منتديات قصايد ليل - عرض مشاركة واحدة - كبرتي وَصرتي بـ آلعشرين , طويله وَفآتنه وَتغرينْ ( كآمله )

06-14-2011

×..الفصل الثـآمن عشر..×
>..:..الجزء الاول..:..<

كانت سمر تدور في الصـآله الفوقيه..وهي حدها متوتره..هي الحين بـ وقفتها كذا تضر صديقتها..هي صحيح تغيرت بس شي جواها باقي على حااله..او العكس..شي جواها تغير وهي بـاقيه..تركيبه معقده الحين هي..

"عند رغد وتركي"
قـآمت رغد وهي تكذب شي واحد..الشي اللي صار..رفعت راسها والى الان عندها امل انهاا في لحلم..شافته جالس ومعطيهـا ظهره .. وراسه بين يدينه
مسكت اللحاف وشدة قبضتها عليه..يعني خلاآآص؟؟

التفت لها تركي نص التفـآته..وقام من السرير واقف..طالعها بـ احتقـآر ممزوج بـ سخريه
كـآن لابس جينز وبـس...يعني لو تبي تكذب المنظر مااافي مجـآل ابداا

بس اللي فـآجأه انها مابكت!...ماصرخت!...ولاحتى نزلت دمعتهـا تعلن فوزه..وخسـآرتها او نهـآيتهاا
بدت الدهشه على وجهه كان وجهها خالي من الملامح وكأنهاا انسـآنه من غير قلب..واللي زاده دهشه وزاد الموقف غرآبه..انها ابتسمت!!
قـآمت من السرير ولمت اغرآضها وبـ الغلط اخذت التشيرت حقه..
تركي بـ كل برود يبي يخليها تتلكم عشان يمكن تنهاار حصونها:شكلك ناويه تاخذين بلوزتي
ابتسمت رغد وقـآلت بـ نبره غريبه:الليله هذي راح تبقى بـ ذااكرتي..."وكملت بطريقه اغرب مع ابتساامه مافراقت فمها"..ولازم يكون معي شي يذكرني فيهاا
تركي مستغـرب..يتمنى يدخل جوا عقلها بس ويعرف وش تفكر فيه هذي الانسـآنه..بعد كل محاولاته في انه يكسر خشمهاا..وكان يبي يعلمها ان عزة النفس مو لهاا..بانت قويه حتى يوم سلب منها اعز ماتملك..

تركي:انتي ماتحسيـن؟؟..قلبك حجر؟
رغد ضحكت:هههه..على بالك الحين لين قدرت علي بـ تخليني اترجااك تجي تتزوجني..خلينا واقعيين ياتركي..انا ماراح اذل نفسي لك لو رزقي عندك..وعزتي فوق ماتتصور..ومو عشـآنك ولد "فلآن" خلاااص .."وحركت يدها بـ للا مبالاه"..انا راح اكمل حيـآتي طبيعي..وراح اتزوح..وانت!.."وتأشر عليه بـ احتقاار"..مجرد ذكرى لاهي حزينه..ولا سعيـده
طالعها تركي شوي وينجنن..يبي يتكلم بس مافي كلمه او سؤال يعبر عن مافي داخله ..طلعت وتركته مع "دهشـته المجنـونه"

همسه ؛ المـانيه:{{الحب يرى الورود بلا شوكـ..!
\
/
\
/
رجعت من سهرتها مع زوجهاا..يوم دخلت غرفتهاا..
زياد:هاه كيف؟؟..مارجعتك لـ اياام ملكتناا
مشاعل:ههههه..اللي يسمعك الحين يقول ملكتناا قبل 20 سنـه..
قرب لها زيااد:بس اياامنا هذي احلى مو؟
مشاعل بـ حيا من قربه:بـ كثيـر..اهم شي انك رااضي علي
انقلبت ابتسـامة "الحب" اللي كانت في ثغره لـ ابتسامة سخريه او نذآله:ليش ماأرضى عليك؟
مشاعل ماأنتبهت لـ نبرته الغريبه..او ماتبي تنتبه:امممم..مو مهم..
مسكت يده وسحبته لـ السرير..وجلسـوا..
مشاعل:زيااد!
زياد:عنـون زيـآد..
مشاعل:ابيك تسـامحني
زياد رفع حاجب:ليه؟
مشاعل نزلت راسها وتلعب بـ يدينها:مدري..احس...احس اني كنت اعااملك بـ اسلوب مو حلوو بـ ايام ملكتناا
زياد:افاا!..مالاحظت.."يستهبل"
مشاعل:لاوالله؟؟..الغبي يلاحظ
زياد:هههههههه..حلووه الذبه..بس لاتعيدينهاا
مشاعل:زيــــــآد!!...انا ماذبيت
زياد:والله وصرنا نستحي
مشاعل فهمت وش يقصد..وردت عليه بـ ذكاء:انا ماذبيت؟.."ورفعت حاجب"
زياد:هههههههههههه...فديتك..
\
/
\
/
وصل ماجد البيت بعد ماجااب جوال لـ دانه عشاان تقدر تصور فادي..وهي اخذته من وراا البـآب..

