ماحلل اي احد نسب هالرواية لنفسه .. او نقلها بدون ما يذكر مصدرها .. لاني للاسف مرة دخلت اسم الرواية بقوقل وشفت ناس كثييرة ناسبه الرواية لنفسها .. ماقول الا حسبي الله ونعم الوكييل
يلا نجي لتوقعاتكم ؟؟
وش تتوقعون :_
هل تتوقعون نواف بيقدر يتحمل بعده عن عبير .. ويستحمل هاللي صار واللي كان هو السبب فيه .. وايش تتوقعون نهاية هالسالفه ؟؟
وش تتوقعون يصير لوليد اللي للمرة الثانيه .. حلمة ينهدم .. ووش رايح يسوي بيحاول يرجع سارة ولا بيستسلم للماضي اللي حاصرة من كل اتجاه ؟؟
وش تتوقعون يصير لثامر ونورة .. بعد ما قالت له نورة انها ماتحبه وكانت بس تلعب عليه ؟؟
هل تتوقعون ان علاقه منصور بتهاني بتستمر بهالهدوء والرومنسيه ؟؟
وش اللي صار لريان .. وهل هالشئ بيكون سبب برجوع ريم له ولا لا ؟؟
واخرت حكاية نوف اللي للان من دون البطل .. ايش راح يصير فيها ؟؟
هذي قصة ابطال روايتي لهاذا الجزء .. ترقبوهم في فصل اخر من فصول حياتهم .. في الفصل القادم الفصل الـ 16
تقبلوا تحياتي بنت كلاس ^_^
الفصل السادس عشر 16
أعتذر ان كان في يوم قسيت ..
والعذر ان كان صديت او جفيت..
فانت حد السيف لامني اعتزيت..
وانت اغلى شخص في عمري لقيت..
الكل كان جالس بالصالة يهدي بام صالح اللي تبكي على ولدها ريان .. وتناظر ريم بنظرات لوم وعتاب وكانها تصارخ وتقول انتي السبب بعذاب ولدي
قامت ريم من مكانها ماقدرت تتحمل نظرات اللوم هذي وطلعت للحديقة تدور فيها .. صار لها تقريبا ساعه
تعبت من الدورات .. وراحت بتجلس على الكراسي اللي يحاوطهم شجر
جلست فوق الكرسي وحطت رجلينها على المقعد
وبدت تغني .. بصوتها الساحر ..
اشتقت لك اشتقت لكل حاجة فيك
بحن لك ونفسي اعيش العمر بيج
تفضل معايا ويبارك لي الله فيك
انا عشت عمري بعشقك من أد ايه
برتاح و قلبي بيندهك ما عرفش ليه
العمر فيه تفتكر كم أد ايه
لو ع الكلام ماقدرش اوصف حبي ليك
مش بالكلام حقدر اقول احساسي بيك
حبك كافية كل حاجة لقيتها فيك
انا عشت عمري بعشقك من اد ايه
برتاح وقلبي بيندهك ما عرفش ليه
العمر فيه تفتكر كم اد ايه
بدت تمسح دموعها وهي تكرر وبصوت عالي
انا عشت عمري بعشقك من اد ايه
برتاح وقلبي بيندهك ما عرفش ليه
العمر فيه تفتكر كم اد ايه
ماحست الا باليدين اللي تحظنها من ورى وتمسح لها دموعها
فزت مرتاعه من مكانها .. فتحت عيونها مصدومه
: ريان
ريان ببتسامه : لا خياله
تحركت ريم تبي تبعد .. بس ماقدرت لانه حجر لها
ريان: وين ..؟؟
ريم: بروح..!!
