منتديات قصايد ليل - عرض مشاركة واحدة

06-15-2011

الـجــزء الـ 3|~

في بيت ابو عبدالله .. الكـــل مجتمع .. الساعه 6 المغرب ..

اخوان ابو عبدالله عنده في البيت .. ابو عبدالرحمن .. وابو عبد العزيز .. جالسين في المجلس

وام عبدالله ومن خبرووها وهي طاايحه في المستشفى ..
ورهاام بنتهاااا ضغطها مرتفع من
يوم خبروها بالسالفه .. زوج رهام (عادل) ضابط في المباحث مع خالد اخوها..
ولهم يومين ما طلعوا
وهم شايلين قضية خطف ريم ويدوورون في السجل عن بصمات تطابق بصمات الخاطفين ..
لكن للاسف مرت اربع اياام من خطفها ولا احد يدري عنها ولا عن جديدها ..
ام عبدالله صار فيها انهيار عصبي شديد .. وهي في المستشفى تصيح بصووت حزن تنادي بنتها ريم
ريم يمه وينج .. انتي حيه ولا ميته .. انت بخير ولا مريضه ..
انتي تاكلين ولا جوعانه ..

رهاام .. يمه ادعي ربي يحميها وانشاءالله راح يلقوونها ..
ام عبدالله .. متى يا رهام .. ؟؟ ريم بزر وش يبغوون منها ؟؟ حرررام عليهم .. ما يخافون ربهم ..
ساره .. عمتي اللي يسوي كذا ما فيه ذرت خوف من ربه ..

ام عبدالله .. كـــل يوم تجيني في الحلم تصحيني وتناديني بصراخ .. واشوفها في الحلم تبكي وتتعذب
وانا ما بيدي شي يا رهام . وتقول يا يمه انا تعباانه وجها كله ظرب .. وتمد لي يدها لكن ما اطولها واحس
انه كل يوم تبعد عني اكثر يا رهاام .. (وهي تبكي بصدر بنتها رهام.)

ساره .. طاحت دمعتها وما تدري وش تقول ..
الجازي وعهد يدخلون عليهم .. السلام عليكم ..
الكــل .. وعليكم السلام ..
الجازي .. اشلوون عمتي اليوم ..
رهاام .. مثل ما تشوفين تصيح وما تاكل شي ..
الجازي تقرب من عمتها .. عمتي اكلي لك لقمه .. عشان اذا رجعت ريم تنبسط منك .. عمتي انشاءالله راح
ترجع .. قولي امين ..

ام عبدالله وهي تتنهد .. امين يا يا بنتي ..
عهد .. عمتي عندي لكِ ابشااره حلوه .. راح تفرحين فيها ..
الكــــل .. بشرينا يا عهـــد ..
عهــد .. انا قلت عمتي هههه ,,
الكـــل .. عهد مو وقته الضحك ..
عهــد .. ابشـــركم قال لي فهـــد لقوا بصماات اثنين منهـــم وقاعدين يدوروون عليهم .. يعني انشاءالله
راح يلقووهم .. ونلقى ريم بخير وعافيه ..
ام عبدالله تبكي .. الله يبشرك بالخير يا عهد مثل ما بشرتيني ..

***************************

في بيت ابو عبدالله تحديدا في مجلس الرجاجيل .. كاان نقااش حاد بالمجلس.. بين ابو عبدالله
واخوانه واعيالهم .. << ابو عبدالله عنده اخو كبير اسمه سالم .. ابو تركي .. ميت له سنتين..وهو ابو
الجازي زوجة عبدالله ولد ابو عبدالله .. واهم اخوان جوار بعض في البيوت ..

