو معصب .
حسن : مااعتقد من شكله احس انه مبهدلته .
أحمد : الحين ليه ما تدقون على البنات وتسألونهم ؟؟
محمد سلمان : انا بدق على كوثر وسألها " ويدق عليها بس ما ترد " غريبه كوثر ما ترد على الجوال ..
حسن : أنا بدق على جود ..الووووو
جود : هلا حسون ..
حسن : اهلين ببنت أختي الحلوه .
جود : اشوفك اليوم راضي عنا كل تدق علي ؟؟
حسن : بعد شنو اسوي لازم القلب ومايهوى .
محمد سلمان : اقول اخلص اسئلها ..
جود سمعت صوت محمد وخقت عليه : ....
حسن : جود ... الوووو.
جود : هلا ..
حسن : وين رحتي ؟؟
جود : مارحت مكان .
حسن : لي ساعه وأنا اكلمك وأنتي لا حياة لمن تنادي .
جود : طيب امر تدلل شنو بغيت ؟؟
حسن : كوثر شنو مسويه لجواد .. وجواد شنو فيه ؟؟
جود : ليه ما قال لكم ؟؟
حسن : شنو ..
جود : هذا يا طويل العمر كوثر حابسته في قفص الحمام من اكثر من ساعتين ..
حسن : بل بل بل قويه !!
جود : ولم انت اتصلت قبل اشوي تذكرت وفتحت له ..
حسن : وشلون قدرت تدخله في الفقص ؟؟
جود : اظاهر انه داخل يمسك لها حمامه هي تبغيها ولما دخل قفلت عليه .
حسن : طيب هو شنو سوى ؟؟
حود : عطاها الحمامه وعطاها معاها كف .
حسن : ضربها كف !!
جود : وهذي هي تصيح الحين ومو راضيه تسكت .
حسن : حاولي تهدينها .
جود : هذا البنات يسكتون فيها .
حسن : يلا اكلمك بعدين الشباب بيموتون علشان يعرفون السالفه .
جود : هههههههه باااااي : وتسكر " .
محمد سلمان : هاااا شنو السالفه ؟؟
حسن : الحين ما سمعت ؟؟
محمد سمان : سمعنا بس مافهمنا شي .
حسن : تصدقون نسيت السالفه بس لو كل واحد يدفع لي خمسه ريال يمكن اتذكر .
أحمد : بتقول ولا اقتلك ؟؟
حسن : خلاص خوفتوني بقول .
أحمد : اي صر رجال .
حسن : أنا رجل قبل مااعرفك .
أحمد : اخلص قول .
حسن : أنا بقول بس مو علشانك علشان الجماعه الجالسين " ويقول لهم السالفه كلها " .
محمد سلمان : ساعتين كيف استحمل لو انا منه كان قتلتها .
أحمد : بس ما يحق له يضربها هذي بنت .
حسن : ياأخي اقولك هذي حابسته من ساعتين .
أحمد : ولو تصرفه غلط في غلط .
حسن : والله هذا الي صار .
---------------------
((عند البنات))*
جود : خلاص كوثر .
شجون : ابي افهم ليه كل هالصياح ؟؟
كوثر : .......
جود : طيب نركي الحمامه موتيها .
كوثر : ماعليكم مني ..
نجود شافت الحمامه وجات تسرع : حمامه ..
كوثر : وخري ...
نجود : اشوفها ...
مرام : يمه تخوف ..
كوثر : اقول روحوا عني هذي حقتي .
جود : لا تصيرين طفله خليهم يشوفونها توك قبل اشوي تصيحين !!
كوثر : مااابي احد يشوفها كيفي .
شوق : ابي اشوف أنا بعد .
كوثر : روخي خلي خالك يجيبلك وحده ثانيه .
وتقوم عنهم وتطلع .
جود : وين بتروح هذي ؟؟
مشاعل : بتروح تسوي مصيبه ثانيه ..
جود : الله يستر .
---------------------

((عند الشباب))*
دخل جواد بعد ما أحذ له شاور .