ريان بحنان : وين بتروحين بعد مالقيتك ..؟؟ بعد ماعلقتي قلبي وروحي فيك ..؟؟
ريم حسي فيني انا احبك .. لالالا كلمة احبك قليله على المشاعر اللي احس فيها .. انا اعشقك .. اتنفسك .. انتي كل حياتي .. من دونك ماقدر اعيش .. وشفتي بعدك عني وش سوى فيني
ريم رفعت عينيها له وشافت وجهه الاصفر وهو اللي كان مافي اجمل من وجهه وصفاوته ولا السواد اللي تحت عيونه ويده اللي فيها لصق وباين انها توجعه .. ركضت بدون شعور
ومسكت يده وباصابعها الناعمه الصغيرة تلمس حولين هاللصقه بكل رقه .. : تعورك
ريان مغمض عيونه وبهيام: انتي بلمست يدك شليتي لي يدي .. بديت ماحس فيها بس اللي احسه اصابعك اللي تروح وتجي .. آهـ بس
تركت يده ريم ولفت
مسكها من يدها وهمس : انا اسف ياريم .. هذاني قلتها وانا اللي عاهدت نفسي ماعاد اقولها لك .. بس لقيت ان نار بعدك .. اكبر من نار كبريائي ..
رفع ريان راسها باصابعه البارده ..: ليه الدموع
ريم: لاني حبيتك .. وماكنت تستاهل ..............
ريان حط اصبعه على فمها : لا .. لا تقولين كلام ماتعرفين وش ممكن يسوي فيني وفيك
ريم زادت دموعها
ريان باسها على راسها : انا احبك .. وراح اظل احبك .. وراح استناك .. حتى لو وافقتي على المتقدم لك .. بس اعرفي انك وقتها راح تحطمين قلبين .. قلبي وقلبك .. زي ماقلت لك .. انا هنا وموجود .. ومستنيك ومستني اشارة منك بس .. متى مالقيتي نفسك ماتقدرين تعيشين من دوني اشارة من اصبعك وكل شئ يكون ويصير ويرجع مثل اول .. ريم لريان .. لريان وبس
باس ايدها وراح
جلست على العشب تبكي ........
.................................................. ........................................
إذا غرورك يمنعك تعتذر لي تعال جنبي وابتسم لي واسامح .. بنت كلآس
.................................................. .........................................
المقطع مترجم هو بالانجليزي
نوف بتردد : ا...لـ ... و
صوت انثوي وطاغي فيه الانوثه:.. الو .. مين
نوف : عـ..فوا بس مو هذا جوال بدر
البنت : اي هذا هو .. بدر جالس يتروش .. تبيني اقوله شئ
نوف صدمت يعني انتي عنده بالببيت ولا يتروش : لا شكرا
وسكرت بوجهها
وجلست تبكي وتهزا نفسها قد ايش كانت غبيه توقعته للحين يفكر فيها
طلع بدر من الحمام وهو لاف على خصره فوطه وفي فوطه ثانيه بيده يمسح فيها على شعره
لف على السرير لقاها منسدحه فيه
بدر بصراخ: إليينا وبعدين معاك .. كم مرة قلت لك لا تدخلين البيت بهاطريقه .. وبعدين جيبي المفتاح اللي معاك ..
قامت من السرير هاللعنه " يسميها لعنه بسبب جمالها الفتااان .. كل شئ فيها يقطر انوثه "
لفت حوله وحظنته من ورى : احبك
وخرها عنه بدر بقرف : ابعدي عني .. واطلعي برا يلا
انقهرت اليـنا من معاملته السيئه لها .. بس تحبه لانه هو الوحيد اللي ماقدرت تغريه بجمالها
راحت وجلست على السرير وهي تهز براسها : لا
تافف بدر منها تعبته هالانسانه مرة .. كل ماحاول يبعدها تقرب منه اكثر .. لحد الان ماعرف من وين جابت مفتاح بيته .. ودايم كذا .. مرات تدخل عليه وهو نايم وتنام جنبه .. يقوم الصباح منهبل شلون دخلت .. وعلى هالحاله ..