ابو عبدالله .. وش تقوول يا ابو عبد العزيز ..
ابو عبد العزيز .. اللي قلته سمعته .. ابو فلان يقول ان بنتك هي اللي راحت معهم برجولها..
وهي لاهي مخطوفه..
ولا يحزنون .. يعني بالعربي حنا ساترين عليها .. لكن ما سكت له وربك مسكته عند الرجاجيل وقلت له
بنتنا ما تمشي بطريق الردى.. وحنا عرفين بنتنا وطباايعها ..
ولو هي ماهي مخطوفا ما شفت الدريشه مكسوره
ولا شفت السايق مذبوح وملفعها مرمي مع جوالها في السياره ؟؟

ابو عبدالله .. هذا اللي كنت خاايف منه ..
جراح يقاطع ابوه بصراخ .. والله ثم والله لو احد تكلم عن اختي شعره لذبحه .. اختي ما مشت في طريق
الردى ..ولا راح تمشي فيه ..

عبد العزيز .. هد اعصابك يا جرااح المشكله ما تنحل كذا .. ما تنحل في قال وقيل .. خلوا الكلام بعدين ..
وخلونا في المشكله .. الحين فهد في الخفجي وعبدالله في الدماام يسالون عنها .. وخالد وعادل
ماسكين القضيه كلها .. وانشاءالله راح تنحل ..

ابو عبد العزيز .. يا ولدي كلام النااس يجرح وهذا شرف بنت يعني شرف بنات العايله كلها ...

عبد الرحمن ..يا عمي صح كلام عبد العزيز اذا اهتمينا لكلام الناس ضعنا .. انتوا خليكم في المشكله
ولا تهتمون فيهم ..

ابو عبدالله .. تعبنا وهنا نسمع كلام يجرح القلب .. الحين لها اربع اياام ولا ندري وينها .. هي حيه ولا ميته
ولا ندري وين مكانها .. ولا حال امها اللي يقطع القلب وهي تناديها ..

عبدالرحمن .. الله يكون في عونكم يا عمي وصدقني حنا معك ماراح نتركك بروحك .. وحنا اعيالك ..

ابو عبدالحمن .. عفا ياولد هذا العشم فيك ..

ابو عبدالله بدمعه.. والله يا اخواني ما ادري وش اقول .. يسكت وهو يبكي ..

ابو عبدالرحمن وهو يقرب منه.. لا لا يا ابو عبدالله لا تبكي مثل الحريم .. وش خليت للحريم ..
واعيالي هم اعيالك .. امرهم وخلهم لو يرحون لقصى العالم يدورون عن بنتك .. لكن لاتتضايق وتبكي ..

ابو عبد العزيز ... يمسك كتفه .. يا ابو عبدالله ادعي لربك هو سامع دعائك .. وما يخلي عبده ..
والله اذا حب عبده ابتلاء يا ابو عبدالله ..

ابو عبدالله .. ونعم بالله ونعم بالله يا اخوي ..

جرااح يبوس راسه.. يبه ماهان من يطيح دمعتك ولا تتضايق يا ابو عبدالله .. انا رايح بكره جنووب ادور عليها..

ابو عبدالله يتنهد..لااا يا جراح .. لا انت اقعد هنا خلك جنب امك .. وحريم اخوانك واختك..
جراح .. يبا اخواني كل واحد يدور عليها ليش ما تبغاني ادور عليها ريم اختي يا يبه مثل ما اهم
اخواني ..
عبد العزيز .. جرااح ابووك محتااجك معه وامك بعد .. لا تنسى انك الرجال الوحيد في البيت عقب ابوك
ولازم تساند ابوك يا جراح ..

جراح ويتنهد ..اااااااااااا والى متى راح تنحمــــل يا عزيز ..
عزيز .. تحمل واصبر صبر ايوب .. وترى الدنيا ما قامت بيوم وليله ..

