منتديات قصايد ليل - عرض مشاركة واحدة

06-11-2011

يوم الخميس

نبدأ بالتدريج

في ايطاليا

حجرف : يالله ياعمي تأخرنا طيارتنا على وشك

ابو بدر : يالله والله انت محرقنا من ساعه وانت وز وز وبعدين

حجرف : وش اسوي اخاف نتوهق بالحجز تعرف بعد

ابو بدر : وين تتوهق اوان بكبري معك

حجرف : ماتعرف تهايط طال عمرك ابد ههههههههه

ابو بدر : ماقول والله غير تسلم يدين اللي على الطيب ربوا بنت اخوي هي الوحيدة

اللي جابتك على معقب راسك

حجرف : ههههههههههههههه

راحوا المطار

و ركبوا الطيارة و التزموا مقاعدهمـ

-
-

في ألمانيا

تركي : اكيد اخذتوا كل الاغراض تراها المانيا مانى براجعين لها من غير شر بإذن الله هههه

نايف : يالله منى عيني اطلع منها ياكرهي لهااا

بندر : الله لا يحدنا له يارب

بدر : اقول يالله اتركوا العواطف الطيارة على وشك

نايف : قايل لكم انا حنا عندنا طفرة بالمشاعر هههههه

بندر : من جد هههههه

اتجهوا للمطار بكل معاني الامل المحمله بقلب بندر

ركبوا الطيارة و التزموا بالمقاعد

بندر " يارب لك الحمد و الشكر ما توقعت اني برجع لديرتي إلا بتابوت يارب اني احمدك و اش*** "

نايف " الحمدلله على سلامة بندر يارب سلمه من كل شر والله اني خفت ارجع لحالي "

تركي " يارب ارحمنا و الطف فينا رحمتك يارب .. الحمدلله اللي فرحتنا بسلامة اخواني "

بدر " الحمدلله اللي سلم بندر و رجع للديرة معافى و افتك من الوجع و الصداع اللي ذابحه

من سنين "

-

-

في بيت ام خالد

ريم دخلت مدرعمه : وين هنيف

امها : نايمة

ريم وهي طايرة فوق دايركت : غريبة الساعه 1 و شوي

امها : تقول سهرانه البارح

ريم : ابوك النصب البارح تفرقنا بدري قبل وحده يمكن متفرقات انا وهي و راما

امها : شكلها تعبانه الله اعلم

ريم : بروح لها

راحت و فتحت الباب : يالله قومي ناظري ساعتك كم ..؟

الهنوف سحبت الغطاء زود : ريموت انقلعي من جد مانمت بطني ذبحني و تارقت البار

ريم : يالنصابه تقولين لامك اننا سهرانات ليش

الهنوف : ياربي قلت انا سهرانه انا ماقلت انتِ معي يالله بنام خلاص عاد

ريم سحبت الغطاء : قومي بس بدر يقول ان عمي عبدالله يبيك

الهنوف بفجعه تنرحم مسكت بطنها : وش يبي ؟

ريم لاحظت حركتها : وش فيك هنوف ..ا نت ... صار ... هذا ..( بصوت مقطع )

