06-15-2011
|
#7
|
الــــجــزء الـ 7|~ جزء مثير بالاحداث ..
ساره في غرفتها .. تبكي بصمت .. خايفه من شي .. لكن هذا الشي ماعلمت به احد حتى خالد ..
تدخل عليها عهد فجاء ..
عهد .. السلام عليكم يا حلو .. ليش جالسه بروحك ؟
ساره وهي منزله راسها .. وعليكم السلام والرحمه .. لا بس تعبانه اشوي ..
عهد ترفع راس ساره اللي باين عليها تبكي ..
عهــد .. ساره تبكين ؟؟؟
ساره .. صدقيني ياعهد ما فيني شي ..
عهد .. طيب مافيك شي ليه تبكين ؟؟؟ عشان ريم ؟؟
ساره .. ريم الله يرحم حالها .. ويرحم حالي انا ..؟
عهد .. وش تقصدين .. خالد مزعجك .. او تهاوشتي معه ؟؟
ساره .. لا هذي ولا هذي ..
عهد .. اجل ليش تبكي ..؟؟
ساره .. ولا شي .. بس حاسه بخووف ..
عهد .. وش خوف ..ساره وجهك صاير ذبلان وانتي ضعفتي حيل ..مارحتي للمستوصف تشوفين نفسك ..
ساره .. ما يحتاج يا عهد .. ولا تتعبين نفسك بي .. وتتنهد ..
عهد تصرخ .. وشهو ما يحتااج اقول بلا دلع .. قومي اخذك للمستوصف ..
ساره .. عهد اقولك ما يحتاج ..
عهد تسحب يدها .. اقوول قومي بلا دلع ولا اكلم خالد واخليه يجي ويشووفك .. وهي تسحبها تقوم ساره
عهد بصراخ .. ساااره وشهو ذااا .. انتي تنزفين ..(عهد شافت بقعه دم على سرير ساره .. ساره كانت
تدري بس من الخوف ما تكلمت لحد حتى لخالد الي ما يدري عنهااا )
ساره .. اماانه ياعهد لا تقولين لحد اللي شفتيه ..
عهد .. يعني كنتي تعرفين كل هذا يا ساره وسااكته .. انتي تبغين تقتلين نفسك ..انتي تتدرين وشهو نزيف
؟؟ ساره من متى وانتي تنزفين ..؟
ساره وهي منزله راسها .. من اسبوع ..
عهد .. وخالد مالاحظ ؟؟
ساره .. ان اشووفه عشان يلاحظ .؟؟
عهد .. يالله اخذي عبايتك وخلينا نمشي للمستوصف .. نشووف اخرتها وين معك ...؟
انتي ناويه تقتلين نفسك... تاخذ ساره عبايتها .وتنزل مع عهد ..
يلقون جراح جالس في المجلس ويطلبون منه انهم يوصلونهم للمستشفى ..جراح وافق .. الانه جراح
يجلس مع اعيال عمه في المجلس المشترك بينهم ..
جراح في السياره ..وحريم اخوانه معهم ..
جراح .. عسى ماشر يا خواتي ؟؟
عهد .. ماشر بس ساره تعبانه اشوي ..
جراح .. سلامات يا ساره ..
ساره .. الله يسلمك يا جراح ..
ووصلوا للمستوصف .. ونزلت عهد مع ساره .. وطلبت ساره من جراح ما يعلم خالد ..
جراح فكر بعيد فكر انه ساره حامل .. لكن تتوقعون صج ساره حامل ؟؟
*************************
عمر .. ركب سيارته وراح للربع الخالي ..
تحديدا في مكان اللي رمـوا(اتركوا) ريم فيه ..
عمر .. وينها وينها انا متاكد انها هنــــــــا وين راحت ريم .
؟ لا يكون الصحرا ابلعتها (اكلتها) ؟؟
لالا اكيد مدفوونه .. دحين صار لها اسبوعين
لالا اسبوعين مختفيه ودحين صار لها
اسبوع من تركنها هنا ..
اكيد احد اكلها من الحيونات ؟؟ او او او مدفوونه هنا ..
لا مستحيل احد شافها .الانها مكانها بعيد من الشارع ؟
ياربي .. يجلس يبكي ياربي ليش كل ما اتقرب منك تبعد ..
انا جيت هنا عشاان ارتااح نفسيا ورجعها لاهلها ..
