منتديات قصايد ليل - عرض مشاركة واحدة - كبرتي وَصرتي بـ آلعشرين , طويله وَفآتنه وَتغرينْ ( كآمله )

06-14-2011

×..الفصل الحـادي عشر..×
>..:..الجزء الاول..:..<

صحت على صوت رسـاله من جـوالهاا..
المرسـل>>زيـاد

كانت رسـاله عاديه يرسلها أي زوج لـ"زوجته"..في أيـام ملكتهم
بس ماعجبهـا هـ الوضع لان هـ الرساله من زيااد

همسـه؛كلنتونيه:{.. الحب كلب راقد يفضل ان يضربه صاحبه بدل أن يداعبه..//.. سواه

\
/
\
/
طلع حمد من شغلـه..وهـو يفكـر بـ عمه الي الى الان مافقد الامل في انه يحصل على الورث..سبحاان الله فلووس فرقت عايله كانت من احسـن العواايل..وعيـال عمه الـ 3..

رن جواله
المتصل>>فادي

رد حمد على ولد عمـه
حمد:هلا فاادي
فادي:هلا حمد..اخباارك؟
حمد:بـ خير..انت شلونك وشلون عمي واخوانك؟
فادي:مو بـ خير داامك مصر على عننااادك
حمد ابتسم:فادي انا قد قلت لك عن سبب رفضي مو طمع والله
فادي:خلاااص ياخي الرجال مااات وعفن في قبره..هاات نصبيناا وريح عمرك واختك
حمد:هذا اللي تتكلم عنه جدك يافاادي
فادي:المهم..انا سمعت ان اختك انخطبت وهي رفضت..ياأخي البنت تبيني..وش فيك انت؟؟
حمد يبتسم:يعني انت اخبر مني بـ اختي؟
فادي:واثق من نفسك انت مرره..بس صدقني هـ الثقه ثمنهاا غاالي
حمد:وش رااح تسوي؟؟
فادي:لاتتحدااني ياحمد..ترا امك واختك مالهم غيرك
حمد:انا ماأخااف الا من ربي يافاادي..واذا انت ماتخاافه هـ الشي راجع لك
فادي:هـه!..كن ودك بـ مشكله ياولد العم؟؟
\
/
\
/
الليله اللي تسبق ليلة زواج مشاعل وزيـاد..
ام فهد:والله يامشـاعل اني بفقدتس..مدري وش بسوي من غيرتس
مشاعل تحاول تمنع دمعتها من النزوول:لا يمه ابزوورك كل يووووم..بخليك تقولين خلاااص يامشـاعل..اطلعي براا..ماأبيييييك
ام فهد:ههههههه..لا ماراح اقوول كذا