لف بيدخل غرفة الملابس يبدل لبسه
إلينا: جوالك دق لما كنت بالحماام .. وابتسمت له : لقد كانت فتاة
بدر انقهر مننها وطرطع : باي حق تردين على مكالماتي
سحب منها التليفون
إلينا : صحيح بان صوتها جميل .. ولكن كانت وقحه .. فلقد اغلقت الهاتف في وجهي
بدر : الله يستر لا تطلع اختي .. والله لو كانت اختي لا اكرهك حياتك .. صرخ عليها : غبيه
وراح ودخل غرفة الملابس يبدل
لبس بدله رسميه من d&g لوناها اسود مع بلوزة لونها زيتوني وفاتح الازرار من فوق كان شكله خوقاق طلع .. وسطلت فيه إلينا .. تحب فيه رجولته الصارخه واناقته في اختياره لملابسه
وخصوصتا ان جسمه رياضي فكل شئ عليه حلو .. راح للتسريحه وصلح شعره ورش عليه من عطره المفضل واخذ مفاتيحه وجواله وطلع ولا حتى عبرها بنظرة
فتح له البودي قارد باب السيارة
ركب وتوجه على الشركه .. وهو بالسيارة فتح الجوال يشوف من اللي دق عليه
ناظر الرقم وغمض .. ورجع فتح وناظر الرقم مرة ثانيه
بدر " لا اكيد احلم " ولا شعوريا اتصل على اخر رقم مستلم
ولكن للاسف لا اجابه .. انقهر مرة وتاكد ان الزفته إلينا قالت لها كلام وقح زيها
ياربي وش العمل اللحين .. انا ماصدقت لقيتها ... آهـ يانوف للحين حبك مولع في قلبي
.................................................. ........................................
إذا غرورك يمنعك تعتذر لي تعال جنبي وابتسم لي واسامح .. بنت كلآس
.................................................. .........................................
وقف قدام بيتها ..
منصور : وصلنا
تهاني : شكرا على الطلعه الحلوة
منصور: لحظه
فتح الدرج اللي قدامها وطلع منها علبة : تفضلي
تهاني بخجل اخذته وفتحته ...
علق لسانها من الصدمه .. ماعرفت وش تقول .. مو مصدقه اللي شايفته
لفت عليه وقالت: هذا كثييير علي
منصور برومنسيه: مافي شئ غالي عليك حتى الالماس يرخص لك .. ولاجل عيونك
اخذ العلبه منها وطلع اسوارة الالماس .. اللي شكلها خلاب ولبسها لتهاني
منصور : ها حلوة
تهاني بعبرة : تجنن .. مشكور
منصور: يلا انتبهي على نفسك
تهاني : مع السلامه
نزلت ودخلت البيت
.................................................. ........................................
إذا غرورك يمنعك تعتذر لي تعال جنبي وابتسم لي واسامح .. بنت كلآس
.................................................. .........................................
فتح باب الشقه .. ولف بعيونه يدور خيالها .. بس للاسف مالقها
مشى لحد غرفة النوم وفتح الباب شوي شوي .. لقاها نايمه ومرتاحه
قرب منها وهويمشي على اطراف اصابعه .. وباس راسها .. ولف
عبير بهمس: انا اسفه
نواف وهو عاطيها ظهره : انا اللي اسف
مشى لغرفة الملابس يبدل
طلع بعد مابدل لقاها جالسه بالسرير
نواف: جهزي نفسك بكرة رحلتنا راجعين للرياض
عبير بقلبها " مالت علي وعلى حظي شهر عسل 4 ايام بس .. كله بسببي كان لازم يعني اسوي دراما وافلام هنديه .. اكيد اللحين متضايق مني .. ياربي شلون اراضيه "
عبير بحب لفت عليه : خير صاير شئ
نواف وهو يقرا بالكتاب: لا مافي شئ بس على شان الجامعه ولا ناسيه ان ما بقى لها الا اسبوعين .. وغير كذا زواج ثامر بعد اسبوع
عبير: طيب خل نصبر هالاسبوع ونرجع قبل الزواج بيوم
لف عليها نواف: انتي تبين تجلسين
هزت راسها عبير زي الاطفال : اي
ابتسم نواف ونزل الكتاب : طيب .. نصبر كمان 4 ايام
بحركه لا اراديه قربت عبير وباست خده ....