ياربي ساامحني .. ياربي ساامحني ...
انا لازم اردها لاهلها .. لازم اكفر عن خطئي لك ..
ويدق على تركي وهو بنص الطريق ..
عمر .. السلام عليكم يا تركي ..
تركي .. وعليكم السلام والرحمه هلا وغلا يا عمر ..
عمر .. تركي ابااك في حاجه ممكن ؟؟
تركي .. انت تامر امر .. بس دحين وينك ..
عمر يتنهد .. في مكان اللي تركتها فيه ..
تركي !!! وشهو .. ؟؟
عمر .. فين اشوفك عندي كلام ابغاك تسمعني انا متضايق حيل يا تركي .. ومحد يساعدني غيرك ..
تركي ..ابشر انا في بيتنا حاليا ايش رايك تجي ؟؟.. الانه المكان الوحيد اللي نقدر ناخذ راحتنا فيه ..
عمر .. حلو عطني العنوان .. وانا خمس دقاايق عندك ..
وياخذ عمر العنوان من تركي ..
اللي تتوقعون وش راح يقول عمر لتركي ؟؟
************************
في المستوصف ..
عهد .. وشهوووووو يا دكتوور ...
ساره تبكي بقوووه .. لا لا لا...
الدكتور .. يا اخت عهد مثل ما قلت لك ساره فيها تليف في الرحم ولازم نرميه لها ولا حياتها راح تكون
خطره .. والنزيف لازم يوقف .. ولازوم اليوم تدخلين المستشفى عشان العمليه ..
ساره تبكي .. بس انا ما ابي اعمل العمليه ..
الدكتور .. يا اخت ساره حالتك راح تكون صعبه .. الانك مصاابه بتليف بالرحم
.. تعرفي وش تليف؟؟ يعني نزيف مستمر في الرحم ؟؟
عهد وهي تمسك ساره .. لا يا دكتور بس ساره صغيره وما عندها اي طفل عشان يصيب لها تليف؟؟
الدكتور .. التليف مرض يا اخت عهد ..والمرض ما يعرف كبير او صغير مثل الموت ..يدخل الانسان
من دون ما ياخذ اذن منه ..
ساره تبكي .. يعني يا دكتور ما اقدر احمل ؟؟ لمى اسوي العمليه .؟؟
الدكتور ينزل راسه . اي يا ساره .. ما تقدري تحملي مره ثانيه ولا حتى ثالثه ..
ساره . تبكي بقوى .. وتاخذها عهد للسياره ..
في الطريق للساره ..
عهد .. شفتي ياساره اخرت سكوتك وين ..
ساره تبكي ... يكفي ياعهد خلاص يكفي قلبي متقطع ..
عهد .. انا راح اقول حق جراح يودينا للمستشفى ..
ساره .. تكفين يا عهد خلينا نروح للبيت اول ..
عهد بتعجب .. ليه نروح البيت انتي حالتك لازم تعالج دحين ؟؟
ساره .. تتوقعين خالد راح يطلقني الاني سكت؟؟
عهد .. ساره انتي مو السبب السبب من خالد اللي ما لاحظ ولا اهتم فيك طول الفتره هذي ..
ساره . والله ثم والله كنت اعتقد انها الدوره الشهريه .. بس في اخر يومين لاحظت نزيف قوي ..
وهذا صرت ما اطلع كثير وخفت ..
عهد .. امسحي دمووعك دحين وصلنا للسياره ..لا تبينين لجراح انك تبكين ..
ساره .. وخالد ؟؟
عهد .. وشهو خالد ؟؟اول نروح للمستشفى وبعدها ننتصل بخاالد ونقول له تعال ..
ساره بدموع.. يعني لازم نروح للمستشفى ..؟؟
عهد .. اي لازم تبين تقتلين نفسك يالهبله .. يالله وصلنا للسياره لا تتكلمين اووكيه
في السياره كان جراح ينطرهم ..
جراح .. وش فيكم طولتوا ؟؟
عهد .. لا حول ولا قوى الا بالله ..
جراح .. مبرووووووووك يا ساره اكيد قال لك انك حاامل ..
ساره ما سمعت الكلمه وقامت تصيح بكي ..
جراح .. عهد وش في ساره تبكي كذا ..
عهد .. جراح لمى نوصل البيت اقولك .. دحين مو وقته .. بس خلنا نمشي للمستشفى الانه حولوها
للمستشفى الكبيبر ..
