منتديات قصايد ليل - عرض مشاركة واحدة

06-19-2011

*~ ( البارت العاشر ) ~ *
\
/
\
/
* (( اليـــــــوم الثاني )) *
(( جواد كان طول اليوم يفكر كيف راح يتصرف هو مايبي يقطع علاقته بليــان مع هذا مايقدر يخليها تسمع صوته
مع ان صوته هادي بس ولو ,,هو صوت ولد ...,,.. محتار شنو يسوي أخيــــراً قرر يدخل المسنجر وهو يدعي ربه
ان ليـــان تكون نست الموضوع ))
آآآآآه : شغلي المايك
مشـــكله : سلمي بالأول ..
آآآآه : جود لا تماطلين شغلي المايك
مشـــكله : آي بس ... صوتي مو حلو
آآآآه : معقوله ..جود عبـــد العــــزيز تقول صوتها مو حلو
مشـــكله : ايوه صوتي مو حلو ,, يشبه صوت اخوي جواد
آآآآآه : مافي اي مشكله شغلي المايك ..
مشـــكله : طيب بس لا تعلقين على صوتي ادري انه مو حلو ..
آآآآه : ابشري بعزك ..
(( ويشغلون المايك ))..
ليــــان : الوو
جواد "منصدم من الصوت اللي سمعه كان مث التيار اللي مر في جسمه من نعومته ورقته وحلاوته "
ليــــان :جـــوود ردي ... الوو جود تسمعيني ,,..؟؟
جواد : هــــلا والله
ليــــان "وهي تركز على الصوت": هلا بك مليون اخيـــراً سمعنا هالصووت الجهوري
جــواد : تتمسخرين انتي وخشتك ..
ليــــان : لالا ما اتمسخر .. بعدين صوتك مافيه شي ترى في اصوات اكثر خشونه من صوتك
جــــواد : طيب هذا سمعتي صوتي اقدر اسكر المايك
ليــــان : لالالالالا طبعاً
جــــــواد: ليــــه ..؟؟
ليــــان : انا ماصدقت اســمع صوتك تبغين تسكرين
جـــواد: اكـــيد راح تفرحين ..مين قدك جالسه تكلمين جود عبد العزيز ..
ليــــان : اوووف مارح نخلص من غرورك
جــــواد: يحق لي اغتـــــر ..
ليــــان : طيب يامغروره .. اليوم لازم تفطرين كويس ..
جــــواد : حاظر يامــامـا
ليــــان :ههههههههه
((جـــواد في نفسه : يالبي على هالضــــحكه ))..
ليـــــان : جـــود ....جـــود ,,وين رحتي
جــــــواد : هلا ..معاك ياقلبي
ليــــان :ماقلتي لي بيتكم وين ..؟؟
جــــواد : شنو تبين في بيتنا
ليــــان : علشان ازورك
جــــواد : مو كأن طلباتك زادت اليوم
ليــــان : هههههه امووون ..انا ليونه مو اي وحده ,, انا بيتنا في حي " ................." وتلقين جنبه ............
(( وجلست تشرح له بيتهم وهو منبهر بصوتها ورقتها ودلعها اللي ذوووب جـــواد ))..
(( جـــواد في نفسه : ياليتني اقدر اجي بيتكم .. كان جيتك الحين ))..
ليــــان : هااا .. عرفتي وين بيتنا ..؟؟
جــــواد : ايوه حبيبتي عرفته زين ..
ليــــان : اجل لازم تجين تشرفينا .... اممم تعالي بسألك
جــــواد : أسألي حياتي ..
ليــــان : انتي ساكنه في الدمـــام صــح ..؟
جــــواد: هههههه قبل شوي تسأليني وين بيتنا ولا تدرين اني ساكنه بالدمام
ليــــان : مو مشكله انتي ترقعين لي ههههه
جــــواد : هههههههههه
ليــــان "تسمع صوت امها تناديها": يــلا حياتي انا استأذن امي تناديني
جـــواد : اذنك معك حبيبتي لا تقطعين ..
ليــــان : ان شاء الله .. مع السلامه ..
