نواف وهو مغمض عيونه : وليد.. !! وليد ياعبير مريض ....

عبير بدت تخاف : ليش وش فيه

نواف: عنده ورم في الرئه

عبير شهقت : لا حول ولا قوة الا بالله .. الله يشفيه يارب .. طيب وش بتسوون

نواف: مادري عنهم يقولون بيسون له عملية يستاصلون الورم .. بس انا خايف عليه مرة

عبير: لا تخاف ان شاء الله ربي يسهلها من عنده .. ويقوم لنا بالسلامه

نواف : راسي بينفجر من لما سمعت الخبر وانا احس روحي بتطلع

عبير : بسم الله عليك ...

وبدات تقرا عليه قرءان وهي تمسح على راسه ليــــــن استرخى ونام

قامت من عنده وحطت تحت راسه مخده وغطته

كل العائلة درت بمرض وليد

ولما عرفت سارة من وقتها وهي بس تبكي وتدعي له

تحددت عملية وليد بكرة الصباح

في المستشفى كان الوقت تقريبا 7 المغرب كانت غرفة وليد فاضيه

اندق الباب ودخل منه حرمه مغطيه وجهها

وليد استغرب من هذي ..!! استناها لما تتكلم ولكن هي طول الوقت جالسة تطالعه ومانزلت عينها عنه ومن دون ما تتكلم

وليد بتعب : عفوا اختي من بغيتي

...: هههههههههههه ههههههههههههههههههه

البنت من كثر الضحك جلست على الكنبه اللي وراها

وليد انقهر منها .. هذي اكيد مجنونه : خير في شئ يضحك

.....: حالتك اللي تضحك

وليد عقد حواجبه : من انتي ؟؟ ووش تبين ؟؟

فتشت البنت عن وجهها : ها تذكرني ولا لسا

وليد انصدم ماقدر يتكلم : ميــن لميــــس ..!!

لميس : اي لميس اللي لعبت عليها وهي من زود غبائها بغت تموت ....

وليد: خير وش جابك

لميس : جيت اعطيك هذا ..

ورمت بوجهه ظرف

وليد: وش هذا ..؟؟

لميس : هذا كان انتقامي منك .. بس اللحين بتنازل عنه لان ربي انتقامه اكبر واعظم .. سبحان الله .. فعلا انتقام ربي اقوى من اي انتقام .. هههههههههه

وليد فتح الظرف وشاف شئ صدمه مو مصدق وش هذا .. ولا شلون صار ومتى

لميس : ههههههههه تذكر لما اتصلت عليك وقلت لك انك وقعت لي شهادة وفاتك ..

وليد تلعثم : يعني اللحين كل شئ صار ملكك

لميس ابتسمت بحزن وراحت عنده واخذت الورقه وشققتها : انا بحياتي ياوليد ماكان قلبي اسود او احقد على الناس ولكن بعد اللي سويته فيني خليتني وحش ماصدق احد ولا امن احد .. بس ...

سكتت ثم نزلت راسها وكملت : كنت ناويه انتقم منك لو يكلفني هالشئ حياتي .. ولكن لما دريت عن اللي فيك كأن صفقه جتني على وجهي صحتني من اللي انا فيه .. صحيت ووعيت ان في رب فوق ولو ااخذت فلوسك وفلوس اهلك بهالطريقه ربي ما يوفقني واكيد راح ينتقم لك مني على شان كذا رجعت لك كل شئ .. وكأن شئ لم يكن انا مانكر اني كنت احبك .. ولا انكر اني مازلت احبك .. ولكن من قلب انا شمتانه فيك .. لان ربي بياخذ حقي وحق كل البنات اللي سويت فيهم كذا .. لا تتوقع ان اللي تسويه عادي ... لا انت دمرت نفوس بنات كثيير .. وهذا له حقه وهذا انت جالس تدفعه ..

مشت بتروح ثم لفت وقالت : قلبي مابرد من اتجاهك ولا تظن ان بيوم بسامحك .. بعد ما حاولت انتحر على شانك اكتشفت انك ماتسوى اني اضيع روحي على شان واحد زيك .. كل ما شوف دموع امي اكرهك زياده .. كل ماشوف ابوي يراقبني اكرهك اكثر .. كل ماشوف نظرات الاستحقار من صاحباتي ادعي عليك بانك تتعذب اكثر واكثر

الله يهدك ياشيخ مثل ما هديتنا ................

طلعت وسكرت الباب وراها

وليد تتردد كلماتها في راسه :

الله يهدك ياشيخ مثل ما هديتنا
الله يهدك ياشيخ مثل ما هديتنا
الله يهدك ياشيخ مثل ما هديتنا
الله يهدك ياشيخ مثل ما هديتنا
من بكرة الصباح على الساعه 7 غرفه وليد ماليانه ممرضات يجهزونه للعمليه وكان معاه نواف مرافق وبعد شوي دخل عليه ابوه واخوانه ابو نواف وابو صالح و وعياله ريان وراكان وجا معاهم ثامر .. وطبعا الحريم والبنات كلهم حتى سارة وعبير متجمعين ببيت جدهم ابو خالد قدام التليفون .. ينتظرون اي خبر

الرجال : السلآم عليكم

وليد ونواف : وعليكم السلام

وجلسوا يتكلمون مع وليد وكل واحد يقول له كلام من جهه على شان ترتفع معنوياته ولكن هو من بعد امس وهو مرة محطم كل اللي يدورر في راسه " لميس وهي تقول ... الله يهدك ياشيخ مثل ما هديتنا ... لاتظن ان بيوم بسامحك .."


لحظة صمت لما قالت الممرضه اننا بننقل المريض لغرفة العمليات

الكل يطالع بعضه والكل متوتر .. ماعدا وليد مسلم امره لربه

راح عنده نواف وحظنه وقال له باذنه اشوفك بعد العملية

ابتسم بوجهه وليد وقال : ان شاء الله

لف وليد يطالعهم كلهم وهم متجمعين حوله قال وصوته فيه العبرة : سامحوني .. وسلمولي على امي

الكل قال بدا يتكلم بازعاج : شد حيلك ولا تقول كذا .. ان شاء الله تقوم بخيير .. لا تخاف كلنا بنستناك

بدوا يدفون السرير بس وقفهم ولف على ابوه وحب راسه

ابو خالد دمعت عينه وقال : الله يقومك بالسلامه يا ولدي

كملوا طريقهم لغرفة العمليات

مرت ســـاعه وهم جالسين على الكراسي ينتضرون اي خبر عن وليد ولكن محد طلع

مرت الساعه الثانيه والكل على اعصابه وبدا التوتر ياكلهم

مرت الساعه الثالثة

في غرفة العمليات

الدكتور منهك ويصبب عرق

الممرض : دكتور النبض جدا ضعيف

الدكتور مصر ما يفشل بهالعمليه : معليش قربت اخلص حيصمد ان شاء الله

الممرض : دكتور لازم توقف الان المريض كل ماله بنضاته تقل

بالشاشه قررت نبضات قلبه بالاستسلام ـــــــــــــــــــــــــــــــــــــــــــــ


وهم برا الغرفه الا لاحظوا بان في حركه غريبه جالسه تحصل ناس تطلع وهي تركض وناس تدخل برضوا وهي تركض الكل خايف ومو عارف وش يسوي والكل يدعي له بالسلامه

نواف مو قادر يستحمل اكثر من كذا 3 ساعات وهم جوا ولا احد طلع وعلمهم وش السالفه .. كل شوي قايم وجالس خلاص بينفجر راسه من التفكير بايش ممكن يصير له

................................................

