يروح وليد ويفتح لهم الباب
وتركض ديما وتتفل بوجهه ويروح وليد ويصفقها هذاك الكف اللي يطيحها بالارض من شد قوته
ملاك وهي تبكي:حرام حرام عليك يانواف انا حبيتك وانت تسوي فيني كذا حرام والله حرام
يرد بسرعه وليد قبل ما يزل لسان نواف ويقول شئ:اوص انتي وياها مسوين لنا احنا بريئات وشريفات انتوووا زباله تفوووووو عليكم
ديما:حرام عليكم والله حرام حسبي الله حسبي الله ونعم الوكيل
وليد :يلا لموا نفسكم ياحثاله ايه وعلى فكرة ترى كل شئ مصور هنا
وياشر على فيديو الكاميرا وراح اخذها وقال :يعني أي وحده ما ترد على اتصالي حسابها راح يكون عسيير
ملاك :حسبي الله عليكم يا زباله ياواطيين
نواف:يلا انتي وياها قدامي خل ارجعكم عند اهلكم اللي ماصنتوهم ولا حفضتوهم
ملاك:مو انتوا السبب حسبي الله
وليد:ولك عين تتكلمين بعد صدق قليله حيا قدامي يلا
ويرفسها هذيك الرفسه اللي تنسدح فيها بالصاله
ويلملموا البنات باقي اشلائهم اللي تحطمت .. حياتهم انهارت تهدمت كلها بغلطه واحده كانت غلطه عمرهم غلطه لا يمكن اصلاحها مع مر الزمن كل هذا ليش على شان الحب .. بسبب شخص لعب بمشاعرها الطفوليه وقالها كم كلمه حلوة لامست ولاعبت عاطفتهم المفتقرة لهاذا الحنان رخصت بعمرها وفقدة اغلى ماتملك
في السيارة اللي كان فيها وليد ونواف والبنتين اللي للان يبكون بكاء قطع قلوبهم
ملاك:حرام عليكم انتم عطيتونا حنان كنا مفتقدينه على شان كذا صدقناكم لكن انتوا لعبتوا علينا
وليد:اوص انتوا كل ماجا احد سالكم قلتوا مفتقرين حنان وش هالحنان اللي يخليكم تسووون بروحكم كذا هاا يختي لو انتي مرة محتاجه احد يقولك احبك سجلي صوتك بالمسجل واقعدي اسمعيها للصبح صدق انكم اغبياء يختي لو مرة مفتقده هالحنان روحي واحظني امك اخوك الصغير ابوك لو ان شاء الله تخمي الجدار
ملاك:ابدا مو كذا الحنان والحب اللي نتكلم عنه احنا محتاجين شخص يكون حولينا يحبنا نحس ونلمس حبه وحنانه احد نصدقه مو نلعب على انفسنا ونروح نخم أي شئ على ان هذا الحنان اللي ندور عنه
وليد:وهذا انتي ياحلوة لمستي هالحنان وحسيتيه ان شاء الله مبسوطه فيه
ديما وهي تصرخ:انتووا مرضىىىىى نفسيييييييييييين
نواف:ههههههههههه خلينا العقل لك يلا انزلوا باللي ما يحفظكم
ملاك:حسبي الله عليكم
نزلوا البنات وهم يصيحون ويشهقون شهقات كنهم يقولوا في كل شهقه يارب روحي تطلع معاها

بعد مانزلهم نواف ومشى
وليد:عطني رقمها
نواف:من ملاك؟
وليد:ايه يالفالح
نواف:طيب ليه
وليد: نواف لا تصير غبي على شان اهددهم شوي وبعدين اعلمهم على الحقيقه
نواف:طيب برسله لك
وليد:اوكي

في غرفة نوف
دخلت نوف غرفتها وانسدحت تبي تنام لكن فجأة قامت كنها تذكرة شئ
راحت بسرعه لمكتبها وبدت تدور بين الكتب اللي على مكتبها الدائما المحيوس
ولقد دفتر مزخرف لونه وردي جدا جذاب
نوف:اخيرا لقيتك .. اوف هالشغالات ماينفعون بشئ
وفتحة الدفتر اللي كل ورقه منه تحمل معاها اسرار وخفايا حياة نوف
كل سطر في هالدفتر يحكي اشياء واشياء كان نوف تعاني منها وتعيشيها يوم بيوم من كانت ب4 ابتدائي
نوف:يووووه اتذكر اول ما بديت اكتب مذكراتي كنت في رابع ابتدائي وكانت هالفكرة فكرة مدرستي ,كانت دائما تقول لنا سجلوا مذكراتكم على شان تصير ذكرى حلوة او مرة بس بالنهايه هذا تاريخ وبيوم حتكبروا وعتتذكروا احلى ايام
فتحت نوف صفحه بيضة كأنها بياض الثلج واخذت قلم وبدت تخط بأناملها احلى الكلمات
في يوم 20-7-2009

حصل معاي اكشن ...

قابلت واحد غريب اليوم في المطعم واسمه بدر كما اتذكر
شخصيه افتزازيه بس بنفس الوقت جذابة احترت شلون اتعامل معاها لكن اتعاملت معاها بالقسوه كما هي عاملتني
انا اكره ماعلي الشخص يستضرف نفسه ,بس والله الولد حلو ,أي حلو الا يههههههبل ههههههه عيونه ناعسه لون بشرته برووونزيه >> شكله مسوي تان هههههه جسمه رياضي طويل خشمه سلت سيف احترت شلون بالكلمات اوصفه بس فيه شئ واحد شين .....غرووووورة...... صح هو حلو لكن ما يعطيه الحق بالتكبر على الناس
اليوم وانا جالسه مع البنات على الطاولة طلبنا الحساب ولما جا القرسون قال لنا اندفع .. طبعا انا مرة انقهرت لان هذي اول مرة اعزم البنات فيها وكانت دايما نورة تقول عني طماعه بس بما ان ابوي كان قاطع عني المصروف وبس امس عطاني اياه على شان كذا حبيت اكسر خشم نورة بس مرة انقهرت لما اندفع الحساب .. كنت بكبر راسي عندهم بس الان خربت خطتي لالا انا لازم اطلع حرتي بهالشخص قمت من مكاني ناويه اتهاوش مع هالشخص بس يوم شفته بلمت
حسيت بقشعريره بكل جسمي مسكتني من اطراف شعري لحد اصابع رجلي حسيت ببرودة قارصه احساس غريب جدا كنت ناويه اتميلح بس قلت اكيد البنات يناظروني فقلت خلني لو مرة بس بالحياة اعيش اكشن دايما صديقاتي ظربت هذا وكفخت هذا وتفلت على هذا خلني لو مرة وحده اعيش هالشعور....
قلت بصوت عالي كني احاول اخبي في صوتي الاعجاب بجماله
....ميــن اللي دفع الحساب .... كنت ادعي بداخلي يارب يقول انا على شان اقدر اسمع صوته وكن ربي استجاب الدعوة واقال بصوته الجذاب اللي حسيته يغني مو يتكلم ....انا اللي دفعته....بغى قلبي يطيع من مكانه طيب واللحين وش اسوي اطقه يعني لا لا لا هبله انتي شلون تطقينه افرظي سطرك قسم بالله لا تطيرين ..هذا هو الحوار اللي كان يدور في بالي اخر شئ قررت اني اتجرأ وقلت له ...ممكن اعرف ليش.. رد لي بصوته الجذاب...حبيت انا والشباب نضيفكم كعربون صداقه... هنا مرة انقهرت قلت حرام هالجمال كله بواحد قليل ادب صيطرت على مشاعري وقلب الاعجاب لاستحقار ورديت عليه بصوت عالي من القهر...حركه قديمه وسخيفه وكمان واطيه .... وقلت في بالي اكملها مرة وحده وقلت له...زيك.. هنا خفت ههههههههه حسيته بيقوم علي بالسكينه فحبيت اتصرف بسرعه قبل ماهو يتصرف فبسرعه طلعت من بوكي 500 ريال ورمتها بوجهه .. وبعيدين ضميري بدأ يانبني انا وش سويت بدل ما اكحلها عميتها قلت بنفسي احسن خل يعرف اننا مو بنات صايعات وقلت له وبكل فخر وعزة.. وهذي طريقتنا بقبول الضيافه..
ورجعت بسرعه لطاولتنا احاول اخبي عيوني عنه
بس هو ما تركني رجع لي وهنا انا ماقدرت انحمل وقاحته ورديت بكل طاقتي عليه وحاولت اني اكون استفزازيه معاه وبعد المجادله الحاميه بينا اللي انتهت بوعيد منه طلعنا من المطعم على البيت .. مادري هل هالشخص بيكون بحياتي بيوم ولا لا
وسكرت نوف الدفتر ورمته مرة ثانيه بالحوسه اللي على المكتب وراحت لسريرها وانسدحت فيه ونامت

