منتديات قصايد ليل - عرض مشاركة واحدة - كبرتي وَصرتي بـ آلعشرين , طويله وَفآتنه وَتغرينْ ( كآمله )

06-14-2011

كـان ماجد يمشي بـ أسرع شي..يبي يوصل يتطمن على دانه..هي بـ خير او لا..
ولو ان قلبـه ناغزه..هذي وصية حمد وهو لازم ينفذهاا..
الشي اللي كان ماجد يركز عليه هو انه مايجيب حمد في رااسه لانه بيفكر وبيفكر ولا راح يركز بـ اللي هو جالس يسويه..

وصـل البيت بس المفــاجأه في...
الباب مكسوووور!
فتح ماجد عيونه على وسعهاا..نزل من سياارتهاا وقآدته رجوله من غير راي..لـ"فوق"
كـان يركض بـ كل سررعه و"قهره"..ماسك طرف ثوبه ويطوي الدرجـأت كل 3 درجات مع بعض..
ماجد:دآآآآنه...دآآآآنــــــه!

يوم وصـل لـ آخر درجه صدم في شي..وفقد توآزنه بس حس بـ أحد يمسك كتفـه...
ناظر لقى واحد قداامه شكله مايبشر بـ"خير"..لانه الـ"الشر" بـ عينه
ماجد فك يده ولا كأنه شاكر له لانه مسكه قبل يطيح من الدرج:من انت؟؟؟
ابتسم:هه..انت اللي مين ؟؟
ماجد معصب حده:أقول يالاخوو لاتكثر هرج وتعـال اوصلك برآآ
تكفت وقال بـ نبره فيها سخريه:الحين انت جآآي تطلعني من بيت عمي؟..خووش والله
ماجد:بيت عمك؟؟؟؟..ههههههه..انت تخليني اصر على راايي في اني اطلعك براا..لو سمحت من غير مطرود..
رفع حاجب:الظـاهر ماتدري مين تحاكي انت....معك فاادي يا....ماقلتي من انت اصلا..لا يكوون البواب اوالبودي قارد؟
ماجد عصب منه:اقول يا"رجـال" ماودك تطلع..اطلع مادام النفس عليك طيبه..برآآآآ
فادي يضرب على كتف ماجد:مو حلوو ان الواحد يدخل في مشاداات مو قدهاا...اوكي قلبوو..اطلع براا
مسك ماجد يده ولوااهاا..:هذي توجهها لك فأهم ؟؟
فادي حاول يدز ماجد لكن ماجد كان اسرع منه ومسـك في الدربزين..مسك ماجد قميص فادي ورجعه على وراا..ماجد لماا يعصب محد يوقفه ..
فـادي:فـك ياحثـاله
ماجد:وان مافكيت وش بتسوي؟؟؟؟؟؟؟؟؟؟..تدري؟..الشرطه جايه الحين ومو احسن لو شاافوك.."طبعا يكذب"
فادي التفت حواليه يدور شي يمسكه شـاف الشمـاعه توه بيمد يده لهاا عشـان يضرب ماجد فيهاا..بس ماجد رجعه على ورا وضرب ظهر فاادي في الجداار
فاادي ضعيف لـ ابعد الجدود لانه كان سكير ويشرب واللي مثله بنيتهم ضعيفه..
فكرته في انه يضربه ناشبه في راسه ..فكر كيف يضرب
طلع فادي الجووال من جيبه وبـ حركه خاطفه ضرب كتف مااجد..
ماجد:آآآآآآآآآآآآآآآآآآهـ..
ماقدر يمسك فادي اكثـر
راح فادي عند الدرج:هههههه.خل الشرطه تجي وتشوفك دااخل ودانه موجوده والتهمه تلبسك يا....حثـاله!
ونزل..ثوواني سمع ماجد صوت سيارته..
\
/
\
/
طلعت رغد من الاختبـار فتحت جوالها عشان تدق على ناصر يجي ياخذهاا
لقت مسج من تركي
"أبيع عمري لأجل ساعه معك وأنت
تنسى غرام العمر في ظرف ساعه
غيرك يفز لشوفتي وأنت مالنت
سالي ولالي وسط قلبك شفاعه
غيرك يبيني وأنت كنّي ولا كنت
عندك ولا كان لهوايه قناعه"
ابتسمت وش كثر فرحت بهـ الرسـاله....مسحتهاا ولا ردت عليـه..
\
/
\
/
"عند العروسين"
جالسين في غرفتهم ويتفرجون على فلم..مشاعل جالسه ومتكتفه وعاقده حواجبهاا..
وهو مد يده مرت ورا رقبتها لتستقر على كتفها الايمن..
جا فاصـل اعلآني..
رجع رقبتـه لـ ورا وغمض عيونه.بعدين رجع لـ وضعه الاول وقرب خشمـه لـ رقبتها ورفعه الين وصل اذنها وقرب فمه لـ خدهاا..وجا يبوسها..بس قاامت بسرررررعه
مشاعل:لو سمحت!.
زياد:مشاعل وش فيك؟؟..انا زوجك ليه قمتي؟؟
مشاعل:ياأخي استح على وجهك..وش تبي او تحب وحده ماتبيك .."وبصوت يعور"..وماتحبك!
وقف زياد وبـان طوله الفاارغ:مشاعل!..."وبهدوء"..ممكن اعرف وش سالفتك؟؟..مشاعل بـ ذمتك انا مضاايقك بـ شي..قولي لي..انا مزعلك بـ شي؟؟
مشاعل والعبره خانقتهاا بس تحاول ماتنزل دموعهاا:انا آسفه..ادري مالك ذنب بس انا بعد مالي ذنب..
زياد وباين عليه مافهم:شلـون؟..انتي تتكلمين بـ طلاسم
مشاعل رفعت حاجب:اقوول وش رايك تنسى؟...لالا من جد احسن لك انسـى..
وعطته ظهرها..ودخلت الحمـام