عبد الرحمن يضحك.. عبد العزيز والله وتتكلم بحكم ههههههه يا ولد يا خطير ..
ابو عبدالرحمن .. اي فلووها وربكــــم يحلهـــا .. لا تعقدوون السالفه .. وانشاءالله راح نلقااها قريب ..
الكـــل .. الله يسمع منك وامين ..
يدخل تركي ولد سالم عليهم مع بندر ولد ابوعبد الرحمن ..
تركي .. السلام عليكم يا عماني ..
الكــل وعليكم السلام والرحمه..
بندر..كيف حالك يا عمي سعود .
ابو عبدالله .. انا بخير اشلوونك انت يا بندر ..
بندر .. انا بخير يا عمي نسال عنك ..
تركي .. اقول عمي سعود اايش رايك نروح للمزرعه نغير جو اشوي ..؟
ابو عبدالله .. والله يا ولدي تركي مالي نفس اطلع من البيت .. خير شر ..
بندر .. كح كح ويمسك صدره ..
ابو عبدالرحمن .. بندر انت ما تبطل شرب الدخان السم هذا ..
بندر.. يبه قلت لك الف مره ما اشرب دخاان .. بس انت تعرف ربعي كلهم يشربون وانا اجلس معهم..
ابو عبد العزيز .. اجل يا نبدر لا تجلس عندهم صحتك اهم من جلستهم يا ولدي ..
تركي .. عمي ابصم لك على العشر انه بندر ما يشرب دخان لكن يمز شيشه ..
ابو عبد الرحمن .. وشهوو شيشه تركي ..
بندر يصرخ .. انت هيا وش تقوول شيشه تبيني اكسر راسك يا تركي .. يبه لا تصدقه لاشرب لا شيشه ولا دخان..
يكذب عليك تركي ..
تركي يرفس من الضحك على الكذبه.. هههههههههههههههههه
وقاام الكل يضحك .. ههههههه
في بيت ابو عبدالرحمن ..في غرفة بشاير ..

سندس .. اووووف مليت تصدقين ضايق خلقي ؟؟
بشاير .. يعني وين راح تروحين يا سندس الاختبارات على الابواب باقي اسبوع بس
وثانيا مشكلة ريم .. ما اظن انك راح تتفسحي بعد اليوم ههههههه وبنت عمك مفقوده ..
سندس .. قصدج مخطووفه !! بس يا بشاير احس اني متضايقه من سالفة ريم .. تصدقين صرت اخاف اروح
مع السواق للجامعه بروحي .. وصار تركي يوميا يودني ..
بشاير .. هههههه حتى انا بس المشكله محاظراتنا غير بعض يعني لو انها قريبه تطلع تمام بس انا
الساعه 8 ادخل وانت 10 ...لكن انا اطلع الساعه خمس العصر وانتي ثلاث يعني شوفي الفرق ..
سندس .. بشاير تتوقيع فعلا لقوا البصماات ؟؟
بشاير .. لا ما اظن ؟؟
سندس .. ليه طيب ؟؟
بشاير .. اااااه الانه الواحد لمى يسرق يكون ذكي شوي ما يكون غبي وينسى امر البصمات المهم ..!!
سندس .. طيب تتوقعين ريم عايشه ؟؟
بشاير .. ............... سؤالك يا سندس يخوف !!!
سندس تنزل راسها ... مشتااقه لها يا بشاير... واتذكر لمى تغــني هالغنيه .. وهالمره راح اغني لها ...
متى يعــود وترجــع الابتسامـــه
الصبر مهما طال له وقت وحدود
عنــدي عتاب ودمعتين و ملامه
وعنـدي أمـل إنه اذا غابــ
بيعــــــــود
بيعـــــود
بيعـــود
بيعـود