حسن : وأنا اقول مساعه من وين جايه ريحة الحمام ؟؟
محمد سلمان : ههههههههههه ياحسون الله يهديك لا تفشل الرجال ..
أحمد : أجل احبستك بنت في قفص ..
جسن : عقبال ما تحبسك في القفص الذهبي .
جواد : لو ما تسكتون راح ارتكب فيكم جريمه .
أحمد : مسوي علينا رجال وتوها بنت حابستك كأنك عصفور مع الحمام .
جواد : بتسكت ولا بعقال ابوي على ظهرك ؟؟
أحمد : ياوحش ياقوي .
(( جواد يقوم عليه يبغي يضربه بس أحمد انحاش وطلع برا وجواد يلحقه مصمم يضربه .. وكل الشباب يضحكون عليهم .. كوثر كانت جالسه تلاعب الحمامه .. سمعت اصواتهم عدلت نفسها علشان تروح عنهم لا يشوفونها بس تأخرت ودمت في أحمد وطاح عليها وطارت الحمامه من بين يدينها .. ذبت عيون أحمد في عيون كوثر .. نصبغ وجهها بلون الاحمر أول مره تشوف أحمد عن قرب كذا .. طالع غيرعيونه دوختها .. ووجهه اللي يصرخ رجوله .. انا هو فكان وده يضمها لصدره وتوقف الزمن ويضلون طول العمر كذا .. مارجعهم شي للواقع الا صوت جواد الي يدور عن أحمد .. أحمد استعاد وعيه وتماسك قبلها وقام عنها وراح قبل مايجي جواد ..اما عي فضلت سرحانه في أحمد حست أن جسمها يرتعش بس هي مو بردانه .. ياربي معقوله أحمد يسوي فيني كذا .. ضلت منبطحه تتخيل شكل أحمد في السما ... كان ودها تضل معاه على طول .. اكيد جنت اكيد فقدت علقلها من الطيحه .. قامت علشان تبعد أحمد عن تفكيرها .. وراحت عند البنات وخدودها لازالوا ورديه من الموقف اللي صار لها )) .
---------------------
(( في اليوم الثاني )) *
جلسوا الحريم في الصباح والبنات نايمين كلعاده فطروا وخلصوا بعدها جلسوا البنات وقت الغدا طبعا ماجلسوا الا بعد صراخ امهاتهم .
أم محمد : يلا يابنات الغدا جاهز .
جود : حاضر يمه الحين نجي .
وراحوا البنات يتغدون
أم فيصل : كوثر ليه ما تاكلين .
جود : خلاص يا كوثر مايستحمل تسوين في نفسك كذا .
كوثر تقوم من على الغده : عن اذنكم .
أم فيصل : وين رايحه يمى بعدك مااكلتي شي .
كوثر : اذا حسيت بالجوع راح اكل .
أم فيصل : على راحتك .
(( وتروح كوثر لغرفتها وكملوا غدا وقعدوا الحريم يتقهون ))
أم محمد : شجون شفتي بندر من امس ما شفته .
شجون : لا ما شفته بس تلقينه يلعب مع البزارين .
أم محمد : روحي شوفيه وخليه يدير باله على نفسه .
شجون : اوكي .. رغوده قومي معي .
رغد : طيب .
ويطلعون البنات ويمر الوقت وجات صلاة المغرب وصلوا الرجال جماعة في المسجد اللي قريب من المزرعه .
----------------------
(( عند البنات ))*

الجوري : مي بعدك ماخلصتي صلاه صار لك ساعه .
مي " ترفع ايدينها تدعي الله " : يارب ياااااارب انا عبدتك الذليله يارب ارحمها برحمتك يارب اني مااقوم من مكاني الا يجي واحد ويخطبني من ابوي ويقوله ابغي بنتك مي ملكة جمال العالم .. يارب يارب يارب ..
الجوري : ههههههههههههههههههه
جات مشاعل عند مي وضربتها على راسها .