في الوقت نفسه كان في محل البلياردوا شباب العيله واصحابهم متجمعين حول طاوله بليارد ويلعبون
ريان :اللعب اللعب بس يالفاشل المشكله دائما اهزأك وانت ماتتوب الا انا هالمرة بفوز
مهند (صديقهم): ياخي هالمرة انا بفوز عليك وتشوف
ثامر:اقول مهند تلايط بس ههههههههههه
ويجي لهم وليد ونواف اللي توهم واصلين:السلام عليكم
الكل: وعليكم
وليد:اووووه ريان ومهند يلعبوون اقول يالثور انت ماتبت من كثر ما تاهزأت
مهند:مابي ارد عليك على شان ما يخرب برستيجي
الكل:ههههههههههههههههههههههه
ثامر :اموت بالبرستيج ياناس
نواف:اقول ثموورة تجي نلعب
ثامر:لا شكرا انا اعرف نفسي اذا ما صار لي خلق ماراح افووز
نواف:طيب انت وليد امش خل نلعب
وليد :لا شكرا يا عسل بجلس عند ثامر
بعد ثامر شوي من الكنبه اللي هو جالس عليها وعض على شفته التحتيه واشر له بيده كأنه ياشر لبنت ان يجي يجلس بجنبة
وليد ارسل له بوسه بالهوا
نواف:لا انا اروح بشرفي احس ما تضيعون مستقبلي ومسك ثوبه ونحاش
الكل:هههههههههههههههههههه
وليد:اقول ثامر ماودك تجي معي سهرة من هالسهرات
ثامر: وش قالوا لك وليد ولا نواف لا ياحبيبي انا مو راعي هالحركات انا من الجامعه للبيت ومن البيت عليكم ههههههههههههه
وليد:لا من جد ثامر يعني ما شوفك تسوي شئ لا بنات ولا مغازل ولا حتى تفحيط وماشاء الله عليك دافور ?
ثامر: طيب في اعتراض!!
وليد:ياخي هههه موب هذا قصدي اقصد تعال لو مرة وحده معي غير فيها جو وياخي لا تجلس معانا بس تطلع تشوف الدنيا
ثامر: لا ياخي ما ودي
وليد: على شاني
ثامر:طيب افكر بالموضوع
وليد:عندك من هنا لشهر قدام فكر على راحتك
ثامر:وش معنى شهر
وليد:لان في حفلة وحده بتسويها .. هي كل سنه تسويها احتفال لعيد ميلادها ومو أي احد يجي بس الاغنياء والمعارف
وحتى مايدخلون الا بكروت دعوى
ثامر:الله كل هذا ومن هالبنت ومن وين متعرف عليها
وليد:ههههههههههههه لا حبيبي هذي هي اللي تجيني لنا مو انا اللي اروحلها تعزم ناس معينين مو كل من هب ودب اساسا انا ماعرفها شخصيا ولا اطول اوصل لها بس يمكن مرة مرتين كلمتها هذي البنت مذوبة كل العيال وبالحفله حقتها بتشوف ناس ما كنت تتوقعهم ناس مرة اغنياء وناس مرة معروفين ومو بس شباب الا كبار يعني رجال اعمال وزرا وحتى ولد السفير بيجي وطبعا الحفله كبلز يعني بنات وشباب كل واحد يجيب معاه الديت حقه
ثامر:معقوله عندنا كذا شئ واللي اني غافل عن هالدنيا وبعد هالعالم غريب
وليد:لا غريب ولا شئ دايما اللي واصلين كذا عادي الحياة عندهم فري
ثامر:والله شوقتني اروح هالحفلة بس على شان اشوف هالناس
وليد:ههههه حياك معي
ثامر:موب مشكله خلاص اروح معك بس لا قرب موعدها علمني
وليد: من عيوني بس ها مو تروح ويدينك فاضيه تفشلنا
ثامر:اجل وش اخذ بوكيه ورد
وليد ويفقع من الضحك:هههههههههههههههه أي بوكيه انت وخشتك لا حبيبي هذي قل اجيب لها ذهب الماس
ثامر:اما الماس عاد ومن هي على شان اجيب لها
وليد:لا يا بابا لا تستهون فيها ترى تجيب اللي اكبر منك ولا تحسب منتظرة هديتك ترى جالسه على بنك بس من الادب ان تاخذ لها هديه كعربون صداقه
ثامر:طيب انت وش بتجيب لها
وليد: والله مادري السنه الماضيه جبت لها ساعه الماس
ثامر:يؤ مجنون انت
وليد:ههههههه ولا ياحبيبي طلعت الساعه صفر على الشمال قدام هداياهم
تخيل واحد عطاها شيك بمليون و500 الف ريال سعودي هذا هو اللي برز بالحفله الماضيه هي اغلى هديه تنجاب لها تعلن عنها ولا بعد صاحبها له مكانه خاصه يعني لو تبي عيونها تعطيك ولو تبي تصير وزير عينتك لا تستهين فيها
ثامر: والله شوقتني اشوفها
وليد: لا تستعجل بس انا ابي هديه هالمرة تصيير غير مابي احد يقلدني فيها وابي اصير المييز في هذيك الليلة
ثامر:مادري والله فكر وعلمني
وليد:هههههههه لا ماراح اعلمك باخليك تتفاجا
ثامر:طيب يافان دام
وليد:ههههههههههههههههه
ريان:واحلى من فان دام بعد هههههههههههه
وليد:بسم الله من وين طلعت انت
ريان توني جاي من يوم فان دام ههههههههههههههههه

في الصباح الباكر
وعلى صوت تغريد العصافير قامت ريم من نومها وراحت وغسلت وجهها وفرشة اسنانها وبدلت ملابسها ونزلت لتحت بس مالقت احد بس شافت اختها ريهام جالسه عند التلفزيون تشوف فلم
ريم:صباح الخير يا حلوة
ريهام :صباح النور
ريم:وين العالم
ريهام:نايمين للان
ريم:طيب فطرتي ولا تفطرين معي
ريهام:لا مالي نفس اللحين بعد شوي اكل
ريم:ريهام انتي رايحه لثاني ثنوي صح
ريهام:ايه..
ريم: طيب ايش قررتي تدخلين
ريهام:اكيد علمي
ريم:الله يوفقك يارب
ريهام:وياك ان شاء الله
قامت ريم من عند اختها لانها حست ان علاقتها باختها مو مرة قويه
راحت للمطبخ بتصلح لنفسها فطور
ريم: ريتا قولي للطباخ يطلع على شان بسوي الفطور بنفسي
ريتا: لا حبيبي ريم هدا ماما في قول لا خلي احد اطبخ غير هذا طباخ
ريم: يوووه طيب قولي له يسوي لي فطور
ريتا: ان ساء الله بس انتي ايش يبغى
ريم:قولي له يسويلي وافل وبان كيك وانتي سويلي الحليب
ريتا:اوكي..

