منتديات قصايد ليل - عرض مشاركة واحدة

06-15-2011

الـــــجــزء الـ 8|~

الساعه 6الصبح .. ( معروف البدو يصحوا من صلاة الفجر )
متعب جالس مع قبلان ..يتناقشون بسالفة مها (ريم)
قبلان .. متعب لين متى راح تجلس هالغريبه مهاا في بيتك ؟
متعب .. لين تتحسن حالتها يا قبلان ..
قبلان ..وما سالت عنها يا متعب ؟؟
متعب .. والله يااخوي ما خليت حد ما سالته لكن يقولون ما نعرفها .. وبلغت في كذا القسم اللي عندنا
وقال ماجانا بلاغ عن بنت ؟؟
قبلان .. وش راح تسوي ؟؟
متعب .. اللي اقدر اسويه هو اني اخلي هالغريبه عندي في البيت ؟؟
قبلان .. لا يولد انا اسبوع راحت عني حرمتي واحس انه سنه .. والصراحه
يامتعب حصه لازم ترجع لبيتها .
متعب .. ادري يا خووي اني تعبتك معاي ومع اختي المسكينه اللي ما تنام الليل بس وش اسوي البنت
مو حرم لي وما اقدر اجلس عندها حتى ..
قبلان .. وليش ما تتزوجها؟؟
متعب بتعجب .. وشهو اتزوجهاا .؟؟ انا مااعرف من هي؟ ومن تكون ؟ومن بنته .. وش اسمها وتبغاني
اخذهاا ..؟
قبلان ..وليش لا .. تستر على البنت .. دحين يبي يصير لها اسبوعين عندك وانت اول واحد شافها ..

متعب يفكر .. لكن يا قبلان .. البنت مريضه وكيف اتزوحهاا؟؟ او استر عليها ؟؟ هي ما تتكلم او طنطق
حرف ؟؟
قبلان .. انت فكر في الموضووع وبعدها قلي ...وترى قلت لك من دحين زوجتي بكره ترجع لي ..
متعب بضحكه .. ههههههه لا تخاف مراح ناكلها يا ولد زوجتك هي اختي ..
تدخل حصه عليهم مع صنية الفطور ..
قبلان .. صح النووم ..
حصه .. يقولون السلام عليكم ..
متعب يضحك .. ههههههههههه حلوه استلم وعليكم السلام والرحمه ..
قبلان .. وعليكم السلام والرحمه .. توك صااحيه في حد يقووم هالساعه ذي ؟؟
حصه .. انا ما نمت عشان تقول لي صح النوم .؟؟ هالغريبه تخلي احد ينام ..من امس وهي تصيح
وما نامت الا على صلاة الفجر ..
متعب .. حتى انا ما ذقت النوم من اصياحها .. لكن صدقيني يا حصه لج الاجر انشاءالله من الله على
اللي تسووينه بالبنت المسكينه ..
يقاطعه قبلان .. الا ايش رايج يا حصه في رايي انه متعب يتزوج هالغريبه اللي سمتيها مهاا ..

حصه .. فكره حلوه .. لكن .. البنت مريضه ولازم ناخذ رايها .. واللي عرفته من متعب ما لقينا اهلها يعني
تصير البنت حرم له ويستر عليها .. الا صج نسيت اقولك امس مهاا صحت وشفتها فاتحه عيونها ..

متعب .. بربك صحت .. !!
حصه .. الحمدالله صحت من فضل ربي وفضل ام مجبل في علاجهااا ..
قبلان .. الحمدالله يعني دحين مافي عذر تتزوجها ..
متعب بصراخ .. ياولد انا ذاابحك ولا ماكل من حلال ابوك شي اصبر خلني اعرف السالفه ..

حصه .. وش السالفه؟؟ الي تبغى تعرفها .. البنت صحت وقامت تصيح من البكى والعوار اللي في ظهرها ..
وقبل ساعه كلمت ام مجبل عشان تجي وتكويها مع ظهرها ..يعني بعد ساعه راح تزورنا ..
وانا دحين سويت لها فطور وراح اصحيها ..