جراح .. يعني هي مو ......... يسكت
عهد .. لا وتاابع طريقك ..وانت سااكت ..
ساره في قلبها.. ليه ياربي حرمتني من اغلى شي كنت اتمنى..
ليه ربي تحرمني من زينت الدنيا ..
وش راح اقول لاخالد .. وش راح يقول لي ..
اكيد راح يطلقني ؟؟ لا لا ياربي ياربي ليه افكر
كذا .. وش مصيري .. ياربي ليه اتعذب كذا ..؟
جراح .. طيب ليه المستشفى الكبير حولوها ..؟
عهد .. حالة ساره تعبان اشوي وتحتاج اهتماام كبير ..
جراح .. طيب ليه ما تبغون خالد يدري ؟؟
عهد .. الا على طاري خالد عطني رقمه ابغى اكلمه ..؟؟
جراح بتعجب .. ليه ؟
ساره .. ما يحتاج تتصلي عليه انا راح اتصل عليه ياعهد ..
عهد .. لا خليك انتي .. انتي تعباانه .. وانا راح اكلمه ..
جراح .. وش فيكم كل وحده تقوول انا اكلمه .. في شي؟؟
عهد ترفع حواجبها .. انت كذا دايم يا جرااح ملقووف ...
جراح بضحكه .. هههههه يعني تعرفيني ملقووف يا زوجات خواني المحترمات .. يعني قولوا لي قبل
لا يموت فضولي قهر ..
عهد بضحكه .. خله يمووت .. عيب شي حريم وش خصك ؟؟
عهد من قالت لجراح شي حريم .. وده الارض تنشق وتبلعه الانه نسى ان الحريم عندهم خصوصيات
ما يحب احد يتدخل فيهم غير ازواجهم ..
عهد .. يالله وصلنا للمستشفى .. يالله يا ساره قومي ..
ساره .. عهد ما اقدر اقول ارجولي ترتجف ..
عهد .. جراح خلهم يجبون دراجه للساره ما تقدر تمشي ..
جراح يالله خمس دقايق بس اناديهم ..
عهد .. ساره تقدرين تمشين خطوتين ؟؟
ساره .. لا بس بطني يعورني مره ..
بعد مرور ساعات ....
جاء خالد . وعرف بكل شي وتضاايق ووافق بعمل العمليه .. الانه اذا ما وافق راح يضر صحة ساره ..
خالد وعنده اخوه فهد .
فهد .. يا اخوي لا تتظيق انشاءالله راح تتشافه ..
جراح .. خالد فهد انا رايح للبيت تبغون مني حااجه ؟؟
فهد .. جراح اخذ عهد معك مالها لازم تقعد هنا .. ام عبدالرحمن راح توصل في الطريق لبنتها ..
جراح .. وانت يا فهد راح تجلس هنا ..؟
فهد .. انا راح اجلس مع خالد لا تتضايق ..
جراح.. يالله يا عهد خلينا نمشي ..
عهد .. فهد انا ما ابغى ارووح ؟
خالد .. عهد انتي ما قصرتي لكن ام عبدالرحمن راح تجلس عند بنتها ..
فهد يخزها.. اسمعي الكلام يا عهد ..
عهد .. يالله يا جراح خلنا نمشي وهي تلتفت لفهد ..
جراح يالله انا رايح .. فمان الله .
الكل فمان الله ..
فهد .. خالد اجلس وش بلاك واقف ..
خالد بتوتر .. انا السبب في حالتها ذي .. انا السبب يا فهد .. لو اني عطيتها من وقتي اشوي
ما كان اللي صار صار .. انا مقصر معها .. هي كانت ما تبغى تتعبني لكي انا المقصر .. يحط يده
على راسه ..
فهد .. هذا اللي كاتبه ربك يا خالد وتعوذ من ابليس ..ولازم من الحين ما تقلل من شان ساره لك ..
ويتنهد فهد مره ثانيه .. خالد .. اللي صار صار .. وحاول تفتح صفحه جديده مع ساره .. اكيد
لا تفكر في يوم تتركها .. الانها من اليوم مالها غيرك ..
خالد .. بعد ايش... بعد ما تحطم حلمي ..؟؟ فهد ساره ما تقدر تحمل تعرف شنو .. يعني ما اقدر
اجيب طفل منهاا ..وهذا يا اخي العزيز اني راح اكون مثلها ..