في بيت ابو خالد

الكل متوتر لان للحين محد طمنهم .. وهم في حالة سكوون فجاة دق جوال نوف بنغمة مسج

الكل التفت لها .. وهي خافت على طول اخذت جوالها وجلست بالحديقه .. فتحت المسج وجلست تقرا

" انا الذي من شوف الاحباب محروم..
والله يكفي شر زلات الاقدام..
قبل امس مع ربعي سواليف وعلوم..
واليوم طاويني هواجيس وهيام..
اضحك ضحى قبل امس وابكي ضحى اليوم..
مااسرع دورات الليالي والايام.. "

طلعت بسرعه لفوق تشوف من المرسل انصدمت لما شافته بدر " هذا شذكره فيني اللحين "

بعد ثواني جاها مسج ثاني

" أناالجـــنون بحد ذاته وصلته0
أصل الجـــنون هيام عاشق بمعشوق00
إحساس لك في داخلي لووصفته0
يعجز لساني مايعــبر بمنطوق00
وتبي الحقيــقه آخر الحب خفته0
؟؟
خـوفي من الله لاأعبدك وأنت مخلوق .. "

ارتسمت ابتسامه على شفايفها وهي تقرا ولما انتبهت انها ابتسمت على طول كشرت " واحد فاضي وتافه اوووف "

وصل لها مسج ثالث

" أحبــك ...

ثم ..


أحبــك ...


ثم ..


أحبــك ...
وعندي لهاذي الكلمه دلايـل .....
عيـون تشفق لشوفـك ,,, وقربــك ...!!!
لها دمعـن على خدي ,, همـايل ...!!!
عيون ماتبيعـك .. ياعيــونـي ....
تبيـع ,, اليوم لعيـونـك قبـايـل .....!!
وأكررهـا ,,, لـك ياحيــاتـي ...
أحبــك ...


ثم ..


أحبــك ...


ثم ..


أحبــك ...... "

ارسلت له نوف بيدين ترتجف وعيون تدمع

" خلاص يكفيني معاناة وياك
ارحل وبرحل مابقا شي فيني
اتعبتني وياك واتعبني رضاك
واتعبت قلبي ياشقاي ونيني
محدن ترى فيني يسوي سواياك
محدن غيرك اهمومه تجيني "

ضلت تستنى رده بتوتر واول ماوصلها مسج على طول فتحته

" احلف بربي يمين أن في بعدك ..عجزت عيوني تنام

اشتقت لصوتك وهمسك .. ووحشتني مناقرتك

وصارت عيوني تشوفك في كل الوجيه

يرضييك يا قلبي .. حبيبك تذله

سامحيني ارجوك ... أشتقت لكـ "

تنهدت ثم سكرت الجوال وحطته بجيبها

وقامت ودخلت لهم جوا

.............

سديم بغرفتها تكلم بالجوال

سديم: اسمع ياحمار سو اللي قلتلك عليه

...: بس هالشئ فيه مخاطره يعني لو انمسكت بروح فيها

سديم شافت ان اسلوب العصبيه والتهديد ما يجيب معاه نتيجه: قلبي وحياتي مو انت تحبني

.....: آهـ انتي اكثر وحده عارفه

سديم: خلاص اجل اذا تحبني صدق بتسوي اللي ابيه منك

...... جاوب وهو يفكر : امممم طيب بس على شان اثبت لك حبي لك

سديم: فديتك والله .. خلاص انا ادق عليك بالوقت المناسب واقولك متى تنفذ الخطه

........: طيب

............................

في المستشفى طلع الدكتور وكل تجمع حوله يساله عن حالة وليد

الدكتور : احنا سوينا اللي علينا والباقي على الله ... انتوا ادعوا له ان يظل عايش 4 الايام الجايه لانها هي اصعب ايام .. ومتى ما قام معناها العملية نجحت .. اللحين راح ينقلونه للعناية المركزة والزيارة ممنوعه يعني جلستكم هنا مامنها فايدة واذا صار تطورات راح نتصل عليكم ... عن اذنكم

الكل : حمدوا ربهم ان مامات بالعملية وبنفس الوقت خايفين من هال4 ايام ويدعون انها تمر على خيير

الكل عرف باللي صار وحمدوا ربهم على كل حال وجالسوا يدعون له بكل صلاة


............................

بعد يومين في بيت العمه لولوة

نورة نازله من الدرج وشافت اختها تهاني جالسه عند التفزيون

نورة: صباح الخير ياحلو

تهاني : صباح النور

نورة: في اي اخبار عن خالي وليد

تهاني : لا والله على حطت يدك

نورة: الله يقومه بالسلامه

تهاني : امين

نورة: الا اقول فطرتي ولا لا

تهاني : ايي من زمان

نورة: خل بروح اجل اسوي لي فطور

راحت نورة للمطبخ ودخل ابوها للصالة

ابو جابر: السلام عليكم

تهاني : وعليكم السلام .. هلا يبه غريبه راجع بدري

ابو جابر: جاي اتكلم معك بموضوع

تهاني : امر يبه

ابو جابر : جايينك خطاب .. ما شاء الله عليه الولد .. ادب واخلاق وسمعه طيبه وديين يعني مو عايبه شئ

تهاني: يبه واللي يعافيك مابي اتزوج

ابو جابر عصب وبدا يعلى صوته : لي متى ها فهميني .. كل ما جاك خطيب رديتيه .. لا يصير حابتلي واحد وما تبين تتزوجين غيره

تهاني دمعه عيونها: هذا تفكيرك فيني يبه انا تربيتك ومستحيل اسوي هالشئ

تو تدخل نورة ومعاها صحن فيه سندويشات

وقف ابو جابر معصب وقال كلمتة كانه يبي ينهي النقاش : علم ياصلك ويتعداك بتتزوجين غصب عليك انتي هالخبلة اختك وملكتكم بيوم واحد .. تجهزوا عندكم اسبوعين بس