هي نفسها ماتدري شلون سوتها .. بس لانها متعوده اذا ابوها سوا لها طلب على طول تبوس خده
ابتسم نواف وهو يدعي ربه لا يتهور .. : تصحين على خير
عبير بخجل وخدودها حمر: وانت من اهله
طفى الابجورة وناموا
.................................................. ........................................
إذا غرورك يمنعك تعتذر لي تعال جنبي وابتسم لي واسامح .. بنت كلآس
.................................................. .........................................
سارة تداري دمعاتها ...
نورة بحنان: صار لنا 3 ايام ماندري وينه فيه
سارة بالم: وين يعني راح ..؟؟
نورة علمي علمك: لا والمصيبه مابقى على زواجي الا 3 ايام .. آهـ بس
سارة : وش هالحياة اللي عايشين فيها .. آهـ ياليتني ما جيت هنا ولا قابلته .. ولا حبيته .. ياليت
نورة: وش تفيد كلمة ياليت .. وش تفيد ؟؟
سارة: يلا نورة اشوفك على خيير .. نصيحه دام الفاس طاح بالراس وخلاص انتي زوجته .. وزواجكم مابقاله كثثير .. حاولي تحافظين عليه .. احسن ما تصيري مطلقه
نورة بصدمه : مطلقه!!
سارة: اي اجل حسبالك وشو .. يلا مع السلامه
نورة : مع السلامه
مسكت سارة جوالها ومن الم الخيانه والغدر .. وخوفها عليه وهي ماتدري وين اراضيه .. ارسلت لوليد هالابيات
اللي بقا لـي فـي غيابـك .. سكوتـك
واللي فقدتـه مـن غيابـك .. حنانـك
•?
?•
عـذرك معـك لوخبـرونـي بمـوتـك
وحقي عليك ان كـان عـذرك زمانـك
•?
?•
ماكان موعد .. وأعـذرك لـو يفوتـك
أنـا انتظـرت العمـر كلـه عشـانـك
•?
?•
غبت ورضيت .. وبعدها .. غاب صوتك
وأبطيت أكذب .. من يقولـون : خانـك
•?
?•
بالله كيـف تحـس فـي طعـم قوتـك
لامن ذكرتإنسان .. خنته .. وصانـك
•?
?•
ماكـن قلبـه واحـد مــن بيـوتـك
من تحت سقفه كـم شعـرت بأمانـك؟
•?
?•
وراك خليتـه .. لعتـمـة سكـوتـك؟
وأنامـا غيـر أعشمـه فـي حنانـك
•?
?•
فـي غيبتـك ياكـم تمنيـت مـوتـك
أقلشـي .. أرتـاح وأعـرف مكانـك
.................................................. ........................................
إذا غرورك يمنعك تعتذر لي تعال جنبي وابتسم لي واسامح .. بنت كلآس
.................................................. .........................................
ثامر:هلا يمه
ام خالد : جابك الله ياولدي .. الحق علي .. وليد مانعرف وين مكانه
ثامر يهدي بجدته : هدي يايمه .. ان شاء الله مافيه الا كل خيير .. ولا تخافين اللحين اروح ادور عليه .. واوعدك مارجع الا وهو معاي
ام خالد: الله يرضى عليك ياوليدي
طلع ثامر وراح للشقه عند وليد
فتح الباب ولقى الشقه دمار .. الانوار كلها مطفيا والستاير مسكرة مافي الا نور خفيف جاي من الابجورة مع انهم العصر الا في الشقه كانها الساعه 1 الفجر ..