(( ويســكر الابتوب وينزل وتحــت للصاله )) ..
ـــــــــــــــــــــــــــــــــ

((فـــي الصـــاله جـــود جالسه مع نجود يلعبون ))..*
جـــواد : بوووووووم
جود : بــــسم اللـــــه .. خرعتنا ياغبـــــي ..
جـــواد : انا غـــبي هااا ... وانا قلت بطلعكم بعد ..
جود : واللـــــــه
جـــواد : روحي قولي للوالده اذا وافقت طلعتكم
جود : طيييييييييرااان
((جـــواد يصعد غرفته ويتصل على ابوه ))
بوفهد : نــــعم ..
جـــواد : الســـلام عليكم ..
بوفهد : وعليكم السلام ..
جـــواد : اممم راح اطلع انا وخواتي ممكن .؟؟
بوفهد "يفكر": مين راح يروح مــعك ..؟
جـــواد : اعتقد جود ومرام ونجود ..
بوفهد : طيب خذ معك ريـــان ولا ..لاتطلع
جـــواد : ان شـــاء الله .. مع الســـلامه
((سكر من ابوه ونادى ريان ))
جـــواد : ريـــان البس علشان تروج معنا
ريان " باستغراب": ويــــن ..؟؟
جـــواد : نتمشى مع البنـــات ..
ريان " مو مصدق وحاس انه مقلب من جواد": طيب خمس دقايق واكون جاهز ..
(( ويطلع جــواد من الغرفه..ويشوف شجون " في نفسه مدري اصالحها ؟؟ "))
جـــواد : شجون تطلعين معنا ..؟
شجون : لآ .. شكراً انا ما اطلع مع نكره ..
جـــواد : تدرين انا الغلطان اللي حبيت اصالحك .. بس خليكي ذاكره لأن المره الجايه انتي اللي راح تجيني تترجيني اكلمك
شجون : عشم ابليس الجـــــــنه ..
جـــواد : طيـــب .. طيب ياشجون .. الأيـــام بيـــنا
(( ريم سمعت الكــلام اللي قالته شجون ولا حبت انهم يتخانقون اكثر من كذا ))..
ريم : انا مو معزومه معكم ..؟ ولا نسيت ان عندك اخت اسمها ريم ..
جـــواد : ولوو ..انتي الكــل في الكــل ..
ريم : طيب ..انا ابي اروح المكتبه
جـــواد : من عيووووني الثنتين .. روحي جهزي نفسك وقولي لـ (مي ) تجي معنا
ريم : حــاضر
(( يروح جواد يشغل السياره .. وينتظر خواته ..وبعد ربع ساعه كان الكل بالسياره ))..
جـــواد : هآآ .. وين تبون نروح ..؟
جود : انا ابي اروح الراشـــد ..
جـــواد : الراشد .. الراشد من عيوني
مي : انا ما ابي اروح الراشد ..
جـــواد : ليـــه يامس مي ..؟
مي : بس كذا .. لأن جود تبي تروح .. وانا بصراحه مابي اروح ..نذاله فيها
جود : لاوالله .. حلفي بقوه واصدقك .. جـــواد وقف السياره ونزلها لآ أذبحها الحين
جـــواد : لآ .. مايصيرحرام ..
جود : آي حرام ..انا خلاص راح اتبرى منها ..
جـــواد : انا ودي انزلها بس .. انا راحم الناس اللي بيشوفونها ..اللي بيجيه سكته دماغيه واللي بتجيه جلطه واللي راح يستجن
حراااام ..
مي : اي راح يستجنون من جمالي الســـاطع الخلاب .. لأني ملكه جمال العالم ..
جود : خلاص ياجـــواد ارحمني وخلينـــا نرويها في البحر
جـــواد : صحيح اني ما احب السمك بس هي مخلوقات مسالمه حرام نرومي لها شبح
مي : لالا .. راح ترمون حــــوريه بحــر ..
(( ريـــان ماقدر يتحمل وقام يضحك .. والكل كان مستغرب ,, جواد ماحب يحرج ريان بسكوت الكل ))
جـــواد : شفتي حتى رجل الجلــيد يضحك عليك ... ريان اخوي بشويش اضحك اخاف تموت علينا ومانتحمل فرقاك ..
