منتديات قصايد ليل - عرض مشاركة واحدة

06-19-2011

البارت الرابع عشر

((فـــي اليوم الثـــاني ))..*

ام محمد : يلآ اجلسوا تعبت معاكم .. يآربي اجلس واحد الثاني يرجع ينام ..
نوره : خالتي خلي الصغار على انا اصحيهم ..
ام محمد : الله يعطيك العافيه ..بس راح يتعبونك
نوره : لآ تخافين انا راح البسهم واجهزهم ..
ام محمد : اجل انا اروح اشوف الآولاد ..

(( تروح لغرفه محمد وتضرب الباب بس لآ مجيب))..*

ام محمد : محيــــميد بسك نووم يلآ اجلس ..
محمد : ماني رايح المدرسه اليوم
ام محمد : وليـــه ان شاء الله
محمد : مزاجي مو مزاج مدرسه ..
ام محمد "بعصبيه ": محمد افتح الباب لآ أكسر على راسك ..
محمد "يفتح الباب ": الواحد مايعرف يرتاح في حياته
ام محمد : الواحد كيف يرتاح وانتوا عياله ..بســـرعه اجهز وانا رايحه اصحي اخوك
محمد : حاضر ..

((بعد ساعه الكل كان جاهز لروحه المدرسه .. مي ركبت في سياره الآولاد ))..*

جـــواد : هي انتي غلطانه في العنوان .. السواق هناك ..
مي : يووه صحيح ؟؟ .. انا افكر هذي سياره السواق انا آسفه .. يلآ معليش دام اني ركبت وصلوني معكم ..
جـــواد : لآ والله ..احلفي بقووه واصدقك ..
مي : والله بقووه
جـــواد : مي اذلفي عن وجهي مالي خلق لك ..
مي : انتوا يحصل لكم ملكه جمال العالم تركب معكم في نفس السياره ..
محمد : مي انزلي
مي : محمد لآ تصير عنيد ووصلني ..
محمد "بصراااخ ": مــــــي انزلـــــــي ..

((مي خافت ونزلت ))..*

_______________________

((في بيت بوسعد ))..*

((كالعاده طلعت يـــارا بعد ماسمعت لها كم كلمه تغث وآخذت محمد الصغير لعند ساره وراحت للمدرسه و آول مادخلت
لقت سهى جالسه مع شلتها ))..*

سهى : يووه مين هذي العجيز اللي دخلت علينا الحين
سلمى : لآ .. هذي يارا ماعرفتيها ..
سهى : اهااا يارا .. طيب بلاها لابسه عبايه جدتها ..
سلمى : مسكينه شكلها لبستها وهي نآيمه ..
سهى : لآ .. وشوفي شكلها يكسر الخاطر بالمره .. الظاهر اني راح اتصدق عليها اليوم ..
سلمى : معليش تاخذين آجر ..

((يارا تسمع الكلام اللي يقولونه وقلبها ينعصر من الآلم والذل فحبت تختفي عن الآنظار فسرعت تدخل الفصل الآ تحط
سهى رجلها وتطيح يارا والبنات يضحكون عليها ))..*

سهى : آآآى عورتي رجلي ...انتي عميه ماتشوفين

((وقامت وهي منحرجه كثيير .. بدأت الحصه الآولى وكانت رياضيات ))...*

المعلمه : مين تقوم تحل المسأله على السبوره ..؟؟

((محد رفع ايده الآ يارا ))..*

المعلمه : يارا تفضلي على السبوره ..
سهى : شوفوا كيف تمشي
سلمى : كأنها بطريق ..
البنات : هههههههههههههه
المعلمه : هدوء يا بنات مافي شي يضحك ..
سلمى : شوفي .. شوفي تكتب بإيدها وتمسح بوجها
سهى : باقي شوي وتدخل في السبوره ..

((خلصت يارا الحل ورجعت مكانها ))..*

سلمى : شوفي خطها كأنه نمل مجتمع ..