نورة من الصدمه طاح الصحن من يدها

نورة : انا وش دخلني ..؟؟

ابو جابر : تشب ولا كلمة .. قلت كلمتي ومابي اسمع مناقشه .. ولا انتي بعد تبين مثل اختك طقت الـ 24 وللحين ما تزوجت .. خلاص انتهى النقاش .. كلكم بتزوجون من اللي خاطبينكم

وراح وتركهم

دخلت ام جابر بعد مانتهى النقاش الحامي لانها عارفه لا عصب زوجها محد يقدر يكلمه

كل البنات يبكون راحوا وعضنوا امهم

نورة: يمه عفيا كلمي ابوي .. من هاللي بيزوجني اياه انا توني صغييرة .. مابي

تهاني : يمه الله يخليك حتى انا مابي اتزوج لو سمحتي ييييمه

ام جابر مو عارفه تسكت هذي ولا هذي : بس خلاص واللي يعافيكم انا بشوف بحاول اكلمه لا هدا

انتي يانورة يمكن يتراجع لكن انتي ياتهاني صعبة صعبة

تهاني تزيد بالبكا : لا يمه الله يخليك يمه لو سمحتي

ام جابر : بفهم انتي ليه ما تبين تتزوجين

تهاني : مابي يمه مابي .... آآهـ .. ليه محد يحس فيني ... مابي رجال يدخل حياتي يتحكم فيني وووووع مابي رجال .... اكرهم

ام جابر : لا حشى بنتي مجنونه .. صاحيه انتي ... هذي سنه الحياة وكل وحده لازم تتزوج .. دام كذا اجل نظرتك .. انا مع ابوك وخلك تتزوجين غصب لان لو بنسمع لك عز الله عنستي عندنا .. واحنا يا بنتي موب دايممين لك

تركتهم وراحت تشوف زوجها

والبنات بالصالة يبكووون

ام جابر : وش هذا اللي سويته ما يجوز يارجال .. تغصب بناتك على الزواج

ابو جابر: بالله عاجبك وضعهم كذا

ام جابر: لا موب عاجبني بس هذول بناتي ومابي ارميهم كذا .. وبعدين من هذا اللي خاطب نورة

ابو جابر : ثامر ولد اختك .. خاطبها مني من قبل اسبوع من قبل طيحت وليد

وانا صراحه موب دايم للبنات ابي ازوجهم من اللي يحفظهم ويصونهم .. وانا ماشوف احسن من هالاثنين ازوجهم بناتي

ام جابر: طيب ما تتمهل شوي

ابو جابر: خلاص يا مرة انا قلت كلمتي والكل بيمشي عليها

ام جابر نزلت راسها : اللي تشوفه

...............................

دخل ريان البيت وهو تعبان مو قادر يسنط طوله

كانت سديم بالصاله اول ما شافته دخل قامت تستقبله

سديم: السلام عليكم

ريان : وعليكم السلام

سديم : سلامات وش فيك .. شكلك تعبان ... تبي اجيب لك شئ

ريان : لا شكرا مايحتاج

سديم: الا شوف شلون وجهك اصفر .. بروح اجيب لك عصير برتقال .. اجلس هنا ارتاح

وراحت للمطبخ

وهو انسدح على الكنبه وفصخ الشماغ وحطه على عيونه

جت سديم مع العصير وشافته نايم حطت العصير على الطاوله وراحت عنده شالة الشماغ من على وجهه وسفطته وحطته على الطاوله ثم جلسة على الارض جنب راسه وجلست تتامل وجهه

سديم " آهـ يا ريان لو تحبني بس .. بس صدقني ما تاخذ غيري .. ان كان برضاك او غصب عنك صدقني ... انت لي ... اي لي "

حطت يدها على خده تبي تملى عيونها منه

دخلت ريم وهي طايرة لبيت عمها بس فجاة وقفت وهي مصدومه من هالمنظر

سديم جالسه تقرب لريان تبي تبوسه

هنا ريم طرطعت وراحت بسرعه وشدت سديم من شعرها

سديم صرخة بقوة

ريم بسرعه حطت يدها على فمها على شان ما يقوم ريان .. ما تبي يصير معاها زي هذاك اليوم بالاستراحه ويتهاوشوا

جرتها ريم وهي ماسكه شعرها بيد وحاطه يدها الثانيه على فمها لين ما وصلوا للمجلس الداخلي بعيد مرة عن الصالة

فلتتها ريم وهي موصل عندها الطبلون

ريم: ايا زبالة .. وش قلت الحيا اللي تو ياواطيه

سديم تعدل شعرها اللي خربته ريم: احترمي نفسك ما الزباله الا انتي

ريم خلالاص بتموت من هالبنت لا نافع فيها ضرب ولا نافع فيها شتايم : انتي اساسا لو عندك كرامه ماكان جلستي في بيت محد يبيكي فيه

سديم جرحتها هالكلمة بس ردت بكل غرور : لا حبيبتي ريان بكبرة هو اللي يبيني بالبيت .. ياما تحايلت عليه اني اروح .. بس هو ابدا مصر اني اظل عنده

ريم بسهولة تعصب وهذي من يوم ماجت اي شئ بدا يعصب ريم : انطمي يالنصابة حسبالك ماعرف الاعيبك تبين تاخذين ريان مني .. لا ياماما باحلامك ..

سديم وهي تناظر اظافرها >> يعني ماهمتها ريم : نشوف من بالاخير بيفوز

وطلعت وخلتها

ريم ماقدرت تتحمل اكثر وصرخة باقوى ما عندها

سديم وهي طالعه الدرج سمعت صرختها ابتسمة بانتصار

..........................

" خاف الحسد من اهلك .. ياالماشي انت بمهلك
زلزال يخرب بيتك .. كيك وحلاوة بشكلك
وزنك بخف الريشة .. ورقصك خبيتي بيشة
هالعيشة ماهي عيشة .. كيك وحلاوه بشكلك
وزنك بخف الريشة .. وطعمك معسل شيشه
وزنك بخف الريشه .. ورقصك خبيتي بيشه
هالعيشة ماهي عيشه .. كيك وحلاوه بشكلك "

^^ نغمة جوال ثامر

ثامر وهو نايم مانتبه لصوت الجوال رجع ودق الرقم مرة ثانية مسك الجوال وجاوب وهو مغمض عيونه

ثامر وصوته كله نوم : الــ ـ ـوو

صوت بنت ناعم وجميل : صباح الخير

ثامر تلعثم وش هالصوت الجميل رفع شاف الرقم بس الرقم غريب حب يتاكد هاللي سمعه صدق ولا جالس يحلم : الــووو

البنت : الوو

ثامر اختبص: من معي ..؟

البنت : اممم حزر فزر

ثامر يكره هالنوع من البنات : اووف انتي وحده فاضيه

وسكر الخط بوجهها

رجع ثامر نام وتلحف ماهي ثواني الا رجع الرقم الغريب يتصل من جديد

ثامر "اوووف " : الووو

البنت : ثامر صح

ثامر " لحوول ": اي من انتي ..؟؟

البنت : معقول نسيتني على طول ..!!