اما هوو جلس تايه..محتار..مشتت..وعيونه نظراتها مشتته..متعطشـه لـ أي اجاابه..
\
/
\
/
يوم حزيـن بـ كل مافيه..
لانه اليوم الاول من وفـاة حمد..الكل كـان يبكي عليه وليه لا وهو حمد اللي كان يترك بصمه حلووه في كل مكان يروح له..

دخلت ام فهد لـ بيت حمد عشـان تعزي..ومعها ام ملاك وملاك ورغد

ام فهد:عظم الله اجرك
ام حمد تعدل طرحتهاا ومنديلها بيدهاا:اجرنا واجرك..

عـزوا البنات ام حمد..
ام فهد تكلم ام حمد:الا وين دانه؟؟
ام حمد:فوق وعلياا..ومانزلت من امس..
ام فهد:هو!..وراهـ؟؟
ام حمد:تصيح مسيكينه..ماأستوعبت وفاة اخووها
قامت رغد وسحبت معهاا ملاك:اقوول ياخاله تسمحين لنا نروح لها فوق؟
ام حمد:أيـه اكيـد!

راحـوا رغد وملاك فوق عند دانه
ملاك :الحين احنـا وش دخلناا؟؟
رغد:مالنا دخل بس ع الاقل نوقف معهاا في محنتهاا..
ملاك:ولو اني مو مقتنعه بـ تشوتنا براا شكلهاا..
رغد:لا ان شالله امشي بس انتي..

راحـوا ل كم غرفه وبـ حكم ان البيت ضغير وصلوا لـ غرفة دانه اللي عرفوها على طوول من صكت الباب..

رغد:بلكن هذي غرفتهاا
ملاك:الا ذي..خل نذق الباب نشـوف..
رغد:مدري احسـه أحرااج..
ملاك:قايلة لك اناا..امشي نرجع..
رغد:لااااااع..ماراح ارجع..انا مارقيت عشاان ارجع
ملاك:لاحووووول..رغيّـد!..
رغد:روحي انتي..

دقت البـأب..دقه!.....دقتين!..
رغد بهمس:ماترد
ملاك:اجل خل ننزل
رغد:نوووب..
فتحت الباب ودخلت كانت الغرفه ظلااام المكيف مولع والغرفه باارده وشكلها نايمه
ملاك:وانتي وجه بن فهره..تدخلين كذا؟؟؟؟؟؟؟
رغد:ماعليك...امشـي!