ريان : بتروحين اليوم عند ريم

نوف: اها السالفه فيها ريم ههههههه

ريان بدا يطالعها وهو معصب

نوف: خلاص لا تعصب ايه بروح بعد شوي

ريان : ابيك تعطينها شئ .. بس وربي يا نوف لو تفتحينها لا اموتك سامعه

نوف: طيب طيب

طلع ريان من جيبه ورقه : خذي

ومد يده

جت نوف تاخذها وهي تضحك ضحكه شريره

ريان: نوف احلفي انك ما تفتحينها

نوف: ههههههههه خلاص جبها والله مافتحها يلا

نورة جالسه بغرفتها بنفس مكانها ماتحركت منه من امس

وليد : ها شلونك اللحين ثامر

ثامر: لا الحمد لله بخيير

وليد: تقدر تقوم

ثامر: ههههههههه ايه ولو تبيني ارقص لك بعد

وليد:هههههههههه يلا طيب وش رايك اوديك وغديك غدوة مع ان الساعه 7 بتصير عشوة

ثامر: طيب يلا

وليد: يلا بس بمر على راما ويوسف عيال اخوي سلطان

ثامر: ليه

وليد: واعدهم اطلعهم وبالمرة ناخذ نواف ويانا ههههه

ثامر: طيب بس مالي خلق قلق بزران

وليد: لا لاتخاف بشري لهم ايس كريم على بين ما ناكل وهمن اردهم ونروح للشباب اليوم السهرة صباحي

ثامر: يلا طيب

نواف وتوه مفتح عيونه: الوو

وليد: للحين نايم

نواف وهو يتثاوب: ايه وش فيه

وليد: يالله يالاخو بنطلع

نواف: لوين ؟؟

وليد: لمكان يحبه قلبك تقدر ترقم فيه لين تقول بس

نواف:هههههههههههه للسوق

وليد: ايه يلا قم

نواف: طيب ثواني

..

ريان راح لسديم وجابها للبيت عند امه

سديم: السلام عليكم

ام صالح : وعليكم السلام .. شلونك الان

سديم: الحمد لله بخيير

ام صالح: ريان ولدي قال لي كل شئ عنك .. وزي مو عارفه من الغلط تظلي لحالك وولدي يدخل ويطلع عليك .. فقلت احسن حل تجي عندنا للبيت لين ما نلاقي حل

سديم: مشكورة خالتي

ام صالح: يلا روحي مع الخدامه هي بتوريك وين غرفتك

راحت سديم مع الخدامه

ريان: ماما .. بابا يعرف

ام صالح: ايه كلمته من بعد ما طلعت وفهمته كل السالفه قال طيب وان انا اتولى هالسالفه

راح ريان وباس راس امه ويدها : الله لا يحرمنا منك

ام صالح: الله يخليك لي ياوليدي

......

نوف: شوفي وش جبت لك معي

ريم وهي متملله : وشو

طلعت نوف من جيبها ورقه : رساله غراميه من المتيم اخوي

نطت ريم بسرعه عندها واخذت الرساله وراحت جلست على سريرها

جلست جنبها نوف وقربت على شان تقرا معاها وش كاتب ريان بالرساله


تعرفي ياريم ليه انا احبك ..وليـه امـوت فـيـك

وقلبـي دوم ذايـب فــي هــواك.. وليـه ماقـدر عـلـى بـعـدك

ولااستطيـع استغـنـي عـنـك ..

لأنــ

عـمـري ابـتـدا مـعـاك .. صرت مـاقـدر اعـيـش بــلاك

قلـبـي متـيـم بـهــواك .. ودربــي صــار هو دربــك

لان لك قلب مليـان بكـل طيـب .. وإنـتي صرتي لـي اغـلا حبيـب

وأنا في دنيتي دونـك غريـب .. يومي بدونك مظلم جدآ رهيب

لان قلبـك مايـعـرف جـفـا .. ولاني يـوم شفـتـك انذهـلـت

ويوم لمسـت كـفـك انهبـلـت .. صرت مـا ابغـى إلاإنـت

لان مافي حسنـك مثيلل .. صرت مدمن مـن هـواك

مالـي فـي الدنيـا سـواك .. إنــت حـبـي يـامـلاك

صـرت لأنفاسـي هــوا .. وإنــت لجـروحـي دوا

قلبـي مـن حبـه ارتـوا .. إنـتي عنـدي كالـزهـور

ريحـة انفاسـك عـطـور .. احلا عندي مـن ريـح البخـور

إنـت لــي اول حبـيـب .. انـورتي روحـي بنـورك

انشرح قلبـي بحضـورك .. غاب قمري مـن ظهـورك

اسـعـد أيـامـي مـعـك .. صـرت ياروحـي اتبعـك

إنـت لـي كـل الحـيـاة .. مالـي عـن حبـك غنـاة

مــن البـدايـة للـوفـاة

اللحين ماعرفتي وش كثر انا مجنونك

نوف: الله الله الله وطلع اخوي موب سهل

استحت ريم واخذت الورقه وحطتها في دفتر اشعارها

نوف: ماراح تكتبين له رساله

ريم: اكيد لا

نوف: ليه ..؟

ريم: وش بيقول عني ..لا .. لا

نوف: انتي حرة بس اكيد لو ارسلتي له بيفرح ...

ريم : لا لا لا نوف لا تدخلين هالسالفه براسي

نوف: يلا ريوم .. لا تكسرين خاطر اخوي

ريم: اوف نوف

نوف: يلا ريومه يلا عفيا على شاني

ريم: طيب ...

جابت ورقه وقلم

ريم: اممم وش اكتب

نوف: قولي انا احبك بعد وه بس

ريم: طسي بس

نوف: تيب اكتبي له خاطره من خواطرك اللي ذبحتينا فيها

ريم: وجع ... لا بكتب له اغنية راشد

" على حبنا تمر أيام

وانت ياهنا فيني

غرام(ن) كل ما مر عام

أحسه يكبر في عيني

كبرنا أو بعدنا صغار .. تضل أشواقنا فينا

مدام نحب بعض ونغار .. لبعض الله يخلينا

تضيق بصدري الأنفاس

إذا غبتي وغاب الضي

وأحس اني وسط هالناس

مثل طفل(ن) يدور شي

هواك في مهجتي ساكن .. كثر هذا الفضاء والكون

ودونك عالمي ساكن .. بلاطعم وبليا لون

أحبك موت أنا وأحيا

كثر ما أحب أنا ذاتي

ومن شر وبلى الدنيا

عليك كم أنا احاتي

لأنك قطعة مني .. وما يسواك عندي إنسان

أنا لليوم أحس إني .. هذاك المغرم الولهان "

نوف: الله يا ريان .. عز الله اخوي راح ملح

ريم: ههههههههههههههه الله يرجك .. امسكي يلا

اخذتها نوف وسفطتها وراحت لتسريحه نوف واخذت عطرها وعطرت الورقه

ريم: وش تسوين

نوف: هذي اشياء رومنسيه انتي ماتعرفين لها

وتحذف عليها ريم المخده ..

نوف: طيب والله لا اوريك

اخذت نوف الروج اللي على التسريحه وحطت على شفايفها وبعدين طبعت بوسه على الورقه

قامت تركض لها ريم : جيبي الورقه يالدبه

وتركض نوف: يلا مناك والله ماتاخذينها

ريم وهي تلاحقها: جبيبيها اقولك

طلعت نوف من غرفة ريم وركضت لبيتها تبي تعطي الرساله لريان واول مادخلت راحت امها بالصاله وتخبت ورا ظهرها

ريم وقفت عند ام صالح : هلا خالتي

ام صالح: هلا ريم .. وش فيكم تتلاحقون

ريم: خالتي قولي لها تجيب الورقه

ام صالح : أي ورقه

ريم: هاه ... لا خلاص

نوف:هههههههههههههههههههههههههه .. لا لا خليني اعطيها ماما

ريم: نوف اعقلي

نزلت سديم لهم بالصاله: السلام عليكم

وقفوا نوف وريم مصدومات

ام صالح : هلا بنتي .. اعرفك هذي بنتي نوف

نوف: اهلين

ام صالح: وهذي بنت اخو رجلي .. ريم

سديم: اهلين

ريم: هلا

كانت سديم لابسه فستان ناعم هادئ يوصل لتحت الركبه لونه وردي حق نوف

وكانت نوف لابسه شورت جيشي وبدي اسود وسلاسل

كانت ريم لابسه جينز سكيني ولابسه فوقه بلوزة بيضا انيقه كمامها طويله منفوخه والرقبه حقته نازل منها حبلين ربط وحاطه الحجاب على كتفها

نوف: ماما من هذي

ام صالح: هذي سديم .. بنت قابلها ريان

صرخت ريم: وشووووووو

ام صالح: بسم الله وش بك انا كملت اصبري خل اكمل كلامي

ريم: اسفه خالتي

ام صالح: امس وهو راجع من الاستراحه صدمها بالسيارة .. وهي ضايعه ماتعرف اهلها وينهم فجابها هنا للبيت

نوف: اهاا

تيب تعالي معانا سديم فوق لغرفتي

ناظرت ريم نوف بنظرات الحقد

سفهتها نوف وسحبت سديم من يدها لغرفتها وظلت ريم واقفه مكانها

ريم: يلا خالتي انا بروح لبيتنا

ام صالح : وش فيك اطلعي معاهم

ريم: لا انا تعبانه .. اشوفكم بكرة مع السلامه

طلعت ريم من بيت عمها ابو صالح وراحت لبيتهم وهي متنرفزه ومولعه والدخان يطلع من اذانها .. ليش ريان يجيب هالبنت هنا >> بالعربي غيرااانه

دخلت البيت وصبخت الباب باقوى ماعندها

كان نواف نازل من على الدرج

نواف: هلا بالمعصب

ريم: اوووووف صدق رايق

نواف:ههههههه وش بك ياقلبي

ريم: هالغبي ولد عمك .. جايب بنت معاه للبيت

نواف: وشووو .. لحظه لحظه .. حبه حبه .. أي بنت

ريم: وش يدريني عنه اوووف

وراحت وخلته

نواف: صدق بيت مجانين

دخل وليد من الباب : وانت اول مجنون فيه هههههههه

نواف: يا مصلك ياخي .. طيب ماجربت بيوم تخفف من ثقالت دمك شوي وتشرب مويه

وليد: والله اقترحوا علي هالاقتراح .. بس انا رفضت

نواف: صدق بايخ

وليد: ماعلينا يلا امش وناد الخبلة راما وهالتعبان يوسف

نواف: ليه ان شاء الله موب رايحين

وليد: الا وبناخذهم معانا

نواف: نعم ليه؟؟

وليد: اخلص نادهم .. أنا عازمهم على ايس كريم

نواف: اوخص ومن متى تنفذ وعدك

وليد: كل زق

نواف: افا ..!!

