منتديات قصايد ليل - عرض مشاركة واحدة

06-19-2011

البارت السابع عشر
(( في الصاله بوفهد جالس مع ام فهد وام محمد ))..*
بوفهد : اخوي بوسلطان راح يجي الدمام في هذا العيد ..
ام فهد : يعني الجوري ومشاعل راح يجون معهم ..
بوفهد : ان شاء الله ...
ام محمد : اجل راح اكلم دنيا اذا تقدر تجي هي بعد ..
ــــــــــــــــــــــــــــــــــــــــــــــــــ ــــــــــــــ
جـــواد : ايش فيكي ساكته ..
ليان : افـــكر
جـــواد : في شنوو
ليان : في اخوك .. كيف عمل كل هذا مع انه صغير .. كان عمره في وقته 16 سنه
جـــواد : ليان ... انا ابغى اقولك شي ثاني ..
ليان : الظاهر مصيبه ثانيه .. يلآ قولي
جـــواد : انـــا ..انــا كذبت عليك في شي
ليان : في شنو كذبتي
جـــواد : توعديني انك ماتزعلين مني ..؟؟
ليان : والله .. على حسب الكذبه
جـــواد : لآ .. توعديني قبل ما اقولك انك ماتزعلين مني ..
ليان : اووف .. جود اعصابي بدأت تتلف
جـــواد : انتي تعرفين انّ اغلب اللي يتكلمون بالشات كذابين
ليان : شنووو
جـــواد : انا ماكذبت عليك في آي شي عن اخواني او خواتي .. انا كذبت عليك في شي يخصني
ليان : جود .. شنو
جـــواد : انا عمري 20 سنه مو 18
ليان : اهاا كبري يعني
جـــواد : اكبر منك بأربع شهور
ليان : بعد
جـــواد : انا مدري ليه قلتلك عمري 18 سنه
ليان : ههههههههه
جـــواد : شنو فيك
ليان : مدري اضحك ولآ ابكي
جـــواد : قولي آي شي .. بس لآ تسكتين
ليان : بعد في شي عنك انا ما اعرفه
جـــواد : في الوقت الحالي .. لآ
ليان : يــاسلام .. يعني فيه
جـــواد : مدري مع الوقت ان شاء الله راح يطلع
ليان : ومتى ان شاء الله
جـــواد : في وقته ... ليان زعلتي
ليان : بصراحه .. لآ
جـــواد " باستغراب " : ليه
ليان : مدري مع انّ المفروض ازعل .. احس افضل لما صرتي كبري .. اقصد اكبر مني بأربع شهور
جـــواد "حب يغير الجو ": ياسلام الحين تقدرين تتزوجين جـــواد
ليان : لآ .. ما ابغاه
جـــواد : علشان اللي قلتلك عنه
ليان : لآ .. لآنك اخته
جـــواد : لآ والله ... اصلاً لآني اخته راح تتزوجينه ..
ليان : ههههههه طيب راح اتزوجه علشانك
(( ليان فتحت صوره جـــواد وجلست تطالع فيه وتفكر .. المفروض بعد الكلام اللي سمعته تكره .. بس هي مو قادره
تشيله من فكرها .. خلآص هي حبته وحبها له مو مخليها تشوف عيوبه .. بس شلون حبته بهذي السرعه .. المهم انه دخل قلبها
من غير مايدق بابه ))..*
جـــواد : يعني اقوله يتقدم لك ..
ليان " احمر وجهها ": اقول اسكتي ولآ راح اسكر
جـــواد : ههههههه طيب طيب
ــــــــــــــــــــــــــــــــ

(( عند يارا .. كانت حاضنه محمد وتفكر بعيشتها ..وشلون دارت عليها الآيام ووصلت لهذا الحال .. صار الوضع صعب بالمره
صحيح قبل امها وابوها كانوا قاسيين عليها .. بس على الآقل في حد معها .. في عندها بيت تعيش فيه ))..*
: يارا تعالي امسحي الآرض
يــــــــارا: ان شاء الله
ـــــــــــــــــــــــــــ
(( اخيــراً بدأت اجازه العيد والكل كان يشتري اغراض للعيد ))..*
ليان : اليوم بروح السوق شرايك تجين معي
جـــواد : اممم افكر
ليان : جووود .. متى راح اشوفك .. حرام عليك اربع شهور ولآ شفتك .. وانتي في آي وقت تبغين تشوفيني .. طيب شغلي المايك
جـــواد : خربانه
ليان : طيب صلحيها
جـــواد : غيري الموضوع
ليان : ليــــــــه ...