بشاير .. سندس مو بس انتي فاقدتها كلنا يا سندس ودعي ربك رجعها سالمه لنــا ..
سندس .. كسره خاطري خالتي خلده كيف تصيح على ريوومه ..
تتدخل عليهم غزلان بنت صالح ..
غزلان .. السلاااااااام عليكم ..
بشاير وسندس .. وعليكم السلام والرحمه ..
غزلان .. وش فيكم كل وحده عيونها حمره من البكى ..فيكم شي ؟ صار شي ما ادري عنه ؟؟
بشاير .. ههههههههههههههه لا بس جالسين نتذكر ريوومه ونذكرها بالخير .. وندعي لها ..
غزلان .. المسكينه ما تستااهل .. الا قولوا لي ليه مجتمعاات ما قلتوا لي يا خينااات الوعد ّ!!
سندس .. والله هذي الورطه .. غزلان سوري يا قلبي بس ضااق خلقي رحت لبشايرالانه بيتهم اقرب من بيتكم .
هعهههه
غزلان ... مو عذر هذا ؟؟ كل يوم تروحين بيت عمي سعود (ابو عبدالله ) وهو اخر بيت من عماني ما تعبتي..
توك تتعبين اليوم .؟؟ قولي قولي وش الخطه الجديده انتي وياها ؟؟
بشاير .. هيااا انتي لا تروحين بعيد صدقيني بس ضااقت خلووقنا قلنا نبي نشم هواء طبيعي ...!!
غزلان ...؟؟؟ هواء طبيعي ؟؟ يعني وين راح تمشوون ما اظن انكم راح تتحركون شبر واحد بعد سالفة ريم..
بشاير .. ههههههه نفس الـــكلام سبحااان الله ...
سندس .. تدرون من شفت اليوم في الجاامعه ..
غزلان وبشاير .. منووووووو
سندس .. عذاري صديقة ريم .. اسالتني عنها .. وقلت لها والمسكينه انهارت بكى واستاذنت من الجامعه ..
بشاير .. انتي هبله تقولين للبنت وهي في الجامعه .
سندس .. يعني متى اقوول لها ؟؟ بربك ؟؟

غزلان .. قولي لها لمى نخلص او لا تقولين لها احسن ..
سندس .. لا حرراام البنت تتصل على بيت عمي وتشيله رهاام ولمى تعرف انها عذاري تقفل بوجهاا ..
بشاير .. ليه رهاام تقفله ؟؟

سندس .. تقول ما تبي تبكيها على صديقة عمرها او تصدمها ..
غزلان ... يااحرام ...ياعذاري .. اجل تقولي انها انصدمت ..
سندس .. مسكينه اي والله ...
بشااير .. انا راح اعمل فطااير منو يروح معي للمطبخ ..
غزلان .. انا ابغى قهووه وحلا التمر من يدك ..
بشاير .. اقول اذلفي وراح امي هي امي ما صلحت لها القهوة تبغيني اعملك ..؟
سندس .. ههههههه كع كع مالت هالعمر وما تعرفين تصلحين قهوه ؟؟
بشاير .. رجااءا لاحد يعلق اللي يبغى عصير ياهلا هذا اللي اعرفه ..
غزلان .. مالت بنت جاامعيه وما تعرف تعمل القهوه ؟؟
بشاير .. قلتيها جاامعيه يعني ما امسك غير كتبي هههههههههه
سندس .. عزالله انك صااجه في هذي هههههههههههههه
يدخــــل علي وابداح وجاسم وعمر للغرفه المظلمه اللي فيها ريم ..
ريم لها اربع اياام ما تاكل وحالتها النفسيه تعبانه مره .. كله تصيح وجسمها كله دم وضرب من تعذيبهم ..
واليوم الخامس لاحظوا ان ريم شبه ميته يعني انتهت صلاحيتها ..

وريم نايمه بالزاويه طايحه ما تقدر تحرك اصبع واحد من اصابع جسمها او شعره منه .. وعيونها كلها
دمع وتشوفهم ..وما بيدها حيله غير الدمعه اللي تسيل بالجفن المجروح بالدم .. وهي تعباانه من كثر الظرب
والاغتصااب فيها صارت تعبانه نفسيا ..
ريم في قلبها ..ليش جاين .؟ وش يبغون بعد ؟؟ ما يكفيهم انهم عذبوني .. وكسروا مجاذيفي ..