فهد .. انت ناوي تكسرها . هي كافي منكسره من الدااخل تبي تتزوج عليها دحين بعد ما كنت انت
السبب في اهمالها .. قلي يا خالد منو الغلطاان مو انت .. هي المسكينه سااكته وما علمت احد وما تبغى
تتعبك..لكن انت ما تسال وش فيها ..وهم انت طلعت مو مهتم فيها .. بس ماخذ البيت فندق تنام وبس ..
خالد بصراخ .. يكفي يا فهد يكفي .. لا تنسى انه ريم مخطووفه وانا ما جلس في شغلي حبا فيه ..
انت تعرف جالس فيه ادور على اختي ريم .. عن بقاايا الريم المفقووده .
فهد .. بس ياخالد كلنا ندور عليها.. لكن ما نهمل حق من حقوقنا اتجاهم .؟؟
خالد .. وش اسوي دحين يا فهد؟؟
فهد . ما لك غير الصبر يا خالد
************************
بعد مرور اسبوع ريم وهي في بيت متعب ..
متعب قال لقبلان زوج اخته السالفه كلها .. قبلان اكبر من متعب ومتعب يحترمه ويعده مثل اخوه الكبير ..
وقبلان عرف السالفه وقدر موقف متعب وحصه لها اسبوع وهي تجلس في بيت متعب ..
وما تنام الليل .. الانه الليل تكره ريم كثير ..
وتجلس طوول الليل تبكي وتصيح من غير ما تفتح عيونها ..
وحصه طول اليل معها سهرانه .. ومتعب كان ينام في المجلس اللي قريب من غرفته .. ويسمع صياح ريم
اللي كل يوم يقطع القلب .. متعب سمى (ريم ) الغريبه في اول يومين وبعدها اطلق عليها اسم (المهاا )
على اسم امه .. الانه تعبوا وهم يسمونه الغريبه ..
الساعه وحده بليل والكل ناايم ..
ريم تصحــى من الغيبوبه وتشووف وين هي .. تلتفت يمين تشوف اسراج مولع
.. وتلتفت يسار.. وتشوف في احد نايم .. لكن الظلمه ما خلتها تعرف اللي نايم حرمه او رجل .؟؟؟؟
ريم .. شافت ظل الغرفه وشكلها كان رعب .. صااحت بقوى صووت عندها ..
ريم .. ااااااااااااااااااااااا ااااااااااااا وتمسك راسها بيدينها الثنتين وهي نايمه ..
حصه تفزع من نومها ..
مهاا اسم الله عليك .. مهااا مهااا .. ريم تشووف اللي ينادي باسم مهااا ؟؟
ريم بنظرات تعجب وهي قلبها .. من هذي .. انا ويني .. وش جابني هنا .؟؟
حصه .. واول مره تشوف عيون ريم (اللي يسمونها مها ) كانت عيونها عسليه فااتحه وكانت رسمت عيونها
تجنن ..
حصه .. تعطيها كااست المويه .. خذي اشربي ..
ريم ..تهز راسها بالنفي ..
حصه .. الحمدالله على السلامه
ريم .. تحط يدها على فمها وتاكل اضافرها ..
حصه تمد يدها وتقول (يع) لا تسوين كذا لا تاكلين اظافرك ..
ريم اللي ماكانت تحس وش تسووي ... بس اللي تحس فيه الم في ظهرها حااد اللي ماخلها تجلس ..
حصه .. انتي جوعانه ؟؟
ريم .. تهز راسها بنفي ..
حصه .. انتي تتكلمين ؟؟
ريم .. وهي تحاول تنطق كلمه .. لكن للاسف ما قدرت ..
وجلست ريم تصيح مره ثانيه ..
وتقول في قلبها .. لا لا انا ما اقدر اتكلم .. اانا صرت خرسه .لا لا وتصيح بحرف واحد ووهو حرف الالم
اااااااااااااااااااااااااااااا وتهز راسها بالنفي ااااااااااااااااااااااااااااااااااااااااااااا ا
وتمسك راسها بقوه وتبكي ..
تمسك حصه ريم وتقربها لصدرها وتضمها وهي تصرخ ..
ريم بادلتها الشعور وقربت من حظن حصه وظمته بقووه وتصيح ...
متعب يدق البااب عليهم ..