جـــواد : بس
ليان : ...........
جـــواد : زعلتي
ليان : لآ
جـــواد : اليوم خواتي راح يجون
ليان : تقصدين اللي من فتره تزوجوا ولآ عزمتيني على زواجهم
جـــواد : ايوه
ليان : سلمي عليهم
جـــواد : هههههه يوصل
ليان : متى راح يجون
جـــواد : مدري
ليان : روحي اسألي اخوك جـــواد يمكن يعرف
جـــواد : ههههههههه .. لا لا انتي اكـــــيد معجبه بأخوي
ليان : استغفر الله ... مع السلامه
جـــواد : ههههههه خلآص اتوب ... اتوب .. ليان ممكن اسألك سؤال
ليان : الله يستر .. اسألي
جـــواد : امممم ... شرايك بأخوي جـــواد
ليان : من آي ناحيه ..
جـــواد : انا بصراحه ابغى اخطبك له ..
ليان : شنو .. انا ما احب المزح في مثل هذي المواضيع
جـــواد : وربي ما امزح
ليان :...............
جـــواد : زعلتي
ليان : فاجئتيني .......
جـــواد : طيب شنو قلتي
ليان : ما احب اتكلم في مثل هذي المواضيع
جـــواد : طلبتك ردي علي .. وربي اتكلم جد
ليان : جود انتي تتكلمين في موضوع حساس .. افرضي اذا انا وافقت اخوك مايوافق
جـــواد : اخوي قالي اختار له على ذوقي
ليان : طيب ليه انا
جـــواد : اولاً انتي تعرفين عنه كل شي ..ثانياً بصراحه انا حبيتك
ليان : مدامك حبيتيني ليه ماتخليني اشوفك
جـــواد : راح تشوفيني ان شاء الله .. اذا جيت اخطبك لآخوي
ليان : بس .......
جـــواد : انا وريتك صورته صح .. ولآ تبغين ارسلها لك مره ثانيه
ليان : لآ مايحتاج
جـــواد : يلآ ليووونه شرايك ... موافقه ولآ ....
ليان " بخجل ": موافقه .. " وحطت ايدها على فمها "
جـــواد " بفرح " : والله
ليان : .................
جـــواد : يعني الحين انتي تبغين جواد
ليان : .................
جـــواد : بروح ابشره
ليان : ليه هو يدري عني
جـــواد : يـــس .. كلمته عنك قبل كذا
ليان : من جدك تتكلمين
جـــواد : لآتزعلين مني
ليان : اممم طيب شنو قالك لما قلتي له عني
جـــواد : تشوق لشوفتك
ليان : اكييييد وين ارح يلقى احسن مني
جـــواد : اقوول لآ تشوفين نفسك كثييير ترى اخوي احلآ منك بواجد
ليان : تهبين ... خليه بس يقص شعره صاير كأنه بنت
جـــواد : لا لا شكلي راح اغير رايي و ادور وحده ثانيه لآخوي
ليان : احسن
ــــــــــــــــــــــــــــــــــ
(( بعد صلآه العصر .. بوسلطان وعياله وصلوا لبيت بوفهد ))..*
بوفهد : الحمدلله على السلامه .. تو مانورت الدمام
بوسلطان : الله يسلمك ياخوي.. الدمام منوره بأهلها ..
بوفهد : تســـلم ..الا وشخبارك واخبار العيال
بوسلطان : الحمدلله بخير ناقصتنا شوفتكم .. وانتوا وشخباركم وشعلومكم
بوفهد : الله يسلمك .. حنا بخير ولله الحمد
بوسلطان : الآ .. كلمت الوالده ..؟؟
بوفهد : والله .. من مده ماكلمتها .. ليه عسى ماشر
بوسلطان : والله مدري .. بس اهي كلمتني قبل يومين وقالت تبغانا في موضوع
بوفهد : خير ان شاء الله ... اجل نروح لها الآحســــاء
بوسلطان : لآ .. اهي قالت انها راح تجي اليوم الدمام
بوفهد " باستغراب ": بس هي ماقالت لي !!