الهنوف دمعتها بعينها : تخيلي البارح ما نمت ياريم

ريم دمعتها بعينها بعد : ليش ؟

الهنوف : خايفه ياريم يصير صدق اللي خربطنا انا وانتِ فيه من كم يوم

ريم بدهشه : مستحيل مسرع يختي لا توسوسين

الهنوف دمعتها نزلت بشكل مرة يكسر الخاطر : وش يبي ذا ..؟

ريم : مدري بدر اخوي يقولي قولي للهنوف تتجهز و تروح لعمي في بيته ومره عصب بدر

يوم عرف انك نايمة يقول للحين البنت ذي ماستوعبت انها متزوجة

الهنوف مسحت دمعتها " وينك يبه " : طيب تتوقعين عمي وش يبي ؟

ريم : قومي البسي << هذا همها و اكشخي و روحي شوفي وش عنده يمكن بيشرهك

لانك زوجة ولدهـ

الهنوف : ماعتقد توه يتذكر بعد شهر

ريم : اووما شهر يختي كله كم اسبوع

الهنوف : امي بتروح معي

ريم : لا بدر يقول انتِ بس

الهنوف : غريبة يؤ لا يصير ذا بيشرف الرياض اليوم

ريم : خليه يجي ياخذ هم ولده من الحين بيرمي كل شيء عليك بس ههههههه

الهنوف : ريموووووووت من جد مالي خلقك وسدي حلقك لين اتأكد بليز < شوي و تصيح

ريم : ياهمي ذا بدر يدق علي

الهنوف بعصبية : ايه خلااااااص قولي له خلااااااص الله يعين عليهم مدري وش يبون

خلاص شافوا ابوي ميت صاروا يلعبون فيني على كيف كيفهم

ريم بحزن : هنوو

الهنوف : من جد شيء يسد النفس خلاص بلبس ممكن تطلعين او لا

ريم بحزن : اوكي يالله طالعه انا

الهنوف وقفت غمضت عيونهااا

راحت توضت و صلت الظهر

رجعت اخذت شاور و طلعت فتحت الدولاب

الهنوف : اوووف مالي خلق البس عاد هالشايب اللي بيدقق بكل شيء اذا شاف علي

جينز قال وش ذي ميب مرة اخاف ولد و تكمل عاد ( ابتسمت بسخرية) من الولد وابوه

ناظرت فستان وردي و فيه حركات نعومة بلون تفاحي فاتح جدا من " كافالي "

الهنوف : يالله نكرف هالفستان شوي لمجرد دقايق معدودة

لبست و ضبطت شعرها و حطت ميك أب خفيف مرة

و لبست عبايتها و نزلت

امها : جهزتِ يمه

الهنوف بوست راسها : ماودك تخاويني ..؟

بدر : ذا اللي ناقص والله هههه يالله بس امشي

الهنوف : انت اللي بتوصلني

بدر : مدري كان حرم حجرف عندها اعتراض فيه بنقاليين واحد اسمه اسماعيل و الثاني سليم يعني

الهنوف ابتسمت

وردهـ : وش دعوة هنوو يالله ابوي بكبره يسأل عنك

الهنوف " الله يستر منه " : اوكي يالله

وردهـ : تفضلي يالله

في بيت العم عبدالله

دخلت الهنوف البيت ...

و مباشره طاحت عينها بعين عمها ...

نظراته تخوف ... مثل نظرات عمها فهد

وردهـ : وش فيك وقفتِ هههههه مسوية ماتدلين

الهنوف بصوت خافت : عمي وش فيه يناظرني كذا ...يزعل اذا لبست عباية يعني

وردهـ : طبعا بيزعل لانك في بيتك امشي تعالي سلمي عليه و بوسي راسه

الهنوف : ابوس راسه مااطوله يختي عملاق

وردهـ : ههههه من قال لك اصلا انو بيقوم ل كانتِ بتنزلين راسك و تبوسينه واهو جالس

الهنوف : اذا كذا عادي امشي معي لا تتركيني بليز

مشوا لحد ماو صلوا

وردهـ : السلام عليكم

ابوها يتأمل الهنوف بقسوة شوي وقهر << ضعيف ما ينلام من تزوجت ولده ما جت بيتهم ابد ^_^

ابو وليد : و عليكم السلاااام والرحمة

الهنوف تبتسم : كيفك عمي

ابو وليد مستغرب انها ما سلمت عليها

وردهـ تطقها مع بطنها بخفيه

الهنوف استشعرت بنبضات قاتلة " وش تبي ذي ما تضربني إلا من هنا "

وردهـ تهمس : بوسي راس ابوي

الهنوف قربت له و ابتسمت : كيفك عمي

عمها : بخير يا بنتي .... اجلسي

الهنوف جلست مباشرة ..

طقتها وردهـ ... قامت الهنوف << ياعمري عليها

الهنوف باسى وصوت خافت : وشو

وردهـ : ابوي مايحب احد يجلس اذا بيسولف مع احد يشوفه واقف قباله

الهنوف بإمتعاض : ياسلام قراقروش يعني

وردهـ : هنيف موب وقتك

ابو وليد : الهنوف

الهنوف ابتسمت وهي من جوا ميته قهر منه : عيونها

طقتها وردهـ

الهنوف " عز الله اذا في بطني شيء راح فيها من ذالدفشة احسن يموت وارتاح )