((لا حظت المعلمه في نقص في المسأله ..يارا انحرجت بقووه واحمر وجها))..*

سهى : شوفي شكلها كأنها عصير فيمتو ..ههههههه
البنات : هههههههههههههههه
المعلمه : بس خلآص ..اللي تضحك تضحك على كسلها .... بارك الله فيك يارا ,,

(((فــي مدرسه الآولاد )))..*

((في حصه الفيزياء شلة جواد كانوا ناويين على المدرس .. وهو يشرح و لاهي بالشرح ..رمى آسامه "العاب ناريه"
بجنب الآستاذ و ..و..و.. بوووووووووووم .. الآستاذ كان في الفصل وفجأه شافوه برا الفصل ..يبدأ الضحك على الآستاذ ..
دخل الآستاذ الفصل وهو خآآيف ))..*
الآستاذ : مين آليل الآدب إلي عمل كده ..؟؟
مـــــافي رد من الطلآب ..
الآستاذ : ميــــن اللي عمل كده .. دنا آلبي حا يوآف .. ويبدأ يهزأ فيهم
ـــــــــــــــــــــــــــ
((بعد يوم دراسي كان طويل بالنسبه ليارا رجعت البيت واكييييد امها مارح تخليها فحالها))..*
ام سعد : اخلصي تعالي ساعديني ..
يارا "بتعــب ": يمه انا تعبانه خليني ارتاح شوي ..
ام سعد : هذا انتي .. ولآ مره قلتلك سوي شي وقلتي حاضر يايمه ..
يارا : حرآآم عليك يمه
ام سعد : حرمت عليك عيشتك ..قومي ساعديني ..
يارا : حاضر ..تامريني بشي ثاني ..
ام سعد : اذلفي عن وجهي ..
يارا : يمه ترى الكهربا اللي في المطبخ ياليليت لو يشيكون عليها ..
ام سعد : انا قلت لسعد وقال راح يشوفها ..
يارا : يمه هذي كهربا مو لعبه .. لآزم مختص يجي يشوفها ..
ام سعد : ناقصين زياده مصاريف بس ... يلآ آذلفي عن وجهي
يارا : على آمرك ..

____________________

((في بيت بوفهد ))..*
((جـــواد كان يكلم ليــــان بالمايك ))..*

ليــــان : الحين انتوا مابدئتوا في الدروس ..؟؟
جـــواد : الآ .. بدآنا ..
ليـــــان : اجل ليـــه ماتروحين تذاكرين ..
جـــواد : افاااا .. طرده محترمه .. لهذي الدرجه مليتي مني ..
ليــــان : لآ .. يالغلآ مستحيــــل آمل منك ..انا اقول كذا علشان مصلحتك بس ..
جـــواد : انا اعرف مصلحتي
ليــــان : اووكي براحتك .. جود
جـــواد : عيووون ورووح جود.. لبيــــه
ليـــــان : لالالا ما اقدر انا على هالكلام الحلوو ..شكلي برووح فيها
جـــواد : بسم الله عليك ياقلبي .. في عدوينك ان شاء الله .. الا ماقلتي ايش بغيتي ..
ليـــــان : تخيلي اني اطبق عندك في المدرسه ..
جـــواد : يؤ ليان حبي ايش فيك ..؟؟ انا ادرس في مدرسه مو مستشفى ..
ليـــــان : انا اقولك تخيلي ..
جـــواد : طيب راح ادخل على جوك وراح اتخيل ... طيب وبعدين
ليـــــان : انا ادخل عندكم الفصل واتعرف على الطالبات وتقولين لي انك جود عبدالعزيز وانا اعرفك هههههه
جـــواد : هههههه ياســــــلآم على الخيال الواســــــع ..فديتوو انا .. طيب انا كيف راح اعرفك ..
ليـــــان : امممم خلاص انا اقولك اني ليــــان هههههههه
جـــواد : هههههه ياعمري .. تصدقين نفسي اشوفك اليوم قبل بكره
ليـــــان : وانا كمـــان ..
جـــواد : مصيـــر الحي يتلاقى ياحياتي ..