دخل وسكر الباب .. الشقه ريحتها كلها دخان سجاير .. مشى لجوا وشاف وليد منسدح على الكنبه وشكله يرثى له .. له حوالي 3 ايام ماتروش ولا حلق وحولينه باكيتات سجاير وعلب بيرة وسي ديات مكسرة
مشى ثامر وفتح الستاير وفتح الشبابيك تتهوا الشقه شوي
صرخ وليد: سكر الشباك
مارد عليه ثامر وكمل طريقه للصاله وجلس يفتح كل شبابيك البيت حتى شباك الحمام وغرفة النوم والمجلس
وبعدين طلع للصاله وطفى الابجورة والتلفزيون وشال علب البيرة الفاضيه وباكيتات السجاير ورتب الكداديات شوي وثم جلس يطالع بوليد .. بدون ما ينطق بكلمه
وليد بحزن : سارة شافة كل شئ .. ماستناني الوقت لين اقول لها .. سبقني وجابها لحد هنا على شان تشوف كل هالقذارة .. انا كذا السعاده محسوبه علي
مد يده ثامر ومسح على ظهره: قم يلا معاي امك تحاتيك
وليد مسك يده اللي تمسح على ظهره ووخرها : ابعد عني واطلع .. خلني بروحي
ثامر رجع يطالعه وهو ساكت
وليد بالم: تبيني اموووت يا ثامر .. تتمنى موتي .. تتمنى موتي .. خذ اقرا
ورمى له الجوال
وليد بالم : فـي غيبتـك ياكـم تمنيـت مـوتـك
مسك راسه بيدينه الثنتين وغرس اصابعه بشعره : فرحت لما جاتني مسج طرت فوق سابع ارض وحسيت اني بلحظه رجعت لي روحي وحياتي .. بس يوم قرئتها .. بكل جبروت وقوه اتزعت مني مرة ثانيه روحي .. قتلتني مرتين .. مرتين
ثامر بهدوء : بكرة تفهم ليه كنت تسوي كذا
صرخ وليد : بالله لي كنت اسوي كذا ليه يعني ؟؟ .. انا اقولك
قام وراح للمطبخ وهو يردد : غباوة .. غباوة
وبدا يكسر كل شئ عينه تطيح عليه .. ويدينه تنزف دم ويضرب بيده على القزاز اللي متناثر قدامه ثم التفت على القارورة اللي فيها الدم وفتحها وصبها كلها بالمجلى وبعدين صبخ بالقارورة الجدار .. وتناثرة حوله قطع الزجاج ..
مسكه ثامر من ورى ..: بس ياوليد خلاص
وليد: لا مو خلاص مو خلاص وجلس يصارخ لعل وعسى النار اللي جواه تنطفي
وهو يصارخ جته نوبه سعال .. وبدا يكح بقوة .. ويكح ويكح يحس حلقة تجرح من قوتها
قام ثامر بسرعه وجاب له مويه : اشرب
وليد مو قادر جالس يكح بقوة وكان صدره بيطلع من مكانه
نواف شربه المويه غصب وشرق فيها وبعدين هدا شوي من نوبه السعال اللي جته
قام ثامر وجلس يصارخ: غبي انت قلي ها ؟؟.. باكيتات سجاير بالهبل .. وصراخ .. وانت مالك شهر مسوي عملية لرئتك .. غبي .. غبي ورمى الكاس بالارض وانكسر
وعم الهدوء ...
فجاه ثامر ووليد جلسوا يضحكون
وليد وعيونه دمعه من الضحك : ترى طقم الكاسات عليك بدل هاللي كسرته
ثامر وهو يضحك : مالك عندي غير كاس
وليد يطالعه بنص عين : طول عمرك بخييل
قام ثامر وقومه : يلا قم خذلك شور يالمروح
وليد يطالع: من زينك اللحين .. اشوى اني انظف منك
ثامر دزه للحمام : اقول امش يالنظيف
دخل وليد للحمام يترروش
وراح ثامر للمطبخ وجلس يشيل هالقزاز اللي تنثر بكل مكان .. وشال السي ديات المكسرة بالصالة .. وجلس مهدود حيله على الكنبة
طلع وليد من الغرفه بعد ماتروش ولبس
وليد يطالع بالشقه: صراحه ست بيت على اصول ههههههههههه
ثامر: اها بس هذا جزاي ؟؟
وليد جلس جنبه بعد ماجاب ملقط على شان يطلع القزاز اللي بيده: امسك ..