الهنوف : سم ياعمي آمر

ابو وليد : يوم انك هاجرة بيتك ليش هاه

الهنوف : بيتي ههههه وش قصدك

ابو وليد عصب على اسلوبها : هذا وشو ماهو بيت وإلا ماهوب بعينك شيء

وردهـ لاحظت عصبية ابوها : لا يبه وش دعوه ههههه بس هي

ابو وليد : اسكتي انتِ ولا كلمة ردي يابنت

الهنوف " من جد تكرنت ووقررت تعميها " : يعني انت قلت بيتك يعني انا يالهنوف انا بصراحة

ماعندي بيت غير بيتنا بيت امي يعني تعرف اول مرة اجي بيتك اللي مره يجنن ماشاءلله << يازين اللي تسلك

ابو وليد : الشرهه ميب عليك على الدلخ رجلك اللي تاركك تسرحين و تمرحين انا لو داري

انه ما بياخذك معه للسفر كان لو يموت ما زوجته

الهنوف " لو كان مطري اخواني كان وربي لاعميها عليه بس دامه يسب ولده بالطقاق "

ابتسمت بهدوء

ابو وليد : اسمعي العم اللي مابعده علم

الهنوف تبتسم بشموخ : سم طال عمرك

ابو وليد : مالك طلعة من ذالبيت فاهمه

الهنوف بعصبية شهقت : ايش ..؟

ابو وليد بحلق عيونه : ماتعلمتِ الادب كذا تردين على عمك

الهنوف عصبت : ماعتقد اني سويت شيء غلط وبعدين معليش يعني بس انا ترا عندي اهل

ابو وليد : وعندك زوج مايدري عنك و لا يدري عن نفسه اصلا بس ذي نتايج دلع امه

وينك تعالي شوفي ولدك و حركاته

ام حجرف استغربت الصراخ : خير إن شاءالله وش فيكم ...

شافت الهنوف

ام حجرف : هلا بك يمه نورتِ البيت يامرحبا والله

الهنوف وهي معصبة

سلمت على خالتها : مشكورة خالتي البيت منور بوجودك انتِ << ركزت على انتِ ^_^

ابو وليد بعصبية وقف و يحكي بيدينه يتوعد

ابو وليد : اعتقد كلامي واضح فاهمه طلعة من ذالبيت مافيه فهمتِ

الهنوف بعصبية : عفوا عمي بس مايحلق لك

ابو وليد : وشو وش قلتِ عيدي ماسمعت

وردهـ سحبت الهنوف على وراء

الهنوف " والله اللي مات اللي بطني احسن عشان افتكـ "

الهنوف : خير إن شاءالله اجلس هنا ليش وش اسوي دام ان زوجي مسافر

ابو وليد : قدر و لقى غطاه سبحان الله اسمعي تنطقين فيذا لين يجي الثور زوجك فاهمه

ام وليد : خير يا ابو وليد وش فيك على حجرف من سافر وانت ماتركته بحاله إلى متى

وانت حاط نقرك من نقر ذالولد هاه ارحمه حرام عليك

ابو وليد : قاهرني والله متزوج ولا كنه متزوج زوجته قلت بفتك منه ومن مشاكله و بلاويه

قلت بيعقل قلت بيركد فشلنا الله يفشل عدوهـ

الهنوف فتحت عيونها " مشاكله و بلاويه ..ياه لذالدرجة تاريخه اسود ... "

ابو وليد : فهمتِ انتِ او لا ..؟

وردهـ : ايه فهمت يبه ولا يهمك بوديها لجناحها فوق

الهنوف تركت يدها : خير وينى فيه سجن هو سجن

ام وليد بصوت خافت : معليش يمه شويات بس روحي وانا اوعدك اوديك لامك بس فكينا الحين

الاخلاق قافله

الهنوف بعصبية تناظره من بعيد : استغفر الله ليش هو كذا معكم يارب الحمدلله ماقد عشنا ذاللحظات

خير وش على باله يعني

وردهـ : اقول امشي بس كنها جازت لك تسبين ابوي من تو ههه

الهنوف : امانه مبسوطة فيه وهو كذا يعني مره جايز لكم الوضع

وردهـ : الاب وجوده بالبيت له معاني كثيرة لو كان قرارقوش على قولتك

الهنوف " أه يا وردهـ جيتِ على الجرحـ والله "

الهنوف : اقول ورده اتركي يدي والله العظيم منيب منحاشة هههه

وردهـ : ههههههههه من رجفتي خفت والله

الهنوف : وادري انك كنتِ خارج التغطية بس تراك لقستِ بطني لين قلت بس من كوعك ذا هههه

وردهـ : عادي توك بنوته هههههه يؤ عاد تخيلي لو تصيرين حامل كان حجرف يذبحني ذبح

الهنوف " والله شكلي انا اللي بنذبح " : ماشاءالله هذا بيتي هههه

وردهـ : ماعرف لك غير ابوي بالغصب جابك تشوفينه ههههه

الهنوف دخلت وراء وردهـ

الجناح كان مره رايق و مرتب ...