((ريان توقف عن الضحك .. وهو مومصدق اللي سمعه من جواد ..قاله " اخوي " .. انا في حلم ولا علم ..ماحس الا باللي يضربه
على كتفه ويصحيه من سرحانه
مي : تضحك على هآآ .. حتى انت غيران من جماااالي
ريـــان : ..........
جـــواد : هي يا دفشه .. وخري لا تضربين اخوي ..
(( ريان ابتسم وتأكد انه في علم ..اخــــيراً حس ان له اخوان ..حتى لو كانت الكلمه من غير قصد ))..
مي : ريان عيونك مررره حلوووين عطني اياهم ..
ريـــان : وانتي بعد عيونك حلووه
مي : لا .. انت عيونك احلى .. عطني اياهم علشان يكمل جمالي الساطع
ريـــان : ههههههه طيب ..
مي : تدرون بعد الجمال مايكمل ..
جـــواد : الف حمد وشكر لك يآآآرب
ريم : يامتخلفه اسكتي تراكي ازعجتيني ..
مي : اوووف متى اتزوج واخلص منكم ..
جود : صدق انك ماتستحين على وجهك ..في وحده تقول هالكلام قدام اخوانها ..
مي : عااااادي .. هذي سنة الحياة
جـــواد : انا مدري مين اللي داعيه عليه امه اللي بياخذك ..
ريـــم :اصــلاً من اول يوم بيشوفك راح يهرب
الكل : هههههههههههههههه
مي: الله يسامحكم .. ليه اهو راح يحصل له اني اوافق عليه
جـــواد : انتي ماخذه في نفسك مقلب
مي : بصير احسن منك ومارح ارد عليك ..
جـــواد : اقول انزلوا وصلنا ...لحظه لحظه مي ..لا تنزلين اجلسي بالسياره احرسيها
مي: لا والله ..اصلاً انا اول وحده تنزل
(( نزلوا كلهم ودخلوا المول ))..
مي : جـــواد ..جـــواد خلينا ندخل هذا المحل
جـــواد : اسكتي فشلتينا خليتنا فرجه للي رايح وللي جاي
مي "وهي تهمس": جواد خلينا ندخل هذا المحل ..
جـــواد : لآ .. مافيه
مي : ليييييييييييييييييش
جـــواد : بس كذا
نجود : ابي العب
جـــواد : من عيوني ..ريان انت روح مع ريم وجود وانا آخذ الصغار معي
مي : نعم .. نعم وانآآآ
جـــواد :انتي معي
مي: ليه عسى ماشر ..لا يكون انا بزر وانا مدري
جـــواد : يــــس ..يلا حبيبي نجود نروح نشتري لك لعبه كبيييييره
مرام : وانا ابي دبدوب
جـــواد : وانتي مي شنو تبين لا تقولين ارنوب ..ترى مايصلح لك الا ثوروس او بقروتيوس ههههههههههههه
مي : كررريــــه
جـــواد "يمسك ايدها ": يلا نروح للمحل اللي تبينه
مي"بفــرح ": والــــلــــه ..
جـــواد : ايوه ..بس خلينا نشتري لنجود ومرام وبعدين نروح
مـــي : اوووكي
((بعد نصف ساعه عند "ريان وجود " كان في اثنين يتحرشون بجود وكأنهم مو شايفين ريان ابد ولا عادينه رجال ..
لأن شكله هآآآدي ومو راعي مشاكل ..قرب واحد من الشباب لجود علشان يعطيها الرقم وبالغلط لمس ايدها ,, هنا ثار ريان
وتحول الشخص الهادي المسالم الى انسان مثل الوحش ..الشرار يطلع من عيونه خصوصاً انه شاف دموع جود))
ريان"بعصبيه": ياللي ماتستحي على وجهك ياقليل الآدب انت ماعندك خوات .. ويبدأ يتضارب معهم
(( جواد كان يمشي مع خواته ويضحكون ويسالفون الا يشوف ريان يتضارب مع اثنين واخته جود تبكي ويروح يركض
مع اخوه ويتضارب معهم ويكفخونهم تكفييييييييخ وماتركوهم الا لمن جا "السكيورتي" وهدوهم .. وبعدها قال ريان لجواد
باللي صار وقاموا يضحكون بقووه على اللي سووه اثنينهم ))
جـــواد : شفت شلون شكلهم صار هههههههههه
ريان : هههههههههه تحــــــفه ..