وراحت ريم وهي تفكر باختها لازم تقوي علاقتها بها وبعد
لازم اليوم نسوي اكشن والله طفش من اول ببريطانيا كان اونس ... بس لا اليوم انا
برجع شمل الشله..
وتروح ركض قبل ماتنسى الفكرة وتاخذ عبايتها وطرحتها وتلبسهم وطيران على بيت عمها ابو صالح وتدق عليهم الباب وهي معلقه على الجرس لين جت الخدامة تفتح لها: خير خير انتي من السوبح جايه ايس تبقي
ريم:بسم الله علي كلتيني بقشوري ..مالت عليك وش تبين انتي بيت ابوك وانا مادري ابعدي اهوووه وتدفها عن الباب وتدخل وتطير للدور الثاني وتفتح باب غرفة نوف الخبلة
وتبدى تصارخ نووووووووف نووووووووووووووف ولكن لا حياة لمن تنادي
وراحت تنطط على سريرها لعل وعسى
قامت نوف وشدة رجلها وطاحة ريم وصبخت بالارض على ظهرها
ريم:اييييي حسبي الله عليك يالدبه ظهري انكسر
نوف:تستاهلين يالحيوانه ورا جالسه تنطنطين على سريري بغيتي تفعصيني
ريم:الله اكبر يالرشيقه .. وبعدين انا جايه اقول لك ان اليوم نبي نستانس
نوف:لا والله احلفي قولي قسم ترى بهالكاس بجبهتكي اللحين جايتني من صباح الله خيير واخرتها تقولين لي نبي نستانس كان نطرتي لما اقوم او على الاقل دقي على بالتليفون قولي اللي تبين لكن مو تسوين بغرفتي هالزلزال الله يرج العدوو
ريم:مالي دخل اللحين اللحين نطلع نبسط فوق
نوف:خبله انتي وين نبسط بعد
ريم:وين يعني بالسطح
نوف:هههههههههه صدق انك مهبوله
ريم:موب للحين في مكانا ولا شلتوه
نوف:لا للحين فيه بس من زمان عنه
ريم:يلا عاد لا زمان ولا شئ خل بس ننظفه وننادي البنات
نوف:اوووووووووووف تيب بس 10 دقايق بكمل حلمي واجيك وحطت راسها ونامت
راحت ريم للحمام واخذة مويه بالكاس وصبته فوق راس نوف
نوف:هااااااااااااااااااااااااااااااااااااااااااااا ااااااااااي وجع ان شاء الله يالدبه واخذت المخدة ورمتها على ريم : يالدبه المويه باردة
ريم:سادة يلا عاد قومي
نوف:طيب طيب وقامت نوف تبدل ملابسها
وراحوا لبيت جدهم ابوخالد اللي دايما من الفجر تصير ابوابه مشرعه للكل وطلعوا لسطح بيتهم اللي كان على حطت يد ريم لان البنات من يوم ما سافرت ريم قليل ما يتجمعون في مكانهم كان كله مسوينه زي الجلسه فارشين زوليه وحاطين لهم ثلاجه وتكايات
ريم:الله الجو خياال
نوف:أي على شانه شتاء ولا بالصيف حرقه الله لا يوريك
ريم: يلا يلا خل ننظف الفرش ونجيب مويه نشطف الارض
نوف:يلا طيب
وبدوا البنات عملية التنظيف والتجهيز والرتيب
بعد 4 ساعات خلصوا من كل شئ
الزوليه منظفه والفرش منظف والثلاجه نظفوها وملوها حلويات واغراض والارض تبرق من اللمعان
نوف:أي يا ظهري تعبت
ريم:امشي يالله خل ننزل طلعت الشمس على انه شتا الا الشمس قويه
نوف:الساعه كم اللحين
ريم:الساعه 12
نوف:يوووه خل بروح انا انام مانمت زين كله بسبتك وبالليل الوعد
ريم:ان شاء الله يلا باي حياتي
نوف:باي
وراحت ريم لبيتهم واول مادخلت جتها ريتا
ريتا: ريم انتا وين روح هدا فطور زمان خلص
ريم:يووه من الحماس نسيته جيبيه لي فوق بغرفتي
ريتا:تيب
وراحت ركض ريم لغرفتها
واول ما دخلت راحت ولعت لها موسيقى هاديه وبدت ترقص باليه لانها في بريطانيا كانت داخله معهد بالية
وهي ترقص دق الباب
ريم:ادخل
دخلت ريتا وحطت لها الفطور على الطاوله وطلعت وسكت الباب
ريم اول ما شمت ريحة الاكل عصافير بطنها بدت تصارخ ?
وراحت ركض تاكل وبعد ماترست بطنها غلبها النوم وراحت تنام
الساعة 6 المغرب
كانت جالسه على سريرها ومعاها الابتوب داخله الشات وكل شوي تعلى ضحكاتها
لاحظة من تحت الباب ظل اقدام واقفه وبسرعه طلعت من الشات وفتحت قوقل وبعد ثواني
طق طق طق >> دق الباب
:ادخل
:ها يمه نورة قمتي
نورة:ايه يمه اللحين المغرب اكيد قمت
ام صالح :اجل يلا انزلي اجلسي معانا
نورة : لا يمه مالي خلق وبعدين جالسه على النت بشوف النتايج ومتى يفتحون التقديم على الجامعه
ام صالح : خلاص براحتك
وطلعت ام صالح من الغرفه وسكت الباب وراها
وفتحت نورة الشات من جديد

جلست ريم على السرير: اووووف والله طفش
وراحت لتليفون غرفتها ودقت على نوف
نوف:......
ريم: الوووو نوف
نوف:...
ريم: نوووووووووووووووووووووووووووووووووف
نوف:هااا
ريم: لا يصير للحين نايمه
نوف:اووف وش تبيين
ريم: قومي يادبه قومي وجع كل هذا نوم يا جعلك ما تنومين لشهر قومي يامال الضربه
نووف: اوووووف وش بك انتي بعد خليني بنام
ريم: قومي ولا جيتك بس هالمرة بسوي لك اعصار ريتا
نوف:هههههههه تسوينها
ريم: يلا قومي بدق على بنات خالي واقولهم يجوون وجيبي معاك اختك ملاك
نوف:طيب بــأي .. وسكرت الخط
ريم: صدق حمارة سكت بوجهي.. اراويك يانوييفوه
ودقت ريم على نورة
نورة: هلا هلا .. هلا بالقمر
ريم: وش عندها ....
نورة : هههههههه ماعندي شئ
ريم: طيب يالحلوة ترى شلتنا رجعت الوعد بعد شوي بمقرنا
نورة:فله رجعت المظمه الارهابيه على قولت جدي ابو خالد
ريم:ههههههههههههههه كل ماشافنا متجمعات" تعوذ من الشيطان"ياحليله
نورة:هههههههههههههههه يلا ثواني البس واجي
ريم: بس ها لا تجين ويدك فاضيه
نورة: افا عليك انا نورة الكريمه مو نوف الطماعه
ريم:هههههههههههههههه ياحياتي حتى اول مرة تبي تصير فيها كريمه دفع عنها واحد ههههههه شكلها ما ياهل
نورة:هههههههههههههه بسك حش لا تصيرين مثلها
ريم: بسم الله علي .. الا لا تنسين قولي لتهاني تجي هالعانس جالسه بحلوقنا عيت تتزوج
نورة:ههههههههههههههه اسكتي لا تسمعك والله كان تفجر فيك وفيني وبالمقر ههههههههه
ريم: ههههههههههههههههه طيب يلا لا تتاخرووون وتراي جايعه بنطلب من برا جيبوا فلوسكم
نورة:هااا بدينا بالطمع هذا اخر اللي يحش بالناس
ريم:هههههههههههههههههههه توبه توبه خلاص وعلي الحساب بس تعالوا يلا
نورة: من عيوني
وسكرت منها الخط
كانت ريم لابسه شورت جينز لونه بيج وبدي اسود
قامت من السرير ونزلت وهي تركض لتحت
ريم: ماما ماما
ام نواف: هلا ريم انا هنا >> كانوا جالسين بزي الغرفه المفتوحه على الصالة وهذي الغرفه اللي دايما يجلسون فيها
ريم: مساء الخير
كان جالس ابو نواف ونواف وريهام اما رآما ويوسف يلعبون بليستيشن بالغرفه اللي بجنبهم
الكل: مساء النور
ريم: ماما انا برووح بيت جدي وباخذ معاي بعض الحلويات اللي في الثلاجه
ام نواف: طيب بس وش هاللبس مامتي برد
ريم:ههههههههه لا متعوده وبعد حر ههههههه
ابو نواف: لا تزعجين ابوي ترى ياويلك
ريم راحت عند ابوها وهي تركض وطبت عليه وخمته: واذا ازعجته بطقني يعني
ابو نواف شد اذنها وقال لها : لا ماراح اطقت لكن بحرمة تروحي هناك مرة ثانيه
قامت ريم من عليه بسرعه وتخصرت : لا والله
نواف:هههههههههههههههههههههههههههههههههههاي ايه يبه احرمها
ريم: كذا يبه تشمت العذال فينا
ابو نواف:هههههههههه تصدقين ما ينفع اخليه يتشمت فينا خلاص روحي وازعجي اللي تبين
ريم:ههههههههههههه
وخذت المخده من جنب ابوها ورمتها على نواف وجت في راسه
قام نواف معصب يلحقها وهي تضحك وتركض تهج منه
ريم وهي تمد له لسانها : اتحداك تمسكننننننيييييي
نواف: تعاااااالي والله لا اورييك
وتزلق ريم وبغت تطيح ويجي نواف طاير من وراها ودوووب يصبخ فيها ويطيحون ويتشقلبون وينتهون تحت رجل ابوهم
راح ابو نواف مسك بيده اليمين اذن نواف وبالسيار اذن ريم: انتوا متى بتكبروون شوفوا ريهام اعقل منكم
ريهام وهي تضحك ضحكة استفزازيه لهم: ايه والله مادري متى يصيرون مثلي
نواف:بسم الله علي يبه تبيني اصير معقد زي هالمعقدة هذي لا ضحكة كنه صايره معجزه
ريم :ههههههههههههههههههههههههههههههههههه
ويقوم ابو نواف ويشد اذنيهم ويجرهم وهم يصارخووون
نواف وريم:اييي يبه ايي اذني توووبه خلاص مانعاودها
ويروح ابو نواف لام نواف: ها يا أمل اتركهم
ام نواف:هههههههههههههههه
ريم: يمه واللي يعافيك الله يخلييك
نواف:يلا يمه انتي قلبك طيب
ريهام : لا يمه خلهم يعقلون
ريم: انتي انطمي ماتتكلمين الا بمصيبه
ابو نواف وهو يضحك على اشكالهم: ها يا امل اتركهم
ام نواف: ايه هذوول عيالي قطعه مني اتركهم
وتركهم ابو نواف وراحوا ركض لامهم ويخممون فيها ويبوسونها من كل مكان
ابو نواف وهو ميت من الضحك:هههههههههههه .. وانا ماينوبني من هالحب شئ
قلبت بوزها ريم ولف وجهه نواف وقالوا كلهم بصوت واحد : لآ...
الكل:ههههههههههههههههههههههههههههههه
ابو نواف: طيب طيب مردوده بس اللحين انا مستعجل بروح للشركه يلا تامرين يام نواف على شئ
ام نواف: لا سلامة قلبك مابي الا سلامتك
ابو نواف: الله يسلمك مع السلامه
الكل: مع السلامه
ريم:يوووه اخرتوني على البنات اكيد اللحين متجمعات يستنوني ريهام ما تبين تجين معانا
ريهام: ملاك رايحة
ريم: ايه قلت لنوف تجيبها
ريهام: انا بكلمها اذا بتروح بلحقكم واذا لا بروح لها
ريم: كيفك يلا بااااي
راحت ريم ركض للمطبخ وفتحت الثلاجه وجايت لها سله وحطت كل انواع الشوكلاتات والعصيرات بالسلة وراحت اخذت من غرفتها عبايتها وطرحتها وطيران على بيت جدها ابو خالد