وليد: تحرك رح نادهم ..

نواف:طيب

نزلوا السوق ثامر ووليد ونواف وراما ويوسف

نواف: يلا وين اللي عازمنا على عشا

وليد: ياخي ماهمك الا كرشتك اصبر..

ثامر: بصحح المعلومه بس .. ماهمه الا البنات اللي بيصيرون بالمطعم ههههههههه

نواف: ما ودي اغلط عليك .. بس على شانك مريض

وليد: بس انا ماكفاني صجت ذول البزران جيتوا انتوا وطلعتوا ابزر منهم

راما: عمي وليد

وليد: نعـــم

راما : ابي العب

يوسف: وانا بعد

وليد: وانا جايبكم تلعبون ..انا جبتكم بس تبلعون هالايس كريم ورجعكم

راما: لا والله مو بكيفك ابي العب

وليد: راما انثبري ممكن

راما : لا لا لالا لا لا ابي العب

وليد صارخ عليها: بـــــــس

جلست راما تبكي

وليد: ياربي .. كملت

نواف: حبيبتي راما

راما : اهئ شفت اهئ شفت شلون صارخ علي

نواف: معليش لا تبكين خلاص بطقه وتسكتين

وليد لف منصدم صادق ذا : نعم

نواف غمز له : معليه بس على شان تسكت

وليد: طيب

نواف: يلا شوفي

ويرفع يده نواف لفوق ويصبخها باقوى ماعنده بكتف وليد .. وليد من عزم القوة طاح على ثامر .. وثامر ماقدر يتوازن وكلهم طاحوا بالارض

وراما ونواف ويوسف ماتوا ضحك على اشكالهم والناس من حولهم يضحكون

قام وليد معصب وقام وراه ثامر وهم مولعين نار نواف يبي يهرب بس ماقدر وراه اخوانه وقدامه من اليمين وليد ومن اليسار ثامر يعني محجرين له ويمسك ثوبه نواف ويدز اخوانه ويركض بالمجمع ووليد وثامر وراه لين ماحجروا له عند جدار واخوان نواف يلحقونهم والناس فاتحين الكام ويصورون

ويطب عليه ثامر ويلحقه وليد ويضربونه وهو يصارخ بس حرام عليكم وربي اسف بس بس اللحين يجي السكيورتي .. اول ما سمعوا كلمت سكيرتي بعدوا عن بعض قام نواف ونفض ثيابه وقال: ناس ما تجي الا بالعين الحمرا .. يلفون عليه وليد وثامر بيكملون عليه

نواف: والله امزح والله امزح

ويوم وخروا عنه شوي الا يجلسون بالارض من الضحك وليد وثامر :ههههههههههههههههه

ويطالعون الناس ويقولون لهم : صادووه

وياشرون لهم بمكان بعيد يقلون الكمرة الخفيه ويوم الناس كلها التفتت تدور الكمرة الخفية ثامر حمل راما ووليد حمل يوسف ونواف مسك نعاله وانحاشوا ودخلوا مطعم في السوق جلسوا وهم ميتين ضحك على انفسهم

طلبوا اكل ياكلونه وطلبوا للعيال ايس كريم

ريم جالسه بغرفتها متضايقه بس تفكر بهالسديم

" البنت حلوة وتهبل .. اوف وش وراك ياريان .. بس هي مو حلوة مرة .. انا احلى منها .. ايه انا احلى .. وبعدين جالسه تلعب على مين .. وشلون كذا فجاة طلعت بوجهه اكيد هي اللي رمت نفسها عليه .. الله ياخذها .. بس لا لا ريان يحبني ولا ممكن يفكر باحد غيري" : أنا لازم اروح واعرف منها السالفه

راحت ريم بسرعه لبيت عمها خالد طلعت على الدرج تبي تروح لغرفة نوف وهي طالعه بالدرج الا ريان نازل من الدرج

ريم بسرعه حطت الحجاب على راسها

ريان: هلا ريم

ريم وخدودها حمر: هلا ريان

ريان وهو يضحك ضحكه على جنب: جتك نوف اليوم

ريم ماتت من الحيا: أي جتني

ريان: طيب وش رايك فيها

ريم تذكرة سديم وسالفتها تغيرت ملامحها للشده: قصدك نوف ولا سديم

ريان ضحك على ريم لان عرف انها غيرانه عليه: لا نوف ولا سديم .. انا اقصد .. ونزلت من الدرج نوف وقطعت الحديث عليهم

نوف: احم احم نحن هونا ..!

ريان خاف يحرج ريم : يلا مع السلامه يا بنت عمي

نزل من الدرج وطلع برا البيت

نوف: ها بتضلين على الدرج ولا بتطلعين فوق

طلعت ريم فوق وسفهت نوف

دخلت ريم الغرفه وهي ناويه تجنن سديم

ريم: مساء الخير سديم

سديم: هلا هلا والله

ريم: الا صدق السالفه هذي اللي قالوها ولا لا

سديم: ايه

ريم: طيب شلون ما تعرفين وين اهلك

سديم: انا ضعت بهذيك المنطقه ولا عرفت شلون ارجع

ريم: أها >> وهي مو مقتنعه بولا كلمه قالتها


بس يا ولد حرام عليك جننتني رح اجلس جنب امك رح

اييي لا تطيحني وفجأه دووووب طاح البارتشن على جلسة العيال وطاحت فوقه بنت كانت كاشفه بس البنت زي القمر

انتظر توقعاتكم على احر من الجمر
واهم شئ من تتوقعون هالبنت هذي ؟؟
لآ تحرموني من ردودكم الرائعه
الجزء السابع


قامت بنت ثانيه : سارة انتي بخيير
قامت سارة : انا اسفه ياخوي انا من جد اسفه
وبسرعه قامت وشالة البارتشن وقام وليد يساعدها
سارة : شكرا
وليد وهو متنح في جمالها : عفوا..!

رجع وليد وجلس مكانه وجا نواف وثامر
ثامر: اوف اجلسوا يلا يانتوا شياطين وخذوا هذا الايس كريم ابلعوا
نواف: وهذا العشا جبته يلا.. وليد وشبك اكلمك
وليد مفهي ويطالع البارتشن
نواف: هههههههههه وش به هذا
وليد : هاه لا ولا شئ يلا كلوا

.................................

ريم: نوف عندك شريط عبد المجيد
نوف: أي واحد
ريم: ماذكر بس اللي فيه اغنيه يحلمون
نوف: ايه هناك السي دي شوفيه
سديم: انا من اكثر المعجبين بعبدالمجيد
ريم " وانتي لازم تنطي لي بكل سالفه اوف وش كثر انتي عله "

..............................

نواف: الحمد لله انا شبعت
ثامر: وانا بعد نقوم يلا
نواف يطالع ثامر ويهمس له : وش فيه ذا
ثامر بنفس الهمس: مادري
نواف وهو يصارخ: وليـــــــــــد وش بك متنح بالبارتشن للدرجه هذي عاجبك ترى نشيله معانا للبيت موب مشكله
من ورى البارتشن سمعوا ضحكات البنات
وليد عرف انهم سمعوا نواف ضحك ضحكه على جنب
نواف: اها اللحين عرفت ..
ثامر: هههههههههه
وليد وهو يعلي صوته: اقول نواف
نواف بنفس علو الصوت : نعم
وليد: عرفت اني غيرت رقم جوالي
نواف وهو فاهم على وليد: والله ماقلت لي .. طيب يلا عطني الرقم الجديد
ثامر: تستهبل انت قبل شوي داق عليك متى غيرت رقمك
وليد: سكته لا اتوطاه اللحين
وبهاللحظه سمعوا صوت البنات وهم يضحكون
تفشل وليد
نواف يبي يرقع: ايه يالخبل توه توه توه مامداه مغيره
ثامر بعد ماجته رفسه لان الغمزه مافهمها : اهاااا
وليد: اقول نواف سجل الرقم .....05553322
نواف:خلاص وصل وصل

.......................................

قامت نورة من غرفتها وهي ترجف من الخوف مو عارفه شلون تقابل اهلها خايفه سمعوا عن السالفه نزلت من الدرج شوي شوي شافت امها بالصالة

ام جابر: تعالي يامي من زمان ما شفتك ولا جلست معك
نورة في تقول في نفسها : من متى اساسا تجلسين بالبيت او تشوفيني
راحت نورة وجلست بجنب امها
ام جابر: وش فيك يا قلبي مو على بعضك وبعدين اليوم ادق على جوالك مغلق
نورة: ايه يمه جوالي مسروق من امس
ام جابر: بسم الله علينا ومن هاللي سرقه
نورة: مادري يا يمه .. الموهم انتي شخبارك؟؟
ام جابر: الحمد لله بخير واللحين جالسه انطر ام سعيد رفيقتي بروح وياها عند خالتك ام سوزان
نورة وهي توقف: سلميلي عليهم
ام جابر: وين وين قايمه .. روحي ابيك تلبسين شئ كشخه باخذك معي لبيت ام سوزان
نورة: لا يمه مالي خلق وانتوا كلكم حريم مافي بنات كبري مابي
ام جابر: الا يمه بيجون بنات ام سعيد وفي برضوا بنات ام سوزان .. قومي يامي لا تعورين قلبي بالسوالف روحي البسي وسمعي الكلام وكذا ابيك تكشخين عدل .. اغدي تنعجب فيك ام سوزان وتخطبك لولد اختها التاجر .. يقولون ناوي يتزوج وام سعيد قالت لي جيبي بنتك
نورة قلبها بدا يوجعها : لا لا لا يمه توي تو الناس مابي اتزوج اللحين
ام جابر: معليه بس تشوفك وان كتب الله كان بها وان ما صار نصيب وش نقول عاد
نورة: عفيا يمه لا تاخذيني خذي اختي تهاني يمكن تعجب بها
ام جابر: تهاني .. أي والله شلون راحت من بالي بس اخاف تقول كبيرة ابي اصغر
نورة: ليه كم عمره الولد
ام جابر: عمره يمكن 29 مدري 28 بهالحدود
نورة: حرام عليك بتزوجيني واحد اكبر مني بـ 10 سنوات .. وبعدين تهاني زينه له تهاني 24 سنه وتهبل وتجنن انتي بس لا تقولين لها سالفه زواج وهي بتتكشخ ولا لو بتقولين ابيهم يشوفونك عز الله فركشت الشغله
ام جابر: اه بس من تهاني مجنننتي .. كله ماتبي تتزوج مافي حل الا اقول لابوك هو يعرف يتصرف وياها
نورة ارتاح بالها قدرت توخر من عقل امها فكرة زواجها ولصقتها بتهاني مسكينه يا تهاني : يلا بروح لغرفتي

..............