ــــــــــــــــــــــــــــــــــــ
((عنـــد الشباب ))..*
محمد : سلطان .. من جلسنا وانت تطالع الجوال ... بلاك .؟؟
فارس : يبغى يكلم حبيبه القلب
جـــواد : لآ تقول .. تنتظر الجوري تتصل عليك
(( في هذي اللحظه يرن جوال سلطان ويفز من مكانه ))..*
سلطان : هـــلآ والله هـــلآ بقلبي هـــلآ بحياتي
الجوري : اهليـــين فيك .. تأخرت عليك
سلطان : كثيـــــر .. اشتقت لك كثيـــر
جـــواد : سليطين عيب تكلم اختي كذا
سلطان : اقول تقلع عن وجهي " الآ يجي محمد وياخذ الجوال من سلطان"
محمد : حي الله الجوري .. وشخبارك
الجوري : بخير الحمدلله .. وين سلطان
محمد : افااا ..الحين انا اكلمك وتقولين وين سلطان "ياخذ سلطان الجوال"
سلطان : اقول روحوا عن وجهي "ويكلم الجوري" حبيبتي اخوانك عله مايخلون الواحد يكلم زوجته على راحته
الجوري : حبيبي لآ تزعل
سلطان : يلا اطلعي خلينا نرجع جده احسن
الجوري : يؤ .. كيف من شوي جينا
سلطان : هههههه امزح .. المهم مستانسه انتي
الجوري : ايووه كثييير اشتقت لآهلي مووت
سلطان : عمري انتي ... هذا اهم شي
فارس : اقول انت يابو الشباب .. تبغى تغازل غازل برا ... هنا في عزابيين
محمد : انا خلاص بقولهم يخطبون لي .. قهرني هذا "ويسكر سلطان من الجوري ويقعدون يسالفون"
فارس : ريانو شنوفيك .. رافع خشمك وماتتكلم معنا
ريان : لآ .. عادي مافيني شي ..

(( عند البنات ))..*
مشاعل : وانتي ماتشبعين من سليطين
الجوري : نو
جود : تصدقون البيت من غيركم احلى
مشاعل : يالقرده
شجون : معها حق ... يوم رحتوا البيت صار هاااااادي
الجوري : الله يسامحكم
مي : الجوري ...
الجوري: نعم
مي : مدرسه التدبير المنزلي .. تسلم عليك وتقول خلي اختك تسوي لك موس شوكلاه
الجوري : لآ والله
مي : ترى راح تنقصني 10 درجات ..
الجوري : احسن ... رغد شفيك ساكته
رغد : ابد .. سلآمتك ..
مشاعل : شكلها مستحيه
جود : حلوه ذي تستحي .. ترى حنا بنات عمها مثلكم .. مو اول مره تشوفنا .. صح رغد
رغد : صــــح
ريم : عن آذنكم ..
مشاعل : وين يادوده الكتب
ريم : بروح اكلم خويتي
الجوري: لآحقه على خويتك .. اجلسي معنا
مي : غزل تعالي نروح غرفتي ..
غزل : يلآ .. بس هااا انا اللي راح انام على السرير
مي : لآ والله .. الأرض وواجد عليك
غزل : اصلاً تتشرفين اني انام على سريرك
مي : انتي الشرف لك لآنك نايمه على سرير ملكه جمال العالم
جود : رغد ..
رغد : هلآ
جود : منو تبغين تنامين معه
رغد : مو مشكله آي مكان
شجون : نامي معي
رغد : اوكي
مشاعل : وحنا وين ننام
جود : مدري تصرفوا ههههههههههه
الجوري : يسلام .. الحين بنات عمكمم بتخلونهم ينامون معكم وحنا تطردونا
مشاعل : خليهم يولون عنك .. الآ ازواجنا وين راح ينامون
الجوري : وين راح ينامون
جود : الشباب كلهم راح ينامون مع بعض
مشاعل : اهااا
الجوري : اجل خلينا نستقل هالفرصه
مشاعل : شلوون
الجوري : نروح لغرفتهم ونقلبها فوق تحت
جود : اوكي .. بالليل احسن
مشاعل : ايوه صح كلامك .. وعلى قولتهم الليل ستار
الكل : هههههههههههههه
رغد : مشاء الله عليكم مسويين عصابه
جود : خلاص انتي زعيمتنا
الجوري : شرايكم نطلع للحديقه
جود : فكره .. والجو رهيييييب مره ..