ريم دخلت عليهم بالسطح لقت نورة ونوف جالسات يضحكوون
ريم: دووم هالضحكه يارب
نورة ونوف: هلا برئيسة شلتنا ههههههههههه
ريم: احم احم ادري انكم بدوني ما تقدرون تسوون شئ
نورة : عن نفخت الراس بس ههههههه
ريم: وين البنات؟
نورة: تهاني تقول راسي يوجعني مالي خلقكم خخخخ
نوف: وانا هالخبله ملاك دقت عليها اختك وقالت لها لا تروحين نبي نجلس بروحنا
ريم: يختي ريهام غريبه ماقدرت للان افهمها يوم انها صغيره مافي احسن منها
اما الان فاحسها متحيونه ..
نورة :ههههههههههههه حلوة متحيونه هههههههههه
نوف:هههههههههههههه الله يرجك يلا بس خل نفلها
وراحت ركض للاستريو وشغلت السي دي
وقامت ترقص وتشد ريم من يدها على شان ترقص معاها راحت ريم وحطت السلة من يدها وبدت ترقص وقامت معاهم بعد نورة
تحت بالحوش كان راكان طالع من بيته يكلم بالجوال مع زوجته فاتن >>اللي مملك عليها
راكان: يابنت الحلال وشبك معصبه
فاتن: لسا تقولي ليه معصبه بالله هاللي سويته ما يعصب
راكان: ابفهم انا وش مسوي
فاتن: مو تقول ان اليوم بتجينا ولا اخرتها ماجيتنا بحجت وشو ان امي كانت تبي تروح للخوالي
راكان: ايه وهذا الصدق امي كانت تبي تروح لخوالي وقالت لي تعال لاني من زمان ماشافوني
فاتن: لا والله اجل بكرة لا تزوجنا اول ما تقول لك امك تعال تروح لها ركض وتخليني
راكان: صادقه انتي يابنت الحلال افهميني هذي امي والله ثم والله لو تبي عيوني ما تغلى عليها
فاتن"لا والله وهذي اولها اجل وش تاليها":انا ما قلت شئ بس انا زوجتك ولي حقوق عليك
راكان : ياحبيبتي فتونه عمري انا احبك واغليك بس ما يصير كذا ماتبيني اجلس ابد ببيت ابوي وغير كذا عيتي علي ابني لنا بيت بارضي اللي بجنب بيت ابوي والله للحين مافهمت عليك
فاتن: مو كذا بس انا مابي احد يتدخل بحياتنا
راكان: ومن اللي بيتدخل يوووووه جننتيني يا فاتن
فاتن: خلاص اسفه حياتي بس لا تزعل
راكان: انا ماقدر ازعل عليك انتي روحي
فاتن بعد لحظات: راكان وينك فيه
راكان:بالبيت ليه
فاتن: تكذب علي
راكان: يااااربي يا فاتن وليش اكذب عليك
فاتن: اجل وش هالاغاني هذي تحسب اني خبله ماراح انتبه اكيد انك بحفله وطلعت تكلمني برا
راكان: فاتن يلا عاد لا تعصبيني قلت لك انا بالبيت
وسكرت فاتن التليفون بوجهه
راكان: ياربييييييي منك
ورجع يدق عليها ولا ردت ويدق مره ثانيه ولا ردت
راكان : عمرك ما تردي اوووف
وتركها ودخل للبيت
ام صالح: يمه راكان وش بك
راكان: ابد يمه مافيني شئ
ام صالح: مادري يا ولدي هالايام مو عجبني حالكم
راكان:هههههههه ومن حنا يمه
ام صالح: انت وريان وحتى نورة
راكان:ههههههه اتركي نورة على جنب هذاهي تردح فوق مع البنات يوم جت ريم جمعة منظمتهم الارهابيه بحقنا هههههههه
ام صالح:هههههههههههههههههه يا فديت مرة ولدي والله
راكان: من مرة ولدك
ام صالح: فديت عيونها ريم مرة ولدي ريان
راكان:هههههههههههههههههههه من اللحين عاد مو اول خل يتخرج وهي توافق همن يصير خيير
ام صالح: وليش ماتوافق ماراح تلقى احسن من ولدي ريان
راكان: وانا يمه
ام صالح:ههههههههه وش بك انت ؟؟
راكان: في احسن مني
ام صالح وتغير ملامح وجهها: لا يمه والله انك احب عيالي اللي دوم تسمع الكلام واللي تخاف ربك وتصلي صلواتك وبار بوالدينك
راكان:اجل ليش الدنيا معاكستني
ام صالح :ليش ياولدي تهاوشت مع فاتن
راكان: لا يمه ماتهاوشت بس هي عقلها مقلوب ماكانت كذا من اول
ام صالح:عادي ياولدي استحملها ترا بعد الزواج تتغير
راكان: الله يعين يارب انا طالع غرفتي تامرين على شئ
ام صالح: لا سلامة قلبك يا وليدي
وراح راكان لغرفته
ام صالح"الله يوفقك ويهدي بالك ويفك عنك الحزن ويهدي مرتك ويعقلها"
نروح عند البنات
ريم: اه تعبت اووف من زمان مارقت كذا
نورة:ههههههههههههه والله فله
نوف: والله من جد
ريم: قولولي وش جديدكم
نوف:احم والله انا اخر البوم لي نزل للاسواق قبل اسبوعين
الكل:هههههههههههههههههههه
ريم: تدرون اني مشتاقه لعمتي حنان
نوف: ايه والله عمتي ما ندري عنها ولا نشوفها
نورة: مو هم مو ساكنين بجنبكم مثلنا
ريم: الا صح ليش هم ماعمروا لهم بيت بجنبنا او على الاقل قريب مننا
نوف: لا حبيبتي هذا عمي عبدالرحمن زوج عمتي حنان رفض يسكن بجنبنا
اولا لان ماهو غني زي منتي عارفه موظف بنك صح ان مو قاصرهم شئ وحالتهم الماديه جدا ممتازة لكنه على كلام عمتي انه مايبي عياله يتعقدون لما يشوفون العز اللي عيال خالهم عايشين فيه
ريم: والله غريب هذا نورة وعادي لا تعقدت ولا شئ
نورة:ههههههههههههههههه وجع ان شاء الله وبعدين حبيبتي لا تنسين ابوي من عائله غنية مو مثل رجل خالتي حنان على قد حالهم
ريم: مو حنا ما ندري وش الدنيا مسويه فيهم حتى ولد خالتي ثامر من زمااااااااااااان ما شفته
نورة:الله اكبر اللي يسمعك يقول حنا اللي 24 ساعة نشوفه .. يختي تصدقين ان من 6 ابتدائي ما شفته لو يمر بالشارع ماعرفه
بس اسمع انه جا للعزيمه لكن ولا مرة شفته
ريم: تدرين عاد امي تقول لي كان كثير نواف يجيب ثامر ينام عندنا وانا مسافرة حتى عمي وليد كان دايما ثامر معه ولا بعد اليوم على قول جدتي ام خالد انه بينوم عند وليد
نوف: وش رايك اجل نشوفه
ريم ونورة:هههههههههههههههههههههههه
ريم: والله فله خل نشوفه جد
نورة: طيب مع ان عندي احساس انه شيفه ههههههههه بس شلون بتشوفونه يالاذكياء
ريم: خلوني افكر ..... بس انا ماعرف افكر وانا جوعانه
نورة: اجل اطلبي من المطعم خل يجيبون لنا شئ ناكله ترى انا من قمت من النوم ماكلت شئ
نوف: وانا بعد
ريم: طيب ثواني بنزل ادق على المطعم من بيت جدي
نورة ونوف: طيب
وراحت ريم وخلتهم
نورة اخذت الابتوب وافتحته
نوف:وش عندك ؟؟
نورة:ابد ابدخل الشات
نوف: وش عندك طايحه بالشات ماخبرها من عوايدك
نورة: لا والله اني ماحبه كله قلت حيا ومسخره بس قابلت لك واحد اااااااااه يا نوف يجننننننن
نوف:لا والله وش اسمه
نورة: اسمه خليل الروح
نوف:هههههههههههههههه تذكرت ميرنا وخليل ههههههه
نورة:بلا عبط
نوف:وانتي وش اسمك
نورة:ميرنا هههههههههههههههه
نوف:هههههههههههههه والله
نورة: لا استهبل اسمي شذا عطرك
نوف: وش هالحركات طيب شلون تعرفتي عليه
نورة: كنت مرة طفشانه وانتي حظرتك رايحه لبنات خالتك وكل صديقاتي مشغولات
قلت ادخل شات اسلي نفسي
ويوم شفته وبديت اتكلم معه وخقيت على شخصييته عجبتني مرة حسيته جنتل مان
نوف: ياعيني ياعيني وبعدين
نورة: ولا ابلين بديت ادخل كل يوم الشات بس على شان خاطر عيونه واذا مو موجود اطلع وعلى هالحال
نوف: واخرتها يعني
نورة: وش اخرتها ترى كله لعب بلعب استهبال مزح تضييع وقت
نوف: والله مدري عنك بس ترى اللي تسوينه كله غلط
ريم: وش الغلط
نورة ونوف: بسم الله متى جيتي
ريم: طلبت وهذاهم بيجيبونه بس اخلصوا وش هالغلط اللي سوته نورة
نوف:تعالي شوفي يا ستي نورة هالايام طايحتلنا بهالشات
ريم: Oh My God are you crazy??
نورة: وش بك وش فيها هذا انتي عندك شباب بالمسن وعادي
ريم: نورة come on انا هذول اصحابي بالمدرسه وبعدين تقارنين هالاجانب في السعوديين يختي هذول الاجانب عادي صديقتك بالمدرسه مثل اختك متعود لكن السعودين ماعندهم هالنظرة عندهم بنت وتكلمني لا اكيد البنت صايعه
نورة: ماعلي من احد انا كذا مستانسه
ريم: بلا هبل نورة بكرة تندمين
نورة: دام اني ماراح اسوي شئ خطا ليه اندم كله تضيع وقت
ريم: انتي حرة وبس , طيب واخر تضيع الوقت وشو اخاف يصير ضياع
نورة: لا تخافين علي ماني خبله ولا اني هبله ولا احد يقدر يلعب علي وبعدين زي ماقلت لك مافيها السالفه نهايه هذا كله تضيع وقت
ريم: نوف قولي لك كلمه
نوف: انا قلت لها وهي حرة
ريم: تدرين شلون براحتك سوي اللي تبين
وتدق رنه مسج
ريم: جوال مين
نوف: هههههههه جوالي
نورة: حركات من مين
نوف: من حبيبي
ريم: ايا الصايعه وماعلمتيني , اقولك ماله اخو
الكل:ههههههههههههههههههههههههه
وتفتح نوف الرساله
نوف بقلبها"وش هالرقم الغريب"
الجزء الرابع:

تدق رنه مسج
ريم: جوال مين
نوف: هههههههه جوالي
نورة: حركات من مين
نوف: من حبيبي
ريم: ايا الصايعه وماعلمتيني , اقولك ماله اخو
الكل:ههههههههههههههههههههههههه
وتفتح نوف الرساله
نوف بقلبها"وش هالرقم الغريب"

وتقراها"وين الي عني راااح خلاني بأحزاني
قلبي ملاه جراح وابعد وخلاني
ماشفت بعده افراح والهم اظناني
خلى في قلبي رماح واليوم جافاني"

وتفقع نوف ضحك
نورة:ههههههههههههههههههه وشبك تضحكين
نوف: اقرأوا هالرساله
وتاخذ الجوال ريم وتطب فوقها نورة ويقرووونها
ريم: ياعيني ياعيني من من هالرساله
نوف:ههههههههههههههه شكله طلع صدق حبيبي
نورة:حركات عندك معجب سري وماقلتي لنا
نوف:مدري عنه شكله مضيع العنوان
ريم: اقولك ارسلي له ..من؟؟.. يمكن وحده من صديقاتك
نوف:لا يختي اخاف خل اطنشه اخاف ولد
ريم: قوي قلبك وخل نستهبل
نوف: تيب واخذت الجوال وارسلت له من معي؟؟
وبعد دقيقة ارسل نفس الرقم مسج ثاني
نوف: جا الرد وكلهم طبوا فوقها وفتحت الرسالة وكان مكتوب فيها

"طير ولقا له جناح
قلبي بكا له وناح
الدمع ياما ساح
ماحد واساااني
دمعي على ثوبي طاح
واصبحت غرقاني
والقلب نادا وصاااح
يكفيك هجراني
طيفه بعيني لااح
من نومي صحاني
ياللي وانا مرتاح
يابعد خلاااني"

ريم:هههههههههه ياعيني شكل الاخ طربان
نورة:ههههههههههه لا والله سكران
نوف: اقولكم خل برد عليه بأغنيه وش اقول له
ريم:اممممم ارسلي له قررت اموت بحبك
نوف:لا مجنونه انتي اخاف يصدق عمره
الكل:ههههههههههههههههههههههه
نورة : طيب وش رايكم بـمعجبه حقت منى امرشا
نوف: ايه هذي تنفع

وكتبت له:

لاعيوني لمحت له لا هلا ولا مرحبا
مدري من وين طلعت له فكرت اني معجبة
ابراحته سوى الحكايه انه هو شخصيه تنحب
شكلي والله بالنهاية بكتشف هو اللي معجب

وارسلتها
البنات:ههههههههههههههههههههههههه والله من الرجه
وكلهم جالسين منتضرين الرد يطالعون بالجوال وبعد عدت دقايق جاهم الرد

نورة:بسرعه بسرعه افتحي
وتفتح نوف الرساله

"حيرتني باسمك ومن كثر اساميك
مهمتي صارت باسميك صعبة
اجمل صفات الحب لاقيتها فيك
قلبي ارتوا من طيب قلبك وعذبه
باي اسم ودك ياحبيبي اسميك
قولي حبيبي أي منهم تحبه"

....

نورة: باسم الوفا وبس طيبك اناديك
كل اسم له عندي معاني واحبه

وقامت ريم ترقص
نورة ونوف: ايوه عاشو عاشوا
الكل:ههههههههههههههههههههههه
نوف: والله من جد طربان
ريم: لا بعد يسال عن اسمك هو وخشته
نورة: اقول ارسلي له محد مضيعني غيرك حقت نبيل
ريم: لا تو الناس عليها اصبري خل نحمي الجو اول
نوف:هههههههههههههههه تيب وش ارسل
ريم:اممم على مين تلعبها
نوف: تيب

" على مين تلعبها على مين يابن الناس
عيوني تعذبها ولا ترحم الاحساس"

وبعد دقايق جاها الرد


فتحت وهم كلهم يضحكون يبون يشوفون وش رد عليها
لكن بلحظات انقلب وجه نوف وكأن في الرد كارثه ومن الصدمه طاح الجوال من يدها
نورة وريم تغير وجههم لما شافوها كذا
ريم: وش بك وش رد عليك
نوف ولا كن احد يكلمها
راحت نورة واخذه الجوال وبرضوا نورة انهبلت
ريم: نورة وش في
مدت لها نورة الجوال وقرأت ريم

"العبها عليك يا نوف بنت خالد بن صالح العالي"

ريم انقلب وجهها وبعدين ابتسمة :هههههههههههه الله يرجكم تلاقينها وحده من صديقاتك
نوف:لا ماتوقع
ريم: بارسل له من انت
وارسلت له
وبعد دقايق جاها الرد كلهم راحوا لريم اللي معاها الجوال

" أنا اللي بجيب راسك يا بنت ابوك أنا بدر بن عبدالله الرافع"