جـــواد : اول مره ادري انك عصبي كذا
ريان : ههههههه حتى انا اول مره ادري ..
جـــواد : ههههههههههههههه
(( يمرون عندهم شله بنات ويقعدون يطالعون فيهم ))
..... : ياربي شوفي شوفي هذا يجنن
..... : واووو شوفي شلون يضحك يطيييير العقل
..... : يآآآآي شوفي عيونه تدووووخ ..رماديه
(( جـــواد وريان ملتهيين بالسوالف والضحك ..مايشوفون الا جود تجي تمسكهم وتجرهم ..))
جود : مستانسين انت وياه .. شوفوا البنات يطالعون فيكم ..
جـــواد : جد .. لحظه ..لحظه اعدل شماغي ..
ريــان : ههههههههههههههههه
جود "تمسكه من ايده ": لا والله اقول امش انت وياه ..
(( وكملوا تسوق ولما خلصوا رجعوا البيــت ))..
ـــــــــــــــــــــــــــــ
(( باقي اسبوع عى نهايه رمضان ))..*
(( جــواد وليــان كانوا دائماً يتكلمون بالمايك ))
لــيان : كــم باقي عالفطور
جـــواد : امممم ربع ساعه ..اوكي بعد الفطور اجي اكلمك .. طيب حبي
ليــــان: ول ما مداكي تشتاقين لي
جـــواد "بغرور" : لآ ..ما اشتقت لك ..اضيع وقت بس
ليـــــان : هآآ ..علينا اعترفي خلآص ماتقدرين تستغنين عني
جـــواد : اووكي خلاص مارح اجي اكلمك
ليـــــان: اتحداكي ماتقدرين ماتسمعين صوتي
جـــواد :هههههههه فديتك ... اممم ليـــان ..
ليــــان : عيونها
جـــواد : تسلم العيووون وراعيتها ..شرايك تاخذين رقم جوالي علشان اي وقت نقدر نتكلم فيه
ليــــان :غريـــــبه
جـــواد : ليــــه ..اممم اذا ماتبين خلاص مو مشكله
ليـــــان : في البدايه مو راضيه تكلميني بالمايك .. والحين عالجوال مره وحده ..طيب قلبوو هذا رقمي سجلي عندك
........050 ورقم البيت ........
جـــواد :رقم البيت بعد
ليــــان : الأحتيـــاط واجب
جـــواد : اوكي راح اعطيك رنه وخزني رقمي ..يلا حياتي اكلمك بعد الفطور
ليــــان : اووكي بــااي
(( وتخزن رقم جوال جواد ويروحون يفطرون ))
ـــــــــــــــــــــــــــــ

(( على الفطور كان جواد جالس بجنب ابوه ومحمد.. كانت امه مسويه له فطور خاص فيه لآنه ماياكل وهو مو مخلي
حد ياكل معه ..تفاجئ ان ابوه يضحك جواد يطالعهم باستغراب مو فاهم ليه ابوه يضحك ومحمد كمان يضحك حس ان الموضوع
فيه انّ وهو يطالع فيهم ..وانتبه لنجود تاخذ من صحنه وتحطه في صحنها ))..*
جـــواد : نجود ياحراميه ليه تاخذين من دون استئذان
بوفهد : خل بنتي الحلوه في حالها ..
جـــواد : ايوه .. تخبي ورى ابوك شغلي معك بعدين ..
بوفهد : نجود حبيبتي تعالي خليه يولي عنك ..
نجود : انا احب اللي ياكل جواد " دليشز " ( دليشز = Delicious )
جـــواد : وتقلديني بعد .. طيب تبينه كله
نجود : ايوه
جـــواد : تحــــلمين ..