قبلان ..يعني راح تصحيها دحين ؟؟
حصه .. اي دحين ليه .؟؟ انا مسويه لها فطور وابغى اجلس معها قبل لا تجي ام مجبل ..
قبلان .. اجل راح اخلي عذووب تجي هنا ..
حصه .. لا عذوب اختك لا ..
قبلان .. وليه لا .. حصه لا تنسين انه عذووب اختي ..
عذوب عمرها 20 سنه بنت حبووبه وطيوووبه مره .. وتحب السوالف والجلسه عند الحريم ..
حصه .. يا قبلان . اختك بنت حبوبه وطيووبه لكن ما على لساانه ستر .. طالعه زي الحريم تحب تنقل السؤالف..
متعب .. احم احم انا هنا ..
قبلان .. قم بس قم تاخرنا على الغنم والسؤالف النسوان ما تجيب حاجه ..
متعب .. بس انا ما تفطرت ..
قبلان .. وكل هذا ما تفطرت اقول قم ..
متعب .. حصه متى تجي عذوووب ؟؟
قبلان .. وش تبغى في عذووب ..
متعب يبلع ريجه .. لا بس احب اطفرها وارفع ضغطها اشووي .. وقولي لها ياحصه اذا
شفتيها متعب يبغى خبز تنور من يدها ..
قبلان .. علينا يا ولد اقول قم بس قم ..
متعب .. قبلان ضروري نروح للغنم ؟؟
قبلان .. حلالك وانت حر به .. تبغى تجلس اجلس لكن انت الخسران يا متعب ..
متعب .. يالله مشينا خلنا نروح قبل لا تذبحنا ..
حصه بضحكه .. هههههههههههه ياحلوكم وانتوا تتناجرون على هالصبح .. يالله تربكم سمح ..
والله يوفقكم .. ويطلع متعب مع قبلان للغنم ..
وتاخذ حصه صنية الفطور لمهاا ..
حصه تدخل غرفة مهاا .. وتترك الصنيه على جنب
حصه .. مهاا .. مهاا وتمسك راسها ..
ريم تفتح عيونها بشويش ..
حصه .. اسم الله عليك .. يالله قومي اكلي لك لقمه ..
ريم تشوف حصه بنظرات تعجب وتسال نفسها .. انا ويني ومن ذي .. وليش تسميني مهاا؟؟ ..
حصه .. لا تخافين .. انا اسمي حصه .. يالله اكلي لك لقمه .. عشان تشربين علاجك..
ريم ..تحاول تتكلم .. لكن ما تقدر ..
حصه .. لا تتكلمين دحين .. الانك لسه مريضه ..ولازم تاكلين لك حاجه عشان تشفين ونشوف اهلك
وين .؟؟
ريم .. تقول في قلبها اهلي .. امي .. ابوي ..تسقط دمعتها .. وتبكي بصمت ..