مشاعل : اوكي يلآ رغد نطلع
رغد : طيب بس البس عبايتي
جود : ماله داعي للعبايه .. الحديقه مافيها احد كل الآولاد في المجلس
رغد : بس ......
جود : لآ بس ولا شي .. يلآ
الجوري : انتوا اسبقوني وانا راح اجي وراكم
مشاعل : خير وين رايحه
الجوري : رايحه المطبخ اجيب شويه فطائر وعصير
مشاعل : اوكي انا جايه معك
شجون : وانا كمان جايه معكم
(( ويروحون البنات المطبخ وجود ورغد يروحون الحديقه ))..*
رغد : اووه لهذي المرجيحه ذكريات الطفوله .. نفسي اجلس عليها
جود : اوووكي اجلسي بس لك ربع ساعه بعشره ريال
رغد : ول كل هذا .. خلاص ما ابغى اجلس ههههههه
جود : ههههههههه ولآ يهمك اجلسي عليها .. على حسابي هالمره
رغد : اووكي اذا كذا ماعندي مانع .."وتجلس على المرجيحه "
جود : اووه نسيت جوالي .. عن آذنك رايحه اجيبه
رغد : اووه ياشخصيه مهمة .. روحي بس لا تتأخرين
(( وتروح جود لغرفتها .. وتبغى رغد لوحدها في الحديقه على المرجيحه .. رغد كانت لآبسه فستان للركبه لونه ابيض
وفيه حزام اسود .. وحاطه لها جلوس بارز شفايفها الصغيره .. وعيونها مكحلتها .. وحاطه شادوا خفيف .. مطلع عيونها البنيه
اما شعرها فكان الهوا يلعب فيه من نعومته .. كانت قمه في البراءه والنعومه))..*
(( وفي الجهة الثانيه من الحديقه .. محمد طلع من المجلس وكان يكلم جوال .. وهو يمشي حس بحركه في الحديقه من الجهة الثانيه
لف وشاف بنت جالسه على المرجيحه .. وشعرها على وجهها .. قرب يشوف منو هذي .. ولما شاف وجهها وقف مكانه
عرفها .. ومستحيل ينسى الوجه الطفولي .. صار يتأمل في ابتسامتها .. في عيونها ... في كل شي .. سحره جمالها
من هي طفله صغيره .. كانت تحول المكان اللي هي فيه إلى جنه .. كانت مثل الفراشه في جمالها .. ومثل الورده
في رقتها .. اما اذا تكلمت يتحول كلامها إلى همس عذب .. يسكت الكل علشان يسمع له ..اما من الناحيه الثانيه فكانت
رغد تسبح في خيالها .. تتذكر الآيام الحوه اللي قضتها قي هذي الحديقه وعلى هذي المرجيحه بالذات ..
كانت تحب تجلس عليها بالساعات بشرط يكون هو اللي يمرجحها .. كانت مبسوطه كثيـــر .. بس جات لها شجون
وقالت لها تبغى تلعب .. هي ماحبت تقوم لآن الوضع عاجبها .. فجاتها شجون ومرجحتها بقووه وطاحت على الآرض
وانجرحت رجلها .. وقامت تبكي .. ولما شافها من بعيد جا لها يركض علشان يرفعها من الآرض وينظف جرحها
كانت هذي آول مره يهتم فيها .. كان دائماَ يتجاهلها .. بس ذاك الوقت كان غير .. كانت متأكده انه راح يبكي من الخوف عليها
ولما تذكرت شكلها ضحكت ... ومحمد اللي كان يطالعها من بعيد ذاب على ضحكتها .. كان ودها يرجعون اطفال ويروح
يلاعبها ويضحك معها .. اللي قطع ذكرياتهم هم الأثنين صوت جود اللي كانت جايه مع البنات .. لما شافهم محمد رجع
المجلس وتفكيره كان مع انعم وارق بنت عرفها في حياته ‘،رغــــــد ،‘ ))..*
(( عند الرجال .. رن جوال بوسلطان ))..*
بو سلطان : هلآ والله يمه وشخبارك
ام جاسم : هلا فيك ..انا الحمدلله بخير .. ها وصلت عند اخوك
بوسلطان : ايوه انا عنده الحين ..