الربااعي المتوحش ( جاسم وعمر وعلي وابداح )
علي .. انا راح اخذها وانتوا راقبوا اذا احد يراقبنا او لا ..
ابدااح .. انت راح تاخذها بروحك ..؟؟
علي .. اي انا راح اخذها واحطها في سيارتي وانتوا في سيارة عمر رقبونا .. وانت يا جاسم اجلس في الشقه
وراقبها ورتبها عشان اذا لا سمح الله يصير شي .

جاسم .. وليه انا اجلس في الشقه ..ليه مو ابدااح ..
علي .. يا فهيم .. ابداح راح يراقب مع عمر وكيف عمر يراقب عدل وهو يسوق ..
جاسم .. طيب ليه ما اروح معك ؟؟
علي .. لا اذا رحت معي راح تخرب الخطه ونكتشف بسرعه ..
ريم خلت نفسها نايمه وهي تسمع ولا تقدر تهرب منهم لانه جسمها متكسر من كل ناحيه ..

جااسم .. وشهي خطتك يا سيد علي .. انا ادري راح تلعبون فيها وما راح تعطوني حصتي ..

علي بعصبيه .. انت غبي ولا تتغبا .. انت ما شبعت .. البنت ميته لا فيها لا حول ولا قوه يعني راح ننتهي منها
وراح ادفنها في البر وتحديدا الربع الخالي ..
ريم في قلبها تشحق ..الربع الخالي !!! لا لا ما ابي امووت هناك ما ابي اموت وما حولي احد .. ما ابي اموت
وما يدرون عني اهلي .. ما ابي اموت وانا بعيده عن اهلي.. ما ابي امووت وانا اتعذب بينهم ..

عمر لاحظ دمعت ريم وهي تنزل منها وهي مغمضه عيونها .. خل نفسه كانه ما شافها عشان ما تحرك مشاعره
ويحن لها ( يتعاطف معها) ...

عمــر .. يعني راح تدفنها وهي حيه او تذبحها .< عمر كان يبغى ريم تسمع نهايتها كيف راح تصير.
علي بضحكه.. ههههههههه اكيد راح ادفنها وهي حيه ولا تصدق جتني فكره هاايله اممم ...

ابدااح معقد حواجبه .. وشهي الفكره قل لنا يا عبقري زمانك ..

علي يرفع عيونه.. اممم راح اخليها بنص الصحرااء مرميه من دوون مويه (ماء) او اكل يعني هي ميته ميته
الانها لها خامس ايام ما كلت شي وبر الربع الخالي حااار يعني يخلي الواحد بسرعه يرتاح من دون ما يعذبه,,
جاسم كان اكثر واحد انااني .. هاهاهاها ضحكتني .. وش ضمنك انها اح تموت بسرعه هذي حيه
ما تموت ..
عمر .. متى راح تاخذها يا علي ..
علي .. الليله الساعه 12 راح نمشي ..
ابدااح.. كويس دحين الساعه 6 يعني في وقت ارقد فيه ..
علي .. رووح ارقد .. وانا راح ارقد وانت يا عمر اجلس راقبها .. وانت يا الحقوود تعال معنا ..
جاسم بعصبيه .. انا طاالع ما ابغى اجلس ...بس لا تضحك ..راجع الساعه 10 هنا ..
علي بضحكه انانيه .. هههههههه ادري فيك ماراح تبعد كثير منا ..لانه ما عندك اهل ولا ربع تعيش منهم ..

جاسم وهو يلف وجهه عنه ويطلع وهو زعلان .. جاسم ما يخااف منه علي الانه جاسم وحيد وخوااف حيل
لكنه انااني يحب كل شي لنفسه .. وما يقدر يسووي شي من غير ربعه الوحوش..