وليد يغمز لنواف
نواف يهمس له : وش فيك تغمز
وليد : وخر بجلس مكانك
جالس وليد جنبه واخذ ورقه وكتب فيها رقمه وبعدين رماها من فوق البارتشن
ثامر: هههههههههههههه مجنون
وليد: اووووش اسكت

بعد شوي تنرمي عليهم نفس الورقة
وليد فتحها : تستهبل هذي
نواف: وش بك
وليد: رمت لي نفس الورقه
ثامر: هههههاي كنها تقول لك لو سمحت احترم حالك ومابي رقمك
وليد: تشب انت
رجع وليد ورمى لها نفس الورقه
وبعد ثواني انرمى عليهم نفس الورقه
وليد عصب قام وقف ورمى الرقم وطل من فوق البارتشن وصرخ عليها : قسم بالله لو ترجعين لا اتوطاك
قام نواف منهبل : وليد انهبلت اجلس
جره وجلسه
بعدين قامت ساره وطلت من فوق البارتشن ورمت الرقم : احترم نفسك ومانا من راعين الارقام
قامت صديقتها سارة خلاص تركيه اجلسي
قام وليد ومعاه الرقم وكلهم مقابلين وجيه بعض
وليد: بتاخذين الرقم غصب
سارة : لا ماراح اخذه الشغله غصب مابي كيفي انا حرة
وليد: لا موب حرة وغصب عنك بتاخذينه
سارة: الحمد لله انهبلت انت اقولك مابي مابي
قام نواف: وليد استهد بالله وشبك
قام ثامر : لا حول ولا قوة الا بالله
وليد: هدني نواف انا قلت تاخذه يعني تاخذه
صديقته سارة : ياسارة ياسارة خلاص خوذيه
سارة: رشا لو سمحتي لا تتدخلين وبعدين خير من يحسب نفسه قلت ماخذه يعني ما اخذه
وليد: الا بتاخذينه غصب عنك .. انا محد يقول لي لا
سارة: لا انا اللي اقولك لا ولا ولا بعد
وليد: لا انتي شكله يبيلك كف يعلمك شلون تتكلمين مع اسيادك
سارة: تخسا الا تخسا مابقى الا انت وع مالت عليك وش تحسبني نماني من الواطيات اللي من مستوااك ويـ......
سكتها كف من الوليد : احترمي نفسك ولمي حالك
نواف: وليـــــــد مجنون عيب هاللي سويته
سارة: ماكون سارة بنت عبد الرحمن ان مارديت لك هالكف كفوف والايام بينا

ونزلت من فوق البارتشن وطلعت من المطعم وهي معصبه

ثامر ساكت ما يبي يقول شئ لان الظاهر وليد مرة متنرفز
نواف: وش هاللي سويته يالوليد
وليد: بس اسكت انا مادري شلون مديت يدي عليها
ثامر: يلا يلا قومي خل نروح نرجع هالبزارين للبيت

وطلعوا من المطعم والهدوء مسيطر على الجو

.................................................

اشرقت شمس جديده على هذا البيت

ام صالح: هلا ام نواف شخبارك وربي زمان عنك
ام نواف: والله انا بخيير وصحه وسلامه وانتي ياكافي اللي ما تنشافين
ام صالح: والله ضروف وهالولد مجننني
ام نواف: أي ولد؟؟
ام صالح: من غيره راكانوه هو وزوجته
ام نواف: وه خبري احوالهم زينه هو وفانت وزواجهم بعد كم شهر
ام صالح: ايه مادريتي ان واصلة بينهم للشيطان الرجيم .. هي تبي الطلاق
ام نواف: الله ياكافي وشوله ذا كله
ام صالح: متضايقه ليه تسكن معانا ولا وحده يتعرف على احد من اهله تقولين وده يحطه بقفص وتقفل عليه
ام نواف: الله يهديها يارب ويعقلهم
ام صالح: الا وش اخبار عروستنا
ام نواف: من عروستكم
ام صالح : من يعني ريوم حبيبتي
ام نواف: هههههههه لا بخير وتسلم عليك بعد
ام صالح: أي بقولك بتروحين للاستراحه اليوم
ام نواف: ايه لازم امي ام خالد هي اللي عازمه كل عياله على الاستراحه
ام صالح: ايه والله بس مادري شسوي بنوف تعبانه بنيتي ولا شكلي باخذها
ام نواف: لا ماعليها شر سلامتها .. وان شاء الله موب جايها شئ البيت سوره طويل وكمان فيه الحراس على الباب ان شاء الله مامنه شر
ام صالح : على قولتك يلا اجل ابشوف لو ماصحت لليل شكلي بخليها واستودعها الله .. مع السلامه يام نواف
ام نواف: مع السلامه

.................................................. ..........................................
نوف منسدحه على سريره تعبانه تحس بصداع يذبحها

سديم: نوووفه وش بك شكلك تعبانه

نوف: ايه مدري وش فيني راسي مصدعني مرة

سديم تحط يدها على جبينها : مافيك حراره

نوف: لا موب حرارة بس مدري وش بي بطني وراسي يوجعوني .. شكله برد

سديم: يعني مو رايحه للاستراحه اليوم

نوف: لا والله شكلي بجلس بالبيت اذا ماتحسنت حالتي لليل

سديم: تبيني اجلس معك

نوف: لا يا قلبي روحي وانبسطي

سديم: طيب انا بروح اجهز نفسي تامريني على شئ

نوف: لا سلامتك


.................................................. ...........................................


نواف نازل من فوق وطيران على الدرج معاه شنطه حاط فيها اغراضه للاستراحه

نواف: يمه كل الشنط حطوها لي هنا شوفوا عند الباب بروح اشيك على السيارة واجي زين

ام نواف: ان شاء الله يمه هذي شنطه الاكل شفه هنا

نواف: الله يمه كل ذي وش حاطه فيها

ام نواف: تشب بس تشب وش حاطه فيها يعني شاهي وجبن وجبز وسكر ومعالق وصحون وسكاكين وشبوك للجدجا لاجل الشوي

نواف: بس بس بس خلاص مابي اعرف .. طيب في شئ ثاني

ام نواف: أي اصبر وانا امك في سلة القهوة والشاهي وفي شنطت اخوانك الصغار وفي شنطة ريم ...(( وتصارخ الام)) ريــــــــــــــــــــــــــــــــــــــــــــــــ ــــــــــــــــــــــم

ريــــــــــــــــــــــــــــــــــــــــــــــــ ــــــموه وصمخ

ريم وهي نازله من الدرج تركض : بس بس وربي سمعت هلا يمه هلا بروحي وقلبي وعزوتي آمري

كانت ريم لابسه جينز ازرق غامق و تي شيرت ابيض وفوقه زي البدي كمه حفر لونه اخضر عشبي وفتحته من قدام كبيرة ومكتوب عليه بالابيض كتابات ولابسه كاب جنان كله باللون الاخضر والابيض ولابسه نظارة شمسيه ماركه Gucci

نواف يصفر: وااااااااااااااااااااااو وش هالحلى

تدور ريم حول نفسها: حلوة عجبتك

نواف: تهبلين .. يلا بس اخلصي وين شنطتك

عطته ريم شنطتها وشنطة اخوانها الصغار


.................................................. .........................................


ام جابر: نورة حبيبتي جهزتي

نورة: أي يمه وهذي شنطتي سكرتها

كانت نورة لابسه بنطلون سكني سترتش قصير لنص الساق على قد جسمها لونه ابيض ولابسه فوقه بلوزه زي الفستان على قد الجسم لونه ابيض ممسوك على صدرها ماله علاق وعلى خصرها حزام عريض لونه زهري فاقع ولابسه جزمة رياضه لونها زهري فاقع نفس لون الحزام

ام جابر: شوفي تهاني خلصت ولا لا ونزلوا تحت يلا بنروح

نورة: طيب يمه


.................................................. ....................................


تدخل ملاك غرفة اختها نوف وتقعد تنطنط على سريرها

ملاك: يلا نووووفه يلا حبيبتي يلا قومي بلا كسل مابي اروح الاستراحه الا معك

نوف: عفيه ملوك روحي عني هذا عندك ريهام اخت ريم كبرك 15 سنه انتي وهي مع بعض وفكوني بناااااااااااااااااااااااااااااااااااااااااااااااا اااااااااام

ملاك: اوف يا شينك وياشين مرضك مالقيتي تمرضين الا هاليوم

نوف: والله اسفه ست ملاك مرة ثانيه لا جاني بقوله عفيا تكفا اصبر بسال اختي اخاف تزعل لا جيتني اليوم ... طسي زين برتاح

طلت من عندها ملاك ودخلت بعد شوي ام صالح امها

ام صالح: طيب قلبي نوف انا رايحه اللحين متى لا حسيتي نفسك تعبتي ثير دقي علي وان صحصحتي برضوا دقي ارسل لك واحد من اخوانك زين يامي

نوف: طيب يمه

ام صالح: وانتبهي زين لنفسك وانا كل ساعه بدق عليك اتطمن يلا نامي اللحين وترى حطيت لك اكل بالفرن متى ما جعتي فكي القصدير وسخنيه بالمكرويف وكوليه بحاول ما تخر يعني الساعه 2 ولا 3 انا عندك

نوف: طيب يمه مع السلامه ولا تاكلين همي تراي بخيير

ام صالح: يلا مع السلامه


.................................................. ..................................