ولما قرات نوف الرسالة بدت تبكي والبنات راحوا يهدونها
نوف وهي تشاهق من البكي : هذا هـذا بدر ال..لي بالمطعم
ريم: روقي يا نوف اهدي وش بك قولي لا اله الا الله ماصار الا الخير
نورة:معليش اهدي ماراح يقدر يسوي لك شئ
ريم: ايه نورة صادقه ماراح يقدر يسوي لك شئ
نوف:ماشفتوا شلون جاب رقمي اكيد اكيد بيسوي لي مصيبه
ريم: لا وين حنا البلد مو سايبه مافي قانون
نوف: هذا ولد الرافع أي قانون بيوقف بوجهه
نورة: لا تقولين كذا وانتي بعد بنت العالي
نوف: وش يسوون العالي قدام الرافع وغير كذا هذا شراني والله يسوي اللي يبي ولا احد يقول له ليش
ريم: لا هذا بالحركه اللي سواها بس ارسل لك اشارة يعلمك فيها ان انا قادر اجيب رقم جوالك
نوف:ياويلي ياويلي وش يبي هذا مني
راحت ريم وارسلت له من جوال نوف رساله

"انت وش تبي مني بالضبط"

وبعد 4 دقايق بالضبط جاهم الرد
ريم وهي تقرا بصوت عالي الرد: ابد سلامتك مابي غير اني اكسر خشمك
نوف: ااااااااااااااااااااااااه وانا وش مسويه له والله ماسويت له شئ كل هذا على شان رديت عليه
نورة:هالنوع هذا متكبر ومايحب احد يتحداه وانتي تحديتيه
ويرن جرس الباب كل البنات خافوا
نوف بدت تصارخ : هذا هو هذا هوو
ريم: اوووص فضحتينا وش هو مجنوونه انتي
وتجيهم الخدامه :هذا مطعم يجي
ريم:ايه نسيته خوذي هذي الفلوس
وراحت الخدامه
نورة :من اللي له خلق ياكل
نوف: اللحين وش اسوي
ريم: لا تسوين شئ احقريه ولا تعبرينه ومهما سوى لا تردين عليه وعيشي طبيعي
ترى كله كلام في كلام ولا يقدر يسوي لك شئ
نوف: الله يستر
ريم: الله جا الاكل يانا جوعانه
نوف: صدق فاضيه
ريم: يا عمري روقي وتعالي كولي يلا
وتجيب لهم الخدامه الاكل
ريم: يلا نوف
نورة: تراه على حساب ريم قومي
الكل:هههههههههههههههههههههه
وقامت نوف تاكل وتناست الموضوع

عند الشباب كان وليد جالس مع نواف
ويدق جوال وليد

وليد: هلا وغلا ومرحبا باللي مطيرة النوم من عيني
لميس: هلا حياتي .. بس انا زعلانه منك
وليد: افا وانا وليد .. وش مزعلك مني
لميس:انت منت زي اول لا تسال علي ولا تكلمني ماتتذكرني الا لما انا ادق عليك
وليد: لا عاد حوبي بس انا مرة مشغوول هالايام مع الاهل واللحين انا مع الشباب يعني ماقدر اطول معك بس قمت عنهم شوي على شان اسمع صوتك لاني مشتاق له
لميس: مشتاق لصوتي بس
وليد: افا وش يسوى الصوت من دونك
لميس: فديت قلبك .. دايما تسحرني بكلامك
وليد: احبك
لميس: يووه عيب
وليد:احبك
لميس:...
وليد: اقولك احبك
لميس: وانا بعد
وليد: وانتي وشو
لميس: ياربي ولييييييييييد
وليد: اقولك انتي ووشو
لميس: احبك
وليد وهو يصارخ: اااااااااااه احبك احبك احبك موووواااااااااح
لميس :خلاص عاد استحي
وليد: يلا حوبي انا لازم اسكر
لميس: طيب يلا باي
وليد: وين وين مانسيتي شئ
لميس:ههههههههه مواااااااح
وليد: ايه اللحين تمام يلا باي
لميس: باي حياتي


نواف:والله والله لومو قدامي ولا خابزك وعاجنك كان قلت عليك تموووووت فيها
وليد:هههههههه مو هذي سر المهنه
ويطب عليهم مهند صديقهم: والله ان وليد مهبل بهالبنات
وجو الشباب على السيرة
ريان:مو هالفعايل كلها بسبت اسيل
ويمسك ريان فمه كانه متندم على زلة لسانه
مهند:من هذي اسيل
ويعصب وليد ويقوم من مكانه
نواف:وليد اجلس
وليد: لا انا متظايق بطلع اشم شوية هوا وراجع
وراح وخلاهم
نواف وبعصبيه: مهبووول انت ريان وش اللي قلته
ريان: ياخي مادري زلة لسان بس ماتوقعت انه للان متاثر بالموضوع
نواف:ماتعرفه يعني
مهند: فهموني وش السالفه
ريان: اجلس اجلس انا اقولك
نواف:اوووووووووووه ياشيخ انت مامنك فايده اقوم له اشوفه احسن
مهند: وش به هذا بعد
ريان: اسمع ياخي هذي اسيل وحده كان يموت عليها وليد ابتدت قصة حبهم من يوم انه كان بالمدرسه مرة من المرات ايام طيش الشباب رقمها بالسوق وبدا يكلمها
اعجب فيها وحبها لان حسها طاهره وان هي اول مرة تكلم ,الولد صار مجنون اسييل كل العايله عرفت بهالاسيل وكلم امه ان تخطبها له بس طبعا امه قالت لين تخلص دراسه وتدخل الجامعه طبعا ظل يكلمها ويقابلها وهو انسحر فيها ماقدر ينساها كان مخلص لها بكل جوارحه كنا انا والشباب نطلع نغازل وهو كان معصب ويهاوشنا ومرات كثييرة مايطلع معانا كل هذا على شانها
مهند: لا لا لا ماصدق وليد كان عاقل ,طيب وش صار على اسيل هذي
ريان: اه بس ياخوي لو تدري ,من زمان كان لوليد عنده صديق اسمه نايف بس وش هالنايف كان اخو وليد اللي ماجابته امه كان صديقه من 6 ابتدائي عاشو مع بعض اكلوا مع بعض نامو مع بعض روحهم متعلقه ببعض حتى لو واحد منهم تعب الثاني يتالم معاه كنا دايما نغار من علاقتهم مع بعض لين صار اللي صار
مهند: وش اللي صار
ريان: ياخي ماودي احكي قلبت علي المواجع
مهند: لا الله يخليك تحمست بالسالفه وش اللي صار قلي
ريان:هذا نايف كان دايما ينبه وليد من اسيل ويقول له لا تثق فيها وتراها ماتنفع لك ويحاول دايما يبعدهم عن بعض
وكان وليد دايما يطنشه ويسفهه لانه يحبها وميت فيها وكان دايما يقول له انا واثق فيها اكثر من نفسي,فمرة من المرات في الجامعة طلب نايف من وليد مفتاح شقته فطبعا عطاه اياه من دون ما يساله لان هو مايستخدم الشقه كثيير يمكن من شهر لشهر يروح لها وبرضوا لان هذا صديق عمره اللي اغلى من روحهه
وقال له نايف ان بيجلس فيها كم يوم لانه متهاوش مع اهله وتارك لهم البيت وطبعا وليد صدقه وكانت هالسالفه تتكرر كثيير كان دايما يجي ويطلب منه المفتاح,في يوم من الايام بوقت مرة متاخر كان وليد جالس معانا وكنا نتناقش في مشروع كنا بنسويه وطلبنا منه ملف الدراسه اللي هو مع وليد فقال لنا وليد انه بالشقه ثواني بيروح يجيبه ويجي كلنا قلنا اوكي
فراح بسرعه للشقه وفتح الباب بالمفتاح الاحتياطي اللي معه لانه مايبي يزعج نايف اكيد نايم الان,ودخل شوي شوي على شان مايقوم نايف وهو داخل سمع صوت ضحكات طبعا وليد تضايق بنفسه لان مايحب حركات الصياعه البنات وقلت الحيا وكمان مايبي في يوم يخون اسيل وحتى لو بنظرة لاي بنت فتحرك بسرعه وليد ودخل المكتب حقه يدور على الملف ومالقاه فتذكر انه حاطه بالخزانه اللي بغرفه النوم هنا ابتلش وش يسوي فقال احسن شئ ادق عليه جوال واقوله اني برا واخليه يجيب لي الملف ودق عليه من جواله وطبعا بما ان الشقه صغيرة فالاصوات واضحه اول مادق جوال نايف وقفت اصوات الضحك ولقافه من وليد بدا يسمع وش يقولون
نايف:يوووه من اللي داق
البنت: من حبيبي
نايف: يووه هذا وليد
البنت:هههههههههههههههه صدق انه خبل
نايف: والله انه حمار
هنا وليد انصدم من صديق عمره وش جالس يقول عنه
نايف حط سايلنت وجلس يسولف مع البنت
البنت:انت ليش للحين مصادقه
نايف:تعرفين المثل اللي يقول خلي صديقك قريب بس عدوك اقرب
البنت: مادري ليش انت للان معاه ياخي هذا ما ينطاق
نايف: والله يا عيوني اللي مصبركي مصبرني
البنت:ههههههههههههه انا اللي مصبرني جيبه
نايف: وانا اللي مسكتني ومصبرني برضوا جيبه
البنت:طيب لمتى وحنا كذا
نايف:اسيل يا عمري لازم نصبر لين ناخذ اللي نبيه
اول ماسمع وليد اسم اسيل انهبل وكأن نار وانشعلت بصدره بس تعوذ من الشيطان وقال اتاكد ودق على جوالها والمصيبه لما رن جوال البنت اللي بالغرفه
اسيل: اوص نايف هذا وليد خل برد عليه .. الو هلا حياتي
وليد وحاول يمتلك نفسه ويتكلم بصوت واطي على شان مانفضح:هلا اسيل وينك فيه
اسيل: ياربي ياحبيبي ويني اكيد بالبيت ولا بعد واحشني ومشتاقه لك موووت
وليد: اهااا تيب اجل مع السلامه
اسيل: وش بك حوبي تبي شئ
وليد: لا ابد سلامتك