((بـــعد اسبوعين ))..*

((ليان ماكانت تكلم جواد كثيـــر لآنها مشغوله بالكليه مع انها تحاول قدر الآمكان تكلمها .. جواد كان يبغاها تكلمه اربع
وعشرين ساعه .. مايقدر يتحمل يوم مايسمع صوتها واذا مر يوم وماكلمها سوى لها مشكله ))..*
جـــواد : ليـــان حرام عليك كذا تسوين فيني .. اليوم انا ما اكلت شي وانتي السبب
ليـــــان : شنووو شصاير شنو سويت انا وليه ما اكلتي اليوم
جـــواد : اليـــوم ماكلمتك ابد ..
ليـــــان : حرام عليك ياشيخه خوفتيني .. فكرت صاير لك شي ..
جـــواد : بسم الله عليك حياتي
ليــــان : الله يسلمك يالغلآ ..بس تدرين انا في كليه الطب يعني مو لعبه .. حياتي اذا تحبيني قومي اكلي
جـــواد : اوكي راح اكل بس مو الحين .. بصراحه مو ناويه اضيع على نفسي لو دقيقه وحده من غير ما اكلمك فيها ..
ليـــــان : يآآآويلي .. مقدر اتحمل انا .. فديـــتك
ـــــــــــــــــــــــــــــــ
((في مكان ثـــاني في الشرقيـــه .. مكان الخير والعز .. ومحل الأمن والأمان ..ومنبع الطيبه الآحســـــاء الحبيبه))..*
الجده ام جاسم : احمــــد .. يا احمـــــد
احمـــد : نعم ياجدتي آمري ..
ام جاسم : وينك ولدي صار لي ساعه اناديك ..
احمد : آســـف ياجدتي ماسمعتك ..آمري
ام جاسم : مايامر عليك عدو .. بس رجليني تألمني
احمد : سلآمه رجلينك يالغالـــيه .. تبغين اوديك المستشفى ..؟؟
ام جاسم : مافيني حيـــل لروحه المستشفيات واذا رحت راح يلعبون فيني .. انت بس جيب لي علبه الزيت خليني ادلكهم
احمد : ان شاء الله من عيوني ... "وجاب لها العلبه " تفضلي ياجدتي ..
ام جاسم : الله يعطيك العافيه
احمد : الله يعافيك ويطول بعمرك ..

((ويرن الجرس ))..*

احمد : مين اللي راح يجينا اليوم ..
ام جاسم : عمتك ام عبدالعظيم قالت انها راح تجي اليوم ..
((احمد يروح يفتح الباب لعمته وتدخل وتسلم على امها وتجلس))..*
ام عبدالعظيم : وش اخبارك يمه وشلون صحتك ..
ام جاسم : الحمدلله بخير ..
ام عبدالعظيم : الا يمه وين بوسعود .. صار لي مده ماشفته ..
ام جاسم : فوق في جناحـــه
ام عبدالعظيم : احمد الله لا يهينك .. روح ناد لي عمك ..
احمد : بس زوجته ......
ام عبدالعظيم : تحرك ..وناد لي عمك
احمد : حاضر ..
ام جاسم : الله يهديك يابنتي ليه تصرخين عليه
ام عبدالعظيم : انا مدري ليه تحبينه هو بالذات
ام جاسم : انا احب الكل بدون تحيز ... بس هذا فقير الله ..اخوك الله يهديه هامله تبيني انا بعد اخليه ..
ــــــــــــــــــــــــــــــــــــ
((اليوم الثاني .. في بيت بوفهد ))..*
((مي جالسه في الصاله مع بوفهد وام محمد وام فهد ومحمد يتقهوون))..*
مي : يبـــه .. معلمه التدبير المنزلي تسلم عليك وتقولك تشتري لي ايس كريم كاكو
بوفهد : الحين معلمتك قالتلك هالكلام
مي : ايووه .. وقالت اذا ماشريت لي راح تقصني 10 درجات
بوفهد : صحــــيح ..؟؟
مي : ايوه .. وقالت لا تشتري لعايلك بس انا ..
محمد: والله حركاااات مدرستكم ذي
مي : بصراحه انا ما ابغى ارسب في التدبير فشــــــله
محمد : يبه ليه ماتعطيها كف تطيح اسنانها
مي : لآ .. وبعدين شلون آكل الآيس كريم
ام فهد : مصــــــــيبه ..

