منتديات قصايد ليل - عرض مشاركة واحدة

06-19-2011

البارت السادس عشر
(( في مكان ثاني من جــــده ))..*
(( الجـــوري جالسه مع سلطان وخواته رغد وغزل ))..*
(( رغد 18 سنه .. ناعمه مره وجها طفولي ونعووم .. وعيونها نعسانه .. وحبوبه وخجوله مره ... غزل 13 سنه .. جريئه بالمره ))..*
ــــــــــــــــــــــــــــــــــــــــــــــــ
(( كان سلطان جالس بجنب الجوري وماسك ايدها ويتكلمون بهمس))..*
غزل : انتوا ماشبعتوا من بعض .. على فكره حنا صغار ومو زين لنا هذي السوالف .. روحوا غرفتكم احسن لكم ..
سلطان : ماتبغين تطالعين غمضي عيونك "ويرجع يكلم الجوري"
رغد "بنعومه ": سلطان وين فارس وزوجته ..؟؟
سلطان : مدري الظاهر طالعين ..
رغد : اهااا
سلطان " يهمس للجوري ": اليوم طالعه مثل القمر ..
الجوري "تبتسم له ": فديتك
سلطان : فديت عيونك .... حبيبتي
الجوري : عيونها ..
سلطان : ماودك نطلع اليوم
الجوري : وين نروح
سلطان : اممم مدري آي مكان معك راح يكون جنه ..
الجوري " بخجل ": حبيبي انت ..
سلطان : روحي انتي ..
غزل : هيه انتوا ترى انا اختربت بسببكم .. اعقلوا
سلطان : يووه .. انتي ما تخلين الواحد ياخذ راحته .. صيري مثل رغد ماعليها من حد ..
(( يدخلون عليهم فارس مشاعل يضحكون .. طبعاً الجوري ومشاعل يتحجبون بس ))..*
فارس : وانت ماتشبع من حرمتك
سلطان : لآ .."ويرجع يكلم الجوري"
الجوري : شرايك نصعد فوق
سلطان : يـــلآ ..
فارس : على وين انت وياها
سلطان : بنروح جناحنا ..
فارس : شعولتي .. روحي مع اختك محرم ..
مشاعل : ان شاء الله
سلطان : اقول .. لاعاد اشوفكم توطوطون عندي ..
(( يروح مع الجوري .. ويبقى فارس ومشاعل ورغد وغزل ))..*
غزل : رغد قومي جيبي لي مويا ..
رغد : اخدمي نفسك بنفسك ..
غزل : يلا .. عااد لآ تصيري نذله
رغد : انا نذله هااا
فارس : اقول غزل .. روحي سوي لي ناسكفيه ..
غزل : احلف .. احلف ...وليه ماتقول لحرمتك ..
فارس : ما ابغى اتعب اناملها الذهبيـــه ..
مشاعل : حبيبي انت .. ايوه هذا الرجال السنع ... يلا غزل قومي سوي له وسوي لي معه ..
غزل : لآ والله .. اهو متزوجك علشان اخدمكم .. اقول طسوا عني
رغد : عاااادي مافيها شي تسوين لآخوك ..
غزل : وليـــه انتي ماتسوين له ولزوجته ...
رغد : من عيوني الأثنين .. بس بكره مو اليوم ..
غزل : وليه يعني
رغد : اخاف تخترب اظافري .. وانا بروح عند خويتي ..
مشاعل : ليه ... انتي راح تشيلين آثقال علشان يختربون
فارس : اقول شعولتي .. قومي نشتري لنا من برا ازين
غزل : اشتروا لي معكم
فارس : طوســـي ..

(( عند الجوري وسلطان ))..*
الجوري: حبيبي ... يلآ قوو للعشا ..
سلطان : اوك
(( ويروح معها للعشا ))..*
سلطان : الله على هذي الريحه .. اممم جنااان تســـلم ايـــدك ..
الجوري : الله يسلمك
سلطان : حيـــاتي
الجوري : لبيـــه ..
سلطان : اكليني بيدك
الجوري : من عيوني " وتآكله "
الجوري : آي ايدي ..
سلطان : ياربي شنو اسوي .. اصابعك عسل ..
الجوري "حمرت خدودها "
سلطان : فديتو ... فديت الخجلآن انا ..