ذوق هاي كلاس فعلاا

وردهـ : يالله منزل مبارك عاد الحين بروح اشوف ابوي هدأ او للحين

وانتِ هذي مملكتك اخذي راحتك

الهنوف تتمشى في الجناح : مشكورة تعبتك معي

وردهـ : ولو تعبك راحة مرة الغالي انتِ اذا بغيتِ شيء دقي و اطلبي

الهنوف ارتاعت : ليش حتى نزول ماقدر انزل بعد ممنوع

وردهـ : ابوي اصدر قرار انك تجلسين هنا حتى نزول ماتنزلين ههههه الله يعينك

مدري وش اقولك بس من جد ابوي ترا مدري وش فيه على حجرف كذا يعامله

لان حجرف عصبي و اللي براسه يسويه مايهمه كلام عماني كلام ابوي عرفتِ

الهنوف : طيب انا وش دخلني بالسالفه

وردهـ : نسيتِ انك زوجته ههههه

الهنوف : ايه صح زين اللي ذكرتيني هههههههه

وردهـ : عن الخبال يالله بنزلـ انا ..

طلعت و سحبت الباب معها

و الهنوف تتجول في الجناحـ

اعجبها التنظيم

بخطوات مبعثرة دخلت غرفة النوم و الخوف يتحكم فيها ...

الغرفة مرهفة و رمانتيك مره

السرير

التسريحة

الاريكة المذهبه

كل شيء يحتويها راقي جداً

لفتت انتباهها عطر على التسريحه مشت بخطواتها الخائفة

مسكت العطر بلونه الاسود من باكو رابان

وكأنها تتذكر نسماته و أنفاسه ...

شاتت العطر بقوة و إمتعاض

كبدها لاعت شوي ...

لفت و شافت الدولاب

بسخرية لاذعة تقدمت خطوة خطوتين

فتحت اول درج .... شافت ثياب كثيرة معلقه بترتيب و تبدو المشلح الاسود

تذكرت ليلتها

تذكرت بؤسها

ولا زالت بقايا العطر تزيد من مساحات القلق

قفلت الدرج

وفتحت السحب الاول

شافت مجموعه كبيرة كبيرة من الصور

مسكتها و هي تتذكر شكلها اول وش كانت فرحتها اذا شافت له أي صورة

عكس الحين كل الصورة بين ايديها بس الفرحة ماتت

وانت اللي ذبحتها يا حجرف بيديك ...!

شافت له صورهـ تحس بعيونه ملامح حزن

ملامح بعثرة

بعثرة تبي من يلمها و يحطها بالمكان الصحيح !!

حست بألم فظيع بظهرها....

رجعت الصور مكانهم

و جلست على الاريكة

تكأت ظهرها

بس الألم يفتك فيها زيادة .....

قامت و مشت شوي

راحت الكاونتر اخذت لها كاس مويا

و جلست في الصالون مددت رجولها ...

و فكرت تدق على امها عشان تتطمن عليها و تطمنها

بس تذكرت انو شطنتها تحت

الهنوف : ياليل كيف انزل وذالمسلم مانعني وش السواة ...؟

مسكت الثابت و شافت ارقام الغرف و المطبخ و كل مكان بالبيت

الهنوف : خل نشوف روزليندا وش تصير ذي ...؟ << فاضيه

روزليندا : سير جو

الهنوف رفعت حاجب " نعبو عدوك حتى الشغالات مشبكهم " : اقو ل انتِ يا فلبينو اسمعي

فيه صاله كبير شنطة بني هاتي فوق

روزليندا : انتا مين

الهنوف بعصبية : مدام حجرف

روزاليندا تكرنت : اوكي مدام

شويات و جابت الشنطة طبعا لا تفوووووووتكم نظرات ذالفلبينية للهنوف

الهنوف حطت يد على اطار الباب و يد على خصرها و تناظرها على تحت

لانها قصيره بالحيل ....