ثامر " مستغرب لان بحياته ماصاحب بنات ": اساسا من انتي على شان انساك

البنت : يوووه للدرجه هذي تعرف بنات بحياتك مو عارف تفرق بين الوحده والثانيه

ثامر وصلت عنده : اقول اختي انتي راعية طويلة .. مع السلامه

وسكر بوجهها وقفل جواله على شان يرتاح

البنت معصبة تدق بس مغلق : انا اوريك يا ثامر اووووف

...............................

" انا مش مبيناله انا نوياله علي ايه
سكتاله مستحلفاله مش قيلاله ساكته ليه
هخليه يشوف بعنيه كل اللي ناويهعليه
هخليه يخاف من خياله لما اغيب يوم عن عنيه
كتر خيري اني قابلته واستحملته ياقلبيزمان
ييجي عليا واعديها ويسوق فيها معايا كمان "

^^ نغمة نوف

فتحة الابجورة وشافت مين اللي متصل

نوف: بدر .. شافت الساعه " لا هذا مو صاحي داق علي الساعه 3 وش يبي"

حطت صامت ورجعت غمضت

في مكان ثاني صوت الاغاني ماره عالي والناس صراخ وازعاج

فهد : بدووور وش فيك جالس بعيد

بدر نزل الجوال : ها لالا بس كنت بكلم وارجع

فهد : ياخوي هالايام انت غريب .. مدري وش فيك احسك متغير

بدر بتوتر: شلون يعني متغير؟؟

فهد : يعني قليل ما تسهر معانا وان جيت سهرة تكون سرحان ولا جالس بعيد .. وش فيك ؟؟

بدر: لا مافيني شئ انت تتوهم

قام وقال : يلا فهد انا بروح سلملي على الشباب .. بـــاي

فهد : طيب اشوفك على خير بااايوو

طلع بدر وهو مهموم وحامل كل مصايب الدنيا فوق كتافه

ركب السيارة ودق على نوف مرة ثانيه .. بس مافي امل انها ترد .. حرك السيارة ومسك خط الدمام

............................

عبير: لا نواف ترى للحين ما نسيت لك حركتك ذاك اليوم لما جيتني ونمت عندي

نواف : عبوورة انا زوجك خلاص

عبير: ولو هالشئ مستحيل تحصله الا بعد العرس سامع ولا لا

نواف " صدق هالبنت موب سهله اوووف ":اي فهمت خلاص

عبير: اي خلك شاطر

نواف : لا والله احلفي

عبير: هههههههههه يلا طيب بروح انام مرة نعسانه

نواف " نومة اهل الكهف ان شاء الله >> الاخ معصب ماقد بنت هبلت فيه زي كذا ":نوم العافيه

عبير: باي حياتي

نواف : باي ?

عبير انسدحت على السرير وتتذكر هذاك اليوم لما جاها مرة محبط لما عرف بمرض وليد ونام في المجلس .. كانت هي جالسه بغرفتها تمشط شعرها .. فجاه لقته واقف عند الباب .. بالبدايه اخترعت بعدين قوة نفسها ...

عبير: قمت حياتي .. صح النوم

نواف : صح بدنك .. قرب منها لين وقف وراها وبدا يلعب بشعرها

عبير جالسه ترتجف من قربه

نواف: تعرفين انك طالعه مرة حلوة بالبجامه

عبير حمرت خدودها : شكرا

ثم بدا يتقرب منها بحركات خلتها تقوم وتصرخ بوجهه

عبير: لو سمحت نواف اطلع براا

نواف شدها من يدها : خبله انتي .. تطرديني

عبير: نواف الله يخليك مايصير كذا .. لو سمحت اطلع براا

نواف : اووووووووف يا شيخه وش هالعيشه النكد

راح وخلاها تبكي بالغرفه كلها دقايق ودخل وهو راسم اجمل ابتسامه على وجهه ومخبي شئ ورى ظهره

قرب منها وباس على راسها ومد يده على وجهها ومسح لها دموعها وطلع ورده بلاستيك من ورا ظهره

نواف وهو مبتسم : معليش مالقيت في بيتكم ورد طبيعي قلت بلاستك اهون من ولا شئ

عبير ضحكت من بين دموعها

نواف: اي كذا .. مابغاك بيوم تبكين .. الابتسامه عليك احلى

عبير جلست تبكي من اول وجديد

نواف حظنها لصدره وبدا يطبطب على ظهرها : احبك يالدلوعه

عبير وهي بحظنه تبكي وتضحك

نواف : وربي مجنونه اول مرة اشوف وحده تبكي وتضحك مع بعض شلون مدري

وخرت عبير عن حظنه وضربته على صدره >>على انها زعلت منه

نواف بدا يضحك وباس خدها بسرعه وقام ركض هرب منها قبل لا تسطره

بعد ماطلع نواف جلست تضحك عبير على هباله

.....................................

طق ........ طق .................. طق

قامت ريم على صوت طقطقه جاي من شباكها

قامت ولبست روبها وفتحت الشباك الا ريان كان تحت الشباك

على طول وخرت ريم وتسندت على الجدار اللي جنب الشباك

ريان بصوت واطي : ريـــم

ريم طلت : ..............

ريان : اشتقت لكـ

ريم للحين زعلانه عليه من بعد البر وموقفه البايخ اللي سواه وياها

ريان : آآآآســـــــــــــــــــــــف

ريم للحين زعلانه منه وماتكلمت بس تسمعه

ريان: ريم لا تجنني وربي لا اطلع لك اللحين

ريم : .............

ريان : كذا .. طيــــــــــــب

بدا ريان يتسلق على الشجره اللي جنب شباكها

ريم تصارخ عليه : هيي مجنون انت انزل

ريان : ماراح انزل .. وكمل يتسلق

ريم: يالخبل متاثر بروميو وجوليت انزل بس اللحين تطيح وينكسر ظهرك

ريان بصوت عالي : فدا لعيونك

ريم حست انها زودتها خلاص : طيب خلاص انزل على شاني

ريان: مانزل لي تقولين انك سامحتيني

ريم:..........