محـــمد : ههههه يابزر عطها مارح تاكله كله
جـــواد : حســـد لها مافي
بوفهد : عطها شوي حراام عليك ماتعطي هالقمر
مــــي : نعم يبه ناديتني ..؟؟
الكل : هههههههههههههه
جـــواد : انتي مين كلمك الحين
مي : ابوي قال القمر ومافي قمر الا انا
((خلصوا فطور ..بعدها راح جواد يكلم لـــيان إلى الفجر وهم سوالف وضحك ))..*
ــــــــــــــــــــــــــ

(( في بيت عبــير كانت ريوف تبكي بقووه ))..*
\
/
\
/
تركـــي : يوه يوه بلاها ريوف تبكي كذا ..؟؟
عبيــــر : مافيها شي تعرف بنتك وكيف تبكي
تركـــي : طالعه على امها مزعـــحه ..
عبيـــــر: انا مزعجه الله يسامحك ..
تركـــي : هههههههههه زعلتي
عبيـــــر: ايوه
تركـــي : كويس ..
عبيـــــر: شنو
تركـــي : اقول كويس علشان اتغزل فيكي واطلع ابداعاتي ..
عبيـــــر: يعني ماتتغزل الا اذا زعلت ..
تركـــي : لآ .. اتغزل فيكي كل يوم وكل دقيقه وكل ثانيه .. يا أحـــلى حبيبه ..
عبيـــــر: ايوه .. هذا الكلام الزين ..
(( شوي ويزيد بكاء ريوف ))..*
تركـــي : يووه بنتك ماتبيني انام اليوم ..
عبيـــــر: وين تنام باقي ربع ساعة على الصلاه .. صلّ ونام ..
تركـــي : طيب .. على آمرك بروح آخذ شآور ..
(( قرب من عبير وريوف وباسهم على راسهم .. عبير انحرجت كثير))..*
تركـــي : يووه إلى الحين تستحين .. ماكبرتي هههههههه
عبيــــــر"بعصبيه": خلاص روووح
تركـــي : ههههههه طيب طيب
(( بعد ربع ساعه رجع تركي علشان يقول لعبير تقوم تصلي ..لقاها نايمه وريوف على رجليها ترضعها ))..*
" تركي في نفسه ": اخليها ترتاح شوي شكلها تعبان مره .. يالله عليكي ياعبيـــر ايش سويتي فيني كل يوم احبــــك اكثر من اليوم
اللي قبله ..الله يخليك لي ولعيالنا .. خليني اروح اصلي لآني اذا بقيت اطالعها مارح اخلص ..
(( وراح يصلي وبعد الصلاه ..قرب منها وهمس في آذنها ))..*
تركـــي : يلآ حبيبتي جلسي دخل وقت الصلآه ..
(( عبير ما انتبهت له ..حركها بشويش وماجلست )) ..*
تركـــي : عبير حبي ايش فيكي اجلسي .. ولا تبغين تفوتك الصلاه ..؟؟
(( ماردت عليه .. شال ريوف عنها وماجلست ..هنآ دخل الخوف في قلب تركـــي قرب منها وحركها وطاحت على السرير
مسك ايدها لاقاها ابرد من الثلج ))..*
تركـــي : عبير حبيبتي شنو فيك لا تخوفيني عليك آكثـــر .. حبيبي انتي زعلانه مني ؟؟ ..تبغيني اراضيكي والله اراضيك
بس اجلسي .. عبير عمري لا تسوين فيني كذا " علآ صوته اكثر وهو يحاول يصحيها " عبير ابوس ايديك اجلسي لا تسوين
فيني كذا .. حرااام عليك يهوون عليك تخوفيني عبييييييييييييييير
(( من صراخ تركـــي جلست ريوف تبــــكي ))..*
..||| في غرفه عبـــدالله |||..