- احم!..ياورعاان..الحريم يتغطوون والبناات يتفصخوون..هههه

ام فهد:ههههههههه..الله يرجك من ولد
ماجد:هههههههههه..كيفكم ياحبيبااتي ونور حيـاتي
مشاعل:مرووق اليوم انت ع الاخــــر!
ماجد يجلس ع الكنب ويسترخي:من جد...اليوم مابقى مكاان مارحت له مع حموودي صديقي الجديد الحبيب
مشاعل:وين أيـام فرااس..يوم كنت تطره يطلع معك خمس دقايق بس
ماجد كشر:الله ياخذها من ايااام..والله اني خبل بس..الله يخلي حمد بس
ام فهد:الله يهيدك يامشااعل قلبتي النفسيـه فووق تحت
مشاعل:ههههههههههه..عشااني جبت طاري فراس؟
ماجد:مشيييييعل!..ورا ما تسكتين احسن لك ترااك قلبتي الموود
مشاعل تسكر فمها:خلااااااص..امزح امزح
ماجد يعدل جلسته:الا تعااالي يالخبله..وش انك مسويه بـ زيووودي.."وبـ المصري"..ياخطاافة الرجـاله!
مشاعل خاافت لايكوون زياد جااب طاري لـ ماجد:شي؟؟..زي ايش؟
ماجد:والله ان الرجال زال عقله..صااير كثير الشرود وكثير الهوااجيس لامحااله
مشاعل:هههههههههههه..توك متعلمها لامحااله؟
ماجد يحك رااسه ويقول بـ تردد:ايه اليوم قالها زيااد..وسرقتهاا..كيف حلوه؟..اعلق عليهاا؟
مشاعل:لالاخل لها شكـل لاتقولها الا في المناسباات
ماجد:اكيـد بقوولها لامحاله
ام فهد:ههههههههه..
مشاعل:ههههه..مجوودي ماجا دورك؟..تتزوج؟
ماجد:انا ماأبي الا داانه وغيرهاا ماراح اتزوج
ام فهد:طيب البنت ماتبيك...
ماجد:مااااالي دخل..اجل ماراح اتزوج
ام فهد:طيب وش معنى هـ البنت بالذاات؟؟..وش عرفك فيهاا
ماجد بـ بعدم اهتمام:اعرف اخووهاا وهم نااس محترمين..وهذا الي انا ابيـه
ام فهد:طيب انا ازوجك وحده من النـاس اللي نعرفهم وثقه..ومحترمين
ماجد:يمـه..منيب بنت انا تقولين ثقه وماثقه..انا انسـان ابغاا القى شريكة حيـاتي بـ نفسي
ام فهد تتنهد:انت وسعود نفس الطينه..كلكم رافضين الزواج
ماجد:احسـن لنا والله ..وش لنا بـ عواار الرااس.."ويقلد اصوات الحريم"..ماجد جب حليب..ماجد جب حفاايض..ماجد رح لـ الصيدليه..ماجد خل نروح لـ الدكتورر الورع مرتفعه حرارته...والله حاله
مشاعل:هههههههه..اهم شي الروع
ام فهد:وش عرفك بهـ الطلباات؟
ماجد:خبره..اخويااي اغلبهم تزوجوا..واشووف معاناتهم بـ نفسي
مشاعل:بس ع الاقل تلقى منهي تهتم بك وترااعيك..وفقدك لين ماصرت في البيت
ماجد:لا شكرا مابي احد يراعيني..احنا كذا حلوووين
ام فهد:يارب..ان شالله ياربي اشووفك يوم غرقاااان بـ الحب ليين راسك
مشاعل:هههههههه..من رااسك الى اخمص قدمييييييك..
ماجد كشر:بسم الله علي..استغفروا..جالسين تدعون علي انتوا
مشاعل:ههه..لالا ندعي لك ياحلوو..لانك ماتعرف الحب وأحسـاسه
ماجد:ليه مجربه؟؟
مشاعل هزت كتفهاا ولا جاوبت
\
/
\
/
- الحين انت ماقد طلعت مع زوجتك ولا مره؟
زياد يتصفح الجريده اللي قدامه:لا..لازم؟
سحر:زيااد..يعني انا اجي اقولك ان حلال تطلع مع زوجتك؟؟
زياد ناظرها وابتسم:لا..وانا قد تزوجت قبل كذا ترا وعارف..بس ماأبي اضغط ع البنت
سحر:طيب ليش ماتطلع انت وبنتك..وتاخذ مشاعل معك؟
زيااد:مدري
سحر تذكرت:ولا صح مفروض مي عند امها الحين
زياد:مي ماتبي امهاا...هنا احسن لهاا
سحر:الله يهدي عمي بس..
زياد:آمين..ودي اطلع اوسع صدري بس مدري اروح
سحر تنغزه بـ كوعها:رح اطلع مع ميشوووو
زياد:ماأظن بتوافق
سحر:ليه؟
زياد:لاتنسين انهاا تستحي ياسحر..وتونا ماصار لنا مملكين الا فتره بسيطه
سحر:اممممممم.بس لازم تتعود عليك..اتصل شف
زياد:أوكي!..
طلع جواله وطلـع رقمهاا المخرن عنده بـ اسم.."حيـاة الروح"

مشاعل:آلووو
زياد:هلا مشاعل..
مشاعل:هلا زيااد
زياد:كيفك؟؟..
مشاعل:بـ خير دامك بـ خير..انت شلونك؟؟
زياد:انا بـ خير وصحه..ميشوو عندك شي اليوم؟
مشاعل:شي؟؟..زي ايش؟
زياد:اقصد ان عندك شي مشغوله لان ودي اطلع معك..موافقه؟
مشاعل حست انه عيب تقول لا مع انهاا ماتحبه ولا لها خلقه ابد:اوكي..ماعندي مانع
زياد استانس:اوكي..مسـافة الطريق
مشاعل:اوكي