و بعدين ذلفت روزليندا و قفلت الهنوف البابـ

دقت على امها و طمنتها انها بخير

و دقت على ريم اللي فطست ضحك عليها << مما تم اختصاره

-

-

-

في مطار الملك خالد

وصلت الرحلات

رحلة ألمانيا

و ايضا رحلة ايطاليا

تلاقوا سلموا على بعضـ

والقلوب قد بدت تنتعش

الساعه 4 العصر يمكن

في بيت ابو تركي

الجميع مبسوطين برجعة بندر بالسلامة

امه بكت كثير لانو خبى عليها العملية

بس الحمدلله انو قام منها بالسلامة ....

بندر ما توقع يدخل هالبيت مرة ثانية

الجميع حوالي بندر و مبسوطين بسلامته و رجعته

-

-

-
الرجال كثير في المجلس عشان يسلمون على بندر و نايف

و يتحمدون لهم بالسلامة

طلع من مجلس عمه فهد بعد ما سلم على الاهل كلهم

" مشتاق لامي بروح لها "

و هو يسوق بالطريق لاحت في باله و ابتسم

" من جد براسي يالهنوف بس اصبري مابعد جاك شيء "

بسرعه يجتاح السيارات

حتى وقف في بيتهم

فتح الباب بكل شوق

و تفاجأ بابوه عبدالله متكي

حجرف : ههههه ياحليلك يبه مسرع طلعت من مجلس عمي فهد المهم وين العجوز

مشتاق لها بالحيل

ابوه : تشوفني جالس يعني اكيد منيب جالس احتريك صح

حجرف حرك حاجبه و شات نظارته على الطاوله : سم طال عمرك

ابوهـ : يعني زوجناك قلنا بيعقل و يركد وانت للحين على حالتك

حجرف بدهشه روعت ملامحه : أي حالة يبة وش فيه بس

ابوه بعصبية : زوجتك وينها ماتدري عنها ولا عن شيء خير إن شاءالله

فضحتني مع الناس

حجرف بعصبية شوي : والله عاد يابعد راسي حياتي وانا حر فيها

ابوه : إلى متى وانت منزل راسي كذا مابعد ركدت

حجرف بعصبية : يابعد راسي ماعمري نزلت راسك بس يابوي تعرفني زين انا مااحب احد

يتدخل في حياتي زوجتي عندي ميب عندي ماحد له شغل فيني ولا فيها زين كذا

ابوه بعصبية : من فارقه الزين إلا شين و كلك شين بفعايلك

حجرف تنهد شوي ...: وش المطلوب

ابوه : تصير رجال و تتعدل خلااااص ترا منيب مسؤول عنك فاهم ياما تتعدل او تنقلع

تشوف لك شغل بعيد عن شركاتنا واي مجموعه باسمنا احلم تجيها اذا ما تعدلت

حجرف تكرن بقوة : ملعون ابو الشغل يابوي اللي يخلي النفوس كذا .....

ابوه بعصبيه فظيعه : عيني لا تشوفك هنا فاهم .........! و بكل قوة عين و طلاقة وجه ترد علي ياللي ماتستحي

عيالي كلهم مافيهم اللي يطاولني غيرك وتاليتها معكـ

حجرف بهدوء : رجاء اخير ليس إلا يبه ....... بس الليلة بجلس هنا و من الفجر اوعدك منتب شايفني

بشوف امي واخواني بس وعلى بال مااضف اغراضي وعد مايجي الفجر إلا انا مريحك

ابوه : فكه درب يسد ما يرد ... << معصب بقوة

يالله انقلع عن وجهي ماابي اشوفكـ ...

سحب نظارته و مسكها و مشى طلع فوق بخطوات مسرعه تكاد تلتهم المسافات

طاحت النظاره و تكسرت بالدرج

ولا ألتفت حتى لها

راح لغرفته ضغط الباب

انصدم

ضغط الباب بقووة

انصدم اقوى

الباب مقفل

ضرب الباب برجله

و تذكر انو ابوه قايل له قبل ينسى ذالغرفة خلاص

حياته بتكون في الجناح اللي مخصص له ...

تذكر انو نقل ملابسه هناك ...

معصب بقوة ولا يحس بحاله .....