علي .. انا رايح انااام ولاحد يصحيني .. لاني مؤقت المنبه على الساعه 12 .. ويالله يا ابداح مراح تنام ؟؟
ابدااح .. ايوه لكن ابغى اكل وبعدها اناام ..
عمر .. وانا بعـــد ..
علي ..وانت بعد وشهوو .. لا تقول تبغى تنام ؟؟
عمر .. ههههه لا ما ابغى انام .. ابغى اسويلي حاجه اكلها الاني جوعان ..
ابدااح .. اجل اسويلك معي ؟؟
عمر .. لا تتعب نفسك اكل اللي بين يدك وانا راح اكل اللي راح القاه في البرااد ..ويروح عمر للمطبخ
ابدااح يدثاوب ... ااااااااااااا شبعت ابرووح ارقد ..
عمر طلع من المطبخ وما شاف احد .. جاسم طالع وماراح يرد الا الساعه 10 وعمر وابداح نايمين ..

وما بقــى الا هو .. دخــل عمر غرفت ريم المظلمه وبيده كاست حليب وتوس فيها جبنه ..

ريم .. كانت تتدعي ان ربها يساعدها في كربتها هذي .. وفجاء تشوف عمر دااخل .. وما بيدها
شي تسوويه الانه ما تقدر تتحرك من الكسور اللي في جسمها .. او تصارخ الانه حنجرتها ملتهبه من
الدم اللي سكنها .. وما تقدر تسوي غير انها تشووف بعيونها المـــــوت جدامهـــا ..

عمر ولد طيووب مره وحساااس لكن هو انساان متعقد من الدنيا بسبب زوجة ابوه وخلاف
امه وزواجها من رجال ثاني .. ومن ابوه اللي يضربه ومكسر رجولته..
وما لقى الا الشباب ذولا يرد رجولته منهم .. وعتباره .. ما لقى احد يهتم فيه او يشجعه على الهدايه..

عمر يجلس جنبهـــا ويناديها بهمس... ريم ريم قوومي اصحي اكلي لك لقمه ..
ريم وعلامات التعجب في وجهها وفي قلبها ... من متى صارت فيهم حنيه او رحمه .. لا لا هذا اكيد سم ..
عمر يقرب كاست الحليب لها .. وريم تعض شفايفها وتهز راسها بانفي ..
عمر .. يالهبله طيعيني لو مره .. هم راح يرموكي في البر من دون اكل ولا مويه .. وراح تموتي بسرعه..
اكلي لو لقمه عشان يمكن تعشين منها وترجعين لاهلك ..
وريم تشووفه بتعجب ؟؟
عمر .. لا تشوفيني كذا .. انتي تحسبين هالوضع عاجبني ..لا يا ريم .. انا ما لقيت احد يتحملني بدنيا هذي
غيرا الشباب اللي مثلي منهارين من الواقع ..

ريم ساكاه تشووفه ..

يتنهد وبعدها يقول ... ريم صدقيني الكااس مافيه شي وتوس بعد .. يالله اكلي قبل لا يصحى علي وابداح
ويرجع جاسم .. انا ابغى لك الخير .. بس ابغى منك انك تسامحيني واللي عملته لك كان غصب علي
عشاان احيا بينهم .. ويمد عمر كاست الحليب لريـــم .. وتشرب نص الكوب .. وتاكل التوس كلها ..

عمر ببتسامه .. انا رايح وما ابغى تقولين لحد منهم اني عطيتك حاجه تاكليها .. والساعه 12 راح ياخذوك من
هنا .. ...... ريم .. انا ما ابغة منك الا ان تسامحيني يا ريم .. صدقيني ضميري يانبني منك ..
مابيك تموتي وانتي شايله علي ..اووكيه .. انا طالع قبل لا يدخل احد ..
ويطلع عمر من غرفة ريم بعد ما عطاها كاست الحليب والتوس .. .وريم في وجهاا علامات التعجب ..
والانصداام من شخصية عمر وواقعه .. وتدعي ان ربها يحميها ويسهل هالليله على خير ..