سكر زياد من مشاعل وراح لـ غرفته ولبس ثوب وشمـاغ جدييد..وتعطر

دخلت عليه مي وهي ماسكه يد الشغـاله اللي طارت عيونها بـ زيااد وهي موب اول مرره
كانت مي لابسه بيجاامه ورديه وتناظر في ابوهاا
مي:بابا..وين بتلوح؟
التفت زياد لـ بنته انتبه لـ الشغاله وهي تناظره تنظرات "شبقه"..بس ماأهتم لهاا..وكلم بنته
زياد:بروح مشووار..روحي ناامي..عشان تروحين المدرسه
مي بـ زعل:مابي مابي..ابغااك تنام معي..
زياد:امممممم...طيب تعاالي
مسك يدهاا واخذهاا ووداها لـ سحر..

زياد ينادي سحر:ســــحر!..سحوور
سحر:نعم نعم!
جت سحر وشاافت شكل مي الزعلان وعرفت:هههههههههه
زياد:سحووره تكفين ترا موب حلووه اتأخر على البنت في اول موعد لي معهاا
سحر:ان شالله..انت رح الحمام ..واحنا ننتظرك في الغرفه صح ميووشه؟
زياد:ايه صح مي..انا بروح لـ الحمام..وبجيك اوكي؟
مي:طيب بس لاتتأخر
زياد يضرب صدره:ابشششري...ثواااااااني
مي تمد يدها لـ عمتها:يللا عمتي..
راحـوا سحر ومي والشغـاله لـ غرفة مي..وزيـاد انحااش..
\
/
\
/
تنهدت بـ صووت مسموع بعد ماأنتهت من ترتيب غرفتهاا اللي اخذ منها وقت موب قصير..نفضت التراب من ملابسهاا..وناظرت نفسها بـ المرآيه..ابتسمت على عمرهاا شكلها يضحك بهـ الملابس..كانت لابسه جينز فاتح وبلوزه سودا فيهاا رسمة happy face
وشعرها رافعته ورابطه ربطه على راسهاا ابتسمت..فكت الربطه حقتهاا وانسدل شعرهاا على اكتافهاا بـ شكل حلوو..كان شعرها صعب التعامل مثل طبعها احياناا..كيرلي بـ طريقه حلووه ابتسمت..حراام مثل هـ الشكل يروح لـ امثال تركي..

رمت نفسهاا ع السرير وماأن لامس جسمها السرير الا جوالها يرن..
المتصل>>سمر
تأففت..

رغد:آلوووو
سمر:هلا رغوودهـ..
رغد من غير نفس:هلا بك
سمر بـ احراج:رغد..مدري شقولك..
رغد:ماأتوقع بيني وبينك شي..عشان تقولين لي شي
سمر:ادري انك معصبه وشايله علي..بس محد بيعرف يفهمني كثرك
رغد:المطلوب مني؟
سمر:انا اعرف اني كنت غلطاانه..وادري اني كنت بـ اللي اسويه اذي نفسي قبل اذي احد غيري..بس الشيطان يارغد..اليشان اغوااني..ومدري وش اقولك بس انا منحرجه من نفسي..وابيك تسترين علي وتعطيني فرصه ثانيه
رغد ماتدري تصدق ولالا:تبـتي؟؟
سمر:ايه يارغد..انا شفت قدام عيني بلاوي..وانتي الوحيده اللي عارفه بـ بلااويي..وابي اترك اصدقاء السوء وبـ مساعدتك اقدر اتعرف على بنات محترماات
رغد:سوري ياسمر..مقدر اعرفك على بناات انا الي الان ماخذه موقف منك ولا اقدر اورط بنات خلق الله..
سمر:ترا رب العالمين وهو رب العالمين مايرد توبة عبد..فـ مابالك في انتي يالانسـانه
رغد خافت انها تكون ظالمتها وان صدق تابت:اوكي..بس ان حصل منك أي شي..وربي ياسمر ماراح اسامحك طوول حياتي
سمر:انا ماألومك ع اللي تقولينه يارغد..وحتى من كثر ماأنا مستحيه منك ماجيت عزا ابوك.......عظم الله اجرك
رغد:ارجنا واجرك..
\
/
\
/
- وين تبين تروحين حبيبتي؟
التفت مشاعل على زياد.."حبيبتي"..اول مره يقولهاا..
زياد يكلمها وهو مبستم نص ابتسامه خلتها تتنح في وجهه:ميشوو
مشاعل.."ياروح ميشووو..لوول"..:هلا
زياد:في مكـان في بالك.."طبعا هو عارف اجابه مسبقا"
مشاعل رجعت نظرهاا لـ الشباك مو هي اللي تنسحر بـ الجمال يكفي اني معروضه عليه مثل بضاعه رخيصه..هزت كتفها وقالت:أي شي ماتفرق معي
زياد:خلاااص اجل انا عندي لك مطعم حلوو...
جلست تطالع السيـارات تخيلت لو انهاا مع فراس الحين..بس لا!..خلاااص لو بتشوف من اي ناحيه هي غلطانه
لا من كرامه..ولا من عقـل..ولا أي شي..لانه حبها لـ فراس ميت قبل يولد