مشى بسرعه للجناح وقف امام البابـ

وطلع جواله اللي يدق و رد عليه

-

-

من الطرف الآخر

فسخت العباية و تمددت على الاريكة الموجودة بالصالة ...

ونذاله منها كل شيء تطلب من روزاليندا طلب ...

وميته قهر كل البنات طلعوا السوق مع بعض و بعدين مروا هايبر بنده اشتروا لوزام للبارتي

وهي في السجن هنا تحت رحمة عمها .....

سمعت صوت الباب

قالت بينها وبين حالها اكيد ذي روزاليندا ...

بقهرها دام انها خاقه عليه

ضبطت شعرها و ضبطت الفستان اللي الحزام مرتخي شوي عشان تريح ظهرها ...

وقفت و ألتفت

شافت الباب انفتح

حجرف رفع عيونه و انصدم

و هي انصدمت اكثر

و التقت العيون المصدووومة

بلمت ساعه

الهنوف بصوت خافت مرتاع : حجرف

حجرف معصب وتوه محاكي وليد اخوه اللي اقنعه بس يحضر الحفلة و بعدين براحته

حجرف ناظرها و كان معصب ... و كمل طريقه

حجرف : انتِ هنا

الهنوف تحس بطنها ينزغها بقوة : لا هنا وش تشوف يعني

حجرف معصب بقوة : شوفي ترا مااااالي خلقك ابدااااااااااا

الهنوف عصبت : لا والله انا اللي رايقة لك يعني

حجرف بيقهرها : كفايه انك تستقبليني لا و ( ناظر لبسها فستان رايق يجنن ) متكشخه والله

الهنوف بقهر شوي و تبكي : لااااا يابابا هذا ابوك جابني و شاتني هنا من الظهر و للحين مسجونة

حجرف ناظرها بعصبية : من جدك

الهنوف : لا اكذب اناا

حجرف : بنت لا تلفين و تدورين انا مالي خلقك احكي بسرعه

الهنوف : اقول لا تنافخ علي منب بصغر عيالك اناا منتب مصدق اسأل امك

حجرف طلع جواله : امي وين راحت ماشفتها بالبيت ؟

الهنوف : راحت الإستراحة من العصر

حجرف تذكر الإستراحة و اللي فيها : ليش مااخذوك

الهنوف معصبه : قلت لك مسجونة جابني من صباح رب العالمين و قفلوا علي الباب بس

انا وذالفلبينية

حجرف ابتسم بقهر : روزيلي

الهنوف تبتسم بسخرية : ايه اللي مخزن رقمها برقم 8

حجرف : وهـ بس يا روزيلي

الهنوف حست بحشرجة ببطنها و كتمت ضيقها

دق جوالها

الهنوف : هلا ريم

ريم : هلااا هاه وينك متى بتجين للحين مانفك قيدك ؟ بنات قصروا اصواتكم مااسمع

الهنوف الصيحة واصله : ياقليلات الخاتمة كذا بدون تسوون كل ذالصوت

ريم : هههههههههه لا وفاتك تو نزلنا السوق و فحطنا بعربيات هايبر بنده

لين داخت روسنا

الهنوف كتمتها العبره : و البنات كلهم فيه ..؟

ريم : إلا زينة للحين ماشرفت ههههههههههه

الهنوف : طيب

ريم : وش فيك عاقلة و مؤدبة عندك احد ؟

الهنوف : ايه

ريم " فيس مرتاع " : حجرف عندك

الهنوف : ايه

ريم : يؤ عز الله منتب جايه اجل

الهنوف رفعت صوتها : ليش مااجي لا اكيد بجي خير وينى فيه ؟

ريم : انتبهي لحبيب خاله بس خخخخخخ

الهنوف : باي

قفلت بوجهها

الساعه 7 المغرب

حجرف معصب للحين .. وفي الغرفة اخذ كل اغراضه

الهنوف جالسه في الصالون حتى ما كلفت تدخل تشوف وش يسوي ...

كبدها لاعت بقوة ماتدري ليش تكره العطور الرجالية بانوعها

تسبب لها توتر فظيعـ

ضبط اغراضه كلها ....