حصه .. لا تبكين انا عندك ..وانتي دحين في مكان محدن يدري عنك .. يعني لا تخافين..
ويمكن تسالين نفسك وش جابك هنا ؟؟ اللي جابك هو اخوي متعب .. لقاك في البر ملفوفه
بكفن ابيض كله دم .. ومرميه في البر ومحدن معك
.. ولقاك مجرووحه ومكسووره وجابك هنا ..
ودحين لك اسبوعين تقريبا هنا .. وسميناك مهاا على اسم امي
.. الانه ما عرفنا اسمك ؟؟ الا انتي وش اسمك ..
ريم .. تحاول تنطق اسمها بس ما تقدر .. وهي تشوف المكان البدائي .. وشكل حصه وهي لابسه
البرقع ..
حصه .. مو مهم اسمك دحين لا تتعبي نفسك .. المهم دحين تاكلي الانه ام مجبل راح تجي تعالجك..
ريم وهي تحاول تمد يدها تشوف يدها كلها جروك وتشوف طرف شعرها ابيض .. وبدل ما تاكل
تلمس شعرها بتعجب كيف صار ابيض ..
حصه .. ولا يهمك راح اسوي لك حنه بشعرك واقصه عشان يرد مثل ما كاان .. بس لا تخافي ..
هذا من الخووف صار شعرك ابيض .. دحين اكلي يا مهاا ..وتمد حصه يدها تبغى ريم
تاكل لكن ريم تهز راسها بنفي ..
تدخل عليهم عذووب ..
السلاااااااام عليكم ..
حصه .. وعليكم السلام والرحمه ....دحين وقتك انتي الثانيه .. وش تبغين ..
عذوب .. ولا حاجه بس قبلان قال لي انك يا حصه تبغيني ..
حصه .. وشهو سوااها قبلان .. انا قلت لقبلان مابغااج وش جاابك لي .
عذوب بضحكه .. ههههه ما يهم يا حرمت اخوي ..االا كيفك يالغريبه .. الا صج وش سميتوها ؟؟
ريم وهي تشوف عذوب تذكرها بريم القديمه ريم المرحه والدلوعه .. وتجلس ريم تدمع عينها ..
حصه .. وش خصك يا عذووب وخلي البنت ترتاح .. شوفيها بكت ..
عذوب تقرب من ريم .. وشهوو انا ما لمستك عشان تبكي ..
حصه بصراخ .. عذوووب
عذوب .. وشهو وش تبغين ياحصه لا تعلي صوتك انا هنا مش في البيت ..
حصه .. وش ينفع معك قولي لي ؟؟ تررااك عذبتيني ؟؟
عذوب وهي تجلس جنب ريم .. اممم ودي اتعرف عليها ..
عذوب تلبس البرقع .. بس حبووبه ودمها مرح مره ..
عذوب ..لا تخافي تراني صغيره بس البرقع عاده من تقاليدنا ودحين راح اشلحه عشان ما تبكي
من الرعب .. ههههههههههههه
ريم وهي مجرووحه من الدااخل بس عذووب مرحه وتخلي الواحد يضحك رغم احزانه ..
عذووب .. شوفي انا اسمي عذووب ..تدري ليه سموني عذوب ؟؟
حصه .. وانتي تروين لها قصه حياتك ؟؟
عذوب .. لا اروي لها كيف سموني وانتي وش بلاك خليني اسوالف ولا تقاطعيني ..
حصه .. شوفي يا عذوب دحين راح اروح لام مجبل اشوفها علامها تاخرت . وراح ارجع
لكن ما ابي اصاابات في البنت طيب ..
عذووب .. لا تخافي يا حصه .. على البنت انا عذووب اردها لك سلـيمه ..مو مهاا هههههههههه
حصه .. انا ما ابغى سليمه ابغى اسمها الحقيقي ..انا رايحه لكن ما اوصيك يا عذووب على البنت ..
حصه وهي تكلم ريم .. شوفي لا تعطينها وجه واكلي فطورك تراها مرجوجه ومجنونه حبه ..
ريم .. وهي تحاول تصنع الابتساامه
عذوب .. شفتيها ضحكت يعني اول دليل انها مو خايفه معي رووحي وبالك هادي يا حصه ..
حصه .. يالله راح انادي ام مجبل وارجع لا تخافي ..وتطلع حصه
تنادي ام مجبل عشان يكون ريم بنار مع ظهرها
عذووب ..احم احم فطورك يشهي ممكن اكل حبه ..
ريم وهي تشوف عذوب وشكلها البدوي لكن تشوف بعذوب جمال مو طبيعي جمال ملاك مصور ..
عذوب ايه من الجمال الطبيعي ..
ريم وهي قلبها ماشاءالله عليها ملاك ..
عذوب .. وش بلاك تشوفيني كذا ..
ريم تهز راسها بتعب بنفي ..
عذوب .. الا انتي وش اسمك .. ليه ما تتكلمين ؟؟
ريم .. تاشر بيدها يعني ما اقدر اتكلم ..
عذوب .. اها انتي خرسه ..
ريم وهي تطيح دمعتها وفي قلبها انا مو خرسه انا انا وتقعد تصيح بصوت عالي وتتذكر عمايل
الوحوش فيها وتقعد تصيح بقووى ..
عذووب .. اعصاابك انا ما لمستك او قلت لك حاجه تبكي وش بلاك صحتي ..؟؟
حصه تدخل وهي معصبه .. وش سويتي لها يا عذووب ؟؟
عذووب .. وربي ما سويت لها حاجه بس قلت لها وش علامك ما تتكلمين وقامت صاحت علي .؟؟
ام مجبل .. يالله يا حصه خلي عذوب على جنب وخليني اخلص وراي غدا ابو مجبل ..
حصه تحط يدها على ريم .. اسم الله عليك وش بلاك تصحين ؟؟
ريم تهز راسها بنفي .. يعني ولا شي
حصه .. عذوب وش سوت بك .؟؟
ريم .. بنفي ..
حصه .. خلاص يا مهاا دحين نامي على ظهرك عشان ام مجبل تشوف ظهرك وش به ..
تنام ريم على ظهرها لكن ما تدري انه كوي بنار .. هي نامت على انها تشوف بس ..