دخلت دانه البيت بعد ماوزت الجوال في جيبهاا..

- وش معتس؟

شافت دانه مرة عمهاا..وصدت عنها وقالت:مامعي شي..وش بيكون معي اصلاآ؟
ام فادي:اجل وراتس خاايفه..روحي منااك بس مابي اشووف وجهتس..في ذا الليول مابي جيني كوابيس
دانه طالعتهاا بـ احتقاار..ثمن ضحكت لانهاا بتخليها تكره عمرهاا على هـ الكلام اللي قالته..رقت الدرج يوم وصلت ناظرت نظره اخيره لـ الصاله وام فادي اللي معها الشاهي وتقشم حب..زفرت بـ غصب منهاا وكملت طريقها بس صدمت بـ شي

- بسم الله!

طالعت كان فواز اخوو فادي..الى الان ماتدري وش قصته بس تحسه غيرهم..يعني فيه نسبة طيبه شوي..مو مثل اهله

-آآآسفه..

وراحت عنه لان مامعها حتى جلال تتغطى فيه
\
/
\
/
ركبت رغد مع اخوهاا وهي تصـآرع دموعهاا..كانت تنزل بس بـ شويش..وبدون أي صوت يصدر منهاا..
ناصر:رغووده..كيف كانت الروحه لـ بيت سمر..حلوه ؟
ماردت رغد.لانها لو بتتكلم بيعرف انها جالسه تصيـح..

انتبهـوا لـ تركي اللي طلع من البيت وركب سيـآرته ولا سلم على نااصر حتى..

ناصر:وش فيهم النـآس ماغير تحقر فيني؟؟..مومشكله

وحرك ومشى وطول الوقت هم ساكتين..

"عند سمر"
كانت تصيـح من كل قلبهاا..ألحين هي فقدت صديقه ويمكن اخت..او كانت بتكون لهاا اخت..
دخلت غرفتهاا واتصلت على تركي بس مارد..اتصلت مره ثاانيه قفـل جواله..رمت الجوال وطااحت ع السرير وهي تصيـح قلبها مارحمهـا من كثر مايوجعهاا..كانت متحسفـه كثيير ع اللي سوته بس تحس الحسـآفه شعور مو من حقها تحس فيه..لان لو عندهاا قلب عشاان تحس كان منعت المهزله اللي صاارت تو..

"رغـــد"
جالسـه في غرفتهاا..اول مادخلت سكرت الباب وقفلته وسندت ظهرها عليه وهي تطـآلع في الفرآغ!..ثـآنيه!..ثانيتين!....وبدت دموعها تنزل..جلست ع الارض وتحولت الدموع الى بكـآء "صاخب"..وجهها انقلب لـ الاحمر..تحس نفسهـا مقهوووووره مقهوووره..

اطلقت "آآآآآه" بـ قهر الدنياا..كلهـآ

طـق ..طـق
- رغووده!
رغد تمسح دموعها:نعـــم!
ملاك:رغد تعاالي كلي..تراك ماكلتي شي
رغد:مااابي..اكلت عند سمر.."الله ياخذها"
ملاك:اوكي بس ترا الاكل موجود اذا تبين تاكلين

قامت رغد من السرير وطالعت شكلها في المرآيه..كان وجهها وعيونها حمر..عيونها منفخـه..رصت على اسنـآنهاا..
حقيـر!..نذل..اكرررررررررررررهه!..انا الغبيه ليش حبيته ليش اسوي كذا!!..
ليـــــــش؟؟
هذي اخرتها يارغد؟؟..هذي اخرة التربيه؟..ابوك لو كاان حي وش بيسوي بك؟؟..انتي دلوعته!..اللي ماكان يرفض لك طلب..ليتني انا اللي مت يايبه ولا انت!..وينك يمـه تساعديني في محنتي؟..وينك ياأبووي!..لوكنتي عاايشه يمه كان منعتيني..ولاخليتيني انجرف بـ مشاااعري..وأبـوي..آآآآآآآآآآآآآآآآه يابوي..ونااصر كلكم..وش بسوي

التفت لـ الجوال وحاولت تتصل عليه ماتدري وش تبي بس بـ تتصل عليه تشوف وش بتسوي..
بس كـآن مقفـل جوآله..حاولت مره ثانيه بس مافي رد..مقففففففل!
شدت قبضتها ع الجوال ثمن رمته ع السرير..اخذت المخده ودفنت وجهها..القهـر ينهش عطاامها نهش..
القهــــر!...والندم!
صحيح بينت قويه..وعـزة نفسهاا علبت على كل قهرها ودمعهاا بس التمثيل خلص
انكشـف القنـآع الحين!
"من بكره"