ريان: ريم .. انا صار لي 4 ايام مو قادر انام ... سامحيني

ريم: ماتلاحظ من يوم ما جت سديم واعتذاراتك زايده

ريان : يووووووووووه اتركي سيرة سديم اللحين ... انا اقولك احبك وانتي تقولين لي سديم

ريم متردده ماتدري وش تسوي: خلاص ياريان انزل وبعدين نتفاهم

ريان : مانزل يعني مانزل .. ترى ان ماسامحتيني برمي نفسي من هنا

ريم خافت عليك : مجنون وتسوها

ريان : اي اسويها .. ها ارمي نفسي

ريم بخوفف: لا الله يخليك والله اموت

ريان يغمز لها : يعني خايفه علي

ريم استحت : ........

ريان يصارخ زي المجنون : آآآآآآآآآآآآآآآآآآآآآآهـ احبـــــــــــــــــــــــــــــــــــــــــــــــ ــــك

ريم: اوووص يالخبل بتقوم كل اللي بالبيت .. يلا الله يخليك روح من هنا اللحين يقوم ابوي ويشوفك .. والله لا يذبحني ويذبحك

ريان نزل من الشجره وقال لها بهمس : احبك ورح اظل احبك طول العمر .. وتاكدي ان كل نفس انتفسه ينادي بحبك .. وقلبي كل دقه فيه تقول لك وبصوت عالي احبك ... ارسل لها بوسه بالهوا وراح ركض

.................................

نورة بغرفتها وهي تبكي " مابي اتزوج حرام عليك يايبه حرااااام "

......................................

سارة جالسة على السجاده وتدعي ربها : يارب انك تشفي وليد وتقومه لنا بالسلامه .. يارب انك ترحمه برحمتك وتعافيه ... يارب انك تشفييه

...........................................

حنين وبيدها الكاس واليد الثانيه الجوال

حنين : اه منك يا ثامر .. لكن انا اعرف شلون اجيبك لحد عندي .. وتشرب من الكاس شوي

" وش صار لك يا حنين تفكرين فيه .. انسيه .. ليه مهتمه فيه ؟؟ .. ردت على نفسها .. مادري مادري بس مو قادرة اشيله من بالي .. معقوله حبيته .. ضميرها يقول لها .. ههههههههههههه ضحكتيني يا حنين انتي تحبين ... اي احب ليه ماني بشر ماعندي احساس .. متوقعه حيفكر بوحده زيك ... نزلت دمعه من عينها انا كنت صغيره .. غرتني الفلوس وان كل الناس تناظرني على اني احلى وحده بالعالم والناس تحط بيدي اليمين الشمس والثانيه القمر .."

بس ثامر ماراح اتخلى عنه ابد .......... ابــــــــــــد

جا جنبها شاب باين عليه غني مرة

الشاب : حنونه وين وصلتي له

حنين تمسح دمعتها الوحيده : لا ابد بس كنت افكر

الشاب وهو سكران : نووو نووو حنونه ما تفكر .. حنونه تامر وتاشر بس

حنين تبتسم بسخريه : لا يا عادل .. هذا شئ لا انت ولا غيرك تقدر تجيبه لي

عادل: لا يا حنين كل شئ بالفلوس يجي

ضحكت بصوت عالي وقامت : لا ياعادل هالشئ اطهر من انك تشتريه بالفلوس

عادل لحقها : وش هو يا حنين .. قوليلي وشوفي شلون اجيبه لك واثبت لك ان كل شئ بالفلوس يجي

حنين وتبتسم بسخريه : الحب يا عادل .. الحب

وفق عادل مكانه وبدا يحك راسه ببلاهه >> سكران ما ينلام

وبعد لحظات مات من الضحك : ههههههههههههههههههههههههههههه ههههههههههههههههههههههههههههههههه ههههههههههههههههههههههههههههه

لالالا حنين تحب ههههههههههههههههههههههههههههههه

حنين ناظرته بستحقار ومشت وخلته متسدح من الضحك

.......................

من بكرة الصباح على الساعه 11 الظهر دق جوال ابو نواف

ابو نواف : الوو

...: الو السلام عليكم

ابو نواف : وعليكم السلام .. من معي ؟؟

...: معاك موظف من مستشفى ......... لازم تجينا الان ضروري اخوك وليد .................


تعرفوا بالبارت الجاي
البارت الحادي عشر


الكل من رجال وحريم واقف قدام غرفة وليد

الدكتور طلع : الحمد لله على سلامته

الكل انرسم على وجيههم الفرح ويباركون لبعض

دخلوا للغرفه

فتح وليد عيونه وبدا يدور بين الكل عيون محدده

طاحت عينه بعينها ..

سارة " آآهـ مو قادرة اشوفك بهالحاله "

وليد ومن بين الالم اللي جالس يحس فيه ابتسم لها ابتسامه بالكاد تبان

اذكريني باول انفاس الفجر مع نسيم الصبح لا هب العطر
ولااكتمل وجه القمر واصبح بدر ...
اذكرينـــــــــــــي ....اذكرينـــــــــــي ... واكتبي لي لو سطر
اذكري يوم التقت نظراتنا .. والاماني داعبت ارواحنا ..
كنه الدنيا اصبحت انتي وانا ..
ولا مضى يومك بلا ساعه فرح ..ولا اختفى من وهج القلب المرح ...
ولا ترادى فكرك بشك وسرح ..
اذكرينــــــــــــــي ....اذكرينــــــــــــي ..واكتبي لي لو سطر ...
اذكري اللي قد تولع في هواك ...في جلال الخلق في روعه حلاك
وان سلوك الناس عمره ماسلى ...
من عرفتك وانا ماغيرك اشوف ... ضيف شوقي بالغلا حولك يطوف
اكرميه ...اكرميه ...اكرميه ..
بفزتك له ياهنوف
واذكرينــــــــــــي ....اذكرينـــــــــــي ...واكتبي لي لو سطر ...

طبعا السهرة اليوم عند وليد مطوله ننط على طول لما رجعوا من عنده

نوف في غرفتها جالسه تكتب مذكراتها

سمعت صوت مسج فتحته المرسل بدر

جمر الهوى لو ما
طفيته حرقني
وجمر الغلا لو
مااشتعلته تألمت ..
اشتاق لك دام ربي
خلقني ..
وابيك تفهمني
لو تكرمت ..
انا اقسم بعزة من خلقك
وخلقني
لو منت غالي
ما جبرنيالقلب
وكتبت...

بمكان ثاني وتحديدا بالشرقيه جالس بدر عند البحر يحاول يرمي همومه في هالبحر الواسع والغميق .. ماسك جواله بيده ينتظر منها تعبرهـ

بدر" ماحترد عليك لا تكذب على نفسك .. اهـ بس لو اقدر وارجع الزمن لورى شوي "

اخذ حصى من جنبه ورماها بالبحر

نوف حاسة بشعور غريب ماتدري ليه اشتاقت لصوته بس على طول نفضت هالافكار من راسها ونامت


..............................