وسكر الخط
اسيل:اوف هالنكدي متى افتك منه

ومازال وليد يتعوذ من ابليس ومو متاكد يقول لا اظلم البنت كل هذا من زود حوبه لها وراح خلاص بيجن مو قادر يستحمل اكثر وهو يسمح اصواتهم راح وفتح عليهم الباب واول ماشافوه انصدموا لكن مو كثر صدمت وليد كان عنده امل انه يتوهم لكن الان طار اخر امل كان متعلق فيه

نايف: وليد اصبر خل افهمك
ولاول مرة تنزل دمعه على خد وليد دمعة الم دمعه ندم دمعة رجل انجرح وانهانة كرامته دمعة رجل انكسر كبريائه دمعة رجل فقد اغلى شيئين يمتلكهم بقلبه وعايش على شانهم اعز اصدقاءه وحبيبته اكتفى بس بنظرة حزينه تحكي الف سؤال وسؤال بعينه
ليه ومتى وكيف وشلون؟؟ كل هالاسئله كانت بعيونه وكانت عيونه تحكي عن الالم اللي سببوه وحفروه بقلبه ناظر كل واحد فيهم بنظرة وحيدة يتيمه وكأنه يناظرهم لاخر مرة بحياته وكان برضوا بنظرته كان يودعهم لف ظهره ومشى مو عارف وين يروح وكأنه مخدر مو قادر يمحي صورتهم الاثنين على السرير وهم من دون ملابس مو قادر يشيل من باله صورة اسيل البريئه اللي حبها بروحه وقلبه واخلص لها كل هالسنين مو قادر يشيل صورة فرحته وهو يحكي عنها لامه بان هي اللي اختاره قلبه تعيش معاه وتصير ام عياله مو قادر ينسى كم مرة ومرة ضحى على شان اعز اصحابه كل هالافكار كانت براس وليد وبينما كان نايف يلبس ملابسه ويركض يلحقه ويتكلم معاه بس وكأن وليد مو بهالعالم بعالم ماقد شافه عالم الخيانه والغدر والطعنات ابد ماتخيل اعز اصحابه مع حبيبته
رفع راسه ريان يشوف مهند لقى الدمعه على خده بكى ريان وقال له:المصيبه ان بعد ماطلع من عندهم كأنه قرر ينتحر وينهي حياته كان طاير بالسيارة بسرعه جنونيه لين سوى حادث ودخل تحت تريله بس ربي سبحانه وتعالى كان كاتب له الحياة من اول وجديد طلع منها وكانت حالته خطيرة وكانه استسلم واكتفى من المحاربه للبقاء سوله 4 عمليات كل وحده ورا الثانيه كل الالم اللي حس فيه مايجي قطرة من الالم اللي بقلبه الكل كان مو عارف ليش كذا وش اللي صار واللي زاد عذابنا ان هو رافض يتكلم تخيل من يوم ما فتح عيونه بالمستشفى مانطق ولا كلمه بس يشوفنا بعيونه وساكت فقال لنا الدكتور انها مشكله نفسيه المصيبه ان صديقه نايف جانا على المستشفى يتطمن عليه واحنا ماكنا عارفين شئ فيوم دخل على وليد اول مرة يتكلم من يوم ماطلع من الحادث وقال لنا طلعوا هالحقير لبرا وقتها انصدمنا كلنا انصدمنا لما ركض له نايف وهو يبكي وغارق بدموعه وحب رجله وقال له سامحني ياخوي سامحني يامي وابوي بس انا حاولت كثيير احذرك منها بس انت ماسمعتني رد عليه وليد :اطلع برا مابيني وبينك كلام انت اللي ذبحتني اطلع براااا
وقتها طلعناه برا الغرفه وسالناه وش السالفه لكنه مارد علينا وراح وخلانا
ورجع وليد لحالة الصمت اللي هو فيها وبعد حوالي 4 اسابيع طلع من المستشفى وهو مازال في حالة صموته قرر عاد جدي ابوخالد يسفره برا يتعالج وطلعوه عند افضل دكتور نفساني والحمد لله تعالج لكن هالجرح مابرا للان زي منت شايف بدا يشوف البنات وحوش وكلهم خاينات ويستاهلوا الذبح وبدا يلعب عليهم على شان يطلع حرته كل هذا على شان اسيل
مهند وعينه فيها الدمعه: بسك خلاص قطعت قلبي معقوله كل هذا شافه وليد بحياته
ريان:اه بس مو تشوفنا ساكتين له ومدارينه بس المصيبه انه علم نواف على الصياعه وصار هو وياه شلة الفساد بينا
مهند: والله انه مسكين مالومه زين انه مسك اعصابه وما ذبحها
ريان :الحمد لله على كل حال بس وين اول وين اللحين اول شئ واللحين شئ الحمد لله من اول كنا نخاف نتركه لحاله نخاف ترجع له فكرة الانتحار بس اللحين الحمد لله تجاوز المحنه

في الحديقه الخارجيه كان وليد جالس على الطاوله سرحان جاه نواف وجلس عنده
نواف: وش تفكر فيه ياوليد
وليد:ابد افكر بهالدنيا
نواف:يوه اللي يسمعك يقول هذا عمره 40 سنه
وليد:اللي شفته بهالدنيا كبرني عن عمري بـ20 سنه
نواف: روقها ياخي ولا تكدر عمرك ترى هالدنيا ماتسوى
وليد: نواف انا ضايقه الدنيا فيني مو عارف وش اسوي بروحي يصوبني الم مرة كبير وحالتي النفسيه مرة مكتأبة
نواف:وليد لا يصير تفكر بـ
وليد:مهبوول انت استغفر الله لا ياخي اعوذ بالله هذاك كان فترة وعدت بس انا ظايق يا نواف ولا احد بهالدنيا يفهمني كثرك انت عارف انا وش احس فيه ياخي انت صرت اغلى من روحي
نواف: والله ياوليد والله انك انت بعد اغلى من روحي انت اعز اصدقاي انت اخوي انت حتى امي وابوي انا ماتخيل اعيش بدونك
وليد وعيونه مدمعه: فديتك يانواف والله من دونك كان ماعرفت اعيش بهالدنيا
نواف:ايه وينها لميس اللي قبل شوي تتغزل بها خل تجي تشوف
وليد:هههههههه وش لميسه ذي بعد لا ياخي انت تسوى 10 مثلها
نواف:لاوالله بس 10
وليد:ههههههههههه ولا تزعل مليون لو تبي
نواف:ههههههههههه اقول قم بس خل نروح نفلها
وليد:لا اجل بس مالي خلق ,الا صح تذكرت وش صار على هذيك البنت اللي جبتها عندي بالشقة
نواف:يوووه مادري عنها من امس لا كلمتها ولا شفتها من بعد مارجعناهم
وليد:اقول خل نكلمهم ونقولهم السالفه
نواف:طيب كلمهم
وليد:لا انت كلمهم من جوالك لانها تعرف رقمك

وطلع نواف جواله من جيبه ودق على ملاك
نواف:ماترد
وليد :ارسل لها ردي ولا ترى بنشر الصور
ويرسل لها نواف
وبعد دقيقتين يدق عليها

ملاك وهي معصبة:خير وش تبي
نواف:ابد انا مابي شئ بس وليد هو اللي يبي
ملاك:وخير هذا بعد وش يبي