(( جلس عبدالله من صوت ابوه العالي وبكاء اخته .. فجئه اختفى صوت ابوه ..اعتقد انه يصارخ على ريوف اللي موراضيه
تنام ..واستغرب من بكاء ريوف وانّ امه ماسكتتها ..قرر انه يروح يشوف ريوف ..وراح تجاه الغرفه وكل ماقرب من الباب
نبضات قلبه تزيد اكثر.. واكثر ..حاس انّ في شي صايــر ..دق الباب بس محد يرد .. دق الباب اقوى ومالقى رد ..خاف
خاصه انّ بكاء ريوف زاد اكثر .. فتح باب الغرفه .. وتمنى انه مافتحه .. تمنى يكون حلم ..كان ابوه يبكي على جسم امه
اللي مايتحرك ..واخته تبكي بقووه ..راح يركض لغرفه اخوه يصحيه من النوم)) ..*
عبدالله "والدمع في عينه " : عبدالرحمن اجلس .. عبدالرحمن
عبدالرحمن : اووف ايش تبي مجلسني
عبدالله : ابوي مدري شنو فيه ..
عبدالرحمن" سمع صوت اخته وبدأ الخوف يتسلل لقلبه ": ليه شنو فيه ابوي ..
عبدالله : ابوي يبكي وامي مو راضيه تصحى من النوم ..
عبدالرحمن " ما انتظر عبدالله يخلص كلامه راح يركض لغرفه ابوه ودخل الغرفه وقرب من ابوه" : يبه وشو فيها امي
تركـــي : ........................
عبدالله : يبه تكفى رد علينا ..
عبدالرحمن : يبه امي ليه مو راضيه تجلس من النوم ..؟؟
تركـــي" انتبه لعياله " : اطلعوا برا
عبدالله : يبه ......
تركـــي : ماتسمعوون اطلـــــعوا براا
(( يطلعون عياله ويقفل الباب .. ويجلسون عبدالله وعبدالرحمن يضربون الباب .. بس لا حياة لمن تنادي .. وفي هذي الدقايق
اللي مرت وكأنها ســاعات جلسوا خواتهم دانه وشوق ))..*
دانه " ماسكه بإيدها شوق وتبكي": مايصير كذا اتصلوا على جدي
عبدالرحمن : اتصلنا بس محد يرد ..
عبدالله : طيب انا بروح لبيت جدي
عبدالرحمن : وانا رايح معك ..
دانه : اخذوني معكم ..
(( يطلعون كلهم بأقصى سرعة لبيت جدهم ))..*
ــــــــــــــــــــــــــــــ

(( بيـــت بوفهد ))..*
بوفهد : منو جاي هالوقت ..
ام محمد : عســاه خير
جود " طلعت من غرفتها": يمه مين اللي جاي في هذا الوقت ..؟؟!!
ام محمد : مدري يابنتي ..ابوكي راح يشوف مين ..
جواد " والنوم مالي عيونه": مين هذا المزعج اللي يرن الجرس كذا ؟؟!!
(( يدخل بوفهد ووراه عيال بنته ..الكل من شافهم انقبضت قلوبهم)) ..
ام فهد : خير ان شاء الله ليه جايين في هذا الوقت ..
بوفهد : جواد روح جلس ريان ومحمد وتعالوا بسرعه ..((وراح يجلس اخوانه ))..
ـــــــــــــــــــ
((في بيت عبير كان تركي جالس .. بعد ماطـّلع عياله من الغرفه ...كان يلعب بشعر عبيــر ))..*
تركـــي : عبيــر بسك مــزح قومي خلاص.. ماتسمعين ريوف تبكي ,, اذا تحبيني اجلسي ..آآه امووت لو يصير لك شي
عبـــير اذا ماصحيتي راح ياخذونك مني لهذي الدرجه ماتبيني ..؟؟ وين وعدك لي انك مارح تتركيني .. عبير ريوف محتاجه
لك ..طيب على الآقل افتحي عيونك هزي راسك ..سوي اي شي علشان خاطري... والله انا احبــــك .. أوعدك هذي
آخر مره ازعلك فيها ..آآآه ماني قادر اتحمــــل ,, يرضيك حبيبك يناديك وماتردين عليه ..علشان خاطر عيالنا ردي ..آآآه ..آآآه
((وينام جنبها ومناه يقى بجنبه طول عمره .. الوقت عند تركـــي توقف ماعد يحس باللي حواليه ..ماعد يبي شي من هالدنيا
كل اللي يبيه عبير ..عبير وبس ,, كان خايف ياخذونها منه واحتضنها بكل مافيه )) ..*
(( في هالوقت دخل بوفهد ومحمد وجواد وريان وصلوا لغرفه عبير ..ضربوا الباب بس محد رد عليهم وزاد الضرب
بس مافيه فايده ))..*
بوفهد: اكسروا الباب ...