ثامر هو ونواف مرافقين عند وليد

وليد: ما شاء الله مبرووووك اجل .. يعني ملكتك خلاص بعد اسبوع

ثامر : ان شاء الله بس انت ادع لي الله يتممها على خير

وليد : امين

نواف : حركات يا ثامر بتقلدني وتتزوج وتسرق الاضواء مني .. يلا اللحين ما بقى الا وليد الدور عليك

وليد: ههههههههه اي ان شاء الله بعد 20 سنه

نواف : افا ليه .. انت بس قوم لنا بالسلامه وانا من نفسي اروح واخطب لك على هالخشب

الكل : ههههههههههههههه

..........................................

اليوم الفرحه فرحتين في بيت ابو خالد

ولدهـ وليد طلع من المستشفى واليوم برضوا ملكة حفيداته الثنتين نورة + تهاني

في غرفة نورة

الدراما زايده حبتين

نورة تبكي وتلطم وتهاني تتوعد وتهدد

تهاني : طيب بتزوجوني غصب عني .. والله لا اخليه يكره الساعه اللي بتزوج فيها .. انا اوريكم .. والله لا اطلع في شعره الشيب .. آه بس لو انا ولد كان توطيت في بطنه

نورة: آآآآآهـ يا يمه حرام عليك .. ليه تسون فيني كذا انا مابي اتزوج .. مو بالطريقه هذي .. انا ابي احب وتحب .. ابي اعيش قصه رومنسيه .. مو كذا .. اهئ اهئ اهئ

ريم وعبير ونوف وسارة في الغرفه معاهم وهم ماسكين ضحكاتهم وكل وحده تهدي الثانيه

نورة فجأة تذكرت : الا تعالوا

ريم: سمي

نورة وهي تمسح دموعها : ما قالولي من المقرود اللي باخذه هههههههه >>ضحكت على نفسها ان كل ماجت امها بتكلمها بالموضوع تجلس تصرخ وتزاعق ولا تسمع لامها

ريم وقتها ماتت ضحك : نعبوا دارك انتي .. اليوم ملكتك وما تدرين من هو المقرود اللي بياخذك

نورة : له الشرف اساسا .. هو يحصل مثل نورة

ريم: ههههههههههه اعصابك .. هالمقرود هو ثامر

نورة وفوق راسها 16 علامه استفهام: من هو ثامر ماعرف واحد اسمه ثامر

ريم: يمه البنت فقدت الذاكرة من كثر الصياح

هنا الكل ضحك حتى تهاني اللي موصله حدها

ريم: ثامر ماغيره يالعنز .. ولد خالتك

نورة فتحت عيونها على الاخر شوي وتطلع برا : نعـــــــــــــــــــــــــــــــــــــــــــــم

ريم وهي ماسكه الضحكه : وش فيك اخترعتي .. اي ثامر

نورة شوي الا سيالات الدموع تنزل من عينها : اه يا قراده حظك يا نورة .. اه يضيعان شبابك .. اهئ وش هالحظ اللي علي ..آآآآآآآآآآآآآآآهئ

ريم: بسم الله عليك وش فيك .. ثامر مافي احسن منه .. ليه ما تبينه

نورة وهي تبكي : اه انا متاكده ان ابوي هو اللي قاله تزوجت هالخبله اللي قدامك اهئ .. لان ثامر يحب بنت ثانيه ... اه الله يسامحك يا يبه .. اهئ اهئ .. يعني انا دمرت اجمل قصه حب بين ثنين

عبير: الحمد لله والشكر .. وش هالكلام .. ليش ما يصير هو اللي خاطبك

نورة عصبت وقامت وتخصرت : هي خبله انتي خبله اقولك يحب بنت ثانيه شلون يخطبني وهو يحب صدق خبله

قامت الكوفيرا من الكرسي بعد هالمشاهد الدراميه اللي ماقد شافتها باطلق فلم هندي

نسرين : شلون هلأ مابدا نشتغل

نورة : وجع بعينك .. اشتغلي يامال الطاعون

نسرين : متيلدا – جولي .. تعوا يلا بدنا نبدا

وبدات نسرين والبنات اللي معاها يضبطون في شوش ووجيه نورة وتهاني

لما ملكوا كل الثنتين جا لمهم ابوهم وحب على راسهم بارك لهم وقال لهم لا تزعلون بس لمصلحتكم وبكرة راح تشكروني

وقال لتهاني تدخل على زوجها على شان يجلسون مع بعض شوي

دخل ابو تهاني وهي وراه خايفه من هالانسان اللي اقتحم حياتها فجاه وهي عندها عقده من الرجال ماتطيقهم .. عندها قناعه بان دايم يعاملون حريمهم شين ويكتمون على انفاسهم ويتحكمون بكل صغيرة وكبيرة بحياة زوجاتهم ..

على شان كذا كانت رافضه فكرة الزواج

ابو تهاني : حياك تعالي هنا .. هاذا زوجك منصور

تهاني عصبت لما قال زوجك كان ودها تهجم عليه وتكفخه راحت بهدوء وجلست جنب ابوها

شوي الا قام ابوها وقال بروح شوي وبرجع وتركهم بالحالهم

منصور : شخبارك

تهاني من دون نفس : بخير

منصور رفع حاجب : وليه تقوليها كذا بدون نفس

تهاني ساكته

منصور كان عارف انها ماتطيق الرجال لان ابوها قال له على شان ما يخبي عليه شئ .. بس منصور كان يحبها من زمان .. هو موظف يشتغل مع ابوها .. وبيوم شافها بالغلط في بيتهم ومن وقتها ..

وهو مو قادر يشيلها من باله .. ولما خطبها ابوها قال له ان هي ماتبي تتزوج واني بغصبها .. وهو تفهم الموضوع لما قال له عن تفكيرها بالرجال وقال انا مسعد استحملها .. وخلصها من عقدتها هذي

منصور وبدون نفس قال >>يحاول يستفزها: توقعتك صراحه احلى من كذا >> طبعا بنفسه كان منبهر بجمالها لانها ماشاء الله جميله وتهاني عارفه هالشئ انها جميله ولكن طلعت عيونها لما قال لها كذا

عصبت وقالت : من زينك اللحين .. شيفه ومقعد

منصور: ههههههههه حلوة شيفه ومقعد .. وبعدين انا رجال ما يعيبني شئ عاد الدور والباقي عليك .. اولا قبيحه وثانيا مغروره على ايش يعني لو حلوة قلت معاها حق .. استغفر الله بس .. لا جسم لا شعر .. لا وجه .. ولا بعد اخلاق .. مشكله ذي والله