((في غرفه جـود ))..*
شجون : اسمحيلي مستحيل اروح اصالح جـــواد
جود : بس اللي تسوونه حرآآام ..
ريم : لآ تحاولين معهم .. مستحيل يتصالحوون
جود : بس هذا مايجوووز
شجون : اووف .. اللهم طولك ياروح .. قلت لك مارح اكلمه يعني مارح اكلمه.. وانتهى الموضوع
ريم : شفتي مثل ماقلت لك ..
شجون : انتي اكرمينا بسكوتك ..
((الا ينضرب الباب ))..*
جود : تـــفضل ..
دانه : خاله في شي مو فاهمته .. ممكن تفهميني ..؟؟
جود : ايوه .. اكييد حبيبتي ..
شجون : اووف انا ملانه ابغى اطلع ..
ريم : انا من عرفتك وانتي ملانه مافي شي جديد ..
جود : اممم شنو رايكم نروح السوق ..
شجون : فكره .. انا من مده مارحت السوق
ريم : وانا بعد ودي اروح السوق ..
جود : غرريبه ..من وين طالعه الشمس اليوم .. الأنسه المثقفه راح تترك كتابها وتروح السوق
ريم : مين قالك اني راح اتركه .. راح آخذه معي
دانه : خاااله ..
جود : يوووه نسيتك .. تعالي خليني اشرح لك
شجون : متى راح نروح للسوق
جود : بعد ما اخلص من دانه .. اكلم جـــواد ياخذنا للسوق
شجون : لآ.. انا مارح اروح مع جواد ..
جود : طيب مولازم تروحين ..
شجون : يعني لازم جواد هو اللي يودينا ..
جود : اذا تقدرين تقنعين محمد يودينا مانقول .. لآ
شجون: طيب نروح مع السواق
جود : انا ما احب اروح مع السواق ..
شجون : امري لله بروح البس ..
ريم : شو رايكم نقول لكوثر بنت خالي تروح معنا
شجون : فكره .. هالبنت حبوبه بالمره ..
ريم : اجل انتي اتصلي عليها واعزميها ..
شجون : ماطلبتي شي ..
جود : انا اقول قومي انتي وياها اطلعوا برا
((ويطلعون من الغرفه ويروحون يتصلون على كوثر))..*

((في بيت بوفيصل ..كوثر ومحمد اخوها يتابعون فيلم رومانسي ))..*
كوثر : يالغبيــه يحبك لآ تروحين .. اذا رحتي المسكين راح يموت ..
محمد : لآ .. خليها تروح ازين .. الفيلم مايصير حلو الا اذا مات البطل ..
كوثر: لآ .. حراااااااام
محمد : كوثر حبيبتي هذا فيلم موحقيقه ..
كوثر : ولو يكسر الخاطر بالمره ..
((الا يرن التليفون ))..*
محمد : ياهوو ... ماتسمعين التليفون قومي ردي
كوثر : اخاف يفوتني شي من الفيلم ..
محمد : قومي ردي .. لاتخليني اطفيه ..
كوثر : لآ ..و اللي يرحم والديك برد "وترد " آلوو
شجون : هلآ كوثر ..
كوثر : هلآ والله بشجووونه .. كيفك
شجون : الحمدلله بخير .. وانتي كيفك ..
كوثر : الحمدلله تمام
محمد : مــــات البطل ياكوثر
كوثر : كذاب مامات
شجون : ايش فيك منو اللي مات ..
كوثر : مامات بس محمد اخوي يلعب بأعصابي ..
شجون : والله مافهمت عليك
كوثر : هذا ياطويلة العمـــر انا ومحمد جالسين نتابع فيلم رهيــــب حركااااات
شجون : خلي عنك الفيلم الحين .. وشرايك تروحين معنا السوق
كوثر : والله .. ايوه اكيد بروح ..
محمد : وين راح تروحين ..
كوثر : انت ايش دخلك
محمد : والله ..؟؟ اجل مافي روحه
كوثر : مو بكيفك ..شجونه مين راح يروح بعد ..؟؟
شجون : اممم ريم وجود ..
كوثر : اووه تطورات ريم برتوح السوق ..؟.؟
شجون :هههههه ايوه مو بس انتي اللي استغربتي حتى جود استغرب
كوثر : ههههههه ايوه يحق لها جود تستغرب ولآ مين يصدق الآنسه المثقفه تترك كتابها وتروح السوق
((محمد سمع اسم جود ورز وجهه قدام كوثر))..*
كوثر : بسم الله .. خير عسى ماشر ياشيخ محمد
محمد : لآ مافيني شي بس حبيت اعرف وين بتروحون علشان اذا ماعندكم سياره اوصلكم بسيارتي
شجون "سمعت محمد ": فكره خلي اخوكي يوصلنا
كوثر : ليه انتي متصله تعزميني على السوق ولا عندك سياره
شجون : الآ .. عندي سياره بس جواد هو اللي بياخذنا وانا ما احب اروح معه لمكان
كوثر : طيب والسواق ..
محمد : وانتي ايش دخلك بسواقهم .. قلتلك انا اوديكم ..
كوثر : خلآص اجل استأذن من الماما وامركم ..
محمد : طيب انا بروح البس كلها نصف ساعه واكون جاهز .. الآ ماقلتي وين بتروحون
كوثر : السوق ياحظي
محمد : اووف السوق مره وحده .. يلآ كل شي يهون لآجل عيون الحلوين
شجون : انا اول مره بحياتي اشوف واحد مثل اخوك
كوثر : ههههههههه وانا اول مره اعرف هذا الجانب المظلم من شخصيه اخوي ..المهم كلها نصف ساعه وحنا عندكم ..