- ميشوو اكلمك انا
التفت مشاعل لـ زياد اللي كان يناظرها مبتسم..هـ الابستاامه تقهرهاا ليه هو مبسووط وانا لا؟؟..او بمكن تأنيب ضميـر
مشاعل:ايش؟
زياد يزيد ابتسامته ويحثها ع النزول:يللا ننزل..هذا هو المطعم..
تو مشاعل بتفتح الباب الا جا عامل هندي وفتحـه لها..:welcome
نزلت من السياره وشافت المبنـى الكبير قداامه يدل على فخاامه كبيره اول مره تروح لهـ المطعم..وقفت على طولهاا وهي تشوف زياد قدامهاا تقدمت ومشت جنبه..مد يده لهاا..ولا حبت تفشله
حست انهاا احد نجوم هليود في الردكاربد..مع هـ المبني معطيه شكل..
دخلوو وصلـوا عند الباب اللي كان محطوط جنبه لوحه مكوب عليها
"ممنوع دخول الاطفـال تحت سن الـ 8 سنـوات"

ابتسمت مشاعل..وش ذنب الاطفـال المساكين مايدخلون هـ المطعم؟؟..بس راحت عليهم..
سمعت صوت زياد يقول لـ عامل اللبناني:حجر بـ اسم زياد عبدالمجيد!
ناظرته مشاعل..حاجز بعد؟؟..حلوو والله
العامل اللبناني:تفضـل استـاز
مشـوا مشاعل وزيـاد ورا العامـل..وهم في طريقهم مروا من ارضيـه كانت عبااره عن زجـاج تحته وتحت الزجاج قطع حجر متناثره بـ شكل حلوو..اول مامرة مشاعل منه حست ان الزجاج بينكسر في أي لحظه تمسكت في يد زيااد اكثر..اتلفت لها زياد وابتسم..
لاحظت انه يمشي عاادي ولا كأنه يمشي على قزاز في أي وقت ممكن يتكسر ويمكن تنكسر رجولهم..انتفضت من هـ الفكره..لالا..ماراح يطيح شي اصلا كيف يحطون قزاز يتكسر وهم عارفين ان النـاس بيمشون عليه..لحـظه يمكن عشاان كذا قالوا ممنوع الاطفـال لانهم عارفين انهم ماراح يهجدون وبيكسرون الارضيه..ييييي..والله الوهقه..بس الحمدالله تعدت مرحلة الخطر..وراحت عن الرجاج اللي مسبب لها رعب..

العـامل:تضفل استاز..!
جلسـوا مشاعل وزيااد..وعطاهم العامل المنيوو..
ناظرت مشاعل الاصنااف ولا شي تعرفه..وتخاف تطلب شي مايعجبهاا..رفعت عينهاا لـ زياد اللي كان يناظر المنيو بـ هدووء وواضح انها مايتعذب في اختياار الطلباات..رفع زياد عينه لها
ابتسم لها:عجبك شي؟؟
مشاعل هزت كتفهاا:مدري..ماأحس اني ابي شي معيـّن..
زياد ناظر المنيوو:طيب وش رايك ننوع؟
مشاعل حطت المنيوو وتسندت:اووكي..اللي تشوفه لان انا ماقد جيت هناا
زياد يطلب القرسوون يجي ياخذ الطلباات..