بدر يكلم خويه : هانت هانت اليوم بضرب ضربتي

صاحبه: مجنون انت ؟؟ واهلها

بدر: انا مخلي ناس يراقبونها وقالوا لي ان اهلها اليوم طالعين للاستراحه كلهم ومافي البيت الا هي .. وهذي فرصتي انتقم واوريها منهو بدر


.................................................. .................................................. ..


بدت رحلت العائله الساعه 11 ظهرا متوجهين لاستراحه جدتهم ام خالد


وصلوا للاستراحه جميع نزلوا ودخلوا الحريم لقسمهم والرجال لقسمهم

البنات راحوا لغرفة الخاصه فيهم وحطوا شنطهم فيها استعدادا للنوم اليوم بالاستراحه


بعد ثواني يجيهم يوسف الصغير وهو يلهث

ريم: حبيبي يوسف وش فيك

يوسف وهو يتنفس بصعوبه: لحقوا العيال بيتسابقون بالدبابات بحوش الرمل

نورة تناقز : فله فله ريوم خل نروح نشوف

ريم: يلا اللحين نروح بس صبري عبير عند الباب هي وبنت عمها سارة

نورة تناظرها باتعجاب: من هذي سارة اول مرة اسمع بها

ريم: حتى انا بس تقول توها راجعه من السفر كانت بجده فتره طويله وجت بتستقر هنا بالرياض مع ابوها اللي نقل شغله بالرياض وهي ماعندها اصحاب فحبت تعرفها علينا

نورة: طيب لحالها جايه

ريم: مادري امشي خل نشوفهم


وراحوا لهم عند الباب الا بدخلتهم

عبير: هلا ريومه شلونك

ريم: بخيير اشتقت لك يالدبه

عبير: وانا اكثر

اعرفك هذي بنت عمي سارة .. وهذي اختها الكبيرة رشا وهذا الصغنون ولدها حمودي

سلمت ريم على البنات وبعدين نزلت لمستوى حمودي : هلا حمودي شلونك

حمودي: انا بحيير بس انتي مرة هلوة

ريم باسته من خده بوسه قويه : وااااااااااه ياطعمه

رشا: تسلمين من ذوقك

نورة: يلا حياكم ادخلوا

جت سديم وسلمت عليهم

وعرفوا بنفسهم وسلمو على الامهات الكبار وراحوا كلهم بعد ما لبسو جكيتاتهم وطرحهم على شان عيال عمهم ماعدا عبير هي ورشا تلثموا اما سارة عادي عندها بس تحجبت زي البنات

نورة: الا رشا مبين عليك صغيره كم عمرك

رشا: انا 24 سنه تزوجت من 4 سنوات وجبت حمدوي واللحين هو عمره 3 سنوات

نورة: انتي كبر تهاني اجل

تهاني : انا جيت وش تحسون فيني

رشا: ابد اختك بس تقول اني كبرك

تهاني: العمر كله يا رشا وه يانتي دخلتي لقلبي


سارة: عمرها 19 سنه بنت عم عبير كانت عايشه هي واهلها بجده على شان عمل ابوها ولكن قرر ينقل عمله للرياض ابوها لا يقل ابو عبير بالمركز كان تاجر كبير ومعروف بنا نفسه بنفسه لين وصل للي هو فيه درس عياله كلهم في اوروبا علم اولاده على الصراحه والحريه على شان كذا سارة جدا عنيفه محتاجه من يروضها لان ماتحب احد يفرض رايه عليها محترمه تعرف شلون تتعامل مع الغير وماترضى غيرها يعاملها معامله سيئه تعرف شلون تدافع عن نفسها ..جريئه .. مغامره .. فيها نوع من الرومنسيه .. تحب الخير للكل .. ماعندها خوات غير رشا ولها اخو واحد بس اسمه سلطان وامها ميته على شان كذا تطلع وتدخل على كيفها



وجلسوا البنات يشجعون ومتحمسين كل وحده تشجع اخوها

صار السباق كل 2 والفائز يتاهل

اول 2 هم:

حسام×راكان


وبدوا نورة وتهاني وولاء زوجة حسام يشجعون حسام

وملاك وسندس وفاتن زوجه راكان يشجعون راكان


وبدا السباق وكل يصارخ ويشجع بالاخير فاز حسام

بدت نورة تنطط : عاش اخوي عاش عاش


والسباق الثاني بين:

ريان × فراس ( زوج رشا )


بدت رشا وسارة وعبير يناقزون ويشجعون فراس

بينما ريم وملاك وسندس ونورة وحتى فاتن يشجعون ريان


وقفت سارة وتخصرت لهم : لا والله وش هالغش خواته وعرفناهم اما ريم وفاتن ونورة ليش تشجعونه

استحت ريم ولا عرفت ترد

نورة: حبيبتي ولد خالي وبشجعه

فاتن: وانا اخو رجلي وبشجعه دعما مع زوجي

ريم: وانا ولد عمي

عبير غمزة لها: بس

ريم يناظر لها وهي حاقده ووجهاها صار طماطم من الاحراج: عبيييييييييييييييييير اعقلي عني


بدا السبااااق وفاز بالنهايه ريان


نورة: ايه محد يقدر على تربية البران ههههههههههههههه


بدأ الشباق ال3 بين:


وليد×نواف


وليد كان متلثم بشماغه لان الغبار كان يسبب له ازمه ربو

ريم وريهام ويوسف وراما الصغنونه وعبير يشجعون نواف

اما وليد محد يشجعه للاسف خخخخخخ

جت ام خالد معصبه وتضربهم بعصاها: وي ورا وليدي وليد محد يشجعه وبدت الجده تصارخ وتقول : يلا ولودي يلا عاشووو عاشوا وليدي

وليد تلطم من الفشله

والبنات يضحكون عليها ويقلون لها قولي قوو وليد قوو

والجده يا حياتي تقلدهم ولا هي تدري وش يقولون : جو جو يا وليد والله مدري هالكلام من وين تجيبونه اروح اكمل قهوتي احسن لي بس هااا وليدي شجعوه

نورة: ان شاء الله يا جده

نورة بدت تطالع وليد اللي ضحك بوجهها انزاح جبل عن صدرها يعني رضا عليها ونسى السالفه اللي صارت وبدت تعلي باعلى صوتها وتشجع وليد


وبالنهايه فاز نواف


نزل وليد وهو يهاوشه : ياغشاش قسم بالله لا اتوطاك هنا ورا تحدني اوريك وبدوا يتلاحقون بالاستراحه كلها ودخلوا حتى قسك الحريم وكل الحريم يصارخون وخزياه طلعوا بره راح نواف وتخبى ورا امه وجا وليد وقف قدامه وقال: اطلع يالجبان يالبزر ورى امك اجل هين والله لا افتن عليك

نواف يمد لسانه: كان فيك خير سوها

وليد: خالتي ام نواف سمعي سوالف ولدك بالتحليه ذيك المره كانت مار......

ويطب عليه نواف ويحط يده على فم وليد : اسكت ناوي تفضحنا انت برا نتفاهم

وليد: يضحك على شكله وام نواف معصبه من نواف داريه انه صايع طلعوا من قسم الحريم ووليد يجر نواف من اذنه ويهدد فيه ان برا بيتوطاه


جا دور السباق الاخير بين:


ثامر × جابر


ربى زوجت جامل واقفه مع البنات هي وكرستها حامل بالشهر 7 وهي ونورة يشجعون جابر

وريم وملاك وريهام يشجعون ثامر كدعم منهم له


وبدا السباق واللي فاز هو ثامر


ولما نزل ثامر من الدباب شاف نورة ولف وجهه منضايق حست نورة بنظراته وشلون لف كانت تحسب ان وليد هو بس اللي زعلان وما كانت متوقعه ثامر يعاملها كذا اكيد فكر فيها بتفكير شين بس انا مو كذا لازم اقوله مايصير يتوقع اني كذا


خلصوا الشباب السباق وقالوا لهم البنات يبون الدبابات يلعبون فيها وعطوهم الدبابات وجلسوا يلعبون لين صار وقت الغدا


وليد داخل للحريم على شان يودي الغدا للرجال

وراح على طول للمطبخ

وليد: يمــه يلا وين الغدا ابوي ناشب بحلقي

ام خالد: اوف صبر شوي هذا أمل جالسه تغرف الرز

وليد: يلا يام نواف .. اسروعي وش يفكنا من لسان الشايب ههههههه

ام نواف: ان شاء الله وليد .. يلا هذا هو خلص ..ريم تبلتي السلطه

ريم: يس مامي وحطيتها على السنيه بعد

ام صالح : اصبر يا وليد .. خذ المكرونه

وليد: انا بجلس هنا لين تخلصون ..