مشاعل : الجوري تسمعين صدى ؟؟
الجوري : ايوه اسمع .
مشاعل : ماعندها مخ راسها فاضي .
الجوري : ههههههااااااااااااي .
مي : وخروا عني انتوا الثنتين .
غزل : خليهم عنك .. وادعي لي معك .
ريم : لا والله فلحنا من وراكم .
الجوري : اقول عن الهرج .
---------------------
(( عند الرجال ))
حسن : ااااااوووووووف
محمد سلمان : شفيك ؟؟
حسن : زهقت من الزهق .
جواد : مافي شي جديد .
سلطان : ليه مانطلع ؟؟
محمد سلمان : وين نروح ؟؟
سلطان : نتمشى ..
فارس : ليه ما تطلع مع حبيبت القلب ؟؟
سلطان : ودي اطلع معاكم حرام ؟؟
حسن : اقول سكتوا ترى انا زهقان من كثر الزهق اللي فيني ماابي تزيدون الزهق اللي فيني وهالشياب ما عندهم شي غير الهذره اللي ما منها فايده .
أحمد : ليه ما تاخذ سيارة خلودي ونتمشى في المزارع ؟؟
حسن : تركوني خلوني اذبحه تركوني عيه أقوله زهقان يقولي نتمشي في المزارع .. انا ابغي شكشكه ابي دانس ابي ردح ..
فارس : ترجم !!
جواد : يبغي يرقص ويفلها فللان .
فارس : شكراً على الترجمه الفوريه سيد جواد .
أحمد : نشغل لك أغاني في السياره .
حسن : تشهد .." وقام بيضربه "
محمد عبد العزيز : اجلس .
حسن : شتبغي انت ؟؟
محمد عبد العزيز : فكرة أحمد حلوه .. اذا ما تبغي تروح معانا كيفك .
فارس : الحين انتوا خططتوا وقررتوا .. تضمنون ان الكبار بيرضون يخلونكم تطلعون ؟؟
محمد عبد العزيز ك خلوهم علي .
حسن : ان مارضوا الشياب بروح اجيب بندقيتي واثور فيهم .
بعد كذا قعدوا يقنعون في الكبار الي ان وافقوا بعد ما طلعوا روحهم .. وخذوا سيارة خالد وطلعوا .
---------------------
(( بعد ساعتين )) *
جواد : بس هذا كل الي بنسويه دار راسي من كثر ما درتوا بسياره .
فارس : والله ملل .
جواد : حسون .
حسن : الرجاء عدم التحدث الي السائق .
جواد : حسن .
حسن : هذا الانسان غير متواجد في الخدمه ارجوا المحاوله في وقت لاحق .
جواد : اقول تكلم عدل .. ياهووو حسن بقول شي مهم .
حسن : هذا الانسان خارج نطاق التقطيه الان .
جواد : ياانسان .
حسن : الانسان مثل البني ادم اذا درس تعلم واذا اشتغل توظف واذا مات توفي هو ما مات مات بس هو مجنون غبي خبل عنده الموت مثل شرب الشاهي .
يضربه جواد على كتفه : حسسسسسسن .
حسن : يااخي افهم مااعرف اسوق واتكلم وبعد الطريق اظلم .. ترى ان ماسكت برميك في الصرف .
محمد عبد العزيز : جواد اعقل خل الخال يسوق .
محمد سلمان : حسن .
حسن يلف عليه وهو معصب : نعم شنو تبغي بعد انت .
محمد عبد العزيز : حسن .. " يصارخ " انتبه السياااااااااااااره .
حسن : شفيهاااااااااااا
ويطالع قدام ويشوف سياره جايه هرن سيد (( رونج سايت )) قدامهم وسرعتها تتخطى الحد المسموح به بكل قوته لف الياره بس للاسف لفها في الاتجاه الخطئ في وقت متاخر .. لان الساره صدمت فيهم ومن قوه الصدمه وسرعة السياره اقلبتهم في الصرف الزراعي .. علشان تتكرهم بين الحياه والموت .
---------------------
نهاية البارت