اول ماقامت سمر اتصلت بـ تركي بس جوآله مقفل ..اكيد معصب من ردة فعل رغد..وبرودهاا

\
/
\
/
كانت مشاعل نازله من الدرج وشافت ام زياد وابو زياد..
مشاعل:السـلآم عليكم
الكل:وعليكم السلآم!
جلست مشاعل بعد ماجبت راسهم..:الا من زماان عن سحر..مالها حس
ام زياد:لوتس طالبه مليوون رياال..هذي هي في الطريق توها داقه
مشاعل بـ فررح لانها مشتـآقة لها:والله؟.....ونآآآسه
ابو زياد:وين زيااد؟
مشاعل:في الشغل..عيّـآ ياخذ اجاازه
ام زياد:ان ماجا اليوم يمكن تزعل سحر لانها تقول مايدق ولا يسـأل
مشاعل:لاان شالله!..بيجي
\
/
\
/
دخلت ملاك غرفتها وهي تسـأل نفسها عن سبب حبس رغد لـ نفسهاا في الغرفه
ناصر:وش فيك؟
ملاك تجلس ع التسريحه..ولاردت..حطت كوعها ع التسريحه وراحة يدها على خدهاا..
ناصر:هلللللووو
ملاك تهوجس:نعم؟
ناصر يناظر المكان اللي هي تناظر فيه:بسم الله عليك؟؟..كل هذا انا مسببه لك..لهـ الدرجه تفكرين فيني
ملاك اكتفت بـ هز راسها لانها حاليا تهوجس لحد يخرب عليها..
ناصر:حالتك مستعصيه جدا جدا...يبي لك ضمـه انتي
ملاك التفت:ضمـه
ابتسم يوم قال ضمه التفت..هز راسه بـ"ايه"..وقال:من زماان ماضميتك تراا..من يمكن امس
ملاك:ههههه..نصـآب!..توك يومني في المطبـخ
ناصر بـ خبث:لا هذيك من وراا..انا ابي من قدام
ملاك:ليش تختلف هذي عن هذيك؟
ناصر:يس..هذيك خمـه..اما ذي ضمه..واللي تكون على جنب.."يفكر"...امممممم..
ملاك:hug
ناصر:صح!
ملا:ههه..انا بعطيك بوسه بس
ناصر:لاه لاه لاه!......ابيك تضمينـي!...
ملاك:لاحوول..فاقد حنـآن انت؟
ناصر يأشر بيده بـ علامة كثيـر:وااااااااجد
ملاك قامت له:اصيـر لك حنان وفوزيه وبدريه وتماظر
كان بيضمها بس يوم قالت تمااظر وخر:ميـن؟
ملا:ههههههههه..تمـاظر
ناصر:لاالله يرحم امك..روحي !
ملاك:هههههههه..ليه طيب
ناصر:تماظر؟؟..انتي تدرين اني ماأحب هـ الانسآنه
ملاك:ياقدمك يمكن اخر مره شفتاها فيها يوم كان عمرهاا 13 ..يااخي تقرب لك من بعييد مرره ولاتشوفها الا بـ السنه حسنه..
ناصر:كانت دلووووعه..اكررهها
ملاك:ههه..انا كانوا يقولون عني دلوووعه
ناصر يحط يده على قلبه:وهـ بس!..انتي الدلع لايق عليك..اما ذي لااااااااع..ماصله
ملاك استحت:المهم ترااني تعبت من الوقفه..بـ تضمني ولالا؟
ناصر:افاااااا عليـك
وضمـــــــته
\
/
\
/
كانت دانه جالسه بـ السرير وتناظر في الجوال اللي معهاا..ودها تكلم امها بس تخااف احد يسـمعها وياخذه منهاا..محد مسبب لها رعب في البيت هذا كله الا عمهاا..لو مو هوو كان ماوافقت على فاادي يوم عند الملاّك بس ذكرت كيف كان يبذبحها لو قالت لا!
دخلت الجوال في جيبها ودخلت الحمآم

"عند ماجد"
ماعلم احد عن فكرته الا خالد..لانه لو بيعلم امه وام حمد بيعطيهم امل..وهو بـ صرآحه شااك في قدرة دانه في انهاا بتقدر تنفذ الخطه..

خالد يمسك يده:وين سافرت؟
ماجد:معـآك.."وابتسم"
خالد ماحب يقول شي او يعلق:امش اجل خل نروح لـ الشباب متجمعين بدال دورانا في السياره كذا
ماجد:اوكي
\
/
\
/
نزلت ريما من الاصنصير وهي تصلح حجـآبهاا وهي مبتسمه ان الحظ لف لها شوي والدينا ابتسمت لهاا..صحيح الشخص اللي تمنته مو من نصيبها....اللي جا فر طروف موب منـآسبه
سعــود!