ويدق جوال وليد

يرفعه يشوف المتصل ويحط صامت

تجي ريم وتجلس جنبه : هع منو لا يكون الحبيبه

وليد يصبخ ريم على راسها بس صبخه خفيفه : اوش بتفضحيني .. وبعدين مالك دخل أي حبيبتي واموت عليها وروحي معلقه فيها

ريم: مبروووووك عمي يعني اخيرا بنفرح فيك

وليد: طسي بس ... ويعلي صوته ... ها ماخلصتوا

ام خالد: وانا امك اصبر شوي وش بك مطيور .. جالسين نصلح لكم العصير

وليد: طيب انا طالع اكلم برا ولا خلصتوا نادوني

طلع وليد برا الطبخ وجلس يدور بالحديقه .. عجبته ديكورات الحديقه .. الا فجاة يرن جواله

وليد: الو

لميس وهي تبكي: وليد ليه ما ترد علي

وليد: ااوف يا لميس .. وش تبين مشغول

لميس: حرام عليك انا وش سويت لك

وليد: ما سويتي شئ

لميس: طيب وش صار عليك متى بتخطبني

وليد مل من بكاها: وبعدين معك ومن قالك اساسا اني في يوم بفكر اتزوجك انتي بالذات

لميس وهي تزود بكا: اجل لي سويت فيني كذا لي دمرتني ودمرت مستقبلي

وليد: انتي اللي دمرتي نفسك يوم رضيتي تطلعين معي يلا بس فارقي موب رايق لك

وسكر بوجهها

وراح للمطبخ ماكان منتبه بالعيون اللي كانت تراقبه وسمعت كل شئ دار

وليد: ها يمه ما خلصتوا

ام خالد: اوف اوف ياربي جناني على يدين هالولد .. دوك الصنيه وده يلا

وليد: اخيرا ما بغيتوا

شال الصنيه وراح فيها لقسم الرجال

وجلسوا الرجاجيل ياكلون

نواف: وش بك وليد ما شوفك تاكل

وليد: ياخي قلبي عورني على لميس داقه قبل شوي تصيح وطلعت فيها حرة هواشة ابوي

نواف: الحمد لله مضيق خلقك على شان وحده ياخي بيعها

وليد: ايه على قولتك بيعها .. بدق عليها العشا على شان اقول لها كل شئ

نواف: اوكيشن طيب يلا كل


عند البنات


عبير: سارونه ليه ما تاكلين

سارة : ها .. لا هذاني اكل

عبير: وش فيك ؟؟

سارة: مافيني شئ

ريم تطب معاهم بالسالفه: وش بكم؟؟

عبير: سارونه زعلانه منكم

ريم: افا ماعاس من يزعل هالقمر

سارة: ههههه لا والله مو زعلانه ولا شئ بس عبير تبي تطيح بيني وبينك تبي تكوش عليك بروحك

ريم: فديت عبورة بعد قلبي .. محد يقدر ياخذ مكانها هي بالقلب محفورة

عبير: وه ياربي ماقدر على هالكلام خقييت ههههههه


بعد ما خلص الكل من الغدا قاموا البنات يلمون


بعد حوالي ساعتين كانوا البنات يبون يسبحون والعيال مستحلين المسبح وكل وحده تتصل على ابوها على شان يفزع مع البنات بالاخير قدروا الشيبان يطلعون الاولاد من المسبح وطبوا البنات جلسوا يتراششون ويلعبون كوره طائره ويسون سباقات لين ما صارت الساعه بحدود الـ 9 بعدها طلعوا يتروشون ويصلون ويجهزون عدت الشوي دخلوا العيال قسم الحريم وكل وحده اللي تتحجب تحجبت واللي تتلثم تلثمت


وليد هو اللي بترأس الشوي اما الشيبان جالسين مع امهم وزوجاتهم والبنات متوزعين اللي المطبخ واللي عند وليد تساعده


..................................
في مكان اخر بالتحديد عند نوف


حست نفسها احسن بس مو قادرة توقف من الجوع لانها نامت وماكلت شئ من الصباح قامت وولعه نور غرفتها ودخلت الحمام وتروشت وطلعت ولبست برمودا بيج وتي شيرت بني مرسوم عليه بالذهبي والبيج وجلست تستشور شعرها شعرها كانت تجهز نفسها تبي تروح للاستراحه لما خلصت من استشوار شعرها حطت ميك اب خفيف خلاها تصير ملكة جمال


خلصت ووقفت حست بدوخه بدت الارض تدور من حولها قالت خلاص ماله داعي ارووح ببدل ملابسي واذا صرت زينه لبسة ورحت معاهم والدوخه هذي اكيد لاني ماكلت راحت بدلت ملابسسها ومشكت للمطبخ اللي فوق تسوي لها ساندويش


تحت عند سور بيتهم كانت سيارة بدر ملبقه قريب مرة من السور

بدر: يلا فهد انزل وكلم الحارس انا بنط ومابيه ينتبه لي

فهد: طيب

راح فهد

ونزل بدر ورقا فوق السيارة على شان ينط من فوق السور

نط وتورط بالنزله " لا يابدر جيت وعزمة اليوم اخذ حقي بسم الله" ونط وطاح بقوه على الارض

:آآآآه

" رجلي رجلي اووف معليش يلا "

وقف ونفض بنطلونه وحرك رجله يمين يسار يتاكد ما صار فيها شئ ومشى وهو يترلفت بكل مكان خايف احد يجي راح لشباك من شبابيكم وحاول يفتح الفقل مرة وثنتين وثلاثه لين ما فتح معاه ضحك ضحكه تخوف فتح الشباك ودخل هو الان بالصالة التحتيه طلع من الدرج وبخطوات خفيفه بحيث محد يسمعه


نوف كانت بالمطبخ اللي فوق وجالسه على الكرسي مو قادره توقف فيها دوخه مو طبيعيه حتى الثلاجه مو قادرة توصل لها كانت جالسه على الطاوله وحاطه وجهها بين يدينها ومغمضه عيونها



................................................


في الاستراحه


كانت سارة تتامل وليد من ورى شباك المطبخ جتها ريم

ريم: وش تسوين سارة

سارة: ريوم بسالك اللحين هذا منو

ريم: أي واحد منهم

سارة: هذا اللي لابس برمودا اسود وتي شيرت ابيض

ريم: اها هذا عمي وليد .. ليه تسالين حلو صح ؟؟

سارة: وجع وش افكارك هذي .. وقلبت بوزها

ريم: هههههههههههه خلاص لا تزعلين بس صدق هو حلو

سارة بقلبها " ومغرور ومتكبر ومو محترم "

ريم: تراه في الجامعه اخر سنه وعمره 25 وعلى فكرة هو عزابي.. قالتها وهي تغمز لها

سارة: الشرهه مو عليك على اللي يسالك ... راحت وخلتها


وليد كان جالس يشوي ومتحمس يبي يطلع مهراته بالشوي وكل شوي يصرخ على بنات اخوانه على شان يجيبون الدجاج وياخذون هالشبك يعبونه دجاج ويجيبو اللحم والخ


قام من مكانه لان الزفته ريم ماجابت له اللحم كان ناوي اول ما يشوفها يتوطاها

دخل المطبخ وهو متنرفز ويصارخ

وليد: ريـــــــم يا زفــ ....

شاف اللي ماتوقع يشوفه .. شاف بنت جمالها ملاكي .. شاف اجمل نساء العالم .. شاف قلبه اللي مانبض لحد من زمان .. شافها .. هذي هي اللي اعجب فيها بالسوق وتهاوش معاها على شان ما يبين ضعفه قدامها .. كان رافض فكرة انه يعجب بفتاة وتكون هالمرة الضربه القاضيه لجأ للهواش على شان مشاعر الاعجاب اللي بداخله ماتتحول لحب .. كان يحاول يهرب من هالاحساس

سارة وهي تناظرة بقرف : خيير نعم .. ريم مو هنا

وليد متلخبط وحالته حالة : من انتي؟؟

سارة وهي تضحك ضحكة تنرفز: لا احلف ؟؟ صدقت براءتك ... انا اللي بالسوق اللي شرشحتك

وليد عصب: ماعاش ولا كان اللي يشرشحني وانا ابو نواف

ولف عنها وطلع واول ما طلع ابتسم وبعدين اختفت ابتسامته على طول " لا ياوليد لا مو انت اللي تحب بنت البنات كلهم خاينات وغدارات لا لا لا ياوليد " وراح يكمل الشوي


بعد ما خلص شوي الا السفرة محطوط وعليها السلطات والجبز والحمص والمتبل والببسي والسفن اب وجا وليد وحط لهم الدجاج على دفعات واخر دفعه حطها وجلس ياكل والكل كانوا جالسين مع بعض وضحك وسوالف وعيون نواف ما شالها عن عبير وعبير متورطه ماتبي تفك اللثمه نكايه فيه اخذت اكلها وراحت للمطبخ تاكل وكانت عيون ريان تاكل ريم اكل وريم مستحيه وتاكل وعيون سديم على ريان وريم اما اخر عيون كانت عندنا فهي عيون سارة اللي ما فرقت وليد من بعد ما طلع من المطبخ كان في صراع داخلي جزء منها يقول هذا فارس احلامك والجزء الثاني يقول مغرور ولا تعطينه وجه وفجاه تذكر وليد لميس وانه ماكلمها يعتذر منها ويقول ان السالفه لعب حط اللي بيده وغسل ودق عليها ماردت عرف انها زعلانه خاف عليها لا تسوي شئ بنفسها هو يعرفها حساسه مرة دق مرة ومرتين وثلاث ضل يدق حوال 40 مس كول ويرسل لها رسايل ردي علي الله يخليك وكذا الكل كان يناديه ويقوله تعال كل وبعدين اتصل لكن هو طنشهم وظل يتصل لكن لا حياة لمن ينادي كان مرة متوتر مايحب يشوفها مكسورة بسببه تذكر شلون كان احساسه لما شاف اعز اصحابه مع حبيبتة كان متوتر يصبب عرق مو قادر يفكر حس عليه نواف قام له

نواف: وليد تعال كل وبعدين اتصل عليها

وليد: ماترد علي مدري وش فيها

نواف: معليه هد امش

وهم رايحين بيجلسون دق جواله وعلى طول رد

وسمع الخبر اللي ماقدر يستحمله

...........................................

بدر طلع للدرج بشويش ودخل للصالة اللي مفتوحه على المطبخ شاف الملاك وهو حاط راسه بين يدينه وقف يتاملها شوي كانت لابسه شورت وردي مرسوم عليه لولو كاتي صغار صغار كله كان مطبع ونازل زي الحزام شريطه حرير سموايه وفوقه بدي حبل لونه بينك ورسمه وجه لولو كاتي كبيره على صدرها

قرب وحاول انه مايطلع أي صوت

حست نوف باحد يراقبها لكن ماعطت للامر اهميه اكيد تتوهم لان مافي احد بالبيت لكن فجأه سمعت صوت احد يمشي رفعت راسها فجاة ولفت تشوف مين وصارت الكارثه

وفقت نوف خايفه وهي ترتجف كانت مو قادرة تشوف من الظلام: مين ..؟

بدر كان مصدوم من جمالها ماتوقع ابدا تكون جميله زي كذا :...............