((جود بعد ماخلصت شرح لدانه راحت لجواد وقالت له ياخذهم السوق .. وبعد جهداً جهيد وافق وبعد نصف ساعه وصلت كوثر))..*
كوثر : الحين مين اللي راح يودينا جواد ولآ اخوي
جود : جواد اللي راح يودينا ..
شجون : خلآص خلي محمد يودينا ..
ريم : انا بروح مع جواد ..
كوثر : يووه انا ابغى اروح معكم .. وش اسوي في اخوي الحيـــن
شجون : اوك انا معك نروح مع اخوك وجود وريم مع جواد
جود : انا عندي اقتراح احلى .... نكنسل الروحه ..
كوثر : لآ والله احلفي ...خلآص نروح كلنا في سياره جواد ..
جود : طيب واخوك
كوثر: اممم يجي معنا
(( في الآخيـــر راحوا كلهم في سياره جواد ))..*
(( في السيــــــاره ))..*
محمد : اتحداك تغلب هذي السياره ..
جـــواد : لا تتحدى ترى اروح كل اللي في السياره بسببك ..
محمد : اتحداااااااك ..
(( جـــواد زيد سرعه السياره .. جود خافت ومسكت جـــواد تقصد يخفف السرعه .. محمد انتبه لحركه جود ))..*
محمد : خلاص .. خلاص خفف السرعه .. آخر مره اتحداك فيها ..
جـــواد : هههههههههههههههه
محمد : ليــــه تضحك
جـــواد : بس كذا كيفي .. عندك مانع ..؟؟
محمد : لآ .. عندي دواس
جـــواد : مالت عليك
محمد : وعليك .. مايعرف يسوق ويتكلم ..
جـــواد "وقف السياره " : انزل
محمد : وين انزل
جـــواد : مو تقول انا ما اعرف اسوق .. انزل من السياره
" جود عصبت وماقدرت تتحمل سخافتهم ولآشعورياً قالت"
جود : وبعدين معكم بتودونا ولآ رجعونا البيــــت ..
جـــواد : لا .. بنوديكم
جود : اجل امش وخلصنا ..
جـــواد : حاضر ..
محمد : هههههههههههههههه .. يامطيـــــع انت
(( جود انتبهت لنفسها وخجلت كثير انها رفعت صوتها ))..*
محمد "في نفسه " : يالبي على هالصوت ... اموووووت انا فيــــه ..