(( الشباب يضربون الباب بأقوه ماعندهم لدرجه ان البيت اهتز من كثر الضرب وماتركوا البيت الا لمن انكسر , شافوا
تركي حاضن عبير .. نزلت دموع جواد لاشعورياً )).. *
بوفهد : قول لا اله الا الله يولدي ياتركي وخلينا نوديها المستشفى ..
تركـــي : لالالا ..لا تلمسونها
بوفهد : تركـــي
تركـــي : ليـــه تبون تفرقونا عن بعض ..
بوفهد : ريان خذ بنت اختك وودها للبيت ..
تركـــي : خلوها علشان عبير تسمعها وهي تبكي ..عبير ما تحب تسمع ريوف تبكي واكيد راح تجلس ..لا تاخذوها ابووس ايديكم
بوفهد : ريان اسمع الكلام ..تركي ياولدي بعد عنها خلينا نوديها للمستشفى
تركـــي "بصراخ": ماتفهم قلت لك مارح اتركها مو مافي اخذتوا بنتي مارح اخليكم تاخذون حبيبتـــي وعمــــري وحيــــاتي ..
(( يدخل عليهم خالد ))..*
خــالد : خير يبه شنو صار .؟؟!!
بوفهد : امسك زوج اختك ..
تركـــي : بعدوا عني لاتلمسوني ..
(( خالد يسمك تركي ومحمد وجواد يحملون عبير وياخذونها لمستشفى فهد وتركي وحده بالبيت .. البيت اللي كان
يلمه اهو وروحه عبير وعيالهم ويحتضن ذكرياتهم الحوه والمره ,,فرحهم وحزنهم ))..*
(( في المستشفى وصل بوفهد وعياله وتفاجئ فهد فيهم ..دخلوا عبير للغرفه حاول فهد يدخل بس زميله منعه ))..*
فهد : عبدالمحسن واللي يرحم والديك خليني ادخل
عبدالمحسن : آسف ما اقدر اخليك تدخل ..
فهد : بس هذي اختي ..
عبدالمحسن : علشان كذا ما اقدر اخليك تدخل .. راح تعيق عملنا ومارح نعرف نشتغل .. فهد ثق فيني ..
(( ودخل عبدالمحسن الغرفه اللي تحتوي مصير عبيير ,, وجلسوا ينتظرون وكانت الدقايق تمر كأنها ساعات
عيون الكل عالباب .. ينتظرون حد يطلع ويلغي الفكره اللي تدور في اذهانهم ..مرت نصف ساعه من الوقت.. واخيــراَ
طلع الدكتور عبدالمحسن والكل وقف في مكانه ))..*
(( آمالهم تحطمت على صخرة الواقع ..كانت معالم الدكتور ماتبشر بالخيــر ))..*
فهــد : لالا ..لاتقولها "ودخل الغرفه "
عبدالمحسن : البقى براسكم ..
(( دمعت عين بوفهد .. دمعه حاره ..دمعة فراق البنت لأبوها محمد طلع من المستشفى ..طلع علشان يهرب من الواقع القاسي
واقع فرّق بينه وبين اخته الكبيره ,, اما جواد حاله مو احسن من حال محمد كان مصدوم ومايدري شنو يسوي يهدي اخوه خالد
ولا..يواسي ابوه اللي انكسر ولا ..يلحق بأخوه ولا.. يواسي نفسه بفقد اخته)) ...*
..(())(()) خـــلااااااص ماتـــت عبيـــــر(())(())...
ــــــــــــــــــــــ
أنتهى البارت