06-19-2011
|
|
|
الفاتنه
الفاتنة.. أم الغنج.. ذابحتني
شيخة حنايا مهجتي هالرزينه
ذباحتي.. معشوقتي ..آسرتني
اللي تتل الشوق من راحتينه
حتى على أنفاسي غصب زاحمتني
وصارت حياتي في صدرها رهينه
البارحه مرت علي وخذتني
مني.. وعطتني للسهر في يمينه
واقفت وانا أتمتم وحيد :اتركتني..؟ !
للشوق .. للهفة .. وبحه حزينه
للدمع..وكفوف الحنان المستني
لين اقشعرت من حنيني ايدينه
غلّفتني لعيونها و أرسلتني
لحظة حنين تشق صدر المدينه
كتبت: "ابيك ولو سنيني عصتني
وما غيرك أنتي اعشقه يالثمينه "
مـدري متى..؟!! لكنها غافلتني
فجّت ضلوعي وازرعت ياسمينه!!
واخضرّت الدنيا معي واسألتني:
منهو سكن قلبك؟!".. وجاوب انينه:
"اللي مـ بيني وبينها.."..وقاطعتني :
تكفى تغيّر هالحروف الحزينه"
ودموعها تعتب تقول اذرفتني
ومسحت بايديني ودبت سكينه
لو دمعها بوجه الزمن فاتنتني
ذابت من دموع الغلا وجنتينه
من بد كل الناس هي ليه جتني!!؟
يعني البلد ما غص به ساكنينه !! ؟
ضمت شقا عمري وهي علمتني
وشلون احاسيسي بيديها عجينه
وأقسمت دام انها كذا ذابحتني
.والله لاتركها بقلبي ... سجينه
|