نوف وهي تصيح : وقف مكانك وقف لا تقرب .. مين انت تكلم

قرب منها بدر وتذكر انه جاي يسوي شئ ولازم يكمله : انا بدر يانوف

نوف هنا ما تدرون وش جاها كان مويه بارده انكبت فوقها واقفه مصدومه ومو قادرة تتحرك تس رجلينها انشلت مو عارفه وش تسوي بس في بالها فكرة وحده "اهربي اهربي اهربي اهربي اهربي اهربي اهربي .. بس شلون شلوووووووووووووووووووووون "

بدت تتلفت حوالها لفته واقف بنص الصالة والباب اللي يطلع من المطبخ على سيب الغرف وعلى طول بدون ما تفكر راحت للباب وهي تركض وبسرعه تركض بدر اول ما شافها تركض لحقاها بسرعه

نوف ماكانت تبي تلف تشوفه لان كانت مرة خايفه وممكن يصير قريب ويمسكها بسرعه وصلت غرفتها وجت بتسكر الباب الا دخل رجله يمنعها وهي بدت تصارخ وتدف الباب لكن رجله محطوط كانت مامو بقوته لانها مريضه مو قادره تبذل طاقه والطاقه اللي فيها بذلتها بالركض حست نفسها بحلم بدت تصارخ وتقول قومي وقومي لكن ماقامت من الحلم الفضيع هذا بدفه صغيرة من بدر طاحت نوف على الارض كانت مرة تعبانه بدت تزحف بالغرفه تدور شئ تضربه فيه وهو واقف يطالعها ويضحك صرخت فيه نوف: انت وش تبي فيني اتركي بس بس اتركنيييي

بدر ضحك: هههههههههههه بحلامك يا نوف انا قلت لك بجيب راسك وهذاني جبته وبفقعه لك على شان مرة ثانيه ماتتطاولين على اسيادك

نوف وهي توشفه يقرب منها : الله يخليك خلني لو سمحت انت ماعندك خوات ماتخاف الله

قرب منها ومسكها من كتوفها ووقفها كان ضاغط باصابعه على ذراعاتها وهي مرة تعبانه مو قادرة تبذل أي مجهود وقفت وهي تترنح بتطيح

قالها بدر : باخذ اللي ابيه بكيفك ولا غصب

وقتها نوف بكت كانت تحاول ماتبكي على شان ما تبين الضعف وهو يستغله قالت وهي تحرر نفسها من يدنه وتنزل لرجولها تبوسها : اسفه والله اسفه اسفه بس اتركني خلني الله يخليك

نوف في نفسها الا هالشئ الا هالشئ مستعده بوس رجوله بس يخليني ان راح بتروح روحي

بدر في نفسه وهو يشوفها الله يانوف اللي كنت متوقعها قوية تنهار قدامي وتبوس رجلي بس على شان مالمسها بس لا لازم اعذبها زي ماعذبتني ماخلتني انام ليالي وانا افكر فيها لازم انتقم منها لازم

نزل مسكها بقوة من شعرها ودفها وطاحت على حافت السرير

نوف مو قادر تحس بدوخه شديده وتعب مو معقول النوم يناديها وهي تقاومه ماتبي تغفل عيونها عن هالحيوان لا يسوي فيها شئ دق جوال نوف شافه بدر وشاف المتصل ريان

كانت نوف عيونها تغمض وتفتح تحاول انها ماتستسلم للنوم تكلم بدر وهو معصب ويحس بالغيرة : من هذا ريان حبيبك

قالت نوف وبصوت تعبان: الله يخليك لا تسوي فيني شئ

ولكن بدر سفهها وكان مولع من جوا كان يبي يعرف من ريان ضغط الزر الاخضر ولا تكلم ولا كلمه

ريان وهو يضحك : نوف يالدبه ليه ماتردي على جوالك .. امي من الصبح تحاتيك

نوف اول ماسمعه صوت اخوها قالت الفرج جا وجمعت كل قوتها وصرخت: اخوي الـ.. لكن بدر اسرع منها حط يده على فمها واشر لها بعيونه وهمس بذنها : وربي يانوف ان قلتي كلمه وحده لا اسوي اللي فبالي وانتي زي الكلبه تترجيني

خافت نوف منه بس قالت اني مابي اغامر وخصوصتا اني بفقد اعز ماملك بدت تهز راسها ان ماراح تقول شئ

همس وقال لها : قولي له انك بخير وتكلمي عادي وان حسيت انك تلعبين بذيلك وربي هاه حلفت لاسوي اللي في بالي وبعدها اذبحك وارميك للكلاب

بلعت ريقها نوف وقالت طيب

بدر قرب منها الجوال اللي كان ريان يصارخ فيه خايف على اخته وش فيها

نوف وهي ترتجف : هلا ريان

ريان: وينك لي سنه اناديك فيك شئ انتي بخير

نوف: أي بخير ما فيني شئ لا تخاف .. بس طاح الجوال من يدي

ريان: طيب هذانا حنا نتعشى امي تقول اول ما يخلص العشا بترجع بس البنات كلهم يبونك تجين تنامين هالليله معاهم وش قلتي

نوف وهي تطالع بدر : طيب خلاص تعال وخذني

بدر عصب عليها

قال ريان: خلاص اجل على الساعه 1 تكونين جاهزة اوكي

نوف وهي تبتسم ان اخوها بيجي ومو قادر بدر يسوي لها شئ : اوكي

وسكر بدر الجوال

قامت بسرعه تبي تهرب منه ولكن للاسف لما قامت بسرعه فقدت توازنها وطاحت مغمى عليها


توقعاتكم للبارت الجاي

ايش الخبر اللي سمعه وليد وماقدر يستحمل الصدمه

ووش ممكن بدر يسوي في نوف ؟؟ هل تتوقعون يعمل بتهديده ؟؟

انتظروني في البارت الجاي ...!! يوم الاثنين القادم >> حسيت نفسي اتابع مسلسل

الجزء الثامن

نواف: وليد تعال كل وبعدين اتصل عليها
وليد: ماترد علي مدري وش فيها
نواف: معليه هد امش
وهم رايحين بيجلسون دق جواله وعلى طول رد
وليد: الو لميس
صوت بنت مبين عليها انها ميته من البكا: انت وليد
وليد: اي من معي
البنت بدت تصارخ وهي تبكي: ياحيوان ياكلب انت دمرت اعز صاحباتي لميس كانت تحبك فاهم تحبك وانت حطمتها لميس ماتت انتحرت انتحرت انتحرت اااااااااااااااااهـ ماتت بسببك انت اللي قتلتها انت ااااااااااااااهـ ااااااااااااااهـ
وليد مصدوم وفاتح عيونه وايدينه ترتجف طاح الجوال من يده على الارض
نواف: وليد وش فيك وليييد
وليد بدا يصارخ ويصارخ ويصارخ يحاول يطلع شعوره بالذنب يحاول يقوم من الحلم يحاول يقول لا مو انا اللي ذبحتها مو انا مو انا كان يصارخ وينتفض ويقول مو انا مو انا حس بالكتمه يبي يطلع يبي يتنفس مخنوق مرة مرة لو يتنفس كل هوا العالم ماراح يكفيه راح وهو في قمه غضبه للباب يبي يطلع ما يدري وين يروح بس يبي يطلع لحقه نواف ووقف قدام الباب وليد يصارخ عليه: وووووووووووووخر
نواف: لا اهدا بالاول
نواف كان تفكيرة بشئ واحد ان ماينعاد السناريو اللي صار ايام اسيل
الكل كان واقف وخايف الامهات والبنات كلهم يبكون الرجال واقفين بصدمه مو عارفين وش يسوون
وليد وبقمة الغضب: ابد يا نواااااااااااااااااااااااااااااااااااااف اقولك ابعد
نواف: والله ما تطلع والله
عصب عليه وليد وجره من بلوزته وبعده بقوة طاح نواف بالارض هنا ثامر وابو نواف ركضوا لوليد ومسكوه رجع نواف قام بسرعه ووقف عند الباب
وليد يصارخ ويضرب بالهوا مو عارف وش يسوي بس يبي يطلع بس همه انه يطلع : اتركوووووووووووني خلووووووووووووني وخرر يا نواااااف وخر
الكل تذكر حالته ايام اسيل على شان كذا مايبونه يطلع
نواف: والله ماتطلع ياوليد على جثتي
وليد: وخر ولا والله لا اموتك وخر كان يرافسس برجلينه ويحاول يوخر اخوه ابو نواف وثامر اللي ماسكينه
قرب منه نواف وفجاه طرررررااااااااااااااااااااااااخ


عم الهدوء على المكان الكل كان منصدم من الكف اللي جا وليد ضل الهدوء عام المكان حوالي الـ20 ثانيه وفجأة نزلت دموع وليد وحظن نواف وبدا يبكي كانه يتيم لقى حظن امه ويقول انا ماذبحتها ماتت يانواف انا موتها لميس راحت راحت
اشر لابوه انه بيكون معي بخير لا تخافوا اخذه وطلعه معاه لبرا الاستراحه

امه كانت تبكي على ولدها وتقول ولدي ضاع مني مرة ثانيه راح ولدي ااااهـ
والامهات يهدونها : بس يايمه مافيه الا العافيه لا تخافين عليه
البنات يبكون ((نورة وريم )) لانهم تذكروا حادث وليد واللي كمان قبله انهيار مشابه لهذا اما سارة كانت مصدومه " معقوله هذا وليد المغرور المتكبر اللي مستحيل احد يقدر يتحداه يبكي يبكي ولاجل مين لاجل بنت لا لا لا اكيد انا احلم ووش علاقته بالبنت هذي اكيد حبيبته ولا ماكان بكى عليها كذا"

.................................................. ............................

قام بدر يبي يلحق عليها قبل تهرب لكن فجاه تهاوت وفقدت توازنها وقبل لا تطيح على الارض قدر يمسكها شالها وحطها على السرير كان يطالعها بكل حب ورومنسيه كان يشوف قد ايش هي بريئه وجميله كان شعرها جاي على وجهها وبعده عن عيونها بكل رقه ونعومه كانت نظراته مليئه بالاعجاب بدا يتلفت بغرفها حس قد ايش هي راقيه بذوقها كانت غرفتها مرة ناعمه وجميله والجدار كلها لونها بينك والفراش حقها كان لونه بينك مع بيج وكان السرير فيه مخدات كثيرة ودباديب وشاف مكتبها اللي تدرس فيه شافه حوسه ضحك ضحكه تذوب الصخر من جاذبيتها راح للمكتب وبدا يقلب بين الاوراق والملفات لقى دفتر مرة نعوم عليه زي الريش باين انه دفتر ذكريات فتحه بدافع الفضول حب يدخل وسط حياتها حب يصير جزء من كيانها مايدري ليه جاه هالشعور لكن جاه وبس فتح صفحه من النص كان يقرا ويقرا وبعدها ينفجر ضحك كانت كاتبه بالدفتر عن شطانتها ايام الدرسه وقلب صفحات كثيرة ووقف يقرا كانت كاتبه عن بدر يوم قابلته في السوق شده الفضول انه يكمل وقرأها وهي كاتبه


في يوم 20-7-2009

حصل معاي اكشن ...