ثامر اخذ الملقط وبدا يحفر بيد وليد ووليد يصارخ: اييي هي انت شوي شوي
ثامر: وش يعرفني بهالسوالف انا .. امش بس اوديك المستشفى
وليد: لا مالي خلق .. انا اطلعه اللحين
ثامر يجره من يده ..: امش اخلص علي
وطلعوا للمستشفى .. وهم بالسيارة راجعين
ثامر :انهبل الدكتور يوم شاف يدينك يقول مافي مكان سليم
وليد : اه بس .. الا صح ؟؟ وش ناوي تسوي مع نورة
ثامر: اوووف .. بعد اللي قالته لي .. مالها الا بيت الزوجيه يادبها
وليد:هههههههههههههه .. ترى والله يا ثامر انها تحبك
ثامر: ادري .. بس اللي قالته جرحني حيييل .. وحسسني باني درج انلعب عليه
وليد بضحكه : انت اساسا درج
ثامر : مالت عليك ..
وليد: طيب افرض ماتبيك وقالت لك طلقني
ثامر: موب على كيفها .. لو اجرها من شعرها جر
وليد بحسره : اه بس ليتني مالك على سارة .. كان اسهل من اللحين
ثامر: الله كريم انت حاول تصارحها .. وتعتذر منها .. وكل شئ بيتيسر
وليد: يارب
.................................................. ........................................
إذا غرورك يمنعك تعتذر لي تعال جنبي وابتسم لي واسامح .. بنت كلآس
.................................................. .........................................
نوف تدور وترجع بغرفتها .. قلبها يحترق نار من الغيرة
نوف: طيب اوريك يابدر الزفت ... اوووووف .. ايوة لقيتها
نوف: الو يازفت
محمد: نعم ماما ...
نوف: روح جيب لي شريحه جوال من اي مكان .. بسرعه
محمد: طيب ماما .. بس فين فلوس
نوف: وجع اللحين ارسلها مع تاني
وسكرت بوجهه
وبدت تصرخ :تـــــــــــــــــــــــــــاني
ثواني الا تاني مزروعه قدامها
نوف: خذي هالفلوس عطيها محمد يلا
نوف " يارب تسهلها ولا تعسرها "
.................................................. ........................................
إذا غرورك يمنعك تعتذر لي تعال جنبي وابتسم لي واسامح .. بنت كلآس
.................................................. .........................................
نواف: ها ان شاء الله انبسطي
عبير: كثييييييير .. هالاربع ايام كانت من احلى ايام حياتي
نواف: طول منتي معاي .. راح اخلي كل يوم من حياتك احلى من اللي قبله
عبير: الله لا يحرمني منك
نواف قرب وباسها على راسها
من اخر موقف بينهم لما بكت .. مارجع وحاول انه يقرب منها
نواف: يلا حياتي .. جهزي نفسك بكرة ماشين
عبير: من عيوني
.................................................. ........................................
إذا غرورك يمنعك تعتذر لي تعال جنبي وابتسم لي واسامح .. بنت كلآس
.................................................. .........................................
نوف اخذت منها الشريحه وهي طايرة فرح
دخلتها بالجوال وفتحت رساله جديده وكتبت
" وين الي عني راااح خلاني بأحزاني
قلبي ملاه جراح وابعد وخلاني
ماشفت بعده افراح والهم اظناني
خلى في قلبي رماح واليوم جافاني"
ضغطت ارسال لرقم حافظته عن ظهر قلب .. "مستحيل انسى اول رسالة ارسلها لي "
.
.
.
وهو جالس على مكتبه وصلته رسالة .. فتحها واستغرب من الرقم الغريب ومن الرسالة الاغرب
ماعطى الامر اهميه ورجع الجوال مكانه ...
ماهي الا ثواني .. وجته رساله ثانيه
"طير ولقا له جناح
قلبي بكا له وناح
الدمع ياما ساح
ماحد واساااني
دمعي على ثوبي طاح
واصبحت غرقاني
والقلب نادا وصاااح
يكفيك هجراني
طيفه بعيني لااح
من نومي صحاني
ياللي وانا مرتاح
يابعد خلاااني"
.
