لواهني اللي وراديارميقوع=بأقصاالحدودومن وراديارعمان
بديارناس تخلف العقل والنوع=تختارفيهم للهوى أشكال وألوان
سود الليالي تخلف الظن والطوع=لوهي على كيفي تنصيت حوران
ببلادهم ليه مواليف واربوع=لجيتهم عني يجلون الأحزان
لمن مشولي شبرأناأمشيلهم بوع=حسب الغلارجلي سريعه بالأقران
لكن إمواصلهم غدااليوم مقطوع=ياليت هاللي كان ياعين ماكان
بعدالطرب بديارخلاني الروع=وبعدالونس شبت حرابه ونيران
عسى الحيايمطرمن الوسم وارجوع=على مداهيل الحبيب بالأمزان
وعسى المشاكل تنتهي ثاني إسبوع=والله يسعدناس هذيك الأوطان
من ماجرى قلب الشقاحيل موجوع=والنفس راودهامن الهم شيطان
قلبي إلطاريهم من الجاش مشلوع=يكفخ كفيخ أشقرتنهض بجنحان
كني وجيع الضرس بالقازمقلوع=واللي شلع ضرسي غشيم بالأسنان
وأقنب قنيب اللي تلوى من الجوع=أسحم تقانبله ذيابه بضلعان
أربع ليالي بين فزات وارثوع=كل ماعدايحداه رمي عن الضان
جاه الصباح وراح مقفي ومليوع=يجرصوته مفلس الذيب جيعان
أناومثلي عن هاكالدارممنوع=حال الخطرمن دونهم والزمن شان
ضاقت عليْ وضقت مافيه مسنوع=وشلون أسوي ضايق البال حيران
شربت من سم الثعابين منقوع=وكني على حامي اللهب وسط الأفران
الليل كله تنزف العين بدموع=وأبات ليلي لين الأصباح سهران
أصبح على مركاي خدي على الكوع=متمركي مسهرسهيرات الأعيان
ونين قلبي بالتناهيت متبوع=من وجدي المطول تنهت وجلان
أجاذب الونات مثني ومربوع=عايش زماني كل الأوقات حيران
أرجي شروق الشمس لبان بطلوع=ينقل خبرعن دارمردوع الأوجان
حتى إنتهيا للسفرعجل بنجوع=مع ربعة ليه على الضيق عوان
العمرللخوه بالأسواق مبيوع=مرخوص بيعه لوغلت فيه الأثمان
خويهم دايم على الراس مرفوع=نقله خفيف إليا إرتكوله بالأمتان
أبوصقروعبيد وأعلنت مذيوع=ياطيبهم وأقولهاسروإعلان
وأبووليدإليا مشينا مع إقطوع=ومثل الجمل بارك لنا أبوسلطان
ربع بهم جزمة عوازيم وابتوع=أبطال عقب أبطال عيال شجعان
قدامهم صعب المشاكل غداطوع=لحزموابيض العمايم والأردان
آرد بهم ري المواريد بشروع=أشرب روى لجيت للورد ظميان
يازين لأجتزناوراديارميقوع=ونمسي مسانا من ورا ديارعمان

مركز تحميل الصور[/URL]