الجوري : فديت قلبك انا ..
ــــــــــــــــــــــــــــــــــــــــــــــــــ
(( بيـــت بوفهد ))..*
ام محمد : بوفهد شنو فيك .. موطبيعي ..
ام فهد : انت من جاك الآتصال اليوم الصباح وانت مو طبيعي ابد ..
بوفهد "وهو يفكر ": مافيني شي ... بس مشاكل الشغل ..
ام محمد : وشنو هذي المشاكل اللي غيرت حالك فجأه ..
بوفهد : في مناقصه احتمال كبير نخسرها ..
ام فهد : المناقصه بدالها مناقصه .. ولا تكدر نفسك
بوفهد : بس اذا خسرنا هذي المناقصه .. راح تكون خسارتي كبيره ..
ام محمد : لآ .. ان شاء الله ماتخسرها ..
بوفهد : ان شاء الله ..
ــــــــــــــــــــــــــــــــــــــــــــــــــ
(( عند بيت يارا .. كانت سياره واقفه عند البيت .. وكأنها تنتظر حد يطلع من رماد البيت ))..*
ــــــــــــــــــــــــــــــــــــــــــــــــــ
(( بعد ماخلص يوم دراسي طويل على جـــواد رجع البيت وبعد ماغير ملابسه وصلى .. اتصل على ليــان ))..*
جـــواد : هلآ .. حياتي انتي وين ..؟؟
ليان : اهليـــن فيك .. اممم في الكليــه ..
جـــواد : متى راح ترجعين البيت ..
ليان : اممم ما اقدر اكلمك اليوم ..
جـــواد : يوه .. ليــــه ..؟؟
ليان : اسمعي الترتيب .. بعد ما اطلع من الكليه بروح اجهز الوالده عشان نروح للمستشفى .. وبعدها بنروح بيت خالي عازمنا
جـــواد : وانا
ليان : انتي ..؟؟ شنو فيك
جـــواد : متى اكلـــمك
ليان : اوكي .. اذا قدرت راح اتصل عليك .. كم جود عندي
جـــواد : وحده ...
ليان : ههههه فديتك ..
(( الا ينضرب باب غرفه جـــواد ))..*
جـــواد : منو
بندر : ابوي يبغاك ..
جـــواد : ان شاء الله .. الحين اجي ... يلا .. ليوونه انا استأذن ,, مع السلامه

(( بعد اسبوع .. بعد ماطلعت يارا من عند ساره .. قررت تدور لها على شغل .. وراحت تدور شغل في المشاغل النسائيه
وماحد وافق يشغل بنت ماعندها خبره ومعاها طفل ..صارت تنام في الشوارع .. والخوف يلاحقها في كل مكان ..والجوع
اللي بدأ ينهش في جسمها .. آلامها في كفه وبكاء محمد في كفه ثانيه .. تدور آكل لها ولمحمد في الحاويات .. في الآخير راحت
لمشغل نسائي واللي تدير المشغل لما شافت محمد كسر خاطرها .. فشغلت يارا عندها وخلتهم ينامون في المشغل ..
في الليل وفي النهار تجلس يارا وتنظف المشغل ))..*
ــــــــــــــــــــــــــــــــــــــــــــــــــ ـــــ
(( بجنب بيت يارا مازالت السياره واقفه .. وصاحب السياره يسأل الرايح والجاي عن يارا ... ومحد عرف عنها شي ,, يرن جواله))..*
: عبدالمنعم ..شنو صار .. لقيتها ..؟؟
عبدالمنعم: لآ .. ياطويل العمر ..بس اكيد راح نلقاها
: انت متأكد انها مازالت عايشه
عبدالمنعم: جيرانهم قالوا انهم شافوها يوم الحريق ومعها طفل صغير .. وكانت راجعه من المدرسه ..
: طيب اسألوا المدرسه عنها
عبدالمنعم: سألنا المدرسه .. وقالوا انها من يوم الحريق ماداومت
: اسمعني .. ابغاكم تطلعونها من تحت الآرض
ــــــــــــــــــــــــــــــــــــــــــــــــــ ـــــ
(( في بيت بوفهد .. جـــواد كان دايم سرحان ومكتئب .. ومايكلم حد حتى ليان واذا كلمها دائما ساكت ))..*
ليان : جود شنو فيك
جـــواد لآ .. مافيني شي
ليان : انا ولآ زعلتك في شي ..؟؟
جـــواد : لآ .. ازعل من الدنيا كلها وما ازعل منك ..