ام مجبل .. حصه امسكيها مع يدها بقووه .. وانتي يا عذووب امسكي رجليها بقووه .
ريم اسمعت امسكوها خاافت وقامت تصيح قبل لا يكووها بنار ,,
ام مجبل .. تحط العصى الحديد الحااره على ظهر ريم .. وريم تصيح بقوى شي عندها ..
اااااااااااااااااااا وتهز راسها ااااااااااااااااااااااااااااااااااااااااااااا ااا

في هذا الوقت يدخل متعب للبيت اللي نسى ياخذ معه العلف للغم ..
ورد للبيت عشاان ياخذه لكن سمع صوت اصيااح عرف انهم قاعدين يكون ريم بنار وسمع صوتها اللي
يكسر الخاطر من الالم والخوف .. ويقول في نفسه وش سالفة البنت هذي ..؟؟
وجلس يفكر في راي قبلان انه يستر على البنت .. وتعوذ من ابليس وكمل طريق للمخزن اللي
يضع فيه العلف ..
وطلع من غرفة المخزن وما سمع صوتها .. ويقول في نفسه اكيد ماتت ماعاد اسمع صوتها ؟؟
ريم من قوة الالم اغمى عليها ..
عذووب .. حصه البنت وش بلاها ؟؟
ام مجبل .. لا تخافين يا عذوب البنت تعباانه من الكوي بنار ودحين تلقينها ناايمه ..
حصه وهي تمسح العرق والدموع من وجه ريم وتغطيها عدل ..
حصه .. يالله ياعذوب خلي البنت ترتاح ..
ام مجبل.. يالله لمى تقوم قوليلي عشان اشوف الكوي مضبوط او لا ..
حصه .. يعطيج العافيه ياام مجبل وما قصرتي ..
ام مجبل .. ما سوينا شي يالله انا طالعه .. فمان الله
حصه .. فماان الله يحفظج ..
عذوب وهي مدهشه وتشوف حال ريم اللي انكوت بناروكيف كانت تصيح من قوة الالم ..
تطلع حصه مع عذووب من الغرفه ..وتنصدم بمتعب اللي جالس في الصاله ..
وكانت عذوب مو لابسه البرقع ..
عذووب .. يؤؤؤؤؤؤؤؤه متعب هنا وترجع لغرفة ريم ..
حصه .. ههههههههههه دايما انتي كذا ملقووفه يا عذوب ..
متعب .. لا تخافين ما شفت وجهك .. الحمدالله عشاان ما احلم فيك اخااف اخترع ..
عذوب بعد مالبست البرقع .. اقول قول ماشاءالله اخاف اطيح من عينك ..
متعب .. وش اقوول على الشاذي اللي اقبالي ..
حصه .. الا يا متعب وش بلاك جالس هنا ؟؟
متعب .. ها يؤ نسيت اخذ االعلف لقبلان بس سمعت صوت البنت وخفت تكون ميته وجالس
انطر جواابك يا ميته او حيه ؟؟
حصه .. لا تطمن البنت حيه ..بس دحين تعبانه اشوي ..
متعب .. الحمدالله اجل انا طالع للغنم ويمشي ..
عذووب .. امووووووت واعرف وش بلا اخووك هذا .؟؟
حصه .. بلاه من بلاك يالعووبه .. والصراحه تلوقين معه متعب وعذوب كلكم معذبينا هههههه
عذووب .. انــــــا اتزوج ذا لالالالا يا عمتي انا راح اتزوج مطلق ولد الشيخ فايز ..
حصه.. اقول احلمي ..وتتركها برووحهاا
عذووب .. احلم ليش لا .. الحلم ببلاش هههههههههه