.
.
نوف " ولا ثاني رسالة ارسلتها لي .. بس يارب يتذكر "
طول ولا جاها رد .. ياست وتاكدت اها صارت ماضي بالنسبه له رمت جوالها وقامت
ثواني الا جاها الرد .. ركضت بسرعه خياليه .. وفتحتها بيدين ترتجف
.
أنا ماأبي من الدنيا سوى لحضة لقى وحده-
أبي أطيح من طولي على صدرك وتحضني!!
تعبت أشدبك حبل الشوق وأمده..
أبي أشكي على صدرك عطش هالحب !!
أرويني..دخيلك لاتخليني ترى صبري وصل حده..
"أهيم بعالمك طفل أمانه لاتخليني؟؟!
"أحبك يانوف أحبك يامجننتني .. حسبالك بنسى والذي خلقني انسى اسمي بس مانسى شئ يذكرني فيك ..أنا ياللي بيجيب راسك يابنت ابوك وأنا بدر بن عبدالله الرافع "
نوف بصراخ ونطنطه :آآآآآآآآآآآآآآآآآآآآآآآآآآآآآآآآآآآآآآآآآآه .. يتذكر .. يتذكر
تنطنط وتدور حول نفسها وهي فرحانه تحس الروح رجعتلها من جديد
قامت فتحت الشباك وطلعت للبلكونه تشم الهوا اللي صار لها شهرين محرومه منه وحابسه نفسها بين اربع جدران
دخلت جوا وهي فرحانه وراحت طلعت لها فستان صيفي لونه وردي لبسته وصلحت شعرها وحطت بلشر وقلوس وشويت كحل .. ناظرت شكلها بالمرايه يالله قد ايش تغيرت بلحظه .. وجهها رجع مورد ومفتح .. همست " احبه "
رشت عليها عطر ونزلت تحت للصالة
شافت امها جالسه تناظر التلفزيون طفشانه راحت لها ركض
حظنتها وبدت تصرخ : احبك يمه احبـــــــــــــــــــــــــــك
ام صالح: يامثبت العقل والدين .. وش بك يابنت انهبلتي ..سبحان اللي يغير ولا يتغير .. وش اللي قلب حالك بيوم وليلة
نوف: ابد يايمه .. بس حسيت ان الدنيا ما تسوى .. ولو بستناها تبتسم لي بضيع عمري كله .. فقلت انا ببادر بالاول وابتسم لها وادور سعادتي بإيديني .. والحمد لله لقيتها
ام صالح: الله يدوم لك السعادة والفرح ياقلبي
طبعت بوووسه طووويله على خد امها وبعدين طلعت تركض لغرفتها
.................................................. ........................................
إذا غرورك يمنعك تعتذر لي تعال جنبي وابتسم لي واسامح .. بنت كلآس
.................................................. .........................................
جالسه سارة بغرفتها تبكي وهي تسمع اغنيه الحكمي
واقفة بيني وقلبي .. لاسبب ولا غرض
تشغلي قلبي بغرامك .. ولا خبرته اعترض !
لابغيت ينساك قلبي غصب عني يتذكّر
ولو غلطتي فيني مره .. عنك قلبي تعذّر
أكرهك ..
وفي عز كرهي احس اني احبك اكثر
مدري حالي ذا طبيعي ؟
ولا حالي ذا مرض !
---
الغريبة ان قلبي يبيعني ويجيك عنوه
والغريبة ان طبعك فيه رقه وفيه قسوه
والغريبة اني جنبك القى في الحرمان نشوه
ولو الوم قلبي في غرامك علي قلبي يتنكر
أكرهك ..
وفي عز كرهي احس اني احبك اكثر
مدري حالي ذا طبيعي ؟
ولا حالي ذا مرض !
---
الحقيقة انا في حيرة مع قلبي ومعاك
والحقيقة لا اقدر اوصلك ولا اقدر امنعك
والحقيقه قلبي عصاني وانتي طاوعك
ولو بغيت ابعد بقلبي اخاف قلبي يتأثر
أكرهك ..