ليان : تراكي حيرتنيني ..بالله تقولي شنو فيك
جـــواد : امر بظروف صعبه
ليان : خير ان شاء الله .. تكلمي لآ تخلين بقلبك
جـــواد : ياريت أقدر اقولك .. " جـــواد كان محتاج يقول لآحد عن الموضوع اللي كلمه عنه ابوه .. حاول يقول لمحمد
بس تراجع .. واخوه محمد كان يعرف عن الموضوع كله .. جـــواد محتاج حد مايعرف عن الموضوع علشان ينصحه "
ليان : جود ... جووود
جـــواد : نعم
ليان : شنوو فيـــــــــــك ..؟؟
جـــواد " آخذ نفس عميق " : ليان .. ابغى اقولك شي .. مو قادره اخبيه اكثر من كذا
ليان : جود .. تكلمي تراكي خوفتيني
جـــواد : بس ارجوك .. الموضوع سر ما ابغى حد يعرف عنه
ليان : سرك في الحفظ والصون
جـــواد : الموضوع يخص اخوي جـــواد
ليان " قلبها يدق بسرعه لما سمعت اسم جـــواد ": جـــواد ..؟؟
جـــواد : خايفه اقولك وتتغير نظرتك لي ..
ليان : جوود .. تراكي حرقتي اعصابي تكلمي
جـــواد : اخوي .. كان عنده علآقه مع وحده
ليان " دمعت عينها " : شنووو ..؟؟
جـــواد : اللي سمعتيه
ليان : كيف ؟ وليش ؟ ومتى
جـــواد : قبل سنتين لما كان في السوق .. في بنت كانت تلاحقه هو في البدايه ماعطاها وجه بس تدرين الشيطان شاطر
وفي النهايه آخذ رقمها ..
ليان : وبعدين شنو صار
جـــواد : صار يكلمها بالجـــوال فتره .. وبعدين ....
ليان : وشصار بعدين
جـــواد : صار يقابلها
ليان : شنوووو .. لآ حول ولا قوه الابالله .. طيب البنت كم عمرها
جـــواد : 25 سنه ..
ليان : كبيـــــره بالمره
جـــواد : ايوه .. لهي اكبر من جـــواد
ليان : طيب وبعدها شنو صار ..
جـــواد : صار يروح معها الشاليهات
ليان : استغفر الله .. وين اهلها عنها
جـــواد : هي من عائله فقيره ومقطوعه من شجره .. عايشه مع امها وخواتها الثلاث واخوها .. وهي آكبر وحده فيهم ..
ليان : وابوها وينه ..؟؟ واخوها ؟؟
جـــواد : ابوها متوفي .. اما اخوها عمره 12 سنه
ليان : يعني مافي احد يوقفها عند حدها .. طيب واخوك ليه يسوي كذا ..
جـــواد : تدرين الشيطان شاطر
ليان : بس هو عنده عقل
جـــواد : ..................
ليان : واهلك وينهم عن اخوك .. ليه ماوقفوه عند حده بدل مايلعب ببنات الناس
جـــواد : ابوي معطي اخواني كل الثقه ..
ليان : وهو خـــــان هذي الثقه ..
جـــواد : .................
ليان : طيب .. كملي شنو صار ..
جـــواد : اختفت البنت .. وانقطعت علاقتها بجـــواد
ليان : طيب وين المشكله .. دام الحين انقطعت عن اخوك .. لآ تقولين اخوك احبها ..
جـــواد : لآ
ليان : الحمدلله
جـــواد : شنو
ليان : هااا .. اقول الحمدلله لآنها بنت لعابه .. طيب ماقلتي لي شنو المشكله ..
جـــواد : المشكله ان البنت بعد اربع اشهر رجعت
ليان : رجعت
جـــواد : ايوه رجعت بس ماقابلت جـــواد
ليان : اجل مين قابلت
جـــواد : هي مع امها قابلوا ابوي
ليان : اكيد قابلت ابوك علشان يصلح غلطه اخوك
جـــواد : صح
ليان " بصدمه ": يعني اخوك الحين متزوج !!