الساعه 7.. الصبح
عبدالله جالس على الطاولة الطعام جالس يتفطر .. يتصل عليه تركي
عبدالله .. يشووف جواله .. تركي
الجازي .. وشهو تركي اخوي وش فيه ؟؟
عبدالله .. وش فيج يالجازي ما ادري المتصل تركي ..
الجاازي شووفه وش فيه بسرعه ..
تركي .. السلام عليكم
عبدالله .. الوو تركي وش فيك..
تركي .. هلا والله عبدالله وش فيك مخترع قلنا السلام رده
عبدالله .. وعليكم السلام والرحمه .. بس مو من طبعك تتصل هالحزه هذي ؟؟
تركي .. ها ولا شي بس ابغااك في كلمة راس ممكن يا عبدالله ..
عبدالله .. ليش لا ممكن بس انت وينك ..
تركي .. انا في المجلس تعال انت ولا تقول للجازي وش ابغى فيك اووكيه ..
عبدالله .. اووكيه خمس دقاايق وانا عندك ..ويسكره
الجازي .. وش فيه تركي وش يبغى منك ..
عبدالله .. بسم الله توني مسكره ما يمديني اجاوب على الاسئله ..؟
الجازي .. خلصني مافيني صبر اصبر ..
عبدالله .. ولا شي يبغى يكلمني عن موضوع .. يالله انا مااشي ..
الجازي .. ماعرفت وش الموضوع ؟؟
عبدالله .. لو اعرف ماراح اقلج .. الانه الرجال قايل لي ما اخبرج ..
الجازي .. ليه كذا طيب ..
عبدالله ..ههههههههه لا تخفين اكيد مووضع عادي .. انا ماشي اشوف وش يبغى ..
الجازي .. دربك خضر .
عبدالله .. تسلمين ..
في مجلس ابو تركي ..
تركي .. عمر لا تخااف انا معك ..
عمر .. تركي انا مرعوب كلي .. واخاف اضيع مره ثانيه ..
تركي .. خل ايمانك بالله قوي يا عمر .. وصدقني عبدالله اكبر اخوانها وانسان متفاهم ..
عمر .. انسان متفاهم عليكم .. لكن مو على واحد نزل اخته للاراض .
يدخل عبدالله للمجلس ..
عبدالله .. السلام عليكم ..
عمر وتركي .. وعليكم السلام ..
عبدلله .يسلم على عمر بخشم ..ويجلس
عبدالله.. خير يا تركي وش تبغى مني .. يا ولد عمي ..
تركي .. والله يا نسيب نبغي منك حااجه .. انك تسمعنا للاخر ..
عبدالله سمع كلمت تسمعنا يعني اللي جنب تركي له علاقه ..
عبدالله .. نسمع للاخر .. لكن ما عرفتني بالاخ..؟؟
تركي .. اسمه عمر ..
عمر في الوقت هذا كله يرتجف ..حتى اصاابعه ..
عبدالله .. عاشت الاسامي ياعمر ..
عمر برتبااك .. الله يسلمك .
عبدالله .. ادخل في الموضوع يا تركي وراي شغل ..
تركي .. اصبر يا عبدالله الشغل ماراح يطير ..
عبدالله .. خلاص سمعنا ..
تركي .. عبدالله هذا عمر توني متعرف عليه من جامع اللي ابوي يصلي فيه .. والصراحه
عمر شاب كان يمشي مع شله فاسده والحمدالله له اسبوع دحين قاطعهم .. ويبغى احد يمسكه بطريق
الهدايه .. والصراحه يا عبدالله عمر يعذبه ضميره مره وله اياام ما يعرف ينام .. من جريمه سوها.