ام جاسم : اجل افتحوا الباب انا عندكم الحين
بوسلطان : ريان .. روح افتح الباب لجدتك
ريان : ان شاء الله
بوسلطان : يمه دقايق ويفتح لكم ريان الباب " ويسكر الجوال"
بوفهد : ابغى افهم امي ليه ما اتصلت علي
بوسلطان : انت تدري عن الوالده
بوفهد : الله كريم " وتدخل الجده ام جاسم ومعها احمد وبوسعود وام عبدالعظيم وام عبدالجليل "
بوفهد : حي الله من جانا .. زارتنا البركه " يبوس راس امه " شلونك يمه وشعلومك
ام جاسم : الحمدلله بخير .. قول لهم يساعدون احمد في تدخيل الآغراض
بوفهد : آي اغراض ..؟؟
ام جاسم : انت روح قولهم وبعدين اقولك
بوفهد : سمعتوا جدتكم ايش قالت .. يلا قوموا " ويطلعون يساعدون احمد "
بوسلطان : يمه خير شنو صاير
ام جاسم : قول لهم يا بوسعود
بوسعود : حنا بصراحه وبدون مقدمات .. نبغى نصيبنا في بيت ابوي ..علشان كذا نبغى نبيع البيت
بوفهد : نـــعم ... انت شنو تقول .. ليه تبغون تبيعون البيت
ام عبدالعظيم : بصراحه حنا محتاجين فلوس .. وبعدين مافيها شي اذا كل واحد اخذ حقه
بوسلطان : لآ .. انتوا اكيد انجنيتوا ... وانتي شرايك يمه
ام جاسم : سمعت شنو قال .. انا مقدر اقول شي
بوسلطان : بس هذا بيتك يمه ومحد يقدر ياخذه منك ..
ام عبدالجليل : بس حنا نبغى نصيبنا من بيت ابوي
ام عبدالعظيم : انتوا عندكم خير وحنا لنا الله
بوسعد : وكل خيركم هذا من مزارع ابوي اللي اخذتوها اثنينكم
بوفهد : قصدك ان حنا اكلنا حقكم ..؟؟
ام عبدالجليل : اخوي بوسعود معه حق
بوسلطان : بس انتوا اللي قلتوا تبغون نصيبكم من المزارع
ام عبدالعظيم : ايوه بس ماعطيتونا حقنا بالكامل
بوسلطان : كان ماتذكرين اذكرك .. مو بوسعود هو اللي جاب حد يسعر الآرض وانتي وزوجك ماقصرتوا مابقى حد
ما سئله وانتي بعد يا ام عبدالجليل
بوسعود : حنا ماعلينا من اللي راح ... حنا جايين علشان البيت
بوفهد : انا اشتري البيت بالسعر اللي تبغونه
ام عبدالجليل : لآ .. حنا لقينا اللي راح يشتري البيت بدون ماينصب علينا وتصير مشاكل ..
بوفهد : انا اشتريه بضعف السعر اللي راح يشتريه منكم
بوسعود : حنا اتفقنا وخلاص
بوسلطان : وحنا آخر من يعلم .. ولآ كأن حنا اخوانكم الكبار
ام جاسم : خلاص .. هم خلصوا كل شي بس ناقص موافقتكم
بوفهد : حنا مو موافقين .. هذا بيتك يمه محد راح ياخذه منك
ام جاسم : بس انا موافقه
بوسلطان : طيب اذا بعناه وين ارح تعيشين ..؟؟
ام جاسم : عند بوفهد .. ولآ ماتبغاني
بوفهد : البيت بيتك يمه .. انتي الداخله وحنا الطالعين
بوسلطان : وبيتي انا مفتوح لك يمه
ام جاسم : انا بعيش عند بوفهد .. علشان احمد وانا مقدر اعيش من غيره
بوسعود : الآسبوع الجاي راح نوقع العقد .. ياريت تجون
بوسلطان : يعني مارح تغيرون رايكم
ام جاسم : خلاص .. لآ تحاول فيهم ..مارح يغيرون رايهم .. وانا جبت اغراضي معي .. من اليوم ورايح انا بسكن عند بوفهد

انتهى البارت