جـــواد : لآ
ليان : حيرتيني .. يعني اذا راح يصلح غلطته لآزم يتزوجها .. وشلون تقولين انه مو متزوج
جـــواد : اخوي كآآآن متزوج
ليان : طلقها ..؟؟
جـــواد : لآ
ليان : ليه كلآمك متناقض .. حيرتيني جووود
جـــواد : ابوي اجبر جـــواد يتزوج البنت .. واخوي ماكان يحب البنت ابد فكان ابوي مقرر يطلقها بعد سنه من زواجهم
بس القدر سبقه .. وماتت البنت
ليان : انا لله وانا إليه راجعون .. كم صار لها متزوجه اخوك
جـــواد : خمسه شهور وعشره ايام ..
ليان : يعني من مده متوفيه ..
جـــواد : ايوه
ليان : اجل ليه متضايقه كذا ..الموضوع صار له مده طويله ..وانتهى وان شاء الله اخوك تاب .. واذا على ابوك يمكن ماخذ
موقف من اخوك وان شاء الله مع الوقت راح يسامحه ..
جـــواد : بس السالفه ماخلصـــت
ليان : قلت لك اذا على الحاله النفسيه لآخوك ان شاء الله مع الوقت راح ينسى ..
جـــواد : ياريته على الحاله النفسيه كان الموضوع ارحم بكثير ..
ليان : اجل على ايش .. شنو عمل اخوكي كمان ..
جـــواد : ليان .. شغلي الكام
ليان : ليــه
جـــواد : ابغى اشوفك وانا اقولك هذا الخبر
ليان : بس شكلي اليوم غلط
جـــواد : طلبتك لآ ترديني
ليان : طيب .. بس لآ تعلقين على شكلي " وتشغل الكام " وهذا شغلناه قولي شنو عندك من مصايب اكثر من كذا
جـــواد : ليه تقولين مو عدله .. بالعكس طالعه مثل القمر
ليان : خلي المجاملآت على جنب .. وكملي
جـــواد : طيب .. تدرين البنت كيف ماتت
ليان : لآ تقولين اخوك قتلها ..
جـــواد : لا لا لا
ليان : اجل شلون ..؟؟
جـــواد : ماتت وهي تولد
ليان : ................
جـــواد : ليان ..
ليان : شنو قلتي .. ماتت وهي توولد ..؟؟ هذا يعني ....... اخوك ..........
جـــواد : ايوه عنده ولد ..
ليان : ما اصدق
جـــواد : ادري
ليان : بس اخوك صغير
جـــواد : ................
ليان : يعني الحين اخوك عنده ولد
جـــواد : ايوه
ليان : طيب والولد وينه الحين ..
جـــواد : ابوي اخذه .. ومحد يدري وينه
ليان : ليـــه ..؟؟!!
جـــواد : لآن جـــواد لما عرف عن الولد هدد انه راح يرميه .. فأبوي خاف ينفذ تهديده وخبى الولد ..
ليان : طيب .. اخوك مايدري الحين وين الولد
جـــواد : الآسبوع الماضي ماكان يدري بس الحين ...
ليان : اكيد ابوك قاله عن مكانه
جـــواد : لآ .. لآن ابوي بعد مايدري وينه
ليان : شلوون
جـــواد : الناس اللي خلى ابوي عندهم الولد .. احترق بيتهم وماتوا
ليان : شنوو .. والولد مات ..؟؟
جـــواد : ما اعتقد .. ابوي يقول انّ بنتهم اخذته ومايدرون وينها
ليان : يعني ماتدرون وين الحين
جـــواد : ايوه
ليان : طيب انتي كيف عرفتي كل هذا
جـــواد " ارتبك ": هاااا ... جـــواد قالي
ليان " بعدم اقتناع ": اهاا .. طيب شنو اسم الولد
جـــواد : محمد ... اخوي محمد سماه على اسمه
ليان : مدري شنو اقولك بس اخوك ...
جـــواد : انا ما ابرر لآخوي ... بس ما ابغاكي تكونين قاسيه عليه ..
ليان : انا الحين مو عارفه شنو اقولك .. بس اخوك الغلط راكبه من راسه إلى رجليناه
جـــواد : عارفه
ليان : طيب اذا لقى الولد امانه قولي لي ..
انتهى البارت