وعطى نواف وليد الجوال

وليد:هلا بالعروس وش لونها
ملاك وهي تبكي :أي عروس انتم حتى هالحلم دمرتوه
وليد:شوفي يابنت الناس انا بالعادة مو بسوهلة اقول هالكلام لكن دايما اطلع عين الوحده قبل ما اعترف لها لكن انا مالي خلق لك وتعبان ومصدع وابي اخلص من هالسالفه
اسمعيني زين ولا تقاطعيني انا يابنت الناس وربي شاهد علي مالمست شعرة منك انتي للان بنت وست البنات بعد
ملاك:حضرتك تستهبل
وليد: لا ماستهبل وانا اعرف وش اقول انا سويت هاللعبه مع نواف بس على شان ابين لك ان ممكن أي احد ياخذ اللي يبيه منك وهمن يرميك وهذا زي الدرس الصغير لك ولصاحبتك على شان ماتعاودونها ومو كل مرة تسلم الجره حبيبتي انتي بنت زي ماقلت لك وكل هاللي شفتيه واللي صار كله لعبه + تمثيل وهذا الدم ترى دم غزال ومو دمك واذا مو مصدقتني انا مصور كل شئ ولو حابه اوريك اياه انا ماعندي مانع
ملاك:وليد تتكلم بجد
وليد:ورب البيت ماكذب عليك
ملاك وهي تبكي من الفرح:احلف والله يعني انا لسا بنت يعني انا لسا عذرا
وليد:ايه انتي محد لمسك
ملاك وهي تشاهق من البكي:شكرا شكرا الله يوفقك يارب بس ليه تسوي كذا حرام عليك ليه تلعب علي بالشكل هذا
وليد:شوفي انا كنت بس بسوي لك قرصت اذن على شان ماعاد تعودينها واتمنى انك فعلا ماعاد تكررينها
ملاك:والله توبه وربي توبه لا اجلس ببيتنا واقفل علي بابي لين يجي نصيبي
وليد:ايوه هذا الكلام الصح يابنت الناس انا عتبرتك اختي وماحب ان اختي تنحط بهالموقف على شان كذا فكري باهلك وفكري بكل هاللي خنتيهم بفعايلك هذي وعلى العموم انا بخلي نواف يرسل لك الفديو على شان تتاكدين اكثر يلا مع السلامه
ويسكر منها

وليد:تصدق والله اني رحمتها
نواف:وليش يعني
وليد:مادري بس حسيتها بريئه مرة والله حسيتها بتطلع من التليفون تبوس رجلي
نواف:هههههههه انت رجعت لها الحياة من بعد ماحكموا عليها بالاعدام من حقها تفرح ولا بعد تموت فرح
وليد:يلا انا بروح للبيت تبي شئ
نواف:تو الناس بدري
وليد:أي توه الساعه 2 ونص
نواف:لا انا بجلس مع الشباب شوي ثم بجي
وليد:طيب
ودخل وليد داخل عند الشباب
وليد:ثـامر
ثامر:هلا
وليد:يلا انا بروح البيت مانت بجاي معي
ثامر:الا بروح
ريان:غريبه ليش وش عندك
ثامر:الاهل بيروحون للدمام اسبوع وانا لحالي بجلس قلت كل يوم انام عند واحد ههههه
ريان:وش هالعله هههههههههههه
وليد:يلا ثامر انتذرك بالسيارة
ثامر:يلا هذاني بجي بس بجيب لنا عصير

وراح وليد وركب سيارته وقعد يطالع درج السيارة لوقت طويل وبعدين فتحهه وطلع منه صورة كانت صورة بنت ملكت جمال كانت ساحرة بشكل مو طبيعي
جلس يطالع فيها ويقول: شفتي يا اسيل هذي ضحيه جديدة وكله بسببك بس صرت احسن منك ومالمستها ماقدرت اخون زيك كل مااسوي مع بنت كذا اتذكر وش سويتي فيني واقول انا ولد العالي احسن منك بمليون مرة ويبوس الصورة ويدخلها الدرج بسرعه ويدخل السيارة ثامر
ثامر:يوه ياهو زحمة ها عسى ماتاخرت عليك
وليد:لا ,لاتاخرت ولا شئ أي واحد عصيري
ثامر:هذا اللي بالمنجا
وليد: لا والله وانت بالفراولة
ثامر:ايه اخبرك تحب المنجا مو الفراولة
وليد:يلا بعديها هالمره بس على شانك
ثامر:هههههه بعد انت وخشمك بتعديها غصب مو بكيفك هههه
وليد: لا والله مافي اجل نومه بالسرير بتنام على الارض
ثامر:لا خلاص توبه هههههههههههه
وليد:ايه خلك سنع
ثامر:والله يقولون لو لك حاجه عند الكلب قله يا سيدي
وليد: نعم نعم طيب يا ثامروووه ان مانومتك بالارض وخليت ظهرك ينكسر ماكون وليد
ثامر:لا الله يخليك خالي اهون عليك

وليد:انت تهون لكن المشكله اختي ماتهون
ثامر:هههههههههههههههههه
وراحوا للبيت

البنات وهم جالسين ياكلون ويلعبون ويغنون انفتح الفراج اللي قدام الفله وكل البنات نطوا يشوفون من

ريم: مو كن هذي سيارة عمي وليد
نوف:الا وشكل هذا ثامر اللي معه
نورة:والله وينه ابعدوا خل اشوفه
ريم:ههههههههههههه وش بك يالمطفوقه
نورة:على شان انا متاكده انه شيفه
نوف:اصبري لين ينزل وبنعرف

انفتح باب السيارة استعدادا لنزول ثامر وبنفس اللحظه انصبخ باب السطح عند البنات فالكل خاف والتفت للباب
الا بجدتهم ام خالد داخله

ام خالد:انتوا للحين هنا
البنات:بسم الله جديتي روعتينا
والكل بدا ياخذ نفس من الرعب اللي سببته لهم جدتهم
[size="4"]
ام خالد:وش جالسين تسوون

نوف:ياجده ابد سهرانات

ام خالد: للحين وجدكم بعد قافل عليكم

نورة:ليش يمه الساعه كم اللحين

ام خالد:الساعه 3 ونص الفجر وانا قمت اتوضى اصلي لي ركعتين

نورة:اوف الساعه 3 ياويلي من امي ماقلت لها بتاخر

ريم:حسافه راحت علينا

وتناظر فيها نورة :وش اللي راح

ريم:المووووزة اهئ اهئ

ام خالد:وش موزته انتي وهي

البنات:ههههههههههههه

نوف:يمه كن جدي يناديك روحي شوفيه

نورة : الا والله اسمعوا يناديك

ام خالد ارتبكت : والله ماسمعته خل اروح له بسرعه ياويلي

البنات يتسدحون من الضحك:هههههههههههه

ريم: ياحليلها جدتي للحين تخاف منه

واول ماطلعت الجده كلهم نطوا على بعض يبون يشوفون العيال

لكن للاسف مافي احد

ريم:يووووووووووووووووه ماشفناه

نورة:هههههههههههههههه احسن

نوف:انطمي انتي

نورة:اقول خل نهج قبل ماتطب علينا جدتي مرة ثانيه

نوف وريم:يلا النحشه

وكل وحده اخذت معاها الاشياء اللي جابوها وطيران على تحت على شان يطلعون

ريم: بنات الباب مقفل

نورة:احلفي وخري خل اجرب

وتحاول تفتحه باقوى ما عندها وبرضوا مانفتح

نورة:مافتح

نوف: والعمل

ريم:اوووووش في احد نازل

ويروحون البنات ويتخبون تحت الدرج بحيث ان محد يشوفهم

ريم:كن هذا خالي وليد ياويلي مفصخ مو لابس غير شورت

كان لابس شورت لونه اسود وكان جسمه مرة خيال مشدود وعنده عضلات ولونه برونز

نورة:ههههههههه وخزياه خالي متفصخ

ريم:يا قليلة الحيا غمضي عيونك

نورة:لا والله حلال عليك حرام علي

نوف:بس ما شاء الله عليه جسمه يخقق

نورة:وانتي الصادقه

ريم:اقول انا مانب جالسه ساعه استنى لين ياذن بروح للبيت قبل ما تقوم امي

نوف:طيب والعمل

نورة:انا جبتها بطلع لخالي واقوله يفتح لنا الباب

ريم:طيب يلا روحي له بسرعه

نورة:طيب لا تدفين

وتطلع نورة من المكان اللي متخبين فيه كانت نورة لابسه قميص نوم قصير ومرسوم عليه دبدوب زي قمصان الاطفال كان شكلها مرة طفولي

راحت تركض له وتبي تخوفه >>تقالها بتسوي اكشن

جت من وراه وصرخة باذنه

نورة:واااااااااااااااااااااااااااااااااااااااااااا اااااااااااااااااااااااااااااااااااااااااااااااااا اااااااااع

كان المسكين يشرب مويه ومن الخوف طار الكاس حوالي مترين وطاح وانكسر وهو شرق مو قادر يتنفس راحت نورة تبي تنقذه لا يصير ضحية بلاويها وبدت تطق على ظهره باقوى ماعندها بغى الولد يموت بس مو من الشرقه من ظربها الا ويلتفت وهو معصب واول مالتفت انهبلت نورة