حصه... هاااا يا متعب وش تبي ..؟؟
متعب من وراء الباب .. وش فيها تصيح ..
حصه .. بكره اعلمك .. بس انت خلنا بروحنا اشوي ..
متعب .. خلاص انا ماشي انام ..
ريم اسمعت صوت رجوولي وقامت تصيح اكثر واكثر ..
حصه .. لا تخافين ماراح اخليك يدخل ..
ريم .. تتنهد بقووه .. وتصيح ..
حصه .. الي ما تعرف تكتب ولا تقرا .. لكن تعرف اياات قليله من القران .. وجلست تقرا على ريم
بعض الاياات اللي حافظتهن بصوت عالي ..واشوي اشوي ترتاح ريم من البكى وترتاح لصوت حصه
اللي كان يشرح الصدر في القراءه ..
حصه .. لاحظت انه مهاا نامت في حظنها وهي ماسكتها كانها طفله صغيره لقت الاماان اخيرا ..
ريم اللي اسمها مهاا..وهي تمسك طرف ثوب حصه بقوه كانها تقول لا تخليني .. واخليني جنبك ..
ريم نامت .. اخيرا بعد ما صاحت وبكت من الالم والحسره .. ونامت بحضن حصه وبصوت القران
الي شرح صدرها وطمنها .. نامت .. بعد ما لقت اخيرا الامان ..
*************************************
الساعه 3 الفجر ..
في بيت تركي ... تركي هو اصغر اخوانه عنده خمس بنات اكبر منه .وهو
الولد الوحيد لسالم ..
تركي وعمر جالسين ..
تركي .. عمر تكلم .. ساعه وانت تتصل وتقول لي لا تنام انا في الطريق ودحين لي ساعتين وانا
استناك وتوك توصل .. ودحين لي ساعه ابغى منكم كلمه وما تكلمت .. وشهو موضووعك يا عمر ..
وش اللي خايف منه ..
عمر .. تركي اسف اذا ازعجتك لكن مشواري كان بعيد من الرياض وكذا قلت لك استناني ..
تركي ..لا تتاسف ..بس انت قلي الموضوع اللي تبغاني فيه .. ياولد دحين الساعه 3 الفجر مو متعود
اجلس للساعه ذي ..؟
عمر .. يا ولد قلنا لك اسفين ..
تركي بضحكه .. عاد يالله قلنا ..
عمر . انا كنت ....سكت
تركي .. انت وشهو ..؟؟
عمر .. من فتره في موضووع يضايقني .. مو تاركني انام مرتاح ؟ وخاايف اقوله
الانه اذا قلته راح يضعون ناس غيري .. والناس ذوله مهدديني اذا اسمعوا اني معلم عنهم راح يكسروني
قبل لا اعلم احد ؟
تركي .. ايوه وبعدين ..تكلم
عمر .. انا يا تركي ......... اااااااااا ما ادري كيف اقولك بس صدقني اني ارتحت لك
في اليومين ذولا . حسيت انك الوحيد اللي راح تفكني منهم ..
تركي .. انشالله اذا قدرني الله راح اعمله لك ..
عمر .. السالفه طويله بس ما ابغى منك الا تسمعني ومن دون ما تقاطعني ..
تركي ... ابشر انت تكلم وانا راح اسمع ..
عمر .. انا ابوي مو ميت .. ابوي متزوج وحده غريبه وطاردني من البيت .. وامي بعد
متزوجه واحد وهم ما تبغاني اعيش معهااا .. يعني بطرفين محدن يبغاني وعايش مع شله
تقدر تقول انهم اكبر مفسدين في الارض وكلهم مثل حالتي.. ما غير (علي ) ابوه تاجر كبير,,
ودايما يهددنا وحنا ما نقدر نرفض له طلب الانه هو معيشنا بالدنيا ذي .. وانا لاعندي شاهده ولا يحزنون ..
لكن اللي مصبرني اني جالس عندهم اني اكل واشرب والقى مكان انام فيه ..واللي مضيقني
اني سويت جريمه والجريمه هذي غير عن باقي الجرايم السابقه ؟؟
تركي .. كيف مختلفه عن الجرايم السابقه ..
عمر .. اصبر ولا تقاطعني يا تركي ...
تركي .. اسف وتفضل كمل ..