قابلت واحد غريب اليوم في المطعم واسمه بدر كما اتذكر
شخصيه افتزازيه بس بنفس الوقت جذابة احترت شلون اتعامل معاها لكن اتعاملت معاها بالقسوه كما هي عاملتني
انا اكره ماعلي الشخص يستضرف نفسه ,بس والله الولد حلو ,أي حلو الا يههههههبل ههههههه عيونه ناعسه لون بشرته برووونزيه >> شكله مسوي تان هههههه جسمه رياضي طويل خشمه سلت سيف احترت شلون بالكلمات اوصفه بس فيه شئ واحد شين .....غرووووورة...... صح هو حلو لكن ما يعطيه الحق بالتكبر على الناس
اليوم وانا جالسه مع البنات على الطاولة طلبنا الحساب ولما جا القرسون قال لنا اندفع .. طبعا انا مرة انقهرت لان هذي اول مرة اعزم البنات فيها وكانت دايما نورة تقول عني طماعه بس بما ان ابوي كان قاطع عني المصروف وبس امس عطاني اياه على شان كذا حبيت اكسر خشم نورة بس مرة انقهرت لما اندفع الحساب .. كنت بكبر راسي عندهم بس الان خربت خطتي لالا انا لازم اطلع حرتي بهالشخص قمت من مكاني ناويه اتهاوش مع هالشخص بس يوم شفته بلمت
حسيت بقشعريره بكل جسمي مسكتني من اطراف شعري لحد اصابع رجلي حسيت ببرودة قارصه احساس غريب جدا كنت ناويه اتميلح بس قلت اكيد البنات يناظروني فقلت خلني لو مرة بس بالحياة اعيش اكشن دايما صديقاتي ظربت هذا وكفخت هذا وتفلت على هذا خلني لو مرة وحده اعيش هالشعور....
قلت بصوت عالي كني احاول اخبي في صوتي الاعجاب بجماله
....ميــن اللي دفع الحساب .... كنت ادعي بداخلي يارب يقول انا على شان اقدر اسمع صوته وكن ربي استجاب الدعوة واقال بصوته الجذاب اللي حسيته يغني مو يتكلم ....انا اللي دفعته....بغى قلبي يطيح من مكانه طيب واللحين وش اسوي اطقه يعني لا لا لا هبله انتي شلون تطقينه افرظي سطرك قسم بالله لا تطيرين ..هذا هو الحوار اللي كان يدور في بالي اخر شئ قررت اني اتجرأ وقلت له ...ممكن اعرف ليش.. رد لي بصوته الجذاب...حبيت انا والشباب نضيفكم كعربون صداقه... هنا مرة انقهرت قلت حرام هالجمال كله بواحد قليل ادب سيطرت على مشاعري وقلب الاعجاب لاستحقار ورديت عليه بصوت عالي من القهر... حركه قديمه وسخيفه وكمان واطيه .... وقلت في بالي اكملها مرة وحده وقلت له...زيك.. هنا خفت ههههههههه حسيته بيقوم علي بالسكينه فحبيت اتصرف بسرعه قبل ماهو يتصرف فبسرعه طلعت من بوكي 500 ريال ورمتها بوجهه .. وبعيدين ضميري بدأ يانبني انا وش سويت بدل ما اكحلها عميتها قلت بنفسي احسن خل يعرف اننا مو بنات صايعات وقلت له وبكل فخر وعزة.. وهذي طريقتنا بقبول الضيافه..
ورجعت بسرعه لطاولتنا احاول اخبي عيوني عنه
بس هو ما تركني رجع لي وهنا انا ماقدرت انحمل وقاحته ورديت بكل طاقتي عليه وحاولت اني اكون استفزازيه معاه وبعد المجادله الحاميه بينا اللي انتهت بوعيد منه طلعنا من المطعم على البيت .. مادري هل هالشخص بيكون بحياتي بيوم ولا لا

انصدم بدر من اللي قراه ماكان متوقعها ضعيفه او يمكن رقيقه كان يحسبها مغرورة تتحداه .. لف عليها يطالع برائتها ويلوم نفسه "انا وش سويت حرام دمرت حياة هالمسكينه .. انا بحياتي ماكنت كذا بس اسلوبها معاي كان استفزازي يمكن كنت ابيها تنذل قدامي بس على شان هي البنت الوحيده اللي وقفت بوجهي وتحدتني رغم ضعفها.. حرام هاللي سويته فيها بس انا ابيها .. لا لا مو بهالطريقه .. انا اقدر اخليها تحبني من اول وجديد واخذها برضاها مو غصب عليها .. ايه موغصب "

بدر:وش هاللي تخربط فيه يابدر هذا حب اي حب انا حبيت نوف

راح لعندها وطبع بوسه على جبينها وراح وخلها

.................................................. ................

دخل دخل وليد ومعاه نواف لشقته راح وليد وانسدح على الكنبه اللي في الصالة ودخل نواف المطبخ يصب له مويه

نواف: تعوذ من الشيطان ياوليد خذ المويه اشرب
وليد بصوت كله انكسار : مابي
نواف حط الكاس على الطاوله اللي قدامهم: ياوليد وش دراك يمكن هالبنت تكذب عليك او يمكن لميس ماماتت
وليد وعيونه متجمعه فيها الدموع: لا يانواف انت ما سمعتها وهي تقول انت اللي ذبحتها انت
ونزلت دموع وليد
نواف: بس يارجال .. مايصير تبكي اقوى شوي انت رجال
وليد: وش فايده الرجوله دامها بتصير قاتله
نواف: لا ياوليد لا تصير افكارك كذا كانها ماتت فربي يرحمها وكانها عايشه انا بعرف لك كل السالفه
قام وليد ودخل غرفة النوم وراح للحمام وفتح المويه عليه يحاول يغسل هالشعور بالذنب يحاول يغسل حقيقة انه سبب موتها
ظل تحت المويه مايدري ساعه ثنتين ثلاثه اهم شئ انه طول
طلع وهو لاف على خصرة الفوطه
انسدح على السرير من دون مايغير لبسه وغط في نوم غميق

سمع نواف صوت الباب حق الحمام ينفتح راح يشوفه لقاه منسدح على بطنه ونايم سكر وراه باب الغرفه وجلس على الكنبه وتذكرة انه قفل جوال
نواف: يوووه اكيد اللحين مقومين الدنيا علينا
اول ما فتح الجوال جاه 30 مس كول
10 من ابوه و20 من جدته
دق على ابوة
نواف: هلا يبه
ابو نواف: ها ياوليدي وينك مقفل جوالك
نواف: انا بشقة وليد .. خير في شئ
ابو نواف: ها طمنا عسى هدا
نواف: لا الحمد لله هو نايم اللحين
ابو نواف: زين زين خل ابشر هالمسكينه هاللي تصيح .. خلك يابوك معه ولا تخليه زين
نواف: لا توصي يا يبه هذا اخوي
ابو نواف: بارك الله فيك يلا مع السلامه
نواف: مع السلامه

قام نواف ودخل غرفة وليد وشال اللحاف من تحته وغطاه فيه وراح لخزانته وطلع له بجاما ومخده ولحاف وطلع للصالة بدل ونام

.................................................. .....................

عبير: وش فيك سارة سرحانه
سارة : ابد بس افكر باللي صار اليوم
عبير: قصدك وليد
سارة تهز راسها زي الاطفال: اي
عبير: اي والله اول مرة اشوفه منهار كذا ..
سارة: طيب ليه امي ام خالد قالت ضاع ولدي مرة ثانيه وش قصدها
عبير: هذي سالفة صايرة لهم من قبل 5 مدري 6 سنوات قبل ما اسافر انا وريم لامريكا
سارة وهي متحمسه: وش هي السالفه
عبير تناظر سارة نظرات شك: تحبينه ؟؟
تلخبطت سارة وابدا ما توقعت هالسؤال وردت بانفعال: لا وع انااحب وليد هالمغرور صدق ما عندك سالفه بس .. انا .. عندي فضول
عبير بعد ما تاكدت ان بنت عمها تحب وليد والدليل توترها وانها قالت وليد مو احد ثاني مع انها ماجابت سيرته.. بس ماحبت تحرج بنت عمها وقالت : هذا يا طويلة العمر .... وحكت لها كل القصة
سارة وهي جالسة تسمع خانتها دمعه ونزلت وعلى طول حاولت تمسحها وتخبيها عن عبير لكن هالشئ ما خفى على عبيير وتاكدت الان اكثر من ان سارة تحبه بس جالسه تكابر

..................................................

ريان : ي يمه انا رايح اجيب نوف من البيت
ام صالح: الله معك ياوليدي بس خلها تجيب لي ملابس معاها
ريان: ان شاء الله
وفجأة تكلمت سديم:خالتي بروح مع ريان للبيت
هنا طرت عيون ريم
ام صالح: ليش في شئ
سديم: ابد بس اني ناسية اغراض وكمان على شان اساعد نوف انتي عارفه هي مريضه
كانت عيون ريم على فم ام صالح منتضرة الرد وهي حاطه يدها على قلبها
ام صالح: طيب روحي بس لا تتاخرون
ريم شوي وتجيها الجلطه بس استحت تتكلم قدام الكبار
عبير وهي تهمس لريم: وجع بعينها بجيحه
ريم وعيونها تدمع: انا اوريها .. ماراح اخليها تاخذه بالساهل

طلع ريان مع سديم وهم بالسيارة
دخلت سديم سي دي اغاني وولعته

ياحبي افهم انك بخافقي شي
وان العيون اللي تحبك سهارى
ياضي عين اللي يحبك وياضي
كل الدروب اللي بعيني حيارى
انت الذي مايشبهك بالملا حي
مالوم من سمّاك سيد العذارى
يابو عيونٍ كل ماناظرت في
اتوه وسط الناعسات السكارى
لاشفت وجهك قلت ياحي وياحي
وجهٍ كساه النور مثل النهارى
انت الحبيب اللي رويت الحشا ري
تروى بك عروقٍ لحبك تبارى
في غيبتك ارسمك لامن طرى لي
جمالك اللي يستحق افتخارا
مدري متى برتاح ياوردة الحي
واشوف همي بعد شوفك توارى
يمكن ليا شفتك نزح همي شوي
ويمكن ليا شفتك جروحي تدارى
والا انت تدري انك النور والفي
وانك يمين ودرب غيرك يسارى
واكبر دليل ان قلت في خافقي شي
ان العيون اللي تحبك سهارى

وطول الاغنية وسديم ما شالت عينها من على ريان
ريان مرة توتر ومتلخبط ويصب جبينه عرق بسبب الاغنية وكمان بسبب نظرات سديم له كان يحاول يزيد من سرعته على شان يوصل بسرعه للبيت
واخيرا دخل السيارة من القراج وفتح الباب وبسرعه نزل حتى قبل ما سديم تنزل

...