تهاني هنا طرطعت قهرها زحزح فيها ثقتها بنفسها .. طلعت من عنده ودمعتها على خدها

منصور بداخله ذايب ذوبان اخيرا حلمه قدام عيونه .. وكل الكلام اللي قاله مو صدق بس على شان يكسر فيها غرورها .. ولكن مافي احلى من جسمها ولا احلى من شعرها اللي كانت كل ما تتحرك يتحرك معاها بغى عقله يطير ولا عيونها الذباحه .. كانت عالم ثاني ماقد شافه منصور .. وللمعلومه فقط منصور كان برضوا جميل .. حتى تهاني صدمت لما شافت جماله

كانت متوقعته قبيح من كثر ما تخيلته في عقلها وحش وجاي يعذبها هههههههههه

راحت غرفتها ركض وهي تبكي جوها ريم وعبير ونوف وحتى نورة وحاوطوها ويهدون فيها ويستفسرون منها ليه تبكي بس هي ماترد عليهم جتهم سارة وقالت لنورة ان ابوها يناديها

نورة بدت رجلينها تصبخ ببعض من الخوف

نزلت تحت ودخلت هي وابوها على ثامر اللي كان مايقل عنها توتر

وكل العاده الابو طلع يتركهم على راحتهم

ثامر: شلونك نورة

نورة منقهره من نفسها ومن ابوها اللي حاطها بهالموقف انه عرضها على ثامر وطبعا هو مايقدر يرد لابوي كلمه .. وهي ماسكه دموعها بالغصب:.........

ثامر قرب منها بهدوء : وش فيك

هنا على طول استسلمت دمعات نورة بالنزول

مد يده ثامر ومسح دموعها وقال بحنان : الله معقوله في ملاك يبكي

نورة نزلت راسها وهي تكتم شهقاتها

ثامر: نورة وش فيك ..؟؟ انتي مغصوبه علي ..؟؟

نورة هنا ماقدرت تتحمل رفعت راسها وقالت بصوتها اللي متقطع من البكي: اي .. حتى انت مغصوب .. ليه تسوي فيني كذا يا ثامر .. ليه توافق على كلام ابوي .. ليه ماقلت له لا ورحت لحبيبتك .. حرام تخليني انا الظالمه اللي فرقت ثنين عن بعض

ثامر فاتح فمة من الصدمه مو فاهم شئ : اي حبيبين ووش كلام ابوك وش هالخربطه ..؟؟

نورة وهي تبكي : ثامر لو سمحت انا اعرف كل شئ .. عارفه ان ابوي هو اللي جا لك وقال تزوج بنتي لان مالقى غيرك بالعايله نواف ومتزوج وريان ريم مسمى ياله وكمان على شان عارف مستحيل بترفض له طلب .. بس انا مابي افرق بينك وبين حبيبتك مابي

وقامت تركض طالعه من المجلس وهي تمسح دموعها

ثامر موقف مصدوم من اللي سمعه وبعدين ضحك على هبالتها .. لانها تحسب ان ثامر مغصوب على زواجه منها ماعرفت ان هو اللي مترجي ابوها وابوه وقانعهم ان يتزوج من نورة لانها سيطرت على عقلة وقلبه .. بس مافهم هي وش تقصد بـ مابي افرق بينك وبين حبيبتك .. لا يكون سامعه عني اني احب ..

ثم طلع من المجلس وتناسى الامر

.........................................

في الليل على الساعه 3 الفجر

كانت نورة وتهاني يتفرجون على التلفزيون ومتحمسين مع فلم

الا يقطع عليهم صوت نغمة جوال تهاني

تهاني ماتعبت نفسها وشافت الرقم على طول ردت

تهاني : الوو

...: ما شاء الله .. ما شاء الله .. وتردين على ارقام غريبه بعد

على طول شالت السماعه تهاني وطالعت الرقم لقت رقم غريب

تهاني : من معي ..؟؟

....: ابي افهم اللحين ليه تردين على رقم غريب باخر الليالي

تهاني عصبت : لا يكون اخوي وانا مدري .. صدق قليل ادب وماتستحي

وقفلت بوجهه السماعه

منصور بينه وبين نفسه .. " وهـ يازينها لا عصبت "

ورجعوا البنات يتابعون الفلم الا بعد دقايق في لقطه مرة محمسه باخر الفلم كانت البنت راح تختار بين اثنين مين اللي راح تتزوجه وهم مرة متحمسات ومركزات ومن زود التركيز شوي ويدخلون بالشاشه رن الجوال من جديد

تهاني وهي معصبه ناظرت الرقم ورجعت ناظرت التلفزيون الا المقطع راح وماعرفت وش النهايه ومن اللي فاز بحبها انقهرت وشوي وتبكي سالت نورة وقالت لها مادري مانتبهت كنت مركزة معك بشوف من اللي متصل عليك .. حقدت على اللي متصل

رجع ورن من جديد ردت وهي ناوية تمسح فيه بلاط الارض

تهاني وبصوت عالي : ياكلب ياحقير ياللي ماتربيت .. الله ياخذك ان شاء الله .. جعل ربي يبلاك بمرض مامنه شفا .. جعله ان شاء الله اهلك يبحلون فيك ويلفلفون فيك على كل الدكاترة بالبلد ومافي ولا واحد منهم يلقى لك علاج .. جعلي ان شاء الله بيوم اشوفك مسدح قدامي واتشمت فيك .. جعلك للـ

منصور بصراخ : بـــــــــــــــــــــــــــــــــــس .. وجع بالعه راديو .. كل هالسب والدعاوي على شاني دقيت

تهاني : ياحمار انت ضيعت علي نهايه الفلم اللي متراهنه عليه انا واختي يا سافل يا منحط .. "توها تسوتوعب " الا ياقليل الادب ياللي ماتستحي انت وش عندك مستحليها كل شوي داق .. خيير قالوا لك ما يطلبه المستمعين

منصور كاتم ضحكته: اولا اسمه مايطلبه المستمعون وثانيا كيفي داق على زوجتي في شئ

تهاني طلعت عيونها لبرا : وجــع ان شاء الله .. هذا انت !!

منصور وهو خلاص بيفجر من الضحك : لا خياله

تهاني عصبت : انت من وين جبت رقمي ؟؟

منصور: جبته من مصادري الخاصه

تهاني : الله واكبر يامصادر .. حدك راعي البقاله الافغاني

منصور: عن الغلط .. الا تعالي انتي ليه تردين على ارقام غريبه .. صدق قليلة ادب

تهاني طيرت عيونها: نعم نعم نعم .. وش قصدك ان اهلي ماعرفوا يربوني .. هي انت اسمعني كل شئ ولا اهلي والله لا افرشك اللحين واتوطى ببطنك .. قلت ادب

منصور عشى من الضحك عليها : يلا كان فيك خير تعالي وضربيني

وقفل السماعه بوجهها
تهاني تناظر السماعه: وجع يوجعه ان شاء الله سكر بوجهي
نورة وهي مستغربه : من هذا اللي من الصبح تتهاوشين معه
تهاني : منصوروه الزفت
نورة وعيونها ناطه لقدام: زوجك ؟؟
تهاني: زوجوك من بعير ان شاء الله .. لا تقولين زوجك ..
نورة: مهبوله انتي .. اول مرة اشوف وحده تتكلم مع زوجها كذا
تهاني : لحوووول رجعت وقالت زوجها
نورة: خلاص خلاص موب قايله مرة ثانيه زوجك
تهاني قامت من عندها معصبه : وجع يوجعك ان شاء الله
نورة وهي تضحك : زوجك غصب عنك ههههههههه
تهاني وهي رايحه اخذت مخده ورمتها عليها وراحت

.........................................