عمر .. داايما حنا الشله متعودين نسرق سيارات .. نسرق محل .. يعني سرقه ونهب وتزوير في
بعض المرات . لكن الجريمه اللي ما خلتني اناام واول مره احس انه ضميري ياكلني ويعذبني في منامي
هو انه ..يبكي عمر الانه الجريمه كانت كبيره في ضميره ..
تركي .. عمر انه الله غفور ورحيم صدقني يا عمر .. صدقني اذا مشيت في طريق الهدايه يعني
طريق الصح ولا تخاف انك تكلمت بالعكس لازم تريح نفسك من العذاب اللي
داخلك وانت خل ايمانك بالله قوي راح يوفقك الله وراح تنسى اللي سويته بفعل يدك ..
عمر .. تركي خلني اكفر عن خطااي اللي سويته مع الشله .. في يوم من الايام قبل اسبوعين من اليوم
كنت مع الشله ماشين في طريق العام .. لقينا سياره وااقفه مع سايق قاعد يصلحهااا ,,
علي قال لنا خووش سياره جديده وشكلها يغري يالله شبااب خلنا نسرقها .. قلنا اووكيه
وبعد ما وصلنا لسيااره .. اكتشفنا فيها بنت مع السايق شكلها توها
جايه من الجامعه الانه كان طريق الجامعه ..
تركي باعلى صوته صاح.. وشهوووووووو لا تكمل يا عمر البنت اسمها ريم .قلي البنت اسمها ريم ..
ويمسك تركي عمر مع عنقه..
عمر ..اي البنت اسمها ريم ليه تعرفهااا ..
تركي .. البنت هذي بنت عمي ولنا اسوعين ندور عنهااا .. وينها يا عمر هي حيا او ميته ..
عمر ...منزل راسه .
تركي .. قلي هي ميته او حيه ..
عمر .. اسمعني للاخر يا تركي ممكن ..
تركي تعوذ من ابليس وسمع عمر للاخر ... الانه تركي عرف قصة عمر
وضميره اللي يعذبه وعرف انه عمر ماعاد عمر الفاسد ..
عمر .. هذي السالفه كلها قلتها لك .. واني دحين توني جااي منها وما لقيت لها اثر في البر؟؟
تركي .. يا وحشوو حراام عليكم .. حراام عليكم .... ولا رامينها في الصحراء بكفن من غير ما تدفنوها ..
وبعد ما انتهيتوا منها رميتوها وين في الربع الخالي يعني في الموووت نفسه ..
اكيد دحين الرمال مغطيتها من كل جاانب ..
عمر .. يبكي .. تكفى يا تركي لا تعذبني زيااده .. انا جيت لك ابي ارتااح ابي امووت
ابغاك تذبحني وتاخذ ثار بنت عمك مني ..
تركي يستغفر ربه ويمسك كتف عمر ..ويقول يا عمر الرسوال صلى الله عليه وسلم .كان اذا غلط عليه
شخص يساامح .. والله عفور رحيم يا عمر .. وانا عن نفسي مسامحك الانك
جيت اليوم وقلت لي .. واعتبرتني شخص مهم في حياتك ..
وانت بنفسك قلت لي تبي شخص يشجعك للهدايه .. ويمشي معك .. وانه ضميرك
يعذبك مع الشله الفاسده .. لكن ياعمر كل شخص لازم ياخذ جزاء بالدنيا هذي .. وانت لازم تاخذ
جزاك من القانون .. وهم هم راح ياخذون جزاهم .. لكن انت راح اتاخذ عقوبات مخففه الانك بلغت عنهم ..
عمر .. يعني راح اخذ عقااب ..
تركي .. انا قلت لك كل شخص منكم راح ياخذ عقاب لكن انت راح يكون عقاب مخفف كثير عنهم..
الانك بلغت .. وصدقني انا معك ماراح اتركك ..
عمر .. وش اسوي دحين .. وياترى راح تبلغ اخوانها دحين ..
تركي .. دحين الساعه اربع ..وبعد نص ساعه راح ياذن اذان الفجر .. خلنا نروح نصلي ..
ودعي من ربك ان الله يوفقك ..وبعد الصلاة راح اتصل بعبدالله.. اخوها وراح اشرح
له حالتك واقول له كل شي عنك وعن المشكله بس انت قوي قلبك وصدقني ياعمر ماراح اتركك تدخل
الاعصاار في حياتك مره ثانيه
|
|
|
|
|