وفي عز كرهي احس اني احبك اكثر
مدري حالي ذا طبيعي ؟
ولا حالي ذا مرض !
قطع عليها صوت الجوال
سارة تمسح دموعها: الوو
عبير: هلا بعمري وقلبي وكلي انا
سارة رجعت تبكي: هلا عبيير .. وحشتيني
عبير: وانتي اكثر .. ليه البكى ياقلبي .. لييه
سارة: اه بس ياعبير محتاجتك ..
عبير: اليوم راجعه هذاني بعد شوي بركب الطيارة
سارة بفرح: احلفي
عبير: ههههه اي والله
سارة تصارخ: اه اخيرا .. تعالي اشكيلك وتشوري علي .. تعالي للبيت هنا بلييز .. انا عندكم بالبيت
عبير: طيب ان شاء الله بقول لنواف اني بمر ابوي اسلم عليه وبعدين نروح لبيت اهله
سارة: طيب استناك .. فقدتك يالدبه
عبير: وانا اكثر ... يلا مع السلامه
سارة: مع السلامه
.................................................. ........................................
إذا غرورك يمنعك تعتذر لي تعال جنبي وابتسم لي واسامح .. بنت كلآس
.................................................. .........................................
نورة تصرخ: قلت لكم هالزواجه مابيها .. ماتفهمون
امها: والله ثم والله ان ماعقلتي لا بهالنعال سامعه .. الكروت توزعوا وبكرة زوجك .. وانتي تقولين مابي هالزواج
نورة: يمه الله يخليك مابيه .. ماحبه
امها : تشب ولا كلمه .. قال ماحبه قال
تهاني : هدي يايمه .. وروحي انا اتفاهم معاها
امها قامت من مكانها : كلميها اغدي الله يهديها ولفت على نورة : سمعي انتي زين والله ان ماعقلتي .. لا اقول لابوك هو يعرف يعقلك بطريقته
نورة : يوووه ابوك ابوك ابوك .. كله بسببه اساسا
تهاني ضربتها: جنيتي انتي.. وش هالكلام
نورة بدموع: مابيه هالخاين مابيه
تهاني حظنت نورة: بسم الله عليك قولي لي وش صار .. فهميني
نورة: شفت صورة وهو بحظن وحده ثانيه
تهاني شهقت: شلون وكيف
وحكت لها كل السالفه
تهاني: يمكن ظالمتيه يانورة ..
نورة: شلون ظالمته والفديو .. اكذب عيوني واصدق كلامه
تهاني: طيب وش بتسوين ؟؟
نورة: ماراح اتزوجه لو تنطبق الارض على السما
تهاني: لا هذا مو حل خلاص .. بكرة زواجنا .. انا وانتي بليلة وحده
نورة وتزيد بكي: بس انا مابيه
تهاني: اصبري عليه .. يمكن يحبك وهالشئ قبل لا يعرفك
نورة وهي تمسح خشمها بمنديل: يمكن
تهاني: ويمكن يوم شافك .. انتهت علاقته بالبنت هذي وهي حبت تنتقم منه
نورة وتمسح دوعها بيدها زي الاطفال تماما : يمكن
تهاني : دام يمكن زي ماتقولين .. ليه ماتبينه
نورة: صعبه والله صعبه .. تاخذين شخص يحب وحده ثانيه .. وكان يلعب عليك
تهاني: وش يدريك يمكن ما يحبها
نورة: يعني فرقة كثيير .. يعلب عليها كذا احسن يعني ..
تهاني : اوف انتي الكلام معك ضايع .. كلمه ورد غطاها .. هالزواج بيتم .. ولا والله لا ابوي يدفنك بكرة .. تبين تفشلينه قدام الرجال .. قومي بس غسلي وجهك وتجهزي بتروح للكوفيرة تسوي اخر بروفه .. يلا قدامي
.................................................. ........................................
إذا غرورك يمنعك تعتذر لي تعال جنبي وابتسم لي واسامح .. بنت كلآس
.................................................. .........................................
انتهى البارت الـ 16
|