وليد وهو جالس بالصاله سرحان

جت بجنبه امه ام خالد

ام خالد : عسى ماشر ياوليدي .. وش فيك سرحان
وليد: ابد يمه بس افكر
ام خالد: بوشو وانا امك قول لي ..؟؟
وليد انسدح على رجلينها وغمض عيونه وهي بدت تمسح على شعره

وليد: يمه تتوقعين ينفع احب واتزوج ..؟؟
ام خالد وهي تبتسم لان تشوف ان في امل ولدها يرجع يفكر بموضوع الزواج: اكيد ياوليدي منت رجال لازم تحب وتنحب
وليد:بس كل الحريم خاينات
ام خالد : لا وانا امك موب كلهم .. هذا انا
وليد: انتي غير ياست الحبايب
ام خالد: طيب اتركني انا .. هذا عندك خواتك .. بنات اخوانك .. هذا نوف وريم ونورة
وليد كشر يوم تذكر فعلت نورة وحاول ينسى: لا يايمه .. وش يضمنك ان اللي باخذها مابتطلع مثل أسـ....... وسكت
ام خالد تغريت ملامحها : لا وانا امك موب اصابعك مثال بعضها .. في من الحريم الصالح وفي منهم الطالح
وليد: طيب شلون اعرف اذا هي صالحه ولا لا
ام خالد ابتسمت : من هي وانا اقولك اذا صالحه ولا لا
فتح عيونه وليد وعرف ان تكلم زيادة عن اللزوم وفضح نفسه قام من على رجلين امه وابتسم وقال : تصبحين على خير يايمه
وراح لغرفته

............................................

سديم : اسمع زين .. بكرة نفذ اللي اتفقنا عليه .. سامع
...: طيب انتي تامرين امر

..........................................

من بكرة على الظهر الكل بره بالحديقه بيتغدون مع بعض والرجال جالسين يشوون والبنات يسولفون والحريم يسون السلطات

كان الجو مرة حلو

ريم : ماما ترى اليوم بطلع للسوق بجيب شويه حجات ابغاها على شان زواج عبورة ونواف
ام نواف: طيب بس خذي معاك وحده من البنات
ريم: بنات من فيكم فاضيه تجي معي للسوق اليوم
ولا احد رد عليها
لفت على امها : شفتي
امها ميلت ذقنها :طيب روحي .. بس ياويلك لو تاخرتي
راحت ريم ونطت على امها وخمتها وباست خدها : شكرا شكرا شكرا

وليد : يلا وين الغدا والله لو تصلحون ذبيحه
ابو نواف : انطم بعد قاعد تحلطم بدل ماتقوم وتساعدنا بالشوي
وليد : لا انا اليوم ماخذ اجازة .. بجلس مع حبيبي ابو خالد ونحش في شويكم
وينط جنبه نواف : وانا بعد .. ترى اجازة معه
ثامر تخصر: لا والله .. احلف انت وياه .. وش حيتي انا اللي جالس اساعدهم .. اقول خل نجرب اليوم طباخ الشيبان وانا بجلس مع الشباب المراهقين هاللي يهبلون

ابو خالد : حياك معانا وخل هالشيبان .. هم اللي يستلمون الطباخ
وليد: ياعيني ياعيني على الشباب يابوي ..
نواف: لا عاد يا وليد .. ابوي اشب مني ومنك وهـ بس فديتك ياقميل انتا
ثامر: الا يابوي دامك ماشاء الله عليك بعز شبابك وش رايك نزوجك
مامداه قال هالكلمه الا وتجيه هذيك العصا من ام خالد
ام خالد : قم قامت عظامك بلا .. جالس بجنب رجلي تبيه يعرس علي
ثامر : لا ياامي انا بس كنت اختبره لان لو قال اي بعلمك وانتي تتفاهمين معاه
الكل : هههههههههههههههههههههه
وليد: عاش مصرف
ام خالد وهي تضربه بالعصا: قم بس قم عنه لا تلف له راسه ..
ابو خالد: يخسى من يغيرني عليك .. انتي راس المال .. هو انا اقدر اعيش بدونك يوم واحد >>قالها وهو يقلد المصاريه .. انتي الحب الاول والاخير يام خالد
الشباب يصارخوون ويصفرون: ياهووووووووووو عاش ابو خالد ..
وليد: مقدر مقدر على الرومنسيه .. شكلك كنت مغزلجي يوم انك صغيير
ابو خالد وهو يهمس للعيال: افا عليكم كنت مذوب كل بنات الديرة
الشباب فقعوا ضحك : ههههههههههههههههههه
نواف: وانا اقول .. اتاري هذا الشبل من ذاك الاسد >>وهو ياشر على وليد

عند البنات
ريم : ها يالعروس جهزتي اغراض الزواج
عبير: اي كل شئ جاهز .. الحمد لله
نورة: انا اللي باقي لي .. اهئ اهئ
نوف: لا انا الحمد لله .. مجهزة كل شئ
سديم كانت جالسه معاهم وهالايام العلاقه هاديه بينها وبين ريم : طيب متى الزواج بالضبط
عبير: بعد اسبوع
سديم: على البركه ان شاء الله
عبير: الله يبارك فيك

في المطبخ كانت سارة مع الحريم تساعدهم بالسلطه
سارة : خالتي خلصت تقطيع الخيار
ام نواف:خلاص حطيه عندك وروحي استانسي مع البنات مانبي نتعبك معانا .. بناتنا ماجوا يساعدونا وانتي اللي مفروض ترتاحين جالسه تساعدينا
سارة: ولو .. مو انا بنتكم بعد
ام نواف: اكيد بنتنا وربي يشهد علي .. ان ماحسك الا مثل ريم
سارة : تسلمين ياخاله .. يلا عن اذنك

طلعت سارة من المطبخ اللي في بيت ابو خالد وطلعت فوق للصاله تجيب شنطتها وجوالها لانها تاركتهم فوق

وهي تمشي في الصاله شافت جناح بابه مفتوح وشكله جناح وليد