استغربت وهي تشوف الشنط

خافت شوي .. وقفت و ناظرت الشنط

وتشوفه معصب بقوة من اول مادخل وللحين

الهنوف : وش ذا << بطله والله ^_^

حجرف ابتسم لها وسط عصبيته : ماعمرك شفتِ شنطة سفر

الهنوف بأسى : سفر

التقت العيونـ

حجرف : لا مدرسة << معصب

الهنوف يوم شافته عصب ... تكرنت

الهنوف : ابي اروحـ عند اهلي

حجرف : وانا رادك روحي انزلي واذا علي ابوي ماعليك منه لا تطقين أي خبر

الهنوف مستغربه من كلامه اكيد متهاوش مع ابوه

الهنوف : لا ياشيخ ومين بيوصلني

حجرف معصب : انا بروح الإستراحة منيب فاضي اوديك بيت امك

الهنوف يدينها بخصرها : احلف بس وليش يعني اهلي وين اهلي بالإستراحة

حجرف ناظرها : يالله اجل

الهنوف : يالله بصلي اول

حجرف : اوكي

صلوا ...

ودها تضبط ميك آب بس ماتبيه يشوفها ...

حجرف رفع السماعه : مرحبا حنفي اسمع بنزل الشنط ارفعهم بالسيارة

يعطيك العافية باي

حجرف : انا تحت ترا

الهنوف : خلصت ...

نزلوا مع الدرج ...

ابو وليد جالس في الصاله معه ارواق

الهنوف تناظره بحقد ميته قهر منه

و حجرف كمل طريقه ولا كأنه موجود ..

ابو وليد : يا ولد

الهنوف خافت من نبرة عمها

حجرف وقف : سم

ابو وليد جا يمشي بخطوات مغرورة جدا وشات عليه اوراق و معها شيك

الهنوف عيونها طلعت من راسها ...

حجرف يناظر الاوراق اللي طاحت ضربت صدره وبعدين طاحت بالارض

ابوه : ذالاوراق راح تنفعك بما انك تحديتني وانا ترا ما تكرمت و عطيتك هالشيك

والاوراق إلا عشان بنت اخوي الله يرحمه مابيها تحس بنقص ابد

الهنوف بدلاخة عصبية : وش دخلني انا

ابو وليد : يعني لاني احترم وصية ابوك مابي هذا ( اشار على حجرف) يعيشك بمستوى اقل

الهنوف بشموخ : مين قال اصلا اني برجع معه بروح لبيتنا انااا

ابو وليد ابتسم بإنتصار : شفت شلون حتى البنت طحت من عينها

حجرف بسخرية يناظرها : مااسمع حكي يبه انا مدري كانك تسمع احد يحكي

انا مااسمع ومن ذي اصلاا حتى عيني مابعد شافتها للحين

الهنوف تحس قلبها انطعن بسكين " وش ذنبي ياحجرف تقولي كذا و قدام ابوكـ "

ابو وليد : بحريقة انتم الاثنين هههههههههه

راح و تركهم

الهنوف دمعتها بمحاجر عينها

و حجرف ساكت تماما .....

في الطريق

توتر

و قلق

دق جوال حجرف :: هشام يتصل بك

حجرف : هلا ابو عزيز بخير انت كيفك والعلوم اخبار ؟ ماشااءلله مسرع نشر الخبر وليد هههه

لا خلاص انا جلسه في ذالبيت ماعاد لي جلسة ......بقريح بحريقة على قولته

هشام معليش من جد معصب لا تقولي شيء لنا حكي بعدين يالله باي ...

قفل الجوال و سحب نفس عميق

حجرف ناظرها : وانتِ مستقوية عند ابوي ماانيب برجع معه ..ابركها ساعه

ميت عليك عاد اناا ... اصلا كنت بقولك عن اننا نتطلق بس جت منك احسن << مره عصبي

الهنوف " يعني اصير مطلقه وانا مالي شهر وشوي " : اوكي

صدت عنه وعيونها كلها دمعــ

" حسبي الله عليك تسوي كذا لاني يتيمة ولا عندي اب يدافع عني اخواني اعمتهم الطيبة "

حجرف : وصلنا ترا او تبين نفتح لك البابـ

الهنوف بصوت باكي حاولت تتقوى بس عجزت : مابي لك شيء

فتحت الباب و نزلت

ولا زالت كلمتها لها وقع كبير بقلبه ...

نزلت تمشي بخطوات مرتجفة ....حزينة

وقفت و سحبت نفس عميق و دخلت

الهنوف : السلاااااااااااااااااااا م

الجميع : و عليكم السلاااااااااااااام اهليييين

وسلموا على بعضـ
-

-