قامت نوف وهي دايخه ماتدري اللي شافته حلم ولا حقيقه
" من جد بدر جا هنا ولا انا احلم "
سمعت طق على بابها خافت وتخبت تحت اللحاف انفتح الباب وهي تنتفظ ودخل ريان
ريان: للحين انتي نايمه ؟؟
نوف ركضت وحظنت اخوها : اه ياريان شفت حلم يروع الا كابوس موب حلم
ريان : بسم الله عليك بس لا تصيحين يلا روحي جيبي اغراضك واغراض امي يلا بسرعه
نوف: لحالك جاي؟؟
ريان: لا جت معي سديم .. يلا لا تنسين اغراض امي
نوف: طيب طيران .. جت بتطلع بس تذكرت .. اي ريان؟؟
ريان: هلا
نوف: ترى حبيبت القلب ردت لكم برسالة من قبل كم يوم بس نسيت اعطيك اياها
ريان: احلفي .. قولي والله لا لا مو مصدق ... راح وشال نوف وبدا يدور فيها
نوف وهي تضحك:ههههههههههههههههه بس بس خلك ثقل ترى البنات ما يحبون الخفيف
ريان: هذي القلب ومتربعه فيه ماتبيني لجلها اطير
نوف: هههههههههههه الله يهنيكم شف الورقه بدرج جنب سريري
وراحت لغرفة ملابسها
محد انتبة للعيون اللي كانت تراقبهم ويطلع منها شرار الغيرة والحقد

راح ريان وطلع الورقه وبدا يقرا وش كبت له ريم

" على حبنا تمر أيام
وانت ياهنا فيني
غرام(ن) كل ما مر عام
أحسه يكبر في عيني
كبرنا أو بعدنا صغار .. تضل أشواقنا فينا
مدام نحب بعض ونغار .. لبعض الله يخلينا
تضيق بصدري الأنفاس
إذا غبتي وغاب الضي
وأحس اني وسط هالناس
مثل طفل(ن) يدور شي
هواك في مهجتي ساكن .. كثر هذا الفضاء والكون
ودونك عالمي ساكن .. بلاطعم وبليا لون
أحبك موت أنا وأحيا
كثر ما أحب أنا ذاتي
ومن شر وبلى الدنيا
عليك كم أنا احاتي
لأنك قطعة مني .. وما يسواك عندي إنسان
أنا لليوم أحس إني .. هذاك المغرم الولهان "

وشاف تحت طبعه بوسه ضحك
دخلت عليه نوف : بسم الله عليك اخوي انهبل
ريان: لان عارف ان هالبوسة بوسك مو بوسة ريم
هنا نوف انهبلت فتحت عيونها على الاخر: وش دراك
ريان: اولا قلب الحبيب وثانيا شفايف ريومتي انعم وثالثا هي ماتحط هاللون ورابعا والاهم انها خجوله ومستحيل تسوي هالشئ
نوف: وجع وجع وانا تقالي بسوي لكم جو رومنسي
ريان وهو يشم ريحه عطر ريم: اه ياريحتها .. جعلي افداها

نوف: بسك شم اخاف تدمن عليها
ريان: هههههههههههههه

سديم دخلت وهي معصبه: يلا ماخلصتوا

لف ريان وجهه عنها لانها كانت لابسه برمودا وبدي

نوف : الا يلا بس البسي عباتك .. كذا داخله علينا اخوي هنا

سديم تسوي نفسها مصدومه : معليه مانتبهت لك

وراحت وخلتهم

رجعوا للاستراحه ومعاهم نوف

اول مادخلت نوف الكل فرح فيها وتحمدوا لها بالسلامه ونستهم شوي سالفة وليد

راحوا البنات كلهم يبدلون ملابسهم ويلبسون بجايم على شان ياخذون راحتهم وكل البجايم كم طويل وبنطلون واسع وحطوا على كتوفهم حجاباتهم احتياط على شان اذا دخل عليهم احد من الشباب

جلسوا البنات كلهم مع الامهات وهم طفشانات مو عارفين وش يسوون ملو من سوالف الكبار وبعدين كلهم اتفقوا يلعبون اونوا ودقوا على الشباب يجون يلعبون معاهم ولان عددهم كبير حطوا 3 علب اونوا مع بعض وقالوا البنات فريق والاولاد فريق اللي يفوز اول واحد من اي فريق يحكم على كل عضو بالفريق الثاني واول فايز من الفريق الثاني هو الوحيد اللي ما يحكم عليه ولكن يحكم على 4 اعضاء من الفريق الاخر والمهزوم عليه حكم ان يشتري لكل شخص من الفريق الاخر هدية

لعبوا وكان اول فايز هو جابر واللي فاز بعده هي نوف

وكملوا لعب لين وصلوا لاخر ثنين كانت المبارات حماسيه بينهم كان اللي يلعب راكان × نورة

وبالاخير اللي نورة سحبت راكان 20 ورقه وبعدها فازة

راكان: وجع بتنهبون فلوسي انتهم وش كثركم هههههههه

نوف: احمد ربك مرتك راحت مع اهلها ولا ضلت تشوف خسارتك

راكان: طسي بس ..طيب اجل تبون هدايا .. الله يعيني

جابر : يلا يلا الاحكام ... احم احم اولا ابارك لاختي وبنت عمي نوف على فوزها واقول لها نفدتي من بين يديني

نوف: الله يبارك فيك اخي وابن عمي جابروووه

جابر: جابروه بعينك الموهم الاحكام عليكم كالتالي

ببدا بـ

تهاني اختي هههههههههه

تهاني : يمه ربي يستر

جابر: قومي سوي لي شاندويش جوعان

تهاني : يعله مر ان شاء الله ورا ما تقوم مرتك

جابر: لا حبيبتي حامل وتعبانه يلا قومي

ربى: فديته رجلي اللي يخاف علي

جابر ارسل لها بوسه بالهوا وهي خجلت وحمروا خدودها

ثامر: عشتوا كل كذا حيا هههههههههه

جابر: مالك دخل بمرتي

ثامر: لا تنسى تراه اختي يلا اخلص كمل احكام

جابر: طيب طيب

خل نخلص من خواتي ههههههههه نورة

نورة تحاول تسوي نفسها بريئه : لبيه

جابر: ههههههههههه عن التمسكن قومي نظفي سيارتي من جوا

قامت نورة وحطت يدها على خصرها: نعم نعم نعم .. لا كون الحبشيه اللي ابوك جايبها تخدمك

جابر: هههههههههه وش دراك

نورة وهي تصبخ برجلها الارض زي الاطفال: مابي مابي غش

ثامر وهو يشوفها قلبه نبض بحبها من جديد شاف وجهها الطفولي اللي اشتاق له

جابر: مافي اعتراض يلا اللحين ننتقل لبنات العم

ملاك وريهام على النوم يلا

ريهام: نعم نعم لا والله ابي اسهر معاكم

جابر: مافي يلا قومي نامي

قاموا ريهام وملاك مع بعض وهم يتحلطمون يصبخون بالارض

جابر: احم جينا لريم

اول ما قال ريم قلب ريان بدا يضرب ويضرب ويضرب

ريم: الله يستر منك

جابر: ريم وسديم يروحون وينظفون لنا غرفنا بالملحق

ريم: لا والله غرفتين حرام

جابر: خلاص طيب الغرفة اللي انا انام فيها

ريم: طيب بس اي وحده

جابر: اللي على اليمين

ريم وسديم: طيب

جابر: واللحين من بقى

نوف: زوجك المصون ورشا وسارة وعبير

جابر: طيب سارة وعبير سو للشباب كلهم عصير

الشباب: عشت ابو فهد

جابر:ههههههههههه اما زوجتي الحنونه ورشا الا النوم يلا

ربى:لا ابي اجلس

جابر: مافي يلا روحي نامي وارتاحي

خجلت ربى وقامت هي ورشا يناموون

نوف: الحمد لله فزت هههههههههه يلا دوري هع هع هع جاك الموت يا تارك الصلاة

بختار 4 اممممممم

ريان وثامر وحسام لاني بطلع حرة اخوك فيك ههههههههه ووو اخوي صالح

اولا صالح رح نم لان عيونك طافيه

صالح: فديت هالقلب .. تصبحون على خير

الكل: وانت من اهله

نوف: حسام ههههههههههه

حسام: بسم الله علي ترى مالي دخل بخوي انا غلبان هههههههههه

نوف: طيب بما انك غلبان .. اخوي ريان من زمان يبي سيارة تتنظف .. فرح ونظفها

ريان:هههههههه تسوين فيني معروف

حسام: اكد عليك وعلى اخوك .. طيب يانوفه اوريك الشغل

نوف: اما ثامر فابيك تروح للسيارة جابر وتحوس اللي رتبته نورة

جابر: لا غش موب على كيفك

نوف:ههههههههههه الا على كيفي

ثامر فرح لانه بيروح عند نورة ويتكلم معاها من دون ما يكون في احد : طيب

نوف: اما باقي اخوي ريان حبيبي ابيك تروح تجيب لنا سي دياتكم حقت الاغاني

ريان: طيب بس لا تضيعونها

نوف: لا لا تخاف ماراح نضيعها