عبدالله .. وشهو جريمه..؟ وش لي علاقه به ..

تركي .. اسمعني يا عبدالله للاخر..
عبدالله .. تفضل .. بس لا تقول شغله عندك ..تراك عزيز يا تركي بس اسمحلي
تركي .. عبدالله لو سمحت اسمعني ..هو ما يبغى شغل
عبدالله .. تفضل ..بس ياليت تدخل في صميم الموضوع..
تركي.. عمر تدين والحمدالله هذا اللي ابيه يوصل لك ..واللي ابي اقوله انه عمر جاي اليوم لي
من الساعه 3 الفجر كان مقهور وندماان على كل شي سوى وفتح لي قلبه واللي انصدمت فيه
انه عمر مع الشله اللي خطفوا ريم ..
عبدالله . وشهووووووووو ويقوم يمسك قميص عمر .. وين ريم قلي وين اختي ريم وش عملتوا لها..
تركي وهو يبعد عبدالله عن عمر المذهل والخاايف بنفس الشي ..
تركي . استعن بالله يا عبدالله الولد تااب وجاء وقال لي .. ولازم انك تشكره ما توقف ضده..
الولد غلط واعترف في غلطته لي ..
عبدالله .. استغفر الله ..وهو يشوف عمر بنظرات حقد وكره .. ماشي يا تركي وين ريم دحين ..
عمر واخيرا تكلم .. يا اخ عبدالله انا كنت غلطان والحمدالله دحين عرفت غلطي وهداني ربي على يد تركي..
واختك ريم ذااقة المر بيدنا وعلي اخذها ورماها في الربع الخالي ..
عبدالله .. وشهوووووووو الربع الخالي الموت ..
عمر .. والله لي يومني ادورها ابغى ارجعها لكم لكن صدقني ما لقيتها بحثت عنها شبر شبر
لكن للاسف حتى كفنها ما لقيته ؟؟
عبدالله بصراخ .. ولا مربووطه في كفن ياعياال الحررام ..
تركي .. الولد تااب يا عبدالله .. وهو جاي بنفسه وعترف ..
عبدالله .. انا لازم ابلغ الشرطه . واورح معك للمكان اللي تركتوها فيه ..
عمر .. خلاص سوء اللي يعجبك يا عبدالله وانا بين يدك ..
تركي .. يمسك عمر مع كتفه .. لا تخااف انا معك ..
عمر وهو يشوف تركي ببتسامه حزينه ..
عبدالله .. ودحين قلي يا عمر كل شي ...من اول ما خطفتوها ..
عمر .. اووكيه راح اقولك ..
ويسمع عبدالله عمر للاخر ..
وعبدالله بلغ الشرطه واخذ العنوان العصاابه من عمر ..
عمر .. يعني دحين راح تهجمون عليهم ..
عبدالله .. اي بس لا تخااف ماراح نظرك ياعمر ..
تركي ... قلت لك لا تخااف انت سويت شي محد سواا يا عمر والحمدالله ان ربك هدااك على اخر شي ..
عمر .. الحمدالله على كل شي ..