(( وصلوا للسوق والبنات يطلعون من محل ويدخلون محل ثاني .. واذا اشتروا شي عطوه الشباب يشيلونه ..
محمد كان مستمتع عالآخر لأنه مع جود .. اما جـــواد فكان طفشان بالمـــره وقرر يتصل على ليــان ))..*
جـــواد : محمد انا رايح اشتري لي شغله وراجع انتبه للبنات
محمد : لآ توصي حريص
(( ويروح جـــواد بعيد ويتصل على ليان ))..*
ليان : هلا والله جود
جـــواد "انتبه للآزعاج اللي عندها " : هـــلآ حبيبي .. شنو هذا الآزعاج اللي عندك
ليان : انا في السوق
جـــواد "قلبه يدق بسرعه ": جــد ..؟؟ وانا كمان في السوق ..
غلآ : مين تكلمين ..لآ تقولين جود
ليان : ايوه جود
حلآ : اقول خليها عنك .. هالجود ساحرتها , تعالي ندخل هذا المحل وانتي اذا خلصتي مكالمتك تعالي لنا ..
ليان : هههههه .. طيب
جـــواد : مين جنبك ..؟؟
ليان : بنات خالي
جـــواد : شنو عرفهم فيني ..؟؟
ليان : ابشرك صرتي مشهوره عند العائله .. ما اكلم حد غيرك ..
جـــواد : طبعاً لآني شخصيه مهمة ..
ليان : طيب .. شرايك نتقابل دام حنا في نفس المكان ..؟؟
جـــواد : انا عند محل "......................." هآآآ راح تجين ..؟؟
(( جـــواد يلف ويشوف المحل .. ويشوف بنت واقفه تكلم جوال .. كانت مميزه عن باقي البنات .. مع انّ مافي شي
يميزها .. بس حس قلبه يعرفها من غير مايشوفها ..))..*
جـــواد : انتي الحين جنب المحل ..؟؟
ليان : ايوه وعندي كيس احمر
((جـــواد يطالع البنت ويشوفها ماسكه كيس احمر .. قرب عندها لدرجه انه يسمع صوتها ))..*
ليان : هآآ .. ايش قلتي
جـــواد : على شنو
ليان : نتقابل .. انتي وينك الحين ..؟؟
جـــواد "في نفسه ": جنبك ياروحي
ليان : جووود ردي "وتلف على الجهة اللي واقف فيها جـــواد "
ليان : اووف
جـــواد : خير حبيبتي ايش فيك ..
ليان : في واحد يطالع فيني بقووه
جـــواد : كيف شكله ..؟؟
ليان : مدري مو واضح لآنه لابس قبعه ...
جـــواد "عرف انها تقصده ": طيب ليونه ثواني واكلمك
ليان : ليه وين بتروحين ...؟؟
جـــواد : ثواني واقولك
ليان : طيب "ويسكر الجوال"
((جـــواد بعد ماسكر .. قرب منها وحسها ترجف من الخوف .. ليان خافت وماعرفت شنو تسوي .. بس لما صار جنبها
تعداها .. ارتاحت ليان .. اما جـــواد صـــــــار في عآآآلم ثاني .. في اللحظه اللي مر جنب ليان شاف عيونها .. وسحرته
ذيك العيون .. مايدري كيف تذكر البنت اللي شافها على البحر .. نفس العيون .. نفس السحر ..نفس اللون اللي اغرم فيه
معقوله تكون نفس الملاك اللي كان جالس على البحر ..؟؟ لآ مو معقوله ممكن يون نفس العيون .. بس مو هي ذيك ملآك
وذي بشر .. جلس من عالمه على صوت جواله .. كانت ليان المتصله .. لف راسه لها لقاها في نفس المكان .. الحين صار يعرفها
وقلـــبه حفظها ... ومستحيــــل ينساها ))..*
جـــواد : الوو
ليان : قلتي ثواني وتتصلين
جـــواد : كنت احاول مع اخواني نروح للمحل اللي قلتي عليه .. بس ماوافقوا قالوا الحين راح نرجع للبيت ..يلآ مع السلامه
(( وسكر منها .. وصار يراقب تحركاتها لمده ربع ساعه .. لمن اتصلت عليه جود وقالت له انهم خلصوا .. وراح لهم ))..*
انتهى البارت